![]() |
دفعة ثانوية عامة 2018
اى حد عنده اى حاجة يفيدنا سواء نصيحة او تجربة ..حاجة حصلت معاه ف ٣ث ..:028ja7:
.. .. |
مبروك ع السنة الجديدة 💖
ان شاء الله تكون سنه احققوا فيها احلامكم كلها 😍 هكون معاكم ان شاء الله وياريت لو دعوة بظهر الغيب عسى ربنا يتقبلها |
اولا العربي هكلمكم عن فرع فرع
اول واهم فرع النحو 1-لازم يكون معاك كتاب الامتحان ... مذكرة فيها قواعد النحو كلها ..كراسة صغيرة خاصة بيك 2-تركز في الحصة والمستر يشرح القاعده كويس جدا جدا ولو فيه سؤال اسأليه و متتكسفيش حتى لو المستر زعقلك و حطي صباعك ف عين التخين 😉 3-اول لما تروحي تقرأي القاعده من المذكرة اللي اتفقنا عليها و لو المستر قايل حاجه زيادة دونيها ف المذكرة |
4- انا قولت بعد ما تروحي على طول خلي بالك 😉
5-بعد كدا هتفتحي كتاب الامتحان هتلاقيه جايب بعد تلخيص كل قاعده اسئلة سنوات سابقة تحليها 6-النحو ميتسابش ولا يوم 7-بمعنى انك تخليه روتين يومي ..يعني اول لما تصحي من النوم كل يوم نشطي ذهنك بقطعة نحو من ال100 قطعة اللي ف كتاب الامتحان ( القطع دي لازم ولابد وحتما تتحل بفهم) .. والقاعده اللي تقف معاكي ارجعيلها اقرايها من المذكرة ..و دا هيخليكي متميزة 8- الكراسة بقا هتسجلي فيها الحاجات اللي بتقف معاكي كتيير بس على هيئة نقاط ..و دايما الحاجة اللي تسجليها اكتبيها باسلوبك يعني مثلا (لما يقابلنا كذا يبقا دي ودي مش كذا ) 😂 وف ظهر الكراسة تسجلي الاسئلة اللي عاوزة تسالي المستر فيها و بكدا هيبقا معاكي الكراسة دي اللي هتبصي فيها ليلة الامتحان هتبقي ضمنتي التكات كلها غيرك هتلاقيه تايه ومشتت بين 20 كتاب و هيضيع وقته وبردو مش هيلم حاجة |
انا حليت حوالي 200 قطعة على مدار السنة
دا غير كتاب المدرسة و الدليل و قطع السنين السابقة و كان معايا كتاب اسمه تطبيقات الرساله كان فيه قطع كبيييرة وكتييرة كنت بحل منه بعض القطع كدا الحل الكتير ف كل المواد مش هتعرفوا فايدته غير ف الاخر امتحان العربي بتاعنا كان سهل بس النحو كان عاوز حد فاهم وحالل كتير بجد والناس اللي حلت كتير ف النحو حلته كله صح ف الوقت اللي اشطر الطلبة كانوا طالعين بغلطة واتنين وتلاته واربعه |
انا هبتدى فيزياء النهارده هجرب كذا مدرس ايه رايكوا اخد عند القوى فى المسائل ولا القوى فى الشرح ولا اخد عند اتنين
|
اقتباس:
|
اقتباس:
|
اقتباس:
|
زميل لنا هنا في البوابة طلع الثاني على الجمهورية علمي رياضة
