|
علمتني أمريكا
بسم الله الرحمن الرحيم علمتنى أمريكا أن أنام بدرى حتى أصحو بدرى لكى أتوجه إلى العمل بدرى، ولكى أؤدى عملى فأستحق عليه راتبى.... تعلمت فى أمريكا أن العمل عبادة قولا وفعلا... تعلمت فى أمريكا أن الإنسان خلقه الله سبحانه وتعالى لكى يقرأ ويفكر ويبتكر ويكون جديرا بخلافة الخالق على الأرض.... تعلمت فى أمريكا أن الكلب الكثير النباح لا يؤذى، وأن الشعوب الكثيرة الكلام والشعارات لا يوجد لديها وقت للعمل والإنتاج.... تعلمت فى أمريكا، ومارست لأول مرة فى حياتى، العمل التطوعى لصالح المجتمع الذى أعيش فيه، وتعلمت أن التبرعات إلى جانب العمل الخيرى هما أهم دعائم المجتمعات الإنسانية... وتعلمت أن التبرعات ممكن أن تتوجه إلى أعمال كثيرة ويجب ألا تقتصر على إنشاء دور العبادة.. رأيت جامعات ومستشفيات ضخمة كلها بنيت بأموال تبرع بها أغنياء ومتوسطى الحال... تعلمت فى أمريكا أن قيمتك فى المجتمع نابعة من عطاءك وعملك ومجهودك وثروتك الناتجة عن العمل... لم أسمع فى أمريكا شخصا طويلا عريضا يصرخ فيك ويقول لك:'إنت عارف بتكلم مين؟' وإذا سمعتها فلا بد أن قائلها من رجال العصابات، والذى سوف يتربص بك! لم يسألنى أحد فى أمريكا إنت إبن مين فى مصر أو فى أمريكا... لم يسألنى أحد فى أمريكا عن ديانتى.... لم يسألنى أحد فى أمريكا عن شهادتى أو عن ثروتى... السؤال الوحيد الذى كان يوجه لى:'ما هو عملك الذى تتكسب منه معيشتك؟' عندما سافرت ابنتى هذا الصيف إلى اوروبا للدراسة قامت بالعمل لمدة ستة أسابيع متواصلة خلال إجازتها الصيفية لكى تسدد لى ثمن تذكرة السفر. علمتنى درسا آخراعندما شاهدتها تعمل فى محل'ستاربكس'، وتقوم بخدمة الزبائن وغسيل الأطباق وتنظيف المحل. تأثرت للحظة على ما اعتبرته بهدلة لإبنتى (بمفهومى القديم)، ثم ما لبثت أن شعرت بالفخر لأنها فعلت ما لم أستطع أن أفعله وأنا فى سنها، وقمت بإعطائها 'بقشيش' خمس دولارات مقابل فنجان قهوة ثمنه دولارين ونصف!! تعجب زملائها وزميلاتها فى المحل، وقالوا لها: - الراجل ده ساب بقشيش خمسة دولار على فنجان قهوة فردت إبنتى قائلة: ما تستغربوش أصله أبويا! … تعلمت فى أمريكا أن أحترم العمل اليدوى والعامل اليدوى مهما كان بسيطا... تعلمت فى أمريكا أن أخدم نفسى بنفسى، فى البيت وفى العمل... تعلمت فى أمريكا التواضع، فإذا حضرت إجتماعا فى شركتنا يحضره رئيس الشركة وأصغر موظف فى الشركة لن تستطيع أن تتعرف أيهما الرئيس وأيهما الموظف الصغير، فلكل دوره فى الإجتماع. تعلمت فى أمريكا أن الحظ لا يطرق سوى أبواب المجتهد.. تعلمت فى أمريكا أن أفخر بما أعمله (مادمت أتقنه)، وأن أحب ما أعمله إذا لم أتمكن من أن أعمل ما أحب... تعلمت فى أمريكا أن الكذب هو بوابة الشرور، وأن الصدق منجاة!! علمتنى أمريكا أن الإنسان صادق حتى يثبت كذبه، وعند ثبوت كذبه: ما فيش يامة أرحمينى...! تعلمت فى أمريكا معنى المواطنة، تعلمت أنى مواطن حقا عندما شاركت فى الإنتخابات الأمريكية، و أنا أعلم يقينا أن صوتي له ثقل عظيم في الانتخابات، و أنني أستطيع التأثير في النتيجة بمنتهى السلمية و التحضر... شعرت أننى مواطن حقا عندما أرى مردود الضرائب يعود علىّ بشكل خدمات متنوعة حقيقية... وتعلمت أن أمريكا ليست جنة