|
ايه اخبار تعيين أوائل الكليات ياجماعة؟
كنا قرأنا في اليوم السابع عن انهم حيعينوا اوائل الكليات والدراسات العليا محدش عنده أخبار عن الموضوع ده أفادكم الله
|
ياريت اللى عنده اخبار أو علم يقول
|
يارب يكون الى سمعتة غلط
انا سئلت ناس كتير قالولى الى هيتعين من اول دفعة 2006 اما الباقى لا فياريت نتوصل و نحاول نعمل حاجة لدفع الى قبل كدة
|
تقصد حضرتك من 2006 الى 2010 ؟
|
ياجماعة اكيد كلنا لارم نشارك علشان صدقونى لو حق الاوائل راح مفيش حد حيأخذ حاجة لو كل واحد في هذا التوقيت بيدور علي حقه يبقي احنا أولي خصوصا علشان لو فاكرين قانون تعيين الاوائل الله لو كنا سبب من الاسباب في رجوعه تانى
|
طيب الاوائل لغاية الترتيب الكام يعنى
|
والله اللى معتاد من زمان العشرة الاوائل علي كل كلية بس ياريت نعرف من اول سنة كام لحد سنة كام
|
أيوة الكلام دا كان بيتكتب في الشريط في التلفاز لكن مش محددين عدد كتبوا تعيين أوائل الخريجين بأثر راجعي كنت في الكلية اليوم لكن نسيت أسأل من الضغط لاني كنت بعدل في الخطة علشان السمنار ورايحة بكرة بإذن الله وهسأل الدكاترة أو العميد لو كان موجود وياااااااااااارب يعينونا بقي لأن حرام كدا اتظلمنا كتير وبجد تعبنا وربنا الأعلم والله المستعان |
خلاص ياريت تسألي في الموضوع ده وتتواصلي معانا ويارب يوفقنا جميعا
|
حاضر
إن شاء الله هسأل بكره وأخبركم باللى هعرفه ويارب يكون خير وكل واحد ياخد على قد جهده ويكون الكلام دا حقيقي المهم خريج 2008 من المطلوبين علشان نفسي شوفتوا بقي الطمع يالا نفسي طبعا هههههه يارب بجد يكون صحيح الخبر ده وأفرحكم بيه ونفرح كلنا اللهم آميييييين |
ياريت الظلم وحش قوي خصوصا لما كمان تبقى من الاوائل علي الجامعة وفي الاخر يقولولك مش حتتعين ادارى فى الجامعة حتي. ده اسمه كلام
|
يارب تسمعينا خبر خير ونفرح كلنا .....امين يارب العالمين
|
فعلا يا أستاذة سارة الظلم أوحش حاجة في الدنيا ومحدش يعرف كدا إلا اللى جرب الظلم وبالنسبة للكلية الظلم عيني عينك سواء كان ف تقدير أو دكتور حط طالب ف دماغه ويضطهده أو بنت أو ابن الدكتور ما يطلع الأول وبإمتياز ويتعين !!! وكمان الطالب اللى تعب وطلع من الأوائل هقول ايه ولا ايه حسبي الله ونعم الوكيل بس الحمد لله على كل حال أكيد خير قولوا يـــــــــــــــــــــــــارب |
في الازهر فعلا ارسلو الى الجامعات فاكس بضرورة حصر الاوائل من خريجى الدفعات للتعيين في وظائف معيدين ومعيدات وذلك في موعد اقصاه 16\3 اه على فكرة الاسماء اللي طالبينها بتقديرات ممتاز وجيد جدا مع مرتبة الشرف من دفعة 2002 وحتى 2008 thttp://www.thanwya.com/vb/showthread.php?t=297937
|
من فضلك ياأم رهف الميعاد اللى حضرتك ذكرتيه بالنسبة للازهر بس ؟
|
ربنا يوفقكم جميعا وكل صاحب حق ومجهود ياخد حقه اللهم امين
|
اقتباس:
|
اللهم امين يارب ربنا يعوض الجميع خير
|
هما حددوا مرتبة الشرف؟والتقدير ؟ ولا أوائل وبس؟
وبعدين فيه كليات أو أقسام مفيهاش مرتبة شرف في بعض السنين وأنا شوفت ده مع ناس قبلي ومعايا وبعدي |
اقتباس:
أستاذي الفاضل ممكن سؤال أوائل الكليات اوك طيب تقصد ايه بالدراسات العليا؟؟؟؟؟ هل أوائل الدبلومات و تمهيدي الماجستير كدا يعنى ؟؟ أرجو التوضيح |
وفيه شعب كمان في كليات بيقولوا مابيخدوش منها حسب لائحة الجامعة زى شعبة الاساسي والطفولة في كليات التربية بيأخذوا من العام بس طيب بتطالبوا الطلاب بالتفوق فيها ليه؟ كنتوا قوللهم كفاية مقبول أوجيد وخلاص
|
أنا اللي قرأته كان بالنص كده وماكنش فيه توضيح كان الخبر مقتضب جدا ومحدش تابع بعد كدة احنا مفروض نتوجه لمين أو نعمل ايه بس في الغالب الاوائل والدبلومات ومافوق
