|
صيدله المنصوره
ازيكم يادكاتره الكل يارب يكووووون بخير التوبيك دا لاى حد فى صيدله المنصوره سواء فى اولى او تانيه.................الخ وكمان للى لسه داخل اى مساعده محتاجينها انا موجوده لو عاوزين تسألوا على اى حاجه انا موجوده بردو وربنا يوفقنا جميعا |
انا لسه مخلصة ثانوي وجالي صيدلة المنصورة وكنت عايزه اعرف اذا كان في حاجة تتذاكر قبل الدراسة علشان اكون مستعدة ولا مفيش وكمان كنت عايزة اعرف شروط المدينة الجامعية علما باني من مواليد 10/1/1992 معلش هتعبك معايا
|
انا داخل صيدلة المنصورة السنادي وكنت عايز اعرف اية قسم الاكلينيكال دة؟
|
اقتباس:
انا كمان 1\10\1992 بس انا اكبر منك سنه دراسيا بصى ياستى المدينه حجزها بعد بدء الدراسه بصى كان ليا صحبات مدينه هسالهم عن الحجز والاولويه وابلغك على طول ان شاء الله انتظرى ردى بكرا بالليل وبالنسبه للمذاكره طبعا مش هتذاكرى دلوقتى خالص سيبك من موضوع دا اهم حاجه مع بدء الدراسه تهتمى جدا بحضور المحاضرات حتى لو ناويه تاخدى كورسات اوغيره بصى ياستى المحاضره هتقربك جدا من فهم شخصيه الدكتور وازاى بيفكر بصى عامه المواد لذيذه بجد اهم حاجه مش تراكمى حاجه عليكى يعنى خلصى اللى بتاخديه اول باول حتى لو مش هتذاكريه مذاكره ميه ميه بس يبقى عندك خلفيه عنه وماتسبيش حاجه قبل الامتحان تكون لاول مره بتذاكريها بصى عندك تحليله او غير عضويه الترم الاول ودا اتنين هيدوكى الماده دى دكتور محى ودا هيديكى تحليله اللى هو جزء ان اورجانك وجزء بسيط كاتيونات وانيونات هو مش بسيط هو فى شويه معادلات كتير ركزى اوى فى سكاشن التحليله عندك الجزء التانى هو الفيزيائيه ودا هتديهولك دكتوره امينه رئيسه القسم وربنا يكون فى عونك بصراحه الجزء دا الذ من جزء دكتور محى ومحتاج فهم لكن جزء دكتور محى دش جامد دا طبعا ول محصلش تغيير فى الدكاتره ثانيا عندك نبات ودا خدى بالك منه جدا جدا وعودى ايدك على الرسم من اول السنه واهتمى بكلام دكتور احمد جوهر لو هو اللى اداكى اناتومى لانه فى الامتحان بيحب الطالب الفايق معاه فى المحاضره وبيعرفه من الاجابه لو اعدادى هتفضل هتاخدى فيزيا الترم الاول تلت اجزاء حديثه وحراره وكهربيه دكتور مصطفى كمال سكره بجد ماتخافيش امتحانه هو بيقوله فى المحاضرات وركزى معاه فى اخر محاضره كهربيه لذيذه المودرن اسئلنتها قلييله بس ركزى مع الدكتور علشان تعرفى الاجابه اللى هو عاوزها عندك الحيوان ودا بجد رائع مادتى سيبينى عليه شويه هههههههههههه اصل الماده الوحيده اللى نصفتنى بصى ماده امتياز لو مقصرتيش فيها عندك الترم الاول طفيلياتparasitology وكمان جينتك عندك انجلش حاجه كده خفيفه خالص وبس كدا الترم الاول خلص وبالتوفيق ملحوظه الاهتمام اول السنه بفهم اللى انتى بتقرايه وماتكسليش تترجمى اوكى بعد كده هتلاقى المصطلحات متداوله واوعى تحاولى تذاكرى بالعربى كارثه بجد شوفى الاسلوب اللى تحبى تذاكرى بيه ورق كورسات بيتباع فى المكتبات محاضرات تبيضيها احم احم ملاحظات تضيفيها لمذكرات الكليه اللى الدكاتره بيرموها دى واهتمى بالساكشن العملى وربنا معاكى |
اقتباس:
مرحبا بك فى صيدله المنصوره بص فى توبيك يادكتور امير كامل عن دراسه الصيدله الاكلينيكيه موجود هنا فى القسم بص اللى اعرفه عنه هو كورس مكثف بعدد ساعات معين وبمصاريف عندنا فى المنصوره 13 الف بس عن نطام الدراسه وكده معنديش فكره بجد لانه مستقل عننا نهائيا اممممممممممممم بس ممكن افيدك ههههههههههههه مدرجكم فى الدور الرابع جنب مدرج اعدادى ممكن كمان تدخل على موقع الجامعه www.mans.edu.eg وبعد كده الكليات تختار كليه الصيدله واعتقد كانوا كاتبين معلومات عن الكورس وياريت تدور على التوبيك وانا لو لقيته حالا هبعتلك اللينك بتاعه وشكرا على حسن المتابعه |
انا برده صيدلة المنصورة ان شاء الله بس لسة مستجدة
عاوزة اعرف السنة الاعداداى دى بتبقى عامله ازاى وهى زى اعدادى عندسة يعنى التقدير بيأثر فى القسم ولا مفيش اقسام اصلا نفسى اعرف كل صغيرة وكبيرة عن اول سنة عشان الواحد ميبقاش تايه |
انا كمان صيدله المنصورة
|
شكرا جزيلا ع مجهودك و ذوقك وان شاء الله ربنا يوفقك و تجيبي الامتياز في جميع المواد ويارب يوفقني انا وزملائي وانا منتظرة ردك على شروط المدينة :078111rg3::078111rg3::078111rg3::078111rg3:
|
بصوا يابنات معندناش طبعا اقساااااااااااام اوكى الا لو هتدخلوا كلينيكال ودى مشتقله عننا وبمصاريف اوكى مواد اول سنه (اعدادى) نبات ودا بيديه دكاتره العقاقير كيميا تحليليه ترم اول كيميا عضويه ترم تانى فيزيا (دول من علوم) هتاخدوا حراره وكهربيه ومودرن ترم اول وخواص ماده ومودرن وكمان ضوء داترم تانى حيوان ترم ترم اول طفيليات وجينتك ودول جمال على الاخر اهم حاجه فى الطفلييان الرسم ودورات الحياه وهتاخدوا كذا طفيل هتقسم species and families بجد حلوين بلهارسيا ولشمانيا واسكارس وانكلوستوما وتريانوسوما وشويه حاجات كده بس سهله خالص الجينتكس هتاخدوا DNA وبعد كده الانقسام الميوزى والميتوزى اعتقد دكتور شريف عابدين هو اللى هيديكوا زينا وامتحان بيبقى لذيذ والمحاضرات هيبقى منزلهالك POWER POINT على موقع الجامعه الترم التانى هتاخدوا مبادئ فارما ودى 3 اجزاء ب 3 دكاتره مختلفين ودول هيتاخدوا فى صيدله والساكشن كمان وهتاخدوا امبريولوجى (على اجنه) دا فى علوم 4 سكاشن وهتمتحنوا عملى دول طبعا ترم تانى عندكوا انجلش ترم اول من 50 وسهل اوى وليه 2 محاضره فى الاسبوع وحقوق انسان محاضره فى الاسبوع ومش بيضااف لكن ماده رسوب ونجاح بالنسبه للمدينه بصى لو انتى مركز المنصوره ملكيش مدينه دا اللى انا متاكده منه بس التفاصيل ان شاء الله باسرع وقت ممكن هجيبها |
بصوا يابنات اللى عاوز يسال على المدينه انتو قدمتوا عادى خلاص فى الكليه هتروحوا مدينه جيهان ودى اللى جنب بوابه الجلاء اوكى لو مش عارفينها اسالوا هناك عادى اوكى اى امن من على البوابه هناك هتلاقوا مكاتب تقديم هتاخدوا منها استماره تملوها وكده بس اهم حاجه تتاكدوا ان لكوا مدينه مركز المنصوره ملهوش لكن المنزله ودمياط لهم مش عارفه المحله لها ولا لا اسالوا فى المدينه عن الشروط اوكى هتملوا الاستماره وتقدموها تقريبا بتحتاجوا زى رسم تقديم 70 جنيه تقريبا او حاجه زى كده فى الحدود دى ولما يظهر انتى قبلنتى ولا لا ليكى تختارى هتقعدى فى مدينه جيهان ولا الزهراء جيهان دى بتخرجى من بوابه الجلاء وهى البوابه اللى جنبها وبتدخلى المدينه هى جوا سور الجامعه بس عاملنلاها بوابه لواحده اما الزهراء فهى ورا كليتنا على طول بس اعتقد لو كنتو قدمتو فى الكليه ياريت تروحى جيهان على طول تسحبى الاستماره علشات الاماكن وبعدين لو اتقبلتى ليكى تختارى جيهان ولا الزهراء هو انتى مركز ايه طيب؟ |
