|
لطلبة كلية التجارة - جامعة القاهرة (ضع استفسارك هنا)
السلام عليكم ورحمة الله وبركاته الموضوع دا يا جماعة مخصص لأي استفسار متعلق بكلية التجارة جامعة القاهرة من اول سنة اولي لغاية سنة رابعة اي حد عنده اي استفسار يتفضل يقول وياريت منعاً للإحراج :blush: اخواتنا اللى فى الجامعات التانية ياريت يبقى يحطو استفساراتهم فى المواضيع المخصصة او يعملو توبيك بالاستفسار بتاعهم وذلك منعاً لاختلاط المعلومات وتسهيلا على الشخص للوصول للمعلومة بسرعة وبسهولة |
لو سمحت كنت عايزه اعرف حاجه
انا جبت 77.8 ادبى عايزه اعرف ممكن الحق تجاره انتظام القاهره ولا صعب؟؟ ولو ملحقتش القاهره ممكن الحق حلوان او عين شمس؟؟ معلش طولت عليك |
ازيك يا عم فامبير عامل اية (فينك يا عم وحشتنى مواضيعك واسلوبك الجميل )
انا مليش استفسار ولا حاجة انا بس عايز اشكرك على المجهود الكبير دة واكيد هينفع ناس كتيييييييييييير ومبرووووووووووووك يا عم انت كدة براءة من الكلية بتاعتا عقبالى كدة |
اقتباس:
وعين شمس برده مش هاينفع .. بالنسبة لحلوان ماعتقدش .. لكن ممكن اقاليم بقى وساعتها تعملي حوار ظريف كدا .. تقدمي في اي كلية من كليات الاقاليم وبعد كدا تروحي مكتب التنسيق اللى قدام جامعة القاهرة وتعملي طلب تقليل اغتراب وساعتها هايدخلوكي كلية تجارة اللى واقعة فى الحى السكنى بتاعك |
اقتباس:
ابقى طمنى عليك .. اقتباس:
لما استلم شهادة التخرج كدا يداً بيد واروح اقدم فى الجيش ساعتها اقولك خدت البراءة فعلا وبعدين مستعجل على ايه ياسيدي .. كلها سنة وتعدي وتبقى خريج ان شاء الله نحن السابقون وانتم اللاحقون :d |
انا جبت 87.3% و ادبى
انجليزى 47 انجليزى مستوى رفيع 7.5 احتمال اد اية ادخل تجارة انجليزى القاهرة؟ |
يااااااااااااااااجماعه لو سمحتو هيه التجاره انجليش بتقبل من فوق الاربعين ولا فوق الخمسه والاربعين ياريت ضرورى حد يرد عليا
|
والسؤال الاهم
|
اقتباس:
|
اقتباس:
ماشى يعنى انا لو جاتلى اقاليم ممكن اروح واحول فى اول اسبوع القاهره وتجيلى ولا ايه بالظبط؟؟؟ بس انا خايفه ميرضوش احول هبقى ادبست ومعلش لو مقبلونيش فى تجاره القاهره ممكن احول حقوق القاهره ولا مش ينفع؟؟ اسفه طولت عليك |
اقتباس:
بس لو مادخلتش انجليش ممكن تقدم فى المجموعة المميزة .. هيا تبع تجارة عربى بس دي اضمنلك انك تخشها بالثلث |
اقتباس:
اقتباس:
اقتباس:
اقتباس:
بصي انا زي ماقولتلك ع الحوار بتاع تقليل الاغتراب دا .. انا في المنتدي دا بقيلي 4 سنين ومابقولش كلمة الا اما ابقى واثق منها ميه في الميه فماتقلقيش من موضوع انهم مش يقبلوا طلب التحويل بتاع الاغتراب .. دا شغل قوانين ولوائح يعنى 1+1=2 وعمووووما .. بالنسبة للتحويل لحقوق لو اتدبستي في كلية تجارة في اقاليم عادي جدا تقدري تحولي لحقوق بس الكلام دا يكون فى اول اسبوع من الدراسة عشان بعدها بيتم قفل باب التحويلات نهائياً .. وساعتها بقى لو عايزة تحولي يبقى تستني لما السنة تخلص خالص .. يدينا ويديكي طولة العمر :d |
