![]() |
كلية اللغات والترجمة
[السلام عليكم ورحمة الله
انا كنت عايزة اعرف حد هنا في كلية لغات وترجمة جامعة الازهر وياريت لو حد فيها يقول عشان نفيد بعض وربنا يوفقنا جميعا الى مايحبه ويرضاه :) |
وعليكم السلام ورحمة الله وبركاته
،، انا مش ازهر اصلا بس كنت اتمنى انك تعملى لنا موضوع تعرفينا فيه بكليتك اكتر ،، وكنت عاوزة اسأل لك سؤال ،، كان فيه اشاعة طلعت :d ان كلية اللغات والترجمة جامعة الازهر هتاخد طلبة من ثانوى عام بس بتنسيق مختلف وشروط معينة ،، ايه كلامك فى الاشاعة دى ؟؟؟ :d |
اقتباس:
ثانيا هى دى مش اشاعه دى حقيقه وانا كنت فعلا ثانويه عامه ومن اوائل الجمهوريه ادبي ودخلتها لانها احسن من ألسن بكتير جدا جداا وهى فعلا بتعلم اللغه بطريقه ممتازة بس هي بتقبل طلبه ثانويه عامة في كلية البنات لكن كلية البنين لا اعتقد انها بتقبل طلبة ثانويه عامة وان شاء الله المرات القادمة هبقى انزل معلومات عن الكليه وشكرا مرة اخرى لمرورك الذى اسعدنى:) |
جميل جدا ،
طب نقدر نعرف ايه شروط قبولها من الثانوى العام منك يا ترى ؟ ،، |
اقتباس:
قواعد وشروط القبول بشعبة اللغات الأوربية وآدابها والترجمة الفورية(انجليزى- فرنسى) بكلية الدراسات الإنسانية بالقاهرة بالنسبة للطالبات الحاصلات على الشهادة الثانوية العامة من اى من القسمين الادبى والعلمى . (أ) أن تكون الطالبة حاصلة على الشهادة الثانوية العامة أو ما يعادلها من اى من القسمين الادبى والعلمى بنسبة لا تقل عن 85% من المجموع الكلى للدرجات وتحتسب درجة النجاح فى مادة المستوى الخاص فى اللغة الأجنبية الأولى فقط ضمن درجات المجموع الكلى للطالبة طبقا لما هو معمول به بالجامعات . (ب) أن تكون اللغتان الأجنبيتان اللتان درستهما الطالبة فى الشهادة الثانوية العامة أو ما يعادلهما . هما بالتحديد (الإنجليزية والفرنسية) (ج) إلا تقل الدرجة الحاصلة عليها الطالبة فى مادة اللغة الأجنبية الأولى عن 85% من النهاية العظمى المخصصة لها. (د) تكون أولوية القبول للطالبات المتقدمات طبقا لترتيب المجموع الكلى لدرجة الطالبة فى امتحان الشهادة الثانوية العامة مضافا إليه درجات الطالبة الحاصلة عليها فى مادة اللغة الأجنبية الأولى فى الشهادة الثانوية العامة – وتحتسب درجة نجاح مادة المستوى الخاص فى اللغة الأجنبية فى شهادة الثانوية (إن وجدت) ضمن درجات المجموع الكلى للطالبة وفقا للمعمول به فى الجامعات . وفى حالة التساوى فى هذا المجموع الكلى للطالبة وفقا للمعمول به فى الجامعات. وفى حالة التساوى فى هذا المجموع تكون الأسبقية للطالبة الأعلى فى درجة مادة اللغة الأجنبية الأولى. وسيتم ترشيح الحاصلات على الثانوية العامة من القسم العلمى فى حدود 40% من عدد الطالبات المرشحات من القسم الادبى . (هـ) تقضى الطالبات الحاصلات على الشهادة الثانوية العامة أو ما يعادلها المرشحات للقبول بهذه الشعبة سنة