أنت كلية ألسن ولا أقتصاد و علوم سياسة
 

السلام عليكم و رحمة الله:
أولا يا شباب و بنات المنتدى أنتم عاملين أيه و يارب بخير دائما, فى الواقع أنا عندى أستفسار صغير لطلبة كليات الآلسن و الآقتصاد و علوم سياسية و أرجو الرد قيل ما أكتب الآستمارة بتاعة الثانوية العامة ف الواقع أنا لسة حاليا مرحلة أولى و عندى أستفسارات ممكن أسأل و تجاوبونى:

معلش طولت نيجى لكلية الآقتصاد و العلوم السياسية:

هو سؤال واحد بس هو لازم فى تالتة أخد مادة الاقتصاد و الاحصاء عشان الكلية ولا عادى مش مهم و كمان انا جيدة ف اللغات أيه شروط القسم اللى بالانجليزى و انهى افضل عربى و لا أنجليزى

بالنسبة لكلية الالسن:
1 أنا بدرس الفرنساوى من اولى اعدادى و أنا فى مدرسة تجريبى لغات و سمعت عشان ادخل قسم اللغة الفرنسية لازم اكون مدرسة فرنسى بس ممكن يقبل وحدة اتعلمته من اعدادى
2 السؤال التانى: انا بدرسه مستوى عالى و مستوى عادى بس ف الثانوية العامة بدرس المستوى العادى بس ف مقبول الؤال التالت لو منفعش ينفع ادخل السن القسم التركى
و أسأل الله أن يساعدكم كما ستساعدوننى و أرجو الرد ف أسرع وقت قبل ما أدون الآستمارة و لكم جزيل الشكر:078111rg3:

السلام عليكم

انا حارد عليكى بخصوص كلية الاقتصاد والعلوم السياسية بما انى فيها

1. مش شرط انك تاخدى اقتصاد واحصاء فى ثانوى بس الاحسن انك تاخديهم لو كنتى ناوية تدخلى الكلية دى لانهم حينفعوكى جامد خصوصا فى الاحصاء
2. بالنسبة لشروط اللغة انتى بتقدمى عادى فى التنسيق وبعد كدة بتتدخلى امتحان فى اللغة لو كنتى ناوى تدخلى انجليزى او فرنسى.
3. بالنسبة للاقسام فطبعا قسم انجليزى افضل من ناحية الشغل والدراسة

ولو فية عندك او اى حد عنده اى استفسار عن الكلية ياريت يقولو ولو عارف مش حاتأخر.

نصيجة شدى حيلك وذاكرى كويس عشان ثانوى اسهل بكتير من الجامعة وربنا معاكو بقى على احد ذكى بدر :(

هى سياسه واقتصاد بتاخد من كام؟
ربنا يوفقك ياقمر

هى الطبيعى بتاعها بتاخد من فوق 90% بس السنة اللى فاتت كل الكليات مش بس سياسة واقتصاد خدت من مجاميع قليله عشان العدد قليل, وعلى فكرة انا فى انجليزى وكلنا على بعضنا بتوع انجليزى يادوب مكملين قاعة وحتى لما بننضم مع قسم عربى عشان مادة القانون بنبقى يادوب مكملين المدرج.

بس ياجماعة عايز بس اقولكم على حاجة لو بتفكرو فى اقسام لغات فى اى كلية خصوصا سياسة واقتصاد وانتم مش فى مدارس لغات او تجريبى يبقا لازم تحضرو نفسكم من دلوقتى فى اللغة كويس ولو حد حاطط عينه على قسم انجليزى فى سياسة واقتصاد يبعتلى بس رسالة على الايميل بتاعى بعد مايخلص وانا حاقوله على النظام كله.

شكرا على الدعوة الحلوة والله جت فى وقتها الامتحانات فاضل عليها عشر ايام بالظبط :049gc0:
وربنا معانا كلنا ان شاء الله ;)

بالنسبة لكلية الالسن:
1 أنا بدرس الفرنساوى من اولى اعدادى و أنا فى مدرسة تجريبى لغات و سمعت عشان ادخل قسم اللغة الفرنسية لازم اكون مدرسة فرنسى بس ممكن يقبل وحدة اتعلمته من اعدادى
2 السؤال التانى: انا بدرسه مستوى عالى و مستوى عادى بس ف الثانوية العامة بدرس المستوى العادى بس ف مقبول الؤال التالت لو منفعش ينفع ادخل السن القسم التركى
و أسأل الله أن يساعدكم كما ستساعدوننى و أرجو الرد ف أسرع وقت قبل ما أدون الآستمارة و لكم جزيل الشكر:078111rg3:[/quote]

