![]() |
قسم خاص بالمدرسين المتعاقدين
هذا القسم يتناول كل ما يهم المتعاقدين من أخبار جديدة وآراء ومقترحات وموضوعات
ويناقش هموم المتعاقدين ومشكلاتهم والمواقف التى تقابلهم وكافة القضايا التى تثير إهتمامهم كإمتحانات الكادر والتثبيت وخلافه ... بإختصار هذا القسم سوف يكون بمثابة نقابة رسمية للمتعاقدين فى هذا المنتدى وساحة مفتوحة للنقاش والحوار وإبداء الرأى والمناقشة وركن يجمع آمالهم وآلامهم أيضاً ، وكل ما يخصهم من أخبار .... فرجاء كل من لديه سؤال أو إستفسار أو خبر أو رأى أو معلومة حول مدرسى التعاقد فى مصر أن يطرحه هنا وشكراً .. |
وانا معاك استاذ كوماندا
لازم يكون لنا قسم يلمنا بدل ما حنا متبعثرين فى المنتديات ويكون له مشرف همام ياتى بالاخبار قبل صدورها!!! |
السلام عليكم
فكرة رائعة ياريت بجد تتنفذ |
مستر / محمد فوزى( komanda)
شكرا جزيلا على اهتمام حضرتك باخبار الزملاء المتعاقدين ومشكلاتهم خالص التحيات والتقدير |
جزاك الله خيراً .. فكرة رائعة !
لكن أين هو القسم الجديد أم أنك تقصد هذا الموضوع ؟ |
السلام عليكم
مبروك التثبيت يارب نبدا بقه انا هروح المديرية بكرة ان شاء الله واتى لكم باول خبر ان شاء الله |
أولاً شكراً على فكرة الصفحة الخاصة بنا
وشكراً للأستاذ هند ويا ريت فعلاً تأتي لنا بالخبر اليقين وجزاك الله خيراً |
السلام عليكم
فكرة رائعة ياريت بجد تتنفذ |
طب يلا يا جماعة كل واحد فينا يبدأ بتقديم نفسه
عشان نعرف بعض أكتر ويكون فى تفاهم وتواصل أكثر بين الجميع وهابدأ بنفسى أنا محمد فوزى مدرس لغة إنجليزية متعاقد بالأزهر 2006 خريج تربية الأزهر بالقاهرة وعندى عقدة متعقدة من التعاقد :( ياريت كل واحد يدخل يكتب عن نفسه عشان نعرفه أكتر وأهم حاجة يشارك فى الموضوع دة ولو بكلمة اتفضلوا يا جماعة ... |
فكرة حلوة
انا اسمى / عاطف عبدالشافى احمد سوهاج- البلينا تربية فرنسى متعاقد 2007 بس فى الابتدائى(ههههههههههههههههههههه) اقوم بتدريس عربى وحساب والعاب لتالتة ابتدائى(جسبى الله ونعم الوكيل) |
فكرة جميلة بس مقترحاتنا توصل للمسئولين
|
أنصح إخوانى المدرسين المتعاقدين باستغلال أجازة الصيف وعمل شهادة ICDL لأنه اكيد هنحتاجها فى يوم من الأيام سواء فى شغل أو سفر للخارج لمن يريد السفر و احتمال كبير يطلبوها فى حالة التثبيت. أنا شخصياً عملت ال skill card بتاع الإختبار ويوم الثلاثاء إن شاء الله هدخل اختبار اول موديول فى ال ( IT ) بس ادعولى ربنا يسهل ، وياريت أى حد عمل الشهادة دى يقول عملها فين وازاى ويدل باقى الزملاء على المكان المعتمد اللى عملها منه .. عليكم بال ICDL قبل الزحام وفوات الأوان وشكراً ... |
فكره جميله
|
بالتوفيق لكم جميعا ويسعدنا فتح هذه الصفحة من اجلكم جميعا وشكرا للاستاذ محمد فوزى على الفكرة التى لم نتردد لحظة فى تثبيتها من اجلكم
|
السلام عليكم..........
