|
صيدلانيه وافتخر
طالبه فى صيدله وافتخر ,
هتخرج واعمل صيدلانيه ( ده شرف ليا ) , ولو هتقول ان الصيدلى بياع زيه زى اى حد شغال فى صيدليه او حتى فى سوبر ماركت ( ولا يهمنى ) اقولك ليه ببساطه لانى حابه المجال ده , ومادمت حاباه ربنا هيوفقنى واجتهد فيه واقدر اثبت نفسى من خلال دراستى وشغلى ده غير ان الهدف من اى دراسه انها تؤهلنى لمهنه لائقه اقدر احصل بيها ع عائد مادى محترم وده بيحصل مع الصيدلى والطبيب والمدرس والمهندس والعامل البسيط فمقدرش اقول ان الطبيب لما بيفتح عياده وبيقابل المرضى وبيحدد سعر للكشف انه بيبيع مجهوده وبالمثل ما اقدرش اقول ع الصيدلى انه بيبيع الدواء لان فى الاول والاخر دى مهنته ودى حياته العمليه اللى يقدر بيها يترجم هدفه الانسانى فى مساعده المرضى اخيرااا بطلب من كل طالب صيدلى او من كل طالب بيفكر انه يدخل صيدله مش يلتفت للادعاءات والاقاويل ع مهنه الصيدلى الساميه لان سبب انتشار الافتراءات دى هو اننا كررناها مابينا بدون تفكير وارجو ان يكون موضوعى غير تفكير بعض المتشائمين والمجبورين ع صيدله بحكم التنسيق او ضغط العيله وبالتوفيق للجميع |
جزاكى الله خيرا يا دكتورة عبير
موضوع فعلا تاعبنى أنا شخصيا لانى بإذن الله داخلة اعدادي صيدلة السنة دى ان شاء الله وفعلا ناس كتير فكرتهم عن الصيدلى انه مجرد " بياع على نضيف " وللأسف أنا سمعت الكلام دة من ناس مثقفين في كليات طب ربنا يقدرنا ونقدر نغير الفكرة دى بقى |
الي كل الناس نسياة ان الارزاق بيد الله وحدة
ناس كتير دخلت طب وفي الاخر قاعدة في البيت والامثلة كتيرة لكن لازم الناس كلها تعرف ان الانسان طالما حابب مجال عملة هيبدع فية ويتفوق اشكرك علي تفكيرك العاقل والانسانى اخوكم محمد اعدادى صيدلة الاسماعيلية |
مبروووووووووووووووووووووك على صيدلة
انا كمان صيدلة القاهرة كل حاجة وليها الشغل بتاعها مفيش قلق واحنا مش بياعين احنا هندرس مناهج كتيييييييييييييييير ربنا يوفقنا جميعا |
جزاكى الله كل خير
كلام جميل جدا باذن الله نحن صيادلة المستقبل بعزمنا وهمتنا سنثبت وجودنا ونبرهن على اننا فوق القمة ان شاء الله يلا يا دكاترة امتياز من اول سنة وشدو الهمة وخلوا املكم متعلق بربنا دائما يعنى جددوا نياتكم انكم هتشتغلوا المهنة دى علشان تخففوا عن الام المرضى وربنا يوفقكم |
الحمد لله الكل متحمس ومقتنع بالمجال شكرا ع مروركم الكريــــــــــــم
|
مم كلام جميل
بس صيدلة مش معناها شغل في الصيدلات بس في مجاااالاااااات كتير غير الشغل في الصيدليه |
بكره نثبت اننا هنخترع وننتج وكل حاجه متخفيش الصيدله لسه بخيييييييييييييييييييييير
|
المشكلة ان ناس كتير بقت تقف مكان الصيدلى يعنى حتى المهنة مش مهنينا عليها :(
|
شكرررررررررررررا دكتور عبير وكلامك والله جميل وانا بردده لناس كتير اوى
الناس اللى بتستخسر المجموع وتقولك انتى جايبه مجموع طب ليه تنزلى لصيدله التفكير ده لازم يتغير وهيتغير لما يشفوفوا حبنا لعملنا واخلاصنا فيه ان شاء الله جزاكى الله خيرا |
انا محمود صقر صيدلة القاهرة
ودخلت المجال ده علشان بحبه وميهمنيش اي حد وكل سنة وانتم طيبين |
