|
faculty of science>>only for alexandria university>>
كلية العلوم
جامعة الاسكندرية .................................................. ..................................... الموضوع ده لكل طالب علوم فى جامعة الاسكندرية ... وطبعا هنكتب هنا كل حاجة تخصنا من مشاكل وكدة واستفسارات خاصة بعلوم اسكندرية وبس بحيث ان ده مكان يجمعنا احنا بس وعشان نستفسر على اى حاجة هنا بدل مانقعد نعيد ونزيد فى الكلام ونحط مواضيع جديدة وكدة ياريت اى حد عنده اى استفسار او موضوع او اقتراح يحطه هناااااااا ويكون ده المكان اللى نتجمع فيه ديما وشكرااااا |
عن كلية العلوم أنشئت كلية العلوم بصدور القانون رقم 32 فى أغسطس عام 1942 م الموافق 19 من رجب عام 1361هـ كواحدة من أولى الكليات التى كانت تضمها جامعة الإسكندرية (فاروق الأول سابقاً) آنذاك ، وقد بدأت الدراسة فى الكلية فى يوم 12 أكتوبر عام 1942 بالسنة الأولى وقسم الدراسة الإعدادية للطب وذلك فى المبنى الذى كانت تشغله سابقاً المدرسة العباسية الثانوية بمحرم بك مع كليات الآداب والحقوق والتجارة وقد نقلت الكليات الثلاثة الأخيرة فى سنوات 1943 ، 1944 ، 1946 . وقد أقامت الجامعة مبنى للدراسة الإعدادية لكليات الطب والصيدلة والأسنان بالشاطبى بجوار كلية الزراعة فى عام 1963 تشغله الآن أقسام الكلية المختلفة والتى ضاقت بها مبنى الكلية القديمة بمحرم بك حيث تم تخصيص مكان بجوار كلية الهندسة على طريق الحرية عام 1970 لإنشاء بعض أقسام الكلية حيث تم الانتهاء من مبانى قسم الكيمياء مع بداية العام الدراسى 89 ، 1990م ويضم ذلك الموقع معامل الفيزياء النووية (الكوكرفت) ، بالإضافة إلى مبنى قسم علوم البحار بحى الأنفوشى وتم وضع اساساته وأعمدته فى عام 1978 وتم افتتاحه عام 1997. ولقد خصص مبنى سوتر بالمجمع النظرى لمعامل الكيمياء الفيزيائية . دور الكلية التعليمى والبحثى: منذ إنشاء الكلية فى عام 1942 يتوالى إفتتاح الأقسام بها حتى أصبحت تضم تسع أقسام موزعة على مبانى الكلية الخمس ويعمل بها ما يقرب من 570 عضو هيئة تدريس ومدرس مساعد ومعيد وتؤدى الكلية رغم ما تعانيه مبانيها من قدم وتناثر بين عدة أحياء الدور التعليمى كاملا لطلبة الكلية وطلبة اعدادى صيدلة وطب الأسنان الذين يبلغ عدد كل هؤلاء حوالى 5000 طالب علاوة على ما يقرب من 700 من العاملين فى شتى الإدارات كما تؤدى الأقسام بأساتذتها الدور البحثى سواء الأكاديميى أو التطبيقى والإشراف على رسائل الماجستير والدكتوراه للعلميين من معيدين أو خريجين يعملون فى هيئات وشركات مختلفة لخدمة الصناعة والزراعة وعلوم البحار أو فى مجالات البحث والتنقيب عن البترول والمياه الجوفية . كما تخدم وحدة الحاسب الآلى طلاب الدراسات العليا وتحل مشكلات الباحثين داخل وخارج الكلية وتقدم خدمات .عديدة للأفراد والهيئات ويعلن عن عقد دورات لهذا الغرض وتوجد وحدة للميكروسكوب الإلكتروني التى تعقد من آن لأخر دورات تدريبية للعمل على الميكروسكوب وتساهم .أيضاً فى أغراض البحث فى مجالات العلوم المختلفة وتقام دورات خاصة لهذا الغرض ويستخدم الميكروسكوب الإلكترونى النافذ فى الكشف عن التغيرات الخلوية الناتجة عن التلوث والتعرض للمواد السرطانية وكذلك للكشف عن التغيرات المرضية التشخيصية لبعض الأمراض ومنها الأمراض الفيروسية. ويستخدم كذلك الميكروسكوب الإلكترونى الماسح لخدمة الطب الشرعى فى الكشف عن حالات التزوير وعن الآثار الجانبية التى تحدثها بعض العقارات على الأنسجة المختلفة. ويوجد كذلك التحليل بالأشعة السينية لمعرفة نسب العناصر داخل العينات لمطابقتها بالمواصفات المطلوبة . ولقد استخدم الميكروسكوب الإلكترونى الماسح كذلك .للكشف عن تأثير التخزين والخضراوات كما يوجد معمل مركزى يقوم بالتحاليل الكيميائية لأية عينات للأفراد أو الهيئات أو الشركات ويستفاد بخبره .الأساتذة فى المجال وللكلية وحدة ذات طابع خاص لإنتاج النيتروجين السائل وتوفيره لمختلف مختبرات الأبحاث العلمية فى الأقسام المختلفة. كما يوجد معمل تآكل الفلزات واختبار البويات ويوجد كذلك جهاز الرنين النووى المغناطيسى لتحليل العينات. مبـــــانى الكليــــــــة : الأقسام العلمية تشغل عدة مبان موزعة على أربعة أحياء بالمدينة وهى على النحو التالى: 1. مبنى محرم بك: وهويشمل المقر الرئيسى للكلية منذ انشائها عام 1942 ويقع فى 49 شارع مسجد الحضرى بمحرم بك ويدرس به طلاب السنوات النهائية لبعض التخصصات، ويضم المبنى المعامل التابعة لأقسام الرياضيات والطبيعة والجيولوجيا والنبات وعلم الحيوان والكيمياء الحيوية بالإضافة إلى مدرج أ.د. على ابراهيم وقاعات أخرى للمحاضرات تليفون: 002- 03-3922918 002-03-3922919 002-03-3925879 2. مبنى الشاطـبى: بشارع افلاطون ويحوى المبانى التى أنشئت فى بداية الستينات ويضم مدرج أ.د. محمود أبو العمايم وقاعات أخرى للمحاضرات، وكذلك المعامل التابعة لأقسام الرياضيات، الطبيعة، والنبات، وعلم الحيوان، .والجيولوجيا ويخصص المبنى لدراسة السنوات الأولى والإعداديات. ويضم المبنى وحدة الحاسب الآلى تليفون: 002-03-5922628 002-03-5922352 002-03-5909872(مركز الحاسب الآلي) 3. مبنى طريق الحرية: بشارع طريق الحرية ويضم قاعات للمحاضرات والمعامل التابعة لقسم الكيمياء – ويدرس .بالمبنى جميع طلاب قسم الكيمياء تليفون: 002-03-5927665 002-03-5917883 4. مبنى علوم البحار (الأنفوشي): ويطل على الميناء الشرقى بجوار نادى اليخت ويضم قاعات المحاضرات والمعامل التابعة لقسم .علوم البحار وتم افتتاحه عام 96/1997 تليفون: 002-03-4807140 002-03-4807138 أقســـــام الكليـــــــة: تتكون الكلية من تسعة أقسام هى: الرياضيات – الفيزياء – الكيمياء – النبات – علم الحيوان – الجيولوجيا – علوم البحار – الكيمياء الحيوية – علوم البيئة |
اقتباس:
|
الموقع الرسمى لكلية العلوم جامعة الاسكندرية
|
شكراااااا على الموضوع (كنت مستنى حاجة زى كده من فترة)
دى لائحة الكلية , لو أى طالب جديد قرأها حيستفاد كتير http://www.alexu.edu.eg/arabic/?q=node%2F115 الpdf ده مفيد برده http://www.mediafire.com/?a2tyzmzgumm |
