|
حلم الطفولة
السلام عليكم
اولا انا طالبة في تانية ثانوي في القسم العلمي وطالبة منكم طلب ياريت لا تردوني خائبة انا عاوزة اعرف ازاي دخلتم طب هو اكيد السؤال ده اتكرر كتير لكن انا حاسه بجد اني لو مدخلتش طب هتحصلي صدمة كبيرة :(:confused: ويمكن اروح فيها انا مش ببالغ لان ده حلمي من سنة اولي ابتدائي يعني كل يوم بيزيد هذا الشوق وهذا الحلم الذي اريده ان يتحقق والحمد لله انا مستواي كويس لاني كنت بطلع الاولي دايما ولكن انا خايفة جدا جدا ومش عارفة اعمل ايه والله انا بسهر لحد الساعة 2 وبذاكر كويس جدا لكني خايفة اني مجيبش مجموع كبير ومدخلش الكلية اللي انا بحبها وبدعي في صلاة لي ان ربي يدخلني كلية الطب ارجوكم طمنوني ده طلب اخت ليكم وياريت متزعلوهاش :blush: |
اقتباس:
بالتوفيق فقط..................... لو معاكي التوفيق ربنا هيوفقك للمذاكرة هيوفقك إزاي تذاكري هيوفقك في الإمتحان ومش هيخليكي تنسي حاجة ده حتي هيوفقك أنك تقابلي ناس تنصحك بجد .............. طيب تحصلي علي التوفيق ده بأنك متقصريش لا في عبادة ولا في مذاكرة ولو مقصرتيش ومع ذلك مدخلتيش طب يبقي نصيبك كده مفيش حد بيكتب قدره وإلا كان كل واحد كتب أنا عايز أخش طب وأبقي غني......... ولو كل الناس دخلت الطب........البشرية هتنتهي لأننا في حالة تكامل وعلي فكرة ليست كلية الطب هي الأفضل علي الإطلاق فهي عملية ديناميكية ليست ثابتة عند الناس اما موضوع الحلم............ أنا طول عمري بحلم أني أخش بترول وتعدين وفي 3 ثانوي أخدت أسبوع رياضة 2 وبعد كده حولت أحياء ربنا عايز كده............. وأنصحك يبقي هد فك أنك تجيبي مثلأ 99 % علشان يبقي في عملية من المرونة وتتقبي الوضع في بشري او صيدلة أو أسنا ن أ و علاج طبيعي .................. وربنا يوفقك |
اقتباس:
والسلام عليكم وبالتوفيق لنا جميعا |
اقتباس:
|
ربنا يوفقك يا رب و يهديكي إلي ما ترغبيه في رضاه و لو سمحتي ادعيلي معاكي دائما في صلاتك أكون الأولي دائما و ربنا ينصرني و يحقق لي ما في بالي يارب
قولوا آمين |
ان شاء الله هدعيلك و ربنا يوفقنا كلنا يارب ونطلع من الاوائل ان شاء الله
|
لا بلاش كلمة من الأوائل دي لو سمحتي الأولي دائما
|
اقتباس:
ان شاء الله الاولى منقدرش على زعلك يا قمر بس قليلى طموحك الاولى على ايه بالظبط على المدرسه ولا المحافظه ولا الجمهوريه بصى كل اللى قدر اكدهولك ان ربنا مبيضيعش تعب حد وعلى قد تعبك هتلاقى عشان كده سالتك طموحك لحد فين عشان تعرفى تحددى مقدار المذاكره ودايما تذكرى (ان الله لا يضيع اجر من احسن عمل) وبالتوفيق يا قمر وان شاء الله الاولى بس ابقى قولى عشان نبارك |
يارب الكل ينجح ويحقق احلامه
اللهم امييييييييييييييييين |
اقتباس:
|
ربنا يفقنا جميعا يارب يارب نطلع من الاوائل على فكره انا عجبنى اوى الاصرار اللى عند بإذن الله الأوليوباذن الله الاولى طول ماعندك اصرار وانا كمان حلم عمرى اطلع الاولى بس للاسف صعب دلوقتى يمكن كان ينفع زمانيارب وفقنا
|