دراسية تأهيلية تعدها الجامعة خلال العام الجامعى 2002/2003 يتلقين فيها دراسات إسلامية وعربية ولا يسمح للطالبة بالقيد بالفرقة الأولى بالشعبة إلا بعد نجاحها فى الامتحان الذى تجريه الجامعة على دورين فى نهاية العام الدراسى للسنة التأهيلية المذكورة وتمنح الطالبات الراسبات فى هذا الامتحان فرصة أخرى واحدة يعدن فيها السنة التأهيلية دراسة وامتحانا فيما رسبن فيه وتفصل بعدها من الجامعة من ترسب للمرة الثانية فى الدورين وإلا يعاد ترشيحها لاى كلية من كليات الجامعة. - أما الطالبات اللائى يستنفدن مرات الرسوب بإحدى فرق النقل بالشعبة المذكورة بقسميها(انجليزى - فرنساوى) لهن الحق فى إعادة قيدهن بإحدى كليات الجامعة . |
شكرا ليكى اوى
وان شاء الله غيرنا يستفيد بالمعلومات ،،، مستنيين تفاعلك فى القسم ان شاء الله وربنا يوفقك :) |
اقتباس:
وان شاء الله اشارك في هذا القسم لانى اتشرف بالدراسه في جامعة الازهر:) |
ياريت حد يفهمنا نظام الكلية فيها ايه والقرأن د ايه في السنه
والمواد الشرعيه اللي فيها والاجنبيه وحزاكم الله خيرا |
اقتباس:
اول سنه بالنسبه لطلبة الثانوية العامه بيدرسوا مواد شرعيه الى جانب القرآن اول سنه بياخدوا ثلاثة اجزاء فقط عم وتبارك وقد سمع . بعد كدا بتزيد الكمية وبالنسبه للغات لطلبة الثانويه العامة اجبارى انجلش وفرينش لكن طلبة الثانويه الازهرية مفتوح قدامهم اى لغة فيه عبري والمانى ولو أى سؤال انا موجودة:) |
ايه ده اللغات والترجمة أحسن من الالسن
أنا عايز الرغبة الاولى هندسة والتانية ترجمة فورية بس مش عارف مش مطمن ناحية الرغبة دى ليه ربنا يستر |
اقتباس:
ثانيا مش هتندم الدراسه فيها ممتعه وهتتخرج وانت متقن اللغه اللى متخصص فيها يلا اى سؤال تانى وانا ف الخدمة:d |
جزاكى الله كل خير اختى أمة الرحمن ع افادتك زملائك
وياريت ان شاء الله لو عندك مواضيع تفيد القسم تبقى تنزليها لان بجد كان نفسى اعمل له حاجة بس انا لا ازهرية ولا افقه فى كليات الازهر شىء بتاتا ربنا يكرمك ويوفقك باذنه تعالى ،، :) |
على فكرة الكلية ديه اكتر من رائعة اختي الكبيرة كانت فيها و اتخرجت منها بتقدير جيد جدا مع مرتبة الشرف
و الدكاترة فيها كمان اغلبهم متعاونين و انا احيانا كنت بسعدها في المذاكرة ;) كنت بطلعلها الكلمات من القاموس :) و اي استفسار انا في الخدمة صحيح امة الرحمن عملة الوجب و زيادة بس زيادة الخير خيرين :) و جزاك الله خيرا على هذا الموضوع في ناس كتيييييييير متعرفش حاجة عن الكلية دي مع ان مستقبلها كبير جدا و ياريت يبقى مكانها مش في جامعات الازهر لان الناس مش هتعرف انه ينفع ثانوي عام يدخلها |
اقتباس:
بجد مرورك اسعدنى جدا وشكرا لمتابعتك وان شاء الله هبقي انزل موضوعات عن جامعات الازهر باذن الله بارك الله فيكي:) |
اقتباس:
اما بالنسبه للكليه فهى فعلا اكثر من رائعه ومستقبلها باااااااااااااااااهر واحسن من ألسن بكتير بندرس فيها كل انواع الترجمه ترجمه سياسيه واسلاميه وقانونيه وفوريه وده مش موجود في اى كليه تانيه بجد ياريت الطلبه يفروا فيها لانها رائعه والحمد لله ربنا هدانى انى ادخلها مع ا ن ألسن كانت متاحه قدامى لكن فضلتها عن ألسن ونورتينى مرة اخرى ananoo:) |
السلام عليكم انا كنت فى ثانوية ازهرية السنادى وجبت 85.5 ادبى وان شاء الله ادخل ترجمة فورية (يارب تيجى ) ولو كانت من نصيبى اى معلومة اعرفها ان شاء الله هاجى اقولها هنا علطول بس ادعولى بجد النتيجة يوم الاربع واحنا لحد دلقوتى مش عارفين هنعمل اية ادعولى
|
كلية اللغات والترجمه في الازهر قويه جدا وبيطلع منها معظم الخرجين مستواهم فوق الممتاز
|
شكرا لكى اختى على المعلومات دى ومدى حماسك لكلية الترجمه الفوريه جامعة الازهر بس انا عايزه اعرف كذ حاجه منك
اولا انتى ترجمة فورية القاهرة ولا تفهنا الاشراف؟.......... ثانيا : ليه انتى شايفة ان الترجمة الفورية افضل من الالسن مع ان كفايه ان اسمها السن؟............ ثالثا دى طبعا اول سنه ليكى ياترى الشهر اللى درستيه فى لكلية ايه انطباعك لحد دلوقتى؟ ياريتتردى عليه بسرعه لان واضح ان حايكون فيه حوار مطول بنا .......دا طبعا لو معندكيش مانع............ |
شكرا لكى اختى على المعلومات دى ومدى حماسك لكلية الترجمه الفوريه جامعة الازهر بس انا عايزه اعرف كذ حاجه منك
اولا انتى ترجمة فورية القاهرة ولا تفهنا الاشراف؟.......... ثانيا : ليه انتى شايفة ان الترجمة الفورية افضل من الالسن مع ان كفايه ان اسمها السن؟............ ثالثا دى طبعا اول سنه ليكى ياترى الشهر اللى درستيه فى لكلية ايه انطباعك لحد دلوقتى؟ ياريتتردى عليه بسرعه لان واضح ان حايكون فيه حوار مطول بنا .......دا طبعا لو معندكيش مانع............ |
يا مرحباً بكلية اللغات والترجمة ومن التحق بها
أنا خريج لغات وترجمة أدب انجليزي دفعة 2000 وأعمل حالياً مترجم بأحد المراكز الاستراتيجية ومدرس بالأزهر يشرفني إني بشوف وهشوف اسم كليتي منور في كل ميادين العمل المهمة بارك الله في الجميع محمد يوسف محمد المحمودي أبو مريم ويوسف |
انا طالبة في لغات و ترجمة فورية برده بس خاصة مش الازهر عشان مجموعي مجبهاش(ازمة مجموع يعني)
فلو ممكن تقوليلي عالحجات اللي بتخديها عشان اعرف ايه الفرق بين الكليتين وشكرا عالموضوع |
اقتباس:
ثانيا انا في ترجمة فورية القاهرة وثالثا وده الاهم احنا اما بنختار الكلية االلى هندرس فيها مش بنختارها بناء على بريق الاسم ولكن بناء على القيمة التعليميه وبالنسبه لكلية اللغات والترجمه هى افضل من السن "من وجهة نظري" لاننا بندرس فيها جميع انواع الترجمه يعنى ترجمة اسلاميه وعلميه ومنظورة وترجمه فوريه ودى حاجات مش موجوده في ألسن الى جانب المواد الشرعيه يعنى بنتخرج عندنا لغه الى جانب خلفيه شرعيه . وانا مستعده للجواب على أى استفسار آخر وشكرا للمرور:) |
