السلام عليكم ورحمة الله وبركاته

الموضوع ده خاص بكلية العلوم وطلابها :)
هنتناقش فى اى مواضيع تهمنا......هنشرح لبعض المواد الصعبة ونساعد بعض فيها.......الطلبه الاكبر هيدوا للطلبة الاصغر الخبرة اللى اكتسبوها فى الكلية ;) .........هنتكلم فى همومنا ..احلامنا وطموحتنا وازاى ممكن نحققها.......ومواضيع تانية كتير إن شاء الله :rolleyes:

وطبعا المنتدى مفتوح لضيوفنا من الكليات التانية ينورونا B)

فى انتظاركم......ويا رب فكرة الموضوع تعجبكم :rolleyes:

فكرة رائعة يا أميرة وبالتوفيق وأثناء درستى فى كلية العلوم قسم كيمياء كنت محتاج حد يأخذ بأيدى فعلا" خصوصا" فى السنين الأولى

شكراااا جزيلاااا على تشريفك للموضوع يا استاذ جمعه وعلى مرورك الجميل
والحمد لله ان الفكرة عجبت حضرتك
ويا رب تتنفذ
وعايزين مشاركات حضرتك الجميلة معانا إن شاء الله

فكرة جميلة يا أميرة،، وإن شاء الله تقدروا تفيدوا طلبة كلية العلوم..
جزاكِ الله خيراً..

اكيد جميله اوى الفكرة يا اميرة ويلا عايزين تنفيذ انا معاكم انا اولى علوم طبيعية ويارب اقدر افيد
وشكرا ليكى بجد مبادرة حلوة اوى منك ياريت نشوفها من اعضاء فى كليات تانية:)

فكرة حلوة يا أميرة
يلا ربنا معاكوا و تفيدوا بعض

شكرا جزيلا على ردودكم الجميلة والمشجعة دى

ويلا نبدأ باى حد عنده اى استفسار او سؤال...............

انا عاوزة اسأل عن شروط القبول بقسم الفلك و علوم الفضاء بكلية العلوم جامعة القاهرة..
اصل انا كنت فى علوم عين شمس و عاوزة احول علوم القاهرة ان شاء الله السنة الجاية.. :)

إن شاء الله يا راؤولينا اجيبلك الشروط قريب جدا

واسفة اوى على التأخر فى الرد
وربنا يوفقك يا رب

<div class='quotetop'>إقتباس(راؤولينا @ Apr 29 2007, 11:09 PM) [snapback]299620[/snapback]</div>انا اسفة جدا على التأخر الشديد فى الرد يا راؤولينا بس انا استنيت اللائحة الجديدة لغاية مانزلت علشان النظام عندنا فى الكلية اتجدد خالص :unsure:

شروط القبول:_

الحصول على تقدير "جيد" في مقررات التخصص

فلك منفرد
العدد الاقصى للطلاب المقبولين 30

علوم فضاء منفرد
العدد الاقصى للطلاب المقبولين 10

فيزياء / علوم جوية
العدد الاقصى للطلاب المقبولين 10

فيزياء / فلك


بس انا مش عارفة انتى لو حولتى علوم القاهرة إن شاء الله ,هيمشى عليكى النظام القديم ولا الجديد , بس انا هسأل فى كدا إن شاء الله , لو ماكنتيش عارفة

سلام

ازيكم يا جماعه
يريت تقبلوني معاكم في المنتدى
انا محمود من المنصوره
طالب بكلية العلوم جامعة المنصوره الفرقه الثالثه special chemistry department
يريت اكون صديق ليكم و كلنا نستفيد من بعض
مع خالص تحياتي

العميل الاحمر

السلا م عليكم يا جماعة انا عمرو -كلية علوم -ان شاء الله داخل رابعة كيمياء خاص-0---كيميائى00000
ولله الحمد والمنة التلت سنوات الماضية تقدير امتياز كل سنة -جامعة الزقازيق
من يريد السؤال او يريد النقاش عن اى شىء اخر ان كنت ادرى ما ابخل عليه :o

عايزه اسأل

هي ايه الاقسام اللي في كلية العلوم جامعه عين شمس؟

اهلا وسهلاااااااا بيك يا cyrix فى منتدى كلية العلوم واكيد طبعا نقبلك فى المنتدى :rolleyes:
ومستنيين مشاركاتك معانا إن شاء الله


اهلا وسهلاااااا بيك يا chamr معانا فى المنتدى وعليكم السلام ورحمة الله وبركاته
وما شاء الله ربنا يباركلك وتستمر فى هذا التفوق :)
ومستنيين مشاركاتك معانا هنا

اهلا وسهلاااااا يا dodo34342000 فى منتدى كلية العلوم
ودى اجابة سؤالك:_

اقسام كلية علوم _ جامعة عين شمس:_
الكيمياء _ الفيزياء _ الرياضيات _ النبات _ الحيوان _ الحشرات _ جيولوجيا _ ميكروبيولوجى ( احياء دقيقة ) _ كيمياء حيوية _ جيوفيزياء

