|
عجائب وطرائف امتحانات الترم
بكره ان شاء المولى عز وجل اول امتحانات نصف العام الدراسى عندنا فى المرحلة الاعدادية ...... مش هاكتر عليكم من بكره هتبدا النوادر اللى الواحد مبيفتكرهاش الا من السنة للسنة وطبعا انا معاكم هازودكم بكل طرفه حصلت وياريت انتم كمان تعملوا كده .......... مستنياكم الناس اللى امتحنوا يضيفوا نوادرهم والناس اللى لسه هتبدا يا ريت متبخلش علينا
|
اكبر طرفة بتحصل فى مدرستى فى الامتحانات ان اكبر نسبة نجاح فى الانجليزى تقريبا محدش بيسقط غير اللى ورقته فاضية اما العربى بقى فده طبعا اكبر نسبة رسوب وطبعا ده بيعلى اسهم عندالناظر والموجهين مدرسى اللغة الانجليزية وكأنهم هما بس اللى بيشتغلو لدرجة ان الولاد ثقافتهم انجليزى ههههه
بس ده بيرجع طبعا لطبيعة امتحان اللغة الانجليزية اللى بيبقى معظمه اختيارى وتوصيل او استكمال حروف او الاستماع مش العربى اللى كله كتابة وبيبقى محتاج قدرات وامكانيات عقلية معينة ومفيهوش مفاتيح للاجابة اللهم الافى قطعة القراءة او النص عموما كل سنة وانتم طيبين |
والله ما تعرفواللي حصل عندنا لتضربو كفا بكف وتقولوحاجتين:
انت اكيد في مصــــــــــــــــــــــر اللهـــم اجعلها فوضى واحفظهــــــا من النظــام !!!!!! |
عندنا فى المدرسة لو الكنترول غلط مثلا فى الارقام السرية والحاجات اللى بيتم من خلاله التعامل فى ورقة الاجابة قبل التصحيح ناخد منهم جنيه عن كل غلطة ولو اى ترابيزة حصل فيها غلطة فى التصحيح زى الجمع مثلا او التفقيط او المراية او المراجعة والحاجات دى يدفعو جنيه للكنترول عن كل غلطة ده غير بقى اننا بنتسابق مين يخلص الاول المظروف بتاعهاو مين هياخد اكتر النهاردة ويريح فى مواد بكرة وبنبقى مجموعات ونتجمع مع بعض ونجيب اكل ورغم ان الشغل بيبقى كتير بس بتبقى ايام لذيذة جدا
|
الناس اللى اتعودت عليهم فى المنتدى ومواضيعى ورغم انى ماعرفهمش الا انى باعتبرهم اصدقائى وممكن اخد منهم النصيحة ...... جارة الوادى.......رائحة الورد....... منار " الشعليلة "....مس علا.....مدرسة الانجلش......عضاضلى.......المعلم المساعد الحزين 1 وبعد التعديل 2.....مينا اللى كان الوحيد اللى رد فى الموضوع اللى اتحذف....... ابن الاكرمين......
والاستاذ محمد طعيمة ...... بس مش هاخد منك النصيحة عشان اكيد هتقولى بلاش تكتبى خالص ...مع خالص احترامى واظن ان اى موضوع ليا مش هيكون له طعم من غير الناس دى وتعليقاتهم |
اقتباس:
عايزين نضرب كف على كف ونقول اننا فى مصر*بمعنى أصح احكيلنا |
اقتباس:
بارك الله فيكي ياغاليه شوفي أنا مشترك في منتديات كثيره ولكني هأقولك حاجة بما أني مسافر خارج مصر ولكني قبل ماأسافر كنت ولا زلت بالأزهر الشريف وحالياً بإجازة بدون مرتب ولكن لأن زوجتي معلمة مساعدة مثلكم فبحاول أطمن عليها من خلالكم فتعودت أني أدخل هنا كثير جدا أنا بعتبركم أخواني وأخواتي والمنتدى دا ليه معزه خاصة في قلبي فأنتم خيرة شاب وشابات هذا الوطن وحرام يحصل كده ليكم وإلا لماذا أعطوكم مؤهل تربوي أراح الله قلوبكم ورزقككم التثبيت آمين يارب العالمين ويارب أنا اللي أبشركم |
اقتباس:
عموما انتى ماشاء الله لاقوة الابالله شكلك نشيطة اوى ومخك شغال ربنا يوفقك |
اقتباس:
وربنا يفرحنا كلنا باذن الله تعالى ،، |
اقتباس:
المهم الجنيه اللي بتاخدوه بيروح فين العملية التعلمية لما يبقى اللي شغال فيها مرتاح نفسيا وبيحب اللي حواليه والله بيكون فيه إبداع الله يهدي وزير التربية والتعليم آمين |