اقتباس:
ده بالنسبه للسنادى لكن السنين الجايه بتتنوع انواع الترجمه يعنى لسه هناخد ترجمة اسلاميه وقانونيه وفوريه وشكرا لمرورك وربنا يوفقك:) |
هههههههههه
طب كويس ان فى غيرى هنا فى ترجمة فورية شروق وامة الرحمن كن حاسس انى وحيد هنا على فكرة أنا مجموعى كان كبير وكنت علمى وجالى طب أسيوط بس أنا رفضته يعنى بابا قالى ادخل لغات عشان لما تخلص فيه وظيفة كويسة هناك فى كندا ودخلتها رغم انى كنت بفضل هندسة وربنا يستر بقا أما من ناحية نظام الكلية فكل التعليم فى مصر أصلا نظام فاشل فى لغات وفى اى كلية تانية فى الازهر أو فى العام |
السلام عليكم ورحمة الله وبركاتة
انا مدرس متخرج حديثا من كلية اللغات والترجمة جامعة الازهر قسم ترجمة فورية انجليزى ممكن اعرف نوع المساعدة اللى ممكن اقدمها لحضرتك وشكرا |
انا ادرس فى كلية اللغات والترجمه قسم اللغه الالمانيه فى السنه الاخيره ومستعد لاى استفسار يخص الكليه ونظام الدراسه فيها وفعلا انا بجد الكليه مصدر فخر وسعاده ليا فى كل مكان لمكانتها وبالنسبه لقسم اللغه الالمانيه انا قارنت بينها وبين الالسن المانى من خلال المناهج فلقيت المناهج بتاعتنا مليانه بكميات ممتازه من المعلومات فطلاب الالسن عين شمس يدرسوا كميات بسيطه للغايه اما نحن فندرس ام الكتب والكلام ده عن اقتناع واخيرا اتمنى انا تقولوا لا اله الا الله سيدنا ونبينا محمد رسول الله
|
انا مبسوطه أوى من الكلام اللى قريته عن الكليه
لأن حلمى انى ادخلها بس انا خايفه جدا فى ناس كتير خوفونى منها وبالاخص المدرسين فى المعهد قالولى ان مستقبلها مش كويس وتربيه او اداب بيتوظفوا بسرعه غير بتوع ترجمه فوريه ......بصراحه مش عارفه الكلام دا صح ولا لأ ؟ وكمان سمعت ان الدراسه صعبه جدا فيها كمان عايزه اعرف المجموع اللى بيتقبل منها بالنسبه للطلاب الادبى وهل لازم اجيب درجه عاليه فى الانجلش والفرنساوى فى 3 ثانوى |
السلام عليكم
طبعا يا سمية لازم درجتك في e و f تكون عالية ده لو انتى عايزة تدخلى احد القسمين دول غير كده ممكن تقبلي في الكلية بس في قسم التركى مثلا او الهندى واللغات التانية بقي بس وربنا يوفقنا كلنا وان شاء الله لو انتى وانا دخلناها نبقي زمايل بقي مع السلامة |
ان شاء الله يا إسراء
بس انا بموت فى حاجه اسمها إنجلش........وبدعى على طول ربنا يوفقنى واجيب مجموع كويس فى الماده بس انتى ان شاء الله هتسبقينى بسنه لإنى انا لسه فى 2 ثانوى بس انا حابه اعرفه المجموع اللى تقبلنى منه الكليه كام فى الميه على العلم بانى فى قسم ادبى وجزاكى الله خيرا |
طب انا جايبة 88.8 المجموع في تانية
و21 في النجليش و46 في الالماني هل لو شديت حلي ممكن اتقبل وهل هي بتاخد اللي وخدين فرنساوي بس وهل فيها حجات من الدراسة الازهرية كتير زي التشريع والتفسير .........الخ |
السلام عليكم ورحمة الله وبركاته
