تجمع طلبة تجارة انتساب "جامعة القاهرة" 2009 - 2010
 

السام عليكم و رحمة الله و بركاته

هذا الموضوع مخصص لطلبة كلية التجارة انتساب جامعة القاهرة

و بطلب من طلبة انتظام عدم دخول الموضوع او الرد بأى ردود مستفزة

و الموضوع ده هيضم اى معلومات عن طلبة انتساب و هحاول اخدم الطلبة على حسب مقدرتى

من فضلك انا طالب انتساب جامعة القاهرة الفرقة الاولى وعايز استفسر بالنسبة للمحاضرات فيه محاضرات ولالا؟

والله تمام برافو عليك كده

مردتش عليا ليه انا كنت بسأل فيه محاضرات للانتساب ولالا؟

Magician Boy
 

لا يوجد محضرات لطلبة انتساب كلية تجارة جامعة القاهرة و الحاضرات شوف تبث على التلفزيون و من خلال النت

و سوف يتم وضع جدول المحاضرات على التلفزيون يوم الخميس

وتم منع طلاب الانتساب من حضور المحاضرات مع طلبة انتظام

لأن دخول المحاضرات سيكون بتصريح من شئون الطلبة

ده كلام نهائى ولا ايه انا سمعت ان فيه جدول هينزل يوم الاربعاء ده بقى عبارة عن ايه؟

اكيد جدول للمحاضرات على التلفاز

خلاص يا جماعه
قدر الله وماشاء فعل
ويمكن يكون ده الاحسن لينا
الاهم بقى اننا نحاول نفيد بعض
كلنا خلاص بقينا شعبه واحده يعنى منهج واحد ودكاتره موحدين
يعنى مثلا نحاول نجيب المحاضرات هنا ونرفعها
ولو نقدر نناقشها سوا
او نتفق على معاد كلنا نبقى موجودين فيه بعد المحاضرات نشوف ايه اللى فهمناه وايه لا
كده يعنى
واللى عنده معلومه يقولها للتانى

ياريت ياجماعه نعمل كده وانا عن نفسى هحاول اتفق مع واحد من الشغالين فى الميديا فى منتدى تانى عشان يرفعلنا المحاضرت ع النت يارب يوافق بس

انا اولي انتساب ومش فاهمه ليه جامعة القاهره بذات الي اتلغت المحاضرات منها ويريت نحاول نساعد بعض عشان نفهم كلنا ونستفيد واحنا ممنوع نحضر مع انتظام ده اكيد يعني

ده كل الجامعات مش القاهره بس

الموضوع جامد بس برائي ان المحترم بس من انتظام هوه الي يخوش

اولا االسلام عليكم
انا جامعه عين شمس تجاره بس كنت داخل اقرا بس حبيت ارد على الجمله دى
عندنا فى عين شمس الجدول نزل النهارده وانتساب احنا لينا محاضرات وطول الاسبوع كمان :d
اما بالنسبه ليكوا والله العظيم الموضوع دا حييساعد اكتر على المذاكره والتقدير وتحول وخير باذن الله
:p

يااخوه اسف والله العظيم مكنش قصدى احط اللى مطلع لسانه كان قصدى احط دى اقسم بالله اسف اسف
;)كان قصدى احط دا وربنا

ميرسي اوي يا yoyoo f بجد لانك انتي رضيتي عليا وميرسي تاني لاهتمامك وعلي ده شي يشرفني اننا نكون اصحاب بس انا مفهمتش اي حاجه من ايمللك يا ريت رسالتي دي توصلك وياريت تبعتي ايميك تاني علي الايميل ده وده بتاعي

يا جماعه انا نزلت الكليه النهارده وسمعت اخبار زي الزفت انا افضل ما اقولهاش احسن وكفايه الي انتم فيه بجد ربنا معايا ومعاكم

لأ قولي يامروة احسن

اسمع ياسيدي الي انا عرفته اني القرار ده اصلا مش بسبب انفلونزا الخنازير ده قرار كانو عايزين يخدوه من السنه الي فاتت بغض النظر عن اي وباء والنظام مش هيتغير خالص وهيفضل كده ال 4 سنين برغم من اني في طلبه كتير عامله احتجاج وكاتبه شكاوي بس طبعا محدش هيعبر فينا لانهم مش حسيت بينا بس انا من رايي اننا لازم يكون لينا واقفه بدال ما احنا سلبيين اوي كده ولا ايه يا ماجد

ولا يهمك المه انك تحس بالي احنا فيه ومتزعلشي من حد وحاول تكون ضيف محبوب في المنتدي ومتزعلشي حد منك اوك

