حياتى مع 3ث .. يمكن تستفيدوا ^.^
 

السلام عليكم ورحمة الله وبركاته
اولا:أنا فتاه من الله علي بان اخلص امتحانات ومازلنا ننتظر فضله بالنتيجه.
حبيت افيدكم بامور كنت عاملاها ف3 يمكن تفيدكم.
فيه حاجات مهمه لازم تاخدوا باكم منها .
اولا التنظيم/ده نوعين/
اولا :الوقت/ما كان لي جدول محدد خصوصا ف الاول ..ع لخبطه الدروس وكده..مع الوقت كنت بحط جدول امش عليه شوي واسيبه وارجع احط واحد تان.
_مش لازم يكون ليك جدول..بس ف فرق بين حد عارف هوذاكر اي وحد تان سايبها بالبركه.
_تقدروا تستغنوا عن الجدول بان كل باب ف الماده تقسموه وتشوفوا ذاكرتوا اي وسايبين اي.
2_المكان/
ااكيد هتشتروا كتب او عندكم ..كنت عامله حاجه ريحتني جامد...كل ماده كان ليها ركن سواء ع المكتب او الارض او كرتونة..كل ماده عباره عن صفين صف خاص بكتب الشرح /والتان خاص بالاسئله.
ثانيا م الضروريات/
كتب المدرسه ثم كتب المدرسه
خصوصا ف ادب وتعليق العربي ،(الاحيا،الجيو)لو بتشتغلوا من كتانب الامتحان تمام بس مايضرش تبص ف كتاب المدرسه يمكن يكونو نسوا سطر ولاحاجه.
انتم طلاب مصريون عارفين يعن اي؟دمعناها كبير جدا.
يعن تصموا ال ف الكتاب تحطوه ف الاجابه هتعدوا بجداره هتالفوا يبقي ربنا يسترها معاكم.
__________________
‎
مش عارفه رقم كام /
*اأقلام التحديد(الهاي لايتر)او اي قلم..المهم تعلموا ع الحاجات ال بتقف معاكم او فيها افكار..(مسائل،فايند،تشوز،..الخ)
لان ده ال هتبص عليه ليله الامتحان مش هتلحق تبص لغيره. فعلموا اول باول ع ماتندموش ف الاخر.
_ال بعد ماعرفش رقمها/
لو بتاخدوا شيتات او امتحانات ف الدروس
ياريت يعن كل ماده يكون لها ملف خاص بيها الحكاية دي ريحتني جامد
او مثلا تجيبوا كرتونة وتقسموها بورق كرتون وتكتبوا اسم كل ماده علية بحيث تفرقوا كل ماده عن اختها ع ماتبقاش خلطبيطه.٠
هتستفيدوا ف الاخر ايام الامتحانات ومش هتحسوا بلخبطه ف النهاية
هتبصوا ع غلطاتكم دي ايام الامتحانات.
كفاية كد عليكم وعليا لان تعبت من الكتابه٠-
- كل يوم هبقي اكلم ع ماده وعملت فيها اي.
__________________
‎




###ماتنسوش حاجه مهمه جدا__العامل النفسي،،3 ما هي الا لعب بالاعصاب...
مش طلاب 3 المتفوقين هما ال دايما مكشرين ومشيلين ال حواليهم الهم
بالعكس طول ما اعصابكم هادية وبارده خصوصا ف الاول هتنجحوا بجداره ان شاء الرحمن.
اكيد هيجي اوقات مش طايقين حد فيها بس صدقوني باذن الله هتتحل خليكوا بس مساعدين لغيركم دراسيا او غير ذلك وباذن الرحمن ربنا هيبعت ال يطمن قلوبكم.
افتكروا "فان مع العسر يسرا.ان مع العسر يسرا."
يعن مفيش عسرين ورا بعض ولا يسرين كذلك
هي دائره وقت اليسر الشكر ووقت العسر الرضا والصبر.
-افتكروا(لايدرك النعيم بالنعيم )
اي حد محتاج يستفسر عن شي انا ف الخدمه لحد ماربنا يامر.
سواء اي بنت محتاجه حاجه وانا اقدر اساعد مش هتاخر سواء0ع التوبيك او خاص
__________________

الموضوع دا مهم يا جماعة وانا بأكد ع الكلام اللي فيه لازم تمشوا بيه زي ماهو كدا..
شكرا بجد ع الموضوع.. بارك الله فيكِ وفي ميزان حسناتك بإذن الله
يارب بس يسمعوا الكلام واعصابهم تكون هادية في الاخر زي الاول كمان عشان العبرة بالختام

