![]() |
:: شرح كل اقسام كلية العلوم و شغل كل قسم فيهم ::
1.-قسم كيمياء سبيشيل (يشمل دراسه الكميا التحليله والعضويه والفزيائيه والغير عضويه و الكيمياء التطبيقيه و الصناعيه و الكيما ءالحيويه) الشغل: كميائيين في مصانع الادويه والكيماويات و شركات مستحضرات التجميل شركات اصباغ وبلاستك وحديد وصلب و 1-مصانع الزيوت والدهون والصابون والمنظفات الصناعية والصناعات المتعلقة بها – المواد الوسيطة والأصباغ العضوية – المذيبات ومشتقاتها – مواد الصباغة – صناعة الجلود – المواد العطرية – الزيوت الطبيعية أو البترولية – مواد مستحضرات التجميل – تكرير البترول ومشتقاته والصناعات البتروكيماوية – الراتنجات والكاوتشوك والبلاستيك واللدائن – المبيدات – المواد الغذائية والجيلاتين – عمليات التبييض والصباغة والطباعة والتجهيز للألياف الطبيعة والصناعية – صناعة الألياف الصناعية كالحرير الصناعي والنايلون – الأسمدة العضوية – عمليات التخمير – تكرير السكر والصناعات المتفرعة منه – حفظ الأغذية والمشروبات – استخلاص السليلوز- وصناعة الورق – تقطير الفحم والقطران و صناعة الكوك – الجلود الصناعية – كيميائيات التصوير الفوتوغرافي - الكيماويات المعملية وغيرها من الصناعات التي تدخل في أي فرع من الفروع السابقة وتطبيقاتها – الكيمياء التخليقية التي تدخل في مجال صناعة الأدوية أو الصناعات الأخرى التي لم يرد ذكرها عاليه أو ما يستحدث في علوم الكيمياء 2- صناعه البطاريات الجافة والسائلة وبطاريات و خلايا الوقود - الطلاء الكهربي بأنواعه المختلفة – استخلاص المعادن بالطرق الكهربائية – صناعات التحليل الكهربي لتحضير العناصر المختلفة مثل الكلور والصوديوم والألمنيوم – تحضير الغازات الصناعية المختلفة – المعالجة الأنودية والتلوين – تنقية المياه وصرف المصانع بالطرق الكيميائية والكهروكيميائية في الأمن الصناعي - تنقية الهواء – تكنولوجيا المساحيق واستخدام العوامل الحفازة – مراقبة و تأكيد الجودة وتطبيق الجودة الشاملة - التعرف على التآكل ومسبباته فى الأجواء المختلفة خاصة فى المنشآت والتجهيزات المعدنية الصناعية والبترولية والبحرية – تحضير مثبطات التآكل واستخدامها فى الصناعات المختلفة مثل الصناعات البترولية والمراجل البخارية والمبادلات الحرارية والصناعات المعدنية مثل صناعات الحديد والصلب بأنواعه المختلفة – السبائك وأنواعها المختلفة وصناعة النحاس والألمنيوم – متابعة سرعة التفاعلات الكيميائية وآلياتها. 3-صناعة الأحماض والقلويات، الأملاح بجميع أنواعها – نواتج تفحيم الخشب وتثبيت النتروجين والصناعات المتعلقة به – الأسمدة الكيميائية بأنواعها المختلفة – مواد الطلاء المعدنية والبويات – صناعة الزجاج والخزف والصيني والحراريات ومواد البناء (اسمنت، جبس .. الخ) – صناعة الحديد والصلب واستخلاص المعادن بالطرق المختلفة – صناعة المطروقات – صناعة السبائك – صناعة الوقود الصلب والسائل والغازي وكذلك صناعة المواد غير العضوية المختلفة التي تدخل تحت أي فرع من الفروع السابقة أو تطبيقاتها – العمليات الكيميائية في الصناعات التي لا تدخل تحت بند الصناعات الكيميائية 4- تحليل الخامات والمواد الأولية والوسيطة والمنتجات النهائية في الصناعات السابق ذكرها – مطابقة مواصفات المنتجات للمواصفات القياسية – التعرف على المكونات الرئيسية للمواد الكيميائية بالطرق التحليلية الكيميائية والفيزيائية المختلفة – تحديد نسب الشوائب والملونات في النواتج الكيميائية الصناعية – تحلية وتحليل المياه ومعالجتها المستخدمة في الصناعة والتعرف على انسبها للعمليات الصناعية التي تدخل فيها – تدوير النفايات الكيميائية – تحليل عينات من الهواء والماء والتربة في البيئة – التحليل الكمي للمواد الغذائية ومواد التلوين والإضافات الكيميائية في نطاق المواصفات القياسية المعمول بها – الإسهام في تقدير الجودة للمنتجات الكيميائية في نطاق المواصفات القياسية المعمول بها – الإسهام في تقدير الجودة للمنتجات الكيميائية المختلفة وتقرير مدي مطابقتها للمواصفات المقررة ومدي مناسبتها للاستخدام في الأغراض المختلفة – متابعة سرعة التفاعلات الكيميائية