|
(((___دمتم فى رعاية الله وأمنه___)))
السلام عليكم ورحة الله اولا ازيكم يا جماعة يارب تكونا دايما بخير انا بس حبيت اقولكم بغيابى من الان وربنا يعلم انى والله مش عامل الموضوع انى اعرف مين الى بيحبنى والكلام دة بس خلاص انا حاولت بكل المقاييس انى اكمل مش هاينفع بس احب اوجه رسالة كدة صغيرة لمجموعة اعضاء ومشرفين اولا الدكتور هشام :جزاك الله خيرا على ما قدمته لنا طوال العام وربنا يجعله فى ميزان حسناتك الاستاذ اشرف: الحمد لله مع حضرتك حسيت انى ماليش اى قيمة فجزاك الله خيرا الاستاذ عصام والاستاذ حسام:ربنا يعينكم احمد رضا:الحمد لله اتعلمت منك كتير جدا وخليت اسلوبى فى النقاش يتطور بدرجة ملحوظة فجزاك الله خيرا اسلام المرشد:انت اخونا الكبير فى المنتدى بس احيانا اسلوبك مش بيكون متناسب مع شخصيتك لانك انسان طيب مصطفى فتحى:من اكتر الشخصيات الى احترمتها فى بذل قمة مجهودها فى المكان المتواجد فيه احمد 2025:بعتذرلك ان كنت ضايقتك بس والله انا عمرى ما حقدت عليك ولا حبيت اقلل من قدرك وعاوز تكمل الى بداته وتكمل مشوار الموضوعات المتميزة واسف ان كنت سببتلك الحزن او الضيق الاستاذ بورسعيدى:ضربت لى اروع الامثلة فى احترام الاخرين وتقديرهم الاسطورة:شخصية فعلا مرموقة ومتسامحة وياريت تفضل هنا جينيرال:الموضوع الى حصل بينا اعتقد عدى عليه مدة واحنا داخلين على رمضان وياريت ما يكونشى فيه زعل منى او من اسلام المرشد او من الدكتور زومبا الدكتور زومبا:ياريت تكمل موضوعاتك فى الشخصية اليهودية محمود طه:ربنا يسهل وهاشوفك قريب جدا ان شاء الله شريف الخضرى:ان شاء الله متاكد انى هاشوفك مهندس كبير انس:ياريت تعذرنى على الى حصل منى لاننا للاسف ماكناش بنتكلم غير ايام الثانوية العامة الى كانت ضاربة عقلى المجاهد فى سبيل الله:استفدت كتير منك فى الدين واسال الله ان يبارك لك فى علمك الدكتور احمد:جزاك الله خيرا على مدك ليد العون دائما للطلبة منذ بداية العام وارجوا منك اكمال موضوعاتى الدراسية حسام الشرقاوى:ربنا يعينك على الى حصلك السنادى بس لا تيأس وكمل وان شاء الله هاتبقى شخصية مرموقة جدا ميس رانيا:كان ليا الشرف انى عرفت حضرتك فحضرتك شخصية مميزة بكل المقاييس أرق ملاك:ياريت تقللى من ضغطك المستمر على نفسك سندريلا:انصحك نصيحة لله لما تبقى مضايقة تأجلى الرد لانك بتتأثرى بسرعة اية من الله:ربنا يبارك فى علمك وانتى مثال للبنت المسلمة واسف على الكلام الى خرج منى قبل كدة تيمون وبومبا:ان شاء الله نشوفك حاجة كبيرة الدكتورة سارة:جزاكى الله خيرا على مساعدتك لغيرك وفعلا اتعلمت منك كتير طمعانة فى رضاك يا رحمن:استمرى فى موضوعاتك التى دائما تفيد غيرك لانها فعلا بتنبه لحاجات مهمة جدا بوسى:ان شاء الله مش هارضى انك تكونى اقل من كلية الطب زاهايمر:انا اعتبرتك اختى الصغيرة وربنا يوفقك وتحققى امنياتك وجزى الله خيرا جميع الاعضاء على حسن معاملتهم لى واعتبارى اخا لهم فى امان الله |
اللى انت شايفه صح
اعمله يا سعيد |
اقتباس:
بس امشى بأحترامى احسن فى امان الله |
لية لية لية بس كدة ما ينفعش تسيب المنتدى