مهارات واسرار التعرف على ملح مجهول من الملاحظ انه وعند اختبارات الكشف عن الأملاح كثيرا ما يخفق الطلبة على الرغم من إجرائهم للتجارب أثناء الاختبار والمذكرة بكاملها معهم وذلك لأسباب منها : أن الطالب بإهـمالة وعدم تسجيل المعلومات في المذكرة أثناء العمل طيلة الفصل الدراسي قد تجعلة يخفق في الاختبار لتفاجئة ببعض النتائج فـيرتبك ويخطئ فلننتبه وندون كل ملاحظة ولذلك فــعند الاختبار نقول لك أخي الطالب: 1) نظف أدواتك الزجاجية قبل بدء الاختبار وبعدة 2) اقرأ جيدا كامل التجربة قبل إجرائها .. وتتبع الخطوات بدقة 3) دون نتائجك أولا بأول في كراسة الإجابة 4) عند إضافة كاشف معين يجب التأكد من إسم الكاشف بقراءة الورقة الملصقة على زجاجة الكاشف بعناية فكثيرا ما يخلط الطلبة بين ألفا نافثول و الفينول فيثالين 5) لا تقم بأي تجربة لم تطلب منك ( لا تتفزلك ) :mad: 6) يجب الانتباه عند خلط السوائل وخاصة الأحماض مع الماء 7) يجب عدم تحريك الماصة من كاشف لآخر التجارب التي يصاحبها أبخرة أو غازات سامة تجرى بكبينة شفط الغازان السامة مثل تجربة النيترة 8) عند التسخين يراعى تحريك الأنبوبة باستمرار على اللهب مع إبعاد فوهة الأنبوبة عن الوجة أو الآخرين ( والآهم ألاخرين ) 9) إضافة مادة إلى أخرى في الأنبوبة بالتدريج واستخدام كميات صغيره من الكاشف أفضل لان بعض النتائج تكون عكسية فلا نتمكن من مشاهدتها حيث يذوب الراسب في زيادة الكاشف 10) لعمل المحلول المتعادل نأخذ جزء صغير من الملح ونضيف قليل من الماء ثم قطرات من هيد رو كسيد الامونيوم إلى أن تتلون ورقة تباع الشمس بالأزرق ثم نسخن للغليان أو الى ان تختفي رائحة الامونيا ونترك المحلول ليبرد ثم نجري التجارب المطلوبة. http://www.gmrup.com/gmrup-05-2010/gmrup12750613331.png ومن المساعدات والمهارات المطلوبة للتعرف على ملح مجهول مايلي: معرفة الخواص الطبيعية للمادة مثل: * اللون * الشكل * الذوبان * لون اللهب * لكن طبعا مش تدوق :eek: http://www.gmrup.com/gmrup-05-2010/gmrup12750613331.png أ- اللون: لبعض المواد الكيميائية ألوان مميزة منها : مركبات النحاس>> بلورات ذات لون ازرق مثل كبريتات النحاس أو بودرة خضراء مثل كربونات النحاس مركبات الحديد >> كلوريد الحديد بودرة بلون اصفر مسود وهو مادة آكلة ومثيرة يلزم الحذر منها مركبات الألمنيوم >> كلوريد الألمنيوم اللامائي بودرة لها اللون الأصفر وله دخان كثيف عند اختلاطة بالماء كلوريد الألمنيوم المائي >> ابيض ويعطي راسب هلامي شفاف مع فوسفات الصوديوم كلوريد الكوبالت >> بلورات بنفسجية اللون كربونات الكروم >> اخضر زيتي كوبلتي نتريت صوديوم >> اصفر طيني كرومات بوتاسيوم >> اصفر ثاني كرومات البوتاسيوم >> برتقالي نتريت بوتاسيوم >> ابيض مائل للصفار مركبات المنجنيز >> ذات لون وردي مثل كلوريد و كربونات المنجنيز http://www.gmrup.com/gmrup-05-2010/gmrup12750613331.png ب- الشكل: ~ بلورات ~ بودرة ~ قطع http://www.gmrup.com/gmrup-05-2010/gmrup12750613331.png ج - الذوبان: وعند إذابة ملح يراعى استخدام المذيبات الاتية وبالتدريج : 1. الماء البارد ثم الساخن 2. حمض الهيدروكلوريك المخفف البارد ثم الساخن 3. حمض الهيدروكلوريك المركز البارد ثم الساخن 4. حمض النيتريك المخفف البارد ثم الساخن 5. حمض النيتريك المركز البارد ثم الساخن 6. الماء الملكي " حمض هيدروكلوريك مركز+ حمض نتريك مركز " بنسبة ( 2 : 1 ) http://www.gmrup.com/gmrup-05-2010/gmrup12750613331.png د – اختبار اللهب: يتم إجراء الاختبار على الملح الصلب حيث يغمس سلك البلاتين أولا في حمض الهيد روكلوريك المخفف ويعرض للهب المباشر حتى نتخلص من جميع الشوائب على السلك وذلك بمتابعة لون اللهب ثم يغسل السلك بالماء ثم بحمض هيدروكلوريكةمخفف ثم يغمس في الملح الصلب ويعرض مباشره للهب ونرى تغير لون اللهب ومن أهم العناصر المميزة بهذا الاختبار: الصوديوم >> أصفر ذهبي البوتاسيوم >> بنفسجي نحاس >> أخضر الاسترانشيوم >> أحمر قرمزي الباريوم >> أخضر تفاحي الكالسيوم >> أحمر طوبي |
موسوعة مواقع الأبحاث والرسائل العلمية.. أولاً: مواقع للبحث عن رسائل الماجستير والدكتوراة http://www.iterasi.net /openviewer.as...hegkpsrghh8uhw http://www.cihr-irsc.gc.ca/e/32302.html http://www.nsf.gov/statistics/infbrief/nsf06312/ http://www.duke.edu/web/las/Funding/pre.html www.aiu.edu/_PhD http://www.thesportjournal.org/2004J...No1/casper.asp http://edweb6.educ.msu.edu/kin/acade...chosocial2.htm http://www.essaytown.com/topics/yout...ays_papers.htm http://www.unc.edu/sportmedlab/personnel.html http://www.es***.ac.uk/intro/pg/areas.htm?area=Sports ثانياً: مواقع للمكتبات http://citeseer.ist.psu.edu http://www.arxiv.org/ http://nsdl.org/ http://www.oopweb.com/ http://www.tldp.org/ ثالثاً: مواقع شاملة دليل محركات البحث العالمية http://aslimnet.free.fr/special/moteurs.htm http://www.csc-sy.net اشهر محركات البحث العالمية http://www.khayma.com/mayadin/trazina.htm صفحة لجميع البواحث التي تريدها http://sultan.org/b/ يعتبران من اهم المواقع البحثية http://www.ncbi.nlm.nih.gov/entrez/query.fcgi?DB=pubmed http://www.pubmedcentral.nih.gov/ يعتبر افضل المواقع البحثية علي الاطلاق http://www.sciencedirect.com/science افضل لينكات البحث في العالم http://www.yorku.ca/sasit/links/search-ref.html رابعاً: مواقع للأبحاث الابحاث الرياضية http://www.beckett.com/default.osi مواقع عالمية في الابحاث العلمية http://www.addlinkat.com/gooogl.htm اسئلة مادة القياس والتقويم للعام الجامعي 2007 http://up.9q9q.net/up/index.php?f=rOoRTr842 موقع ابحاث في علم النفس للدكتور سامر رضوان http://de.geocities.com/psychoarab/Research |
دلوقتي انا رايحه سنه اولى .,
جامعه اسكندريه ., بيقولوا ان الدراسه بال e ., ازاي هفهم كلام الدكتور وهو كلامه كله كده بالانجليزي ., مش فاهمه ايه الحكايه بالظبط ؟؟؟؟ مع العلم اني نص نص في الانجليزي . |
اقتباس:
بالفعل الدراسة انجلش فى كل كليات العلوم تقريبا وتقريبا هتقدرى تتعودى على الانجليزى ده بعض فترة صغيرة لانهم بيخدوه تدريجى يعنى مش من اول محاضرة هتلاقيها انجليش كاملة الشرح بيكون اغلبيته عربى والمصطلحات انجلش والكتب انجلش والامتحانات انجلش وبالنسبة انك ضعيفة فالانجلش فهتتعودى مع الوقت وده كلام نااااااااااااس كتير فالكلية وبعدين اصبرى على نفسك لما نبدء لاقيتى نفسك فاهمة وممكن تكونى احسن كدة كويس اوى لاقيتى نفسك مش فاهمة حاجة ساعتها نشوف كورسات انجلش كويسة |