أو آلياتها عن طريق تحليل النواتج المناسبة أثناء حدوث التفاعل في مفاعلات الإنتاج (تحليل السوائل تحليل الغازات) أو عن طريق اخذ عينات دورية من نفايات الإنتاج – التحليل الكيميائي والبكتريولوجي للمواد الكيميائية والأدوية والمحاليل والبول والدم والمصل وفقا للشروط المتطلبة في القائمين بهذه التحاليل – التحليل الدوري للآثار والمقتنيات الفنية للتعرف على مقدار ما قد يكون قد أصابها من تلف تحت الظروف التي توجد فيها والإسهام في صيانتها وترميمها والمحافظة عليها – تحليل السموم والمخدرات وآثار الجرائم المختلفة وأعمال التزوير والتزييف في نطاق الأدلة الجنائية والنظم القانونية والشرعية. 5- إجراء البحوث ورصد الملوثات المختلفة وقياس نسبها ومقارنتها بالمعايير القياسية المحددة لها ، ووضع المعايير للمكونات المختلفة للهواء والماء والتربة والمخلفات الصناعية ومعالجتها ، وتقدير مدي الأضرار على البيئة المحيطة والكائنات الحية الموجودة بها (إنسان ، حيوان ، نبات) وكذلك الاشتراك في وضع المعايير المشار إليها وتحليلها ومقارنتها بالمعايير القياسية عن طريق التحاليل الكيميائية المشار إليها تحت بند الكيمياء. 2-قسم الكمياء الصناعيه والتطبيقيه (يتم فيه دراسه علي الكميا الصناعيه والتطبيقيه ) الشغل ككميائيين في المصانع السابقه 3-قسم الكيميا الحيويه -قسم الكيمياء الحيويه والطبيه (يتم فيه دراسه الكيما الحيويه وخوصوا الكيما الحيويه والاكلينيكه) تخصص الكمياء الحيويه الاكلينيكه ( السريريه ) وهو علم الكمياء المسئول عن تشخيص الامراض مثل وظائف الجسم المختلفه من كلى وكبد وقلب ودهون ومعادن ودلالات الاورام السرطانيه وبيولوجيا السرطان وكل التحاليل الكيمائيه الموجودة في جسم الانسان الشغل : كميائي طبي اكلينكى(دكتور تحاليل)(اخصائي تحاليل طبيه) تخصص في التحاليل الطبيه وهو العلم الخاص ببيولوجيا السرطان ودلالات الاورام وانزيمات الكبد وانزيمات الكلي وانزيمات القلب والهرمونات واالامراض الخاصه بيهم والتحاليل الخاصه بيهم بالاضافه الي كل التحاليل الكميائيه في كل سوائل الجسم وممكن تتخص في الماجستر في فرع منهم في في السرطان ودلالات الاورام و بيولوجيا السرطان ودلالات الاورام يوجد كشعبه من شعب الكيماء الحيوه في الماجستير والدكتوراه واثناء الماجستير بتنزل مستشفيات وتتعاملي مع مرضي وتسحبي منهم عينات دم او بول او ايا من سوائل الجسم ممكن بعدها تفتح معمل تحاليل طبيه خاص بتحاليل الكميا الاكلينيكه ووممكن تحضر ماجستر ودكتوراه في التحاليل الطبيه في تخصص الكميا الاكلنيكه وممكن تبقي دكتور في في كليات العلوم او الطب سواء المصريه او الاجنبيه 4- قسم الميكروبيولوجي (يدرس بالبكتريا والفطريات والفيروسات والطحالب والمناعه) يدرس الميكروبيولوجى الميكروبيولوجيا الاكلنيكه والميكروبيولوجيا التطبيقيه والعامه فمثلا مجال الميكروبيولوجيا الاكلينكيه الطبيه وهو تخصص اخر في التحاليل الطبيه ودة بيبقي خاص بدراسه الامراض الميكروبيه سواء بكتريه او فطريه او فيروسيه والتحاليل الخاصه بيهم سواء كانت في اي منطقه من الجسم واثناء الماجستير بتنزل المستشفي وتتعامل مع مرضي وتاخد منهم عينات البكتريا والفطريات والفيروسات واحيانا بتبقي رساله الماجستير في مستشفي معينه واحيانا بتلف في كذا مستشفي علي مستوى الجمهوريه عشان تلاقي مريض عنده المرض دة وممكن بعدها تفتح معمل تحاليل طبيه خاص بتحاليل الامراض الميكروبيه وبيبقي اسمه ميكروبيولوجى طبي اكلنيكى ( دكتور تحاليل) (اخصائي تحاليل طبيه) ووممكن تحضر ماجستر ودكتوراه فيها وتدرس في كليات العلوم او الطب سواء المصريه او الاجنبيه وفيه دكاترة تحاليل من كليات العلوم في تخصص الميكروبيولوجيا الطبيه دكاترة في كليات برة في امريكا وفي اوربا بردو و مجال الميكروبيولوجيا التطبيقه 1- زى مجال تصنيع الادويه ودى بتشمل انتاج ادويه كتيرة جدا منها المضادات الحيويه والفيتامينات و الادويه الخاصه بالسرطان والادويه الخاصه بالجلطات والادويه الخاصه بالهضم وانتاج اللقاحات والامصال من البكتريا والفطريات المختلفه وممكن منها تشتغل في مصانع الادويه في قسم الميكروبيولوجى وممكن