|
فعلا محدش قال لنا نعمل ايه وياخوفي يكون خبر وعدى وخلاص لازم نتابع مش حيضحكوا علينا تاني ماضاع حق وراءه مطالب
|
إن شاء الله خيـــــــــــــــــــــــــر
|
أنا اساسا مش ساكته
ومش ببطل كلام في الموضوع ده من قبل مايقولوا من وانا لسه في سنة رابعة وأنا بسال وكل اما نسأل أنا وأصحابي يقولوا مفيش ميزانية بس فعلا كل شيء بأمر الله وربنا يوفقنا جميعا لما يحبه ويرضاه |
يارب ان شاء الله بس عايزيين ياجماعة نتواصل من كل الجامعات كل واحد لما يعرف حاجة عن الموضوع ده في جامعته يقولها هنا والله المستعان ومتنسوش دفعة2009
|
يا ام رهف انا خريج تربية الازهر 2005 بتقدير ممتاز مع مرتبة الشرف اعمل ايه؟؟؟؟؟
|
أهم حاجة التواصل من جميع الجامعات لما حد يعرف حاجة يقولها هنا والله المستعان
|
اقتباس:
أعتقد إن حضرتك مش هتعمل حاجة كليتك بتتواصل مع جامعة الأزهر ويعملوا حصر وأكيد هيرسلوا لحضرتك واللي زيك جوابات على البريد بس الأحسن انك تسأل وتتابع الجامعة علشان تعرف وتتأكد من صدق الخبر وتطمئن وتكون على تواصل معهم |
طيب تفتكروا ياجماعة لو حيعينوا حيعينونا معيدين ولا يقولك اداريين حسب القانون القديم
|
طبعا معيدين
ولو حد حاصل على ماجستير بيتعين وياخد نفس مميزات المعيد الحاصل على ماجستير واللى حاصل على دكتوراه من الأوائل مش بيتعين معيد لكن يبتعين على درجة مدرس(دكتور)لانه بيقدم في ورقه شهادة الماجستير والدكتوراه فبيتساوى بالدكتور فورا |
انا كنت الثانى على دفعتى 2006 ياريت اللى يعرف حاجة يبلغنا ارجوكم
|
اقتباس:
|
بالتوفيق ليكم ياجماعة بإذن الله
|
اقتباس:
|
اقتباس:
تسلم من كل سوء أستاذنا الفاضل علي عضاضلي وعقبال تعينكم وبارك الله فيك ولك تقبل مروري |
اقتباس:
تسلميلي من كل شر يا غالية على التوضيح وربنا يوفق الجميع لما يحب ويرضي تقبلي مروري |
الاستاذ على اتعين خلاص عقبالنا احنا في تعيين تاني بقه عشان الاستاذ على هيرقوه مدرس اول على طول
|
الف مبروك للأستاذ علي والأخوة والأخوات اللي اتعينوا وعقبال الباقيين
وربنا يوفق الجميع لما فيه الخير والإصلاح ويملأ حياتنا فرح وسعادة |
الموضوع ده مهم جدا ارجو من المشرفين تثبيته
|
لابد للأوائل تعيينهم معيدين لازم ويتساوى بالمعيدين اللى دفعته واصغر منه
|
بالتوفيـــــــق للجميع
|
صباح الخير احب افكركم كلكم بانكم تسألوا في الكلية النهاردة عن الموضوع بتاعنا ونتواصل وربنا يسهل
|
فعلا نرجو من المشرفين تثبيت الموضوع
|
ياريت نحدد معاد
|
السلام عليكم
يا جماعة انا قريت كل تعلياتكم وسألت النهاردة في الكلية انا تربية جامعة اسكندرية دفعة 2010 قالو ان المطلوب العشرين الأوائل عالكلية بس ماقدرتش اعرف هما هيعينونا معيدين وللا اداريين يا ريت اللي عنده خبر مؤكد يقولنا وانا على فكرة شفت الجواب بنفسي وكمان الكشف بتاع العشرين الأوائل (والحمد لله انا منهم ) بس ايه اللي حيحصل بعد كدة مش عارفة |
استاذة ياسمين ياريت تقوليلي هما عاوزيين دفعة 2010 بس ولا ايه؟ أنا2009 ياريت تقوليلي بسرعة ضروري
|
انا ماعرفش والله يا استاذة سارة
انا اصلي كنت باسأل على ترتيبي عالكلية السنة دي فهو وراني كشف دفعة 2010 بس لو عرفت حاجة جديدة أكيد هاقولك |
طبعا لارم نعرف من اول دفعة كام بالضبط ياريت اللي عارف يرد علينا
|
شكرا ياأستاذة ياسمين . بس ممكن لو سمحتى تقوليلي صيغة الجواب ده ايه؟يعنى تقريبا مكتوب فيه ايه؟
|
| جميع الأوقات بتوقيت GMT +2. الساعة الآن 05:00 PM. |
Powered by vBulletin® Version 3.8.11
Copyright ©2000 - 2024, Jelsoft Enterprises Ltd.