وده موقع الكلية لو عايزة معلومات اكتر عنها :
كلية علوم عين شمس


واهلا وسهلا بيكم جميعا ونورتم المنتدى :rolleyes: B) ;)

البيولوجيا الجزيئية والهندسة الوراثية فى اى قسم ؟؟

وايه نظامها ؟؟

يا جماعة ايه اخبار التجهيزات و المعامل و كده ؟ انا كل ما اقول لحد عايزه ادخل علوم يقوللي انتي مجنونة

السلام عليكم ,,
اولا شكرا ليكي يا اميرة ع الموضوع ده
ثانيا انا كنت عاوزة اسال عن كلية علوم
هل التخصص بيبقي من اول سنة وللا ايه ؟؟
يعنى مثلا انا عاوزة اتخصص علوم كميا
هل بادرس كل الفروع اول سنة وبعد كدة اختار وللا من الاول باختار اللى عاوزاه
ولو هاخد كله ف اول سنة هل يشترط انى اجيب تقدير معين عشان ادخل قسم اللى عاوزاه وللا عادى

وهل لسا فيه نظم ان اللى يجيب تقدير ف اول سنة يقدر يحول لصيدلة مثلا وللا خلاص
و ايه مجالات العمل لخريجى كليه العلوم


اسفه للاطالة و يا ريت تفيدونى لانى لسا محتارة ادخلها وللا لا
لان كتير يخوفونى منها

شكرا

اولا اشكرك على موضوعك الرائع ده والي حيفيد ناس كتير اوي
نيجي لسوالي بقى ايه الكمبيوتر سينس وهل هي في كليه العلوم وايه شروط دخولها وانا علمي رياضة ينفع ادخلها ولا لا

سؤال اخر اسف جدا

هل انا علمي رياضة ينفع ادخل جولوجيا وهل في تخصص بترول؟

فكرة جميلة جدا على فكرة
و ياريت تتنفذ

على فكرة انا احمد اولى علوم بيولوجى اسكندرية(للاسف :) )

شكرا اوى ع الفكرة الجميلة واتمنى عبقرينو بعد كده يعمل اقسام منفردة للكليات العلمية لانها صعبة ومحتاجة تجمع لاكبر عدد من الاعضاء عشان كل واحد يساعد التانى


انا بقى ليا شوية اسئلة

1- ايه المطلوب عشان اكون معيد فى الكلية وهل لو ما بقيتش معيد ايه الخطة المطلوبة عشان اكون استاذ بالكلية فيما بعد
2 - انا متردد لحد الآن بالنسبة للكلية وخايف اوى من لقب "مدرس" - مع احترامى لجميع المدرسين طبعا وانا بكن لهم كل الاحترام وكلهم على راسى من فوق ولكن المشكلة تخصنى انا فانا لا اتوقع ان اجدى فى هذه المهنة - فهل يوجد مهن اخرى غير التدريس متوفرة لتخصص الرياضيات البحتة وعلوم الحاسب ؟
3 - هل جامعة عين شمس افضل من القاهرة من حيث وفرة المعامل والامكانات والمادة العلمية وهيئة التدريس ؟
4 - هل ممكن فيما بعد انى اخد دورات برمجة وجرافيك وتصميم مواقع واكون بنفس كفاءة خريج حاسبات ومعلومات او هندسة قسم حاسب الى ؟؟!!!!
5 - ايه المواد اللى يتم تدريسها فى سنة اولى ( العلوم الطبيعية ) ؟

معلش الاسئلة كتير وانا عايش فى جو من القلق النفسى وارجو ان حد يجاوبنى ويريحنى سواء طلبة او خريجين

<div class='quotetop'>إقتباس(اينشتاين @ Aug 8 2007, 07:14 AM) [snapback]344901[/snapback]</div>اولا انا عايزة اقوللك انى زى حضرتك بالظبط فى كل حاجة كان نفسى ادخل حاسبات او هندسة لكن القدر وانا دلوقتى مفيش قدامى غير علوم بس يا رب الحق فيها عين شمس

احب اجوببللك على بعض اسئلتك اللى سئلت عنها طبعا

اولا علوم مبتطلعش مدرسين غير اللى عايز يبقى مدرس وعندك مليون قسم اههمهم الجيوفيزياء اللى بيطلع زى مهندسين البترول وشغلتهم تحفة انا عدى ابن خالتى دخل علوم ودخل القسم ده وما شاء اللع عليه بعد ما اتخرج

هو بقى بتهيالى جامعة القاهرة احسن بكتير من حيث المعامل وكده

بس حسب بقى التويع الجغرافى


- هل ممكن فيما بعد انى اخد دورات برمجة وجرافيك وتصميم مواقع واكون بنفس كفاءة خريج حاسبات ومعلومات او هندسة قسم حاسب الى ؟؟!!!!