سؤال ياباشا
دلوقتي هل التعليم المميز يمنعني ادخل تجارة شعبة انجليزية ؟ ثانياً : اذا جاتلي في اقاليم وطلبت تقليل الاغتراب ده هل ينفع ادخل انجلش ولا لأ؟ ثالثاً : اذا طلب التحويل بعد السنة الاولى برضو ينفع انجلش ولا لأ يعني ببساطة ايه اللي ممكن يمنعني من انجلش ؟ انا جايب 47 من 50 وثانوية عامة 88 % ( علمي رياضة ) وتجارة انجلش اعلى مجموع خدته كان إيه بالانجليزي يعني يعني انا سمعت في 2009 كان 400 بالانجليزي طيب اعلى تنسيق كان إيه بقى؟ معلش ياباشا هتعبك معايا وجزاك الله خيراً |
لو سمحتو انا جايبه87.4 انا ادبى و 44انجليزى انا كده ممكن اتقبل فى تجاره انجليزى ولا لا ولو مش جامعه القاهره ممكن عين شمس او اقاليم ياريت الرد ضرورى لو سمحتو شكررررررا
|
يااااااااااااجماعه حد يرد عليا ضرورى انا جايبه87.4 وانا ادبى و44 انجليزى انا كده اتقبل تجاره انجليزى ولا لا ف جامعه القاهره او عين شمس او حتى اقاليم حد يررررررررررررررد عليا لو سمحتوووووووووو
|
و انا رايحة تالتة السنة دى ان شاء الله و جبت 86% هو مش عاجبنى بس الحمدلله
بس انا اصلا ملاحظة السنة دى ان مجاميع الادبى اللى حواليا نازلة تحت ال 80 قليل اوى اللى جايبين فوق ال 90 انا ممكن لو ذاكرت جامد السنة اللى جاية و جبت مثلا مجموع السنتين 90 او91 الحق تجارة انجليزى و لا انا كده يعتبر ضعت خلاص و هو ممكن التنسيق الادبى السنة اللى جاية ينزل و لا لا و تجارة انجليزى جامعة القاهرة اصلا بتاخد من كام ؟ |
اقتباس:
اما تجارة انجليش فدي شعبة لوحدها والاتنين مالهومش اي علاقة ببعض اقتباس:
بمعنى لو انت في تجارة انجليش بنها وساكن فى القاهرة وعايز تحول تجارة انجليش القاهرة مش هاينفع الا في حالة واحده وهوا انك تمضى تنازل وتحول تجارة القاهرة بس هاتبقى شعبة عربى مش انجليش اقتباس:
فايعتبر كويس مش وحش .. بس برده ماقدرش اديك رأي قاطع انك تخش انجليش القاهرة لكن لو مثلا انجليش بنها او انجليش حلوان فدا اه ان شاء الله تخشها لان اعلى تجارة انجليش في مصر كلها هاتلاقيهم فى القاهرة وعين شمس ولو قدمت فى تجارة انجليش القاهرة وماتقبلتش هاتضطر غصب عنك انك تروح تجارة عربى ومشكلة تجارة القاهرة ان نتيجة التنسيق الداخلي بتطلع متأخرة .. يعنى ممكن تظهر قبل بداية الدراسة بأسبوع فالمشكلة هنا بتكمن فى انك مش هايبقى قدامك فرصة انك تحول ملفك لجامعة تانية مثلا زي حلوان او بنها لان ساعتها هايكون باب التقديم قفل .. فهيا مشكلة التقديم في تجارة انجليش ان بيبقي فيها مخاطرة اما بالنسبة لسؤالك الخاص بأعلى تنسيق كان ايه .. والله مش فاكر الرقم بالظبط بس اللى متاكد منه انه تنسيق تجارة انجليش دفعة 2007 دا كان