فيه حد هنا حاسبات ومعلومات الزقازيق
 

فيه حد هنا حاسبات ومعلومات الزقازيق اصلي بصراحه قرفان من الكليه ومن اللي حيدخلها ومن نفسي ومن اسمها اصلا

بس حنعمل ايه مفيش حل تاني

طب انت قرفان من الكلية ذنبهم ايه ال دخلنها قرفان منهم ليه هما عملوا حاجة
عمتا انادخلة حاسبات الزقازيق
والصراحة بعد مسمعت عنها بلاوى انا كمان قرفت منها
ناس كتير عمالين بيقولوا انهامش متجهزة
يعنى المعامل مش كويسة والاجهزة بيظة والحالة يعنى 00000
ربنا يستر

ربنا يطمنك

ياريت بجد لو حد فى حاسبات الزقازيق يقولنا عنها
هى حالها وحش اوى كدة
يااريت الافادة

بسرعة يا جماعة
 

ياجماعة انا الحمد لله دخلت حاسبات الزقازيق ومش عارف اعمل ايه اخلينى فيها ولا احول شبين ولا احول المنصورة بس المنصورة صعبة وبعدين انا انا معنديش قدرة علة المذاكرة كتير وحاسبات شبين كده كده ذى الزقازيق بس بيقولوا ان الزقازيق معاملها وحشة طب اعمل اييييييييييييييييه

ربنا يطمنكم انا جالى حاسبات الزقازية وعاوزة احول الى المنصورة

السلام عليكم و رحمه الله وبركاته
يا جماعه بلاش التشاؤم ده , مفيش كلية وحشه و متتاثروش بكلام حد , انت اللى بتعمل الكليه مش الكليه هى اللى بتعملك و لو عندك ثقة فى نفسك حتقدر تتميز فى اى مكان لا فى الاول و الاخر مهما كانت الكليه حلوه برضه مش هى كل حاجه انت اللى لازم تتطور نفسك و تدور السوق عاوز ايه و تستعدله , على فكره انا اخويا خريج هندسه الزقازيق و لما جه يدخل برضه سمع الكلام ده و انها وحشه جدا و ان اى انترفيو بيرفضوا بتوع الزقازيق و كلام فاضى كده, و دلوقتى الحمد لله اتخرج واشتغل فى احسن اماكن و الحمد لله

محمد سليمان 2010
 

السلام عليكم انا قبلت فى حاسبات الزقازيق بس بصراحة انا عندي خبرة فى الكمبيوتر واخوي اتخرج منها بس هو ضابط مهندس دلوقتي

ممكن تقولي ايه الاقسام و الكليات اللي بياخدو منها ظباط و ازاي بيتعمل انا سمعت ان ده بيبقي تدريب 6 شهور بعد الكلية ياريت تجاوبني بسرعة

محمد سليمان
 

الطب هندسة<اتصالات-حاسبات> حاسبات و معلومات دي التخصصات الاساسية ممكن يطلبوا تخصصات تانية لو عايز تعرفها خش علي موقع اكاديمية مبارك للامن

محمد سليمان
 

بس في شرط اساسي للتقديم ان ما يمرش علي فترة تخرجك اكتر من سنتين وطلبوا قسم جديد
<هندسة ميكانيكا سيارات>

ممكن الرابط اللي في معلومات عن الضباط الغير متخصصين و الاقسام

انا عملت بحث و شوفت التخصصات بس مش شايف انهم بياخدو حاسبات و معلومات انا شايفهم بياخدو هندسة قسم حاسبات يا ريت تفهمني

يا ريس هما طالبين السنة دي حاسبات و معلومات

شور يعني هيبقي اسمه ضابط مبرمج ولا ضابط مهندس برمجيات ولا ايه

وظيفتك بتبقي ظابط مهندس و تدرس لمدة سنة
و بتاخد دبلومة فى العلوم
الشرطية و بتتخرج ملازم اول

يا جماعة حد يعرف اللي هيعد في الزقازيق سنة ويحول المنصورة هيشيل كام مادة؟؟؟

مهندسه المستقبل(تفائلوا يا جماعه)
 

ازيكوا يا شباب؟ يارب تكونوا بخير
انا بقى حاسباتيه و افتخر. انا طالبه ف حاسبات الزقازيق والسنه اللي فاتت كنت ف نفس حيرتكوا دي
وكنت قرفانه وكان نفسي ف هندسه طبعا. وبالمناسبه عايزه اعرفكوا حاجه قليل جدا من اللي بيدخل الكليه دي بيكون بمزاجه بمعنى ان كله عايز هندسه. بس اهي جت وخلاص يبقى الحمد لله.
ندخل بقى ف المفيد بالنسبه للكليه هي جميله و مستقبلها حلو بس محتاجه انك تجتهد فيها جامد و خصوصا مواد البرمجه(طبعا مش فاهمين مش مهم لما تروحوا بقى) يعني زاكر من اولها و اجتهد هتلاقي الحكايه معاك ماشيه تمام.
و حكايه انها مش مجهزه ماتنسوش انكم ف جامعه الزقازيق يعني كل كلياتها كده ده الطبيعي بس مانكرش انهم بيجددوا علشان حضراتكم. و من اللي شفته ان اللي اتخرجوا من الكليه ناس بجد معظمهم شغلهم جااااااامد. نيجي للدكاتره والمعيدين بجد ناس كويسه جداااااااا والعميد نفسه مع انه شديد و اول ماتيجوا هيفضلوا يحذروا فيكوا منه بس هو راجل محترم جداااااااا و نفسه يطلع بينا لفوق. و لو محدش فاهم حاجه تسألوا براحتكم يعني هتفهم هتفهم. بجد والله انووا انتوا و ربنا معاكم. وبالنيبه للمناهج خدوا اللينك ده وانتوا تعرفوا كل حاجه
http://www.forums.fci4all.com/index.php?showtopic=9828
و لو في اي استفسارات انا موجوده او ادخلو على الموقع اللي كتبته ده.
ربنا معاكم. تحياتي