اتجدعنوا عقبالكم ان شاء الله و تشرفونا .. و متنسوناش بالدعاء انا انصحك تروحي للقوي قي المسائل ..اما الشرح عندك كذا مدرس على اليوتيوب منهم مستر محمد عبد المعبود ومستر عزت دول ممكن يغنوكي عن الدرس اصلا (انا كنت عاملة كدا (: اهتموا بالحل الكتير الحل الكتير الحل الكتير متفوتوش ولا امتحان ف الدرس متفوتوش ولا امتحان في الدرس متفوتوش ولا امتحان ف الدرس متاجلوش مذاكرة درس لبكرة متاجلوش مذاكرة لبكرا متاجلوش مذاكرة لبكرا متشدوش اوي من اول السنه متشدوش اوي من اول للسنه متشدوش اوي من اول السنه |
بالنسبة للبلاغة :
1-مذكرة شاملة للبلاغة .. كتاب الامتحان 2-افهمي البلاغة اللي اخدتيها من سنة اولى ثانوي لانها تراكمية 3-ما عليكي سوى التركيز اثناء الشرح .. حل قطع كتير عشان تسهل عليكي فهم اي قطعة . 4-كان معايا كتاب الامتحان حليت القطع اللي فيه 5-كتاب تطبيقات الرساله كان جايب كام صفحه كدا وكاتب فيهم اهم اسئلة البلاغة وازاي تجاوبي عليها ..كانت مهمه جدا و اتعلمي من البلاغة عشان التعبير 😉 |
اقتباس:
ان شاء الله 😂😂👏 |
بالنسبة للادب :
1-متسمعيش كلام اللي يضحك عليكي ويقولك الادب حفظ بس .. لا الادب لو مفهمتيش الدرس كويس جدا ..ممكن السؤال يجي لافف ومتعرفيش تحليه لو انتي حفظا بس 2-حفظ الادب من كتاب المدرسة بدون نقاش .. ناس كتير غلطت وحفظت من المذكرات .. والله العظين جه سؤالين محدش عرف يجاوبهم غير اللي مذاكر من كتاب المدرسة ..لان سؤالين مش صعبين ابدا بس من بين السطور جدا ومعظم المذكرات مذكرتهمش 3-لو بيقابلك صعوبة ف حفظ الادب ادامك طريقتين تحفظي بيهم انا كنت بتبعهم الاولى : كنت بغني المقطع اللي مش عارفة احفظه واسجله على موبايلي على نغمة اغنية انا حفظاها و الطريقة ظي بتثبت الكلام ف دماغك من اول مرة .. انا لسا فاكرا حاجات حفظتها بالطريقة دي من تالته اعدادي ... وف الامتحان لما كان بيجيلي السؤال كنت بفتكر الاغنية واغني واكتب 😃 التانية : هي انك ترسمي الكلام .. كل كلمة تحوليها رسومات معبرة عنها ..الطريقة دي عبقرية بجد في الحفظ ممكن الكلام يفضل معلق ف ذهنك لعشرات السنين . جربيها وهتدعيلي 4-الادب عشان ميتنساش محتاج مراجعة باستمرار ..يعني لو كل يوم تحلي سؤالين بس على كل مدرسة حفظتيها قبل كدا .. يبقا كدا تمام اوي 5- كنت بسمع شرح مستر اسامه عز الدين و مستر محمد السخاوي ف الادب ف لذلك كام بيثبت ف دماغي وكان بالنسبة ليا من احلى الفروع ف الوقت اللي كل الطلبة بتشتكي منه . الادب من كتاب المدرسة الادب من كتاب المدرسة الادب من كتاب المدرسة |
اقتباس:
|
معاكم البشمهندس مصطفي من دفعة 2016 اي استفسار انا معاكم
|
اقتباس:
|
اقتباس:
قوليلى بقا عملتى ايه فى النتيجة |
جبت 94 علمي علوم
عقبال ما نفرح بيكم يا حبيايبي 😍❤ و مش هنسيبكوا ان شاء الله غير لما نطلع منكم اوائل جمهورية بالتوفيق 😘😘 |