انا نسمه صيدله حلوان
واتقلى الكلام ده كتيررررررررررررررر بس احنا عاوزه ابقى صيدلانيه وحبه المجال والصيدلى مش بيشتغل فى الصيدليه بس ليه مجالات عمل كتييييييييييير الحاجه ال المفروض تتغير هى اننا نجيب ناس دبلوم تجاره وغيره ونوقفهم فى الصيدليات دول هيخربوووووووووا الدنيا ومرسى على الموضوع الجامد ده |
عندك حق يا دكتورة عبير
الفكرة دي عن الصيادلة لازم تتغير لازم كل واحد فينا و ربنا كتبلو يدخل الكلية دي يكون عنده النية انه يعمل حاجة فيها و يبدع و يجتهد علشان نعلى المهنة دي اكتر لاننا مش مجرد بنبيع دواء و خلاص معلش بتكلم بحماسة شوية:d |
كلام زي الفل
يا دكتورة عبير الصيادلة مهضوم حقهم والمشكلة إن عددهم كتير وبينافسهم بتوع البيطري والعلوم
بس هافضل أقول إن إحنا دراستنا أصعب من الطب البشري ومن الأسنان بكتيرررررررررررر وبندرس مواد أكتر منهم وكل شويه عندنا إمتحان وهنفضل إسمنا دكاترة وأي حد هايقول علينا بياع يبقي هو شحات |
السلام عليكم
يا جماعة الكلية كبيرة واسمها عريق والي ميعرفش يقول عدس الي بيقول بقال دا دخل الكلية درسها لا طبعا المفهوم القاصر هو السبب اننا لاننظر في الصيدلي الا على عمله في الصيدلية والله انا دخلت صيدلة عشان حاسة ان دور الصيدلي اكبر من الطبيب فمثلا لو عندنا مريض وعند وجع في بطنه الطبيب هيشخص هل معنى كدا ان الالم راح لا طبعا لازم الدوا والي بيحضر الدوا هو الصيدلي فهو الاهم . |
صح كلامكم يا دكاترة و ربنا يوفقنا يارب و نقدر نثبت نفسنا و نعرف الناس الي بيقولوا على الصيدلي انه مجرد بقال مثقف انهم كانوا غلطانين
و عجبني ردك يا ام عبدة اوي و انا مش هقول الصيدلي اهم من الطبيب بس الصيدلي و الطبيب وجهان لعملة واحدة ان صح التعبير الطب يعني دراسة الامراض الصيدلة يعني دراسة الدواء و العلاج و هما الاتنين بيكملوا بعض فما ينفعش اننا ننزل من قدر الصيدلي و من الاسباب الي ضيعت كرامة الصيدلي بجد ان الصيدلية بقوا يقفوا فيها دبلومات ..و كمان الطبيب البشري اصبح هو الي بيشخص المرض و يكتب الدواء طيب ساب ايه للصيدلي يعملوا و على فكرة النظام ده غلط جدا لاننا بنلاقي كتير تداخلات في الادوية و ساعات الجرعات بتبقى زيادة على المريض ..علشان كده المفروض الدكتور ما يوصفش اي دواء و ان الي يتولى المهمة دي يبقى الصيدلي فقط لا غير و حاجات تانية كتير جدا مضيعة كرامة الصيدلي بس فعلا الصيدلة مش بس اننا نفتح صيدلية بالعكس في مجالات تانية كتير جدا و بالمناسبة انا كمان صيدلة القاهرة ان شاء الله |
اقتباس:
للصيدلى فرصه للعمل ف المستشفيات وشركات الادويه والصيدليات وكمندوب ادويه بس انا ركزت ف النقاش ع العمل ف الصيدليات لان البعض يعتبرها تقليل من شان الطبيب الصيدلى شكرا ع المرور |
اقتباس:
متفقه تماما تعلق حضرتك |
اقتباس:
وبعدين الطبيب هو اللى بيحللها اقصد من المثال اللى فات ده ان ممكن صاحب المهنه يستعين بغيره |
اقتباس:
|
اقتباس:
راى عاقل وحضرتك طيب |
فى اخبار نزلت عن الغاء حلوان لنظام الكلينيكال بها .. ياريت لو تقدرى تفيدينا يا دكتورة ف الموضوع ده ؟؟!!