اية الحلاوة دى ياست توتة انتي متاكدة و لا هدبسينا:(

والنبي يا خويا متأكده.
انا مكنتش حابها خالص. بس دلوقتي والله بقيت بحبها اوي و بستنى اليوم اللي هناخد فيه حاجه جديده. صدقني ان شاء الله مش هتندم بس هقولك حاجه(حب ما تعمل حتى تعمل ما تحب) و كمان (تفائلوا بالخير تجدوه)
ايه يا ولاد لساني اللي بينقط حكم ده. يالهوي عثل ههههههههههههههه
بس بجد حاولوا ترضوا بالنصيب و تحبوه. ربنا معانا و معاكم.
اه صحيح انا الحمد لله نجحت بتقدير جيد.

بجد يا جماعة الرابط اللي كتبتوا توتة في كل حاجة



بجد شكرا

جيد شكلك دحيحة

هههههههههههههههههههههه. حلوه دحيحه دي و افتخر بذلك :)
و العفو بس على ايه؟ انا عملت اللي عليا و احنا خلاص بقينا زمايل و صحاب.

تصدقي بجد حببتيني في الكلية دى

طيب لو سمحت يا توته اللي بيحول من كلية لكلية اول سنة وبيشيل 3 مواد مثلا بيعيد السنة؟؟؟؟؟

ده يا ستي على حسب الجامعه اللي بتحولي ليها. بمعنى انتي حضرتي سنه اولى ف الزقازيق و هتحولى بعد اولى مثلا بنها هتشوفي المواد اللي هما اخدوها ف اولى و لو انتي مش اخدتيها ف الزقازيق هيشيلوهالك معاكي ف سنه تانيه ف بنها و كذلك لو ف تانيه بنها بياخدوا ماده انتي خدتيها ف اولى زقازيق يبقى مش هتدرسيها. يعني علشان يبقى في تكافؤ. يارب اكون فهمتك و لو لسه عرفيني. و ياريت تقوليلي انتي جربتي التحويل اللي هو قبل التقديم بتاع النت ده ولا لأ؟
و ربنا معاكي يا قمر.

لا بس بجرب التحويل الورقي و ربنا يسهل معلش سؤال كمان هو معنى اني اشيل مواد اني اتحرم من التقديرات العالية ؟؟؟؟؟؟ وشكراااااااا

هي الدراسة arabic or english

english في كل الجامعات

لأ طبعا مش تتحرمي من التقديرات ولا حاجه لأنك مش بتمتحنيها تخلفات بتمتحنيها لأول مره فبتاخدي درجاتك كامله عادي جدااااااااااااا.
و بالنسبه للدراسه عربي او انجليزي هي عربي ف بنها بس تقريبا. و الباقي طبعا انجلش.

علي كدة الدراسة هتبقي صعبة اوى

ربنا يكون فى عونا

مش صعبه ولا حاجه الحكايه بس مسألة تعود. يعني بعد كده هتلاقى نفسك مش عارف تزاكر بالعربي.
الحكايه سهله ماتتلككش :)

انا سمعت ان في ناس بتشتغل في شركة ميكروسوفت

بس طبعا لازم واسطة جامدة

شكراااااااااااااااااااااااااا

السلام عليكم
شكرا جزيلا ليكى يا توته على التشجيج ده وان شاء الله نستمتع بالكليه ونحبها
كنت عيزه اسالك اذا كانت الكليه بتحتاج لاب توب ولا الكومبيوتر العادى كفايه؟
وشكرا

السلام عليكم
يارييت لو حد يعرف ايه نظام الكورسات فى الكليه يقولى
وهل الدراسه فى الكليه مع الكورسات كافيه انها تؤهل للعمل ولا لازم كورسات خارجيه ؟
وشكراااااااا

انت لازم طبعا تاخد كورسات خارجية عشان فرصتك فى الشغل تباه اكتر
بس بالمذاكرة وتقديرك فى الكلية وكورساتك مفيش شركة تقدر ترفضك