الواحد يربط بين الميكروبيولوجيا الاكلينكه الطبيه بالميكروبيولوجيا التطبيقه يعنى يعمل رساله ماجستير في مرض وعلاجه مثل مرض التنيا وانتاج مضادحيوى ليه 2- زى تنقيه الميه من البكتريا والفطريات ومنها ممكن تشتغل في شركات الميه 3- زى انتاج المواد الحافظه والانزيمات ومنها ممكن تشتغل في شركات الاغذيه 5- قسم البترول والغاز الطبيعى ( قسم خاص) وهو موجود في بعض الكليات مثل القاهرة والاسكندريه والسويس وهو قسم خاص بفلوس بحوالي عشرة الاف جنيه في السنه الراعي للقسم دة اكبر شركات البترول في مصر وفي اوربا ومنها شركه شلمبر والاوائل بيتم تعينهم في شركات البترول المختلفه الشغل : مهندس بترول شركات البترول المختلفه 6- قسم الجيولوجيا وهو قسم يدرس طبقات الارض ويتعرض ايضا لدراسه البترول ويدرس كل ما في اعماق الارض الشغل : جيولوجى في قطاع وزارة البترول وقطاع وزارة الري 7- قسم الجيوفزياء وهو قسم يدرس الاعماق الارض من الناحيه الفزيائيه وهو قسم جديد في كليات العلوم وبيببقي وظيفته في مواقع حقول البترول نفسها في الكشف عن البترول وايضا في الكشف عن المياه الجيوفيه الشغل : جيوفزيائي في شركات البترول المختلفه 8-قسم علوم الحاسب وتكنولوجيا المعلومات وهو قسم يدرس الحاسب بكل فروعه والبرمجه وهو مثل قسم علوم الحاسب في كليه حاسبات ومعلومات وسواء قسم علوم حاسب من كليه علوم او قسم علوم حاسب من كليه حاسبات ومعلومات فهم تابعيين لنقابه العلميين الشغل كمبرمج في شركات الكمبيوتر المختلفه 9- قسم الرياضه والاحصاء وهو قسم يدرس كل ما يتعلق بالرياضيات الشغل اما يشتغل كاحصائي في الشركات المختلفه او كمدرس رياضيات 10-قسم النبات (يدرس كل ما يتعلق بالمملكه النباتيه) ويختص بدراسه كل ما يتعلق بالنبات سواء تقسم او تشلايح او فسيولولوجى او سلوك او مورفولوجى الخ الشغل في مراكز البحوث المختلفه 11-قسم الحيوان (يدرس كل ما يتعلق بالمملكه الحيوانيه وعلي رائسها الانسان) يدرس كل ما يتعلق بالمملكه الحيوانيه وعلي رائسها الانسان فيدرس الفسيولوجى اي علم وظائف الاعضاء والامبريولوجى اي علم الاجنه والهيماتولوجى اي علم امراض الدم والسيريولوجى اي علم المناعه والاناتومى اي علم التشريح والباراسيتولوجى اي علم الطفيليات الشغل : ممكن يشتغل في التحاليل الطبيه اذا حضر دراسات عليا في الطفيليات او في الهيماتولوجى اي امراض الدم وممكن يشتغل في اطفال الانابيب اذا حضر دراسات عليا في علم الاجنه وممكن يشتغل في اي مركز من مراكز البحوث المختلفه 12-قسم الفيزياء - قسم الفزيا وعلوم الليزر- قسم الفزياء الالكترونيه - قسم الفزيا الحيويه مش عندى معلومات عنه كافيه لكن للي متاكد منه ان قسم الفزيا الالكترونيه بيشتغل في مصانع الالكترونيات وقسم الفزيا الحيويه الطبيه بيبقي شغله علي الاشعه والاشعاعات واثرها علي الخلايا وقسم الفزيا الاسبيشيل بيبقي شامل كل حاجة عن الفزيا 13 . قسم البيوتكنولوجى و يدرس التكنولوجيا الحيويه اي الدى ان ايه وتحاليله وكل ما يتعلق بيه الشغل في معامل التحاليل الكبيرة للي فيها تقنيات تحاليل الدى ان ايه ومراكز البحوث المختلفه 14- قسم الكيمياء والميكروبيولوجى وهو قسم يدرس نص مواده كمياء ونص موادة ميكروبيولوجى وله الحق في اخد الصفتيين ككميائي او كميكروبيولوجى 15-قسم الكميا الحيوى والميكروبيولوجى وهو قسم يدرس نص مواده كمياء حيويه ونص موادة ميكروبيولوجى وله الحق في اخد الصفتيين ككميائي حيوى او كميكروبيولوجى 16-قسم الكمياء والحيوان نصف مواده كميا ونص موادة علم الحيوان(فسيولوجى -مناعه -هيماتولوجى -امبريولوجى-تشريح-تقسيم) 17-قسم الكيمياء والنبات نصف موادة كميا ونصف موادة علم النبات تم بحمد الله لا تنسونا من صالح دعائكم |
جزاك الله خيرا
بس يا ريت لو فى معلومات اكتر عن قسم الفيزيا |
اقتباس:
|
شكرا......جزاك الله خيرا
|
جزاك الله خيرا .. بس انا برده محتارة يعني المشكلة عندي اني بحب الاحياء والكيميا والفيزيا ومش عارفة اختار بس عايزة اعرف هو انا لما ادخل الكلية ان شاء الله هيدوني فرصة اتعرف على الاقسام ولا هضطر اني اتخصص على طول خصوصا ان انا في عين شمس والتخصص عندي من اول سنة
|