بالنسبه للحصول على شهادة ال icdl فأنا حاصله عليها منذ عام من وزارة التعليم العالى بالتعاون مع المصريه للاتصالات عن طريق منحه وهى مستمره حتى الاّن فى جميع المراكز المعتمده فى القاهره والمحافظات وأنا حصلت عليها من مركز مصر ليرن فى مصر الجديده والشهاده معتمده من اليونسكو.........وبالتوفيق للجميع......... |
شكرا لمشرفى المنتدى على التثبيت وشكر خاص للاستاذ /ممدوح وياريت الاخبار الحلوة تجيبوها هنا ومتنسوش ان فى ازهر وفى تربية تعليم يعنى المصادر مختلفة وبالنسبة للاى سى دى ال فانا حصلت عليها من سنةو 3 اشهر تقريبا من مركز الحساب العلمى بجامعة المنصورة وانت طبعا بادى بالاى تى عشان انت انجليزى انما انا كنت سايبها اخر حاجة والحصول على الشهادة سهل جدا حتى لمن ليس عنده فكرة عن الكمبيوتر اهم حاجة تنزل الامتحانات المحلولة على النت وتزكز فى السؤال والاجابة وهتعدى باذن الله اخوكم/هشام العيسوى متعاقد من2005 الازهر خريج تربية جامعة الازهر شعبة دراسات اسلامية |
ؤبنا يوفقكم جميعا الى الخير والهدى والفلاح والنجاح فى الدنيا والاخره 0
|
جزاكم الله خيرا على هذا القسم فعلا كنا محتاجنه
|
السلام عليكم اخباركم ايه جميعا يارب خير ان شاء الله اولا فكرة معقولة فعلا اننا نبدا اى سى دى ال انا الحمد لله قدمت وهبدا قريبا مع انى سمعت ان الاكاديمية هتتولى تدريبنا المهم اننا نعمل الى علينا ومش هنخسر شىء لو اخدناها حتى تنفع فى السفر للخارج ولما تيجى من الاكاديمية نكون فهمين كويس الشرح عشان الامتحان
اخر الاخبار كنت فى الادارة وعرفت ان الاكاديمية طالبة التقرير وهو عبارة عن ورقه فيها /اسماء المتعاقدين/ والمؤهل وسنة التخرج /تربوى/ غير تربوى / المادة التى يدرسها /تقدير السيد الموجه /تقدير السيد المدير /تاريخ التعاقد وده فى جدول مرضى /غير مرضى/ مرضى /غير مرضى / وبعدين تتعمل فى الدرسه ويمضى الادارى والسيد المير ويختمها وطبعا يعلى صح على مرضى واخر ميعاد لتقديم الورقة دى 15/7/2009 اما بالنسبه للتسجيل للاكاديمة فاختلفوا شئون العاملين بيقولوا مش مهم ده لانه لسه مفيش قرار وصلهم بالكلام ده ولسه بدرى عليه قدامنا ل2010ان شاء الله يدينا العمر ونشوف اليوم ده اما موظف الاحصاء بيقولولا حاولا لحد ما تسجلوا لان الموقع هيقفل معلش فيه حاجه تانيه بيتم الان تسجيل المتعاقدين المعلم المساعد المرحلة الاولى على بيانات الادارة لانهم طالبينه فى الوزارة بمصر ولما سالت قال ده للتثبيت ان شاء الله ياريت كله يروح يسال فى شئون عاملين وخصوصا الموظف المسؤل عن التعاقدات وعشان تتسجل بتجيب ورقه من المدرسة مختومة مع اسطوانه فيها الاسم والمؤهل وتاريخه والرقم القومى والماده وتاريخ العمل الى هو 2/70/2008 وربنا يثبتنا دنيا واخره |
شكراً جزيلاً للأخت هند وبارك الله فيكى
أخبار سارة وجميلة إن شاء الله وطبعاً عارفين الوقت والجهد المبذول من حضرتك فى إحضار هذا الأخبار إلى هذه الصفحة .. وأنا سمعت أيضاً إن إجراءات التثبيت شغالة على قدم وساق فى الوزارة تمهيداً لبدء التثبيت الفعلى .. والمفروض إحنا كمان نكون جاهزين لأى إجراء أو طلب مفاجئ منهم زى ال icdl مثلاً ومراجعة مواد وامتحانات الكادر شكراً هند وإن شاء الله خير |
[quote=sally2009;1384326]السلام عليكم..........