اقتباس:
|
الله يبارك فيكي يا لولو 💓
|
لو حبيتوا تتسلوا في قصة الايام و the prisoner of zenda حاولوا تقرأوها كدا
|
اقتباس:
|
الانجلش تاني مادة 😄
بالنسبة للانجلش ك skill 1- المواقف : كنت كل فترة احل حوالي 50 موقف ورا بعض و اوريهم للمستر .. 2-بعد كل يونيت هتلاقي نوع معين من المواقف (اعطاء تعليمات - نصيحة-التمني) والرد عليها دي لازم تتذاكر وتتفهم وتتحفظكويس جداا لان هو دا رصيدك من المواقف .. اوعي تكوني فاكرة ان لازم تبقي فاهمه كل كلمة ف سؤال المواقف ..الشاطر هو اللي بيتصرف ويقدر يجيب الموقف حتى لو مش مفهوم بعض الكلمات 3-سبيكر A و سبيكر B :في السؤال دا ما عليكي الا ان يكون معاكي مذكرة فيها اسماء متحدثين واماكنهم وكدا او بيبقوا ورقتين تلاته بس وحلي بقا كتيير و اللي يقف معك ارجعيله احفظيه ي لولو 😚 |
3-الترجمه : لابد من مذكرة فيها كلمات كتير ترجمه و كراسة صغيرة
كل يوم الصبح بعد قطعة النحو 😉 تحفظي 5 كلمات .. وف اخر الاسبوع تراجعي على ال 35 كلمه و في اخر السنه هتدعيلي😘 💖 4-طب والكراسة :الكراسة دي هتقسميها ل حروف اللغة الانجليزية ..عشان اي كلمة جديدة تقابلك تسجليها فيها حتى لو الكلمه الجديدة دي قابلتك ف القصة او حتى ف التشوز او واحد سمعتيه بيقول كلمة جديدة ..كل دا هيخلي عندك ثروة لغوية ممتازة 👏 5- البراجراف : كلمات الترجمه هتخدمك ف البراجراف جدا جدا .. و احفظي كلمتين شيك كدا ك مقدمه و كلمتين اشيك منهم ك خاتمه وخليهم معاكي طول السنة يبقوا ملازمين لكل براجرافاتك ..بس اوعي تحفظي مقدمة او خاتمه محفوظه اللي هي بتاعت المدرسين دي بالله عليكي تكتبي براجراف كل اسبوع و كل يونيت تخلصيها تقراي الليسنينج والريدنج بتاعها كويس جدااااا و تكتبي عليها براجراف من نفسك كدا لان البراجراف بنسبه 80%بيجي من اليونتس |
ط¨ط§ظ„ظ†ط³ط¨ط© ظ„ظ„ط§ظ†ط¬ظ„ط´ ظƒ ظ…ظ†ظ‡ط¬ 😃
1-ط¨ط¯ط§ظٹط© ظ„ط§ط²ظ… طھط*ظ„ظٹ ط§ط³ط¦ظ„ط© ط§ظ„ظˆط±ظƒ ط¨ظˆظƒ ظˆ ط§ظ„ظ„ظˆظ†ط¬ ظ…ط§ظ† ط¹ظ„ظ‰ ظƒظ„ ظٹظˆظ†ظٹطھ طھط®ظ„طµظٹظ‡ط§ .. ط¨ظٹط¬ظٹ ظ…ظ†ظ‡ظ… ظپظٹ ط§ظ„ط§ظ…طھط*ط§ظ† 2-ط§ط*ظپط¸ظٹ ظƒظ„ظ…ط§طھ ظƒظ„ ظٹظˆظ†طھ ظƒظˆظٹط³ ط¬ط¯ط§ ظ„ط§ظ† ط¨طھط*طھط§ط¬ظٹظ‡ط§ ظپ ط§ظ„طھط´ظˆط² ظˆط§ظ„ظپط§ظٹظ†ط¯ .. ط§ظ‚ط±ط§ظٹ ط§ظ„ظ„ظٹط³ظ†ظٹظ†ط¬ ظˆط§ظ„ط±ظٹط¯ظ†ط¬ ظƒظˆظˆظˆظٹط³ ط§ظˆظˆظˆظˆظˆظˆظˆظٹ ظˆط±ظƒط²ظٹ ظپظٹظ‡ظ… ط¬ط¯ط§ ظˆط®ظ„ظٹ ط¨ط§ظ„ظƒ ظ…ظ† ظƒظ„ ظƒظ„ظ…ط© ظ„ط§ظ† ظٹظˆظ… ظ…ط§ ظٹط*ط¨ ظٹظ„ظپ ظپ ط§ظ„طھط´ظˆط² ط§ظˆ ط§ظ„ظپط§ظٹظ†ط¯ ط¨ظٹط¬ظٹط¨ ظ…ظ†ظ‡ظ… 3-ط§ظ„ظ‚طµط© :ط§ظ‚ط±ط±ط§ظٹ ط§ظ„ظ†طµ ظƒظˆظˆظٹط³ ظˆط§ط¹ط±ظپظٹ ط§ظ„ظƒظˆطھط´ظ† ظ…ظٹظ† ط§ظ„ظ„ظٹ ط¨ظٹظ‚ظˆظ„ظ‡ ظˆظپط±ظ‚ظٹ ط¨ظٹظ† sapt ظˆ fritz ظ„ط§ظ† ظ‡طھطھظ„ط®ط¨ط·ظˆط§ ظپظٹظ‡ظ… ط´ظˆظٹط© .. ظˆط§ط®ط± ظپطµظ„ ط§ظˆط¹ظˆط§ طھظ‡ط¨ط·ظˆط§ ظ„ظ…ط§ طھظˆطµظ„ظˆظ„ظ‡ 😥 ظٹطھط°ط§ظƒط± ظƒظˆظˆظٹط³ ط²ظٹ ط§ظˆظ„ ظپطµظ„ ظپ ط§ظ…طھط*ط§ظ†ط§ ط¬ط§ط¨ ظ…ظ† ط§ط®ط± ظپطµظ„ ظˆظپظٹظ‡ ظ†ط§ط³ ظƒطھظٹط± ط؛ظ„ط·طھ ظˆط§ظ„ط³ط¤ط§ظ„ ظƒط§ظ† طھط§ظپظ‡ ط§طµظ„ط§ 4-ط§ظ„ط¬ط±ط§ظ…ط± ظˆ ط¯ط§ ط§ظ‡ظ… ط*ط§ط¬ظ‡ : ط§ظ„طھط±ظƒظٹط² ط§ظ„ط¹ظ…ظٹظ‚ ظپ ط´ط±ط* ط§ظ„ظ…ط³طھط± ... ط§ظ„ظ„ظٹ ط¨ظٹطھظپظ‡ظ… ظپظٹظ‡ ط§ظپظ‡ظ…ظˆظ‡ ظˆط§ظ„ظ„ظٹ ط¨ظٹطھط*ظپط¸ ظپظٹظ‡ ط§ط*ظپط¸ظˆظ‡ .. ظˆظٹط§ط±ظٹطھ ظƒظ„ ط¬ط±ط§ظ…ط± طھط¹ظ…ظ„ظٹ ظ„ظٹظ‡ ظ…ظ„ط®طµ ط¨ظ†ظپط³ظƒ ظپ ظˆط±ظ‚ظ‡ ط§ط¯ ظƒظپ ط§ظ„ط§ظٹط¯ طµط¯ظ‚ظٹظ†ظٹ ظ‡ظٹط®ط¯ظ…ظƒ ط¬ط¯ط§ط§ط§ ظˆظ‡ظٹط³ظ‡ظ„ظ‡ ط¹ظ„ظٹظƒظٹ |
السلام عليكم ورحمة الله وبركاته جزاكم الله خيراً على هذا الموضوع القيم . بداية موفقة للجميع إن شاء الله ,أنا ثانوية أزهرية علمي إن شاء الله مشتركة مع حضراتكم في المواد الثقافية |
اقتباس:
دايما بكتفى انى احفظ السؤال والاجابة .!!! |
اقتباس:
ان شاء الله ..منورانا 😍 |
اقتباس:
و بعد كدا تحفظي سؤال و جواب و بعد كدا حلي اسئلة كتير ع القصة و لو قابلك سؤال محفظتيهوش اكتبيه هو واجابته ف المكان اللي بتحفظي منه ف الاخر هتبقي لميتي غالبا جميع الاسئلة دا غير انك قارئة النص وفاهماه كويس 👌👍 |
الانجلش ك منهج :
1- اليونيت اللي تاخديها احفظي كلماتها كويس جدااا لان هتحتاجيها ف التشوز والفايند 2-الليسنينج والريدنج يتقرا بعناية مهم جدا جدا جدا 3-القصة زي ما قلتلك 4-التشوز مش صعب لو انتي حفظا كلمات المنهج صم والملحوظات اللي ف كل يونيت والفرق بين الكلمات المتشابهه.. حليه باستبعاد الخيارات اللي متنفعش واختاري اقرب حاجه 5-الفايند تقراي كل كلمة ف الجملة بتركيز جدا وترجمي كل كلمه وشوفي الجملة صح ولا لا لو الجملة معناها صح .. يبقا الغلط ف حرف تشيليه او تحطيه ف كلمة معينة بس انتي ماخدتيش بالك منه 6-اسئلة الورك بوك واللونج مان واسئلة سنوات سابقة مهمه جدااا حليتهم اكتر من مرة |
اهم حاجه الجرامر
-تركيز عالي جدا اثناء الشرح -فهم الجرامر كوويس جداا.. الناس اللي مش بيحبوا الانجلش مش بيحبوه بسبب الجرامر .. فلو فهمتي الجرامر كويس هتبقي100% -ياريت كل جرامر تاخديه تلخصيه مع نفسك ف ورقه صغيرة بطريقة تفكرك بيه... -الجرامر اللي تذاكريه حلي عليه من كتاب خارجي محلول .. و لو حسيتي انك مش مظبطه حلي اسئلة عليه تاني من كتاب خارجي تاني هتبقي اتظبطي |
اولا كده السلام عليكم :):)