اقتباس:
الجيوفيزيا الوحيدة اللى بتخصص من اول سنة بس الفكرة انك لو دخلتى علوم طبيعية يبقى هتبعدى عن كل ما يختص بالبيولوجى ولو اخترتى بيولوجى هتخصصى فى كل ما يخص الاحياء وده مش تخصص نهائى وهتبعدى عن الفيزيا اما عن حبك للاحياء والفيزيا والكميا احب اقولك ده شىء طبيبعى بس التخصص فى كلية علوم بيبقى بمعنى الكلمة يعنى لو اخترتى كمياء لازم تكونى بتعشقيها مش بس بتحبيها لأنها كبيرة وكتيرة ومتفرعة نفس الكلام فى الفيزيا والاحياء الخلاصة عشان ن*** الحيرة اللى جواكى ;) انتى مش بتفكرى فى الجولوجيا او الجيوفيزيا حلو اوى يبقى ادامك علوم طبيعية يأما علوم بيولوجيا هقولك على حاجة سواء دخلتى ديه او ديه مجال الكيميا فى الاتنين موجود اما لو اخترتى علوم طبيبعة يبقى كده البيولوجى جميع تخصصاته جيم اوفر :d ولو اخترتى علوم بيولوجيه يبقى كده الفيزيا بجميع تخصصاتها جيم اوفر :d يبقى ما عليكى دلوقتى الا انك تشوفى انتى مياله لأيه اكتر وعلى استعداد تضحى بأيه فى سبيل حاجة تانية فكرى كويس وقبل الاختيار لابد من صلاة الاستخارة ... وان شاء الله ربنا يوفقك للأختيار الصحيح وعلى فكرة لازم تخشى حاجة بتحبيها عشان الحب ده هو اللى هيهون الصعوبات اللى فى كل مجال |
طب ايه نظام قسم كيمياء وجيولوجيا ؟؟؟؟؟؟؟؟؟؟؟؟؟؟؟
|
اقتباس:
وديه ميزة الاقسام الدابل الكورس انها بتدى مجالات شغل اوسع يعنى تقدر تشتغل فى البترول وشركات المياه الجوفيه والاتشاءات والتشييد وغيره وتقدر تشتغل فى مجال الكميائى زى الادوية والدهانات والاصباغ والاسمنت والبلاستيك وغيره بس عيبها الوحيد انك مينفعش تبقى معيد حتى ولو كنت الاول على الدفعة عشان انت مش متخصص مثلا زى قسم كمياء اسبشيال او جيولوجيا اسبشيال فهم الاحق فى مجال التدريس فى الجامعة بس زى ما قولتلك هيبقى مجال الشغل من كيمياء/جيولوجيا واسع جدا |
طب بالنسبه لكميا سبيشيل انا كنت سمعت ان ممكن بعد ما تخرج اعمل دبلومة فى الكميا الحيوية واشتغل فى مجال التحاليل الطبية الكلام ده صح ولا اييه؟.................. انا علمى رياضة
وانا علوم حلوان هل هاادخل اول سنة علوم طبيعية ولا اييه ؟عشان ادخل كميا سبيشيل؟ |
جزاك الله خيرًا، ويا ريت تمدنا بأكبر قدر ممكن من المعلومات عن فسم فيزياء سبيشيل ومجال العمل
|
اقتباس:
بتاخد اعلى التقديرات فلازم كل سنة تجيبى تقدير كويس وخاصة فى اولى امابالنسبة لموضوع مجال التحاليل الطبية اتفضلى اقرأى الموضوع ده هنا اما ديه بعض المعلومات التى قد تفيد من يريد العمل او فتح معمل تحاليل او ممارسه مهنه التحاليل فى الاول انتبه قبل ما تاخد اى دبلومه والسلام لازم تروح وزارة الصحه وتشوف هل هيفقوا عليها(اى تنطبق مع الشروط الازمه لتخصصك لكى تعطيك ترخيص مزاوله ثم ترخيص معمل فى دبلومات كتير بعد الناس متخدها بتطلع مش معترف بيها او مش منطبقه مع تخصصتهم بالنسبه للدبلومات الثقه(من زمان)وذلك بالنسبه لعلوم(خاصتا)اما باقى التخصصات(صيادله واطباء واطباء بيطريين)معندهمش مشكلتنا لو انته بكالوريوس علوم روح 1-دبلومه الكيمياء الحيويه الاكلينيكيه(طب بيطرى مشتهر)لو انته قسم كيمياء حيويه كانت الاول بتاخد (تخصصات كيمياء او كيمياء حيوى)دلوقتى من السنه دى بتاخد كيمياء حيوى 2-دبلومه اسكندريه(علوم اسكندريه) كيمياء-كيمياء حيوى -وميكرو ودول اقوى اتنين ومعترف بيهم وشغاليين زى الفل وعنب كمان 3-دبلوم شبين الكوم(علوم شبين) لو انته اى قسم غير ذلك _ اعترفوا بها السنه دى وبيدوا الى معاه الدبلومه ترخيص مزاوله غير كده الباقى مش معترف بيه الى حد ما او به مشاكل ليه اقلك لان انته كبكالوريوس علوم لازم تاخد دبلومه يكون اسمها كيمياء حيويه (طبيه او اكلينيكيه) او كيمياء حيوى بس علشان يعطوك فى الوزاره تراخيص غير كده ملكش ترخيص |
اقتباس:
مجالات العمل للخريجي قسم الفيزياء كلية العلوم يستطيع الطالب المتخرج من قسم الفيزياء استكمال دراسته في هذا القسم أو في جامعات أخرى إذا أكمل شروط القبول ويستطيع حامل البكالوريوس من قسم الفيزياء أن يكمل دراسته العليا في مجالات علمية أخرى نذكر منها على سبيل المثال الالكترونيات والاتصالات وعلوم الفضاء والفيزياء الفلكية والفيزياء الطبية والأرصاد والهندسة النووية وعلم المواد وفيزياء الفلزات أما من أراد العمل بعد حصوله على درجة البكالوريوس فهناك مجالات عديدة: 1- التدريس في المدارس والمعاهد والجامعات. 2- الوظائف البحثية في مراكز البحوث والجامعات. 3- مجالات الصناعة بأنواعها (بحث وتطوير). 4- العمل في المختبرات الطبية والصحية وتشغيل الأجهزة والإشراف على إدارتها ومعالجة النفايات. 5- العمل في محطات توليد الطاقة بأنواعها (كهربائية، نووية، متجددة). 6- محطات الأرصاد الجوية وحماية البيئة والمراصد الفلكية. العمل في المصانع ( مثل الحديد والصلب والبتروكيماويات والزجاج ). -المهن الفنية في الجهات العسكرية مثل وزارة الدفاع والطيران، والأرصاد الجوية والجيش والبحرية والداخلية. -مراكز البحوث العلمية والتقنية ومختبرات الجودة النوعية التابعة لوزارة التجارة وهيئة المواصفات والمقاييس. -وزارة الصحة مثل المستشفيات كمساعد في الحماية من الإشعاعات اخصائى اشعة |
ايه شروط الالتحاق بقسم الميكربيولوجي ؟ |
اقتباس:
|
طيب حضرتك متعرفش جامعة طنطا تخصصها من اول سنة ولا ايه وكمان فيها كيمياء حيوية ولا ايه وادخل قسم ايه ؟
|
تسلم على الشرح الاكثر من رائع تقبل مرورى
|
لوسمحت يا استاذscrubs توضحلى دة اذا مفيش تعب
ايه لاتقسام المتاحه ليامن كل دول لعلمى رياضه عشان انا محتاره فين حاجات علوم وفين حاجات رياضه بعد اذنك ولك جزيل الشكر |
جزاك الله كل خير scrubs
اقتباس:
اقتباس:
لو علوم عين شمس اللي أنا اعرفه ان فيزياء مش جيم أوفر ولا حاجه لو اختارت علوم بيولوجيه لأن من علوم بيولوجيه ممكن تتخصص في تالته كيمياء حيويه أو فيزياء حيويه حسب ما هتحب الدراسة في أولى وتانيه هتقدر تحدد أكتر المجال المناسب ليها ** فيزياء حيويه ممكن من مجموعة علوم طبيعية أو من علوم بيولوجيه بس تخصصها من سنة تانيه .. أما كيمياء حوية فزي باقي الأقسام من تالته |
اقتباس:
الفيزياء الحيوى توجد فقط فى العلوم الطبيعية طبقا لهذا الرابط هنا |
اقتباس:
المهم الاقسام المتاحة لعلمى رياضة قسم رياضة ويحتوى على شعب :
قسم الفيزياء ويحتوى على شعب :
قسم الكيمياء ويحتوى على شعب :
شعبة فيزياء حيوى و شعبة فيزيا/ كيمياء مجموعة الجيولوجيا الجيولوجيا الجيولوجيا والكيمياء شعبة الجيوفيزياء شعبة الجيولوجيا والجيوفيزياء اختارى على حسب ميولك وياريت تكون حاجة ليها مستقبل عشان سوق العمل وربنا يوفقك فى الاختيار ولا تنسى صلاة الاستخارة :) |
اقتباس:
واذى يعنى مفيش رسميات هو مش انت اكبر مننا واجب علينا الاحترام:078111rg3: المهم ذى ماتحب برده:) انا شايفه انى فى اقسام كتيره حلوه بس انا كان نفسى اخش علوم عشان اشتغل فى تراكيب وصناعه الادويه وبعد كده فكرت ان قسم البترول الشغل فى احسن وهو برده حلو بس انا عارفه ان هو مش متوافر فى كل الكليات وبصراحه انا سمع انو غالى كتير اوى فانا محتاره ومحتاجه بجد لمساعده حد عارف كل الاقسام وايه المفيد فيها المهم عشان مطولش عليك قولى من وجهك نظرك ايه افيد قسم فى سوق العمل يعنى الواحد يشتغل فى بتوافر يعنى بس ياريت يكون بعيد عن التدريس معلش طولت عليك وشكرااااااااا على الرد |
اقتباس:
بصى فى موضوع القرارت المصيرية لازم نفكر براحة ونسأل ونشوف خبرات الناس التانية انتى عايزة تشتغلى فى صناعة الادوية وده كان السبب الاساسى عشان تدخلى علوم بس لما الحمد لله بقيتى طالبة فى علوم فهمتى الدنيا وعرفتى الاقسام عن قرب شوية ووارد جدا ان الانسان يحب حاجات مكنش بيحبها زماان لسبب بسيط انه مكنش يعرف الحاجات ديه قبل كده زى مثلا قسم البترول تعالى بقى نكلم فى المفيد والمهم اى حد درس كيمياء فى كلية علوم يقدر يشتغل فى الادوية يعنى كيمياء سبشيل يقدر كيمياء / نبات يقدر وغيرهم ولكن ملحوظة مهمة جدا مهما اشتغلتى فى مجال الادوية هتلاقى الصيدلى هو الرئيس وانتى تحت منه ده مش كلامى ده كلام انسان قريب منى اوى عنده خبره 25 سنة والخبرات هنا هى اللى ليها الاولوية لو عايزة تشتغلى فى مجال البترول فيه عندك قسم جيوفيزياء وفيه عندك قسم جيوفيزياء/جيولوجيا الاتنين مؤهلين للعمل فى مجال البترول ومطلوبين + مجال الانشاءات والمياه الجوفيه