![]() |
أولى و ثانية طب ... أول خطوة ... و خطوة بخطوة
بسم الله الرحمن الرحيم سنة أولى في كلية الطب .. مدخلك إلى عالم الأطباء هنا ح نتكلم عليها بالتفصيل إن شاء الله ح نتعرف على كل حاجة فيها تابع معانا |
أولاً .. طب متقسمة ازاي ؟؟ كلية الطب .. بتتقسم الى شقين كبار ... ال Pre-clinical و ده أول 3 سنين ( أولى و ثانية و ثالثة ) و معناه فترة ما قبل التعامل مع المرضى و القسم التاني ال Clinical و ده تاني 3 سنين ( رابعة و خامسة و سادسة ) و معناه فترة التعامل مع المرضى الهدف من الفترة الأولانية هي تأهيلك لفهم ما سوف تتعلمه في الفترة الثانية و يطلق على علوم هذه الفترة Basic sciences و تعني العلوم التي لا بد من دراستها لتتمكن دراسة العلوم الطبية طيب ايه هي المواد اللي بتدرسها في كلية الطب ؟؟ للحصول على بكالوريوس الطب و الجراحة .. لازم تدرس 1. العلوم الأساسية ... التشريح الآدمي و علم الأجنة ( Anatomy & Embryology ) ، علم وظائف الأعضاء ( Physiology ) ، علم الخلايا و النسجة ( Histology & Cytology ) ، الكيمياء الحيوية الطبية ( Medical Biochemistry ) ، علم الأدوية ( Pharmacology ) ، علم الأمراض ( Pathology ) ، علم الكائنات الدقيقة ( Microbiology ) ، علم الطفيليات ( Parasitology ) ،ا 2. العلوم الطبية ... الباطنة العامة و فروعها ( Internal medicine ) ، طب الأطفال ( Pediatrics ) ، الجراحة العامة و فروعها ( Surgery ) ، علم التوليد و أمراض النساء ( Obstetrics & Gynecology ) |
طيب ازاي المواد دي بتتقسم على سنين طب ؟؟
طبعا فى السنين ماقبل الاكلينيكية بتدرس العلوم الاساسية .. و في السنين الاكلينيكية بتدرس العلوم الطبية و مزيدا من التفصيل في الآتي في سنة أولى و ثانية بتدرس .. اقتباس:
اقتباس:
طب و جراحة العيون ( Ophthalmology ) طب و جراحة الأنف و الأذن و الحنجرة ( Otorhinolaryngiology ) طب المجتمع و الصحة العامة ( Community medicine & public health ) الطب الشرعي و السموم ( Forensic medicine & clinical toxicology ) في سنة خامسة بتدرس اقتباس:
اقتباس:
|
و دلوقتي ح نتكلم باذن الله عن أول 4 مواد باذن الله لأن كل جامعة بتقسمهم على أول سنتين حسب رغبتها
التشريح الآدمي و علم الأجنة anatomy & embryology مين دول ؟؟؟ التشريح الآدمي : مادة وصفية بتهتم في الأصل بدراسة أماكن الأعضاء و اشكالها و طرق ارتباطها بالأعضاء المجاورة لها و طبعا ده لا يمكن يتم الا بتشريح جثة آدمية و التعرف على ما تحتويه - و من هنا جاء الاسم. علم الأجنة : هو العلم الذي يهتم أساسا بوصف مراحل تطور الجنين منذ أن كان أمشاج منفصلة (حيوان منوي و بويضة) الى المراحل النهائية بنهاية فترة الحمل طبعا الأصل في العلمين دول أنهم وصفيين (يعني بيشرح اللي هو شايفه .. فلازم يكون عندك مصدر كويس للصور أو الفيديوهات .. و ان شاء الله ح تلاقي مصادر كويسة عندنا ح ابقى أجيب روابطها) طيب ايه اللي مخليهم مرتبطين ببعض كده ؟؟ لأن كل حدث من الأحداث التطورية في الجنين يقابله وضع تشريحي معين في جسم البالغ .. بمعنى آخر .. أثر التغيرات اللي بتحصل أثناء التطور الجنيني بتظهر في البالغ و كأن أشكال و أمكان الأعضاء يمكن تفسيرها بمعرفة طريقة تطورها الجنيني. و معنى كده أنك ممكن تلاقي أحيانا تفسيرات في كتب التشريح يقولك فيها ارجع لعلم الأجنة |