بيجيبوا بيه اكل
|
طرائف وعجائب الترم الأول نحن معك نستخلص الحدث ونضعه فجوة ولها خطة تحسين فى إنتظاركم |
اقتباس:
هههههههههههههههههههههههههههههههههه ممكن يعملوا بالفلوس دي حاجة مفيدة بدل الأكل جارة الوادي أكيد ليها وجهة نظر |
فرحانه جدا جدا جدا يا استاذ محمد ان مشرف قسم الجوده يشارك معانا ومتشكرة لوجود حضرتك
|
اقتباس:
وعلى فكرة دا السبب الرئيسي في أن معظم شباب مصر بيكره الأنجليزي مع أنه أسهل من العربي كلغة ياريت توضحيلهم ده أنا شغال في معهد لغات العرب بيعتبروا الإنجليزي عقده ............................. مع أنه سهل جداً |
على فكرة انا كنت الاولى على المحافظة فى الانجليزى فى الثانوية ومعرفش بقا فى حد كان اكتر منى فى باقى الجمهورية 24.5 من 25 فى السنتين
|
اقتباس:
بسم الله ماشاء الله حضرتك محافظة أيه ؟؟؟؟؟؟؟؟؟؟؟؟؟ أنا كنت جايب في الثانوية الأزهرية 34 من 60 كنت خايب فيه عارفه كان بعطينا الإنجليزي مدرس فلسفة منه لله أسسنا خطأ ولكن أنا طورت نفسي بنفسي |
اقتباس:
|
انا واخواتى تشكيلة غريبة جدا لام واب مدرسين احنا خمسة واحد عبقرى كمبيوتر وموبايل وواحد ملهوش مثيل فى الرياضة وبس وواحد ملهوش حل فى الحفظ وواحد متقدرش تتكلم معاه فى موضوع عام وتغلبه ودماغه تواريخ واحصائيات وتاريخ الرؤساء عنده زى صباح الخير وانا بقا هاسيبكم تحكموا عليا من اللى هاقوله فى موضوعاتى
|
معلش احنا خرجنا عن الموضوع الاساسى بس خلاص كده راجعين له تانى كلها كام ساعة واروح المدرسة
|
انا كمان ياجماعه كنت علقت فى الموضوع اللى اتحذف ومش عارفه اساسا اتحذف ليييييييييييييييييه ؟؟؟؟؟؟؟؟؟؟؟؟؟؟؟؟
وانا بشكرك يااميمه على شعورك دا بجد واالله انا مش بحب اشعلل حاجه وغالبا بميل لعدم المشاكل والهدوء بس فيه مواقف لازم غصب عننا نقف نواجه ونفكر |
:022yb4:عجائب وطرائف الامتحانات اعتقد ان جاوبنا السؤال دا بصدق احتمال تتقفل المدارس اللى شغالين فيها ونطلع معاش مبكر من قبل مانتثبت:bosyht9::bosyht9::bosyht9:
|
اقتباس:
|
هاقولكم ....... السنة اللى فاتت كنت قاعدة باصحح الامتحان مع واحدة صاحبتى وهى طيبة جدا فاتفقنا ان محدش يعزم التانى وكل واحد يشترى على حسابه ...خلاص يا لو لو خلاص يا اميمة ماشى..... وشوية الاوضة امتلت ناس بتصحح هى كمان يبصوا لنا تقوم تقولهم انا اللى عزماها وكل اما وواحد يدخل تقول نفس الحكاية قمت انا زهقت ووقفت وعليت صوتى معزمتنيششششششششششششش والله انا اللى دافعة حسابىىىىىىىىىىى
|
اقتباس:
|
لالالالالالالالا يا جماعة
نحن نختلف عن الاخرون الكنترول بتاعنا بزرميييييييييييييييط بينجحوا اللى عيزينة وبيسقطوا اللى عيزينة وحتى لو ابن مدرس زميلهم ومش تبعهم حتى لو الولد ممتاز بينزلوة فى الدرجات احلى حاجة انهم وهما بيقطعوا رقم الجلوس قطعوا معاة الرقم السرى وبذلك لاتستطيع ان تستدل على صاحب الورقة وبالرغم من ذلك مشيت الكوسة اية بقى رايكم؟ |
قديمة................فى بقا ناس بتنجح من غير ما تحضر ودى حصلت معايا فى الكلية
|
واحدة زميلتى محضرتش امتحان العملى وجابت امتياز
|
اقتباس:
هههههههههههههههههههههههههههه ملعوبة |
اقتباس:
بس اكيد هى كانت بتهرج معاكى بس موقف جميل اكيد فضلتو تضحكو عليه |
والله بجد بس السنة دى هابقى اوعى من اللى فاتت
|
اقتباس:
|
احنا امتحاناتنا لسا هتبدأ يوم السبت ان شاء الله