سالي اخبارك إيه فينك من زمان |
ازيك يا سها...
انا الحمد لله بخير.... |
محمود ابراهيم
المنصوره مدرس E ( تعاقد طبعا )ازهر خريج تربيه ازهر وحاصل على شهاده icdl من اليونسكواوياريت يا جماعه الكل ياخدها وتكون من مركز معتمد وياريت الى مش معاه تربوى يقدم فى الدبلومه السنه دى ان شاء الله وربنا يوفقنا |
اقتباس:
وبأمر الله ربنا يفرجها على حضرتك وكل الزملاء قريبا . اللهم نسألك الفرج وحسبنا الله ونعم الوكيل . |
جزاكى الله خيرا هند على الاخبار الجميله
ربنا يوفق الجميع |
ربنا يكرمنا جميعا
|
بخصوص الـ icdl أنا نزلت كل الكتب والامتحانات بأجوبتها من على النت .. مفيش مشكلة إن شاء الله مع الكمبيوتر وكل ما يتعلق به لأني أجيد استخدامه .. وأصلاً قبل ما أشترك في هذا المنتدى .. يعني حوالي من شهر كده .. كنت بشارك في منتديات البرامج ووصلت لمرحلة مللتُ منها من كثرة البرامج وكل ما يتعلق بها ! ( ابتسامة )
فلو أي أحد لديه مشكلة تتعلق بالحاسوب أنا ممكن أساعده إن شاء الله . أما أنا فمش عارف أسمي نفسي إيه .. هل أنا متعاقد أم لا ؟ لأن منذ شهر تقريباً نزلت مسابقة في كل المحافظات والحمد لله اسمي نزل في الترشيحات .. كانوا عاوزين 15 واحد قسم رياضيات تربية أساسي والحمد لله طلعت رقم 8 فقد كنتُ حاصلاً على تقدير جيد .. كما كان سني مناسب لأني لسه مخلص السنة اللي فاتت، والناس بتقول طالما اسمك نزل في الترشيحات يبئه سوف يتعاقدون معك . لكن لسه مفيش أخبار بهذا الخصوص .. وإن شاء الله لما يجد جديد سوف أطرحه هنا . على فكرة : قد كنتُ أظن أن (الواسطة) سوف يكون لها دور في هذا التعاقد لكن خاب ظني فلم يكن هناك أية واسطة بل كان التقدير والسن هو الفيصل ، فالحمد لله الذي كتب لحمدي التعاقد .. ولذلك أطلب من جميع المتعاقدين ، أن يحمدوا الله عز وجل فيوجد غيرنا أناس كثيرون لم تترشح أسماؤهم وكذلك كنتم من قبل فمن الله عليكم ! |
كلامك صحيح يا أستاذ حمدى... بجد المفروض اننا نشكر ربنا سبحانه وتعالى اننا اشتغلنا ....أنا شخصيا عانيت كثيرااااااااااااااااااااااا لحد ما تم قبولى فى التعاقد العام الماضى وكنت أعمل بالأجر منذ أن تخرجت منذ عام 2003 وحتى 2008 فأنا وزملائى عانينا كثيرا ولكننا اليوم فى حال أفضل بكثير وربنا يتم علينا الفرحه بالتثبيت .... اللهم اّمييييييييييييييين..........