انا نفسى موت فعلا اعرف اجابة السؤال ده لانى فعلا نفسى ابقى بكفاءة خريج حاسبات حتى لواخد كورسات طول عمرى وياريت لو فيها تعليم مفتوح او اى حاجة

بس اللى سمعته بجد عن علوم بيقول انها كلية جميلة جدا ومش صعبة بالقدر اللى ناس بتقول عليه

والله الموفق

شكرا لمساعدتك بس انا كنت اقصد بالتدريس قسم الرياضيات والحاسب الآلى وعايز اعرف ايه المهن المتوفرة للقسم ده وربنا يوفقنا جميعا وللاسف المجتمعات المتخلفة زى حالاتنا عندها تصور سىء اوى للكلية

انا متشكر اوى اوى ليكى وبالتوفيق ان شاء الله :) :)
الف شكر

[/CENTER]
[/CENTER]
[/CENTER]
[/SIZE][/quote]

شوية معلومات لقيتهم يارب يفيدوا

ودى فرص العمل المتاحة للخريج بتاع قسم الرياضيات





* القيام بالأعمال المتعلقة بالبنوك والتدقيق الحسابي
* تطوير واختبار البرامج

* إدارة نظم الحاسب في الشركات


* باحث : تتعلق أعمال الوظيفة بالقيام بأبحاث ودراسات في المراكز البحثية وذلك بالاستفادة من المعلومات والإحصائيات المتوفرة وتحليلها واستخدام النماذج الرياضية التي سبق أن درسها

* التدريس
* مبرمج حاسب آلي : إعداد وكتابة البرامج بإحدى لغات الحاسب الآلي

* إدارة نظم الحاسب في الشركات.

* باحث إحصاء : تتعلق أعمال الوظيفة بجمع المعلومات وإعداد البيانات والأرقام الإحصائية وتحليلها وإخراج هذه النتائج وتعميمها .

ربنا يخليكم على المعلومات الهايلة

بس كنت عايزة اعرف هو فى قسم فى علوم القاهرة اسمه حاسب سبشيال وشكرااا

هو يزعم ان القسم دة مش موجود غير فى عين شمس
بس

طب فى قسم جديد فى علوم القاهرة اسمة (البيو تكنولوجى )حد يعرف دة عبارة عن اية و اية الوظايف المتاحة من القسم دة

و ياريت تقولوا اية هو احسن قسم فى كلية العلوم علشان انا داخلة علوم القاهرة ان شاء الله السنة دى

اولا اعتذر للجميع عن غيابى فى الايام السابقة وده كان بسبب المشاكل اللى كانت فى المنتدى اللى كانت بتخلى بعض الكمبيوترات ماتقدرش تدخل على المنتدى بس الحمد لله المشكلة اتصلحت :D :)

وانا ملاحظة إن النشاط زاد الحمد لله فى الموضوع وده شاء يسعد جدا
واهلا وسهلا بكل الموجودين ;)

<div class='quotetop'>إقتباس(Y U N A @ Jul 4 2007, 04:15 AM) [snapback]340401[/snapback]</div>فى قسم جديد فتح السنة اللى فاتت فى جامعة القاهرة متخصص فى الفرعين اللى بتسأل عنهم وهو قسم برسوم دراسية خاصة غير باقى الاقسام وبتكون غالية شوية حوالى 8 الاف تقريبا بس انا ممكن اتأكدلك عن الرسوم ايه بالظبط لو عايز

وربنا يوفقك يا رب

<div class='quotetop'>إقتباس(dodo34342000 @ Jul 19 2007, 04:12 PM) [snapback]340901[/snapback]</div>ههههههههه ماتقلقيش يا دودو انتى لسه سليمة :D
احنا عندنا معامل وتجهيزات كويسة الحمد لله طبعا مش على المستوى المطلوب اوى بس فى نفس مستوى باقى الكليات فى مصر

<div class='quotetop'>إقتباس(*Pretty * @ Jul 21 2007, 04:57 AM) [snapback]341413[/snapback]</div>وعليكم السلام ورحمة الله وبركاته
العفو يا Pretty على ايه :rolleyes:
وبالنسبة لاسئلتك:_

_التخصص بالنسبة لعلوم القاهرة بيبقى من سنة تانية لبعض الاقسام ومن سنة ثالثة لاقسام تانية , لكن فى تخصص اولى كدا من سنة اولى وده بيخليكى تتخصصى فى مادتين بس وتأخدى اربع مواد تانية اجبارى منهم مادة اللغة الانجليزية ودى ترم اول بس , لكن التخصص النهائى زى ما انا قلتلك كدا فى سنة تانية او تالتة حسب القسم اللى انتى عايزاه

_ولو اخدنا مثلا انك عايزة تتخصصى فى الكيمياء , فهيبقى عندك خيارين:_

1_ انك تتخصصى كيمياء مذدوج يعنى تتخصصى فى الكيمياء ومادة تانية والمادة التانية دى بتكون يا اما مادة من مواد البيولوجى ( الاحياء ) وهما : الحيوان او النبات او الحشرات _ والتخصص هنا بيكون من سنة تالتة بعد ما تدخلى قسم كيمياء بيولوجى فى سنة تانية ونبات حيوان فى سنة اولى.
يا اما تكون مادة الفيزياء _ والتخصص هنا بيكون من سنة تانية وتكونى دخلتى اى قسم من سنة اولى