|
اقتباس:
خريجى الدبلومات من حقهم يلاقوا فرص عمل فى اى مكان احيانا بيكون الصيدلى ف امس الحاجه لخريج دبلوم خاصه لو ذو خبره فى المهنه او مهاره ف التعامل مع الناس وفى رايى ان المشكله الحقيقيه هى نظره الناس وتصورهم الخاطئ عن المهنه اختلاف الراى لا يفسد للود قضيه |
اقتباس:
لا عندك حق طبعا تتكلمى بكل حماسه وثقه مش هقدر اقول اكتر من كلامك يا دكتوره نورتى التوبيكـ |
اقتباس:
|
اقتباس:
شرفنى وجودك وتعليقك |
انا الحمد لله صيدله عين شمس
افضل شئ ان الواحد ميفكرش غير فى دراسته اللى اختارها وبيحبها ،ويبقى كل همه ازاى يتفوق فيها ويحقق اعلى المراتب ، وازاى يفيد نفسه وغيره وينفع بلده وامته . فلنتوكل على الله ويبقى كل رغبتنا اننا نعمل شئ جديد و لا نكون مجرد صيدلى عادى ...... لا ، لازم نكون دفعة جديدة مختلفة تحقق اللى لم يتحقق باذن الله والله الموفق |
العمل العمل
حاجه كمان من فضلكم
، وبلاش نسمع لكلام اى حد ونثور ونتضايق ، ما اللى عايز يتكلم يتكلم واحنا يكون ردنا بالعمل والعمل والعمل ونشوف مين فى الاخر اللى هيفيد ويستفيد. لازم كل واحد فينا يفكر ازاى يبقى صيدلى ممتاز ومتفوق يقدر يفيد بلده وامته ، ويعمل ويبتكر شئ جديد مكنش موجود قبل كده .:):):) |
اقتباس:
كرامه الصيدلى محفوظه مهما كان يكفى شعور كل صيدلى بانه صاحب رساله انسانيه فعلا الطبيب دوره يشخص المرض ويحدد العلاج لكن دور الصيدلى انه يتاكد من الدواء ويتاكد من الجرعه اذا كانت مناسبه او لا يعنى مش مجرد صرف روشته وتطبيقا ع كلام حضرتك لازم يكون دور الصيدلى اوسع واشمل من كده شكرا ع المرور الكريم |
اقتباس:
انا من المنصوره فصعب اوصل لمعلومات اكيده عن صيدله حلوان بس لو عرفت اى خبر ع المنتديات هقول لحضرتك |
اقتباس:
اكيد لازم نكون دفعه متميزه ومختلفه عشان ع الاقل نثبت نجاح ثورتنا اللى اعطتنا دفعه للامام ونظره متفائله للمستقبل بالتوفيق |
اقتباس:
اسعدنى مرورك وتعليقك ياريت تشرفينا فى كل موضوعات القسم عشان نتبادل الاستفاده |
انا معاكم وان مهنة الصيدلة مهنة شريفة جدا وانا دخلتها لان الطب فرق معايا على 2 درجتين والله وانا مظلوم فى الانجليزى بس خدن عهد على نفسي انى الىقي علاج لفيروس سي بتكاليف بسيطة وده كان هدفي برده لو كنت دخلت طب فعشان كده عشاوز اسئل ايه قسم التصميم الدوائي وايه الفرق بيته وبين كلينكال وبين العادى
|
اقتباس:
|
يا جماعه الصيدلانيه ولله الحمد كل التاس بتحترمهم جدا