بجد الموضوع جميل يا حبيبتي ربنا يبارك لينا فيكي
ان شاء الله هتابعك :)

ربنا يبارك فيكي يا مرمر
العامل النفسي اهم حاجة بجد والثقة في ربنا

جزاكم الله خيرا
ربنا يكرمكم

جزاكي الله كل خير علي النصايح دي ، و ان شاء الله تجيبي مجموع يفرحك و يفرح اهلك ،، اللهم آمين
.
ممكن بس تنصحيني بالكتب الخارجيه ؟
يعني العربي اجيب في ايه ؟ الامتحان ولا الاضواء و لا المثالي...
و الانجليزي surprise, gem,top student, the best
ولو علمي رياضه اجيب فيها ايه
و شكرا ^-^

‎
جزانا الله واياكم
اللهم آمين

باذن الله هنزل العربي اليوم والانجليزي غدا
انا كنت علوم فمش عارفه حاجه بخصوص الرياضه
‏:‏
Duke tefa
mahmaud abdgawad
يقدروا يفيدوكي لانهم ع رياضه‎
‎

روحاآآآنيات ج 1
 

~~~روحانيآآآت ج1~~~
مين فينا مش عنده منافس؟اكيد معظمنا عنده.
اكيد المنافسه شئ كويس
بس المنافسه الشريفه الخالية من أمراض القلوب :الحقد والحسد والغل"وفي ذلك فليتنافس المتنافسون"
مش اتمني زوال نعمة غيري واقول دي منافسه!
خلو فيه غبطه/بمعني اني ارجو ربنا يرزقني مثل هذا ولا اتمني زوالها منه.
‏-ربنا يكرمكم نقوا قلوبكم واخلصوا النية لله.
‏*الرفقه/اكيد عندنا رفقاء بس اي نوع ،محفز ام مثبط؟له هدف ام لا؟
الوحده افضل من الذي يلبس زي الصديق.
اختاروا ال تمشوا معاهم بعناية شديده.
لان فيه رفيق هو دايما محبط ومهما تعمل هو كدا،
اخر/يحسد فيك دايما ويقول دحيح وما الي ذلك مما لا ينكره اي طالب بيشوف مستقبله.
‏*حاولوا تغيروا مواعيد دروسكم بحيث تتجنبوا النوعيات دي
او تخلصوا وترجعوا ع طول وده افضل.
ان قدر الله لك ووجدت صديق صدوق بيعينك ع الطاعه وواخد بايدك ...اسجد سجده شكر لله وامسك فيه لان الناس دي بتنقرض ما عاد منها كتير.

اللغه العربية/
المفروض ان احنا بنتعلمها ع نفهم بها القرآن ونتدبر آياته ..بس زي ما احنا عارفين المفروض مرفوض..الله المستعان.فقط يكفيها شرفا انها لغه اهل الجنة والقرآن.
الفروع:
التعبير/الوظيفي/ده كنت سايباه لقبل الامتحان بيوم
الابداعي/نصيحه محدش يسيبه ..اكتبوا موضوع او اتنيين طول السنة ربنا يكرمكم..انا كنت مضايقه ان كنت سايباه بس جيت قبل الامتحان وبفضل الله كتبت واحد .
-البلاغه/النحو:
ما عليكم الا بامتحانات السنوات السابقه
اكيد كتاب الامتحان جايب 100 قطعه تحلوها بردو
فيه استاذ حالل 100اسمه استاذ اسامه عز الدين...له قناة وموقع ع الفيس اسمه بنذاكر مع استاذ اسامه ..
فيه كتاب اسمه تطبيقات الرساله هيفيدكم كتير
بس مش تقلقوا لو مش خلصتوه لان القطع كبيره
*الاول تحلوا القطع الصغيره ال ف مستوي الامتحان*
-خلوا بالكم من قواعد السنين ال فاتت وياريت لو المستر بيشرح من الاول تكتبو وراه ف كراسه خاصه وتجمعوا فيها اسئلتكم بردوا لما تقف عليكم وتسالوا عنها المستر.
***تعليق النص والادب م كتاب المدرسه بدون نقاش.***

*القصه/ملل السنين ..بس فيه بعض الفصول ال مليانة حزن .
*نص القصه يتقرا بعناية*
_المقدمه محدش ينساها خصوصا الهدف منها / خصائص اسلوبه
_ هي مش لازم تتحفظ بالنص بس خدوا بعض الكلمات منها .
الاحداث الطويلة تختصروها زي مثلا يوم البطون ..ده لو جه ف الامتحان
امامكم حل من اتنين:اما تسيبوه للاخر او تفضلوا تكتبوه بس تقراو الفاتحه ع الباقي.يعن افضل حاجه تختصروه(والحاجات ال زي كده) وانتم بتذاكروه ف شكل نقااط
_ياريت لو كل يوم فصل يتقرا لو قبل النوم حتي .ع تركز معاكم اكتر.
الادب/الحمد لله مش مثل لي اي صعوبه.بفضل الله ليله الامتحان قفلت الكتاب وسمعته لنفسي ./كنت بذاكره ع طول كتابه وشفهي وربنا يكرم المستر كان هارينا امتحانات وكل امتحان نمتحن ع الادب من الاول.