2_انك تتخصصى كيمياء منفرد , يعنى تدرسى كيمياء بس والتخصص هنا بيكون من سنة تالتة بعد ماتكونى دخلتى قسم ( كيمياء فيزياء ) فى سنة تانية_ بس لاحظى انك علشان تتخصصى منفرد لازم تجيبى تقدير جيد جدا على الاقل فى سنة تانية وجيد جدا فى مواد الكيمياء كلها اللى درستيها فى سنة اتنية _ بس بجد القسم ده جميل وعليه اقبال كبير جدا فى الكلية علشان كدا شروطه جامدة شوية

_ والنسبة للدراسة فى سنة اولى فانتى زى ماقلتلك بتختارى مادتين تذاكريهم وبيكون معاهم اربع مواد اجبارى هم:_
الكيمياء _ الفيزياء _ الرياضيات _ الإنجليزى ( ترم اول فقط ).

_ وفى اقسام علشان تدخليها بتشترط تقدير معين زى الكيمياء وفى اقسام لأ , بس كل الاقسام المنفرد بتشترط تقدير بس بيختلف من قسم لقسم.
وفى مواد كدا اضافية بتكون دراستها بالفربى زى حقوق انسان وحاسب الى وكدا

_وبالنسبة للتحويل لصيدلة فده اتلغى خلاص من الكلية.

_ وبالنسبة لمجالات العمل لخريجى علوم فهى كتيرة والحمد لله وكل قسم ليه مجالات شغله الخاصة بيه , ومثلا قسم الكيمياء من اكتر الاقسام اللى ليها مجالات عمل كتير ومنها:_
شركات الادوية _ معامل التحاليل _ مصانع كيميائية _ مستشفيات ..........................الخ ;) :D

ولا تتأسفى ولا حاجة احنا فى خدمتك :)
ويا رب اكون افدتك ولو عايزة اى اسئلة تانية اسئليها على طول.

<div class='quotetop'>إقتباس(البروفسور @ Jul 21 2007, 09:06 AM) [snapback]341452[/snapback]</div>العفو يا البروفسور B) ويا رب فعلا يفيد ناس كتيرة :rolleyes:
وبالنسبة لسؤالك:_
فعلا كلية العلوم فيها قسم كمبيوتر منفرد وقسم رياضة وكمبيوتر وشروط دخولها انك تكون علمى رياضة وكويس انك كدا فعلا :D وساعات بتتطلب تقدير معين على حسب كل سنة تقريبا, و على فكرة القسم ده جميل جدا وليه شغل كتير برضه ;) .

وبالنسبة لسؤالك التانى , واسأل برحتك ولا يهمك :rolleyes: :_
اكيد ينفع تدخل قسم جيويوجيا خاصة ً انه دلوقتى بيطلب علمى رياضة بس :) والقسم ده بيطلع تخصص بترول وممكن تشتغل منه فى شركات تعدين وبترول وكدا ;) إن شاء الله , هو وقسم جيوفيزياء كمان .

ربنا يوفقك ولو فى اى اسئلة تانية اسئل على طول.

<div class='quotetop'>إقتباس(البحـــ مندىــــــار @ Jul 22 2007, 11:23 AM) [snapback]341745[/snapback]</div>بالنسبة لجامعة القاهرة ففى قسم فيزياء منفرد ممكن منه تدرس فيزياء نووية من سنة تالتة.
لكن بالنسبة لباقى الجامعات فالحقيقة انا معرفش للاسف الشديد و يا ريت لو حد تانى عنده معلومة عنها يقولنا :unsure:


<div class='quotetop'>إقتباس(اينشتاين @ Aug 8 2007, 08:14 AM) [snapback]344901[/snapback]</div>اهلا وسهلا بيك يا اينشتاين وشكرا على تشجيعك

وبالنسبة لأسئلتك:_

1- المطلوب لتكون معيد انك تطلع من الاوائل على قسمك ودى مش حاجة صعبة على فكرة الحمد لله وخاصة لو القسم عدد الطلبة اللى فيه قليل شوية , ولو مابقتش معيد اولا ممكن لو اتخرجت بتقدير حلو تتعين معيد فى اى كلية تانية زى هندسة مثلا خاصة ً الجامعات الخاصة , وممكن كمان تحضر تمهيدى وبعدين ماجستير ودكتراه .
لكن بالنسبة لتكون استاذ بالكلية من غير ما تبقى معيد فاللاسف انا معرفش ازاى بس ممكن اسئلك إن شاء الله وارد عليك.

2- انا عايزة اقولك ان دلوقتى تعتبر اخر وظيفة لخريج علوم هى التدريس وده علشان الوظيفة دى بيفضلولها خريجين كلية التربية , وعلوم ليها وظائف تانية كتير جدا واعتقد ان الاخت THE_SAD_SMILE ردت على السؤال ده كويس جدا وليها منى جزيل الشكر ولو عايز اى استفسار تانى بخصوص الموضوع ده قولى وانا اسئلك زمايلى اللى فى الاقسام دى ;) .