علم الأجنة ... Embryology
المادة دي بتنقسم لقسمين كبار ... 1. General Embryology ... و دي بتتكلم عن كيفية تكوين الأمشاج ( Gametogenesis ) في كلا من الجهازين التناسليين ( Genital systems ) عملية اخصاب البويضة ( Fertilization ) و التي تتعبها تغيرات في تؤدي الى نشوء ما يعرف بالتوتية ( Morula ) و التي تلتصق بجدار الرحم لتبدأ عملية تخليق الجنين عملية تخليق الجنين ( Embryogenesis ) و التي يتم فيها تكوين المشيمة ( Placenta ) و صفوف الخلايا الجنينية ( Embryonic germ cells ) تليها تكوين الطبقات الجنينية ( Ectoderm, Mesoderm, Endoderm ) و الفراغات الجنينية - الأمنيوسي ( Amniotic Cavity ) و البيضي ( Yolk Sac ) 2. Special Embryology و دي بتتكلم عن تطور الأجهزة الحيوية في جسم الجنين .. الجهاز الهضمي و التنفسي و العصبي و البولي و الحركي و تطور الرأس و العنق Development of all body systems ( GIT, Respiratory system, CNS, Urinary system, Muscloskeletal system & head and Neck ).i تقسيم الفروع دي على السنتين بيتم بمعرفة الجامعة |
التشريح الآدمي ... Human Anatomy
زي م قلنا قبل كده المادة دي بتهتم بوصف البني آدم من شعر راسه لضافر رجليه علشان كده بتتقسم لعدة فروع كبيرة .. ينبثق عنها فصول أصغر .. ح نبص بصة سريعة على الفروع و الفصول أولا .. تشريح الرأس و العنق Head & Neck anatomy و ده بتدرس فيه ... العظم .. الجمجمة و الفقرات العنقية Skull & Cervical vertebrae العضلات المغطية للجمجمة و الوجة Scalp & Facial muscles و دي مسئولة عن الانفعالات الوجهية Facial expressions العضلات المحركة للرأس .. و طبعا دي بتغطي الفقرات العنقية Neck muscles الأعصاب و الأوعية الدموية المغذية للرأس و العنق Nerves & blood vessels of the head & neck و أماكن خاصة في الرأس و العنق .. زي محجر ( مقر ) العين و العين Orbit & Eye و الأذن Ear و الأنف Nose و الغدد اللعابية Salivary glands و النخامية Pituitary gland و الدرقية Thyroid gland و البلعوم Pharynx و الحنجرة Larynx ثانيا .. تشريح الصدر Thoracic anatomy و ده بيتكلم عن ... العظم .. الفقرات الصدرية Thoracic vertebrae و الأضلاع Ribs و عظمة القص Sternum و العضلات ما بين الضلوع Intercostal muscles و الحجاب الحاجز Diaphragm و الأعصاب و الأوعية الدموية المغذية لهما Intercostal & Diaphragmatic blood vessels and nerves و الأحشاء .. الرئتين Lungs و القصبة الهوائية Trachea و القلب Heart و ما يخرج من القلب أو يدخله من أوعية دموية the great blood vessels و المرئ esophagus ثالثا .. تشريح البطن و الحوض Abdominal and Pelvic anatomy و ده بتدرس فيه .. العظم .. الفقرات القطنية و العجزية و العصعصية Lumbar, Sacral