![]() |
لكل من سيدخل طب اسنان اسئلتكم هنا هنرد عليها
لكل من سيدخل طب اسنان اسئلتكم هنا هنرد عليها
منتظرين :):):) |
انا ان شاء الله هكتبها رغبة اولى بس انا من المنصورة و سمعت ان اسنان المنصورة صعبة وده اللي مخوفني
و ياريت حضرتك تكلمنا عن طبيعة الدراسة في اسنان وهل هي بتحتاج جهد كبير اصل انا بيجيلي حالة نفسية منحاجة اسمها مذاكرة ومتشكرين ع الموضوع |
معلش أنا عندى شوية اسئلة
1- هل الدراسة فى طب اسنان غير مناسبة للبنات؟ 2- ماعدد سنوات الدراسة بالامتياز واللذى منه؟ 3-ما المواد التى يتم دراستها فى الكلية ؟ لو افتكرت اسئلة تانية هبقى اكتبها مشكور على الموضوع |
معلش انا عاوز اعرف مواد الاسنان وهل هى اسهل من الطب وكمان بالنسبة لمستقبلها احسن ولا الطب ؟
ويا ريت ترد علينا انهارده قبل ما نسجل رغباتنا وهل هى اوحش بالنسبة للبنات فعلا؟ وشكرا ارجو الرد |
لو انت طالب ثانوية عامة وجبت 98% بامانةكنت هاتختار ايه اختار حاجة واحدة بشرى ولا اسنان ولا صيدلة وليه وهل انت ندمت على انك دخلت اسنان وبرضه ليه برجاء سرعة الرد علشان تساعدنى انىاخد قرار ولك جزيل الشكر بسرررررررررررررررررررررررررررررررررررررررررررررررر رررررررررررررررررررررررررررررررررررررررررررررة مستنى الرد
|
عمالين يقنهونى بطب اسنان او طب
بس انا بكره الاحياء بجد ادعولى بقى |
اسف للتاخير فى الرد لكن الموقع كان واقع
اقتباس:
اسنان المنصورة او غير المنصورة مفيش حاجة اسمها صعبة لازم تذاكر من اول يوم و بس طبيعة الدراسة عامة فى الكليات الطبية عايزة مذاكرة و جهد و اهتمام سواء الاسنان او الصيدلة او البشرى لكن اسنان فيها فرق ان البجزء العملى فيها كبير اوى خصوصا فى اخر 3 سنين اقتباس:
عدد السنوات 5 سنين + سنة امتياز الدراسة تكون فى اول سنة فى كلية العلوم تدرس فيها كمياء و فيزياء و نبات و حيوان و انجليزى و ده سنة تمهيدى مش مهمة بعد كده بعد كده اربع سنين اول سنتينبتتعلم فيهم نظرى كاساس للمهنة و للسنتين الاخرتين زى مثلا تشريح الفم و الاسنان و خصائص مواد طب الاسنان و بتشتغل بس على موديلز صناعى و بالنسبة لاخر سنتين و دول اهم سنتين بتشتغل على انسان حقيقى و بتدرس فيهم كل تفاصيل التعامل معاه و علاجه المواد كتيرة منها الحشو و الاستعاضة و التيجان و الجسور و الجراحة و التقويم و حشو العصب و امراض الفم و غيرها اقتباس:
المستقبل ده بيختلف من واحد الى واحد تانى و ملوش قاعدة معينة و ربنا يكرمك اقتباس:
و داخل اسنان بمزاجى انا كنت من الاول لاغى صيدلة من دماغى اما بشرى فاللى منعنى منه طول فترة دراستته طب الاسنان حلو و جميل و لذيذ بس عايز ايدك تكون خفيفة شوية و ده بيجى بالتعود |
عدد السنوات 5 سنين + سنة امتياز لو سمحت الاسنان خمس سنين ولا ستة؟؟ |
اقتباس:
الطب البشرى مثلا 6 سنين دراسة و سنة امتياز فى المستشفى العام او مستشفى الجامعة :) |
سنة الامتياز بتكون شغل و كشف ع المرضى و تشخيص امراض و كده
|
انت متأكد؟؟؟
معلش انت في جامعة ايه؟؟ أنا عايز عين شمس |
انا عايز استفسر عن مستقبل طب الاسنان ( يعني شغلها وفلوسها) ، وهل الحصول على شغل فلوسه مناسبة صعب ؟ ، ولا اذا كنت جايب امتياز ربنا هيسهلها ؟
|
اقتباس:
اقتباس:
تقديرك فى الكلية بيبقى له تاثير بس مش كبير و الله الموفق |
هل اول سنة بتبقى فى كلية العلوم ؟؟؟؟؟
و بنروح كلية الاسنان ولا لا فى السنة دى |
انت متاكد لو البنت ضعيفه اوى يبقى مينفعش
طب ممكن احول من صيدله لاسنان بعد اعدادى من غير اعادة السنه |
اقتباس:
بتروح اسنان بس عشان الحاجات الادارية و كده انما مفيش اى دراسة هناك بتدرس كمياء و فيزياء و نبات و حيوان و انجليزى و حقوق انسان و هى فى الاخر سنة ملهاش لازمة غير انها تجهزك و تنقلك من الثانوى الى الجامعة اقتباس:
بس انا اقصد الضعف اللى هو يعنى ع الاخر بيخليها متقدرش حتى تفك مسمار و ده حاجة نادرة يعنى و اطمنى متقلقيش |
هو بجد هنذاكر فيزياء تانى ارجو الرد
|
اقتباس:
المنهج كله عباره عن حاجات عدت عليك قبل كده ماعدا جزيئات بسيطة جداا هتلاقيها جديده الموضوع مش صعب اوى زى ما حضرتك متخيل |
اقتباس:
|
انا اسنان اسماعيلية .........بعيدة عني كتيييييييييير......مش عارفة احول ولا ايه.........وانا كمان قلقانة قوي
|
اقتباس:
مفيش قلق و لا حاجة بلاش القلق |
ممكن اعرف ايه الادوات الل مفروض اجيبها فى اعدادى اسنان
|
انا برده الاسماعيلية وانا فى اليكس هاحول ان شاء الله بيقولوا بعد المرحلة التانية
طب هيا اول سنة بتاعة علوم دى فيها صراصير وضفادع وقرف كدة؟ |
اقتباس:
ادوات الكمياء ( انابيب و حامل و دوراق و فوط و حاجات مشابهة ) بالطو و جوانتى طبى اقتباس:
|
انا سمعت ان دفعة اسنان بتبقى صغيره اوى
يعنى سهل الواحد يبقى من الاوائل على الدفعه وكده ولا ايه ؟؟ وشكراا على الموضوع |
اقتباس:
يعنى فى القاهرة مثلا حوالى 500 طالب فى اسماعيلية حوالى 95 و هكذا |
طب هو احنا هنعرف اماكن المحاضرات و مواعيدها ازاي .. اذا كانت الجداول بتنزل بعد الدراسة بأسبوع و لا حاجة ..