التقديم مش يوم 15-8 لان كشوفات التنسيق موصلتش الكلية واخر كلام انه هيكون الاسبوع الجاى وغالبا يوم 20-8 لان كلية الحقوق اعلنت انها هتبدء فتح باب التقديم يوم 20-8 لطلاب المرحلة الاولى من تنسيق الثانوية العامة فاحتمال تكون كلية العلوم زيها كمان بس معرفش هنتقسم لمرحلة اولى وتانية ولا لا الله اعلم |
المنتدى الرسمى لطلبة علوووم الاسكندرية
http://alex.3oloum.org/forum |
http://www.al-wed.com/pic-vb/10.gif
محدددددددددش عرف امتى ميعاد التقديم للكلية بالضبط ؟؟؟؟؟ بصراحة موقع الكلية فاششششل مووووتhttp://www.al-wed.com/pic-vb/10.gif |
http://n4hr.com/up/uploads/92661c5c94.gif
مقدمه كليه العلوم مش كليه صعبه ولا حاجه المواد الدراسيه فيها لذيذه جدا وهتكتشفوا ده فى سنه تانيه وتالته ورابعه بعض النصائح المهمه حتى تحصل على تقدير كويس اهم حاجة الجو اللى انت هتكمل فيه السنة يعنى لو البيت عندك كدة كويس اووى اكيد هيكون فى متابعة ولو مثلا انت فى محافطة تانية غير الاسكندرية او مثلا حابب تستقر انت ومجموعة من اصدقائك بعيد عن دوشة البيت فاول حاجة تعملها,,,,,,,,,,,,,,, 1 - أختار السكن المناسب حاول تأخد سكن فى مكان قريب حاول على قد الأمكان أن تكون قريب من الجامعه 2- أختار زملاء سكن كويسين حاول تسكن مع ناس فى علوم وياريت يكونوا أكبر منك فى الدراسه علشان يساعدوك وتفهم منهم أزاى بتم الأمتحانات وتأخد خبرتهم بس متعدمتش عليهم خليك مفتح ياد علشان متقعش حاول أن يكون زملاء فى السكن من كليات علميه وأبعد عن المدخنين وعن شريبه الحشيش على قد ما تقدر أعملوا جدول و حطوا شويه قواعد تنظم السكن من حيث الأكل والنظافه العامه والفلوس و الضيوف ده هيخلى فىه مناخ مناسب بعيد عن المشاكل و تعب الأعصاب وفلان قال وفلان مقالش والقصص الخيبه دى 3- كليتك كليه عمليه بتعتمد على الحضور والتركيز لازم تحرص على الحضور المبكر لجميع الأيام الدراسيه يعنى لو المحاضره 9 لازم تكون فى الكليه 8:15 وأحرص على الجلوس فى منتصف المدرج أمام الدكتور مباشره لا تتنازل عن الجلوس فى الصف الأول علشان تقدر تسمع الدكتور كويس لأن فى دكاتره صوتها واطى دى بيديك تركيز عالى وبيساعد على الفهم السريع وده أنت فى أمس الحاجه ليه فى الكليه لو تقدر تقعد تحت الدكتور وهو بيشرح المحاضره مفيش مشكله وطبعا ده كمان فى السكاشن أحرص أنك تكون فى أول بنش أمام المعيد مباشره متقعدش جنب واحد بيرغى أو بيقعد يتكلم فى المحاضرات لازم تقعد فى المحاضرات مركز متخليش الموبايل يشغلك ومتفكرش لا فى حبيب ولا قريب خليك مع الدكتور فقط و أنسى كل حاجه أياك تسيب محاضره شغاله وتمشى فى دكاتره مبتعرفش تشرح ومحدش بيفهم منهم حاجه برضوه تحضر محضرته من أولها لأخرها الحضور مهم جدا يا جماعه ومتعتمدش على حد يحجزلك مكان المحاضرات والسكاشن أكتبهم كلمه كلمه فى شكولك لو الدكتور عطس فى المحاضره أكتبها برضوه لازم تكون سريع مش مهم الخط يكون وحش المهم أنك تعرف تقرأه متعتمدش ان صاحبك معاه أم بى ثرى وبيسجل المحاضره يعنى حتى لو أنت معاك أم بى ثرى وبتسجل المحاضره أكتبها برضوه الأدب وعدم أثاره المشاكل لازم تلتزم بالأدب علشان مفيش دكتور أو معيد يعملك مشكله الموبايل تقفله خالص فى المحاضره أنا بقول تقفله خالص مش تعمله صامت متكلمش حد لا فى محاضره ولا فى سيكشن متعديش حدودك مع أى دكتور أو معيد ألتزم بحضرتك و ب دكتور تابع جيدا مواعيد المحاضرات والسكاشن لأنها بتتغير علشان متفوتش حاجه المذاكره 1 يوميا قم بتبيض المحاضرات يعنى المحاضره اللى كتبتها ورا الدكتور بخط وحش أرجع اكتبها تانى بخط جميل وبتنسيق وأضافه الرسم وأستعين بالكتاب كمان نظام المذاكره أولا أفهم وده بيكون فى اكليه محاضرات وسكاشن ثانيا أحفظ وده بيكون فى السكن ثالثا مذكره الأمتحانات دور عليها وهاتها |
موضوع مميز جدا ..
ربنا يجزيك كل خير ويبارك فيييك .. بالنسبة للتقديم لسه متصلة النهارة الصبح وسالت الكلية وقالي يوم 25 بس ابقى اتصلي قبلها تتاكدي برده قلتلوا كل الطلبة ..قالي ايوا بس ابقى اتصلي قبلها .. ده حسب ماعرف ومضمون كلامه..والله اعلم .. وربنا يوفقنا ياارب. . |
انا كمان اتصلت وقالولى يوم 25
|
انا رحت انهاردة الكلية وتهت وكان صيام وكدة
هههههههههههه اصل تقريبا فى 100 كلية علووووم |
ههههههههه
ربنا يعينك .. المهم ... وصلت لايه بالظبط انا سمعت ناس بتقول التقديم بعد العيد ,, |
اقتباس:
مفيش جديد قالو ان ورق ترشيحات التنسيق لسة مجاش واحتمال يكون يوم 20 او 25 لسة مفيش ميعاد اكيد واخر حاجة تبقى تتباعنا بالتليفون بس حد يعرف المصاريف بتاعة قسم بترول كام بالضبط من غير احتمالات اوتقريب؟ لانى سمعت انى بقى قسم عادى زى اى قسم فى علوم بور سعيد ولا اااااااااااااااااايه؟ |
http://www6.0zz0.com/2010/06/26/11/167613332.jpg
السلام عليكم و رحمة الله اهلاااااااا بسنة اولى علوم او زى ماهستمعوها كتير طلبة المستوى الأول طبعا انتو عرفتو ان نظام الكلية "الساعات المعتمدة" ايه بقى نظام الساعات المعتمدة؟؟ هو معناه ببساطة جدا ان لكل طالب عدد ساعات معينة ما يتخرجش من الكلية الا لما يكون درسهم فى كل تيرم المفروض يبقو 18 ساعة مش هيكترو عن كده ولا هيقلو الا اذا كان الطالب معدله التراكمى اقل من واحد طبعا ده بيبان من النتيجة .. و ع فكرة المعدل التراكمى ده اللى بيحدد مين الاول ع القسم و مين التانى و هكذاااا تعالو بقى نحاول نفهم الموضوع من الاول دلوقتى المفروض هيكون فى مقابلة ليكم مع وكيل الكلية المقابلة دى للى مش راح بيعرفوكم فيها بنظام الساعات المعتمدة .. و المقررات.. و الاقسام و هكذا و بيدوكو ورقة فيها الاقسام عشان تختارو القسم بتاعكو بالنسبة لطلبة علمى علوم الاقسام اللى هيختارو منها دى علم الحيوان-الجيولوجيا-النبات-الكيميا-الميكروبيولوجى-البيوتكنولوجى و البيئة البحرية بالنسبة لطلبة علمى رياضة الكيميا-الفيزيا-رياضيات-علوم الحاسب-الجيوفيزيا التطبيقية-الجيولوجيا بعد الاقسام هتلاقو مكان ل 3 رغبات تكتبوها فانتو هتكتبو الاقسام اللى عازوزينها حسب ترتيبها بالنسبة لكم يعنى مثلا انا عاوزة كيميا لو مش كيميا بيقى ميكرو لو مش ميكرو يبقى بيوتكنولوجى هتكتبوهم بترتيبهم .. و ادارة الكلية هتقسمكم حسب رغباتكم الا اذا كان فى قسم مثلا عدد كبير من الدفعة عاوزه و باقى الاقسام مش فيها طلبة فهيخلو للقسم اللى الكل عاوزه ده(قسم الكيميا بمعنى اصح) عدد معين من الطلبة يدخلوه حسب درجتهم فى الكيميا فى الثانوية العامة و يقسمو الباقى بقى حسب رغباتهم و ترتيبها بالنسبة للى ممكن يدخلو قسم هما مش عاوزينه فى حاجة اسمها تغيير مسار تقدرو تغيرو قسمكم من بعد نتيجة اوى تيرم لو تحبو و طبعا بتدرسو المواد الاختيارية بتاعت القسم .. تمام؟؟ اخترتو القسم كده نيجى بقى للمقررات بدءا من دلوقتى لحد اخر يوم فى اول اسبوع فى الدراسة ده وقت تسجيل المقررات .. كل واحد هيروح للمرشد الاكاديمى بتاعه و يختار المقررات بتاعته فى المستوى الاول مش هيبقى اختيار اوى لان فيزيا و كيميا و رياضة مفروضة ع الكل بلا استثناء لان دى متطلبات اجبارية من الكلية بعدين بقى كل قسم هيبقى ليه مقررين او ممكن 3 مختلفين عن باقى الاقسام بالنسبة لكيميا كان التيرم الاول بارا و احصا اللى مش عارفين المرشد الاكاديمى بتاعهم بيبقى فى ورق متعلق فى اسامى الطلبة مع مين من المرشدين الاكاديميين و اللى مش عارف برده ممكن يسال الشئون و هما هيقولوله مين المرشد بتاعه طبعا يا جماعة المرشد الاكاديمى ده بيبقى دكتور و غالبا بيبقو دكاترة كبار .. كده اخترنا المقررات بتاعتنا نكتب الجدول بتاعنا طبعا بيبقى متعلق .. كل واحد حسب المجموعة اللى فيها اخدنا الجدول و ظبطنا المقررات من اول يوم فى تانى اسبوع نبدأ جد بقى محاضرات و عملى طبعا فى الاول مش هيبقى فى كتب لكذا اسبوع اللى يقدر يكتب كلام الدكتور ياريت هيساعده اكيد باذن الله و لازم لازم تركزو فى المحاضرات .. حاولو تبقو تروحو المكتبة و تدورو ع الحاجات اللى الدكتور قالها فى الكتب .. و ذاكروها لما تيجى الكتب هتلاقو معظم اللى قريتوه فى المنهج فى نص التيرم يعنى فى الاسبوع السابع باذن الله هتبدأ امتحانات الميد تيرم امتحان بسيط جدا لانه امسكيو بتحلوه فى المحاضرة غالبا بتبقى مدته 10 دقايق و بعدين تكملو المحاضرة عادى نسبة الميد تيرم بقى 10% من ال40% بتاعت العملى فحاولو مش تضيعوها المفروض انه يبقى ميد تيرم واحد فى التيرم .. بس فى دكاترة بيخلوهم 2 و ياخدو المتوسط بعد الميد تيرم هتكملو دراسة عادى بعدين امتحانات العملى بقى .. و بعدها النظرى .. و بعدين النتيجة و بعدين بقى هتيجو فى المنتدى نعملكم موضوع و نقولكم الف مبروووووووووووووووووووووووك ع تفوقكم فى حاجات متعلقة بالدراسة ماقلتهاش بس انا قاصدة ده .. بس لو عندكم اى استفسار قولوه و هجاوبكم عليه باذن الله فى حاجة بقى عاوزة اقولها بعيدا عن نظام الكلية الكلية نفسها بجد يا جماعة علوم كلية ممتعة لابعد ابعد الحدود .. و طبعا اهميتها متهيالى عارفينها بالنسبة لى هيا و هندسة افضل كليتين .. ماتسمعوش كلام حد .. لا مجتمع و لا اصحاب ولا حتى زمايل و بلاش تدخلو نفسكم متاهة ان المجتمع بيبص لكلية كذا انها احلى من علوم و بالتالى انت ترد لا علوم احلى ركز انت عاوز ايه بالضبط و ماتسمعش كلام حد سيب اللى يتكلم يتكلم و عشان تكونو عارفين نظرة المجتمع لعلوم -حاليا- انها لا شئ متفقون؟؟ المهم نظرتك انت ليها ايه و هدفك منها ايه اقولكم فكرة حلوة اوى لما حد يتكلم معاك ان علوم مش حلوة خليه يتكلم و انت جواك قول لنفسك انك مقتنع بيها .. انت ليها .. هو مش ليها دى حاجة ترجعله كل واحد حر او الافضل تقولهم مايتكلموش معاك فى الموضوع ده .. بالتوفيق يارب منقوول http://img401.imageshack.us/img401/5...f9d6e02ys5.gif |
اقتباس:
بس هل تعتقد الدولة ممكن تفرط في الفلوس اللي كانت بتجيلها .. لا و تصرف علها كمان اعتقد الدولة محتاجة كل مليم في الوقت ده .. حتى التحويل اللي بفلوس بدل 1200 بقى 2500 |
اقتباس:
والله بجد معنديش فكرة بس صح ده ممكن يخلو باقى اقسام الجامعة بفلوس مش يشلوهاا يلا ربنا يستر وياريت اى حد عنده معلومات او سئل يجاوبنااا |
اقتباس:
اقول انت ولا انتى .. :) عشان مش واخد بالي على العموم نقول يا رب .. احسن هما بيحاولوا ياخدوا فلوس من الناس لاي حاجة احنا عمر النور ما زاد عن 30 جنيه .. الشهر ده جالنا 83 جنية المية كانت بتيجي 10 جنيه .. جت 50 جنيه بالنسبة للمعلومات .. هي ما شاء الله ممتازة جدا و مفيدة اوي عشان نعرف نتخيل الوضع و رنا يوفقنا في الكلية |
والله ربنا يستر ويعين الكل
وبعدين انا اسمى comboy ههههههههه ياترى ولد ولا بنت ؟ انا اسمى محمد حسن |
هههههههههه
اصل المعلومات اللي مكتوبة فيها حاجات مختلفة في الموضوع زي دي اقتباس:
|
هههههه لالا مش كدة بس ساعات المواضيع بتكون منقولة واللى كاتبنها بنات فانا مبحبش اغير حاجة فيها مش اكتر والله
|
مفيييييييييييييييييييييييش جديد انا رايح بكرة اشوف ايه الاخبار
|
انا رايح بكرة اتصور .. :)
|
السلام عليكم
يا ريت اى حد راح الكلية يبلغنا ايه الاخبار علشنان عايزة اعرف التقديم امتى بالضبط وشكرااااااااااا |
لائحة كلية العلوم
مادة ( 1 ) أقسام الكلية: تتكون كلية العلوم من الأقسام العلمية التالية: 1- قسم الرياضيات 2- قسم الفيزياء 3- قسم الكيمياء 4- قسم علم النبات 5- قسم علم الحيوان 6- قسم الجيولوجيا 7- قسم علوم البحار 8- قسم الكيمياء الحيوية 9- قسم علوم البيئةمادة ( 2 ) الدرجات العلمية: تمنح جامعة الإسكندرية بناء علي طلب مجلس الكلية الدرجات العلمية التالية: ( أ ) درجة البكالوريوس العامة في العلوم تخصص رئيسي(Major )/ فرعي(Minor ). (ب) درجة البكالوريوس الخاصة في العلوم (Honours Degree ). مادة (3) التخصصات: التخصصات التي تمنح فيها درجة البكالوريوس العامة (رئيسي / فرعي) والخاصة هي: 1. الرياضيات ر Mathematics Math 2. الإحصاء ص Statistics Stat 3. علوم الحاسب الآلي س Computer Science CS 4. الفيزياء ف Physics Phy 5. علوم الفضاء ف ض Space Sciences SP 6. فيزياء حيوية ف ح Biophysics BP 7. الكيمياء ك Chemistry C 8. النبات ن Botany Bot 9. الميكروبيولوجى م Microbiology MICB 10. التقنية الحيوية ت Biotechnology BT 11. علم الحيوان ح Zoology Z 12. علم الحشرات ش Entomology E 13. البيولوجيا الجزيئية ب ج Molecular Biology MB 14. الجيولوجيا ج Geology G 15. الجيوفيزياء ج ف Geophysics GP 16. 