بالنسبه للدكتوره كيمو(ان شاء الله)خلى ثقتك فى الله كبيره وذاكرى كويس وخلى عندك يقين ان ربنا مش هيضيع تعبك ابدا ربنا معاكى
|
شكرا ليكم بجد يا جماعة و من ناحية نفسي أكون الأولي علي إيه ، فأنا إن شاء الله هأكون الأولي علي الجمهورية بإذن الله و بكدا أكون الأولي علي مدرستي و محافظتي و جمهوريتي كلها و مفيش حاجة أحسن من كدا لي . بس المشكلة في الظلم في الدرجات و التصحيح مش بيكون كويس بالذات في الشهادات و المشكلة الأكبر هو مراجعة التصحيح مش بيكون غير بجمع الدرجات و لو عاوزين مراجعة الدرجات بيكون بتقديم طلب في المحكمة زي قضية يعني و الحكم فيها بيكون بعد تقريبا4أو5 شهور
يبقي كدا في عدل؟ أبدا أنا دلوقتي في 3 إعدادي و كنت في امتحاناتي في اللجنة إللي كنت فيها قمة الغش و كمان كانوا بيقولوا مفيش إجابات بتدخل اللجنة علشان فيها الأوائل و لجنتنا أصلا كان فيها كل صور الغش و أنا قلت للمراقبين يمنعوا الغش و لا حياة لمن تنادي أبدا و قاعدين و لا كأنهم شايفين حاجة مش ترضي ربنا قدامهم و الله البنات كانوا بيراجعوا الامتحانات مع بعض و إحنا لسا في اللجنة و المراقبين كمان شايفين كل دا و ساكتين و أولياء الأمور يوميا بالمدرسةو جت النتيجة لقيت إني مظلومة قمة الظلم أنا كنت داخلة الامتحانات أصلا واثقة بربنا و بي إني مش هقل و لا ربع درجة بس إللي حصل في الامتحانات إني في مجموعي الكلي هقل درجة و نصف درجة ،في النتيجة لقيتني قليت ست درجات و نصف درجة ،يبقي دا عدل؟و أنا كنت مراجعة إجاباتي و كتباها و عارفاها و أما بيكون عندي حاجة غلط بعرف إنها غلط و رحت أراجع التصحيح و بردو جمعوا الدرجات و قالوا زي ما هي و والله كنت عاوزة أقدم طلب المحكمة دا بس هيتقال الحكم بعد ما نتيجة الترم الثاني تبان أصلا و بابا قال كدا كمان مع إن الموضوع سهل بس بيأخذ وقت كبير و إللي حصل دا يدل علي إن في إهمال في التصحيح و حسبي الله و نعم الوكيل ربنا إن شاء الله هيحاسب إللي عمل نظام مراجعة التصحيح كدا و هيعاقبه يا إما إللي حصل لعبة زي ما حصل معي في سنة 6إبتدائي قولوا لي لو سمحتم أعمل إيه لما الظلم بيلاحقني دائما كدا من صغري؟ و في النتيجة إللي بكون مستنياها و فرحانة إني هأكون الأولي بحقي مش حلم حلمته و بإجاباتي و ألاقي النتيجة أكبر صاعقة و في الآخر إللي يتمتعوا بمكاني ناس أنا مش بقول إن هم مش ممتازين لأ شطرين ممتازين بس ميجيبوش المركز الأول و الله و أنا أزيدهم و كمان في سنة ستة رحنا للتصحيح و المعاد كان اتقال لواحد من بلدنا يقوله لبابا و مقالش لأنه كان أصل اللعبة و الله أعلم و هو عارف إن هييجي لي درجات أنا قولوا لي أعمل إيه و أنا الظلم معي كدا و أنا بتقطع من جوايا و بعيط كل شوية و البنات فرحانة في و بالذات إن في مشاكل بسبب إن كنت بطلع عليهم الأولي و مضايقين؟ أنا آسفة يا جماعة طولت عليكوا بس مش عارفة أعمل إيه و مبقتش أتكلم مع حد في الموضوع دا في بيتي و بتكلم مع صاحبيتي بس و كمان مش بشفها كثير و مش بنعرف نتكلم علشان الوقت |