3-اعتقد ان علوم القاهرة تعتبر احسن كلية علوم فى مصر , خاصة من ناحية التنوع فى اقسامها وكمان يعتبر هيئة التدريس عندنا من اضخم واعرق هيئات التدريس فى كليات العلوم , لكن بالنسة للمقارنة مع جامعة عين شمس فانا ماقدرش افيدك اوى للاسف بس انا عن نفسى بفضل القاهرة خصوصا للمميزات اللى قلتلك عليها , وكمان احنا دلوقتى فى القاهرة عندنا نظام جديد للى داخل جديد وهو نظام الساعات المعتمدة وده نظام جميل جدا ومش موجود إلا فى علوم الاقهرة على حد علمى ,وماتنساش حاجة مهمة جدا انك لو رحت اى جهة حكومية ضخمة زى مركز البحوث مثلا للتدريب او الشغل بيقبلوا علوم القاهرة بسسسس فى الغالب ودى عن خبرة شخصية , يعنى بصراحة كدا جامعة القاهرة بتفتحلك ابواب كويسة بعون الله. وفى الاخر القرار الاخير للتوزيع الجغرافى زى ما قالت hahh فعلا.


4-السؤال ده مهم اوى فعلا , وانا إن شاء الله هسألكم زمايلى اللى فى قسم الحاسب والمعيدين والدكاترة اللى اعرفهم عن السؤال ده وإن شاء الله ارد قريب. بس اعتقد انه ينفع كدا إن شاء الله.

5- النظام انك بتدرس اربعة مواد اجبارى وهى : الكيمياء _ الفيزياء _ الرياضيات _ الانجليزى (ترم اول فقط )
وبتختار تخصصين تدرسهم فى سنة اولى وهما ممكن يكونوا:_
_ مواد خاصة بعلمى رياضة مثل: جيويوجيا _ميكانيكا
_مواد خاصة بعلمى علوم مثل : بيوفيزياء_بيولوجى او بيوفيزياء_ حيوان او نبات _حيوان

وفى مواد كدا صغيرة بتكون بالعربى بتختار منها مادة الترم الاول ومادة الترم التانى وبتكون زى : حقوق الانسان او حاسب الى وحاجات كدا
وعلى فكرة النظام ده جديد مش بقاله إلا السنة اللى فاتت اوى علشاشن كدا انا مش عارفة عن المواد دى كتير بس هعرفلك من الكلية إن شاء الله من اللى كانوا فى سنة اولى السنة اللى فاتت.

_ واحب اضيف ان فى نظام الساعات المعتمدة ده فى حاجة اسمها " Summer course " يعنى لو حد شال مواد لا قدر الله بياخدها فى الاجازة ويمتحن فيها ويطلع تانى سنة بيور وده طبعا نظام جميل جدا ولسه جديد زى ما قلت.

ماتقلقش بخصوص الاسئلة عادى اسئل براحت.
واتمنى انى اكون افدتك ويا رب القلق اللى عندك ده يخلص قريب وانصحك بصلاة الاستخارة وانك تروح الكلية وتشوفها بنفسك وبجد هتحبها اوى إن شاء الله.
ولو عندك اى اسئلة اسأل على طول مفيش مشاكل وربنا يوفقك يا رب.

<div class='quotetop'>إقتباس(hahh @ Aug 8 2007, 12:54 PM) [snapback]344949[/snapback]</div>انا هسألك عن الموضوع ده يا hahh انتى واينشتاين وإن شاء الله اجاوب عليكم قريب.
وفعلا كلامك صح يا hahh عن كلية العلوم هى جميلة جدا ومش صعبة زى ما الناس بتصور بس هى محتاجة شوية اهتمام وتركيز.

<div class='quotetop'>إقتباس(hahh @ Aug 12 2007, 11:50 PM) [snapback]347022[/snapback]</div>اه فيه يا hahh والتخصص فيه بيقى من سنة تالتة بعد ما تدخلى قسم رياضة _حاسب فى سنة تانية

<div class='quotetop'>إقتباس(-سوسو- @ Aug 17 2007, 03:26 PM) [snapback]349338[/snapback]</div>اهلا وسهلا بيكى يا سوسو
القسم ده عبارة عن قسم بيدرس مواد الاحياء والاحياء الجزيئية اللى زى الخلايا والانسجة والهندسة الوراثية وحاجات زى دى , وهو قسم جامد على فكرة علشان كدا هو غالى شوية.

ومجالات الشغل كثيرة ومنها : الشركات والمصانع ومعامل الهندسة الوارثية وكذا مكان تانى.

واللينك ده بيتكلم عن القسم ده من السايت بتاع الكلية:_

http://www.science.cu.edu.eg/english...e/new-prog.htm

ولو عايزة معلومات اكتر عنه اقوليلى وانا اسألك إن شاء الله ;) .