17. علوم بحار عامة علوم البحار الفيزيائية ع ب Oceanography Physical Oceanography MS 18. الكيمياء الحيوية ك ح Biochemistry Bioc 19. علوم البيئة بي Environmental Sciences Envt ويجوز للكلية استحداث تخصصات رئيسية أو فرعية أخرى وفقاً لأحكام قانون تنظيم الجامعات. مادة ( 4 ) نظام الدراسة: النظام المتبع في الكلية هو نظام الساعات المعتمدة (Credit Hours System ) في إطار الفصل الدراسي، وهو نظام يشترط لتخرج الطالب اجتيازه عدد من المقررات الدراسية بنجاح وفق المستوى الذي تحدده الكلية ، كما يتيح للطالب حرية الدراسة والمشاركة في وضع خطة دراسته وفقاً لقدراته وحسب النظام المعمول به. وبتوجيه من المرشد الأكاديمي ، وذلك في ضوء الحدود الدنيا والعليا لعدد الساعات المعتمدة التي يسمح له بالتسجيل فيها لكل فصل دراسي. مادة ( 5 ) الفصل الدراسي: يتكون الفصل الدراسي من سبعة عشر أسبوعاً موزعة على النحو التالي: أ – فترة التسجيل ومدتها أسبوع واحد. ب- فترة الدراسة وتمتد أربعة عشر أسبوعاً. ج- فترة الامتحانات ومدتها أسبوعان. مادة (6) معيار الساعة المعتمدة: تحتسب الساعة المعتمدة خلال الفصل الدراسي الواحد على النحو التالي: أ – كل محاضرة نظرية مدتها ساعة واحدة أسبوعياً تكافئ ساعة واحدة معتمدة. ب- كل فترة دراسة عملية أو تمارين مدتها 2 أو 3 ساعات أسبوعياً تكافئ ساعة واحدة معتمدة. ج- يسقط من حساب الساعات المعتمدة الدراسة العملية أو التمارين التى مدتها ساعة واحدة.مادة (7) مستويات الدراسة: تحدد مستويات الفرق الدراسية كما يلي: 1.الطالب الذي يجتاز 34 ساعة معتمدة على الأكثر يعتبر في المستوى الأول (مستوى الفرقة الدراسية الأولى). 2.الطالب الذي يجتاز مابين 35 إلي 68 ساعة معتمدة يعتبر في المستوى الثاني (مستوى الفرقة الدراسية الثانية). 3.الطالب الذي يجتاز مابين 69 إلي 102 ساعة معتمدة يعتبر في المستوى الثالث (مستوى الفرقة الدراسية الثالثة). 4.الطالب الذي يجتاز 103 ( أو أكثر ) ساعة معتمدة يعتبر في المستوى الرابع (مستوى الفرقة الدراسية الرابعة). وقد رقمت المقررات المبينة بجداول البرامج المختلفة على النحو التالي: متطلبات الجامعة والكلية ومقررات المستوى الأول من 100 إلى 199. مقررات المستوى الثاني من 201 إلى 299. مقررات المستوى الثالث من 301 إلى 399. مقررات المستوى الرابع من 401 إلى 499. المقررات ذات الأرقام الفردية تعرض عادة في الفصل الدراسي الأول أما المقررات ذات الأرقام الزوجية فتعرض عادة في الفصل الدراسي الثاني، وتسبق أرقام المقررات حروف تعني التخصص الذي يتبعه هذا المقرر كما في المادة ( 3 )، ويجوز للجنة شئون التعليم والطلاب وبناءً على اقتراح الأقسام العلمية عرض مقرر في أكثر من فصل دراسي أو في غير موعده.مادة (8) المتطلب السابق: يعتبر المتطلب السابق مقرر دراسي يتعين على الطالب اجتيازه قبل التسجيل في مقرر معين آخر وفي هذه الحالة فإنه يطلق على الأول متطلب سابق للمقرر الآخر. مادة (9) القبول: تقبل كلية العلوم الطلاب الحاصلين على الثانوية العامة (الرياضيات والعلوم) والشهادات العربية والأجنبية المعادلة لها وفقاً لشروط القبول التي يحددها المجلس الأعلى للجامعات. ويلتحق طالب الفرقة الأولى المستجد بإحدى الشعب الثلاث الآتية: أ – شعبة العلوم الطبيعية. ب- شعبة العلوم البيولوجية. ج- شعبة العلوم الجيولوجية. يختار الطالب تخصصه الرئيسي قبل بدء ثالث فصل دراسى له و التخصص الفرعي قبل خامس فصل دراسى له بعد موافقة المرشد الأكاديمى والقسم المختص وحسب الجدول التالي: م الشعبة التخصصات التابعة للشعبة 1. العلوم الطبيعية ( أ ) الرياضيات – الإحصاء – علوم الحاسب الآلي – الفيزياء الفيزياء الحيوية – علوم الفضاء – الكيمياء –علوم البحار الفيزيائية 2. العلوم البيولوجية ( ب ) الكيمياء– النبات – الميكروبيولوجي – التقنية الحيوية – علم الحيوان- علم الحشرات – البيولوجيا الجزيئية – علوم البحار العامة – الكيمياء الحيوية – علوم البيئة 3. العلوم الجيولوجية ( ج ) الكيمياء – الجيولوجيا – الجيوفيزياء مادة (10) متطلبات التخرج : متطلبات التخرج لنيل درجة البكالوريوس في العلوم هي 140 ساعة معتمدة على الأقل، توزع كما يلي: أولاً : متطلبات الجامعة: عدد 10 ساعات معتمدة توزع على النحو التالي: (1) 7 ساعات معتمدة إجبارية وتوزع كالأتي: ساعتان معتمدتان لدراسة الحاسب الآلي س100 (1 ساعة نظري + 2 ساعة عملي أسبوعياً). ساعتان معتمدتان لدراسة اللغة العربية. ساعتان معتمدتان لدراسة اللغة الإنجليزية. ساعة واحدة معتمدة لدراسة حقوق الإنسان. (2) عدد 3 ساعات معتمدة إختيارية في الدراسات الإنسانية من بين المقررات التالية: 1. مبادئ علم الفلسفة. 2. الإنسان والبيئة. 3. أساسيات الإدارة. 4. محاسبة. 5. تصميم وفنون جميلة. 6. مبادئ علم نفس. 7. مدخل القانون. 8. مقدمة في علم الآثار. ويسمح للطالب التسجيل في أي من هذه المقررات طوال فترة دراسته الجامعية. ثانياً: متطلبات الكلية: 25 ساعة معتمدة لكل من الشعب المذكورة في مادة (9) وتوزع كما يلي: شعبة (أ) العلــــوم الطبيعـيــــة بحتة تطبيقية حاسب آلي فيزياء كيمياء 6 ساعات معتمدة في الفصلين الدراسيين 4 ساعات معتمدة في الفصلين الدراسيين 2 ساعة معتمدة في الفصل الدراسي الثاني 6 ساعات معتمدة في الفصلين الدراسيين 7 ساعات معتمدة في الفصلين الدراسيين شعبة (ب) العلــوم البيولوجيــــة رياضيات فيزياء كيمياء حيوان نبات عام 3 ساعات معتمدة في الفصل الدراسي الأول 3 ساعات معتمدة في الفصل الدراسي الثاني 7 ساعات معتمدة في الفصلين الدراسيين 6 ساعات معتمدة في الفصلين الدراسيين 6 ساعات معتمدة في الفصلين الدراسيين شعبة (ج) العلــوم الجيولوجيـــة رياضيات فيزياء كيمياء بيولوجي جيولوجيا 3 ساعات معتمدة في الفصل الدراسي الأول 4 ساعات معتمدة في الفصل الدراسي الثاني 7 ساعات معتمدة في الفصلين الدراسيين 4 ساعات معتمدة في الفصلين الدراسيين 7 ساعات معتمدة في الفصلين الدراسيين ثالثاً: التخصص الرئيسي: يدرس فيه الطالب 66 ساعة معتمدة من بينها 42 ساعة معتمدة مقـررات إجبارية و24 ساعة معتمدة مقررات اختيارية.رابعاً: التخصص الفرعي: يدرس فيه الطالب 30 ساعة معتمدة من بينها 18 ساعة معتمدة مقررات إجبارية و 12 ساعة معتمدة مقررات إختيارية. خامساً: اختيار حر: يدرس فيه الطالب 9 ساعات معتمدة يختارها من مقررات القسم أو الكلية أو الجامعة على أن تكون من خارج متطلبات التخصص الرئيسي والفرعي. سادساً: التدريب الصيفي: يؤدي جميع الطلاب تدريبات في التخصص الرئيسي لمدة 4 أسابيع في الشركات أو المصانع أو الهيئات أو المعاهد البحثية أو دراسة حقلية ذات الصلة بالتخصص، وذلك بدون ساعات معتمدة، ويختار القسم العلمي الوقت المناسب للتدريب خلال الإجازات الصيفية. مادة (11) المرشد الأكاديمي: يحدد القسم العلمي لكل طالب في التخصص الرئيسي مرشداً أكاديمياً من بين أعضاء هيئة التدريس لتقديم النصح والإرشاد له خلال فترة دراسته ومساعدته في اختيار مقرراته الدراسية، ولا تقبل بطاقات التسجيل أو الإضافة أو الإنسحاب إلا باعتماد المرشد، وعلى الطالب الرجوع إليه لإستشارته في أموره الدراسية وحل المشكلات التي تعترضه أثناء دراسته. مادة (12) التقييم والتقديرات: يتم تقييم امتحانات كل مقرر من 100 (مائة) درجة. يتم تقييم الطالب في المقررات النظرية والعملية بناءً على الأسس التالية: بالنسبة للمقرر النظري فقط يحتسب 70% مـن الدرجات للامتحان التحريري، 10% للشفـوي، 20% للأعمال الفصليه. بالنسبة للمقرر الذي يحتوي على دراسات عملية يحتسب 60% من الدرجات للإمتحان التحريري، 10% للشفوي، 30% للأعمال الفصلية والإمتحان العملي النهائي. بالنسبة للمقرر العملي فقط يحتسب 70% من الدرجات للإمتحان النهائي و30% للأعمال الفصلية. 