الله على الأرض، ولكن أهلها يسعون لتحقيق ذلك، فيخطئون أحيانا ويصيبون أحيانا أخرى... لا يخشون أن يعترفوا بأخطائهم، بل يسعون إلى تكبيرها حتى يراها الأعمى... تعلمت فى أمريكا أن الشعوب الواثقة من نفسها هى التى تسخر من نفسها ومن زعمائها، وتنشر غسيلها القذر ثم تقوم بتنظيفه... تعلمت فى أمريكا أن السياسة مهنة فاسدة فى بعض الأحيان، لذلك يبعدونها عن الدين ويبعدون الدين عنها، تعلمت في أمريكا أن أحترم الآخر مهما كان مختلفا عنى فى اللون والعقيدة والجنس... تعلمت فى أمريكا أن المرأة (حقا) هى نصف المجتمع، وأن المجتمع الأمريكى ليس مجتمعا أعرجا يمشى على(واحدة ونص)، و أن المرأة فيه تأخذ حقها وفوقه (بوسة!!) تعلمت أن المرأة الأمريكية تكون تفترى على الرجل فى بعض الأحيان إنتقاما لبنات جنسها المقهورات فى بلاد أخرى... تعلمت أن أمريكا تفوقت بعلمها وإبتكار أبنائها وجهدهم عبر مائتى سنة، تعلمت أن الفرق بين التخلف والتقدم هو فى التعليم وتشجيع التفكير الحر والإبتكار... عندما زرت بعض الجامعات الأمريكية ودخلت معاملها وتعاملت مع طلابها وطالباتها عرفت سر قوة أمريكا.. تعلمت أن الأقليات هم جزء من نسيج أى وطن، ولابد لهم أن يشعروا على المستوى الشعبى والرسمى بهذا الشعور... تعلمت أن أمريكا لم تصل إلى كل ما تصبو إليه فى القضاء على التفرقة العنصرية بعد، وهي تعترف بأن العنصرية مازالت موجودة، ولقد تم إنجاز الكثير فى طريق القضاء على العنصرية، ومازال الطريق مفتوحا للمزيد من المساواة، وما إختيار باراك أوباما لتمثيل الحزب الديموقراطى فى إنتخابات الرئاسة إلا أكبر دليل على هذا، فها هو شاب أمريكى أسود من أب كينى مهاجر مسلم وأم أمريكية مسيحية يصبح رئيسا لأمريكا... دلونى على بلد واحد فى العالم ممكن أن يحدث هذا فيه... تعلمت في أمريكا أن الاستيقاظ في الصباح و تصفح الجرائد اليومية بمختلف اتجاهاتها السياسية و كذلك مشاهدة نشرات الأخبار في جميع القنوات والمحطات التليفزيونية مأمونة من حيث أنني لن أجد صورة وأخبار الرئيس تطاردني كلما فتحت صفحة أو غيرت المحطة ، حتى أنني في بعض الأحيان أخاف أن أفتح الفرن فأجد صورته أمامي .. علمتني أمريكا أنني أستطيع التعبير عن رأيي بحرية حول الرئيس و المطالبة بمحاسبته و عزله و تغييره إن أخطأ/ و ألا أفزع من الكابوس اليومي الليلي: "حتطلع حتنزل حجيبلك جماااااااااال".. علمتني أمريكا ألا أيأس من أي عقبة قد تصادفني في حياتي، و أنني بالعزم و الإرادة القوية و دراسة الموضوع جيدا أستطيع تحويل كل الصعاب لمصلحتي بإذن الله .. تعلمت فى أمريكا أن القوانين قد تم سنها لكى يتم تنفيذها على الكبير قبل الصغير، وأن الذين يشرعون منتخبون من أبناء الشعب، وأن القائمين على تنفيذها موظفون فى خدمة الشعب... تعلمت أن الفساد موجود فى أمريكا ولكنه يُحارَب، والشخص الذي يثبت فساده منبوذ فى المجتمع، وإذا وقع تكثر سكاكينه، بما فيهم الرئيس و أسرته.. تعلمت أن الإجرام موجود أيضا فى أمريكا، ولكنه أقل كثيرا مما نشاهده فى أفلام العنف الأمريكية... وأذكر الآن عندما كنت فى مصر ولاحظت بعض الأخوة العرب يزورون مصر للمرة الأولى ويتعجبون بل ويصدمون عندما يدركون أن كل نساء مصر لسن راقصات أوغانيات، وأن كل