واحب اضيف هنا عنوان موقع كلية العلوم_جامعة القاهرة , لو حد عايز يعرف حاجة معينة ,ممكن برضه يلاقيها عليه:_

كلية العلوم _جامعة القاهرة



وشكرا لكل اللى شارك فى الموضوع وشكرا للى اضاف معلومات.
وشكر خاص للاخت _ THE_SAD_SMILE_ على اضافتها الرائعة وجزاها الله كل خير.


شكرا جزيلا

يااااااااااااه
متشكريييييييييين جداجدا يا علمى علوم على الشرح الوااااااااااااااااااااااااافى ده - رغم انى فى تجارة انجليزى -
بس عجبنى ردك الوافى


شكرا

مشكورة بجد مجهود كبير اوى منك
جزاكى الله كل خير:)

ازايكم يا شباب ورجال المستقبل وعلمائه

وحشنى اوى المنتدى بس بقي جميل

انا احمد طالع تانيه جيوفيزياء عين شمس كليه علوم

و اى حد عايز اى حاجه يسال وانا اجاوب

<div class='quotetop'>إقتباس(*محب الله ورسوله* @ Aug 20 2007, 01:25 AM) [snapback]350505[/snapback]</div>الشكر ليك على مشاركتك الجميلة دى
واهلا وسهلا بيك معانا :)

<div class='quotetop'>إقتباس(_THE_SAD_SMILE_ @ Aug 20 2007, 05:28 AM) [snapback]350614[/snapback]</div>جزانا وإياكى
وشكرا على ردك الجميل :rolleyes:

<div class='quotetop'>إقتباس(geophysical....in the future @ Aug 21 2007, 10:30 PM) [snapback]351405[/snapback]</div>الحمد لله
اهلا وسهلا بيك وإن شاء الله هنستفاد منك كتير
شكرا على مرورك الكريم B)

السلام عليكم ورحمة الله وبركاته

انا اسفة يا Keee على عدم الرد برسالة خاصة وده بسبب مشاكل عندى فى الرسائل الخاصة مش مخليانى اعرف ابعت اى رسالة خالص :( :_

على فكرة انا سألتلك من زمان على التحويل بس ماكنتش عارفة ارد عليكى خالص بسبب المشاكل اللى كانت فى المنتدى واللى على الرسائل الخاصة

وانا سألتلك والموظفة فى الشئون قالتلى لازم تسألى فى جامعة عين شمس نفسها قبلى وبعدين تبقى تروحى جامعة القاهرة وتخدى اثبات حالة لو وافقوا فى عين شمس


اى خدمة ;) واسفة على التأخر

شكرا يا اميرة على تعبك معانا وخلاص انا بقيت طالب فى كلية العلوم ( جامعة القاهرة)
والكلية ماشاء الله رائعة ومطلعة ناس عباقرة بجد ووزراء كتييييييير (وزير الانتاج الحربى حاليا كمثال)
بس اكتر حاجة خانقانى حكاية الساعات المعتمدة دى ...حاسس انى مش فاهم وحتى الجدول لسه ماعملتهوش ..يا ريت لو تقدرى تساعدينى
وشكرا ع المجهود اللى بتبذليه معانا

العفو يا اينشتاين على ايه;).

واهلاااااااااااااااااااااااا وسهلاااااااااااااااااااااااااا بيك فى كلية علوم القاهرة :rolleyes:.

وكويس ان الكلية عجبتك بس معلش هتلاقى الجامعة كلها مهدودة الايام دى علشان التصليحات اللى فيها , مع انها كانت جميلة برضه قبل كدا مش عارفة مش عجباهم فى ايه:D.
وبجد انت هتتفاجىء كل شوية إن شاء الله بكم الناس العبقرية اللى اتخرجوا من الكلية دى.

ويا ترى عرفت السنتر بتاع الكلية فين ولا لسه؟ ( ماتخفش ده مش سنتر دروس ولا حاجة:D ).


وبالنسبة للنظام الجديد بتاع الساعات المعتمدة ده فمتقلقش ده نظام جميل جدا:).

ويا ترى انت اخترت خلاص القسم اللى عايزه وقدمت فيه ولا لسه؟ وهل رحت للمرشد الاكاديمى بتاعك ولا لسه؟ واخد الرقم السرى بتاعك ؟؟؟

وبالنسبة للجدول فمتقلقش برضه إن شاء الله تعرف تعمله كويس بس يا ريت بس ترد على اسئلتى علشان اعرف اساعدك إن شاء الله.


والعفو تانى مرة مافيش مجهود ولا حاجة:rolleyes:.