1- اعتقد لازم تكونى ثانوى تجريبى لغه فرنسيه
3- القسم التركى مش لازم درجه الانجليزى او الفرنسى عادى ممكن تدخليه من غير تنسيق درجات

سورى السؤال التانى مش فاهماه
وربنا يوفقك يارب

السنه اللى قبل اللى فاتت اخدت من 96

لو سمحت من فضلك
انا عايزة اعرف كل حاجة عن كلية الاقتصاد والعلوم السياسية
بتاخد من كلم تقريبا
نظامها ايه
اقسامها ايه
سهلة ولا صعبة
لازم اكون مزودة بايه
وخريج سياسة واقتصاد ده بيشتغل ايه بعد كده او يعنى مجالات شغله بتكون فى ايه
كده يعنى
عايزة كل كل المعلومات عنها
بما انك فى سياسة واقتصاد
من فضلك

اقتصاد وعلوم سياسيه بتاخد من كام من علمي(قسم انجليزي)

انا كنت فى الكلية
اولا الكلية اكثر من رائعة فى التعامل والناس والطلبة والدكاترة يعني بلا غرور فارقة اوي عن اي كلية تانية مع الاحترام الشديد للجميع
ثانيا هي كلية وحيدة فى مصر وعدد الطلبة فى الفرقة الواحد قليل جدا بالمقارنة بباقي الكليات
ثالثا مش شرط انك تاخدي اقتصاد واحصاء فى ثانوي دي ملهاش دعوة بدي
رابعا بالنسبة للمجموع وانى مش متابع لأنى خريج ثانوية 2001 فانا الى متأكد منه انه الكلية الاعلى فى ادبي وعادة لا تقل عن 95 % وبتاخد اعلى شوية من علمي اعتقد 96 % " على أيامي"
هي 3 اقسام
قسم سياسة
قسم اقتصاد
قسم احصاء
والتخصص من سنة تانية ولازم تاخدي تخصص اضافي فى تالتة بحيث كل تيرم تاخدي مادة من التخصص الاضافي ده
والتخصصات الاضافية " إدارة - سياسة - اقتصاد - كمبيوتر - احصاء "

خريج سياسة واقتصاد بيشتغل فى البنوك وهيئة الاستثمار وزي حلاتي فى هيئة قناة السويس وطبعا ممكن تقدمي فى الخارجية .... مش عارف هي ميزة ولا عيب بس خريج سياسة واقتصاد بيشتغل فى اي حاجة واي مكان لو عنده مهارات كويسة لغة وكمبيوتر ومهارات شخصية

انا شايف انها سهلة مش صعبة بس ياريت يكون ليكي اهتمامات في السشياسة والاقتصاد فلو انتى مش مهتمة والموضوع تقيل على قلبك بلاش احسن خليكي فى السن

انا كنت قسم عربي
والقسم الانجليزي لازم يبقي مجموع الانجليزي فى الثانوية العامة لا يقل عن 45 من 50 تقريبا وطبعا بمصاريف خاصة اعتقد انها مش قليلة حاليا فى المتوسط 4 او 5 حاليا
وفى قسم فرنسي ومصاريفه اعلى اوي ولازم تكوني فى الفرنساوي كويسة اوي او خريجة مدرسة فرنساوي
فى وجهة نظري الاقسام كلها زي بعض لكن ميزة الانجليزي تقوية اللغة وفي مواد كتيرة مشتركة وكلنا بنحضر مع بعض
يارب اكون فيدتك

انا عايز اعرف اقتصاد وعلوم سياسيه بتاخد من كام من علمي(قسم انجليزي)

معلش يا جماعة انا طولت الغيبة بس معرفتش ارجع عضويتى و عملت جديد انا اللى بدات الموضوع بس فى سؤال مهم و ارجو الرد هو ضرورى اخد انجليزى مستوى رفيع فى تالتة عشان ادخل قسم انجليزى يا ريت حد يساعدنى

طب يا ريت يا أنستى طالما حضرتك فيها هو لازم فى تالتة أخد انجليزى مستوى رفيع غير العادى عشان ادخل الكلية دى و قوليلى معلش حاجة انتم بتدرسوا حجات فيها معدلات حسابية يعنى اقصد كدة الماث على مستوى اعلى من الثانوية لانى متعقدة من الماث بسبب المدرس بتاعى اللى عقدنى مع انى كنت بحبه :(
و شكرا مبقاش فى غبى بدر ده انتهى صلاحيته يا رب اللى موجود يرحمنا كفاية الدروس اللى مخربة البيوت :d

من فضلكم عايزة اعرف اعمل ايه علشان اخش السن و الالسن بتاخد من كام

يا جماعة ياريت حد يفيدنى انا فى 3 ثانوى كنت جايبة 90% فى سنه تانية ياترى ممكن اخش السن او سياسة واقتصاد