وغيره ولكن ملحوظة فرصة البنات صعبة فى المجال ده لأن المجال ده بيحتاج الى سفر بشكل شبه دائم او بيات فى المواقع وغيره من الحاجات الى بتمثل عقبة للبنات طبعا انتى احترتى اكتر وهتقولى هو عمال يقفلها فى وشى ليه لأ انا بكلمك بكل امانة ونقلا عن تجارب ناس اعرفها والحمد لله انك عرفتى دلوقتى بدل ما تعرفى بعدين بصى فيه اقسام تانية جميلة جدا فيه مثلا فيزياء/علوم حاسب هتشتغلى فى مجال الكمبيوتر من برمجة وشبكات بس المجال ده محتاج كورسات فى الصيف وشغله مطلوب وشغل نضيف جدا ومناسب ومرتباته حلوة برضه من كلام واحد خريج علوم عين شمس من نفس التخصص وشغال فى تى اى داتا فيه فيزياء حيوى واشهر حاجة للمجال ده اخصائى اشعة فى المستشفيات وفيه مجال الكيمياء وده مفتوح جدا وواسع جدا من حيث الشغل لو بتحبى الكيمياء اوى يبقى تدخلى كيمياء سبشيل او نص نص ادخلى كيمياء/فيزياء وامسكى العصاية من النص طبعا انا بعدت عن الرياضة عشان انتى عارفه الرياضة الخلاصة انا برشحلك فيزياء حاسب ---> لازم تكونى بتحبى المجال + كورسات +شغل مناسب ليكى وفرص عمل موجوده كيمياء ----> هيفتح ادامك سكك كتير فى جميع مجالات الشغل سواء الادوية او غيره ولا بد من حب المجال انا مجبتش سيرة الجيوفيزياء او الجيولوجيا عشان انا بربط التخصص بمجال العمل وزى ما قولت فوق فرص البنات صعبة والناهرده هتأكد من واحد شغال فى شركة بترول عن موقف البنات فى مجال الشغل كجيوفزيائى ادعى ربنا يوفقك للأختيار الصحيح ولا بد من صلاة الاستخارة ولما تقررى قولى اخترتى ايه وهتناقش بأذن الله اسف على الاطاله بس ده اختيار مصيرى لا بد من الصراحة والواقعية |
اقتباس:
لأ التخصص فى طنطا من تانى سنة او تالت سنة على حسب القسم ويوجد كيمياء حيوية تدخلى قسم ايه على حسب ميولك وانت عايزة تطلعى ايه اكتبى رغباتك وان شاء نتناقش فى القسم المناسب اللى يتوافق مع رغباتك ولا تنسى صلاة الاستخارة وبالتوفيق بأذن الله |
طيب انا كنت عايزه اعرف بانسبه لجامعه الزقازيق التخصص بيكون فيها من اولى ولا تالته ولا تانيه
وكنت عايزه اخش قسم الكيمياء الحيويه والميكروبيولوجى بس سمعت انه مش موجود فى جامعه الزقازيق وبصراحه انا محتاره شويه فى القسم انا علمى علوم وكنت عايزه اخش قسم فيه مجالات شغل كتير |
اقتباس:
بصى انا هقولك على الاقسام المتاحة فى جامعة الزقازيق :
كيمياء وميكرو كيمياء حيوية كيمياء وكيمياء حيوية التلاتة دول هيؤهلوكى لمجالات عمل كتير ككيميائية او كدكتورة تحاليل بعد عمل دبلومة والكيميائى فرص العمل ليه كتيرة جدا زى ما شوفتى فوق فيه برضه كيمياء / جيولوجيا يعنى ده بيمسك العصاية من النص بمعنى انه يقدر يشتغل فى مجال الجيولوجى او الكميائى وديه ميزة الاقسام الدابل الكورس انها بتدى مجالات شغل اوسع يعنى تقدرى تشتغلى فى البترول وشركات المياه الجوفيه والاتشاءات والتشييد وغيره وتقدرى تشتغلى فى مجال الكميائى زى الادوية والدهانات والاصباغ والاسمنت والبلاستيك وغيره بس عيبها الوحيد انك مينفعش تبقى معيده حتى ولو كنتى الاولى على الدفعة عشان انتى مش متخصصه مثلا زى قسم كمياء اسبشيال او جيولوجيا اسبشيال فهم الاحق فى مجال التدريس فى الجامعة بس زى ما قولتلك هيبقى مجال الشغل من كيمياء/جيولوجيا واسع جدا على فكرة التخصص من سنة تالتة فى الزقازيق اللى هو التخصص النهائى ادامك مجالات حلوة وكويسة فكرى وصلى صلاة استخارة وبعدين قررى وبالتوفيق :078111rg3: |
انا ان شاء الله عايزة اخد دبلومة تحاليل وعايزة ادخل كيميا حيوية بس لو انا عاوزة كده يبقي المفروض اكتب ايه في التخصص اللي بختارة اول لما بدخل ده ؟
|
لو سمحتوا علوم اسكندرية ايه الاقسام المتاحة لعلمى رياضة و ايه الاقسام اللى شغلها متوفر بالنسبة للبنات
|
لو سمحتوا علوم اسكندرية ايه الاقسام المتاحة لعلمى رياضة و ايه الاقسام اللى شغلها متوفر بالنسبة للبنات
|
اقتباس:
الاقسام اللى شغلها متوفر للبنات كل اللى فات ده الا جيولوجيا وجيوفيزيا بتبقى قليلة شوية بالنسبة للبنات بس ياريت تختارى اللى حاجة اللى بتحبيها وبالتوفيق ان شاء الله :) |
مجهود جبار جدا منم تسلم الايادي جزاك الله كل خير اخي الكريم .