واى حاجة مضيقاك لازم تقول عليها اى حاجة غلط مش لازم تسكت حد اتظلم من حد لازم تقف جنبة وتدافع عنة ياريت ما تسيب المنتدى الاعضاء كلها اللى عارفاك بتترجاك انك ما تسيب المنتدى ارجوك ارجوك ارجوك |
يااااااااااااااااااربى
فى ايه يا دكتور سعيد لو سمحت لم هدومك وارجع تانى بجد بقى ماينفعش مش تقعد تقنع فينا اننا منسبش المنتدى وفى الاخر تيجى انت وتسيبه بجد الناس اللى هتحافظ على المنتدى تسيبه ازاى دى ماينفعش كدة بجد المنتدى محتاج علمك وامثالك يااااااااااااريت تسمع ليا وترجع تانى |
اقتباس:
ياريت بلاش الكلمات دى فى امان الله |
اقتباس:
عندك انتى وميس جنة وميس رانيا والمجاهد واسلام المرشد وبردة من حيث العلم مش ضرورى وجودى لان خلاص القرار نهائى فى امان الله |
اقتباس:
|
اقتباس:
وخاصة الاستاذ اشرف |
انت هتسيب حقك وحق اصحابك ولا اية يا سعيد
؟؟؟؟؟؟؟؟؟؟ |
الاستاذ سعيد
اى نعم حضرتك متعرفنيش وانا برده معرفش حضرتك اوى بس الوداع فى حد ذاته مش حلو و مش حلو انك تسيب المكان احترامك محفوظ اكيد انا نفسى كنت حسيب المنتدى بس اصحابى اقنعونى انه مش صح انى اسيب المنتدى حسيت انه فعلا مش صح محش يقدر يطلعنى من مكان بحبه الللى مش عاجبه يمشى هوه مش حضرتك كل واحد مختلف والمفروض نفهم ده و نتقبله ياريت حضرتك متسيبش المكان كفاية ان معظم الاعضاء هنا فخورين بحضرتك طب يبقى الوضع ايه لما تسيبهم و تمشى كده ان شاء الل لو استنيت فى المنتدى انا اكيد كمان حتعلم من حضرتك صح قول صح :d |
اقتباس:
ربنا مش بيضيع حق حد اقتباس:
ان كنت انت ما تعرفنيش انا اعرفك لانى بتابع كل الاعضاء هنا وبقيمهم عشان اعرف اتعامل معاهم وشكرا ليك فى امان الله |
انا اسفة انا بجد كان قصدى ان حضرتك ماتسيبش المكان
انا بصراحة معرفش وضع ايه اللى حضرتك فيه بس ممكن حضرتك اكيد تعرف تحله يا الاستاذ سعيد اى كان رأيك او فكرك اى كان معارضيناك مش صح انك تمشى انت كده تخذل اصحابك اللى فخورين بيك و مابتديهمش قوة انهم يكملوا |
واكيد يشرفنى ان حضرتك تعرفنى وان قعدت انا كمان حعرف حضرتك
|
اقتباس:
اقتباس:
وشكرا ليكى فى امان الله |
اقتباس:
في رعايا الله |
مهما كان اللي انت ناوي تعمله يا سعيد ربنا يوفقك ويعينك فيه وان شاء الله تكون دكتور كبير وتحقق كل احلامك
|
اقتباس:
|
لا حول ولا قوة الا بالله
في ايه بس يا دكتور سعيد انتا عارفانا اكتشفت ان مفيش احسن من تكبير الدماغ وان الساكت عن الحق انسان طبيعى متخدتش فى بالك انا فعلا غلطت جامد لما اديت المنتدى اكبر من حقه واجمل حاجة فى الدنيا انك تكون سلبى ومفيش اجمل من انك تكون على الموضة خليك على الموضوه ياسعيد علشان تقدر تعيش وتموت موتت ربنا موته طبيعية من غير ضغط |
اقتباس:
ياسعيد انا عايزك تفهم حاجة انا مزعلتش منك علشان شخصك وكده انا زعلت من الموقف بس ياسعيد خليك معانا ياسعيد |
مش معقولة يا دكتور حضرتك تسيب المنتدى لا يمكن
كلنا هنا استفدنا من علمك فى الدين كتير بجد والله وردودك ما شاء الله عليها بتنم عن شخصية متدينة جدا وحضرتك ما شاء الله مواضيعك بتدل على انك بجد بتحب كل الناس وبتحب تساعدهم جزاك الله خيرا على مواضيعك سواء الدينية او التعليمية وكما قال الرسول ( صلى الله عليه وسلم احب الناس الى الله انفعهم للناس) ربنا يجعلها فى ميزان حسناتك يا ريت حضرتك ترجع فى قرارك ده لان حضرتك بجد من اعمدة المنتدى ودى مش مجاملة والله ولكنها حقيقة لا احد ينكرها |