رجالها ليسوا حشاشين... تعلمت فى أمريكا أن أستلف للمرة الأولى فى حياتى، فبيتى إشتريته بالسلف، وسيارتى إشتريها بالسلف وكل حياتنا بالسلف... وعندما حضرت إلى هنا وذهبت لشراء سيارة بالتقسيط طلبوا الإطلاع على تاريخى فى السلف، فقلت لهم أننى لم أستلف أى شئ فى حياتى، وأن أمى علمتنى منذ الصغر حكمة مصرية تقول: إللى ما عندوش ما يلزموش! وتعنى أنك إذا لم تملك ثمن ماتريد شراءه فإن هذا الشئ لا يلزمك، فقالوا لى: "الكلام ده عندكم فى مصر، هنا ضرورى يكون لك سابقة تعامل فى السلف، حتى نعرف إذا كنت تسدد أقساطك فى مواعيدها أم لا...." تعلمت فى أمريكا أن هناك شيئان لا يمكن الهروب منهما:'الموت والضرائب! تعلمت فى أ مريكا أن الرئيس المنتخب لزاما عليه أن يقدم إقرار ذمة مالية سليما بكل ما يملك قبل تسلم العمل و بعد الخروج من المنصب على أن "يحاسب حسابا عسيرا و ينقلب إلى أهله مطرودا محسورا" إن وُجِدَتْ أي شبهة تربح من مال الناخبين الذين انتخبوه .. تعلمت من أمريكا أن أغلب الأمريكان سذج فيما يتعلق بالسياسة الخارجية ويصدقون كل ما يشاهدونه فى الفوكس نيوز والسى إن إن، وإذا سألت عن إسم وزيرة الخارجية الأمريكية فإن أغلبية الشعب الأمريكى لن يعرفوا أنها (غونداليسا رايس)، وهناك أغنية ريفية مشهورة عن أحداث 11 سبتمبر يقول فيها المطرب الشعبى المشهور آلن جاكسون: "إننى مجرد رجل بسيط أشاهد سى إن إن وأننى غير متأكد إن كنت أعرف الفرق بين العراق وإيران.." وتلك الأغنية أنتشرت إنتشارا كبيرا وخاصة فى الجنوب الأمريكى وتكساس، لأنها بالفعل تمثل جزءا لا يستهان به من ثقافة الشعب الأمريكى. تعلمت من الأمريكان أن الوطنية ليست فى الأغانى الوطنية، ولكن معاملتك لوطنك وكأنه بيتك، لذلك تجد قلة قليلة من الأمريكان يرغبون فى الهجرة من بلادهم، وأغلب شعوب الأرض المقهورة تريد الهجرة إلى أمريكا.. تعلمت أن أمريكا هى بلد مهاجرين، ولا يستطيع الخواجة بوش نفسه أن يدعى أنه أكثر'أمريكية' من مهاجر حديث مثلى لمجرد أن جده الأكبر قد هاجر قبلى... تعلمت أن الجالية اليهودية فى أمريكا تحظى من باقى الشعب الأمريكى بإحترام وأحيانا توجس وأحيانا غيرة وحسد قد تصل إلى حد الكراهية، وتعلمت أن يهود أمريكا بعلمهم وكفاءتهم وإتحادهم كأقلية قوية إستطاعوا السيطرة على نواح كثيرة مؤثرة فى الحياة الأمريكية، مثل أجهزة الإعلام والسينما والبنوك وشركات التأمين والبورصة والمحاما ة وغيرها... وتعلمت أن هذا هو السبب الأكبر فى أن واضعى السياسة الأمريكية يعملون لإسرائيل ألف حساب (ظالمة كانت أم مظلومة) وتعلمت أيضا أن العرب والمسلمين فى أمريكا لا يستطيون العمل كفريق واحد لحماية مصالحهم، حتى أنهم لا يستطيعون الإتفاق على بداية ونهاية شهر رمضان ومازلت أتعلم فى أمريكا حتى اليوم، وكلما أشاهد أو أتعلم شيئا جديدا أهتف فى أعماقى وأقول: ياسلام لو كان ده عندنا فى مصر....! واخير هذا ما قاله مهاجر مصرى عن امريكا م ن ق و ل |
سؤال بيطرح نفسه امريكا علمته كل ده يا ترى مصر علمتنا احنا ايه :excl::excl: |
فعلاً عندك حق يا روووووز هى مصر علمتنا ايه ؟؟؟ اعتقد مش لاقى اى تعليق بعد الموضوع ده ... ربنا يستر علينا ويصلح حال بلدنا
|
علمتنا الـــــــــــ .................