دوما اربطه النص بمدرسته لان الادب هيفيدكم لو نسيتم شي ف التعليق .
*اذا كنتم بتحبوا تدعموا حفظكم برسومات استغلوا ده ف الحاجات ال بتنسوها ...كنت عامله ده ف الادب ف ورقتين لو محتاجين هنزلها .
*****ما تنسوش كتاب المدرسه ف الادب****
*القراءه /بتتحفظ زي ما هيا
.
النصوص/ الصور البيانية وايحاءات الالفاظ والمعاني ذاكروها اول باول
*****ما تنسوش كتاب المدرسه ف التعليق****

*المعاني والجمع/تقريبا اصعب حاجه اختياراتها بس بشتغل فيها بالاستبعاد والحل الكتير .
*الحل من كتاب المدرسه والدليل وكتاب الامتحان .وكان معايا الوسام .
باذن الله مع التكرار هتهضموها.
ربنا معاكم وييسر لكم كل عسير

ربنا يكرمك ي رب يا حبيبتي ويكرمك كده

رد
 

شكراااااا موضوع راااااااائع جزاك الله خيرا

الE/
الماده تقريبا عن skillمش فيه غير الفايند وال تشوز والقصه ده م المنهج والباقي ترجمه وفهم.
*المهم/
اولا:السبيكر-ملزمه يتحفظ منها الاماكن والمتحدثون والفنكشن ويتحل ع كتير
*ثانيا/الجرامر/اكيد ده عاوز فهم مش حفظ وخلاص وان كان ف بعض الحاجات بتحفظ/ياريت لو تعرفوا تلخصوا الجرامر كله بنفسكم هيريحكم كتير.
***اوصيكم ثم اوصيكم ثم اوصيكم باليسننج والريدنج والريفيو يتقراو بعناية شديده جدا وتركيز عال ومزاج رايق وتقفوا مع كل جمله وحرف جر وتعلموا عليه ويتحفظ كويس..القراءه كذا مره وع فترات ..والملحوظات ال وراهم تاخدوا باكم منها...لانهم بيلعبو ف الf والCH ع كده
*المفاهيم/تعرفوها كويس يعن يجي التعريف تكون عارف كلمته والعكس
لان باختصار هو بيمتحنكوا من كلمات المنهج مش من قاموسكم فخليكم ف السليم ع ماف حد يتلكك تنفع وماتنفعش.
*القصه/احلي حاجه بغض النظر ع الكوتشن ال ساعات بيلخبط زي عمو فرتز الطائش وعمو سبت الرزين
هتلاقوا بعض المواقف بيتضح فيها كده فتقدروا تفرقوا بينهم
-احفظوها س و ج بس لازم الفصل يتقرا كويس جدا واقراوها بحب واستمتاع .
وتكونوا ف الاخر قادرين تحكوها بتفاصيلها الممله .لوحتي بالعربي .

*الترجمه/
لو تشوفوا امتحانات السنين السابقه هتلاقو الترجمه سهله
*كفاية اوي ملزمه واحده تحفظوا منها وتراجعو ع ال بتحفظوه
*الحفظ/لو مش المستر حاكمكم بحاجه محدده ابداو مع نفسكم لو كل يوم 5 كلمات او حسب المقدره وتراجعو ف اخر الاسبوع.
*قطعه الفهم /حلو منها كتير لانها هتعرفكم معان اكتر وهتثبتها .
*لو كنتم عاملين كشكول خاص بالترجمه من زمان او مش عاملين فحاولوا تعملوا واحد وكل كلمه تفابلكم جديده تكتبوها
،ممكن ف نفس الكشكول تكتبوا ملاحظات ع مش تنسوها زي كلمه مش بتاخد حرف جر او جمله لها تركيب محدد
*دوما وانتوا بتحلوا ترجمه مش لازم الكلمه هي ممكن تانية نفس المعني واهم شئ تعرفوا تكتبوها
بس مش هيضر تعرفوا ترجمه الكلمه الاصلية خصوصا لو مش ف امتحان.
[البرجراف]/
كل 2اسبوع يتكتب واحد ع الاقل .
احنا مثلا كان المستر بيعطنا كل 2 اسبوع امتحان ويحدد3 برجراف ع ندرب نفسنا يجي واحد ف الامتحان...،امتحانات ما كان بيحدد فيها ويشوف هنكتب ازاي.

<الكتب>/اهم شي اسئلهwbولونج مان وامتحانات السنوات السابقه لان ف جمل بتيجي نصا .
كان معي :توب وسكل بتاعه"هو بيجي منفصل يعن ممكن تشتروه لوحده"،سربرايز شرح ومراجعه،مذكرات المستر ال اد الملخص مرتين.
*كتاب ال سكل ده ف جمل ترجمه...منهم مترجم ومنهم ماليس مترجم....حلوا الاول ال مترجم .
*ياريت توروا المستر الترجمه والبرجراف والا هيكون بلا فائده.
*بردو ف الكتاب عبارات تساعد ف البرجراف هتفيدكم تكتبوا حاجه ضامنينها.

~~~روحاآآنياآآت ج2~~~
 

~~~روحاآآنياآآت ج2~~~
من المشاكل ال بتقابلنا وبتزيد ف3 الضغط وخصوصا من الاهل
اكيد بيتسلل لكثير منا ان الاهل بيحاربونا ..ناسين ان الاهل دول نعمه بس مش حاسين بها .
‏#رضا الوالدين ربنا يرضي عنا وعنكم مفتاح النجاح
*هم نفسهم ان احنا نكون اعلي منهم ف كل شئ وافضل ف كل حاجه ..بس الطريقه ال بينصحونا بها هي ال مش صح .
*لازم نكون عارفين انهم الوحيدين ال فعلا حبهم صادق.
*بما اننا عرفنا ان هدفهم خير يبقي نغض الطرف عن الطريقه خالص ...لازم نتعود نحط نفسنا ف صندوق زجاجي بس غير قابل للكسر شايفين العقبات ال بتترمي علينا بس حامين نفسنا .
*نتخيل دوما فرحتهم وان احنا سبب سعادتهم ،فنسرع باللجوء لله والتذلل له والالحاح ف الدعاء والتوكل عليه وحسن الظن به والثقه فيه فمحال ان تحسن الظن بالله ولا يحسن المن لك...باذن الله لن يخيب لكم رجاء.
*زي ماانتم عاوزين تفرحوهم ...من حقكم تفرحوا انفسكم..من حقكم ان ينظر لكم نظره اعجاب وليست احتقار..من حقكم تحلموا وتحققوا احلامكم.

يااارب ‏
يارب اكون افدتكم بشئ ولو قليلا
دعواتكم لان ف امس الحاجه لها‎
‎

متخافيش كلنا بندعيلك

يا رب تفرحينا قريب
بس متنسناش

ربنا يستر بقي تبقي دكتوره وتسينا
لا يا اميرتي الحلوه مش هيحصل صح

الجيو/
___
دي كتاب المدرسه او كتاب الامتحان مع كتاب المدرسه برضوا ع لو سطر منسي.
*الرسومات/خلوا بالكم منها وال بيتكتب تحتها بيجي عليها سؤال والبيانات تتحفظ زي ماهي.
*لازم ترسموا بنفسكم وتحطوا البيانات ع مش تنسوا حاجه.
*ياريت لو تجيبوا كشكول صغير وتجمعوا ف الرسومات دي.
*الكتب/كان معايا :كتاب الامتحان شرح ومراجعه والدليل..بس ماحلتش الدليل كله لان المستر قال ف اخطا وزيادات.
كان بردو معي :الاول ده ف رسومات واسئله كويسه.
*ف الاغلب الامتحانات بتيجي من اسئله السنوات السابقه ..يعن بحل الامتحانات دي بتضمنوا جزء كبير م الامتحان

الاحياء/
___
*هي اكيد حفظ بس بفهم بردو بس مش تروحو لعالم اللا بعد وتجيبوا حاجات بعيده جدا خليكم ف المباشر.
*كتاب المدرسه/ربنا يكرمكم ملكوش غيره زي الجيو.
*الرسومات:يتعمل فيها زي الجيو كشكول رسم والبيانات وال تحت الرسم وهكذا.
*ياريت لو مثلا بتجيبوا اسئله م النت او المستر بيعطها لكم تجمعوها ف ملف.٠
*الكتب/كتاب الامتحان شرح ومراجعه والدليل وبس
اكيد طبعا ده قليل فكنت بجيب اسئله من : مذكرات ع النت /كتاب الشامل ده جميل جدا بس مش كاه كامل وله جروب اسمه كتاب التميز ف الاحيا/جروب الاحيا سر الحياه"موجود ع استاذ حسن محرم"
*الاستاذه ع البوابه بينزلوا امتحانات ما تفوتكوش بردوا
بس اولا خلصوا ال معاكم ع ما تحسوا ان الدنيا مكركبه فوق دماغكم

يارب
ربنا يكرمكم .‏
باذن الله هفضل معاكم واظبط وقتي ...ومش هتخلي عنكم ‏‎