تنسيق تاريخي لان المجموع الاعتباري تقريبا كان واصل لـ 420 !! بس لو رجعت وشوفت المجاميع في سنة 2007 والتنسيق العام لسنة 2007 هاتلاقي ارقام عجيبة ومجاميع خيالية .. فاوعي تقارن بسنة 2007 نهاااائى .. دي انا بعتبرها سنة استثنائية وكذلك برده تنسيق السنة اللى فاتت ماتقارنش بيه لانها كانت سنة الفراغ والمجاميع فيها كانت قليلة جدا لان الاعداد اصلا كانت قليلة |
اقتباس:
لان ناس كتيرة بتقدم فيها بتبقى مجاميعها فوق الـ 90% .. فابيخلو الناس اللى مجاميعهم تحت الـ 90 فرصتهم قليلة فعموما تجارة القاهرة وعين شمس بياخدو اعلى تنسيق داخلي تجارة انجليش في مصر كلها بالنسبة للاقاليم فامجموعك دا ان شاء الله يدخلك مستريح وحتى لو مادخلتيش واتدبستي ودخلتى عربي .. ساعتها تقدري تعملي تقليل اغتراب في مكتب التنسيق وتحولي للجامعة اللى انتى ساكنه فى المربع السكنى بتاعها |
اقتباس:
انتى بتذاكري عشان تجيبي مجموع عالى عشان ساعتها انتى اللى تختاري مش تبقى مجبرة على حاجة معينة فاغلط جدا انك تقولي انا ممكن اذاكر واجيب مجموع كذا وساعتها التنسيق ينزل وساعتها ابقى انا في التوب واخش انجليش كل دي سيناريوهات سوري يعنى ماتزعليش منى بتبقى فكسانه .. ولو ماتنفذش السيناريو دا ساعتها هاتبقى محبطة جدا ومش طايقة تبصي في وش حد فيبقى ليه تزنقى نفسك ؟! .. حطي هدف قدامك وهوا انك تجيبي اعلى مجموع ممكن وعشان تبقى ليميتيد اكتر .. انتى هدفك انك تجيبي مجموع ينقلك من شريحة التمانينات لشريحة التسعينات وساعتها لو جيبتي بالظبط فوق الـ 92% ان شاء الله انا اضمنلك وابصملك بالعشرة انك في تجارة القاهرة وش السنة الجايه بمعنى ان انتى السنة دي غالبا جايبه 177 او 176 (86%) فانتى محتاجة في تالته انك تجيبي 190 (92%) .. وزودي عليهم الـ 5 بتوع المستوي الرفيع يبقى الاتنين مع بعض يوصلو لـ 90% .. وكدا يبقى بيــس اوي دا سيناريو من ضمن السيناريوهات اللى المفروض تكوني حاطاه في دماغك السنة الجايه وربنا يجيب اللى فيه الخير ان شاء الله اقتباس:
|
87 نص
علمى رياضه ممكن الحق تجاره انجلش ولا لا وممكن الحق تجاره عربى القاهره ولا لا |
انا جبت82.8 ادبي ياتري الحق تجارة عربي القاهرة ولا صعبة وياتري الحق عين الشنس ولاحلوان وووووووويارب
|
اقتباس:
تسلم ياباشا ... طيب اذا حولت قبل بداية السنة اقدر ادخل انجلش؟ |
ارجو الرد انا جايب 82.8 ادبي الحق تجارة القاهرة
|
ايه الميزة بين تجارة عربي وتجارة انجلش ؟؟؟؟؟؟ (( الفرق في الدراسة وكل حاجة يعني ))
تاني حاجة انا طالب سنة الفراغ بس شهادة معادلة ( السعودية ) عايز احول بقى اعمل ايه وايه الاجرائات ؟؟؟ ضرووووووووري عايز اعرف نظام الدراسة في الكلية فمن كل ناحية سواء عربي ولا انجلش |
انا ادبى وجايب 90.3% بس جبت 42.5 فى الانجليش ممكن الحق ادخل تجارة انجليش
|