وعلي فكره يا ماجد والله العظيم انا واثقه في اللي بقوله كويس اوي دانا كمان مجموعي يجيب انتظام في عين شمس وحولت اني احول لكن قالولي ما فيش تحويل ليكي لاني محوله من معهد وعلي فكره كمان انتساب عين شمس وحلوان بيروحو طول الاسبوع عادي جدا

لا يا مينا دي القاهره بس هي الي كده تخيل بقي الحظ عامل معانا ايه يعني لو كلوه كده كان عيبقي ارحم

بص يا محمد انا مش عايزاك تزعل نفسك خالص والله كلنا مدايقين بس ده في الاول وفي الاخر نصيب ولا زم ترضي بلي ربنا قسمه ليك ومتعترضشي علشان مايقبلكشي اي مشاكل تانيه قول الحمد لله علي كل شي بس الي انا احب اعرفهولك انها متلغتشي علشان انفلونزا الخنازير دي اتلغت لاني هما كانو عايزين يلغوها من السنه الي فاتت ونفذوها بالفعل بس عادي ربنا يوفقك لو جبت تقدير هاتحول عادي جدا وده الامل الوحيد الي فاضل وعلي فكره انا كمان سنه تانيه معاك واحب اننا نكون اصحاب ونساعد بعض في اي حاجه بس انا محوله من معهد سنتين

لا يا قمر ولا محاضرات ولا دخول الكليه كمان

انا مصدق كلامك يا مروه وفعلا لازم يكون لينا وقفه بجد

والله قلبي معاكوا يا طلبة انتساب

انا كنت هاحذف الموضوع وأضمه للموضوع بتاع تجمع طلبة تجارة "جامعة القاهرة"

بس قولت بلاش .. بما ان كدا كدا انتظام اختلفت عن انتساب ..

وبما ان هايبقالكوا وضع خاص في حكاية المحاضرات والكلام دا ..

فايستحسن برده يبقالكوا موضوع منفصل تبقوا تتناقشوا فيه براحتكوا

ماهو مش معقول يعني ابقي انا وادارة الكلية عليكوا !!

صح يامروه انا لسه عارف امبارح ان احنا بس

مش عارف ليه الحظ كده:mad:

طيب احنا هنفضل نقول لازم يكون لينا وقفه ومنعملش حاجه

طيب هنعمل ايه ؟

ايه هى الوقفه دى؟!

ازيكو ياشباب انتساب
انا مصطفى فى تالته انتساب
وان شاء الله هاكون معاكو
بس حته الوقفه دى مش هاتعمل حاجه ( دا مش احباط )
بس هو قرار اتاخد خلاص
على العموم فى جروب على الفيس بوك اسمه (حمله لالغاء قرار المحاضرات التلفزيونيه لطلاب انتساب جامعه القاهره)

لا على فكره
حته انهم يلغو محاضرات انتساب كانت فى دماغهم اه
بس كانو هايخدوها واحده واحده
يعنى السنه اللى فاتت وانا فى تانيه الدكاتره قاللونا فى نظام جديد هايطبق على طلبه سنه اولى الجدد
وهو الغاء المحاضرات وتبقى محاضرات الكترونيه
وكانو هايخدوها سنه سنه
لكن بسبب انفلونزا الخنازير عملو الاربع سنين مع بعض

يعنى الجروب ده هيبقى ليه اى دور غير انك تدوس join وتكتب كومنتات برأيك
احنا عاوزين حاجه ليها دور فعلا

مانا علشان كده بقول مافيش فايده

يعنى يامروه مفيش دخول لينا خالص ياريت تردى عليا بليزززز

:av4056bb7jp3::av4056bb7jp3::av4056bb7jp3::av4056b b7jp3::av4056bb7jp3:
انا محمود المصرى اولى تجاره انتساب القاهره

انا سئلت على فكره من يومين وانا هناك سئلت واحد جوه فى مدرج انتساب من الى كانوا واقفين للاستفسارات وكده

سئلته عن المكان الى هاخد فى المحاضرات قالى اسمك ايه قولتله محمود قالى مدرج ( ز ) ومقليش لينا ولاا ملناش