بصوا يا جماعه متخافوش من صيدله
والله احسن كليه فى الدنيا كلها انا محمد صيدلة المنصوره حصلتلى ظروف كده السنه اللى فاتت و مدخلتش فى 3 مواد الامتحان:022yb4: المهم انا ان شاء الله هكون معاكوا فى اعدادى تانى و اكيد هيكون عندى الخبره عشان دى تانى سنه ان شاء الله و اللى محتاج اى حاجه عن الدكاتره المواد الدراسه اى حاجه انا موجود هنا و على الميل و افتكروا احسن و اسهل كليه هى صيدله |
نسيت اقولكم فيه اسره عملناها انا و اصحابى السنه اللى فاتت
اسمها اسرة ( صيدله اون لاين ) بتنزل ورق و مذكرات و اسطوانات و كل حاجه تساعدكوا ان شاء الله و انا هكون معاكوا فى الاسره السنه الجايه و هجيبلكوا ان شاء الله كل اللى تحتاجوه و ده لينك المنتدى بتاعنا http://saydala-online.alafdal.net/ |
انا مسافر ان شاء الله لمدة 4 ايام
و اللى عايز اى حاجه يكتبها و ان شاء الله لما ارجع اجاوب على كل الاسئله بتاعتكوا و يا رب اقدر افيدكم |
ههههههههههههههههههههههههههههههه
اهلا باون لاين معانا |
احم احم
على فكره يادكتور محمد نسيت اقولك ممنوع وضع اى ليناكات لاى منتدى او موقع هنا فى المنتدى ولا القوانين دى مش موجوده فى الفورم عندكم موجوده عند الناس كلها معلش لان لو مشرف القسم دخل ولقاها هتتشال فاعتقد الافضل حضرتك تشيلها بنفسك ومنور التوبيك كتير |
انا دخلت مرة منتدى للصيادلة لقيتهم بيقولوا تانية حديث تالته قديم يعنى ايه الحاجات دى
|
يلا كويس فى حد هيساعدنا اهو
وانا كمان ان شاء الله صيدلة السنادى معاكوا |
شكرا علي المعلومات القيمة انا من دمياط
|
ماشى انتى دمياااااااط خلاص روحى اسحبى ورق تقديم من مدينه جيهان وامليها ولما يقبلوكى فى المدينه وان شاء الله هيقبلوكى واهلا بالدمايط:av4056bb7jp3:ه ليا زميل كتييييييييييييييييييييير جدا جدا جدا من دمياط نص السكشن بتاعى اختارى اما الزهراء او جيهان يارب اكون افدتك بالنسبه لاسماء امممممممممممم اكيد مش منتدى لصيدله المنصوره اولى قديم واولى جديد بتحصل لما يلغوا اعدادى وتبقى الكليه اولى علو طول ماشى مثلا مثلا انتو لو دخلتو السنادى ولغوا اعدادى يبقى انتو اولى احنا كان عندنا اعدادى ورايحين اولى يبقى ازاى 2 اولى يبقى احنا اولى قديم وانتو اولى جديد وهكذا يارب تكون وصلت |
وصلت الحمدلله
معلش انا هدايقك بالاسئلة بس هم امتى بيلغوا الاعدادى |
سؤال تانى نسيته
هو الاحسن مدينة الزهراء ولا جيهان |
انا جاتلي صيدلة المنصورة بس بفكر احول طب اسنان
لكن انا اصلا لا مقتنعة بصيدلة وله طب اسنان:( ومش عارفة ادخل ايه كل ما ابدأ اقتنع بكلية تحصل حاجة تخليني اغير رايي انا محتارة جدا حتى لما جيت اكتب الرغبات كتبت اول رغبة صيدلة المنصورة بس مكنتش واثقة من الاختيار وقلت انا اكتبها وخلاص وممكن ابقى احول بعد التنسيق بجد محتارة جدا وصليت استخارة 3مرات ولسه محتارة:bosyht9: |
اقتباس:
كل سنة بيقولوا كدا ومش بيلغوها ,, وبرده السنة اللى قبل اللى فاتت قالوا هتبقى اخر سنة تدرس اعدادى فيزياء وللاسف مفيش حاجة اتغيرت .. فكلها اشاعات والعميد مصرحش باى حاجة م الكلام ده خالص اقتباس:
اقتباس:
بس انا فى راى صيدلة احسن بكتير من طب اسنان ومجال عملها افضل سواء داخل مصر او خارجها :stickjo4: وغير كدا انا معتقدش ان فى حد دخل صيدلة المنصورة وندم ان دخلها :) لانه بجد اخر راحه الواحد طول السنة طناش ومش بيذاكر غير ايام الامتحانات :av4056bb7jp3: وحتى المحاضرات كلها بتنزل فى مكتبة paper :006et4: اول باول .. يعنى نصيحة منى ادخلى صيدلة وعمرك ما هتندمى :slap1qk6: ولو ندمتى ابقى تعالى اضربينى :stickjo4: او ممكن ادفعلك غرامة :) و اى حد محتاج مساعدة يا جماعه ان شاء الله هحاول اساعده باللى اقدر عليه :) كان معكم من امام كلية صيدلة المنصورة .. انا :av4056bb7jp3: :abdoog8: |
:av4056bb7jp3::av4056bb7jp3::av4056bb7jp3::av4056b b7jp3::av4056bb7jp3:شكرااا جزيلا علي مجهودك ويارب اتقبل في المدينة:078111rg3::078111rg3::078111rg3::078111rg3 ::078111rg3::078111rg3::):):):)
|
اقتباس:
حضرتك تانية حديث وتالتة قديم دى بتبقى اللايحة يعنى فى لايحة 2004 شغالة عادى جينا ف 2006 اللايحة اتغيرت ها يبقى فى سنة تانية لايحة 2004 وسنة 4 لايحة 2006 فا يقولك حديق وقديم وحضرتك ادرى برضو |
شكرا يا جماعه لاهتمامكم
حاجة تانية كمان ياريت حد يحكيلنا عن اول يوم ليه فى الكلية كان حلو ولا وحش عمل ايه وكده يعنى ويبقى لكم جزيل الشكر |
اقتباس:
لان سالت حد اكبر منى عن لو لغوا اعدادى والسنه اللى دخلت بقت اولى ايه مصيرها قالولى هيبقوا هم اولى جديد وانتو اولى قديم وهكذا فمش عارفه بجد واوعدكم هحاول على قدر المستطاع اعرف الاجابه الصحيحه اسال اى حد خلص الكليه بتاعتنا دى ومنوووووووور التوبيك كتير |
اقتباس:
حد هادى خاصه لو عندك محاضرات علشان مش ترتبكى بس لو دخلتى وانتى مرتبكه وخايفه وتبقولى هيحصلى ايه وهاخد ايه والدكتور دا بيقول ايه هتوترى اوى خليكى كول فى اول يوم دا جامد على اد ماتقدرى بصى مش مطلوب منك اول يوم انك هتفهمى كل حاجه الدكتور اللى ادامك دا بيقولها لان نظام جديد ولغه جديده حاولى تركزى معاه اول يوم كان بالنسبالى يوم لذيذ اوى ارخم حاجه فيه ان كان فى رمضان والجو حار على الاخر والمدرج مليان علشان الجروبين كانوا مع بعض والمدرج صغير عليهم بس كان يوم جميل على الاخر حاولوا علاقتكم تبقى كويسه مع كل زمايلكم وخاصه فى الساشكن بصوا لمااعرف اان الجدول نزل هجيبه على طول وكذلك ارقامك وبردو لو حد منكم عارف حاجه يبلغنا يالا بيس ياجماعه واى حد عنده اى سؤال يسال ولو معرفتوش هنسال فيه حد تانى اتمنى لكم اجازه سعيده |
اقتباس:
لا طبعا صيدله بس على حسب ميولك وطموحك تعرفى انا كان مجموعى قابل اسنان السنه اللى فاتت والمنصوره بس مكنش عندى ادنى طموح ولاميول ليها بصى اهم حاجه رغبتك وحاولى تحدديها من دلوقت بصوا ياجماعه اعدادى سهله جدا باذن الله بس حبوها اهم حاجه تحبوا الحاجه اللى بتاخدوها بصوا انا الحمد لله جبت جيد جدا 80% وماذكرتش ربع مذاكره ولا تمن حتى بس الحمد لله كنت حابه الكليه والمواد اللى علت تقديرى هى المواد اللى حبتها اكتر لكن المواد اللى عملت بينى وبينها حاجز نزلت فيها مع انها اسهل من المواد التانيه سبحان الله والله المواد لذيذه وربنا يوفقكم |