and Coccygeal vertebrae و عظم الحوض Pelvis العضلات .. عضلات البطن الأمامية و الخلفية Anterior and Posterior abdominal muscles و عضلات الحوض و الإلية pelvic and gluteal muscles الأحشاء .. الجهاز الهضمي Gastrointestinal system و يشمل .. المعدة Stomach و الأمعاء الدقيقة و الغليظة Small and Large intestine و المستقيم Rectum و الشرج Anus .. و الغدد الملحقة .. الكبد Liver و البنكرياس Pancreas الجهاز البولي Urinary system و يشمل .. الكلى Kidneys و الحالبين Ureters و المثانة البولية Urinary bladder و قناة مجري البول Urethra الطحال Spleen الجهاز النتاسلي الذكري و الأنثوي .. الأعضاء التناسلية الأولية المنتجة للأمشاج Primary organs و هي الخصي و المبايض Testicles and Ovaries و الأعضاء الثانوية من غدد و ممرات تهدف الى اتمام عملية الاخصاب secondary organs و الأوعية الدموية و الأعصاب المغذين لكل تلك المكونات nerves and blood vessels of abdomen a& pelvis رابعا .. تشريح الأطراف Extremities Anatomy الطرف العلوي Upper limb العظم .. الحزام الكتفي - لوح الكتف و الترقوة Scapula & clavicle و العضد Humerus و الساعد - الزند و الكعبرة Ulna & Radius و عظام اليد - الرسغ Carpal bones و الكف Metacarpals و السلاميات Phalanges العضلات المحركة للطرف العلوي و الأعصاب و الأوعية الدموية المغذية له Muscles, nerves and blood vessels of the upper extremity الطرف السفلي Lower Limb العظم .. حزام الحوض - عظم الحوض Pelvis و الفخذ Femur و الساق الظنوب و الشظية Tibia & Fibula و عظام القدم - رسغ القدم Tarsal bones و كف القدم Metatarsals و السلاميات Phalanges العضلات و اعصاب و الأوعية الدموية المغذية للطرف السفلي Muscles, nerves and blood vessels of the lower extremity خامسا و أخيرا .. التشريح العصبي Neuroanatomy و ده بتتعرف فيه على .. تشريح المخ Brain anatomy بأجزائه الثلاثة .. الدماغ الأمامي Prosencephalon و الدماغ الأوسط Mesencephalon و الدماغ الخلفي Rhombencephalon و تشريح الحبل الشوكي Spinal cord و الأوعية الدموية المغذية لكل منهما blood supply of the CNS يتم تقسيم الفروع و الفصول تبعا لنظام الجامعة على السنتين |
علم الخلايا و علم الأنسجة
Cytology & Histology مين دول ؟؟ علم الخلايا : هو علم يهتم بدراسة مكونات الخلية بداية من الجدار الخلوي Cell membrane مرورا بكل محتويات الخلية Cell organelles and Inclusions و انتهاءا بالنواة Nucleus و الغرض منه هو فهم التركيب الخلوي و دوره في التأثر على الوظائف الحيوية .. بمعنى آخر بندرس ايه هي الخلية و بتتكون من ايه و ايه دورها في مكانها اللي موجودة فيه علم الأنسجة : هو علم يهتم بدراسة أنواع الأنسجة المختلفة و يصفها وصفا تفصيليا من حيث الشكل و أماكن التواجد و المهام المسندة الى كل نسيج و دوره بالأنسجة المحيطة به .. و ح نتكلم عنه بالتفصيل كمان شوية و برده واضح أن الاتنين بيعتمدوا على الوصف و بالتالي ح تحتاج صور كويسة علشان تساعدك في المذاكرة طيب و ايه السر في ارتباطهم ببعض كده ؟؟ ده طبعا لأن الخلايا هي الوحدات البنائية في تكوين الأنسجة و بالتالي فهما مرتبطين ببعض |