|
موضوع رائع تسلم الايادى
تقبلى مرورى ميشو |
تعلمت في مصر أن أقول لا اله الا الله محمد رسول الله
فالحمد لله ان جعلني مسلما في بلد فقير ولم يجعلني كافرا في بلد غني |
علمتنى مصر .. ان اكون مصرياً ^^
|
كل اللى ناقصنا هنا بس ان احنا نطبق تعاليم الاسلام
|
مصر علمتني حاجات كتير اوي وخد عندك :-
- اللي له ضهر ما ينضربش علي بطنه , وطالما انت مسنود يبقي ولا يهمك . - ما أطال النوم عمراً ولا قصر في الأعمار طول السهر . - علمتني مصر ان الكوسة هي أهم شيء في الدنيا . - علمتني مصر ان التبرعات مش لازم تروح لأهلها , المهم انك تتبرع وخلاص . - علمتني مصر ان الكذب منجاة والصدق هلاك وهلاك . - علمتني مصر ان المرتب حيتقبض سواء اشتغلت او كبرت دماغك . - علمتني مصر ان العلم ليس له أي قيمة . - علمتني مصر ان التفرقة بين المواطنين هي شرط أساسي للمواطنة المصرية . - علمتني مصر ان الرجال الآن تحاول أن تحصل علي ما حصلت عليه النساء من حقوق وطب وهندسة و ....... ولكن هيهات هيهات !! - علمتني مصر ان تحلم بعمل بعد التخرج ولكنك تكتشف بأنه كان وهماً بعدما تتخرج . - علمتني مصر ان النفاق هو أسانسير الوصول للدرجات العلي في هذا البلد . - علمتني مصر ان المواطن عليه أن يهتم فقط بلقمة عيشه واحنا وراه لحد ما نقطع نفسه . - علمتني مصر ان الشعب ينبح والقافلة تسير " طبقاً لسياسة الحكومة " . - علمتني مصر انك تشتغل كتير تغلط كتير تتجازي كتير , تشتغل شوية تغلط شوية تتجازي شوية , ما تشتغلش ما تغلطش تترقي بسرعة !!! - علمتني مصر ان الرشوة هي مجرد مساعدة من الآخرين لك من أجل تحسين دخلك , يعني نوع من التكافل الاجتماعي . - علمتني مصر ان المثل القائل " قيراط حظ ولا فدان شطارة" هو عامل رئيسي في مصر . - علمتني مصر ان المواطن العادي مذنب حتي تثبت برائته وأن المسؤل بريء وان ثبتت إدانته !! - علمتني مصر ان الواجب هو عدم نشر الغسيل القذر علي الملأ , ولو لازم تقول , ابقي وشوشني !! - علمتني مصر ان صوتك ليس له أي قيمة في أي انتخابات لأن اللي الدولة عايزاه ينجح هو اللي حينجح . - علمتني مصر سياسة " قول واخبط دماغك في اتخن حيط" - علمتني مصر ان صحة المواطن ليست في الحسبان وأهو علي الأقل عشان التعداد يقل . - علمتني مصر ان تغير الحكومات فيها يزيد الأمر فيها من سيء إلي أسوأ . - علمتني مصر ان مشاكل المواطنين ليست من مهام الدولة ولكن علي المواطنين أنفسهم حل تلك المشاكل وبصورة لا تزعج أو تتعارض مع الدولة . - علمتني مصر ان الحق , الفضيلة , الأخلاق مجرد كلمات تجدها في الكتب أو تسمعها في الخطب فقط . - علمتني مصر ان البلد مملوكة لمجموعة من الأشخاص وأن الشعب ضيوف عليهم , بس مش لازم اكرام الضيف !! يااااااااااااااااه دا مصر علمت الواحد حاجات كتير وهو مش حاسس . وهو ده دور الأم ومش أي أم , لا دي أم الدنيا !!!!!!!!!!!!!!!!!! |
مصر .... مصر علمتني .... مصر علمتني إنه .....
انا مش فاكر انه كان في تعليم في مصر اصلاً !! |
علمتنى مصر ,, انى محلمش كتير لان مهما حلمت فتحقيق الحلم فيها مستحيل ,,, شكرا ع الموضوع المتميز |
مصر ام الدنيا نعيب زماننا و العيب فينا وما لزماننا عيب سوانا |
اقتباس:
|
انتو عارفين ايه اللى خلا الولايات المتحدة الامريكية بقت متحدة
انهم ما قالوش شعارات ولا اتخانقوا على ماتش كورة ولا قالو الحلم الاوروبى انما احنا العرب بفة عامة حياتنا كلها عبارة عن شعارات شعبا وحكاما الحلم العربى ومش عارف ايه اهو ثرثرة مجانين كان الله فى العون |
يا حبيبتى يا امريكا!!!!!!