|
ربنا يكرمكم جمعيا ودى خطوة جيدة فأنا متعاقدة ايضا في التربية والتعليم في محافظة اسيوط 4/2009
واعاني من الكثير منالاسئلة والحيرة هل هناك امتحان كادر ام لا في اغسطس القادم وموضوع محو امية 5 افراد موضوع ممل ومتعب للغاية وهل لوحد معرفش يمحو اميةالخمسة سيخرم من التثبيت وينتهي كل شئ ام ماذا اما تعبت اقوي الرجاء منكم الرد علي |
انا خريجة رياض اطفال 1999 لم اتقدم للادارة التعليمية لان الموجه كانت طالبة دراسات عليا وعندما طلعت على المعاش قدمت اوراقى وتم قبولها فى شهر 10\2008 وعملت مدرسة رياض اطفال وعند الاعلان عن التعاقد فى الادرة قالوا هيخدوا الى غاملين دراسات ودبلومات طب كانوا شغلونا لية انا بقبض 105 نصفهم كان بيضيع مواصلات هل لى الحق فى التعاقد المميز الرجاء الافادة انا عقد بالمكافئة الشاملة ومتى نحصل على العقد المميز شكرا للافادة
|
على فكرة انا تقديرى جيد
|
وأنا بجد سعيد على إنشاء وتثبيت هذه الصفحة ولمعرفة المزيد عني لأن طلبتوا أن الكل يحاول يقدم نفسه
الرابط ده به كل شيء عن بلدي ومحافظتي ومعلومات عني http://www.thanwya.com/vb/showthread.php?t=133539 وللعلم أنا صاحب فكرة إنشاء الصفحة |
ودة اول خبر أضيفة :- من جريدة المساء بتاريخ 6-7-2009
أكد ياسين الشيخ رئيس الإدارة المركزية لشئون العاملين والافراد بمشيخة الأزهر ان المناطق التعليمية الأزهرية سوف تبدأ التعاقد مع 5 آلاف و500 مدرس ومحفظ قرآن لا مركزيا للعمل بالمعاهد الدينية لسد العجز في مختلف التخصصات بما يساهم في النهوض بالتعليم الأزهري. قال ياسين في تصريحات خاصة ل "المساء": إن هؤلاء المتعاقدين الجدد تم اختيارهم بشفافية(مش عارف عاوز يوضح اية بالظبط) من بين المتقدمين للمسابقة وكانت الأولوية للمؤهل والتقدير الأعلي واقدمية التخرج. أضاف أن المتعاقدين بالمعاهد الأزهرية يتمتعون بنفس المزايا المالية والادبية للمعينين. انجزوا بقة مرحلة التعاقد دى الله يكرمكوا المنتظم والملتزم يتثبت فورا ... دة الف باء شغل .... لانة بالتاكيد هيضيف ويفيد واظن جميع الاخوة المتعاقدين جديرين بالتثبيت اللى بقالة 3 سنوات او اربعة على ذمة التعاقد ومجبش مشكلة واحدة من ساعة متعاقد وشغال طاحونة المفروض يعمل اية تانى روتين بطيـــــــــــــــــــــــــــــــئ |
ربنا يكرم الجميع إن شاء الله
|
بالتوفيق
وفعلا فكرة الصفحة دى جمعتنا بسكل كويس وبالنسبة لتعاقد الازهر فدى المسابقة اللى كانت نازلة من شهور سيتم التعاقد على بداية العام الجديد |
السلام عليكم
الاستاذ حمدى نصيحة ليك انت لازم تثبت اجادتك للكمبيوتر يعنى لازم يكون معاك شهادة احنا بلد الشهادات اكيد انت بتجيده اكتر من الى معاه شهادة بس نصيحة اعمل شهادة من اى مركز وربنا يوفق الجميع ام نورين ياريت تعملى تظلم لو لسه مفتوح باب التظلم ازاى محتاجين الى معاهم دراسات ودبلومة اصلا الكليه عملوها عشان التدريس مش الدراسات والدبلومة وحاولوا بجد وشوفى وتابعى االخبار اعلمى فاكس للوزيى واثبتى انك كنت بتشتغلى بالحصة وانك اولىوربنا معاك |
السلام عليكم
الاستاذ عمرو انا مريت على الصفحة جزاك الله كل خير وشكرا على الفكرة دى فعلا فكره رائعة |
فكرة رائعة واى حد محتاج شئ عن icdl انا تحت امركم جميعا
|