لالالالالالالالالالا خالص

المستوى الرفيع مش له دعوى بالتنسيق بتاع الاقسام خالص

انا جايب 94 وهدخل السن انشاء الله ولو كنت جيبت 100 فى الميه كنت هدخل السن بردوا وناوى ادخل انشاء الله فرست روسى وسكند اسبانى .......... وسياسه واقتصاد شغلها مش مضمون صدقينى ابن عمى متخرج منها بقالوا سنتين ويا مولاى كما خلقتنى شغال ب1200 جنيه فى الشهر طبعا ميجوزوش واحد ... وقلهالى كلمه قلى ادخل السن ومتبقاش زيى انا اخترت المنظره وادى اخرتها

شوف يا اخى ... مش معنى ان واحد اتخرج من كلية ومشتغلش او اشتغل بمرتب بسيط يبقى باقى اللى متخرجين مشتغلوش .... يعنى انت عايز تفهمنى انك لما تتخرج من السن هتاخد 1000 مثلا ؟؟؟؟

الشغل ده ارزاق وبتاع ربنا .... وبعدين اعلى كلية فى ادبى ملهاش شغل ؟!!!

امال حطوها كلية قمة ليه

وجهة نظر

اقصد 10000

في الواقع العملي يعمل خريجو الكلية حسب الأقسام
بالنسبة لقسم اقتصاد يعملون بالبنوك والبورصة ووزارة الاقتصاد وبالأخص في التمثيل التجاري والشركات الخاصة إلى جانب مراكز البحوث والصحافة وأجهزة الإعلام بشكل عام
فسم إحصاء يعملون في أغلب الوظائف حيث لا تخلو شركة من فسم للإحصاء
أما فسم علوم سياسية فيعملون بالأساس في مراكز البحوث سواء الخاصة أو التابعة للدولة والصحافة والإعلام وأجهزة الدولة مثل وزارة الإدارة المحلية وهيئة الاستعلامات وأمانة مجلس الشعب والمجالس القومية المهم أن الكلية تكون الطالب بحيث يمكن أن يطور نفسه او حتى يزاوج تخصصه مع تخصص آخر كما في حالة الترجمة

طب لية استفسارب بقي انا حلم عمري ادخل اعلام وربنا كرمني والحمدلله ع كل شئ جبت92.5 ياتري ممكن ادخل اعلام ولو ملحئتهاش اجيب السن ممكن؟

انا اعتقد اعلام بعيدة شوية

لكن السن فى امل كبير ان شاء الله

السلام عليك :
يا جماعة ارجوكم ردوا علية بسرعة قبل نتيجة التنسيق.....ان عايزة ادخل سياسة و اقتصاد....بس محتارة بين العربى و الانجليزى......انا مش متخرجة من لغات او تجريبى انا من مدرسة عادية.......فمش عارفة كله بيقول ان قسم انجليزى حلو بس اصعب و مش هعرف افهم كويس علشان انا مش لغات......يا ريت ارجوكم تردوا عليا ضرورى وبسرعة..

بصى انا زيك بالظبط ... وقولت انى هدخلها عربى ان شاء الله

لانى برده مش خريج لغات ... واكيد الدراسة بالانجلش مش هتكون سهلة على واحد خريج مدارس عربى

فانا قولت ان شاء الله هدخل عربى واخد معاها كورسات

وبكده يبقى جمعت بين الــ2 ... وعلى فكرة مفيش فرق خالص بين الانجلش والعربى

ميزة الانجلش بس تقوية اللغة

وان شاء الله نكوون زماايل ... بالتوفيق

matrix90....شكرا
بس انا كنت عايزة اسأل يعنى فى مجال الشغل......يعنى بكالريوس سياسة و اقتصاد عربي + كورسات انجليزى......هى هى بكالريوس سياسة و اقتصاد انجليزى و لا هيفرق؟؟؟؟

والله انا دى معرفش فيها اوى

بس زى مقولتلك ان الانجلش بيقوى اللغة مش اكتر

انا اعرف ناس داخلين انجلش مبيعرفوش يتكلموا كلمتين انجليزى على بعض :d

وفى ناس عربى بتتكلم انجليزى احسن من الامريكان :d

وانا شايف ان القسمين مفيش فرق بينهم خالص

ودى وجهة نظرى .... انتى مجموعك كام ؟؟؟

يا جماعة هي اصلا سياسة و اقتصاد englishبتاخد من كام السنة دي أدبي ؟؟

بتاخد من 433.5 من 465 يعني 93 والمهم جدا درجة اللغة الاولي و الغة التانية

http://tansik.egypt.gov.eg/application/LimitA2011.htm

شكراً جداً أمال هما ليه كاتبين في الأهرا انها بتاخد من 96!!!!