شكلك علوم القاهرة مادام عرفتى بالهد اللى بيحصل :D
المهم انا حضرت الاجتماع بتاع العميد وخدت دليل الارشاد الاكاديمى ( الاصفرانى ده )
وبعدين اول امبارح تقريبا رحت للمرشد الاكاديمى ( كان دكتور شريف خيرى باين )
وفهمت هعمل الجدول ازاى بس الرقم السرى ده اجيبه منين
وحاجة كمان معقدانى
هى المحاضرة النظرى بتبقى ساعتين فهل تتحسب ساعتين معتمدتين ؟والعملى التلات ساعات بيتحسبوا ساعة مع العلم ان الرياضيات مثلا ست ساعات معتمدة فهل ده معناه انها هتبقى محاضرتين نظرى ومحاضرتين عملى طول التيرم:confused:
وانا هدخل جيوفيزياء( برغم تحذيرات الجميع من الصعوبة المفرطة ) فهل معنى كده انى احط جيولوجيا وجيوفيزياء مع الرياضة والكيمياء والفيزياء ؟
نسيت اسألك ...هل التقديم للقسم له اجراء معين ولا مجرد اختيارى لمواد التخصص يكفى ؟
تعبتك معايا يا اميرة معلش :D

هههههههههههههه انا فعلا علوم القاهرة:d
طب كويس انك عملت الحاجات دى كلها وعرفت تعمل الجدول وبالنسبة للرقم السرى فانت بتاخده من شئون الطلبه

بالنسبة للساعات المعتمدة:_

معيار الساعة المعتمدة :
أ - بالنسبة للمحاضرات النظرية:
تحتسب ساعة معتمدة واحدة لكل محاضرة مدتها ساعة واحدة أسبوعيا خلال الفصل الدراسى الواحد .
ب- بالنسبة للدروس العملية والتدربيات التطبيقية:
تحتسب ساعة معتمدة واحدة لكل فترة عملية أو تدريبية مدتها من 2 إلى 3 ساعات أسبوعيا خلال الفصل الدراسى الواحد .


وبالنسبة لقسم جيوفيزياء فهو قسم جميل جدا على فكرة ما شاء الله ومش صعب اوى كدا زى ما بيقولوا وليه فرص عمل كتيرة وخاصة فى شركات البترول والشركات الاجنبية فى مصر وعلى فكرة بقى عليه اقبال شديد دا حتى فى طلبه بقوا يختاروه بدل قسم جيولوجيا.

وفعلا انت كدا المفروض تختار جيوفيزياء وجيولوجيا فى سنة اولى بجانب المواد الاجبارى ومتطلبات الجامعة ( زى حقوق انسان وحاسب الى وكدا ... ).


وعلى فكرة انا فى قسم بيوفيزياء منفرد , يعنى قسمنا جنب قسمكم:d .


وبالنسبة للتقديم للقسم فانت بتكتب المواد اللى عايزها مع المرشد الاكاديمى وهو بيساعدك وبيملى معاك الاستمارة بتاعت التقديم وبيمضى عليها وبعدين انت بتاخدها وتقدمها للشئون تقريبا . بس مش انت قابلت المرشد بتاعك خلاص طب ليه لسه ماقدمتش للقسم؟؟؟ وعلى فكرة انت ممكن تسال المرشد بتاعك فى اى حاجة انت عايزها حتى ممكن تستخيره فى القسم اللى تدخله وهو بيساعدك جامد باذن الله لانه بيسالك على ميولك ومنها بيعرف القسم المناسب ليك إن شاء الله.
بس انا عن نفسى شايفة ان قسم جيوفيزياء جميل جدا إن شاء الله.


ولا تعب ولا حاجة يا اينشتاين ويا رب اكون افدتك فى حاجة ولو فى اى استفسارات تانية اسأل على طول وربنا معاك يا رب
واسفة على الرد المتأخر بسبب مشاكل فى النت عندى




شكرا يا احمد على مرورك الجميل وفعلا كلية العلوم صعبة شوية بس اللى بيحبها وبيهتم بمذكرته شوية بيمشى فيها كويس اوى باذن الله:)

متشكر اوى
 

متشكر اوى اوى يا اميرة واللى فهمتو من كلامك ان لو مثلا الكيمياء ثلاث ساعات معتمدة فيكون هناك محاضرة نظرية مدتها ساعتين ومحاضرة عملية مدتها ساعتين او تلاتة وذلك كل اسبوع
تمام كده؟
انا تمام عملت الجدول وسلمته لشئون الطلبة وعندى محاضرات النهاردة ...كمان ساعة كده :d
ربنا يوفقك ان شاء الله :)

العفو على ايه
وصح كلامك كدا وهو فعلا بالنسبة لمادة الكيمياء فانتوا عندكم ساعتين نظرى اسبوعيا وثلاث ساعات عملى اسبوعيا.

والحمد لله انك خلصت الاجراءات بخير.