و كمان لو في welcome party هتبقى فكليتنا و لا ف علوم بردو ؟؟ |
طب الادوات دى احنا بنجبها ولا حد بيقلنا عليها
|
اقتباس:
بالنسبة لحفلة التعرف فانا معتقدش انها موجودة اصلا الا يمكن فى الجامعات الخاصة اقتباس:
بس هى غالبا بتكون علبة تشريح ضفادع + ادوات الكمياء و بالتوفيق |
شكرا علي الموضوع وكنت عاوزة اسأل هل الدراسة في اسنان مكلفة جدا زي ما يقول الناس وصحيح ان احنا حنضطر نجيب اجهزة غالية في ثالثة ورابعة
و اول اسبوع في الدراسة حيبدؤا انجليزي عالطول وكان عندي سؤال عن جراحة و جه و فكين القسم دة في اسنان ولا طب وبتبقي بالتقديرات و ايه |
انا سامع ان االاسنان فيها صراصير
|
اقتباس:
|
طب لازم ناخد حاجة اسمها icdl
|
اقتباس:
الدراسة اكيد انجليزى بس الدكاترة بيكونوا فاهمين الطلبة و الى حد ما بيمشوا شوية عربى شوية انجلش لغاية ما تتعودوا بس ده غالبا فى الجامعات الحكومية اما الخاصة فده حوار تانى لان هما انجلش ع طول جراحة الوجه و الفكين ده قسم فى الكلية عندنا ملوش دعوة ببشرى لكن بيكون فى عمليات بتحتاج مساعدة من دكاترة جراحة عامة زى لو شغال فى سقف الحلق او غيره لانك بتدخل كده على الانف و الحنجرة يعنى ايه بتبقى بالتقديرات؟؟؟ لو قصدك التعيين فى القسم كمعيد فده طبعا محتاج تقدير + تخد حقك و الواسطة متتدخلش + القسم يكون عايز اصلا معيدين |
اقتباس:
بيبقى فى كمان سحالى و اسماك و ارانب بس ده بيكون شرح سريع انما الشغل الكتير ع الضفادع اقتباس:
|
طب دى لازم ناخدها ف اعداى اسنان
|
طب احنا بعد الاعدادى بنقضى بقيه الاربع سنوات ف طب اسنان ولا كمان هنروح طب
|
اقتباس:
يبقى مش لازم لا فى اعدادى و لا فى غيرها و ممكن تتخد فى اى عمر و مش حاجة مهمة اوى يعنى اقتباس:
|
هل اطباء الاسنان لهم تكليف من وزارة الصحة؟
|
اقتباس:
|
انا شوفتها مرة هتبقي الي 2014
|
:confused::confused::confused:يا جماعة ايه الكورسات اللى تخلينا مطلوبين لسوق العمل بعدين وتدينا فرص اكتر؟
هل مثلا icdl او toiefl ولا ايه؟ |
اقتباس:
بس |
ايه اقسام الكلية و ايه مميزات و عيوب كل قسم
|
اقتباس:
الاقسام Oral biology and oral pathology ده قسم نظرى اكتر منه عملى وبالتالى اللى بيحضر دبلوم او ماجستير ميدخلش هنا Dental materials زى اللى قبله operative dentistry ده قسم الحشو كويس و شغله منتشر removable prosthodontics الاطقم وده قسم تقيل شوية و برضو عن نفسى منصحش لو حد بيعمل ماستر او دبلومة يدخل هنا fixed prosthodontics تركيبات ثابتة و ده قسم كويس و مش صعب oral radiology دى الاشعة و ده مش مستاهل يتحضر فيه oral and maxillo facial surgery جراحة وده قسم كل الناس بتحب تدخل فيه تعمل دبلوم او ماستر orthodontics التقويم و من الاخر ده لازم ياما تعمل فيه دكتوراة ياما ما تفكرش فيه بس اللى بيعرف يدخله بيبقى غنى اوى و بيكسب كتير endodontics حشو العصب و علاج الجذور و ده قسم جميل جدا و شغله كتير و حلو pedodontics طب اسنان الاطفال و هو حاليا مطلوب فى الخليج كتير و بدأ يبقى له طلب كتير بس انا عن نفسى مش مقتنع بيه لكن هو قسم كويس oral medicine ده قسم نظرى بيفيد فى التشخيص و كده بس يعنى التحضير فيه مش اوى |
كل الاقسام دى هتدرسيها فى سنوات الكلية و هتخدى كل الاساسيات خلال السنين الخمسة لكن انا كلامى عن التحضير فيها دراسات عليا
|
طب هوه يوم السبت بيكون اجازة
|
اقتباس:
|
يعنى نروح اول يوم وخلاص واحنا ونصبنا
|
اقتباس:
اول اسبوع بيبقى مفيهوش حاجة بتتشرح و لا اى حاجة |
جميع الأوقات بتوقيت GMT +2. الساعة الآن 07:19 PM. |
Powered by vBulletin® Version 3.8.11
Copyright ©2000 - 2024, Jelsoft Enterprises Ltd.