وانا كمااااااااااان والله زيك بالظبط ممكن اموت لو مدخلتش طب . ربنا معانا كلنا انا تعبت والله حاسه ان كل حاجه راحت خلاص ومحدش واقف جمبى للاسف
|
ربنا يكرمكم جميعا وتدخلوا الكليات اللى بتحلموا بيها بس انتوا ذاكروا كويس وخلى عندكم ثقة بالله سبحانه وتعالى وانا كان نفسى ادخل طب بس الحمد لله دخلت كلية علوم واستفدت منها حاجات كتير
|
شكرا لكل من شارك سواء بالدعاء لنا او بتشجيعنا وياب وفق كل الناس وحقق لهم كل ما يتمنوه ان كان خيرا
لانفسهم |
اقتباس:
المهم مش انتي انسانة واثقة بنفسك وكويسة في المدرسة اتوكلي علي الله وقولي يارب وادعي ربنا كتير علشان يوقف في طريقك ولاد الحلال اللي يدوكي الدرجات اللي تستاهليها عن حق اما عن صديقاتك بالمدرسة فلا يهمك امرهم اكيد بيغيروا منك واخيرا وليس اخرا انصحك الدعاء ثم الدعاء ثم الدعاء |
السلام عليكم
اولا يا كيمو احب اقولك انى كنت زيك بالضبط ويمكن كمان اكتر كنت بتمنى الكليه دى اكتر من اي حاجه تانى والحمد لله ربنا كرمنى ودخلتها ونصيحتى الاولى ليكى هى هدوء الاعصاب لانى بجد لما كنت بخاف كنت بنسى اللى ذاكرته ونصيحه للجميع (كل واحد له دوره فى الدنيا دى فى اى مكان هو فيه وفى اي كليه هو فيها والمهم انه يستفيد من مكانه فى المكان ده ) وانشاء الله الاقيك كده بتبشرينا بدخولك كليه الطب ونبقى زمايل انشاء الله |
والله مفيش غير طاعة الله والوالدين والتقرب من الله انا الحمد لله اولى طب شبين (اكبر مجوع في كل الكليات ) ومش هتصدقوا لو قولتلكم اني كمنتش بزاكر غير الكتير قوي ساعة في اليوم وفي اخرة السنة كنت بشد شوية والحمد لله ربنا كرمني علشان بصلي وبطيع والدي اهم حاجة وربنا معاكم جميعا ومعانا في الكلية
|
اقتباس:
انا لما لقيت ردودكم دي ارتفعت معنوياتي جدا وان شاء الله نبقي زمايل |
اقتباس:
اما المذاكرة فانا بذاكر علي طول بس في مواد معقداني في المدرسة هي الرياضيات علشان انا مش محبها من زمان بس بحاول اني احبها وهي مسببالي ازمة كبيرة دلوقتي في الدراسة قولولي اعمل ايه |
عليكي بالدعاء لحلها
أما بالنسبة لي فوالله دائما بدعي من زمان شوفي لو كنتي مكاني هتكوني إزاي إللي أنا قلته دا مش جاي ربع إللي حصل لي دا اختصار الاختصار ادعي لي دعوة جميلة بإني أكون الأولي علي الجمهورية و مجموعي لا يقل و من قلبك و الملائكة هتقول لكي و لكي بمثل |
اقتباس:
اما عن موضوعك ففي ناس كتير اتظلمت في الموضوع ده وبصراحة الموضوع ده لابد من ايجاد حل له لكن ما هو الحل يا تري هنا السؤال |
السلام عليكم
ايه ده يا كيمو انتى صعيديه انا كمان صعيديه ومن سوهاج انتى من فين؟ |
ههههههههههه يا رب حقق احلامهم وحلمى بس مش هقولوة عشان محدش يضحك عليا :p
|
اقتباس:
|
السلام عليكم
ما بعدناش كتير يعنى احنا جيران على كده :friendsxs3::friendsxs3::friendsxs3:وطبعا الشرف ليه انا:022yb4::022yb4::av4056bb7jp3::av4056bb7jp3: |
ربنا يكرمك يا رب
|
اقتباس:
بس انا كنت عاوزة اسأل حضرتك سؤال هو انا لازم اجيب كام في تانية ثانوي وفي تالتة علشان اقدر ادخل طب بإذن الله |
اقتباس:
اللهم امين |
انا نفسي ادخل كليه الطب انا في تالته اعدادي كلهم في البيت وقرايبي ومدرسينابتدائي كانوا بيقولولي يادكتوره بس انا خايفه لمقدرش احقق الحلم
|
اقتباس:
ماشي ربنا معاكي وعلي فكره هو مش حلم بعيد ولا حاجه اي واحد ممكن يدخل طب مش شرط يبقي شاطر اوي يعني |
السلام عليكم
اقتباس:
والله يادكتور عندك حق انا لو بمذاكرتى اللى كنت بذاكرها عمري ما كنت دخلت طب ولا حتى شفتها :blush::blush::blush:والله كله توفيق من ربنا وع فكره انا مش بقولكم كده علشان تتكاسلوا عن المذاكره بالعكس لازم تبذلوا اقصى ما ف وسعكم :av4056bb7jp3::av4056bb7jp3: واهم شئ انكم تكونوا عايزين تدخلوا الكليه دى علشان رضاء ربنا وبس مش لاى سبب تانى وانكم تكونوا مخلصين النيه لله على كده وبظن ان ده سبب توفيق ربنا ليه ودخولى الكليه دى وشدوا حيلكم وتأكدوا ان لو الكليه دي هى الخير ليكم وربنا كاتبهالكم هتدخلوها بتوفيق ربنا انشاء الله:friendsxs3::friendsxs3::friendsxs3: |
بصى يا كيمو انا هقولك رأى مخالف شوية
عايزة تفكيرك يكون فيه مرونة شوية بمعنى اه جميييل اووووى يكون ليكى هدف بس فى نفس الوقت ما اقولش انا حياتى هتتوقف لو ما دخلتش ووووو عرفة انا كنت زيك كدة بالظبط والله كأنك بتكررى نفس كلامى اللى بقوله بالظبط و متهيألى محدش دعا اكتر منى كمان لكن شاء ربنا و السنة بتاعتى كانت فيها اصعب امتحانات و دخلت صيدلة والله العظيم يا كيمو انا عرفت ربنا بيحبنى اد ايه لانه حطنى فى مكانى المظبوط و فى المواد اللى انا بحبها و فى كليتى اللى بموت فيها دلوقتى و بجد كل ما بدرس عندنا مثلا مواد من طب او رياضة يعنى مواد من هندسة اقول ازاااى انا فكرت فى اى كلية غير كليتى اللى بعشقها و بحس انى فخورة بيها و عرفت ان ربنا خلى الدعوات دى تتحقق بس فى حااجات احسن والله عرفت ان الانسان دايما المفروض يدعى بالحاجة اللى فيها خير ليه و ربنا بيحطنا فى المكان المظبوط بجد و اللى هنحقق فيه نجاح بجد بس بجد والله بتمنالك من قلبى يكون ليكى خييير فى الكلية اللى بتتمنيها يا دكتورة ان شاء الله و تحققى احلى نجاح فيها بس حبيت اقولك على نقطة مرونة التفكير دى حتى لو مش ليكى يبقى لاى واحدة تانية من صحابك كانت بتتمنى نفس امنيتك بجد نفسى كلنا نرضى باللى ربنا بيكتبهولنا و ما نقولش لو ما حصلش كذا يبقى هنمون وووووو لا بجد كل حاجة بيكتبهالنا ربنا خير والله ربنا يا ااااااا رب يرزقك بالكلية اللى بتتمنهيا و يكون فيها الخير ليكى اسفة معلش على الاطالة |
ربنا يوفقنا جميعا انا كمان نفسي ادخل كليه الطب اوي همووووووووووووووت وادخلها
|
وانا وانا ادعولى ادخل طب لانى زيك كده ممكن يحصلى حاجه لو مدخلتهاش ربنا يوفقنا كلنا ياااااااااااااااااااااااااارب
|
| جميع الأوقات بتوقيت GMT +2. الساعة الآن 06:53 AM. |
Powered by vBulletin® Version 3.8.11
Copyright ©2000 - 2024, Jelsoft Enterprises Ltd.