علم الخلايا .. Cytology
الحقيقة ده بيعتبروه جزء من كتاب الأنسجة .. علشان كده هو يعتبر أكبر جزء في الكتاب .. لأنه المفروض كتاب لوحده العلم ده بيتكلم عن توصيف الخلية .. و كل جزء في الخلية بيعتبروه فصل و بيشرحوه .. علشان كده ح نمر مرة سريعة على الفصول بتاعة الباب ده الجدار الخلوي Cell Wall السيتوبلازم Cytoplasm .. و ده بيسموه السائل الخلوي .. Cell plasma .. عضيات (أعضاء) الخلية Cell Organelles .. و دي الجسيمات اللي بيها الخلية بتقدر تقوم بوظايفها زي - الميتوكوندريا Mitochondria و جهاز جولجي Golgi apparatus و غيرها متضمنات خلوية Cell Inclusions .. و دي مكوات ملهاش وظيفة خلوية بمعنى آخر مخازن للغذاء الخلوي و أشهرها الدهون Fat inclusions النواة Nucleus بما تحتويه من غلاف نووي Nuclear membrane و نوية Nucleolus و غيرها بنهاية دراسة النواة يبقى كده تم علم الخلايا |
علم الأنسجة .. Histology
العلم ده زي م قلنا قبل كده وصفي .. بيعتمد على الوصف و بينقسم الى قسمين كبار .. 1. General Histology و ده بيتكلم عن .. الأنسجة الأربعة الرئسية و المكونة للجسم .. و هي النسيج الطلائي Epithelial Tissue و ده بيغطي الأسطح بتاعة الجسم من جوة و من برة علشان كده سموه الطلائي .. طبعا بالاضافة لوظايف تانية ح تتعرف عليها بدراسته النسيج الضام Connective Tissue و ده بيضم و يجمع و يربط بين الأنسجة المختلفة .. و بيتحور لأنواع تانية علشان يخدم أهداف معينة .. زي مثلا الغضاريف Cartilages و العظام Bones و برده ح تتعرف عليه بالتفصيل في الدراسة النسيج العضلي Muscular Tissue و طبعا ده النسيج اللي بتتكون منه العضلات و بيتقسم لنوعين على حسب وجود خطوط تحت الميكروسكوب .. العضلات المخططة Striated muscles و العضلات الملساء smooth muscles و تتعرف الفروق بينهم بالتفصيل في الدراسة النسيج العصبي Nervous Tissue و ده النسيج المكون للمخ و الحبل الشوكي و الأعصاب كلها كل واحد من دول له خصائص شكلية Morphological و تركيبية Structural و وظيفية Functional و تحورات Transformations ليناسب المكان اللي بيخدم فيه و كل الحاجات دي بتدرسها في أول فرع .. علم الأنسجة العام General Histology 2. Special (Systemic) Histology و ده بتدرس فيه .. الأنسجة الموجودة في كل جهاز من أجهزة الجسم ... يعني مثال الجهاز الهضمي ... المعدة بتتكون من نسيج طلائي Epithelial covering متحور ليقوم بافراز العصارة المعدية و عضلات ملساء Smooth muscles لتقوم بتحريك الطعام و هكذا في باقي أجزاء الجهاز الهضمي اللي أنت عارفها من التشريح .. و كذلك في كل الأجهزة الل برده درستها في التشريح يعني نقدر نقول أن علم الأنسجة هو الشقيق الأصغر لعلم التشريح فكلاهما يبحثان في وصف مكونات الكائن البشري و لكنهما يخلفان في مجال الرؤية في التشريح على مستوى العضو .. أما في الهستولوجيا فعلى مستوى النسيج و الخلية و المنهج ده بيتقسم برده على السنتين على حسب جامعتك تم بفضل الله علم الخلايا و الأنسجة |