ثانيا انا علمي رياضه و كنت عايزه اعرف هي رياضه 3ث اصعب من 2ث ولا العكس و لا ايه ؟؟:(:( و ايه الوضع بالنسبه لجزء الديناميكا صعب و لا سهل انا مكنش بحبه اووى في 2 ث و كنت بحس انو تقييل شويتيين بس كنت بحب الاتزان و كنت بحس مسأله سهله و ايه اصعب جزء في الرياضه 1 و2 و ايه الاجزاء اللي المفروض اركز عليها و عايزه اعرف هو المنهج اكبر بكتيييييييييير من منهج 2ث و لا ايه و بالنسبه للكميا عدد المعادلات اد ايه يعني زي 2 كده مثلا و لا اكتر و مسائل استنتاج الغازات اد ايه ؟؟و الفزيا انا كنت بكلم واحده في 3ث في المدرسه لما كنت في 1ث و قالتلي الفزيا في 3 مش بتتفهم :excl: :excl: و بالنسبه للعربي انا كويسه في البلاغه الحمد لله المستر اللي كنت باخد عندوو اسسني فيها كويس اووى بس في النحو مش قد كده بس باخد دلوقتي كورس نحو و المس ممتازه و انا الحمد لله بتحسن و بعرف حاجات اول مره اعرفها الحمد لله اتحسنت كتير عن الاول و الادب مش بحبوو ولا جزء التعليق اللي بيبقا بعد الدروس ده بحس حفظه صعب بس بحاول المشكله اني ممكن اذاكره 3 مرات و مبقاش فاكره الا نصه مثلا و باقي الفروع انا شايفه ان كل سنه مصتقله بذاتها فيهم و الانجليزي و الفرنساوي الحمد لله الحمد لله الحمد لله انا كويسه فيهم بس اكتر جزء بيخوفتي في الانجليزي هو الترجمه اللي من عربي و انا احولها انجليزي بس المس اكيد هتديني ورق ترجمه زي المعتاد و انا عايزه اجيب كتاب top student احل منه و احفط ترجمه ده كويس ولا ايه انا سمعت انو في اسأله صعبه علشان كده عوزاه و ايه رايكم اجيب كتب ايه ؟؟ انا بصراحه مرعوووبه من النتيجه بتاعت 2017 :bosyht9::bosyht9:و من نسبه الرسوب الكتير دي هو ممكن حد يبقى حالل كويس و تشيل الماده ؟؟ و المشكله ان نسبه النجاح بتقل كل سنه عن اللي قبلها :stickjo4::stickjo4: هو انا كده ممكن اجيب مجموع هندسه ولا لا :confused::confused: معلش انا اسفه عارفه طولت عليكم بس يا ريت حد يفيدني :wacko::wacko::wacko: |
السلام عليكم و رحمة الله و بركاته
ممكن تفيدوني بخصوص الكتب الخارجية ممكن نجيب كتب ايه ف كل المواد و و خصوصا الإنجلش و الكيمياء و الفيزياء و الأحياء ؟؟ و هل مذاكرة أول مرة تكون من كتب المدرسة و لا الكتب الخارجية ؟ كمان ممكن اعرف الكتب بتنزل امتى ؟ يعني على امتى تكون ف المكتبات ؟ و هل احنا بنستى الكتب تنزل عشان نبدأ و لا نبدأ ازاي ؟؟؟ شكرا |
عام مبارك عليكم ان شاء الله ،، ربنا يوفقكم للخير ويرزقكم افضل مماتتمنونه ان شاء الله ،، ماتاخدوش السنة دي علي اعصابكم ،،الهدوء النفسي اكثر شيء محتاجينه بجد 😃 ،، الباقي مقدور عليه ان شاء الله ،،بل هو مترتب علي الهدوء ده ،،تخيل لو واخد كل شيء بقلق منين يجي االتركيز والتخطيط والتنظيم 😕...