وياترى اخد محاضرات فى الايام اللى فاتت دى ولا لأ ؟ بس اعتقد ان كل المعامل اتلغت مش كدا ؟

وشد حيلك كدا عايزين نسمع تقديرات حلوة إن شاء الله

ربنا يوفقك يا رب
ولو فى اى مشاكل او حاجة تانية عايز تسأل عنها ولو حتى فى المواد اللى عندك قللنا على طول ها

سلام

شكـ على الموضوع ـــــــــــرا
 

أسأل الله أن ييسر لك هذا العمل
والدال على الخير كفاعله

معرفش بصراحة حكاية المعامل ايه بس انا دخلت معمل الكمبيوتر لقيت الدكتورة ( او المعيدة ) نايمة
وان شاء الله لن اتنازل عن امتياز باذن الله ارضاء لنفسى وعشان اثبت لكل شخص حاول يحطمنى انى دخلت كلية ممتازة وانا مش فاشل
وطبعا لو فيه اى حاجة هسألك لانى لحد الآن معرفش حد فى الكلية غيرك :d

هاااااااااااااي
معاكو سامو=سامح
كلية علوم بني سويف سنه3
كيمياء اسبيشيل
اي خدعه الي عايز اي حاجه اخوكم موجود
اوك

اهلا بيك معانا يا سامح والله يكون فى عونك ... سمعت ان كيمياء اسبيشيل حاجة خنقة :d

شكرا لك امون وجزاك الله خيرا

اسفة على التأخر فى الرد بس ده بسبب المشاكل اللى عندى فى النت ربنا يحلها يا رب:(

معلش يا اينشتاين هو اول اسبوع فى سنة اولى بيبقى كدا بس جديدة حكاية نايمة دى :confused::D

وربنا يوفقك يا رب وتجيب امتياز عالى كمان وتثبت وجودك.
وعلى فكرة لو انت جبت تقدير كويس كدا فى الترم الاول إن شاء الله هتحس بالفرق الكبير والاحترام اللى هتلاقيه فى كل مكان خصوصا انت عارف سمعة كليتنا انها صعبة وكدا فاى حد يعرف انك جبت المجموع ده فى علوم يحترمك اوى إن شاء الله;) وكمان هتلاقى فرق فى المعاملة فى الكلية نفسها ومن قبل الدكاترة والمعيدين إن شاء الله.

وربنا يوفقك وطمنا عليك على طول.


اهلااا وسهلاااا بيك يا سامح معانا وربنا يوفقك يا رب وشكرا على مرورك الجميل ده

هاى يا جماعه انا هاله انا فى ثانويه سودانيه وتنسيقى مظهرش كنت عايزه اسال ان فعلا ممكن من علوم لو جبت تقدير فى اول سنه احول صيدله ولا لازم اخلص 4 سنين العلوم وبعدين اخش صيدله وبعدين كل الناس بيقولوا انها صعبه اوى اوى وفعلا محدش بيكمل فيها والكلام ده ماثر عليا اوى حد يجاوبنى ياريت

فكرة جميلة جداً يا أميرة

ويشرفنى أن أكون معكم فى عرض المشاكل التى تواجه الطلاب فى كلية العلـــــــــوم وأيضاًَ عرض الحلول لهذه المشاكل،،، مع خالص تمنياتى بالتوفيق للجميع،،

اهلا بيكى يا هاله
بالنسبة للتحويل من سنة تانية علوم فالنظام ده اتلغى من زمان لكن ممكن بعد ماتخلصى ال4 سنين تكملى فى كلية طب اما بالنسبة لكلية صيدلة ففى كلام بيقول ان ينفع تكملى فيها وفى بيقول انه ماينفعش تكملى صيدلة ومش عارفى اتأكد من الكلام ده بصراحة بس لو انتى عايزة انا ممكن احاول وابحث فى الموضوع ده إن شاء الله:D , لكن اللى انا متأكدة منه ان ممكن تكملى طب ( بس بيقولوا لازم تدفعى 15 الف جنيه تقريبا علشان تدخليها ).

لكن بالنسبة لكلية علوم نفسها فالكلام اللى عليها ظالمها يا بنتى ,اه هى صعبة شوية بس كل الكليات العلمية بوجه عام صعبة وحكاية ان ماحدش بيكمل فيها دى فدى بقى اشاعة :D, اه فى ممكن ناس تحول منها لكن باقى الدفعة بتكمل عادى:D وبتتخرج الحمد لله وده مش مستحيل ولا حاجة , يعنى مثلا علشان اطمنك انا دلوقتى فى سنة تالتة علوم القاهرة والحمد لله ماقلتش فى ولا سنة عن جيد جدا مرتفع ده غير انى جبت امتياز فى اخر ترم الحمد لله:).
يعنى بصراحة ماتتأثريش بكلام الناس , و انا برضه لما جيت ادخل علوم الكل قاللى كدا بس انا استعنت بربنا وقررت ادخلها والحمد لله نجحت فيها , فانتى استخيرى ربنا وتوكلى عليه وربنا يوفقك للى فيه الخير يا رب.

ولو عايزة اى حاجة , احنا فى الخدمة إن شاء الله:rolleyes:


استاذ الدادمونى اهلاااااا وسهلاااااا بيك الموضوع نور بجد

انا اللى يشرفنى وجود حضرتك معانا وإن شاء الله حضرتك هتساعدنا فى حاجات كتير جدا بوجودك معانا:)

شكرا جزيلا لك