علي فكره انا في كلية لغات وترجمة جامعة الازهر شعبة ترجمه فوريه بالقاهره السنه التلته بعد تمهيدي ومستعدلاي استفسار لاي شخص واحب ارد علي اللي قال ان الترجمه مش ليها مستقبل يبقي غلطان او لانه خايف اللي يدخل اللغات يكون مستقبله احسن منه علي العموم ده ايميلي Mr_SEma_mail@yahoo.com شكراا ليكو |
انا ممكن اساعدك في اي استفسار ممكن تطلبوه عن كلية اللغات والترجمه جامعة الازهر |
اقتباس:
السلام عليكم ورحمة الله وبركاته اولا احب ان ارد علي السؤال الفرق بين كلية اللغات والترجمة والالسن كلية اللغات والترجمة فيها قسم خاص بالترجمه الفوريه وهو مش موجود في كلية الالسن وكلية الالسن بيدرسو ماده فقط للترجمة الفوريه وجميع اقسامها ادب لكن اللغات والنرجمه بها ثلاته اقسام في اللغه الانجليزية وهو القسم الاسلامي والفوري وقسم الادب فقسم الترجمة الفوريه عن نفسه افضليه لانك تدرس فيه جميع انواع الترجم من ترجمة تتبعيه وفوريه ومنظوره وشفهيه وتحريريه الي اخره غير مواد الادب طبعا مثل باقي الكليات وانا تحت امركو طبعا في اي استفسار وانا اسف اني ارد متأخر نظر لمشكلة كانت في تسجيلي بالمنتدي |
انا كمان فى لغات وترجمة
لسه تمهيدى وربنا يسترها بقا |
اهلا بيك
اهلا بيك وانا زميل لك ان شاء الله في هذه الكليه وان احتجت اي تفسير اتي شىء اي كتب انا تحت امرك ان شاء الله |
هااااااااااااي يا جماعه انا ميدو طالب في جامعة الأزهر كلية اللغات والترجمة قسم ترجمة فورية سنه تانيه وافتخر اني بنتمي لجامعة زي ديه في كليه زي ديه في قسم زي ده فعلا حاجه تشرف لكل الي فيها دكاترة علي اعلى مستوى وكورسات تدريس رهيبه انا فعلا لقيت نفسي اول ما دخلت الكليه ديه والقسم ده بالذات وانا في الخدمه لو حد نفسه يعرف اكتر عن الكليه و المواد و الكورسات والمواد الشرعيه من قران وخلافه وديه ايميلي Mido_xo@hotmail.comWithoutme42@yahoo.com |
أهلا يا ميدو
أنا كمان فى لغات وترجمة شعبة ترجمة فورية يس أنا لسه تمهيدى يشرفنى طبعا انى أتعرف عليك ونورت المنتدى |
اقتباس:
|
اقتباس:
حاضر من عينيا يا كبير ان شاء الله الامتحانات كويسة الحمد لله وانت أخبار الامتحانات معاك ايه |
بصراحه ردود جميله وكلها تويد فكره واحده انه كليه اللغات والترجمة فعلا قيمه ومستوي الدراسين بها عالي جدا وراقي ويتعاملوا مع اللغات بشلكل عملي ونظري عقلي ونقلي وتطبيقي واللي نفسك فيه وهي كليه مصدر فخر لكل ازهري , بالمناسبه مجموع كليه البنات مرتفع فوق 85 % وفق الله الجميع لما فيه الصالح , وانا اعتز باني خريج لغات وترجمه من اكثر من قسم بها , |
انا تماااااااااااااااااااااام وربنا يستر في الأمتحانات
|
يي على فكرة كلية اللغات والترجمة بتقبل ثانوى عام بسسسسسسسسسس بنات فقط وانا سالت
|
اقتباس:
85 لا حضرتك ده كان زمان القسم عندنا واخد من 94 فى المية علمى 89.5 فى المية أدبى وهيزيد كمان السنة دى وانا كمان بعتز بالكلية اوى |