الكيمياء الحيوية الطبية
Medical Biochemistry يعني ايه الاسم ده ؟؟ كلنا طبعا عارفين أن الكيمياء عدة فروع .. كيمياء عضوية و كهربية و تحليلية و الفيزيائية و غيرها كتير بس النوع منها اللي بيدرس التفاعلات اللي بتحصل جوه أجسام الكائنات الحية .. اسمها كيمياء حيوية .. مرتبطة بالأحياء بس طبعا العلم ده كبير جدا و مش كله بينفعنا في دراسة الطب .. علشان كده بيدرس لنا منها بس ما ينفعنا في الطب علشان كده سموها الكيمياء الحيوية الطبية |
لكيمياء الحيوية الطبية Medical Biochemistry
المادة دي بتهتم بدراسة المركبات اللي بتدخل في تركيب أو وظايف الخلايا و على رأسها المركبات الكيميائية اللي بتدخل في تركيب ال الأحماض النووية DNA & RNA و كمان التفاعلات اللي بتحصل بين المركبات دي جوه الجسم لانتاج مركبات تانية يستفيد بيها الجسم بطرق مختلفة .. اما يطلع منها طاقة يستغلها أو يبني بيها أنسجة جديدة و على هذا الأساس المادة بتنقسم الى قسمين كبار .. 1. General Medical Biochemistry و دي بتتكلم عن .. المركبات الكيميائية اللي ممكن تلاقيها في الجسم و كل مركب حيوي من دول بيشرح في فصل .. و ح نبص عليهم بصة سريعة الكربوهيدرات carbohydrates (CHO) الدهون Lipids (Fats) البروتينات Proteins الانزيمات Enzymes و دي بروتينات متحورة علشان تقوم بوظايف معينة الفيتامينات Vitamins و دي مركبات لها خصائص معينة تختلف عن باقي المجموعات و لها أهمية وظيفية النيوكلوتيدات Nucleotides و دي بتدرس فيها تركيبها و وظايفها و ازاي بيستخدمها الجسم في تكوين ال DNA & RNA كل فرع في دول بتدرس فيه الخصائص البنائية Structure و الوظيفية Functional و كل ما يتعلق به 2. Metabolic Medical Biochemistry و دي بتدرس فيها .. جميع العمليات الحيوية اللي بتؤدي الى تغيير أو تحوير أو بناء أو هدم المركبات السابق ذكرها للحصول على مركبات أخرى تستغل طبقا لحاجة الجسم يعني كل مركب من دول بيستخدم بشكل معين اما بناءا Anabolism أو هدما Catabolism فيما يجمع العمليتين تحت مسمى واحد و هو ال Metabolism أيض الكربوهيدرات Carbohydrate metabolism أيض الدهون Lipid metabolism و هكذا ... و كمان بتدرس في النص ايه الامراض اللي ممكن تنتج عن نقص أو زيادة الأيض بتاعة مركب معين Metabolic disorders يعني مثلا نقص ال metabolism of Vitamin D ممكن يعمل كساح Rickets و هكذا و طبعا المادة بتتقسم على السنتين برده بمعرفة الكلية بكده يبقى أنتهينا من المادة الثالثة في أول سنتين في الكلية بفضل الله |
الفسيولوجيا الطبية