مايكروسوفت مش محتاجة واسطة

لو عملت اللي عليك و طلعت من الاوائل على اي قسم انت فيه
مايكروسوفت ح تاخدك

لان كل سنة مايكروسوفت بتعمل حاجتين و لطلبة حاسبات و معلومات و بس :
أولاً : مسابقة لافضل مشاريع تخرج
ثانياً : بتاخد العشرة الاوائل في آخر سنة في اي قسم من اقسام حاسبات و معلومات و بتاخدهم تشغلهم في امريكا\

و الكلام ده مؤكد

انتي جبتي الكلام دة منين

والكلام دة في كل حاسبات مصر

يا ريت توضحى اكتر

اولا ازيك واسف ع التاخير اولا احب اشكر العضوه او البشمهندسه بقي totta_frota ع مشاركاتها الفعاله وفعلا كل اللي دخل حاسبات ومعلومات كان نفسه يدخل هندسه انا مدخلتهاش بفرق درجتين بس حنعمل ايه وحكايه حاسبات ومعلومات دي مش داخله دماغي او مش حابب اني اكون كده مش عارف

بس ايه حكايه اني اخد كليه الشرطه بعد الكليه دي مش فاهم ممكن توضحي شويه يمكن تخففي عنا شويه ويا ريت تقوللنا ايه متطلبات الكليه دي والفرص اللي ممكن تشتغل فيها يا ريت ياtotta_frota انا مستنيكي


واللي حاسبات الزقازيق يدخل

أولا أنا أسفه على التأخير ف الرد. ثانيا الله يسلمك (مع اني معرفش هي ازيك دي ليا و لا لحد تانيj )
حكاية الشرطة دي اللي اعرفه انك بعد ما تتخرج بتروح تقدم ف أكاديمية الشرطة بس لو ف السنة دي محتاجين الكلية بتاعتك و بتتدرس تقريبا 6 شهور او ممكن اكتر( الله اعلم برده علشان مش أفتي) و بتتخرج و بيبقى اسمك ظابط مهندس بس بتعمل ايه بالظبط مااقدرش افيدك.
و حكاية اني اخفف عنك انا ممكن اقولك حاجه انت خلاص جت ليك الكليه دي و بتكرهها و مش مقتنع بيها ولا عايزها هتعمل ايه؟ هتغريها مثلا؟ و لو هتغيرها هتغيرها بأيه؟ آداب او تجاره اللي الخريجين بتوعها كتير اوي؟ و أظن انك مش هتسيب حاسبات وهتدخل اي واحده فيهم؟
و حط ف دماغك دايما ان ده نصيبك و ربنا بيعملك الاصلح واللي فيه الخير ليك. و حاول تحبها و تاخد الموضوع جد. و هقولها تاني (حب ما تعمل حتى تعمل ما تحب)
الكليه مش ليها متتطلبات غير انك تزاكر كويس و من الاول. أنا برده مش هكذب عليك وا قولك اني مقضياها كل المواد من الاول كانت المواد العملي بزاكرها اول بأول و ممكن تقول المواد اللي حباها. و الباقي كنت بحاول ألمها على قد مااقدر.
الفرص بقى على ما أسمع( و ده طبعا لأني لسه ف تانيه على أد حالي) كتير جدا و لما تقول ان واحد بيشتغل و مرتبه صغيراو بمعنى اصح قدراته على أد حالها بيبقى اكتر من ألف جنيه يعني بقى لو زاكرت كويس و اخدت كورسات ف الحاجات المطلوبه هتبقى جاااااااامد جدا و فرصك هتبقى كتير. و ربنا يعينك بجد بس اسعى ورا هدف و بأذن الله هتحققه.

و يارب أكون طمنتك

اولا بأشكرك وانا معرفش اسمك انا عمر فرقه اولي حاسبات الزقازيق

انا بأشكرك ع ردودك الجميله فعلا وزي ما قلتي حنعمل ايه ربنا يوفقنا يارب


سلام ليكوا كلكم

لا شكر على واجب يا بشمهندس عمر. و انت ان شاء الله هتنور الكليه بوجودك معانا و ربنا يوفقنا جميعا.

طب لو سمحتى يا بشمهندسة هوا صحيح ان الكلية وحشة انا شوفتها من برا بس مدخلتش جوا

أنا مش فاهمه قصد حضرتك ايه يعني الشكل ولا الدراسه. لو تقصد من ناحية المباني و كده فهي عاديه يعني زي باقي كليات جامعة الزقازيق حتى نفس شكل المبني بتاع الكليات التانية بس اهو بيحاولوا يجددوا برده. لو من ناحية الدراسة ف العيب اللي فيها المواد النظري بس بصراحة دكتور شومان اللي هو العميد بيحاول يرتفع بينا و ربنا يوفقه.

و يارب اكون افادتك.

الزقازيق كويسة مافيهاش مشاكل ان شاء الله
اللى ممكن يتعبكم هو عميد الكلية د.شومان
ده بقى راجل مقرف وعايز معاملة خاصة

هههههههههههههههههههههه حلوة معاملة خاصة دي.
مش مقرف و الله ولا حاجه هو يمكن شديد حبتين و مش بيحب الغلط . و بلاش يا بشمهندس تعقيد من أولها.