|
البنت : أنــــا لـــــــيـــــا شخـــــصيتى المستقلة
السلام عليكم ورحمة والله وبركاته اتمنى الجميع يكون بخير... ليا كتير ما عملتش موضوع فى القسم هنا... انهردة عاوز اخد رايكم فى شئ دلوقتى لو فى شخص خطب وحدة والبنت دى بتدخل على النت وليها اميل او مشتركة فى فيس بوك او منتدى او اى شئ وجه فى يوم طلب منها الباسورد بتاع اميلها وهى رفضت ده بشدة وقالتله انت مش واثق فيا وكل ما يطلبه ترفض يا ترى هى بترفض ليه ولو مش تحبه تخلى كل شئ واضح قدامه ؟؟؟ وهو يتصرف ازاى معاها ؟؟؟؟؟ |
لو هى مش بتعمل حاجة غلط على الاميل
او مبتكلمش حد غيرو هتديلو الباس ورد انما بقى لو رفضت يبقى اكيد فى حاجة |
ايه المشكله انه يعرف الباسورد
يمكن مش قصدو حاجه وحشه ولا انه مش واثق فيها وبعدين هي لازم تبقي واثقه انها مبتعملش حاجه غلط حد يحاسبها عليها |
الثقة بين الاتنين لازم وعادى لو طلب منها الباسورد انا لو مكانها هديهولوا لان هما لتنين هيكونوا واحد ومفيش راجل غيره فى حياتها 00 وطالما هى واثقة فى نفسها وانها معملتش حاجة غلط يبقى ايه المانع فى انها تديهولوا وممكن يحاول يفهم اذا كان شخصيتها من النوع اللى بيحب الخصوصية جدا بس حتى وان كان ده ميمنعش انها تديهولوا وهو طالما واثق فى اخلاق اللى خطبها يبقى يعلم انها اخلاقها عالية ومبتعملش حاجة غلط لكن برجع واقول طالما هى واثقة فى نفسها واخلاقها يبقى لايوجد مانع انها تديهوله ده رأيى وارجو تقبله |
لو بتعمل حاجة صح مش هتخاف وهتديهوله
ولو بتعمل حاجة غلط ...... عمرها ماهتديهوله |
بس انا ليا رأى مختلف
معنى ان هوه يطلب الباسورد انه مش واثق فيها وهيه اكيد هتعاند حتى لو مش بتعمل حاجه غلط |
طيب وليه يطلب الطلب ده وهوة كمان خاطب
افرد خد باسورد بتاعها ومحصلش نصيب تعمل ايه يعني قصدي في الخطوبة ميحقلهوش يطلب الطلب ده ديه خطوبة يعني الامر في البداية وهوة مش زي زوجها إذا كان وهوة في الخطوبة بيطلب الطلب ده اومال لما يتزوجها يعمل إيه لو زوجها يبقى تدي الباسورد عادي وشكرا على الموضوع |
اقتباس:
اقتباس:
اقتباس:
عند حضراتكم حق المفروض تعرفه كل شئ ومفيش داعى تقول لا وتقوله انه مش واثق فيها لان كده ممكن تخليه يشك فيها اكتر والعناد بيجيب مشاكل كتير شكررا لحضراتكم |
اقتباس:
عندك حق اقتباس:
اقتباس:
وهو خاطب دى حاااجة بسيطة ولا ايه وافرض خد الباسورد هيحصل ايه هو عمل معاها شئ وحش يعنى ده باسورد اميل يعنى ممكن تعمل اميل تانى فى دقيقة ومن حق الخاطب يعرف كل شئ والا تبقى بتخبئ عليه وتبقى انسانة مش امينة |
اقتباس:
على العموم خلينا من حكاية الايميل ونفكر شوية بالموضوع ليه خاطب يطلب الطلب ده هوة من حقه يعرف معلومات لكن مش يدخل في خصوصيتها ويتحكم خلاص كإنه بقى زوجها كده مبقاش خاطب كده كإنه زوج ومش من حقه وهوة خاطب يطلب الطلب ده |
اقتباس:
امال الخاطب من حقه ايه وايه هى المعلومات اللى من حقه وايه هى الخصوصيات اللى مش من حقه بصراحة البنات بقت بتعقد الامور زيادة عن اللزوم |
طيب المفروض انه يعرف وجهة نظرها وهى ليه رافضة انه يعرف الباسورد يمكن هى تقصد حاجة بكدة
وشكرا على الموضوع الجميل اوى ده |
اقتباس:
اقتباس:
اقتباس:
هو فعلا ممكن يكون من النوعيه الي بيحبو يتحشرو في كل حاجه وده مش كويس لان كدا مش هيبقي في ثقه |
السؤال طيب بالعكس لو هى طلبت اميلك هتدهولها ولا ...؟ ــــــــــــــ طبعا هحط نفسى فى الموقف اكيد يعنى الواحد مش هيقوله جيب الباسورد انت خاصبه صح روح انت وهى على الجهاز شوف اللى عاوزه وبعد كده البنات فى قصص محرج بينهم يعنى كلام بنات زى كلام الشباب كده مع بعضيهم حاجه :d واكيد ليها اصحاب بتحكى معاهم بدل متشوف اللى ضيقك او تفهم غلط وحدك هى تفهمك شكت فى حاجه سبيها البنات كتير يا اخى:d شكرا |
اقتباس:
هى بتقول دى حاجة خاصة بيها ومش من حقه يعرفها |
اقتباس:
البنت تقعد تردد كلام مش عرفاه ثقة ثقة ثقة ما يمكن خوف عليها حب ليها |
اقتباس:
اكيد يدهولها زى ما يطلب شئ ينفذه على نفسه |
اقتباس:
يا راجل خلاص خلى يدهولها الاول بس افرض هو نية مش سليمة يعنى هو اده الباسورد صحيح وراح مغيره بعد مخد باسوردها وباسورد البنت طبعا ان حد اخده مش هيرجع تانى على راى المثل:d صحيح فين اجابات باقى الكلام اللى تحت السؤال |
اقتباس:
حضرتك بتتكلم على اتنين مخطوبين يعنى المفروض ما يعملوش زى ما حضرتك بتقول المفروض الاتنين يعرفوا عن بعض كل شئ |
اقتباس:
فعلا دى نفس وجه نظرى وانا بنت وبقول مفيهاش حاجة يا جماعة عادى مدام فيه ثقة فى النفس خلاص000 عادى |
اقتباس:
شكررا لحضرتك واتمنى البنات ما تمشيش ورا كلام جمعيات المراة والقنوات الفضائية |
اقتباس:
البنت اللى فترة الخطوبة تسلم نفس كده لولد يعنى ده بيسبب مشاكل كتير ابسطها انهم مش هيكملوا الخطوبة اساس فين كرامتها اساس يا اما انا فاهم الخطوبة غلط يا اما الناس مش عارف تفرق بين الخطوبة والجواز وكل شئ ازاى يعنى هم ومخطوبين؟ |
اقتباس:
وكرامتها انها تخبئ عليه كده هتتعود بقا لحد الزواج راجع نفسك يا احمد:d |
اقتباس:
انا بتكلم حضرتك على الايميل او الفيس مقلتش تقعد معاه وكدة لا طبعا انا لا اعترف بذلك نهائى حتى بعد كتب الكتاب انا قصدى الايميل او الفيس لانها طالما مفيش حاجة عادى هو بتاكد من اخلاق خطيبته ليس الا ودى وجهة نظرى واتمنى محدش يفهمنى غلط |
أولا:هو خطيبها مش جوزها ومينفعش تكلمه كدة الا ميكون على علم من حد عندهم فى البيت ويكون قاعد معاها ثانيا:هو ليه عاوز يعرف الباسوورد لما الواحد يخطب وحدة المفروض يكون واثق منها تماما وعلى علم باخلاقها والا لم يكن المفروض كان يتأنى قبل القرار ده رأيى |
اقتباس:
احنا ليه دائما ننظر لمراة على انها الاقل مشاعر والاقل اخلاق ونظرة من فوق ليها وهى هتخبى ايه وانت لو موثقكش فيها تخطبها ليه البنت اللى عاوز تعمل اى حاجه وحش ممكن يكون عندها اكتر من ايميل واكتر من بروفايل واكتر من عضوية وتخدعك لو انت حتى هو متزوجاك ولكن فى حين العكس خالص يا اخى الكريم البنت دى ممكن تديك بسهولة الباسورد العائلى اللى بتوريه ل ماما و بابا والباسورد المسخرة مستخبئ اللى عاوز يخدع نفس هيخدعها واللى عاوز يوهم نفس هيوهمها بس كفاية كده |
اقتباس:
فعلا كلام مظبوط حضرتك ودى كمان احدى وجهات نظرى وانا قصدى انها ان كانت واثقة انها بتدخل بهدف علم على النت وتفيد الناس فى الدين يمكن لانى شايفة عادى انه يشوف ايميلها وكدة وممكن يكون اختبار منه يشوف ثقتها فيه بس برجع واقول مفيهاش حاجة وكمان انا مع تائبة فى كلامها يعنى احنا مننساش ان دى وجهات نظر لكن طبعا هى مبتكلمش خطيبها ده غير فى وجود محرم طبعا وغير ذلك لا طبعا ولا يجوز وحرام 0000 |
طيب وليه هيطلب منها الباسورد غير انه يكون فعلا مش واثق فيها
وزى ما (( احمد ابو الفتوح 2020 )) قال انو بيبقى فى مواضيع بين البنات مينفعش خطيبها يعرفها او ع الاقل افرض فى مشكلة تخص واحدة صاحبتها ومينفعش خطيبها يعرفها وافرض حاجات تانية كتير وبص للموضوع من جميع الجهات بعدين دا كمان بيبقى على حسب شخصية البنت يعنى ممكن متحبش السيطرة التامة عليها او معتبرة ان دا من خصوصياتها ومينفعش حد مهما كان يطلع عليه ... |
اقتباس:
لا وجهة نظرة سيادتك محترمة اقتباس:
كلام حضرتكى واستاذة تائبة محترم جدا شكرا استاذة لؤلؤة |
هو لازم الاول يوضحلها وجهة نظره فى انه عاوز يعرف الباسوورد وان موافقش وصمم انه ياخده تقول لوالدها مثلا او اخوها يتكلم مع الشاب ده ويشرحله السبب وراء الكلام ده.... وأؤكد يعنى المفروض طالما البنت على خلق ودين يبقى مفيش قلق...والبت المفروض تستخدم النت فى حاجة تفيدها دينيا ودراسيا والكل يكون عارف كدة ...مش كل همها مواقع التواصل الاجتماعى... وأهلها يعنى المفروض يكون على وعى باللى بنتهم بتعمله.. مثلا ابحاث والدها عاف انها بتعمل كدة ..واشياء من هذا القبيل وباختصار لو طلعت وجهة نظره صح تديله الباسوورد ع طول وبعدين البنت المفروض يعنى ميكنش لها شخصية مستقلة نهائيا ومتكنش بردة امّعة لانها بنت مش زى الولد وبردة الولد مش يكون له شخصيته المستقلة سواء عن اهله او زوجته واولاده....وبعدين ده كله لو قرينا ازاى الحب يكون فى ظلال بيت النبوة هيريحنا من الكلام ده كله... وحكم حديث الخاطب مع مخطوبته الا للضرورة وبعلم اهلها |
اقتباس:
وجهة نظر سيادتكى محترمة شكرا استاذة اسماء |
وارجع اقول ف الاخر
يقطع النت ع النتيتة عاللى عاينتتوا عليه :p |
اقتباس:
راى محترم استاذة تائبة شكرا |
اقتباس:
وصحيح على رايكى كلنا هنقول كده:d |
اقتباس:
هو علشان قلها عاوز الباس يبقى مش واثق فيها مش عارف بتاخدو الموضوع لجزئية تانى خالص وليه ما يبقاش ثقة متبادلة بين الاتنين |
اقتباس:
اكيد اللى هيخطب وحدة هيكون واثق فيها طبعا بس شئ عادى لما يطلب منها شئ وهى المفروض يكون عندها ثقة فى نفسها مش تفتكر ان ده شك فيها |
اقتباس:
خلاص تريح دماغها ودماغه وتكسر الكمبيوتر خالص وتعتزل النت:p |
اقتباس:
حضرتك اللى رجعت لموضوع الثقة تانى....ولا مفهوم الثقة ازاى؟؟ أى حاجة كدة تقولها لخطيبها وافرض يعنى محصلش نصيب ! عموما يعنى المفروض الخاطب ميكلمش مخطوبته الا على اعين اهلها الشرع قالنا كدة... ...لأن ممكن زى مالاخت اسماء قالت بتتكلم هى وبنات صديقاتها ومش عاوزين حد ومينفعش هو يعرفه... لو هو عاوزه لغرض معين يتاكد منه يسأل أهلها هم يعرفوا طباع بنتهم ...... وطبعا البنت اللى على دين بتكون واثقة فى نفسها بس المفروض تعرف هو عاوزه ليه؟؟ دى اهم نقطة حتى لو قالها دانا عاوزة اتأكد من حاجة فى دى تديهولوا بس بشروط.... |
اقتباس:
الثقة ان كل واحد فيهم يبقى عارف عن التانى كل شئ متكونش فى حاجات مبهمة ومحتاجة لتوضيح وانا متفق معاكى فى كلامك عن الشرع بس اللى بيحصل فى الواقع غير كده خالص يعنى دلوقتى اى اتنين مخطوبين بيتكلموا فى اى شئ وفى اللى بيخرجوا كمان وبيتكلموا فى التليفون ليل نهار عادى لو فيه اسرار مش لبنات تحذف الكلام ده قبل ما تديهوله والاهل اكيد مش هيطلعوا بنتهم غلطانة يعنى وايه هى الشروط بقا |
اقتباس:
لو سمحت بس بعيدا عن الموضوع...(مينفعش الواحد يعمل زى مالناس بتعمل وعارف ان ده حرام،ربنا مش هيحاسب الناس مكانه) عموما نتماشى مع الموضوع:هو ليه عاوز يعرف الباسوورد؟؟ لما اعرف هو عاوز الباسوورد ليه؟؟ساعتها بس الشروط هتبقى محددة والله لو طبقنا الشرع فى غنى عن الكلام ده بس ربنا يهدينا ويهدى الجميع |
اقتباس:
انا مش بقولك يعملوا زى ما الناس بتعمل انا بكلمك عن امر واقع بيحصل فى المجتمع ومش تقدرى تنكريه هو لازم يبقى فى سبب عاوزه ليه افرض طلب منها ده يشوف هتسمع كلامه ولا لا وهيكون رد فعلها ايه اكيد بس محتاجين وقت علشان نطبق الشرع والناس تلتزم بده |
اقتباس:
طبعا فى ناس زى محضرتك وبتقول وفى ناس التانية بتعمل الصح اللى دينها قالها عليه هو لو كان من الاول فى ثقة مابينهم وهو بيحترمها وبيحترم شخصيتها وهى كذلك بردة وفى احترام مابينهم يبقى هتديهولوا من غير كلام بس اى بنت هتسال نفس السؤال انت عاوزه ليه؟لو قال كدة وخلاص هتعاند والله منى مديهولك 99% من البنات هيقولوا كدة انما 1% وممكن ميكملش تديهولوا من النوع الكسول ده فاستحالة تلاقى بنت تدى الباسوورد لخطيبها والله ده رأيى وانا فهمت من خلا ل كلام حضرتك انك عاوز حد يقول تديلوا الباسوورد ع طول |
والله موضوع رائع ومن الواقع فعلا .. وعلى فكرة شدنى العنوان جدا لان انا دايما اطبق المقولة دى على نفسى واعتز جدا بعقلى وشخصيتى .. والله انا شايفة ان اراء البنات انقسمت بين مؤيد ومعارض .. وانا عن نفسى من المعارضين للفكرة .. خلينا نتكلم بصدق اكيد فيه هدف من المطلب ده اما عدم ثقة او فضول قاتل او مجرد تحكم وسيطرة على الفاضى وده واضح من كلام حضرتك فى رد على مشاركة انك قلت ممكن يكون عايز يعرف هتسمع الكلام ولالاء .. تفتكر حضرتك دى اسس صحيحة لعلاقة مستقبلية قوية .. المهم نرجع لموضوعنا .. انا شايفة ان البنت حرة فى قرارها وعلى الخطيب تفبله بصدر رحب .. ولو فكر كويس هيلاقى طالما عارف اخلاقها كويس ان ده نوع من الامانة .. ازاى تكشف اميلات اصحابها واسرارهم قدامه .. هل ده جزء من علاقتها بيه !! واعتقد لو عملت ده من الممكن انها تخرج اسراره هو كمان .. ما هو مفيش مبدأ ولا امانة وبالتالى المفروض يحترم وجهة نظرها .. المعروف ان البنت بتستخدم الميل كطريقة للتواصل مع صحباتها نتيجة لوجودهم بالبيت فترة طويلة .. وبيتفرعوا فى احاديثهم .. هل ببساطة ممكن تعرف خطيبها حاجات زى دى كالموضة وما شابه هل دى مفيدة ليه !!! استاذ عاشق الامر بسيط جدا .. وهسأل حضرتك سؤال بسيط وحط نفسك فى نفس الوضع هل لو خطيبتك طلبت منك ارقام موبايلات اصحابك الشباب هتوافق !!! نفس المبدأ ما انتم مش بتعملوا غلط وهى عايز تعرفهم برضو .. تفتكر توافق !!!!!!!! جزاكم الله خيرا على الموضوع .. |
اقتباس:
لا كل شخص ليه وجهة نظره اللى تحترم والاختلاف فى الرائ لا يفسد للود قضية بس العناد من الاول بيجيب مشاكل كتير ولو باس هتعمل كده امال لو حاجة اكبر هتعمل ايه |
اقتباس:
اكيد طبعا البنت لازم يكون ليها شخصية ومثقفة وبتعرف كل شئ علشان تعرف تتحاور مع جوزها فى البيت بس مش تقول شخصيتى وعقلى على حساب بيتى وزوجى بس على فكرة المؤيدين للفكرة اكتر:p يعنى مش تسمع كلام ولا ايه هو مش القران والشرع قال على الزوجة اطاعة زوجها واذا مكنش هتسمع كلامه من الاول يبقى خلاص هتتعود على كده واعتقد لو هى واثقة فيه مش هتخاف يشوف اميلات صحباتها لازم تكون متاكدة انه مش هيبص لغيرها والا كده خايفة يتعرف على وحدة من صحباتها ويسيبها ومش كل البنات بتكلم اصحابها البنات فى بنات ليها صحاب ولاد وسؤال حضرتك غريب ولا يمكن مقارنته بطلب الباسورد اسمحيلى لو وحدة طلبت كده يعنى يبقى مش محترمة |
اقتباس:
مش عارفة هتعمل ايه ...ممكن تسأل اى وحدة بتعمل كدة.!! لان والله الواحد عمر مفكر ان ده ممكن يحصل لان كلنا عارفين فى بعض بيطبق والتانى بيتناسى او بيتجاهل ان الكلام بين الخاطب ومخطوبته يكون فى حدود وعلى علم ومليش دعوة بقة بالناس اللى فى المجتمع دينى بيقول كدة يبقى اطبقه ولو البنت بتعمل حاجة ومتأكدة انها مش غلط هتتكلم على الملأ قدام الناس عادى يعنى وربنا يهدينا ويهدى الجميع والشريعة عمرها مهتتطبق الا لما نفس الانسان هى اللى تطبقها الاول.... انا كنت فاكرة ان كل الناس او حتى معظمهم بيعملوا بالكلام دة بس للاسف الواحد يعيد نظره فى الامور |
اقتباس:
بصى انا بؤؤيد كلامك كله عن الشرع والدين ومش مختلف فى ده بس فى نفس الوقت شايف واقع قدامى فانا بتكلم عن ده ولو حضرتك شايفة المخطوبين مش من حقهم يتكلموا فاكيد حضرتك مصاحبة بنات على المنتديات وفى بنات منهم مصاحبين ولاد ويتكلموا عادى وهى دى الحقيقة للاسف |
انا لو مكان البنت دى والله اديهوله من غير كلام لان دا خطيبى اللى هيبقى زوجى لو حصل نصيب واللى هنبقى حاجة واحدة بس مفيش حاجة حد يخبيها ع التانى مهماااااااا كانت
لكن حكاية لو سبها وكدا هو عمره ماهيعمل حاجة بإيميلها غلط ولا هيأذيها بحاجة دى وجهة نظرى |
اقتباس:
ليه مش محترمة هى مش هتستخدمهم .. زى ما هو مش هيستخدم الميل بس لازم زى ما حضرتك بتقول الامور تبقى واضحة ومش يخبوا شئ على بعض مفيش خصوصية زى ما حضرتك بتقول .. نهاية الامر ان هتفضل البنت مظلومة بافكار غريبة .. لمجرد رفضها شئ من حقها بتعتبر غلطة لا تغتفر واكيد اكيد بتعمل غلط او خايفة من شئ .. ولما تطلب طلب بسيط زى طلبه ومش هتستخدمه لمجرد الفضول زيه ..بقت مش محترمة .. كده يبقى انت اكيد فى مصر :078111rg3: جزاكم الله خيرااا |
تدي البنت الباسورد لو كان زوجها مش خطيبها
لإن الخطيب لحد ما غريب مش معنى انه خطيب يعني خلاص يبقى زي زوجها خلاص بقى يتحكم ويقولها هاتي واعملي وووو فترة الخطوبة ديه تقريبا للتعرف ولمعرفة معلومات عن الطرف الاخر بس يعني مش يحق ليه ياخد الباسورد بتاعها زي ماقولت لانه يعتبر غريب |
| جميع الأوقات بتوقيت GMT +2. الساعة الآن 07:40 PM. |
Powered by vBulletin® Version 3.8.11
Copyright ©2000 - 2024, Jelsoft Enterprises Ltd.