ملتقى طلاب الصف الثالث الثانوى (المراجعة النهائية)
 

مش عارفه اذاكر كتير وبكسل ع طول والوقت بيجري بسرعه والمذاكرة بتتنسسي وعندي 15 ماده وفاضل 55 يوم اعمل ايه

يارب‏ ‏بقى‏ ‏:‏(‏

انا السنين اللى فاتت كنت بذاكر احسن من كدا السنة حاسه معمولي عمل

روحى لشيخ ،،
ما فيش حاجه اسمها عمل دي ، بس انتم بتخترعوا مبررات علشان لو المجموع وحش ترجعوا تقولوا وانا ذنبي ايه مش انا اللي معموللي عمل !!
يا جماعه انا والله سمهت عن ناس فضلت طول السنه نايمه وشدت في وقت اقل من اللي متاح لينا حالا ، ابن عمتي علمي رياضه كان بييجي يلعب معايا طول السنه وكان بيروح بالليل او لو عندة درس وفاق على اخر شهر 30 يوم مش عارف اقول لكم ايه يعني عمل معجزة في الشهر دة وجاب 99 وكسر،ودخل هندسه بترول ربنا يكرمه يعني االوقت لسه بدري بس مش تيجي تذاكري تقولي الوقت لسه بدري لا هو بدري للي بيداكر في اليوم 3 ،4 فصول ،ونصيحه خفضوا معدل الدخول عالنت يعني مش تدخلوا عالموقع دة واللي محتاجينه عندكم في الكتب ، انا داخل انزل الجدول بتاع الامتحان

انا مش عارفه اذاكر خالص كل لما اجي اذاكر احس نفسي هصرخ هعيط اعمل ايه

اعملي اللي عليكي ، و ذاكري بنظام ،انا كنت كدة مش عارف اذاكر ولما اجي اذاكر اقوم اسمع اغاني او اروح العب عرفت ان المشكله مشكله ملل ممكن تغيري مكان المذاكرة وخلي الاضاءة قويه اشتري ورق طابعه ذاكري عليه هيكون من غير السطور الممله غيري حتى نوع الاقلام واستهدي بالله كدة وكل ما يجيلك احباط قولي انا بعمل اللي عليا و اهم حاجه ادعي كتير وابعدي عن الاغاني نهائي انا وانتي بتصلي طولي السجود علشان الشحنات الزائدة اللي بتجيب الصداع دي تروح وبيساعد عالتركيز كمان والمهم التغيير ، انا وصلت لاني عملت سرير صغير عالارض في غرفه المذاكرة علشان مش احمل هم النوم😈😈

شكراااااااااااااا ليك

ربنا‏ ‏يوفقك‏‏ ‏وتبقى‏ ‏مهندس
انا‏ ‏عايزه‏ ‏اوصل‏ ‏لحالتك‏ ‏دى‏ ‏وان‏ ‏شاء‏ ‏الله‏ ‏هوصل
نفسى‏ ‏اذاكر‏ ‏اربع‏ ‏فصول‏ ‏فى‏ ‏اليوم‏ ‏علشان‏ ‏الحق‏ ‏اراجع‏ ‏٣ مرات
بس‏ ‏يا‏ ‏دوب‏ ‏هو‏ ‏فصل‏ ‏واحد‏ ‏بس‏ ‏بصراحة‏ ‏لاول‏ ‏مرة‏ ‏يتذاكر
ايه‏ ‏رايك‏ ‏اخلص‏ ‏كل‏ ‏الجديد‏ ‏الاول‏ ‏وبعدين‏ ‏اراجع‏ ‏بالاربع‏ ‏فصول‏ ‏فى‏ ‏اليوم
انت‏ ‏‏تركت‏ ‏الدروس‏ ‏؟
انا‏ ‏عايزه‏ ‏اعمل‏ ‏كده
بقولك‏ ‏كل‏ ‏ما‏ ‏تدخل
‏ ‏المنتدى‏ ‏اكتب‏ ‏كلام‏ ‏من‏ ‏النوع‏ ‏ال‏ ‏انت‏ ‏كتبته‏ ‏ده
قول‏ ‏معتش‏ ‏وقت‏ ‏اعملوا‏ ‏ا‏ل‏ ‏عليكوا‏ ‏بقى‏ ‏اخلصوا‏ ‏