2. تقدر الدرجات التي يحصل عليها الطالب في كل مقرر دراسي على الوجه التالي: الرمـز عدد النقاط الدرجـة التقدير A 4.00 أو أكثر 90% ممتاز A- 3.67 90%أقل من - 85% من B+ 3.33 85%أقل من - 80% من جيد جداً B 3.00 80%أقل من - 75% من B- 2.67 75%أقل من - 70% من جيد C+ 2.33 70%أقل من - 65% من C 2.00 65%أقل من - 60% من مقبول C- 1.67 60%أقل من - 56% من D+ 1.33 56%أقل من - 53% من D 1.00 53%أقل من - 50% من F 0 50% أقل من 3. يتم حساب المعدل الفصلي (متوسط ما يحصل عليه الطالب مـن نقـاط في الفصل الدراسي الواحد) Grade Point Average – GPA كما يلي: مجموع حاصل ضرب نقاط كل مقرر x عدد ساعاته المعتمدة المعدل الفصلي = حاصل جمع الساعات المعتمدة لهذه المقررات في الفصل ويقرب الناتج إلى رقمين عشريين فقط. 4. يتم حساب المعدل التراكمي العام (متوسط ما يحصل عليه الطالب من نقاط خلال كل الفصول الدراسية التي درسها) Cumulative Grade Point Average CGPA كما يلي: مجموع حاصل ضرب نقاط كل مقرر تم دراسته x عدد ساعاته المعتمدة المعدل التراكمي العام = مجموع الساعات المعتمدة لكل المقررات التي تمت دراستها فى جميع الفصول ويقرب الناتج إلى رقمين عشريين فقط. 5. الحد الأدنى للمعدل التراكمي للتخرج هو نقطتين (تقديرC ). 6. يعقد الامتحان النهائي في الأسبوعين الأخيرين من كل فصل دراسي بموجب جدول تعده إدارة شئون الطلاب، وتقره لجنة شئون التعليم والطلاب بالكلية، ويعلن على الطلاب مع التسجيل في بداية الفصل الدراسي، ويعتبر الطالب راسباً لائحياً (تقديرF ) في المقرر إذا حصل على أقل من 30% من درجة الامتحان التحريري النهائي مهما كانت درجاته في العملي أو أعمال السنة والشفوي . 7. تجري الامتحانات الفصلية والنهائية لكل مقرر بمعرفة لجنة مشكلة من القائمين بتدريسه ، ويتولى منسق المقرر تنظيم الامتحانات الفصلية وإعداد أوراق أسئلة الامتحانات. 8. إذا تقدم الطالب بعذر قهري يقبله لجنة شئون التعليم والطلاب عن عدم حضور الامتحان النهائي لأي مقرر خلال يومين على الأكثر من إجراء الامتحان النهائي يحتسب له تقدير غير مكتمل ( I ) في هذا المقرر، بشرط أن يكون حاصلاً على 60% علي الأقل من درجات الأعمال الفصلية، وألا يكون قد تم حرمانه من دخول الامتحان النهائي، وفي حالة التقدير " I " يتاح للطالب فرصة أداء الامتحان النهائي في الفصل التالي وفي الموعد الذي يحدده مجلس الكلية، وهو عادةً الأسبوع الأول من الفصل الدراسي الاعتيادي التالي مباشرة، وتحتسب الدرجة النهائية للطالب في هذا المقرر في الامتحان النهائي مضافة إلى الدرجة التي سبق له الحصول عليها في الأعمال الفصلية. I Incomplete غير مكتمل W ِWithdrawal منسحب FW Forced Withdrawal منسحب إجبارى L Audit مستمع 9. تمنح مرتبة الشرف للطالب الذي ينهي دراسته في الكلية في غضون المـدة الاعتيادية للتخـرج ( مابين 7 إلى 9 فصول دراسية اعتيادية ) بشرط ألا يقل معدله التراكمـي الفصلـي عن 3.0 نقاط في أي فصل من فصول دراسته وأن يكون معدله التراكمي العام 3.33 على الأقل. مادة (13) الدرجة الخاصة: الدرجة الخاصة هي إمتداد للتخصص الرئيسي بدلاً من التخصص الفرعي بحيث يصبح عدد الساعات المعتمدة للدرجة الخاصة هي 96 ساعة معتمدة، منها 60 ساعة إجبارية و 36 ساعة إختيارية، ويقبل الطالب المتميز بالدرجة الخاصة طبقاً للشروط التالية: 1. أن يكون قد أنهي علي الأقل خمسة فصول دراسية دون الرسوب في أي من متطلبات الكليةأو التخصص. 2. أن يكون معدله التراكمي العام 3.3 على الأقل. 3. أن يكون قد اجتازعلي الأقل 36 ساعة معتمدة من مقررات التخصص الرئيسي بمعدل لا يقل عن 3 , 3. 4. موافقة مجلس القسم المختص في ظل العدد المتقدم من الطلبة وما يناسب إمكانيات القسم. مادة (14) الفصل الصيفي: يجوز لمجلس الكلية الموافقة على فتح فصل دراسي صيفي مكثف مدته 8 أسابيع شاملة الامتحانات ويسجل فيه الطلاب بحد أقصى 9 ساعات معتمدة وفقاً لقواعد ورسوم يحددها المجلس ، بحيث تكون الدراسة في هذا الفصل اختيارية سواء للطالب أو لعضو هيئة التدريس الذي سيقوم بالتدريس فيه، ولا يدرس أي مقرر في هذا الفصل إذا قل عدد الطلبة المسجلين فيه عن 15 طالباً إلا بموافقة مجلس الكلية.مادة (15) إعادة المقرر: 1. إذا أعاد الطالب مقرراً ما للتحسين بعد نجاحه فيه وكان الطالب على قائمة الإنذار (مادة 23) يحسب له أعلى تقدير حصل علية للمقرر وبحد أقصى تقدير C+ . 2. في حالة إعادة الطالب دراسة مقرر رسب فيه، يكون أقصى تقدير يحتسب له هو تقدير + C ، وعند حساب المعدل التراكمي يحتسب تقدير النجاح لأول 8 مقررات فقط يعيد الطالب دراستها أما فيما زاد علي ذلك فيتم إحتساب تقدير كل من الرسوب والنجاح في معدله التراكمي... وإذا تكرر رسوب الطالب في مقرر ما، يكتفي بإحتساب الرسوب مرة واحدة في معدله التراكمي مع تسجيل عدد المرات التي أدى فيها امتحان هذا المقرر في سجله الأكاديمي. 3. تحسب الساعات المعتمدة للمقرر الذي يعيد الطالب دراسته بسبب الرسوب أو لأي سبب آخر مرة واحدة فقط ضمن عدد الساعات المطلوبة للتخرج. 4. لا يجوز للطالب أن يعيد دراسة مقرر سبق له دراسته والنجاح فيه بتقدير (C ) أو أكثر. مادة (16) العبء الدراسي: 1. العبء الدراسي هو عدد الساعات المعتمدة التي يسجلها الطالب للفصل الدراسي الواحد ويقع فيما بين 12 إلى 19 ساعة معتمدة. 2. يجوز للطالب الذي يحصل على معدل تراكمي 3 نقاط فأكثر وأنهى 34 ساعة معتمدة على الأقل أن يسجل بموافقة المرشد الأكاديمي أو رئيس مجلس القسم 21 ساعة معتمدة للفصل الدراسي العادي.3. لا يسمح للطالب بالتسجيل في أي مقرر ما لم يكن مستوفياً لمتطلبات ذلك المقرر، على أنه يجوز السماح لطالب المستوى الرابع بالتسجيل في مقرر ما ومتطلبه السابق الذي لم ينجح فيه. 4. يجوز لمقتضيات التخرج أن يسجل الطالب بموافقة المرشد الأكاديمي أو رئيس مجلس القسم 21 ساعة معتمدة للفصل الدراسي العادي الذي سيتخرج فيه بشرط ألا يكون على قائمة الإنذار(مادة 23). 