وجيت وانا ماشى رجعت تانى وسئلت واحد بره قالى ملكوش قالى عن طريق التليفزيون والانترنت ولو لينا انا وماجد وانتى هنكون مع بعض ان شاء الله علشان حرف الميم واى حد هنا حرف الميم ياما هنكون مع بعض عن طريق التليفزيون وعلى العموم انا رايح يوم السبت وهشوف ايه الموضوع وعلى فكره بتوع الجامعه المفتوحه رايحين بكره الى هو الجمعه وانا عندى واحد صاحبى تجاره مكن اروح معاه ولو عرفتى اى حاجه جديد يا مروه او اى حد عرف حاجه طب انا كان عندى سؤال سورى لو حبيت اسئل الدكتور عن حاجه وانا بتفرج على التليفزيون اعمل ايه ارفع اديا ولاا اغمزله بعينى ولاا حكاية الكرنيهات الحمرا ديه ايه بيدونا طرد من اولها وكمان من غير انظارات يالاا ربنا يقدم الى فيه الخيير انا عارف ان انا طولت عليكى اوى وعليكوا جميعا ويارب نكون جميعا نافعين لبعض:av4056bb7jp3::av4056bb7jp3::av4056bb7jp3::av4 056bb7jp3::av4056bb7jp3:

الاخبار الى فوق ديه اخر حاجه عرفتها

ياجماعه لوحد عرف جدول المحاضرات الى على التليفزون والنت ياريت يعرضو

الجدول بتاعنا هيبدأ بعد اسبوعين من الدراسه
يعنى تقريبا هينزل بعد اسبوع متقلقيش

اخر الاخبار (انتساب هيحضرو يوم واحد كل اسبوعين وهو يوم الجمعه ) يا بلاش والله

دى منين الاخبار دى

رد
 

والله حضرتك الخبر ده سمعتو بالتاكيد من واحد صديقى ذهب ليسال فى الجامعه فقالو له هذا الكلام بس من راىى ان اكيد مش هيلغو كل المحاضرات وبكده اتا مش عارف التعليم المفتوح غلبنا ولا احنا اللى غلبناه؟؟؟؟؟؟؟

اه بس كده هايطرو يقسمونا علشان استحاله تالته كلها مثلا تحضر فى مدرج واحد

اه دا الواد اسلام هوا اللي عامل الحملة دي .. بلاش نسيحله بقي احسن يتقفش فيها http://l.yimg.com/us.yimg.com/i/mesg/emoticons7/17.gif

ياعم ومين قالك انك هاتتفرج عليه اساسااااااااا ؟!

مافيش احسن من ميلودي هيتس http://l.yimg.com/us.yimg.com/i/mesg/emoticons7/21.gif

طيب والله يا محمود ده الي انا كنت بفكر فيه ده اولا طيب سيبك من انك مش فاهم طب لو انت فاهم ومركز اوي والنور قطع تعمل ايه هتقولي هشوفهاعلي النت طيب افرض النت فضل او انت اصلا مش عندك كمبيوتر طيب سيبك برده من كل ده اخر وقت الامتحانات ازاكر ازاي اراجع بقي المحاضرات كلها من علي النت لحد ما نظري يضعف وروح الكليه لبسه نضاره ومن كتر القاعده قدام النت اقعد علي كرسي كمان وروح بيه الكليه وبعدين بقي بصراحه يعني انا واحده من الناس معنديش استعداد اني افضل اتفرج علي المحاضرات من التلفزيون واول ما يكون في مطش هسمعه و في 60 داهيه المحاضره بصراحه كده مش هينفع ولا ايه رايك في الي بقوله وبعدين ازاي يحرمونا من الكليه كمان يعني يحرمونا من المحضرات والكليه والله حرام كده كتير اوي وبجد احنا والله مالناش محاضرات خالص ولا زم نعمل شكوي زي باقي الطلبه ما عملين انا سئلت في شئون الطلبه وقالي لو كل الطلبه عملت اعترض القرار ممكن يتغير

سيبك من ميلودي لو انا مثلا عايزه اسمع المحاضره والجدول في محاضره الساعه 9 ولا 10 تفتكر من ااقوم من النوم علشان اسمعاها طبعا لا

علي فكره انت الوحيد الي قولت كده لاني كلنا سالنا وقالو مافيش اصلا اي دخول لينا الكليه ياريت تتاكد من الخبر الاول قبل ما تقوله علشان متعشمناش بحاجه مش هاتحصل وياريت لو اتاكدت بس بجد تقول لينا احسن احنا بقينا بنشمشم علي اي امل

بص هي مش واقفه بس احنا ااقل شي ممكن نعمله اننا نعرف الطلبه الاي عملت شكاوي عملوها ازاي ونعمل زيهم لاني والله واحد في شئون الطلبه قالي هما دول الي ممكن علي الاقل يخلو القرار ما يطولشي ويبقي لفتره معينه لاني ناس كتيره اوي عامله كده فتخيل لو احنا كلنا عملنا كده اكيد القرار ممكن يتغير ولا ايه

وحتي لو متغيرشي نبقي عملنا الي علينا بس الي انا عايزه اوصلهولك انه ممكن ما يطولشي علشان في طلبه كتيره عامله احتجاج علي الموضوع ده