الله يخليكي ويحققلك اللي تتمنيه
ابداي بالجديد بس خلي بالك وانا براجع بيفوت عليا دروس مش فاكر انها اتشرحت لي اصلا بامسك الدرس ساعتين او ثلاثه بالكتير بشويه فواصل راحه بينهم بيخلص الدرس يعني المفروص اربع فصول دي جديد او قديم مش فارقه اصل تقريبا معظمنا ناسي معظم المنهج ،تمسكي جزئيه وتحلي عليها واهم حاجه الحللللللللللللل والله الحل اللي بيثبت الدرس ، وحاولي تفضلي تذاكري الساعه متواصله وبيعدين راحه 5 دقائق من غير ما تخرجي برا غرفه المذاكرة علشان لو خرجتي مش هترجعي ،ولو تعرفي تشتري ورق طابعه يبقي احسن بكتييير ، تمسكي الدرس وتقولي يا انا يا انت وتحلي عليه وتدخلي على اللي بعدة من مادة تانيه
والدرس اللي مش تسيبيه يكون بيراجع جزئيات تمشي وراة فصل بفصل
وخلي بالك مش تفتكري اني وانا بذاكر كاني بالعب ولا فرحان لا والله في دروس بتطلع عيني بذاكرها وانا مش قادر اصلا بس عامل تحدي مع نفسي اني اخلصه واحل تمارينه ولو هموت وبعدين اما الحمد لله اخلصه اذاكر رياضه افتح بيها دماغي يعني كله بيتعب وصدقيني هتفرحي جدا وثقتك هترجع لما تخلصيه وتحلي تمارينه وتمارين الثانويه العامه عليه لو تقدري

حد يعرف كتاب انجليزي مراجعه تكون اسئلته صعبه يعني منقي الصعب ، ،

شكرااااااا ليكي ، خلاص هجيب senior واحل الورك بوك

بجد‏ ‏رائع‏ ‏ربنا‏ ‏يوفقك‏ ‏ويحققلك‏ ‏امانيك
عارف‏ ‏انت‏ ‏لما‏ ‏تبقى‏ ‏عندك‏ ‏خمول‏ ‏وتلاقى‏ ‏حد‏ ‏فى‏ ‏نفس‏ ‏ظروفك‏ ‏بيقولك‏ ‏انا‏ ‏بعمل‏ ‏كذا‏ ‏وكذا‏ ‏وانت‏ ‏اتصرف‏ ‏زيى‏ ‏بجد‏ ‏بتفرق‏ ‏جامد
يكفينى‏ ‏من‏ ‏كلامك‏ ‏انه‏ ‏خلى‏ ‏عندى‏ ‏اصرار‏ ‏وتحدى
ان‏ ‏شاء‏ ‏الله‏ ‏يوم‏ ‏النتيجة‏ ‏هدخل‏ ‏ع‏ ‏الموقع‏ ‏ده‏ ‏يوم‏ ‏ما‏ ‏جيب‏ ‏طب‏ ‏يعنى‏ ‏وباذن‏ ‏الله‏ ‏هلاقيك‏ ‏بتقولنا‏ ‏باركولى
ربنا‏ ‏معانا‏ ‏كلنا
يلا‏ ‏بقى‏‏ ‏شدوا‏ ‏حيلكوا‏ ‏

الله يخليكي ويحققلك المجموع اللي انتي عاوزاة ،وكويس ان عندك اصرار بس مش كافي لازم اصرار وخطه تمشي عليها وربنا باذن الله هيوفقك ويوفقنا

هواا السودان امتحنوا امته ؟انهاردة؟

عبد المقصود مش بعرف ابعت رسائل لازم اعدي 100 مشاركه ،،،،مش عارف والله امتحوا امتى بس تقريبا خلصوا

انا بقولك شقته يعنى؟؟؟
الانجليزى

لا والله انا ناوي لما ازاكر المنهج احلهم بس مش حالا ، هو صعب ولا ايه

طيب .... احسن برده انك هتعمل كدا

انا محتاااااااااااااااااااااارة اروح الدروس ولا اقعد واعتمد على ربنا ثم على نفسى .... المدرسين مكثفين الحصص كل واحد فيهم بنزلنا يومين فى الاسبوع وبتاع العربى بينزلنا كل يوم .. انا مش عارفة اعمل ايه ... حد يهدينى للصواب ويقولى اتصرف ازاى ؟؟؟ وكمان انا بزاكر المنهج وكأنى بزاكرة لاول مرة ... انا نسيت اللى انا زاكرته ياجماعة !!!!!!! هل ده طبيعى؟؟؟؟؟