اقتباس:
بقولك ايه كلها مسائل اداريه ملناش دعوه بيها هى هى يلغوها مش يلغوها مش فارقه معانا مش هتختلف معاكم كتير غير فى الفيزيا هو الدكتور مصطفى كمال صدعنا السنادى هنجحكم كلكم السنادى علشان ماتبقاش حاجه تربطكم بعلوم وعلشان مفيش اعدادى عندكم السنه الجايه الله اعلم كله كلام اه على فكره دكتور مصطفى كمال دا اطيب دكتور ممكن تشوفوه سكره بجد بس بينسى وطول المحاضره هيقولكم انا كنت بقول ايه بس اى سؤال عاوزينه اسالوه على طول ليه وهو عادى هيرد حتى لو فى الشارع دا الدكتور الوحيد اللى كنت بعرف اتكلم معاه لما اقابله اى سؤال عاوزه اساله اوكى كل سنه وانت طيب اوكى بجد متسااااااااااااامح جدا جدا جدا قريب من الطالب المحترم جدا جدا استغلووووه ياجماعه هو والدكتور عماد الشيوى |
شكرا جدااااااااا يا دكتورة شفق الواحد بقى كده له خلفيه عن اللى ممكن يحصل ان شاء الله
بجد كلامك عن المواد والدكانرة طمنى اوووووووووووى الواحد بقى مشتاق انه يروح ويشوف ايه اللى هيحصل يلا كلها شهر وكله يبقى مباشر ان شاء الله |
ايه دكتوره دى
انا ادكم والله ههههههههههههههههه مواليد 92 بس دخلت المدرسه 5 سنين مش سته دا اللى فرق فى السنين الدراسيه اسمى منى اوكى اى سؤال بجد اواى حاجه عاوزين تعرفوها عن الكليه انا موجوده |
ان شاء الله لما الجدول يظهر
عندى ليكوا مفاجاه ان شاء الله تعجبكم |
اقتباس:
انا هقولك من الاخر مفيش احسن من صيدله بالذات للبنات مستقبلها جميل جدا جدا جدا و سهله و ممتعه فى نفس الوقت و برده صلى استخاره لحد ما توصلى لقرار ان شاء الله |
مبروووووووووووووك يا دكاترة
أنا مش عارف انا ايه اللى جابنى هنا انا داخل هندسة المنصورة على العموم مبرووووووك بس عندى سؤال و محدش يزعل منى اتفقنا ؟؟ بتزعلوا لما حد يقول عليكوا بياع ؟؟؟ أو فكة خمسة جنيه لو سمحت ؟؟؟؟؟؟ |
اقتباس:
واظن من الغباء ان يتقال عن الصيدلي بياع ولو انت شاطر للدرجاتي روح اقف في صيدلية وورينا هتبيع ازاي :abdoog8: |
أولاً أنا قولت محدش يزعل منى و انته شكلك زعلت بردوا
و بعدين أنا مجال تخرجى مش حيوقفنى إطلاقاً فى محل بياع و لكن ممكن على أسوء تقدير فى شركة كمبيوتر و كمان صيانة ثالثا خريج تجارة بيقفوا فى الصيدلية و زيهم زى الدكاترة مش بيميز الدكاترة غير أن لو حد جه قلك انا عندى كذا أخد ايه و بعدين أنا كنت بستهدف و الله أنى أخليكوا تقولوا لاء إحنا كلنا ناويين على الشغل فى مجال تصنيع الأدوية ويبقى فى تحدى بس و مبرووووووووووووووك ليكوا يا دكاترة تانى و انا مقصدتش ازعل حد أنا أختى فى صيدلة بردوا بس انا مش عاجبنى ان دكاترة زى الورد زيكوا يطلعوا يقفوا فى صيدلية يبيعوا دوا وبس أعتقد مجال تصنيع الأدوية أحسن مليون مرة ولا ايه يا أمير ... مستنى ردك تانى و متزعلش و خلينا نتكلم بلاطفة ... و بعدين خد هنا مفيش مبرووووك ليا على هندسة ؟؟؟ |
لو سمحتوا كنت عايزه اعرف اي معلومات عن السكن في المنصورة وايه الافضل المدينة ولا بيت الطالبات ولا الايجار وياريت اي معلومات عن اماكنهم بالنسبة لكلية الصيدلة