5. يجوز للطالب التسجيل في مقررات دراسية من خارج برنامجه الدراسي ومطروحه من القسم أو الكلية أو الجامعة طالما أنها تخدم تخصصه ، وذلك بناء ًعلى اقتراح المرشد الأكاديمي وموافقة مجلس القسم, علي أن تدخل هذه المقررات في حساب المعدل التراكمي بحد أقصى 8 ساعات طوال فترة دراسته. 6. في كل الحالات يتم تسجيل الساعات التي تزيد على العبء الدراسي العادي خلال فترة الإضافة. 7. فيما عدا الطلبة المتوقع تخرجهم، يعتبر تسجيل الطالب لاغياً إذا قل عدد الساعات المعتمدة المسجلة عن 12 ساعة معتمدة بعد نهاية الأسبوع الأول من بدء الدراسة، ويجوز لمجلس الكلية السماح للطلاب بالتسجيل فيما لا يقل عن 9 ساعات معتمدة خلال الأسبوع الأول من بدء الدراسة، حسب شروط أو ظروف معينة يراها المجلس وذلك فيما لا يزيد عن فصلين دراسيين طوال فترة قيد الطالب بالكلية.مادة (17) التسجيل: 1. تعلن إدارة شئون التعليم والطلاب عن مواعيد التسجيل لكل فصل دراسي باستخدام وسائل الإعلان المناسبة والتي تكون غالباً خلال الأسبوع الأول من بدء الدراسة. 2. في الحالات التي يتخلف فيها الطالب عن سداد رسوم التسجيل أثناء فترة التسجيل المعلنة يسدد رسم تأخير بالإضافة إلى رسم التسجيل العادي. 3. يجوز للطالب الذي لم يتمكن من التسجيل لأعذار تقبلها لجنة شئون التعليم والطلاب ويوافق عليها مجلس الكلية أن يسجل تسجيلاً متأخراً خلال الأسبوع الثاني من بدء الدراسة مع تسديد رسم التأخير المشار إليه في البند السابق. 4. إذا قل عدد الطلبة المسجلين في أي مقرر إختياري عن 7 طلاب يغلق المقرر (إلا لأسباب تقبلها لجنة شئون التعليم والطلاب) وعلى الطلبة إختيار مقرراً بديلاً. مادة (18) الإضافة والحذف والانسحاب من المقررات: أ- يجوز للطالب بعد موافقة المرشد الأكاديمي أن يضيف أو يحذف مقرراً أو أكثر حتى نهاية الأسبوع الثاني من الفصل الدراسي (الأسبوع الأول من الفصل الصيفى) ، وذلك بما لا يخـل بالعبء الدراسـي المنصـوص عليه في المادة (16).ب- يجوز أن ينسحب الطالب من دراسة أي مقرر حتى نهاية الأسبوع الثانى عشر (الأسبوع السادس من الفصل الصيفى) من بدء التسجيل للفصل الدراسي وذلك بموافقة المرشد الأكاديمي ، ويسجل هذا المقرر في سجل الطالب الأكاديمي بتقدير " منسحب W "، بشرط ألا يكون الطالب قد تجاوز نسبة الغياب المقررة قبل الانسحاب، وتعرض حالات الانسحاب الاضطرارية بعد هذا الميعاد على لجنة شئون التعليم والطلاب للنظر فيها ثم إقرارها من وكيل الكلية لشئون التعليم والطلاب، على ألا يخل الانسحاب بالعبء الدراسي للطالب وفقاً للمادة (16). مادة (19): في حالة اختيار الطالب تخصصاً فرعياً يحتوى علي مقرر إجباري مدرج بقائمة المقررات الإجبارية لتخصصه الرئيسي يحسب هذا المقرر مرة واحدة ضمن التخصص الذي يتبعه المقرر ويستبدل بمقرر اختياري في التخصص الآخر، أما إذا كان هذا المقرر لا يتبع أي من التخصصين فيحسب ضمن التخصص الفرعي فقط ويستبدل في التخصص الرئيسي بمقرر إختياري. مادة (20): يطبق النظام العام للجامعة والكلية الخاص بقواعد الشطب من الجامعة، وفرص إعادة القيد والأعذار المقبولة عن عدم أداء الامتحان، ووقف القيد وكذلك تطبيق كافة القواعد والقوانين واللوائح الخاصة بشأن تأديب الطلاب المنصوص عليها بالمادة 123 في اللائحة التنفيذية من قانون تنظيم الجامعات.مادة ( 21 ) تعديل المسار: يجوز للطالب التحويل من تخصص رئيسي أو فرعي لآخر بناء على طلبه وذلك طبقاً للشروط الآتية: توافر أماكن شاغرة في التخصص الذي يرغب في التحويل إليه. توافر شروط القبول للتخصص المراد التحويل إليه. موافقة المرشد الأكاديمي في ضوء الوضع الأكاديمي للطالب وظروفه ومدى استعداده للدراسة في التخصص المراد التحويل إليه. وفي حالة موافقة لجنة شئون التعليم والطلاب على هذا التحويل تشطب من سجل الطالب جميع المقررات التي اجتازها الطالب من قبل، ولا تقع ضمن متطلبات التخصص الجديد (رئيسي / فرعي)، ولا يتم احتسابها في المعدل التراكمي، ويجوز لمجلس الكلية فرض رسوم إضافية عن هذا التحويل. مادة (22) المواظبة: يتولى أستاذ المقرر تسجيل حضور الطلاب في كل محاضرة نظرية أو درس عملي في سجل معد لذلك من قبل إدارة شئون التعليم والطلاب ، مع مراعاة ما يلي: أ- الحد المسموح به لغياب الطالب بدون عذر مقبول هو 15% من مجموع ساعات المقرر، وفي حالة تجاوز هذه النسبة يخطر أستاذ المقرر كتابياً إدارة شئون التعليم والطلاب لتوجيه الإنذار الأول للطالب, وإذا بلغت نسبة غياب الطالب 20% يوجه له الإنذار الثاني والأخير كتابياً. ب- إذا زادت نسبة الغياب عن 25% في المقرر وكان غياب الطالب بدون عذر تقبله لجنة شئون التعليم والطلاب، يحرم الطالب من دخول الأمتحان النهائى ويسجل له تقدير" منسحب إجباري FW " للمقرر ولا يدخل ذلك في حساب المعدل التراكمى للطالب.مادة (23) الإنذار الأكاديمي: - إذا حصل الطالب على معدل تراكمي CGPA أقل من 1.67 بعد نهاية الفصل الدراسي الثاني من التحاقه بالكلية يوجه له الإنذار الأول ويوضع على قائمة الإنذار (مراقب أكاديمياً). - على الطالب أن يرفع معدله التراكمي العام إلى المعدل المطلوب 2.0 وذلك بإعادة التسجيل في المقررات التي رسب فيها أو تحسين المقررات التي حصل فيها على تقدير D أو D+ وتطبق المادة (15) فى قواعد إعادة المقرر. - إذا استمر المعدل المتدني للطالب في الفصل الدراسي التالي للإنذار الأول يوجه له الإنذار الثاني ولا يسمح له بالتسجيل إلا في الحد الأدنى وهو 12 ساعة معتمدة. مادة (24) إيقاف وإلغاء القيد: 1. يجوز للطالب أن يتقدم بطلب لوقف قيده لفصل دراسي واحد وبحد أقصى أربعة فصول دراسية منفصلة أو متصلة خلال مدة دراسته بالكلية وذلك لأسباب قهرية توافق عليها لجنة شئون التعليم والطلاب. 