|
هناااااااك فى امريكا اسلام بلا مسلمين
وعندنا هنا مسلمين بلا اسلااااااااااام بجد ربنا يهدينا جميعااااا إلى طاعته |
نعيب زماننا و العيب فينا وما لزماننا عيب سوانا
والله صدق الشاعر دائما ما نبحث عن أسباب لفشلنا يا سادة نحن من صنعنا مصر بهذه الصورة نحن من نهمل في أعمالنا ونصمت حين نتعرض للظلم نحن من نهمل عملنا ونبحث عن وسيلة لأخذ ما ليس من حقنا بالحيلة العيب مش في مصر اللعيب فيناااااااااااااااااااا (( إن الله لا يغير ما بقوم حتي يغيروا ما في أنفسهم ))) |
تعلمت في مصر أن أقول لا اله الا الله محمد رسول الله
فالحمد لله ان جعلني مسلما في بلد فقير ولم يجعلني كافرا في بلد غني نعيب زماننا و العيب فينا وما لزماننا عيب سوانا بجد دى اجمل وافضل الردود |
اقتباس:
المقصود طبعاً شعب مصر , ولو ودينا المصريين أمريكا وجاء الأمريكان لمصر لمدة 10 سنوات لتحولت أمريكا إلي مصر وتحولت مصر إلي أمريكا !!! العيب مش في الوطن وانما في المواطنين ولكن المواطنين يعيشوا في هذا الوطن !! وبعدين احنا لا نعيب في الزمان . احنا بنعيب في مصريين هذا الزمان واللي هما عايشين في مصر . فبلاش نفهم ونرد علي شيء لم يقال أساساً . وبعدين اسلام ايه اللي في مصر؟!! لو فيه اسلام بجد في مصر لم يكن حالنا هكذا !!! عايزين نتكلم بواقعية , مش مجرد شعارات وهمية . عمر حالنا ما حيتصلح لو فضلنا ندافع علي مصر عمال علي بطال !!! |
اقتباس:
كل واحد يغير من نفسه احسن من ان يعيب فى المصريين وبعدين مانت من المصريين |
الى عايزين يروحوا امريكا وعاملين يشتموا فى مصر
امريكا مش هتستقبلهم بالاحضان بالعكس دى هتبهدلهم وتذلهم فالبهدلة فى مصر افضل من البهدلة براها |
لو لم اكن مصريا لوددت ان اكون مصريا
|
اقتباس:
الشعارات والعبارات ديه هي ال رجعتنا ورا ، يعني مصر فيها ايه عشان لو مش كنت مصرية هكون عاوزة اكون مصرية ! احنا بنتكلم فواقع عاوزينه يتغير ، لو فضلنا نردد الكلام ده على اعتبار انه بنحب مصر نبقى غلطانين ،احنا كدة بنكرهها ، بداية التصحيح انه نكون عارفين انو احنا وحشين ، نعترف اننا محتاجين تغيير وتغيير شامل جذري مش نفضل نقول ونعيد فشعارات اتقالت عشان الاوضاع كانت تستحق يتقال عنها كدة ، لازم نفوق والا هنفضل زي مااحنا ، مع كامل احترامي لرأي حضرتك ، |
اقتباس:
فعلا .. نعيب مصر والعيب فينــــنا ..ولا لمصر عيب سولنــــا ..؟ |
الحاجه الحلوة الوحيدة اللي تعلمتها من مصر فعلا أني أقول :
حسبي الله ونعم والوكيل |
يا جماعة ياريت تفهمونى
الناس كلها بتقول مصر وحشة والمصريين وحشين ليه انا اكون حلو وكويس سمعت العبارة دى كتير مفيش حد بامكانه تصليح مصر وما بها من فساد لكنه يمكن ان يصلح من نفسه بدل مايقول مصر فساد وامريكا اصلاح |
اقتباس:
هات دليل علي انك لو مش مصري كنت تود أن تكون مصري !! أنا في أول مشاركة في الموضوع ذكرت اللي اتعلمته من مصر , يعني من شعب مصر اللي عايش في مصر . قولي انت بقي انت اتعلمت ايه من مصر ؟!!! اثبت انك بالفعل لو لم تكن مصرياً كنت تود أن تكون مصرياً !! اذكر لنا حاجات كويسة مصر بتعلمها لشعبها عشان تقنعنا !! |
الرد سهل و بسيط
نجيب أي حد مش مصري ونسأله تحب تبقي مصري هيقول أكيد طبعا محبش !!! |
فيه سؤال محيرني , يا ريت اللي يعرف اجابته يقولي .