السلام عليكم انا خريج هذه الكلية قسم ادب لغة فرنسية واعمل مدرس بالازهر
خريخ 1997 تقدير جيد كلية رائعة |
السلام عليكم ورحمة الله وبركاتة
جزاكم الله كل خير على المعلومات القيمة ولكن عندي بعض الاسئلة لان اختى تتمنى من الله هذة الكلية القيمة واتمنى ان تجيبوني عليها وجزاكم الله كل خير هل يشترط للتقدم في كلية اللغات والترجمة (من خريجي الثانوية العامة ) ان تكون اللغة الثانية هي الفرنسي يعني مثلا لو اللغة الاولى انجليزي والثانية الماني هل ممكن التقدم لقسم اللغة الانجليزية ؟؟؟؟ ما هي اخر نسبة اشترطتها الكلية للبنات المتقدمات من الثانوية العامة ( العام الماضي) ؟؟؟ ما هي اخر درجات تشترط الكلية الحصول عليها ( العام الماضي) في اللغة الاجنبية الاولى والثانية ؟؟؟؟ اخيرا اين تقع هذة الكلية وهل لها مصروفات دراسية مرتفعة وكيف يتم التقدم لها ؟؟؟ |
السلام عليكم و رحمة الله و بركاتة
أنا خريج كلية اللغات والترجمة قسم أدب أنجليزى دفقة 2005 من محافظة قنـــا عبدالدايم عبدالعاطى صالح أنا حاليا مدرس لغة أنجليزية بالأزهر و لو حد معه أى أسلة يتفضل على فكرة الكلية بتقبل ثانوية عامة بس أعداد قليلة جدا |
السلام عليكم انا خريج لغات وترجمة دفعة 1995 واعمل حاليا مدرس ثانوى بالتربية والتعليم - الكلية فعلا تستحق كل الكلام الطيب الذى ذكر عنها وانا فعلا قابلت طلاب من السن فى نفس تخصصى - ادب انجليزى - وشعرت انى افضل عندما تناقشت معهم- على الرغم من انى لم احقق فيها نجاحا كبيرا ولكن الحمد لله اشعر ان لهذه الكلية الفضل الكبير على - والكلية تقبل عدد معين من طالبات الثانوية العامة كل عام بشروط فى اللغة والمجموع وبها تخصصات غير موجودة بالجامعات الاخرى - او كانت- ومن الدكاترة اللذين درسوا لى وافتخر بهم - د- غالى محمد غالى مؤسس الكلية ود- عصام فايز ود -صلاح عبد الله النفيلى ود- عبد العظيم سويلم ود- خضر الكاشف ود- سعيد محمود ود- وجدى الفيشاوى ود- سعد منديشة ود- عبد الرحيم ود- عبد الرحمن و الدكتورة نادية وطبعا الدكتور حسن وجيه - الاشهر - وغيرهم الكثير بارك الله فى من كان على قيد الحياة وغفر لمن مات منهم - واخيرا اتمنى ان نقوم بعمل رابطة لخريجى هذه الكلية من خلال هذا المنتدى المحترم اوباى وسيلة اخرى ان تعذر ذلك وشكرا اخوكم احمد ابوالنور.
|
واو
دكتور عصام فايز ده أكتر حد حبيته فى الكلية بجد هو شخصية مبهرة مش قادر أوصفه بس هو انسان مش عادى |
بسم الله الرحمن الرحيم
ياترى فى حد هنا فى كلية لغات وترجمة علشان عايزة اعرف حاجات كتير عنها وخاصة من البنات وشكرا جزيلا للجميع |
hi sofia
انا فى لغات وترجمة انجلش لو عاوزة تستفسرى عن اى حاجة او تطلبيها انا موجودة اوك:av4056bb7jp3:
|
جميع الأوقات بتوقيت GMT +2. الساعة الآن 09:49 PM. |
Powered by vBulletin® Version 3.8.11
Copyright ©2000 - 2024, Jelsoft Enterprises Ltd.