طيب انا جبت في تانيه 81ز2 و في تاته جبت 97 والمجموع الكلي 89ز3 وجايب في الانجليزي 44/50 هل الحق تجاره انجلش ولا ؟؟؟ واقدم ايه القاهره ولا مجازفش
|
اقتباس:
|
اقتباس:
|
اقتباس:
1- لغة الدراسة الاكاديمية .. بمعنى ان دراسة المواد بالانجليش في تجارة انجليش وفي عربي بيدرسو المواد بالعربى مع العلم ان في عربى انت فيه بعض المواد بتدرسها بالانجليش لكن اذا كنت فاكر ان تجارة انجليش هاتظبط الانجليش عندك وكدا لا مالهاش ادنى علاقة خالص ياما ناس دخلت تجارة انجليش وخرجت منها ومابيعرفوش يكلمو كلمتين على بعض وياما ناس في عربى دخلت عربى وبيتكلمو انجليش احسن من الامريكان نفسهم 2- تجارة انجليش فيها انشطة كتير .. جو الدراسة فيها مشجع اكتر شوية .. لو قارنته بعربى هاتحس ان عربى خنيقة ومملة .. بس في نفس الوقت تجارة انجليش اصعب وطول السنة بتذاكر 3- تجارة انجليش فيها قاعات دراسة انضف من تجارة عربى اقتباس:
اقتباس:
|
اقتباس:
وبالتالى لو ضفت عليه مجموع الانجليش يبقى مجموعك الاعتباري هايبقى 413 .. ودا في دايرة الامان قدم ان شاء الله وربنا يكرمك |
اقتباس:
يابنى دانتا جايب 94% .. يعنى لو مش دخلوك تروح تعملهم اعتصام في التحرير ويبقى حقك !! |
اقتباس:
اقتباس:
87.5 % بدون المستوى يعني 359 + 47 انجلش +7 مستوى رفيع يعني بالظبط كده 413 لإنهم حتى في الرغبة المستقلة بيحسبوها كده بس انا علمي فهل فرصتي كويسة ولا إيه بإذن الله حتى اذا مش عين شمس عموماً يعني .. وبرضو عين شمس اقدر اجيبها بإذن الله ولا صعب؟ |
اقتباس:
بس كدا احسن بكتيييييييير من نظام المجموع الاعتباري اقتباس:
ومشكلتك انك علمى .. لو انت ادبى كنت قولت ممكن .. بس عشان انت علمى فاصعبة شوية اقتباس:
ولسه الرؤية مش واضحة .. اديني فرصة كدا لغاية يوم الاتنين هاعدي على شئون انجليش في القاهرة واسألك ومعلش سوري لو كنت ماردتش عليك دلوقتى عشان مابحبش اقول معلومة او رد وانا مش متاكد منه |
اقتباس:
وشكراً ياباشا تعبتك معايا |
طيب انا ادبى جايب 363.5 يعنى بالمستوى الرفيع 368.5 يعنى 88.9 و ده بيل مستوى الرفيع و هو جغرافيا مش انجليزى و جايب فى الأنجليزى 44 من 50 و عايز اخش تجاره انجلش حلوان طبعن بعد معرفت ان تجاره انجلش قاهره و عين شمس فيها خطوره كبيره و انا معنديش استعداد البس فى عربى و انا مدارس لغات ف ارجوك هل كده هقبل تجاره انجلش حلوان و ل لا و ايه هيا حسبتها و شكرا ارجو الرد سريعا لانى محتار و خايف البس ف تجاره عربى
|
اقتباس:
|
تحول فين مش فاهم ؟ .. ياريت توضح
انا في كلية حاسبات ومجموعي يدخلني تجارة عربي وانجلش ........ بس مش عارف احول ازاي وايه هيا الاجرائات يعني وايه الاحسن عربي ولا انجلش ؟؟ انا بسمع ان في كورسات بتقلل الفروق بين الكليتين طبعا مين الافضل من ناحية توفير وقت لدراسة الشهادات المهنية زي cma - cfa ??? |