ياجماعة الحمد لله تم تثبيت المتعاقدين بس سمعت أنه فى مشكلة مش عارف مش فاهمها أنه هيثبت اللى معاهم تربوى يعنى أنا مثلاخريج أداب بس معملتش تربوى أستنى لما أخدها وبعدين يثبتونى ولا ايه مش فااااااااهم
|
اقتباس:
الدبلومة مدتها سنة واحدة فقط بعد ما كانت سنتين وفى حالة حصولك على تقدير جيد فى الدبلومة العامة تقدر تقدم على الدبلومة الخاصة على طول بدون دبلومة مهنية والمصاريف مش كتير والدراسة لا تتطلب الحضور فى جميع المواد المهم انك تقدم اوراقك فوراً وغالبأ بيكون فى شهر أغسطس وأى استفسار أنا فى الخدمة وربنا يوفقك ... |
اقتباس:
عموماً أهلا بيك معانا ومنتظرين مشاركاتك وآراءك شكراً ... |
اقتباس:
أشعر انها محاولة للهروب من فخ تثبيت المتعاقدين من الأزهر واحد يرد بأمارة إيه ؟ أقوله كل مسابقات الأزهر السابقة من 2005 وحتى المسابقة قبل الأخيرة كان إختيار المتقدمين و تنسيقهم وتعيينهم واعتماد النتيجة مركزياً يعنى من القاهرة وكان إعلان المسابقة ينشر فى الأخبار والأهرام والجمهورية بالإضافة لصوت الأزهر وكانت النتيجة تعلن ويذكر كل بيانات المتسابق الناجح زى التقدير وسنة التخرج والدور وتاريخ الميلاد ... الخ ، يعنى كان فى شفافية ووضوح فى اختيار المتسابقين بشكل لا يسمح بالشك وهذا مالم يحدث فى هذا المسابقة مع الشطب الكثير فى الورق ووجود تحركات مريبة !! كما أن الإختيار تم فى كل منطقة على حدة .. وهذا يؤكد أيضاً تصريحات أحمد درويش وزير التنمية الإدارية اللى بيقول فيها ان كل المتعاقدين اشتغلوا بالواسطة والكوسة والمجاملات وبلا ضوابط وبالتالى فليس لهم حق التثبيت فى يوم ما !! وبذلك تكون كلمة " لا مركزيا " سبب فى دخول تعيينات الأزهر فى بند الكوسة والمجاملات ولا يكون لهم تثبيت أيضاً بعد تميز مسابقات الأزهر بالنزاهة والشفافية فى الأعوام الماضية .. حضراتكم شايفين إيه ؟! |
انا اسمى اسامة صالح عبد العظيم صالح خريج كلية الاداب قسم اللغة الانجليزية 2002 دبلوم الدراسات العليا فى االلغة الانجليزية 2005وتمهيدى الماجستير عام 2008 عملت منذ تخرجى مدرس لغة انجليزية بنظام الحصة بمدرسة الجهاد الاعدادية التابعة لادارة العدوة التعليمية بمحافظة المنيا كما انى كرمت من قبل وزير التربية والتعليم السيد الوزير /حسين كامل بهاء الدين اثناء زيارتة لبعض المدارس فى المحافظة لمكدرس لغة انجليزية ثم جاء نظام العقود فقدمت اوراقى فكانت الصاعقة انى اكتشفت ان اسمى مدرج ضمن المتعاقدين كمدرس فصل فذهبت الى مقر ادارة العدوة التعليمية لاثبات انى مدرس لغة انجليزية وانى مؤهلى اداب انجليزى لا حول ولا قوة الا باللة فقالوا لى بنفس الجملة (هية كدة عجبك تاخذ العقد كدة بدون وجع دماغ ماشى مش عجبك فية 1000غيرك مستنيين) قلت لهم ان اريد حقى فقط انا مدرس انجليزى وليس فصل ولكن لا حياة لمن تنادى فذهبت الى المديرية بالمنيا اكثر من 10 مرات ولكن لا حياة لمن تنادى حتى تدخل احد اعضاء مجلس الشعب ليتوسط لى للدخول الى وكيل الوزارة وبالفعل فبعدما اطلع السيد وكيل الوزارة على الاوراق وافق على تغير عقدى من مدرس فصل الى مدرس لغة انجليزية و بالفعل وقعت عقد يوم 15/3/2008 كمعلم مساعد اعدادى لغة انجليزية ولكن فوجئت ان كتالوج الاسماء الوارد من المديرية والوزارة ان اسمى مدرج ضمن مدرسى الفصل وليس مدرس لنجليزى فعندما تكلمت فى الادارة قالوا لى هية كدو ومش عايزين وجع دماغ مع العلم ان بعض خريجى الحقوق اسمائهم مدرجة ضمن مدرسى اللغة الانجليزية . فاين التخصص اين العدل والله لا اعلم اللغة الانجليزية فماذا افعل لكى احصل على حقى فى زمن يوكل الامر الى غير اهلة افيدونى باللة عليكم ارجوا الرد بسرعة بالله عليكم وحسبى الله ونعم الوكيل يا سيادة الوزير اين التخصص الذى ناديت بة ام ان الكلام شئ والواقع شئ اخر ارجوا الحل