2. يلغي قيد الطالب ويفصل نهائياً من الكلية في أي من الحالات التالية: ( أ ) إذا تجاوز الحد الأقصى علي قائمة الإنذار ( أربعة فصول متصلة ) التي تعرضها لجنة شئون التعليم والطلاب ويوافق عليها مجلس الكلية. ( ب ) إذا ارتكب الطالب مخالفة تخل بالآداب أو تخالف أنظمة الكلية أو الجامعة أو طبقت في حقه لائحة تأديب الطلاب بما يتفق وقانون تنظيم الجامعات. ( ج ) أية حالات أخرى واردة في قانون تنظيم الجامعات. مادة (25) نظام الاستماع: يجوز لمجلس الكلية بعد أخذ رأي مجالس الأقسام العلمية المختصة بأن يقبل طلاب من كليات أو جامعات أخرى كمستمعين لبعض المقررات بالكلية وفقاً لقواعد ورسوم يحددها المجلس، وتمنح الكلية شهادة باجتياز هذه المقررات مبيناً فيها تقدير الطالب ولا يتبع ذلك منح أي درجة جامعية. مادة (26): يقوم كل قسم بإعداد توصيف كامل لمحتويات المقررات التي تدرس به، وبعد إعتمادها من مجلس الكلية تصبح هذه المحتويات ملزمة لأعضاء هيئة التدريس القائمين على تدريس تلك المقررات، ويجوز لمجلس الكلية بناءً على إقتراح مجالس الأقسام المختصة، تعديل متطلبات التسجيل والمحتوى العلمي لأي مقرر من المقررات الدراسية. مادة (27): تطبق أحكام قانون تنظيم الجامعات ولائحته التنفيذية فيما لم يرد فيه نص في هذه اللائحة. مادة (28): تسري أحكام هذه اللائحة مع بداية العام الجامعي التالي لإقرارها بقرار وزاري من وزير التعليم العالي وتطبق فور سريانها على: أ- الطلاب المستجدين بالفرقة الأولى بالكلية. ب- أما الطلاب الباقين للإعادة بالفرقة الأولى والمنقولين للفرقة الأعلى فتطبق عليهم أحكام اللائحة الداخلية التي التحقوا في ظلها وذلك حتى تخرجهم. |
انا من اسكندرية واتصلت بقسم البترول عشان استفسر عشات خلاص فقدت الامل فى الطب وهندسة بترول وقلى بتاخد من علمى علوم ورياضة وقالى ان القسم بمبلغ 10 الاف فى العام الدراسى شامل الكورسات الخاصة بالبترول وانو متعاقد مع شركات بترول عشان التدريب وكمان عشان تتطلع بمشيئة الله تشتغل علطول بس معرفش حكاية انو بقى مجانى بس فى حاجة شبه بس مش اوى اللى هو الجيوفيزياء
|
اخر كلام
2 مرفق
http://n4hr.com/up/uploads/92661c5c94.gif
انا روحت انهاردة ياجماعة الكلية . . . . قالولى ان التقديم غالبا هيكون بعد العيد ومش هيتاخر عن كدة ده لو مكنش قبل كدة وتم تحديد ميعاد الكشف الطبى لطلبة لفرقة الاولى علوم يوم 7-9-2011 وطبعا معنديش اى معلومات عن الكشف ده وانا صورتلكم الاعلانات دددددى فى المرفقات وياريت اللى عنده معلومات عن الشكف الطبى يفيدنا بيها وهل هو خاص بالكلية ولا بيتعمل فى مكان برة ؟؟؟ |
شكرا جزيلا
انا كنت هروح يوم 25 كوي سوفرت عليا المشوار والله مشوار الكلية بعييييد |
ولايهمك ياجميييييل كلنا لبعضنا
|
انا كل ما اتصل بيهم يقولولى يوم 25 بس معرفش بقى هنقدم 25 ولا ممكن يْأ جلوه تانى .... شكراcomboy على المعلومات افادكم الله
|
طيب كويس انو بعد العيد .. عشان اتصور و شعري طويل .. :)
يا جماعة بما اننا كلنا هنروح الكلية ان شاء الله يا ريت نتكلم عن المواصلات اللي كل واحد هيركبها <<< فتح اي مواضيع عشان الملل بس |
|
http://www.facebook.com/groups/172762722791861/
وده جروب اخر وفى برده رابطة علوم تريد ممكن نشارك فيه |
بالنسبة لموضوع التخصص .. .. .. بنختار الشعبة الرئيسية فى سنة اولى اللى هى بتساوى الاعدادى فى الكليات الطبية وبتكون الشعبة واحدة من ثلاثة .... علوم طبيبعية جيولوجيا بيولوجى وبعدددددددددددددددها بتتخصص فى اللى انتا عاوزه بعد كدة وبالتوفيقhttp://img401.imageshack.us/img401/5...f9d6e02ys5.gif |
طيب .. متعرفش على اساس ايه ..
ولا مفتوح لكل واحد انو يختار اللي هو عايزه ولا ممكن ياخدو بالمجموع بتاع الثانوية العامة |
اقتباس:
على فكرة الكلام اللى تقال اننا اضمن حاجة بدل مانسال ونروح للكلية كل شوية نروح بعد العيد مباشرة ونقدم ورقنا وده كلام من مكتب شئون الطلبة نفسه انه اكيد التقديم هيكون بعد العيد وممكن اى حد يقدم فى الوقت ده فالله اعلم انه ممكن يكون يوم 25 او بعد كدة لان الفرق بينها وبين العيد صغير جدا والله ولى التوفيق |
اقتباس:
اولا طبعا لازم الصور تكون كويسة ددددى صور الكلية وعلى فكرة صوررررى طلعت حلووة اووى:022yb4::022yb4::022yb4: تانى حاجة انا هكون جاى من طريق العجمى يعنى هركب للمنشية وفى حليين بقى . . . . الحل الاول انى اتمشى لمحطة الرمل واركب من هناك الترام وننزل عند نادى الاتحاد الحل التانى انى اركب من المنشية اى حاجة بحر وانزل على البحر واخد شارع الكلية من البحر لحد مانوصل :blush::blush::blush::blush::blush::blush::blush:: blush::blush::blush::blush::blush::blush::blush::b lush::blush::blush::blush::blush::blush::blush::bl ush::blush::blush::blush: الطريقين فيهم مشى :o:o:o:o:o |
لا يا كابتن هتروح المبنى اللى فى محرم هتركب من العجمى انا من البيطاش على فكرة وتنزل محطة مصر وهتمشى محطة ترام بعد العصافيرى بتاع الهريسة هههههه وهتسال هنك هيقوللك على البوابة ملاكش دعوة بالمبنى بتاع الشاطبى مبنى محرم بيه ده الرئيسى
|
اقتباس:
بتختلف من سنة للتانية يعنى مثلا لو عندك كل طلبة الكلية راحو لقسم معين ولنفترض انه الجيولوجيا وطبعا القسم ده بيكون لية سعة فتضطر الكلية انها تحط بعض الشروط واولويات للقسم ده ممكن تكون درجة الثانوية العامة او امتحان من امتحانات الفرقة الاولى وده احتمال وفى احتمال تانى ان الكلية تلاقى انه تقريبا الطلاب متوزعين على جميع الاقسام وان مفيش اقسام فاضية ساعتها بتخلى كل واحد على رغبته و بتكون اكتر الرغبات عموما لقسم كمياااااااااااااااء وعشان كدة نستنى ونشوف هيحصل وربنا يستر ويحقق لكل واحد اللى بيتمناه والله ولى التوفيق |
بس على فكرة احنا المبنى بتاعنا اللى هنكون فيه هو مبنى الشاطبى مش مبنى محرم بيه وده الكلام اللى انا سمعته لما سالت طلبةهناك قالوا ان الفرقةالاولى علوم فى مبنى الشاطبى لان مبنى محرم بيه دراسات عليا ولا انتا قصدك حاجة تانية ؟؟؟؟؟:039uw8: ولاهو اتغير ولا ايه ؟ :bosyht9::bosyht9: |
انا بقى هركب اتوبيس من قدام البيت و هو هيعمل كل حاجة ..
و لو مستعجل ممكن اركب منشية و لو مش مستعجل هاخد الترام ساعة كدة ابقى هناك .. :) |
فى حد بيركب الترام ده المشى اسهل الترام بيتعبنى نفسيااااااااااااااااا بالذات الترام الاصفر
|
انا هركب اتوبيس او مشروع لحد كلية الهندسة الى جنب العلوم بس خلاص
ولا ترام ولا حاجة الاتوبيس ده على طريق البحر وامشى لالسكة لحد الكلية باذن الله وربنا يسهل الحال ادخلوا على الجروب ده http://www.facebook.com/groups/172762722791861/ الجروب ده كويس انا بدخل عليه كثيييييييييييير وبنتناقش مع طلية |
انا مشترك فيه ..
هتلاقو صورة البروفايل بتاعي لونها اخضر و مكتوب فيها .. اسلامية |
مفيش حد هنا انهاردة ولا ايه .. ؟
|
| جميع الأوقات بتوقيت GMT +2. الساعة الآن 07:20 AM. |
Powered by vBulletin® Version 3.8.11
Copyright ©2000 - 2024, Jelsoft Enterprises Ltd.