اقتباس:
|
اقتباس:
انا اعرف ناس ساكنه في عين شمس وقدمو في القاهرة بسبب ان عين شمس خدت اعلى من القاهرة |
اقتباس:
بمعنى ان حتة التدبيس في تجارة عربى دي مابقتش موجودة الوضع السابق كنت بتقدم في انجليش القاهرة مثلا ولو ماتقبلتش بيتم تحويل ملفك تلقائيا لتجارة عربى القاهرة وتخبط راسك في الحيط بقى مش مهم لكن بعد ان اصبحت تجارة انجليش رغبة مستقلة .. دلوقتى انت تقدر تكتب رغباتك وانت مستريح ومن غير تدبيس بمعنى انك تكتب مثلا فى الرغبة الاولي تجارة انجليش القاهرة - الرغبة التاني تجارة انجليش عين شمس - الرغبة التالته تجارة انجليش حلوان وهكذااااااااااا وبعد كدا تبقى ترص تجارة عربى براحتك بقى بترتيب الجامعات اللى انت عايزه وبكدا انت مش هاتدبس نفسك في عربي خالص بمعنى لو ماتقبلتش في انجليش القاهرة تتقبل في انجليش عين شمس .. ولو ماتقبلتش في انجليش عين شمس تتقبل فى انجليش حلوان .. فهمت قصدي ؟ السؤال النبيه اللى انا عارف انك هاتسألهوني وهاييجي في دماغك بما انها رغبة مستقلة يبقى انا كدا يحقلي اني احول براحتي من جامعة لجامعة تانية ودا يبقى تحت مسمى تقليل الاغتراب والمربع السكني اجابة السؤال دا بقى انا مش عارفها لسه .. لان النظام دا اول مرة يتطبق فعليا السنة دي فادوني فرصة ليوم الاتنين هاعدي على شئون انجليش في القاهرة وهاسألكو ع الموضوع دا عشان انا عارف انه مهم جدا بالنسبالكو .. وربنا يجيب اللي فيه الخير ان شاء الله |
اقتباس:
لو زي مانا فهمت كدا يبقى يؤسفنى اقولك مش هاينفع التحويل بيبقى بين الكليات وليس بين الاقسام والشعب اقتباس:
بس مشكلة انجليش الوحيدة ان الطلبة اللى بيدرسو فيها بيبقوا مش عارفين اي حاجة عن المحاسبة بالعربى ودي مش ميزة خااااالص .. يعنى تيجي تسألهم في حاجة معينة في المحاسبة يقولك اسمها بالانجليش فانتا تفتكر انه بيتكبر عليك وعايش الدور بس هوا في الحقيقة غصب عنه لانه فعلا مايعرفش هيا ايه بالعربى ولو عرف يبقى هايعرفها بالشبه او بالتخمين وهنا بقى تيجي ميزة تجارة عربى ان انتا لو جامد وبرنس .. تذاكر المواد بتاعتك بالعربى عادي جدااااااا وتمتحن فيها وتكمل دراستك مافيش اي مشكلة ومع نفسك بقى على جنب كدا تمسك المواد المحاسبية دي وتدرسها بالانجليش كثقافة مش اكتر صدقنى هاتستفيد جامد جدا جدا جدااااااا .. وهاتبقى احسن من خريج انجليش بمراحل لان مش كل من اتخرج من انجليش بقى جامد ولغة وبيتكلم انجليش فيه فرق شاسع ما بين الدراسة الاكاديمية بالانجليش والكلام بالانجليش اما بخصوص الحتة اللى انت ذكرتها الخاصة بشهادة الـ cma والـ cfa فادي شهادات معدية .. حاجة اوووووووفر اوفر يعنى .. ودي حلم كل محاسب فيه ناس محاسبين بيعيشو حياتهم المهنية عشان ياخدو شهادة زي دي وفيه ناس بتطلع معاش ومابتخدهاش حاجة زي الـ cma دي مثلا مصاريف الامتحان والتسجيل