|
اقتباس:
مايبقوش شتغلوا ف صيدليات يوم واحد بس وشوفوا هتحتاسوا ازاى |
عايزين نعرف لو فى حد معانا قدم للكليه خلاص
او حد يكون متردد يقدم و خايف |
اسمها اعدادي عادي انا سالت في شؤون الطلبه النهاردة
مفيش اولى حديث ولا الكلام ده و فيه حاجه كمان (المدرجات اتكيفت الحمد لله ) متعرفوش كنا بنبقى عاملين ازاى فى الحر السنه اللى فاتت |
اقتباس:
يا ريت حد يرد عليا لان الموضوع دا ازمة بالنسبة لي والتقديم احتمال يكون الخميس بس الاكيد ان يوم الاحد 9/8 ودا ميعاد مضمون 100% |
بصى يا دكتوره
انا مش اعرف قوى ايه الاحسن بالنسبه للبنات بس اظن الاحسن ليكى مدينة الطالبات اللى جنب الكليه تقريبا اسمها الامل و على فكره المدينه احسن للبنات من السكن الايجار و ان شاء الله انا هروح الجامعه يوم الخميس اسالك على المدينه و على كل حاجه |
المدرجات اتكيفت
دى دفعه محظوظه ناقص تقولوا احمد جوهر مش هيديهم وساعتها هايخدوا حته عين مايعلم بيها الاربنا بصى المدينه اللى جنب كليتنا الزهراء بس مش هقدر افتيكى بجد لانى مجربتش وماعرفش ايه الاحسن بس عامة الصيادله مش بياعين اصلى شميت ريحه حاجه زى كده فى التوبيك يباشمهنس الصيادله دول لولالهم على البلد ههههههههههه كان زمانها عمرت من زمان لابجد مفيش كليه وحشه صيدله وهندسه واسنان وبيطرى كله كويس |
انا من ساعه ما دخلت التوبيك ده وحبيت صيدلة جدااااااااااااااااا كنت الاول متقبلاها لان مجموعى جابها وخلاص
وبعدين كل كلية ياجماعه لها مميزاتها ولها عيوبها هندسة لها مميزاتها ولها عيوبها وكمان صيدلة والاتنين مهمين وبعدين عادى لما نفك لحد 5 جنيه حضرتك لو ماشى فى الشارع وحد قالك فكة خمسة مش هتفكيله ربنا يوفقنا جميعا فى كلياتنا ان شاء الله ونقدر نقدم حاجة بيها للاسلام |
نسيت سؤال
هو البلطو بنشتريه ولا بنجيبه ازاى |
دكتوره منى كله الا احمد جوهر يا دكتوره
دا الوحيد الى خلانى مش احب الكليه فى الاول بس هى فتره و بنتعود عليه :d المهم يا اسماء انتى لما تدخلى الكليه هتحبيها اكتر ان شاء الله و بالنسيه للباطلو و الادوات بتاعة الكيميا دى اسهل حاجه ان شاء الله اناكنت شاريه من مكتبة الاصيل قدام بوابة الجلاء و متقلقيش كل دى حاجات هايفه باذن الله |
و بالنسبه للباطو برده لازم يكون معاكى فى سكاشن مادتين بس هما
( الكيميا و النبات ) لازم منعا للطرد و الاحراج :d لكن فى الفيزيا و الحيوان مش مهم البالطو |
لا انا مزعلتش ولا حاجة وانا اصلا قدامي حاجتين مكان الصيدلية جاهز وقدام مركز طبي يعني هتشتغل زي الفل وقدامي شركة ادوية ليا فيها معارف ولما اتخرج يبقي يحلها حلال
وبعدين مبروك ياعم علي الهندسة وياريت اقف في محل بدل القعدة في البيت دي واية رايك تدخل معايا في مشروع هنفتح محل انا هدفع 145 جنية وانت تكمل وابقي تعالي كل يوم اسالني علي فكة 5 جنية وانا اقولك ممعيش |
شكرا جدااااااااااا يا اخوانا الدكاترة
ربنا يجزيكم خير يارب على المساعدة دى |
| جميع الأوقات بتوقيت GMT +2. الساعة الآن 01:48 AM. |
Powered by vBulletin® Version 3.8.11
Copyright ©2000 - 2024, Jelsoft Enterprises Ltd.