بصي ياستي لو انت ادبي حاولي يكون مجموعك حوالي 95% هي في الغالب مابتعلاش عن كده وخلي بالك جدا من مجموع الانجليزي والفرنساوي خاصة الانجليزي عشان تدخلي القسم اللي انتي عاوزاه

pleeeeeeease ya shabab 7d irod 3alaya daroory....ana 3aiza a3rf alson bta5od mn kam ,ana mgmo3a 3elmeya.
w kaman 3aiza a3rf el mfrod agib 3la el a2l kam f el english f 3 sanawy 3lshan a3rf ad5ol
mmkn??????????????I

الاحسن انك تحولى ادبى لان الادبى بتاخد اقل من العلمى

هى السنة دى واخدة من العلمى بمجموع95.12%

ومن الادبى بمجموع 91.10%

da kalam akid???I :confused:

انا اخويا جالو فى التنسيق كليه اقتصاد وعلوم سياسيه فاهو محتار يخش كليه اقتصاد وعلوم سياسيه وله يحول تجاره هو عايز يعرف فرص الشغل الاحسن يعنى ايه فرض شغال اقتصاد وعلوم سياسيه

اخبار المدينة الجامعية ايه ؟ كام واحد فى الاوضة ؟ و الخدمة كويسة ولا لأ ؟ يعنى عايز اعرف كل حاجة عن المدينة الجامعية

انا كتت اتمنى ان التحق بكلية الالسن ولكن الظروف لم تساعدنى

هيفرق كتير اوى الكليات

اوعي اللسن انا في اللسن و كلية ملهاش اي تالت اربع لازمة

السلام عليكم ورحمة الله وبركاته
انا لسة في ثانوي وحابة اللغات كلها اي لغات
بس الاكتر روسي واسباني
وكل اللغات بعرف فيها شوية وعندي طلاقة في اللغة
وحابة اعرف كل شيء عن كلية الالسن المجموع؟
وبكم لغة ا~در اني التحق بالكلية؟
وهيا احسن من علمي ولا ادبي انا السنة الجاية لازم احدد علمي ولا ادبي؟
وبالنسبة لاني من بلاد بره مش عايشة في مصر
فهل دا ممكن يأثر على المجموع بتاع الثانوية؟
وفرص الشغل هل هيا حلوة للبنات ؟
افيدوني رجاءا
واسفة لو طولت على حضراتكم, وشكرا
:)

السلام عليكم ورحمة الله وبركاته
انا لسة في ثانوي وحابة اللغات كلها اي لغات
بس الاكتر روسي واسباني
وكل اللغات بعرف فيها شوية وعندي طلاقة في اللغة
وحابة اعرف كل شيء عن كلية الالسن المجموع؟
وبكم لغة ا~در اني التحق بالكلية؟
وهيا احسن من علمي ولا ادبي انا السنة الجاية لازم احدد علمي ولا ادبي؟
وبالنسبة لاني من بلاد بره مش عايشة في مصر
فهل دا ممكن يأثر على المجموع بتاع الثانوية؟
وفرص الشغل هل هيا حلوة للبنات ؟
افيدوني رجاءا
واسفة لو طولت على حضراتكم, وشكرا

طيب ايه افضل تخصص فى اقتصاد و علوم سياسية و ليه ؟
تخص علوم سياسية و لا اقتصاد و لا احصاء ؟

الالسن طبعا علشان انا فيها :d

الكدب دة لا يمكن يتسكت عليه ابدا :d

بخبرتى المتواضعه وبما انى فيبساويه اصيله احب اقولك لو كنت ادبى خليك فى قسم السياسة ولو علمى علوم او رياضه خليك فى الاقتصاد لانه حلو اووووووووووووووووووووى لبتوع الرياضه اما الاحصاء بئى ده عالم تانى لانه راااااااااااااااائع بمعنى الكلمه وده غالبا اللى بيدخلوه خريجى علمى رياضه
لكن لو ع الشغل فقسم الاقتصاد او الاحصاء ممكن تشتغل بسهووووووووووووووووووولة لو ماقلش تقديرك عن جيد جدا يعنى امتياز او جيد جدا تشغلك فى احلى وظيفه فى مصر لو قسم احصاء او اقتصاد
لكن قسم سياسة ده شغلو لبتوع الوسايط بسسسسسسسسسسسسسسسسسس الا لو جبت تقدير امتياز تقدر فى الحاله دى بكونك من الخمسه ولا العشره الاوائل تتعين فى وظيفه محترمه بدون واسطه