Medical Physiology يعني ايه ؟؟ معناها علم وظائف الأعضاء و الحقيقة كل المواد اللي احنا اتكلمنا عنها قبل كده بتخدم المادة دي بشكل كبير جدا ... ليه بقى ؟؟ لأن الفسيولوجي - بتفكرني بالفيزياء - علم تفسيري ... بمعني أن كل مهمتها مش بس الملاحظة و تعديد الوظائف اللي بيقوم بيها عضو معين .. لا .. دي كمان بتفسير ازاي العضو ده بيقوم بوظائفه و ازاي لو اتغريت البيئة المحيطة اللي حوليه الوظيفة بتاعته ح تتأثر هي واحدة من أجمل العلوم اللي بتعتمد على العقل .. و أنك تفهم و أنك تفكر بس لينا هنا وقفة بسيطة ... مش معنى أن دورها التفسير فهي بتفسر كل حاجة .. بمعنى آخر لازال حتى الآن بنعجز عن تفسير بعض الظواهر الطبيعية اللي بتحصل في الجسم و مش معنى أننا مش عارفين لها تفسير أنها مش بتحصل و مش معنى أنها مش منطقية بالنسبة لينا أنها مش حقيقة .. لا .. ظواهر بتحصل و موجودة و المنطق بتاعنا هو اللي عاجز عن تفسيرها و بناءا على طبيعة المادة دي ح يقابلك كتير أوي الكلام ده ... Factors affecting , Physiological role , Mechanism , not yet well known العوامل المؤثرة ، الدور الفسيولوجي ، آلية العمل ، ليس معروفا إلى الآن |
لفسيولوجيا الطبية Medical Physiology
دلوقتي ح نبص سريعا على ما تتناوله المادة بالدراسة و التفسير طبعا بما أن الموضوع فيه آليات - طرق - تعمل بها الأعضاء فأكيد ح تتلم كلها تحت جهاز واحد - في فرع من المادة - علشان يظهر عمل الجهاز ده بصورة متناسقة - و يظهر الفرع بشكل مترابط . أولا .. الفيزياء الحيوية .. Biophysics و دي بتتكلم عن .. تفسير الظواهر الفيزيائية اللي بتحصل جوه الجسم .. زي النفاذية Permeability و الانتشار Diffusion و الاسموزية Osmosis و الضغط الدموي Blood pressure و حركة الغازات في الدم Blood gases و غيرها .... و طبعا الفرع ده متقسم فصول بيتشرح فيها الكلام ده بشكل مترابط ثانيا .. فسيولوجيا العصب و العضلة .. Nerve & Muscle physiology و دي أساس لفهم حاجات كتير جاية بعد كده علشان كده غالبا بيدؤا بيها و بتتكلم عن .. ازاي العصب بيشتغل علشان يولد النبضة العصبية Nerve impulse و ينقلها على طول محموره Axon الى النهاية العصبية العضلية Motor end plate علشان العضلة تبدا هي كمان تتشحن كهربيا Depolarization و تنقبض Contraction مش بس كده .. كمان العوامل اللي بتأثر في العصب و قيامه بوظيفته و كذلك في العضله .. و برده الكلام متقسم فصول مترابطة باذن الله ثالثا .. الجهاز العصبي الذاتي Autonomic nervous system ANS و ده برده من الأسس اللي بتقوم عليها المادة و بتكلم عن .. نوع من الأعصاب اللي مش بنقدر نتحكم فيها اراديا Involuntary controlled و اللي بيقسموها لأعصاب تعاطفية (سيمباثاوي) Sympathetic و جار تعاطفية (باراسيمباثاوي) Parasympathetic و هم الاتنين سويا ازاي بيأثروا في وظائف الجسم و يغيروها و ايه العوامل اللي بتأثر عليهم رابعا .. فسيولوجيا الجهاز الدوري Cardiovascular Physiology و ده بيتكلم عن .. القلب Heart .. ايه خصائصه Cardiac properties و ازاي بيقوم بوظيفته .. ضخ الدم Pumping و يظبط الضغط الدموي Blood pressure و معدل ضربات القلب Heart Rate و العوامل اللي بتغير في أداء وظيفته و الأوعية الدموية blood vessels سواء شريانية arterial أو وريدية Venous و دورها هي و الأوعية اللمفاوية Lymphatic vessels في تنظيم مرور الدم و السوائل للأنسجة و غيرها من