|
شكرااااااااااا ولما سالت الراجل قالك ايه بخصوص البنات
|
اقتباس:
كلامي مش غلط أنا عارفه أنهم فعلاً في موقع الكلية مفرعينها من علوم طبيعية بس بس عملياً واللي بيحصل فعلاً في الكلية أنها من بيولوجي أو من علوم طبيعية وده لحد سنة 2011 .. إلا إذا في قرار جديد هيتطبق من أول السنة دي بيقول إنها من علوم طبيعية بس أسأل خريجين بيوفيزيكس وهم هيقولولك أنها فعلاً تنفع من الاتنين وشكراً جزيلاً على معلوماتك القيمة وإفادتك للطلبة جعله الله في ميزان حسناتك .. |
اقتباس:
بس انا صاحبى فى 3 بيوفيزيكس والمواد عندهم ميكس ما بين علوم طبيعية و بيولوجية بس انا كنت بكلم على تصنيف الشعبة مش على نوع الطلاب المتاح ليهم بيوفيزيكس مفيش كلام علمى علوم ورياضة يقدروا يخشوها بس الفكرة ادام هى متصنفة علوم طبيعية تبقى تندرج تحت مجموعة العلوم الطبيعية واساسا علوم طبيعية متاحة للأتنين بغض التظر مواد الشعبة اللى بتبقى مزيج ما بين حيوان ونبات وكيمياء وفيزياء ورياضة على العموم بكرر اسفى وانا مقصدش غير الرد الصحيح للأعضاء ويا جماعة فعلا زى ما قالت استاذة جنة متاح للمجموعتين دخول بيوفيزيكس ... متشكر على تفاعلك معانا :) |
اقتباس:
|
السلام عليكم اولا
انا كنت عايزه اعرف بالنسبه كليه علوم قسم كيمياء قسم كيمياء عضويه هو موجود في اسماعيليه فعايزه اعرف مجال شغلها ايه ؟ وانا علمي رياضه يعني ينفع ادخلها ولا لا؟ انا شايفه ان محدش بيجيب سيره الكيمياء العضويه خالص فعايزه اعرف قبل ما ادخل الجامعه واحدد القسم وشكرا جزيلا[ |
اقتباس:
وان شاء الله سيتم انشاء شعبة للكيمياء الحيوية وان اشاء متاح للعلمى علوم ورياضة |
السلام عليكم و رحمة الله و بركاته...
انا تقريبا مش بادخل بقالى سنة و نص على الموقع الا مؤخرا... بس عشان الجهد و الفائدة العظيمة اللى فى الموضوع... قلت الشكر واجب و لازم.... لانى استفدت جدا جدا بجد و شايف ان ناس كتير استفادت من شكل الردود..... فجزاك الله خيرا و اثابك على افادتك و وفقك الى ما فيه الخير.... و انا جالى علوم/رياضة الفيوم .... و ده كان حلمى من خمس سنين تقريبا... انى ادخل علوم.... و موضوعك اوضح الصورة اكتر.. فشكرا... و ده عشان زى ما قال الشاعر اللى مش فاكره... " السلام امانة ...و الشكر واجب".. :) |
شكرا للرد علي سؤالي بس هو الشخص خريج القسم ده بتاع عضويه بيشتغل في اي شركه بردوا ولا ليه تخصص معين؟ |
اقتباس:
هى أحد فروع علم الكيمياء. وهى العلم الذى يدرس بناء, خواص, تركيب, تفاعلات, تحضير مركبات الكربون والهيدروجين, والتى يمكن ان تحتوى على أى عدد اخر من العناصر, مثل النيتروجين, الأكسجين, الهالوجينات, وأحيانا قليلة الفسفور أو الكبريت ومن اهم خواص المواد العضوية اللى لازم تاخدى فكره عنها : المركبات العضوية تذوب, تغلى, تتأصل و تتحلل تحت 300 °c. , غالباً ما تكون مرتبطة مع بعضها بروابط تساهمية . وتميل المركبات العضوية للذوبان في المذيبات العضوية والتى غالبا ما تكون مواد نقية مثل الإيثر أو الإيثانول .. ونظراً للخواص الفريدة للمركبات عديدة الكربون [ بسبب ان تكافؤ الكربون لا يجب أن يؤخذ عادة من العناصر الأخرى ] فإنه يوجد مدى بالغ الإتساع لإستخدامات المركبات العضوية .. فمثلاًُ تدخل المركبات العضوية كمكونات أساسية في عديد من المنتجات كـ المتفجرات , الطعام , اللدائن , الأصبغة , المنتجات البتروكيماوية والأدوية وغيرهـآ خلاصة الكلام اللى فات ان مجال شغلك متوافر فى كل المصانع والشركات وخاصة مصانع الاغذية والادوية والدهانات والمطاط والاصباغ وكل المنتجات البتروكيمياوية... الخ وفى الاخر الشغل نصيب ... وبالتوفيق ان شاء الله :) |