معظم المصريين بيرددوا ان " مصر أم الدنيا " ماشي يا عم , لكن مين هو أبو الدنيا؟!!!!! ولا مصر كانت أم من غير زوج؟!!! فيه كمان تساؤل لمن يردد تلك العبارة وهو المولي عز وجل ذكر في القرآن الكريم بأن مكة هي أم القري , يبقي ازاي احنا نقول مصر بدلاً من مكة؟!!! هو احنا بنعرف أكتر من ربنا؟!!!! |
اقتباس:
علمتنى مصر انى اكون مسلمة علمتنى مصر انى اكون بحب بلدى بحبها زى ماهى بالاسوة او بالحنية مصر بلدنا والعيب فينا احنا لان احنا اللى عملنا مصر يكفينى شرفا انى اكون مسلمة مصرية وتذكر الاختلاف فى الرأى لا يفسد للود قضية |
اقتباس:
قلت أنا بتكلم عن شعب مصر يعني المصريين مش الأرض !! أرض مصر زيها زي أي أرض تانية الناس هي اللي بتعمل اسم للبلد يعني لما نقول أمريكا أو فرنسا أو ألمانيا يبقي بنتكلم عن الأرض ولا الشعب؟!!! وبعدين هل الاسلام في مصر فقط؟؟!! طيب بأمارة ايه؟!!! فين الاسلام اللي مصر؟؟ فين الاسلام في تعاملاتنا اليومية المختلفة؟!!! فين الاسلام اللي بتطبقه الدولة؟!! فين الاسلام اللي بتطبقه المدارس والجامعات ووسائل الاعلام والبيت وأماكن العمل المختلفة؟!!! فين الاسلام حتي في الشارع؟!! قلت ان اللي يختلف يدلل علي كلامه بأمثلة عشان أقتنع ان فكرتي عن مصر خطأ . وكمان مصر مش شايف فيها أي حنية !! يا ريت توضحي ايه الحنية اللي موجودة في مصر؟!! وايه هو الشرف في اني اكون مصري؟!!! يعني انا لو مسلم ايطالي مثلاً يبقي مفيش شرف؟!!! الشرف في الاسلام أمر غير قابل للنقاش , أما الجنسية فيتوقف فيها الشرف علي مباديء وقيم وأخلاقيات وسلوكيات تلك البلد , وأشياء أخري كثيرة تفتقدها مصر مع الأسف الشديد. وحينما توجد هذه الأشياء في مصر فيحق لنا أن نفتخر بكوننا مصريين !! وأكرر مراراً بأنني أعني الشعب المصري , فالشعب المصري هو مصر . |
مش المهم الشعب المصرى ولا الدولة يطبقوا الاسلام
المهم انت بطبق الاسلام فى حياتك لو انا وانت وغيرنا يطبق الاسلام اكيد هنلاقى مصر كلها بتطبق الاسلام نبدا بنفسا وبعدين نتكلم عن حد تانى واعرف ان اللى مالوش خير فى بلده مالوش خير فى نفسه ولما احنا المصريين بنقول عليها كدة فما بال الناس التانية |
اقتباس:
الموضوع بسيط ومش معقد للدرجة دي , لو مصر كانت بلد متقدم في مختلف فروع العلم , لو مصر كانت دولة ملتزمة بالشريعة , لو مصر باختصار كانت متفوقة في أي شيء فيا ريت تعرفيني ايه هو؟؟!! عشان أفتخر بمصريتي . وبعدين احنا بنتكلم عن واقع مجتمع أقول واقع ولما نبقي نصلح من نفسنا ويتصلح حال بلدنا نبقي ساعتها نفتخر بها ونحبها عن قناعة. وبعدين برده انتي قلتي ان اللي مالوش خير في بلده مالوش خير في نفسه , طيب قولي ايه هو الخير اللي في البلد يمكن انا مش واخد بالي , أو علي الأقل تلفتي نظري ليه. يا أختي / حال بلدنا لا يسر حبيب ولا حتي عدو , وأنا والله مش كاره لمصر كأرض , لا أنا كاره كل الأوضاع كلها الموجودة في البلد ويا ريت تنظري علي أول مشاركة لي في الموضوع حينما ذكرت ما حاولت مصر بشعبها أن تعلمه لي , ولو كان فيه تجني واحد مني في شيء , يا ريت توضحيه , أقول توضحيه مش تذكريه فقط . |
طول ما شعب مصر جاحد علي مصر عمرها ما هتتقدم
|
|
يا ريت المناقشة تكون بالحجة والاقناع مش بكلام الأغاني وشعارات الدولة والحزب الوطني !!
طول ما البلد بيكتر فيها اللي بيطبلوا ويزمروا ليها علي طول , عمرها ما حتتقدم ولا تتغير إلا إلي الأسوأ !!! |
|
وأنا مصدقك .