الفصول اللي ان شاء الله تستمع بدراستها خامسا .. فسيولوجيا الجهاز التنفسي Respiratory Physiology و دي بتتكلم عن .. التنفس من أول دخول الأكسجين للرئتين و دور الدم في عملية التنفس و انتهاءا بدور الخلية في التنفس (التنفس الخلوي) و ان شاء الله تلاقي الكلام مترتب في فروع مراتبطة سادسا .. فسيولوجيا الدم .. Blood physiology و ده بيتكلم عن .. مكونات الدم و دور كل مكون فيها (وظيفته) و العوامل اللي بتأثر على مكوانت الدم سواء في الكمية أو الوظيفة .. مثلا .. دور الكريات البيض WBCs في المناعة و الأنجسة في الجسم اللي بتساعدها في الدور ده دور الكريات الحمر RBCs في التنفس .. الخ سابعا .. فسيولوجيا الجهاز الهضمي .. Gastrointestinal Physiology .. و ده بيتكلم عن .. الأكل من أول م يخل للفم اى أن يخرج من الشرج ... مرورا بكل مرحلة مع الوقوف على أهم أحداث كل مرحلة و كيفية قيام العضو بها و العوامل المؤثرة في ذلك ثامنا .. فسيولوجيا الجهاز العصبي المركزي .. Central Nervous system Physiology و ده بيتكلم عن .. كيف يقوم كلا من المخ و الحبل الشوكي بوظائفة .. و ازاي بيتم التنسيق بينهم و العوامل المؤثرة عليهم و بيناقش كمان الاحساسات العامة general sensations .. زي الاحساس بالألم و الحرارة و اللمس و غيرها .. و سميت عامة لأنها ليست حكرا على أحد الأعضاء فمستقبلاتها منتشرة في معظم أنحاء الجسم .. و كيف يفهمها المخ و يتصرف تجاهها و كمان الأوامر الحركية Motor commands ازاي بتتكون في المخ و بتنزل للعضلات علشان تتنفذ و ازاي بتم مراجعة الحركة اللي بتقوم بيها قبل و أثناء و بعد تنفيذها تاسعا ... فسيولوجيا الإحساسات الخاصة Special sensations physiology و ده بيتكلم عن .. الاحساسات اللي مستقبلاتها موجود فقط في مكان واحد .. زي مستقبلات الضوء Photoreceptor في العين مثلا و بتناقش البصر Vision و السمع Hearing و الشم Smelling و التذوق Tasting .. بما لها و ما عليها و العوامل المؤثرة فيها عاشرا .. فسيولوجيا الجهاز البولي Urinary System Physiology .. و ده بيتكلم عن .. ازاي الكلى بتكون البول .. و العوامل المؤثرة في تكوينه ... و ازاي في كل مرحلة بيتم تنقيح البول لاعادة امتصاص ما يبفع الجسم re-absorption و افراز ما يضر الجسم و الزائد عن حاجته خارجا Excretion و بيناقش كمان عملية التبول Micturation و ازاي بتحصل و ايه اللي يبأثر عليها احدى عشر ... فسيولوجيا جهاز الغدد الصماء Endocrinology .. و ده بيناقش دور الغدد الصماء Endocrine glands في التأثير على وظائف الجسم الأخرى .. بداية من الغدة النخامية Pituitary Gland و دورها كقائدة لباقي غدد النظام و مرورا بالدرقية Thyroid و الكظرية Supra-renal و البنكرياس Pancreas و غيرها ايه دور كل واحدة من دول .. بتأثر ازاي في الجسم و بتتأثر بيه ازاي .. ايه اللي بيزود نشاطها و ايه اللي بيقلله .. ده اللي حتدرسه في الفرع ده باذن الله اثنا عشر و أخيرا .. فسيولوجيا الأيض Metabolic Physiology .. و ده بتدرس فيه .. ازاي أعضاء الجسم المختلفة بتقدر تستخلص غذائها من الجلوكوز .. و ازاي بتقدر تبني نفسها و توجود الطاقة اللي هي محتاجاها و طبعا تحت الظروف العادية و تحت الضغط و خلافه .. و ايه العوامل المحركة لكل اللي احنا قلناه .. و ان شاء الله تلاقي الكلام مترتب و متظبط و طبعا الفروع دي بتتقسم برده على السنتين بكده يبقى خلصنا مادة الفسيولوجيا الطبية |