وفى اعتقادى ان احنا زينا زى الدكاتره يعنى اسمنا دكاتره والمرتب متشابه والفرق الوحيد ان الطب بيطلع عينهم علشان يشتغلوا واحنا بنشتغل علطول ان شاء الله وشككككككككككرا |
السلام عليكم
اشكرك جدا على مجهودك يا دكتورة بس ممكن تسمحيلي بسؤال المنصورة مطبق فيها النظام اكلينيك ولا لا انا داخل اعدادي صيدله بني سويف مش عارف احولا ولا لأ |
اقتباس:
والصيدلى ماهو الا دكتور متخصص فى دراسه العقاقير وبالمثل للطبيب البشرى فهو متخصص فى تشخيص المرض وتحديد العلاج اما بالنسبه لموضوع الشغل فاتمنى ان فى العهد المشرق الجديد الكل يلاقى فرص عمل مناسبه شرفنى مرورك |
اقتباس:
ومده الدراسه فيها 6 سنين وبتاخد مجموع اعلى من الصيدله العاديه ده ع حد علمى شكرا ع المرور |
احنــــــــا لازم نبطل الثقافة الساذجه بتاعتنا دى الصيدلى بياع و مهندس البترول بتاع جــــــاز الخ الخ الخ
كلية الصيدلة في مصر مظلـومة جدا جدا و على فكرة في امريكا متوسط لمرنب حوالى 110 الف دولار ثانويا و الطب اعلى منهــا بحاجة بسيطة و كلية محترمة برة مهنة الصيدلى الاساسية مش بياع هو المفروض يكتب العلاج بعد الدكتور ما يشخص بيصنع ادوية و ابحاث و علاج للمرض ده غير ان في طب مش بيدرسوا فارما غير سنه واحده لكن الصيدلى اتبهدل فارمـــــا و اكبر دكتور لما بيكتب دواء مش بناء على خبرته لكن ده على حسب مندوب المبيعات اللى كلمه عنه يعنى نظام غلط في غلط عشان كدة لازم احنا جيل الثورة نغيرهـــا لازم كل شخص يعرف حدود مهنته و قيمتهــا و ان شاء الله نقابة الصيادلة و الوزارات يظبطوات النظام المايل ده كل طالب داخل اعدادى صيدلة لازم تكون دى نيته و ربنا يكرمنـــــــا جميعا شكرا dr\abeer |
ماتخافوش يا صحابي ان شاء الله في اخبار كويسة منتظراكم بس فكروا في الدراسة دلوقتى
|
اقتباس:
احنا كده متفقين فى الراى , ومادامنا حابين المجال مبقاش يهمنا اى كلام انا مش عندى فكره عن كارير الصيدلى بره بس فعلا مفروض تكون دى مهمته انه يحدد العلاج انا متفائله جداااااااا بالدفعات الجايه واكيد مستقبلنا فى عهد الحريه افضل من العهد البائد شرفنى مرورك |
اقتباس:
اكيد ان فرصنا هتبقى احسن من الدفعات اللى قبلنا طبعا الاهم الدراسه والتفوق فيها لان ده هو مستقبلنا الحقيقى شكرا لحضرتك |
| جميع الأوقات بتوقيت GMT +2. الساعة الآن 06:11 AM. |
Powered by vBulletin® Version 3.8.11
Copyright ©2000 - 2024, Jelsoft Enterprises Ltd.