بس علي فكرة أنا عندي انتماء للوطن لكن فكرة الانتماء عندك عكس فكرة الانتماء عندي. وشكراً علي توضيح أمر التوقيع. |
انا اسف لحضرتك
|
بص حضرتك كل اللى اقدر اقوله انى بحب مصر جدا فوق ما تتخيل وانت مش عارف بكلامك ده انت عملت فيا ايه
ولو سمحت بلاش كلامك ده لو عندك حاجة كويسة قولها ولومعندكش بلاش وخليك عارف ان اللى بيقرا كلامك ده مش بس مصريين ولا عرب بس دول حتى العرب ما يصحش يقروا الكلام ده لانهم بيكرهو مصر انا عارفة انا متنيلة بستين نيلة وكل كلامك ممكن يكون صح بس بلاش تقوله لان صورة مصر برة مش ناقصة عارف لو حد بيقرا الكلام ده دلوقت هايكون بيضحك على مصر والمصريين مش معى ان والدى فى البيت كارهنى ولا ضاربنى وهاننى انى اطلع للناس اغلط فيه واقعد اشتم فيه لوسمحت بلاش تتكلم كدة تانى انت بجد خليتنى منهارة واحبطتنى زيادة انا ما صدقت اعمل الحاجة الى انا بحبها يمكن اقدر اعمل حاجة لمصر وانت بكلامك ده هديت كل اللى انا بنيته انا بحب المحماه من صغرى ويمكن اقدر اوصل لحاجة فارجوك بلاش تتكلم كدة تانى وانا مش هاسمحلك تكرر ده لو فيها رفدى من المنتدى انا اسفة ماتزعلش منى بس مصر اهم عندى من اى حد واى حاجة حتى لو كان الحد ده نفسى انا مستعدة اضحى بنفسى علشانها وفعلا طول ما اهل مصر جاحدين عليها عمرها ما هتقدم انا اسفة لوكنت جرحتك بالكلام |
بارك الله فيكم
أمريكا علمتنا نلبس الملابس العارية ولافرق بين الصديقة والزوجة أمريكا علمتناأن نقضى وقت الفراغ فى الخمر والميسر أمريكا علمتنا الكذب علنيا للاستيلاء على خيرات البلاد أمريكا تعذب المسلمين اللذين يدافعون عن بلادهم علنيا ونحن هنا نمتدحها ياسبحان الله أمريكا فى هذه الايام يلعنها العالم وأولهم الصهاينه ونحن هنا نصنع لها تمثال ولو لم تكن مصريا ياكاره مصريتك فربما بهجرتك عن البلاد ينصلح حالها وشهر واحد بين الأمريكان النموذج الطيب فى نظرك ستصرخ وتقول ياحبيبتى يامصر والسلام عليكم |
اقتباس:
والآن أري من مشاركتك الأخيرة عكس ذلك !! إذا كان كلامي عن مصر مش عاجبك أو فيه تجني مني علي الأوضاع اللي موجودة في البلد فلقد طلبت مقارعة الحجة بالحجة . ولم أتعدي حدود أو أداب الحوار لكي أسبب لكي انهيار !! وان كان حديثي عن مصر هو سبب الانهيار , فالذنب ليس ذنبي أنا , فلست المتسبب في هذه الأوضاع , وانما أنا فقط عبرت عن وجهة نظري بواقع نحياه جميعاً أو علي الأقل يحياه غالبية المصريين . وبعدين مش من حقك انك تمنعيني من التعبير عن رأيي , وتقولي مش هاسمحلك تقول كده تاني!! وإذا كانت مصر عندك مهمة فهي عندي مهمة أيضاً حتي وان اختلفت وجهات النظر !! ويا ريت كلمة جاحدين علي مصر تفكري فيها كويس قبل ما تقوليها لحد !! مش كل واحد يعترض علي الأوضاع الحالية يبقي نقول عليه جاحد !!! أنا لم أنتقد الجنة , أنا انتقدت بلدي اللي هي بلدك , بس يظهر انك شايفة اللي ينتقد مصر يبقي مش مصري أو يبقي جاحد عليها !! كل مشاركاتي في هذا الموضوع لم أتعدي أداب الحوار , لكن بالنسبة لك راجعي مشاركتك الأخيرة وانتي تلاقي فيها اسلوب تهديد ووعيد وقمع للرأي. انتي بتقولي انك نفسك تكوني محامية شاطرة وتنفعي بلدك , بس تفتكري لما تلاقي محامي الخصم بيقول عكس كلامك , يا تري ساعتها حتنهاري ويجيلك احباط؟!!! هل حيكون ردك عليه بنفس أسلوب ردك الأخير؟!! أتمني أن تراجعي نفسك مرة أخري وتعودي لمبدأ " الاختلاف في الرأي لا يفسد للود قضية. " وأخيراً ان كان كلامي ورأيي سبب لك أي احباط أو انهيار , فتأكدي بأني لم أقصد أو أتعمد ذلك . |
لو كنت غلطت فى سعادتك انا اسفة وياريت جنابك يسامحنى