ان شاء الله
بقولك ابقى علق هنا بلاش الموضوع التانى
يعنى الاصل انه كلامنا يكون فى الموضوع ده

بصى اول حاجة استخيرى ربنا
وان شاء الله ال هتعمليه هيكون هو الصح
انا استخرت ربنا فى الكيميا والانجليزى
وان شاء الله هفضل فى الكيميا وهسيب الانجليزى
بس هروح عند مدرس تانى علشان المستوى
ولو شايفه انه لو فضلتى فى الدروس هتراجعى مرة واحده
لكن لو تركتيها هتراجعى اكتر
خلاص سيبى المواد ال مش بتحصلى فيها من الدرس
واعتمدى ع نفسك

حاضر ..........

انا‏ ‏خلصت‏ ‏نص‏ ‏الكيميا‏ ‏ال‏ ‏مفروض‏ ‏اذاكرها
حلت‏ ‏مسائل‏ ‏ع‏ ‏فارادى‏ ‏فاخد‏ ‏منى‏ ‏وقت‏ ‏جامد
لسه‏ ‏بقى‏ ‏الانجليزى‏ ‏والصرف
يارب‏ ‏ارحمنى

خلصت الكهربيه بس بدون حل مسائل والملف الدائري والجلفانومتر وهذاكر وحدة انجليزي واناااااااااام ورايا درس 5 الصبح

طيب‏ ‏كويس‏ ‏كده
انا‏‏ ‏عندى‏‏ ‏مذاكرة‏ ‏الانجليزى‏ ‏بتاخد‏ ‏وقت‏ ‏كتير‏
‏لانى‏ ‏بذاكر‏ ‏من‏ ‏مذكرة‏ ‏الدرس‏ ‏لامه‏ ‏حاجات‏ ‏كتير‏ ‏اوى
الكلمات‏ ‏لوحدها‏ ‏اربع‏ ‏صفحات
كل‏ ‏صفحة‏ ‏عمودين‏ ‏والخط‏ ‏مضغوط‏ ‏
يعنى‏ ‏مش‏ ‏هخلص‏ ‏السنة‏ ‏دى‏‏ ‏امممم‏ ‏ربنا‏ ‏يسهل‏ ‏ويخلص‏ ‏ع‏ ‏الدور‏ ‏التانى
المهم‏ ‏ذاكرت‏ ‏الكلمات‏ ‏لسه‏ ‏هقرا‏ ‏النصوص‏ ‏واللغويات‏ ‏والجرامر‏ ‏وبعد‏ ‏كده‏ ‏هحل‏ ‏ان‏ ‏شاء‏ ‏الله
وبعدين‏ ‏ادخل‏ ‏ع‏ ‏الصرف‏ ‏والباقى‏ ‏من‏ ‏الكيمياء‏ ‏
وبعدين‏ ‏انااااام‏ ‏واصحى‏ ‏اروح‏ ‏الدرس‏ ‏الساعة‏ ‏٢
ايه‏ ‏اللك‏ ‏ده
عايزين‏ ‏نتفق‏ ‏ع‏ ‏يوم‏ ‏نكتب‏ ‏فيه‏ ‏بارجراف‏
‏ونصوره‏ ‏ونرفعه‏ ‏ع‏ ‏المنتدى‏ ‏علشان‏ ‏نتع‏لم‏ ‏من‏ ‏بعض
يا‏ ‏مسهل

اوووووووه‏ ‏نسيت‏ ‏الجلفانو
وده‏ ‏هذاكره‏ ‏امتى‏ ‏ده

خلي البراجراف بكرة او انهاردة بالليل لما نفضي ، ممكن يكون عن المؤتمر الاقتصادي او الاقتصاد عموما لاني متوقع انه ييجي بنسبه 90% لما اخلص هكتبه وارفعه

عملتوه دا ؟؟؟
واية اللى ممكن تكتبوه قى يعنى؟
لو عملته نزله كدا

ايه اخباركم جميعا واخبار المذاكرة ربنا معاااااااانا جميعا

لا لسه لما اخلص مذاكرة هبدا فييه اببدا فيه انت كمان ،،،،ممكن تكتب عن الاقتصاد عامه وتبرعات الدول العربيه والمؤتمر ذات نفسه وادخل اقرا عنه كلمتين وما تنساش قناه السويس ودورها في اقتصاد مصر وجمله استشهاد يعني مثلا,,, we have A disgusting economic past .we should forget our past and begin to make plans ,do surveys and do our best to improve our economy ,i heard "Timberlake " saying that "yesterday is history tomorrow is mystery
"الجمله دي من اغنيه و timberlake دة مغني بس المصحح مش هياخد باله لانها لايقه عالموضوع وهتعجبه اوي ، لو حافظ اغنيه اجنبي ممكن تدخل حته بس تكون تنفع تكتبها
so we should make this mystery incredible. ....,,الخ :romarioxp6: :stickjo4:

انا‏ ‏مقدرتش‏ ‏اكمل‏ ‏جيت‏ ‏ع‏ ‏الساعة‏ ‏٣
وبقيت‏ ‏مش‏ ‏عارفه‏ ‏انا‏ ‏بقول‏ ‏ايه
قولت‏‏ ‏هريح‏ ‏بس‏ ‏نص‏ ‏ساعة‏ ‏مش‏ ‏صحيت‏ ‏الا‏ ‏الساعة‏ ‏١١
والفجر‏ ‏ضاع
ااااه‏‏ ‏اهئ‏ ‏اهئ‏ ‏
الوقت‏ ‏بيضيع
اعمل‏ ‏انا‏ ‏ايه‏ ‏بقى‏ ‏اذاكر‏ ‏حاجات‏ ‏امبارح‏ ‏ولا‏ ‏انهارده‏ ‏
وانا‏ ‏اصلا‏ ‏عندى‏ ‏دروس
البراجراف‏ ‏خليه‏ ‏بكره‏ ‏الجمعة

ذاكري حاجات انهاردة وذاكري بتاع اامبارح بكرا او لما تخلصي انهاردة .ونامي 6 ساعات بس 😢

احم‏ ‏احم‏ ‏
انتوا‏ ‏شكلكوا‏ ‏كده‏ ‏سيساوية
مؤتمر‏ ‏مين‏ ‏ده‏‏ ‏
عصبتونى‏ ‏الواحد‏ ‏مش‏ ‏عايزه‏ ‏يتكلم
انا‏ ‏هكدب‏ ‏ان‏ ‏شاء‏ ‏الله‏ ‏واعمله‏ ‏علشان‏ ‏لو‏ ‏جه‏ ‏وربنا‏ ‏يسامحنى‏ ‏بقى‏ ‏

وعندك واحدة اخوانيه ،،،، 😠احنا هنهزر يعني ده موضوع باذن الله جاي فالامتحان ،ممكن تكتبي له انا اخوانيه ومش هينفع اتكلم في الموضوع دة ههههههه هتاخدي درجتك كامله دة في حاله لو المصحح هو كمان اخواني ، مع كامل احترامي للاخوان ولبتوع السيسي ، كل دة كلام فاضي لحد اما نخلص عايزة بقي بععد ما تخلصي تطلعي مظاهرات وكدة وتخلعوا السيسي وتجيبوا مرسي تاني ما فيش مشاكل بس بعد الامتحانات اتفقنا :stickjo4: اكتبي الموضوع بضمير وابدعي فيه وياريت كلمتين حلوين عن السيسي بقى

هو‏ ‏اكيد‏ ‏لو‏ ‏جه‏ ‏السؤال‏ ‏ده
هكتبه‏ ‏عادى‏‏ ‏ومش‏ ‏هجيب‏ ‏سيرة‏ ‏ال‏ ‏مايتسمى‏ ‏ده‏ ‏
هو‏ ‏صحيح‏ ‏مؤتمر‏ ‏بيع‏ ‏لاراضى‏ ‏مصر‏ ‏
اه‏ ‏والعاصمة‏ ‏الجديدة‏ ‏طلعت‏ ‏فنكوش
بس‏ ‏هتنازل‏‏ ‏شوية‏ ‏واكتب‏ ‏ازاى‏ ‏الؤتمر‏ ‏ده‏ ‏هيعلى‏ ‏باقتصاد‏ ‏مصر‏ ‏وهيخلى‏ ‏مصر‏ ‏فى‏ ‏مصاف‏ ‏الدول‏ ‏المتقدمة‏ ‏فى‏ ‏ست‏ ‏ساعات
وازاى‏ ‏بقى‏ ‏الروح‏ ‏العربية‏ ‏هتبنى‏ ‏العاصمة‏ ‏ال‏ ‏احسن‏ ‏من‏ ‏نيويورك‏ ‏واحدث‏ ‏من‏ ‏دبى‏ ‏فى‏ ‏خلال‏ ‏سنة
ومش‏ ‏هنسى‏ ‏طبعا‏ ‏انه‏ ‏الشعب‏ ‏المصرى‏ ‏ال‏ ‏بنى‏ ‏السد‏ ‏يقدر‏ ‏يعمل‏ ‏المعجزات‏‏ ‏
وهبل‏ ‏فى‏ ‏هبل‏ ‏وبلد‏ ‏عايشه‏ ‏بالبركه‏ ‏وبالاحلام‏ ‏وبساعة‏ ‏اوميجا
فكرتونى‏ ‏ليه‏ ‏الواحد‏ ‏دمه‏ ‏اتحرق‏ ‏
ربنا‏ ‏ع‏ ‏الظالم ‏