‎

ههه انتي بتسايسي طفله يا نور :‏d
هو بعد كمية الاغراءات دي وانساكم دا انا هفتح مخصوص ع اخد كلمتين حلووين.......واسيبك@_@‏



اكيد بهزر... معاكي ان شاالله‎
‎

موضوع جميل ربنا معانا في النتيجه ويسترها
ملاحظة ي اخوانا
العربي بيتذاكر كل يوم او ع الاقل خالص 5 ايام في الاسبوع
ربنا معاكم وادعولنا

خلاث مش هقول اميرتي الحلوه. .....أي رأيك ف اميرتي الجميلة💖💖

تقريبا حضرتك العربي في السنين السابقه بذكره يوم ف الاسبوع
بمل بسرعة ف العربي بإلزات القصه بذاكرها بصعوبه😕

بركة لو حد لقى yasser's notes
:d

بصراحه نفسي اشوفه :‏d‎
‎

ههههههههههه

بطلي جو الاغراءات دي ‏
‏.._.. ...بعدين خليها مسج ع اعرف ارد عليكي كويس .>_<‏‎
‎
؟؟؟هو اي ال حصل؟
المهم يا نور بطل الجو ده
خلينا بس مسج ع ارد براحتي ^^

خلاص لو هو لس عند حضرتك ممكن نشوفه؟‎
‎

اه لسه معايا
صورت الغلاف بتاعه اهو عشان تشوفوه ماتحرموش نفسكوا من حاجة
اللينك
https://farm8.staticflickr.com/7528/...3378110c_b.jpg

جزاك الله كل خير يا دكتور ...شكله حلو *_*

ياااه ..ايه دا يابنى انتا لسه محتفظ بيه ؟؟ :slap1qk6::blush:

اه اصل انا بحب الكتاب دا بس للاسف هديه لحد السنادي ومش هيبقى معايا اني مور :(
وقصة الايام بردو لسه محتفظ بيها وبقرأ فيها من وقت للتاني

ايوة دى الايام دى عشق والله :022yb4:...بس فى تكملة ليها مكنتش علينا بس ممكن تتجاب من اى مكتبه بس احلى مافيها الجزء اللى احنا اخدناه :):)

لا انا مصري لو رحت المكتبة اتحرق هههههه
هنزله PDF وخلاص مش حوار يعني
وكفاية هنا كدا عشان خرجنا برا الموضوع خالص وشتتنا الولاد :angry2:
نتكلم خاص احسن..

حاضر انا بس مش بقدر
خلاص نخلي الموضوع ده للجد فقط لا غير انتي صح :bosyht9:

*الفزياء /
كما يطلق ع بعبع الثانوية العامه.،التعقيد ال بيوصل للطالب لما يسمع اسمها....الحمد لله ما اكتشفتش ده الا ف اخر السنة ولقيتهم بيقولوا كده ع كده كنت بعشقها بغض النظر ع الامتحان والاخطا ال لا تغتفر فيه..بس الحمد لله عدت ع خير.
*اولا:النظري /محدش يسيبه للآخر ارجوكم يتذاكر اول باول وكذا مره ،خصوصا الفزيا الحديثه نظرها كتير.
_للاسف ما استلمنا كتاب المدرسه لاهو ولا الجيو..بس نزلناه م النت ..فبردو يكون معكم.
ثانيا المسائل/اكيد الافكار ملهاش حد..بس دي متعه خاصه اصلا..ما تياسوش لما مش تعرفوا تحلوا وتقولوا اهي ضاعت وهسقط والكلام الهبل ده..محدش داخل بيعرف يحل فزيا او غيرها الموضوع بس:ان ف ناس عقلها محتاج يتمرن اكتر ويحل مسائل اكتر وهو يشتغل،وناس ربنا من عليها بدماغ رياضية.

_مش عارفه هيكون عندكم كيرشوف ولا اي؟والكهربية عموما ..هتسمعوا كلام عنها /وحشه مش بتتحل صعبه..وغيره م الكلام ال يرجع الواحد 100 سنة ورا.