مع العلم ان معى صورة من العقد مدون فية وظيفة معلم مساعد لغة انجليزية وليس مدرس فصل وعندما ذهبت الى المديرية بالمنيا والله عملت اسوا معاملة وقال لى مدير شئون العاملين بالمنيا (ما تتفزلكش فيها هو عقدك كدة) على الرغم من انة راى صورة العقد مدون فيها مدرس انجليزى وليس مدرس فصل قلت لة العقد شريعة المتعاقدين وساذهب الى النيابة الادارية بصورة العقد قال لى اعمل ما بدا لك احنا ممكن نفسخ العقد فى اى وقت فما الحل القانونى لاخذ حقى ومجازاة المتسبب افيدونى بالله عليكم |
اقتباس:
إن شاء الله سوف أبدأ في أخذها بداية من الشهر القادم .. شهر 8 وهي بالفعل ضرورية جداً حتى تثبت إجادة الشخص للكمبيوتر ، رغم أنها في بعض الأحيان قد لا تكون معياراً لأن الناس بتذاكر الامتحانات وخلاص ! |
السلام عليكم
ربنا معاك ياستاذ اسامه فورا بالاوراق الى معاك اعمل فاكس للوزير تظلم فيه وطالما معاك الورق انت معاك الحق لان العقد بينك وبين وكيل الوزارة يعنى الادارة هى الى تخبط راسها فى الحيط ممكن يكون بس اسمك مدرج كده وفى التسجيل الحالى للمتعاقدين فى الادارة سجل نفسك مدرس مساعدبس اعمل ولو كل يوم فاكس لوزير واواجع دماغة لحد ما يرد المهم ماتسيب حقك وربنا معاك |
السلام عليكم....
ممكن أعرف ايه حكاية التثبيت اللى بتقولو عليها دى وممكن حد يوضح ايه اجراءات التثبيت دى ونعمل ايه ؟؟؟ انا أعمل معلمة علوم اعدادى بنظام التعاقد المميز منذ 1/11/2008 وحاصله على بكالوريوس علوم وتربيه.. وحتى الاّن لم يسمع أحد عندنا فى محافظة المنوفيه عن التثبيت وكل لما نسأل فى الاداره يقولوا لسه مفيش أى تعليمات عندنا بخصوصكم..... يا ريت حد يوضح ايه الموضوع ولكم جزيل الشكر.... |
اقتباس:
والله أعلم . |
آخر الأخبار وزير التعليم فى برنامج الحياة والناس مع الصحفية رولا خرسا الثلاثاء 7/7 على قناة الحياة 2 الساعة 11 مساءً يؤكد على ضرورة توافر بعض الشروط لتثبيت المعلم المساعد والحصول على ( رخصة معلم ) الشروط هى 1 - حصول المعلم على مؤهل تربوى عالى أو مؤهل عالى بالإضافة لتأهيل تربوى. 2 - حصوله على الرخصة الدولية لقيادة الكمبيوتر (icdl ). 3 - إجتياز المعلم لإختبارات الأكاديمية فى المجالات الثلاثة ( التربوى والعربى والتخصص ). 4 - حصوله على تقرير مرضى يثبت كفاءته كمدرس من مدير المدرسة. 5 - حصوله على تقرير مرضى يثبت كفاءته كمدرس من موجه المادة. |
كدة الرؤية وضحت
لا مفر من الحصول على شهادة ال ( icdl ) ولا مفر من الحصول على دبلومة تربوية للمؤهلات غير التربوية !! يلا نبدأ مفيش وقت .. |
اقتباس:
لكن هل هناك اختبار في اللغة الإنجليزية ؟ كما ذكر في هذا الموضوع : شروط حصول المعلم المساعد على رخصة معلم 7/7/2009 |
جميع الأوقات بتوقيت GMT +2. الساعة الآن 03:56 PM. |
Powered by vBulletin® Version 3.8.11
Copyright ©2000 - 2024, Jelsoft Enterprises Ltd.