ههههه وكمان ازاي قدر الرئيس بذكائه انه يشتري بكل الفلوس اللي في مصر اسلحه ومفاعلات روسيه من غير ما يطالب الرئيس بوتين انه ياخد بالفلوس بطاطس ، ولا بلاش انا دقني كبرت وممكن بسهوله ياخدوني هابعد انا ، المهم انهاردة انا هاحل جبر وتفاضل قولي جدولك للنهاردة اخد منه مادتين مع الرياضه والقراءة

الموضوع للمنهج بس يعنوا انتوا المقروض يعطوكم كرت احمر يا بشمهندسيين :slap1qk6::slap1qk6:
خليكم قى المؤتمر:mad::mad::mad:

انهارده‏ ‏ان‏ ‏شاء‏ ‏الله
الكيميا‏ ‏الكهرببة‏ ‏هخلص‏ ‏النص‏ ‏التانى‏ ‏ال‏ ‏كان‏ ‏المفرو‏ ‏يخلص‏ ‏امبارح
وهذاكر‏ ‏توحيد‏ ‏وصرف
والجلفانو‏ ‏ال‏ ‏ماتذاكرش‏ ‏والجهاز‏ ‏ال‏ ‏بعديه
والوحدة‏ ‏التالته‏ ‏انجليزى
ان‏ ‏شاء‏ ‏الله
انت‏ ‏ممكن‏ ‏تذاكر‏ ‏الوحده‏ ‏التانية‏ ‏والجهاز‏ ‏التانى
وانت‏ ‏يا‏ ‏اخ‏ ‏عبد‏ ‏المقصود‏ ‏قولتلك‏ ‏انا‏ ‏ارهابية‏ ‏
اتكلم‏ ‏فى‏ ‏ال‏ ‏انا‏ ‏عايزاه
وخلى‏ ‏بالك‏ ‏انه‏ ‏حذرتك‏ ‏قبل‏ ‏كده
اوووووووه
خلاص‏ ‏بجد‏ ‏يا‏ ‏جماعة‏ ‏قفلوا‏ ‏ع‏ ‏الموضوع‏ ‏ده‏
‏فكرتونى‏ ‏بال‏ناس‏ ‏ال‏ ‏مش‏ ‏بنساهم‏ ‏اصلا‏
ربنا‏ ‏يجمعنا‏ ‏بيهم‏ ‏فى‏ ‏الجن

صح كلامك , اعذرنا كنا نمزح 😉

يعنى عملته ولا لسه ؟؟؟؟
وانتا عادة يا dodicono بتعمله كام سطر ؟؟

تمام التمام انا رايح اكمل بقى ، سلام

هههههههه مين dodicono دة ،كنت محتاج مذكرة ضروري من الموقع فسجلت ببيانات اي كلام علشان احمل من الرفقات ، اسمي محمد ،،،، لسه والله ما عملته ،هو انا بعمله صفحتين تلاته بالكتير اصل البراجراف اكتر حاجه باستريحلها فالامتحان دة بس نصيحه ما تزودش عن صفحه علشان غلطات الجرامر

منا عارق اية 3 صقح دا يبنى دا ممكن يطلع قيهم غلطات جرامر كتير اوى احترس اوى من النقطة دى

لا انا بكتب 3 لما بذاكر مش في الامتحان في الامتحان واحدة تكفي وفيه عالنت مصحح جرامر ،مواقع بتصحح جرامر اكتب grammar correction

برنامج ولا موقع؟

onlinecorrection.com

عبد القصود ممكن تكتب عالنت grammar correction هتلاقي مواقع كتير ،، انا ورايا درس ولسه ما ذاكرتش له ، هاقفل انا بقى اراكم على خير