اقتباس:
شكرا ليك يا دكتور سعيد وان كنت اعتقد انه لم يكن هناك اجدر منك على مساعدة هؤلاء الطلاب بل مساعدتنا نحن عندما كنا زملاء لن ننسى تضحيتك بوقتك من اجل هذا المنتدى.. لن ننسى وقتك الذي قضيته في هذا المنتدى وان كنت اعتقد ان الوداع كان قادما قادما لا محاله ولا مفر شهر اثنان ثلاثة دراسة كلية طب عملي شفوي تحريري امتحانات ... اتمنى ان تستمر وان تجعل عملك لوجه الله واترك الاشخاص يعبثون ..... كنت في وقت من الاوقات كتبت في توقيعي لا للمهاترات لن اكتب رد الا للافادة او الاستفادة فلتكن مثلي ولا تكترث ..... لا أملك في النهاية الا ان اقول لك في امان الله ورعايته وحفظه والسلام عليكم ورحمة الله وبركاته |
هو بجد مفيش حاجة تتقال اكيد مش هانكون عايزينك تقعد وانت مش عايز كدة بالتوفيق وفى امان الله |
بجد يا دكتور المنتدى هيخسر عضو عظيم ربنا يوفق حضرتك وياريت من وقت لتانى تخش تطمنا على حضرتك:) |
زي ما حضرتك طلبت مش هنقوللك متمشيش اكيد كل واحد عارف طاقته وعارف هو يقدر يستحمل لحد فين بس اللي محدش يقدر ينكره مجهود حضرتك معانا سواء في الاقسام الديتيه او التعليميه وربنا يجعل كل الدعوات اللي دعاها اي شخص استفاد منك مقبوله ان شاء الله جزاك الله كل خير علي مجهودك معانا ولو لقيت اي فرصه متمشيش يبقي كملت جميلك معانا وبالنسبه للجمله اللي وجهتهالي فانا بقوللك اني فعلا بتاثر بسرعه ويمكن متسرعه في ردودي بس والله بيبقي غصب عني واكيد كل اخواتي بيقدروا حالتي وقتها ورغم كل اللي حصل فانا بحترمك كأخ لينا ربنا يوفقك الي ما يحب ويرضي وياريت متكونش شايل اي حاجه من اي حد في المنتدي او بره |
فى امان الله و احنا كلنا بنحبك لاننا كلنا اخوات و ربنا يوفقك و اكيد انت فى قلوبنا و هتفضل فى قلوبنا.
و نتمنى ليك كل توفيق فى ككليتك و نسشمع عنك ان شـــــــاء الله سمع خير. و مــــــــع الف سلامة :D:D:D:D:D:D:D:D:D:D:D:D:D:D:D:D:D:D:D:D:D:D:D:D:D :D:D:D:D |
اقتباس:
الساكت عن الحق شيطان اخرس ويكفى ما رأيته من ظلم للاعضاء منذ دخولى بالمنتدى وفعلا دى بردة غلطتى بس مش موضوع المنتدى موضوع اديت للنت اكبر من حقه انما المنتدى فكان اعمالى فيه لله وبس ولا ارجوا الجزاء الا من الله ربنا يسهل واعموت فعلا موتة طبيعية ولو ان دة شكله يبقى احتمال بعيد شوية فى امان الله |
اقتباس:
وان بعتذرلك امام الجميع على هذا الموقف وجزاك الله خيرا يا احمد انك دايما كدة شعورك طيب ولكن بحذرك ان طيبتك زايدة شوية فحاول تتحكم فيها فى امان الله |
اقتباس:
بس موضوع علمى فى الدين فأنا علمى سماعى ولم اتعلم العلم الشرعى كما ينبغى اما موضوع اعمدة المنتدى فالمنتدى بقى الان على اعمدة خاوية للاسف يتظاهر اعمدته بتطبيق ما يريده الله ورسوله وايضا من الممكن فى ثوانى تغير عضويتك او ايقافها او تغيير اسم المرور لها فى سابقة تاريخية بالمنتديات العربية وكان الله بما يعملون عليم وربنا ييسر فى امان الله |
اقتباس:
الى كنت بعمله او هاعمله كان عشان منتظر الجزاء من الله وربنا ييسر بس ياريت تكمل موضوع مشاكل الثانوية العامة بقدر امكانك فى امان الله |
اقتباس:
اقتباس:
اكيد هايحصل يا تيمون فى امان الله |
السلام عليك
طبعا الادارة وخاصة الاستاذ اشرف اللي حضرتك بتقول عليه (انه خليك حسيت انك ما لك اي قيمة) بيسأل ايه اللي حصل وازاي انا خليتك تحس الاحساس ده يوم ما حضرتك طلبت تسيب الاشراف انا كام مرة اترجيت حضرتك انك ما تسيب الاشراف لحد ما حضرتك حسستيني بالمذلة لغير الله ممكن تقولي أيه هو كلامك معايا غير كدا علشان تقول للناس لو عايزين تعرفوا سبب رحيلي أسالو الإدارة وبالذات الاستاذ أشرف يا سيدي أنا موجود أهو وقولي أنا السبب علشان أنا ما أعرفش تتخيل يوم ما أنا تعتبت من كثرة طلبي لك بالاستمرار في الاشراف طلبت من الاستاذ عصام أنه يقنعك كان رد الاستاذ عصام أنه حاول معاك وانت رافض وقالي خلاص ما دام هو رافض مش هنجبره |
اقتباس:
ان شاء الله انا مش شايل اى حاجة من ناحية اى حد لان العملية بسيطة والحمد لله بس انا نصيحتى ليكى نك مش تردى طالما انتى مضايقة ولما ترجعى للحالة العادية عادى يبقى ردى وخلاص وشكرا للدعاء dr.saeed فى امان الله |
اقتباس:
ربنا يبارك فيك |
اقتباس:
انا اعتذرت لحضرتك واتأسفت لحضرتك مرتين بس عموما ماكنشى عضو ينفع يكمل وهو شايف ان احد رموز المنتدى فى التدين (المجاهد فى سبيل الله) يتوقف كدة بقرار انفرادى بكل سهولة لا وكمان كل ما اسئل (مشرف ادارى) هو اتوقف بسرعة كدة ليه كان الجواب (دى حاجة بينهم وبين بعض) اكيد انى هاقع فى موقف مماثل للى حصل لاسلام المرشد او المجاهد او بستان الجنة وعمرى ما كنت استحمل فى يوم انى اتوقف ظلم وعموما جزاك الله خيرا على قراراتك دائما فى امان الله |
هو حضرتك كان قصدك ان dr.saeed هو الى ماشى و boggy موجود عادى ؟؟:confused:
ايه اللخبطه دى ؟؟:confused: استقر على عضويه تدخل علينا بيها ؟؟:d |
سعيد انت هتسيب المنتدي بجد و الله
ليه بس كده ؟؟؟؟؟؟؟؟؟؟ و الله فعلا المنتدي وحش جدا من غيرك و ربنا يعلم انا بحبك قد ايه و بعزك جداا و بحترمك اوي ليه بس كده ؟؟؟؟؟؟ و لو علي موضوع الوقف و الكلام ده كان مفروض انك تعالج الموقف ده بعقل و رزانة والا كان اي حد في المنتدي يحصله اي حاجة كان يسيب المنتدي بقا لا يا سعيد انا طول عمري مؤيد ليك في قراراتك الا القرار ده و الله فعلا المنتدي هيكون وحش جدا من غيرك و علي العموم يعني مش عاوز اضغط عليك اكتر من كده و كل اللي عاوز اقولهولك بجد ربنا يوفقك و يحميك و ينفع بك المسلمين جميعا و يارب كده اشوفك اكبر دكتور في الدنيا و فقك الله الي مايحبه و يرضاه بجد كانت احلي ايام في المنتدي و بقولك بارده في النهاية بلاش تسيب المنتدي لاننا بنحبك اوووي كلكوا هتمشوا خلاص المجاهد مشي تقريبا و نسمة مشت و في ناس كتيرة جدااا و ناس قدمت للمنتدي كتير اوي قالت بارده انها هتمشي و في الاخر ايه اللي هيحصل المنتدي هيبقي فاضي ؟؟؟؟ علي العموم مش هضغط عليك اكتر من كده و ربنا يوفقك و الله بدعيلك من كل قلبي جزاااااااااااااااك الله خيرا و سابقي اخوك في الله شريف الخضري |
اقتباس:
فهو حل واحد لمعرفة الحقيقة يا تراسلني ع الخاص او تكلم الاستاذ عصام ويستحسن تكلم الاستاذ عصام |
اقتباس:
ياريت نخص مش نعم |
اقتباس:
للاسف يا اسلام كلامك صح كدة الواحد ممكن ينشل لو ما سمعش كلامك |
اقتباس:
هاراسل حضرتك على الخاص فى موضوع اسلام والمجاهد وبستان الجنة وربنا ييسر |
اقتباس:
انما عندك البقية قالولى كدة ومنهم الاسطورة لانه بردة قرب يمشى وهو قايلى كدة على بداية العام الدراسى الجديد فى امان الله |
اقتباس:
اقتباس:
وعارف بردة ان فيه اعضاء افضل منى بمراحل وعملوا للمنتدى اكتر منى بس مشوا لان لكل انسان منا طاقة وانت عارف معزتك عندى ويبقى كلمنى على الايميل لو احتجتنى مش لازم المنتدى وربنا يوفقك يا باشمهندس فى امان الله |
اقتباس:
بس عشان موضوع كرسى الاعتراف ليا وعد مرتبط بيه لما انتهى من هذا الوعد أبقى خلصت تنفيذ وعودى بعد موضوعى فى الاحياء وموضعى فى الفيزيا وموضع اجتماعيات طالب ابقى زى ما قلتلك انى نفذت وعدى ولسة الوعد الاخير لاسدات فى امان الله |
كدا يبقا دخلنا فى الجد يا سعيد ربنا يوفقك يا سعيد معانا او مش معانا بس انت وعدتنى وعد انك مش هتمشى غير لما ترد للاعضاء كرامتهم ياريت تفضل على الاقل لما تنفذ الوعد دا اقتباس:
حاسس ان المشكلة فى عبقرينو طب ازاى قول اللى فى نفسك حقك هيرجعلك بس ابتدى انت بالخطوات الايجابية ونا اكيد معاك لو حاسس بالظلم قول لو حاجة مش عجباك فى الادارة بردو قول وبلاش الخطة العاجلة للانسحاب السا كت عن الحق شيطان اخرس ( مش انسان طبيعى زى ما الناس بتقول ) عموما انا متابع الموضوع وهنشوف هيوصل لايه اقتباس:
ان شاء الله قريب جدا |
مش عارفه ارد اقولك ايه بس في رعايه الله وربنا يوفقك ويكرمك انا صحيح مش اتعاملت مع حضرتك بس بجد شخصيه محترمه جدااااااااااااااا ربنا يرضيك دمت بكل الود في امان الله
|
اقتباس:
كلها اسبوعين بالكتير وربنا يسهل وانا مستنى تنفيذ كلمة الاستاذ اشرف وهابدأ فى مراسلته من غدا بأذن الله عشان شغل المسجد زايد علينا شوية بس انا مش قصدى انسحاب انا كدة كدة ماشى لان قلبى خلاص جاب اخره صراحة وربنا يوفقكم جميعا |
اقتباس:
حضرتك الى محترمة جدا يا هيام وربنا يوفقك |
انا اول مرة اشوف الموضوع
طبعا زعلت بس انت حر فى اخذ قراراتك وان شاء الله هاتكون استاذ سعيد زى ماكاتب ان شاء الله وياريت ماتنساش الوعد الى وعدتهولى انى لو وقف اى حاجة قدامى فى منهج الاحياء هاتساعدنى واديك مشيت فى امان الله انت زى مااعتبرتنى اختك الصغيرة انا كمان اعتبرتك اخى الكبير مش رد جميل والله فى امان الله ربنا معاك وكل سنة وانت طيب وياريت تخش المنتدى عشان تطمنا عليك وتخش على الاقسام التعلمية احنا محتجينك هنا اكتر |
اقتباس:
لو عوزتينى فى اى حاجة هابقى ادخل عشانك انتى وشوية اعضائ كدة انفذ وعدى معاهم ولو شاركت هايكون فى الاقسام التعليمية بس بأذن الله بس طبعا كل فترة كبيرة انما طلبتاكم اكيد لازم انفذها زى ما لازم انفذ وعدى معاكم وكل سنة وانتى طيبة بس ياريت ما تكونيش زعلانة منى فى امان الله |
| جميع الأوقات بتوقيت GMT +2. الساعة الآن 01:26 PM. |
Powered by vBulletin® Version 3.8.11
Copyright ©2000 - 2024, Jelsoft Enterprises Ltd.