بس فى موقف حصلى السنة اللى فاتت عمرى ماهنساه طبعا الاساتذة الكبار فى المدرسة اللى المفروض مثلنا الاعلى بييجو فى الامتحانات ويخيبو المدرس الاول بتاع الرياضة ابنه كان عندى فى اللجنة مش يدخل يوصى عليه زى الباقيين لا ياعينه ياجبايره يدخل يقوله واد يا فلان متنساش تاخد الورق اللى قلتلك عليه البيت وراح قال يعنى انا مش شايفاه حط فايل ادام الولد وسحب من تحته ورقه محلولة حطها لابنه ولسا بيسحب ورقة الاسئلة الفاضية رحت حطيت ايدى عليها ههههههههههههههه نظام قفشتكووووووووووووووووووووو كان شكله ف وسط اللجنة زباااااااااااالة قاللى يعنى انتى هتاخدى بالك منه قلتله عينيا اول مانزل اخدت الورقة من الولد وعطيته ورقه نضيييييييييييييييفة وقعدت جنبه على الديسك وقلت للجنة متخافوش ياحلوين معاكم لاخر الوقت براحتكم وفضلت كاتمة على نفسهم هههههههههههههههه وعمنا الاستاذ المبجل خد منى موقف بس ولا همنى منه جاتكو نيلة مليتو البلد |
على فكرة بقا اللى غاظنى منها انها كانت بتتكلم بجد
|
اقتباس:
خسارة انى مش معاكم فى المدرسة كنت هلم جنيهااااااااات كتيرة اوى ابقى قولهم عالفكرة دى وهما هيحرمو يعملو كدة مفيش حاجة بتخلى الواحد واخد باله وقلبه على شغله غير الفلوس خصوصا وانهم واضح جدا انهم راسبين عن جدارة فى مادة الضمير |
هم مين يا علا اللى ملوا البلد ...................احنا هنضحك على بعض................ما علينا
|
اقتباس:
معرفش انتى فهمتى ايه اقصد طبعا امثال المدرس المحترم ده انا بدخل اللجنة اقولهم بصوا ده لو ابويا بيمتحن معاكم مش هغششو برضو ريحو نفسكو بقى اولها زى اخرها |
اقتباس:
وبعدين المفروض انه مدرس كبير ورجل محترم يعنى قدوة لاتصدر عنه هذه الهنات الصغيرة يبقى يذاكر له احسن من مايعمل الحركات الخايبة دى وبعدين ياستى ماياخد مواقف الاشكال دى بتبقى مفضوحة اوى ومعروف هى بتتصرف كدة ليه بس عادى ولايهمك كأن ولاحاجة حصلت واعملى نفسك ولاواخدة بالك بس طبعا حرصى منه وحاولى انك متتكلميش معاه الافى اضيق الحدود والتعاملات وبشكل رسمى اوى |
متخافيش اووووى كده هم اللى ملوا البلد ..............باهزر والله
|
اقتباس:
وقعتى قلبى وركبى خبطت فى بعضها ايه يارمضان انت مش بتهزر هههههههههههههههههههه |
اقتباس:
والغريبة يابنتى ان المادة دى كانت بتاعت المدرس ده هههههههههههههه يعنى باب النجار مخلع:d |
مش باقولم سوووووووووووووووسة
|
والله انتم دمكم زى العسل قلبتوا المنتدى الى دردشه اهى حاجه تسلينا وتنسينا التعيين شويه:022yb4:
|
مش باقولك سوووووووووووووووسة
|
دى اقل حاجة عندى
سوسة مين بس هههههههههههههههه:040vk0: انتى لسا شفتى حاجة ده انتو هتشوفو منى ايام ؟؟؟؟؟؟؟؟؟؟ والله ياجارة الوادى كده احسن خلينا نفك شوية بلا تعليم بلا بتاع الحياة كده نعنااااااااااااع:022yb4: |
سورى اقصد رائحة الورد عاجبك كده يااميمة لغبطتينى ههههههههههههههههه
نعتذر لهذا الغلط المطبعى |
عاوزه اقولكم على حاجة طول ما فى وقت للحياة نعيش على قد ما نقدر بس لما يجى وقت الجد يبقى جد وبس .....
|
:av4056bb7jp3:
|
من خلال الاطلاع على المشركات ف الموضوع طلعت بـحاجة:
البنات دلوقتي غير زمااان بقو مفتريين جدا أما احنا بقى فيا حسرة ع الرجاله دة احنا طلعنا غلبانين اوي ههههههههههههههههههههههههههههه |
اقتباس:
مدرس رياضه بقى |
| جميع الأوقات بتوقيت GMT +2. الساعة الآن 12:31 AM. |
Powered by vBulletin® Version 3.8.11
Copyright ©2000 - 2024, Jelsoft Enterprises Ltd.