فيها بس من غير دراسة ولا حاجة بتخش في الـ 2000 جنيه فلو انت عربى وخدتها تبقى برنس زمانك ولياليك ولو انت انجليش وخدتها برده هاتبقى برنس زمانك ولياليك بس زي ماتقول كدا الشهادات اللى زي دي عشان دراستها بالانجليش فخريجين انجليش بيكون ليهم الاسبقية في التأقلم معاها باعتبارهم درسو بعض الحاجات دي في الكلية لكن دا مايمنعش ان الشهادة دراستها صعبة وغبية .. واللى بياخدها بيبقى جامد كفاية اوي اوي انه هايبقى اسمه محاسب دولي معترف بيه عالمياً |
اقتباس:
الف شكر ياباشا واللهى طمنتنى و مستنى ردك على موضوع المربع السكنى و جزاك الله الف خير و الف شكر مره تانيه |
لو سمحتم ممكن الرد بسرعة انا مجموعى 85% بالمستوى ادبى هينفع ادخل تجارة عربى القاهرة وممكم حد يساعدنى تجارة افضل ولا اداب ممكن ؟ |
اقتباس:
بس المشكلة ان تحت الـ 87 دا المجموع مش بيبقى مضمون .. خاصة ان انتساب اتلغى خلاص ومافيش غير انتظام فابصراحة مش عارف .. انا شايف انك لو فعلا عايزة تخشي تجارة خلاص سجلي اول رغبة تجارة وبعدها الرغبات التانية اللى انتى عايزاها او تعملي حركة ظريفة خالص .. عشان تبقى في السليم وفي المضمون تقدمي في تجارة وليكن مثلا اسيوط او المنوفية او كفر الشيخ واول ماتظهر نتيجة التنسيق على طول اعملي طلب تحويل لتجارة القاهرة تحت بند تقليل الاغتراب والمربع السكنى .. وتبقى كدا انتى في الامان |
اقتباس:
|
اقتباس:
تسلم ايدك ربنا يخليك انا ماعنديش مشكلة حتى اذا جاتلي محافظة تانية وماقدرتش احول هروح إن شاء الله مش هي الكليات بتاعة المحافظات دي بمجموعي إن شاء الله تيجي ؟ ( 413 ) > الاعتباري |
اقتباس:
افتح بقى الاكاونت بتاعك على موقع التنسيق واكتب رغبات تجارة انجليش في مصر كلها بالترتيب اللى انت عايزه .. قشطة ؟؟ |
اقتباس:
انا عن نفسي مابحبش الانسان اللى مش محدد هدف او بيتردد كتير معلش يعنى ماتزعليش منى .. هوا اه ممكن يكون مجموعك زنقك في انك تختاري بين آداب او تجارة بس في نفس الوقت لازم تكوني محددة اتجاهك ايه آداب من الاخر كدا هاتطلعى مدرسة .. ولو دخلتى قسم من اقسام اللغات وشديتي حيلك وبقى معاكي لغة محترمة ممكن تطلعي مترجمة او ترينر في اي سنتر لغات اما تجارة فهاتطلعى محاسبة .. محاسبة يعنى عندك مجال بنوك .. مجال شركات .. مجال مكاتب محاسبة بعيداً عن تعصبي لكلية تجارة او ميولي ناحيتها باعتبار انى درست فيها بس الحقيقة بتقول ان مجال تجارة اوسع واشمل وفيه فرص كتيرة وبتكبري بسرعة فيه بس اهم حاجة تكوني طموحة وبتذاكري وبتشغلي دماغك دا كل اللى اقدر اقولهولك .. واولاً واخيراً القرار ليكي |
اقتباس:
بدون مجاملة انا مرعووووووووووووب |
اقتباس:
|
| جميع الأوقات بتوقيت GMT +2. الساعة الآن 05:12 AM. |
Powered by vBulletin® Version 3.8.11
Copyright ©2000 - 2024, Jelsoft Enterprises Ltd.