ع فكره في علوم بنها بتنقسم الكيميا لكيميا ادوية وكيميا سراميك الخ في سنه رابعه
لكن الشهاده بتتكتب كيميا بس |
طب لو سمحتوا هو اناعايزة اعرف هو قسم كميا سبيشيل صعب ؟
يعنى انا مثلا لو مكنتش فى ثانوى بحب الكميا اوى يعنى كنت وخداها مادة عادية اجيب فيها درجة كويسة وخلاص هل انا لو اخترت كميا سبيشيل ممكن امشى فيها ولا لازم اللى يدخل القسم ده يكون بيحب الكميا اوى؟ وانا عايزة ادخل القسم ده عشان مجالها فى الشغل مش اكتر |
كنت عايز اعرف هو قسم البترول الخاص موجود فى عين شمس والخريجى من القسم دا تبع نقابه ايه وطب هو في قسمين اسم كل واحد جيولوجي و الجيوفيزيا ولا هوقسم واحد اسمو جيولوجي وبعدين التخصص ف الجيوفيزيكس هل فى تخصص بعد كدا من الجيوفيزيكس
|
اقتباس:
يتبع نقابة العلميين بالنسبة لعين شمس الجيوفيزيا يتخصص من اول سنة تسمى مجموعة العلوم الجيولوجية والجيوفيزيائية وتشمل : جيوفيزيا سبشيل - جيوفيزيا / جيولوجيا - جيولوجيا سبشيل - جيولوجيا / كيمياء التخصص يختلف من جامعة لأخرى ممكن يبقى من تانية او من تالتة على حسب |
اقتباس:
كلية علوم تحتاج الى مجهود بمعنى محاضرات غاليا من 8 الصبح الى 4 العصر وبعدين فى البيت مجرد مراجعة كويسة على اللى اتاخد فى المحاضرة ومذاكرة اول بأول يعنى فى الاخر مجهودك هو الاساس سيبك من صعب وسهل ما فيش شك كيمياء سبشيل بيتعمق اوووووووى فى الكيمياء ولكن مجهودك ممكن يخلى الكلية قمة الصعوبة او قمة السهولة الثانوية العامة لا تعتبر اطلاقا مقياسا لأى شىء وبالذات فى موضوع المواد بس فيه شىء اسمه ميول الكيميا كمجال واسع جدا جدا جدا وموجود بكثرة ولكن لو فى قسم تانى فى الكلية بتحبيه يبقى لازم تعيدى التفكير هى معادلة موزونة مجال وتخصص يتوافق مع ميولى وامكانياتى + فرص عمل للمجال ده = اختيار صحيح بأذن الله |
اقتباس:
والقسم فى تانية والتخصص النهائى فى تالتة كيمياء حيوى كويسة جدا للمجال ده بس احرصى على التقدير فى اولى وتانية عشان بتاخد اعلى تقديرات وبالتوفيق :d |
اقتباس:
|
شكرا للمجهود الكبييييير يا استاذ scrubs وكل الاعضاء بس كان عندى لحضرتك سؤال..انا علوم رياضة ومبحبش الbiology خالص علشان كدة دخلت علوم طبيعية(صح كدة ولا لأ؟)..ونفسى اخش علوم حاسب وقريت هنا ان مجال الشغل بتاعة حلو..بس ممكن اعرف هل دراسة كل المواد بالأنجليزى يعنى الكيميا والرياضة والفيزيا كلهم بالأنجليزى ولا اية..وهى كام مادة بندرسها فى السنة الاولى؟؟
وشكرااا |
اقتباس:
وان شاء الله فى تانية تدخلى قسم الرياضيات ومنها شعية بحتة وحاسب وعلى فكرة انا ناوى على كده بالظبط بعون الله المواد هما 6 مواد اساسين فى اولى فيزيا عامة - كميا عامة - رياضة بحتة - انجليزى - حاسب - ديناميكا موضوع الدراسة بالانجليزى ده مسأله وقت مش اكتر والدكاترة فى الاول كل كلامهم عربى كشرح ولكن المصطلحات تؤخذ كما هى وبعدين الموضوع بيبقى روتين يعنى متحمليش هم الموضوع ده المهم المتابعة اول بأول وخليكى ماشية فى طريق هدفك اللى هو شعبة الحاسب وبالتوفيق ان شاء الله :) |
الله يجزيك كل خير ويباارك فيييك ..موضوع مهم جدا ..
جعله الله بميزان حسناتك .. سؤال بسيط فيزياسبيشيل وكيميا سبيشيل متاحة لعلمى رياضة ودول من قسم طبيعة صح ؟؟ |
اقتباس:
|
جميع الأوقات بتوقيت GMT +2. الساعة الآن 03:02 AM. |
Powered by vBulletin® Version 3.8.11
Copyright ©2000 - 2024, Jelsoft Enterprises Ltd.