استعينوا بالله دوما ،اولا واخرا ، خلي ثقتك في الله عالية دوما ،ومهما كانت الصعوبة تقدر تتجاوزها ان شاء الله ،،"لا يكلف الله نفسا الا وسعها" اعمل ال عليك ع ماتندمش بعدين ،،انتهز الفرص دوما واجتهد مع طبعا بعض الترويح عن النفس بس مش الافراط 😉 هتلاقوا مواضيع كثرة ع اجتماعيات طالب ،مثبت منها البعض،والبعض لا ،،وقلبوا ف المواضيع القديمة كمان،،جميعها لمجتهدين ماشاء الله وطبعا معاكم طلبة 2017 الابطال ،،بالتوفيق ان شاء الله😃 |
اقتباس:
فى الاول زى ما قالكم كده شوفوا المواضيع المثبته اقروها وحالوا تشوفوا دفعة ٢٠١٦ وهتلاقوا اسئلتكم متجاوبه واسئلة تانيه هتسألوها وبعدين ، على فكره المرحله الى انتم داخلينها دى مش عايزه شخص علميا قوى بس ، ولكن عايزها نفسيا كمان وانا هقلكم الكتب كده بسرعه وانتوا هتلاقوا المميزات بالتفصيل فى المواضيع المثبته بس ابحثوا كويس المهم عربى عندنا ٣ كتب : منهم الامتحان ودا كتاب لا غنى عنه للاسئلة وفيه الاضواء وده كان كويس نصوص وفيه الرساله ، وكان كويس قراءه وقصه الانجليزى : Gem طبعا ثم المعاصر ( افضل كتاب شارح قصه ) الفرنساوى مش هتفرق بس الافضل جنيال الكيمياء : الوافى والامتحان فيزياء : الامتحان والوسام الاحمر الاحياء : الامتحان والنفيس الجولوجيا : الامتحان ربنا معاكم انا طالب رايح تانيه طب بشرى |
اقتباس:
شرفنا انضمامك ياقمر لجروب 2018 وباذن الله يكون فتحة خير عليكي و يكون عون ليكي توصلي لحلمك واضح انك ماشاء الله مجتهدة و عندك اصرار على هدفك بالنسبة لموضوع الرياضة و فرع الديناميكا .. في الحقيقة انا كنت علوم ف مش هقدر افيدك في الموضوع ..ان شاء الله الناس زمايلي اللي كانوا في رياضة متفوقين جدا ويقدروا يفيدوكي بس اللي اقدر اقوله ... اني لما طلعت من السنه عرفت بجد ان 3 ثانوي دي محتاجه اجتهاد وبس مش شرط تكوني متفوقة في الرياضة عشان تجيبي مجموع ..لا كان معايا ناس كنت بقول هما داخلين احياء ليه دول مش بيحفظوا كلمتين على بعض ..بس تعبوا جدا جدا جدا ووصلوا لمجاميع عالية جدا ف دايما اعرفي ان الاجتهاااد يزيل اي عائق |
بالنسبة للكيمياء ..هي جزئين ،،جزء كيمياء عادية و جزء كيمياء عضوية
كل جزء فيه معادلات ... و المعادلات في الكيمياء كتير مش عدد قليل بس بالتكركر بتثبت لو كل يوم بصيتي بس في المعادلات اللي حفظتيها هتثبت جدا ...وانا واحده كان فيه معادلات بحفظها زي الاغنية و عمري ما هنساها ان شاء الله .. والمعادلات اللي وزنها صعب..احفظيها بوزنها... مش فاهمه سؤال حضرتك اللي هو استناتاجات الغازات بالنسبة للفيزيا .. اياكي تسمعي كلام البنت دي ..الفيزيا والكيميا من المواد اللي لو حبيتيها ممكن توصل ان مش عاوزة تذاكري غيرهم حاولي الفيزيا متضيعيش فيها سطر مش فاهماه ..اسمعي مدرس واتنين وتلاته ع اليوتيوب ..اسألي المستر بتاعك مرة واتنين و عشرة ..الفيزيا عبارة عن تفسير الظواهر الطبيعية اللي حواليكي يعني حاجة بتتحس كدا ...دايما حسي الفيزيا ومتسبيش حاجه غير لما تحسي انك حساها😃 حلي كتير حلي كتير حلي كتير ولو كل يوم مسألة او اتنين |