موضوع جميييل جداً ومفيد .. والشرح وافي فعلاً واحب اعلق او اضيف كام نقطة فبعض الجامعات زي القصر العيني بتكون سنة خامسة ( اطفال ونسا ) وسنة ساتة ( باطنة وجراحة ) ولو ان تقسيمة الجامعة المكتوبة هنا دراسياً افضل عشان الباطنة مع الجراحة بيبقوا كتير اوي عالطلبة ، لكن عملياً بيقولوا ان الافضل تكون الجراحة والباطنة مع بعض اخر سنة عشان طالب الامتياز اول مايطلع اغلب الحالات ال هيقابلها كدا او يعني لأنهم اكبر برانشين فالطب فمش معقول يسيب واحد منهم لمدة سنة ونص ويرجعله تاني .. بالنسبة للمواد فاولى وتانية كلها تقريباً نظري واهمها الاناتومي والفسيولوجي فبيبقى عليها الدرجات الاكتر والطلبة بيبقى فبالها سؤال بريء انا هستفاد ايه من الدش دا كلو ؟ الحقيقة اننا بندرس فاول سنتين ال نورمال بتاع الجسم يعني كل حاجة فسيولوجيكال زي ما ربنا خالقها والمفروض تشتغل عليه لكن من بداية مرحلة الكلينكال بنبدأ ندرس الجانب الباثولوجي للجسم وازاي بتم التعامل معاه وطرق علاجه المختلفة .. يعني لو الواحد مش عارف النورمال مش هيعرف ان فيه حاجة باثولوجيكال ودا بيقابل الطلبة اكتر فمادة الجراحة فساتة لانها بتعتمد على الاناتومي بشكل كلي تقريباً فالطالب ال مش عنده خلفية باناتومي الجسم مش بيبقى فاهم حاجة .. وطبعاً مش اقصد انه يبقى فاكر كل حاجة لانه مستحيل بعد السنين دي كلها :d لكن عارف البوينتس المهمة .. بالنسبة للمواد بتاعت السنتين دول زي ماقلت اهمهم اناتومي وفسيولوجي وكلمة فسركم ( الفسيولوجي مُعَقِد الملايين :d) مش بخوفكم والله :blush: بس فالنهاية لو فهمتوه بيبقى لذيذ اوي :bosyht9: وفيه مواد مش هتفيد اوي بس بندرسها زي الهستولوجي عشان دي بردو بتعرف النورمال بتاع الخلايا والانسجة فتيجي فتالتة تاخد مادة الباثولوجي فتعرف الفرق بين الاتنين .. وفالنهاية مووووووضوع حلووو بجد وكنت اتمنى لو فيه تكملة لبقية السنين واسفة عالاطالة ^^ جزاكم الله خيراً |
اقتباس:
شكررا لحضرتك على الاهتمام واتمنى الموضوع يكون مفيد للجميع وايدك معانا بقا نخلى القسم نشيط شكررا لمشاركتك الفعالة والمفيدة |
جزاكم الله خيرا مواضيع اكثر من رائعة
ممكن اسال عن الاوراق الخاصة بالتقديم ؟ والسنة السابعة اللى بنسمع عنها بتاعة اية |
السلام عليكم ورحمه الله وبركاته
شكرا جزيلا على المعلومه. يا ريت الاجابه على السؤال لانى محتاره جدا. طب بشرى ام صيدله افضل بالنسبه للبنات والدراسه والعمل ؟؟؟ |
موضوع اكثر من رائع واكيد هاستفيد منه فى الدراسة جزاكى الله كل خير
|
شكرااااااااااااا
|
جميع الأوقات بتوقيت GMT +2. الساعة الآن 01:01 AM. |
Powered by vBulletin® Version 3.8.11
Copyright ©2000 - 2024, Jelsoft Enterprises Ltd.