وانا ما بهددش حد بس انا كنت منفعلة من كلامك ولا زلت منفعلة طب بالله عليك لما انت يا مصرى بتقول كدة عليها وبتقول انك بتحبها يعنى غيرك من الحاقدين عليها من غرب وعرب يقولو ايه يا استاذ يا محترم بدل ما نقعد نقول مصر عطتنا ايه نقول احنا عطناها اية ولا احنا كدة دايما نحب ناخد وما نعطيش اللى بيحب مصر بيخاف عليها مش بيقعد ينتقضها كدة على الملأ وانا ما بهددش حد ولا بتهم حد انه ما بيحبش مصر لان اللى شرب من نيلها عمره مايكرهها ودى مش شعارات ده كلام حقيقى فكر كدة بينك وبين نفسك انت عملت ايه لمصر لما بتطلب انا تعمك حاجة كويسة وانامش منهارة لانك بتقول عكس كلامى لا عارف ليه لانك اتعديت على امى واخيرا انا اتأسفتلك وبتأسفلك مليون مرة لو كان كلامى جارح بس فكر مع نفسك هل يحق لك انك تشتم والدك مثلا قدام ناس غريبة علشان معملكش حاجة كويسة |
اقتباس:
تسلم الأيادى يا مصريه بجد وبعدين ليه تنفعلى ووراكى مذاكرة إنت عارفه اللى بيكلمك بيكلمك منين بلد؟ أنا نفسى تعرفى أنا بتكلم من أى مكان نصيحة يابنت عروس الصعيد ( المنيا ) تقبلى الرأى والرأى الاخر وبلاش تعصب ولا أكتب لك قصيدة :d |
اقتباس:
بس انا اتنرفزت لما لقيت مصرى بيكتب كدة على مصر وحضرتك منين انا اتشرف بمعرفتك |
اقتباس:
- لما أنا والكثيرين غيري يقولوا كده علي مصر نبقا عايزين نظهر العيوب بتاعتنا ونخليها واضحة للكل عشان ناخذ موقف جاد في تصحيح كل الأوضاع المقلوبة والمتسببة في انهيار البلد. - مش مهم ان العالم كله يعرف اننا بننتقد بلدنا , الأهم اننا نصحح الأوضاع الخطأ عشان نخلي العالم كله يحترمنا غصب عنه. - لن نستطيع تصحيح هذه الأوضاع دون اظهارها بصورة تخلي الأعمي يشوف , لكن لو فضلنا نداري فيها أو نجملها أو نقلل منها , يبقي احنا كده بنضر البلد مش بنفيدها !! - زمان كان الأب بيضرب ابنه وربما يقسو عليه في الضرب , فهل كان هذا الأب يكره ابنه أم انه أراد تقويمه وتصحيح مساره؟!! لكن التدليل الذي نراه اليوم هو أحد الأسباب الأساسية في سلوكيات الشباب والفتيات. - بالنسبة لنقطة احنا حندي ايه لمصر , فمصر عايزة اللي يديها يديها زي ما هي عايزة. ولما أقول مصر هنا أقصد بها المسئولين عنها !! - أختي الصغيرة / أقصد في السن بالنسبة لي . حينما تتخرجين من الجامعة ان شاء الله وتحتكي بالحياة العملية ستكتشفين أشياء كثيرة جداً جداً في مصر لم تكوني تفكرين بها أو تظنيها بتلك الصورة . - أما بالنسبة لأسفك , فهذا يدل علي أدبك الجم وأخلاقك الرفيعة . وانتي بالنسبة لي أختي الصغري , وانما أردت فقط أن تكون المناقشة بالحوار الهادف وبالدليل والحجة عشان يبقي رأي الانسان مش مجرد رأي وخلاص . - واضح انك حساسة زيادة عن اللزوم بالنسبة لإعتبارك مصر أماً لك , وهذا حقك , لكن بلاش الحساسية الزائدة . دي نصيحة مش عتاب . |
علي فكرة انا لست من مهوسين أمريكا ومش عايز أسيب البلد وأهاجر
وأمريكا فيها مشاكل كتيرة أيضاً حتي وان اختلفت عن مشاكل مصر . وكان معروض عليا السفر لأمريكا ورفضت . ومازال معروض عليا السفر لدول الخليج ومازلت رافض . ولو قرأتم السؤال بتاع الموضوع حتلاقيه " ايه اللي اتعلمته من مصر؟" وانا ببساطة جاوبت عن السؤال بشكل شخصي جداً , يعني اجابتي لم يكن بها تعميم !! |
يا أخ كرمبوا 2011 / انا مصري والله ومش معني اني اقول اللي انت مش شايفه
يبقي انا مش من مصر !!! وأنا جاوبتك عن ظنك في اني عايز اهاجر أو اسيب البلد. |
اقتباس:
كشفتك يامستر :d بتنصحنا نتقبل الرأى الاخر وانت لم تتقبله لماذا ؟وباين فى كلامك إنك زعلت من كلامى وكما قلت الاختلاف فى الرأى لا يفسد للود قضية شكرا على الروح الرياضية التى سوف تظهر من حضرتك الأن وأنا متأكد من ذلك |
اقتباس:
هو لما تقول اني مش مصري , يبقي ده رأي؟!! وبعدين انا قلت عبر عن رأيك بس بالحجة بالدليل مش مجرد رأي بلا أي سند !! فيه حاجة غامضة أو غلط في كلامي ده؟!! |
| جميع الأوقات بتوقيت GMT +2. الساعة الآن 11:09 PM. |
Powered by vBulletin® Version 3.8.11
Copyright ©2000 - 2024, Jelsoft Enterprises Ltd.