بس والله هتلاقو الموضوع بسيط ..افهموا كل حاجه ماشية ازاي وما تعدوش حاجه الا وفاهمين جات منين.
والدروس ال تاخدوها تحلوا ع كتير،طبعا معكم اقلام التحديد او حتي تكتبوا جمب المساله/ممتازه/حلوة /مهمه...الخ. ع ترجعوا للمهم .
*الكتب/كان معايا كتاب الامتحان شرح وصورت الامتحانات بس..بالاضافه للمسائل ف مذكرات المستر ال مش بتنتهي.
*ف جروب اسمه فكره ف الفزيا جميل وبينزل افكار كويسه
*لما تخلصوا ال معكم دوروا ع افكار تانية وامتحانات ،مذكرات م النت.
*لو تقدروا تحلو المسائل ف كراسه خاصه يبقي كويس جدا.
*النظري تقدروا تحلون ف الكتاب ع ما يكون ابيض وتحسوا انكم بتخلصوا حاجه.
*التجارب برسوماتها /الرسومات المنفرده والبيانات ..تتحفظ كويس ومحدش يسيبها للأخر اول باول ربنا يكرمكم

الكيميا/
تقريبا دي اسهل ماده ف مذاكرتها .
لو بصينا ع اجزاء ال ممكن صعبه ع بعض فيها/
_المعادلات: كل ماعليكم انكم تراجعوها باستمرار/المعادله ال وزنها رخم،احفظوها بوزنها.
النظري بتاعها كنت بحفظه من مذكره وبردوا كان معي كتاب المدرسه.
_مسائلها /اسهل حاجه فيها وغالبا ف كتاب المدرسه.
_التجارب،الرسومات /تتحفظ اول باول.
*العضوية*دي احلي حاجه فيها لان كل معادلاتها مربوطه ببعضها ،اكيد بتتنسي..بس ورقه وقلم وكرروا معادلاتها مع فهمها هتلاقوها احلي حاجه ف 3.
لو هتتخصصوا حتي ساعه للمعادلات بس يوميا وخصوصا الصبح يبقي كويس.
*الكتب/كان معايا كتاب الامتحان والدليل القديم وجبت الوافي ف الاخر.

الفرنساوي /دي ال كانت علي.
_بصراحه الماده دي كنت بذاكرها ف اوقات المواصلات.
بما ان دروسي خارج بلدي.
*اصلا هي عباره عن اختر ومش بنحط التاتش الا ف اكمل والموضوع والجرامر.
*تعتبر زي الا نجلش ،حفظ كلمات اليسون كويس ب ان واين *خلو بالكم منها.*
الجرامر:تدونوا ورا المسيه/او مثلا جانيال او اي ملخص بيجمعها فسهله.
الوثائق /حلو منها كتير .
الكتب ال كانت معايا/جنيال و برافو .
دي ماده سهله جدا اصلا ...احفظو كلمات كويس ع المواضيع او احفظوا مواضيع وابقوا خدو منها جمل وقت الحاجه.

كده المواد خلصت /الاضافات التانية باذن الله هكملها من الجمعه .
*ملحوظه هامه/الموضوع متاح لاي شخص حابب يفيد غيره ف 3 ..يعن مش حكر ع حد معين.

ييوه بقي بردو الالماني محدش واخده يلا مش مهم

وحشتيني ثم وحشتيني ثم وحشتيني يا صديقتي
احنا اه قلقانين من السنادي من الي حصلكم فيها وربنا المنتقم ان شاء الله
ببس الي مطنا ااننا واثقين فيكوا وانكوا فعلا تقدروا وسط الظروف الي حصلت دي
واحنا هنقلدكوا بقي عشان نبقي زيكوا بقي:d:d:d

ربنا معاكم فى النتيجة
ويارب نتعلم منكم شويه ونبدا جد من اولها
ونكون مستعدين نفسيا لاى تاجيلات تقابلنا ربنا معنا