ماشاء الله الحمد لله انك كويسة في البلاغة
و بالنسبة للنحو انا واثقة باذن الله انك هتبقي 👌 فيه لانك عند استعداد الادب متخافيش منه وذاكريه زي ما قلتلكوا .... تعليق النصوص ممكن تحفظيها باكتر من طريقة اما بالاغاني او بالرسومات او بانك تفتكريها بحاجه معينة او انك تاخدي اول كلمه من كل نقطة ...بس انتبهي✋ (الادب والتعليق من كتاااااااب المدرسة) غير كدا اي مجهود هيبقا ف الفاضي والسنه طويلة جدا معاكي10 شهور هتكرريهم فيها كتير باذن الله وهتكوني اجادتي كل شئ الحل القاضي على النسيان هو التكرااار |
بالنسبة للترجمه كلمتكم عنها بردو اقراي الموضوع من اوله
كتاب top student ممتاز جدا و عاوز حد فاهم المنهج كويس جدا و حد بيحب التكات والاسئلة الصعبة وبيستمتع بيها اوعي تقلقي من نتايجنا... احنا امتحاناتنا كانت كوييسة وبتقيس فعلا اللي ذاكر من اللي مذاكرش .. بس الغش جه وبهدل الدنيا واصبحت النتيجة مقياس للي عرف يغش من اللي معرفش و لكن احنا عندنا ثقة ان الله لن يضيع اجر من احسن عملا ✋ اتعبي جدا جدا وعافري واعملي اللي عليكي و خدوا بالاسباب وهتحققوا كل ال نفسكم فيه وبكرا هفكركوا مفيش حاجه اسمها حد بيحل كويس وبيسقط مفيش حد سقط غير اللي مذاكرش ..انا ليا زمايل وشوفت نتايج اللي ذاكر وشوفت نتايج اللي تعب وشوفت نتايج اللي لعب وعرفت ان الله لا يضيع اجر من احسن عملا .دعشان ربنا عادل اتعبي و هتلاقي👍 |
[QUOTE=Stevaniii;6611537]بالنسبة للترجمه كلمتكم عنها بردو اقراي الموضوع من اوله
كتاب top student ممتاز جدا و عاوز حد فاهم المنهج كويس جدا و حد بيحب التكات والاسئلة الصعبة وبيستمتع بيها اوعي تقلقي من نتايجنا... احنا امتحاناتنا كانت كوييسة وبتقيس فعلا اللي ذاكر من اللي مذاكرش .. بس الغش جه وبهدل الدنيا واصبحت النتيجة مقياس للي عرف يغش من اللي معرفش و لكن احنا عندنا ثقة ان الله لن يضيع اجر من احسن عملا ✋ اتعبي جدا جدا وعافري واعملي اللي عليكي و خدوا بالاسباب وهتحققوا كل ال نفسكم فيه وبكرا هفكركوا مفيش حاجه اسمها حد بيحل كويس وبيسقط مفيش حد سقط غير اللي مذاكرش ..انا ليا زمايل وشوفت نتايج اللي ذاكر وشوفت نتايج اللي تعب وشوفت نتايج اللي لعب وعرفت ان الله لا يضيع اجر من احسن عملا .دعشان ربنا عادل اتعبي و هتلاقي👍[/QU استمرى متابعينك |
اخوكم فارس نعمة الله ...مش فهد زى ما مكتوب :d:d ... 97.44%
مكنش اللى بتمناه للاسف .. اه نسيت علمى علوم اى حد عاوز حاجه يطلب بالنسبة للكتب ع السريع وهبقا اوضح عنها كل تفاصيل كيمياء محتاج شرح الوافى او الايزو ... + كتاب الامتحان هو تدريبات بس احياء الامتحان شرح وحل وكتا الفائز رائع بس اوعى تجيب معاهم الاول او النفيس جيولوجيا كتاب الامتحان س وممكن الاول ف المراجعه فيزيه اوعى تشترى كتب كتير انصح بالامتحان والوسام فقط + مذكرة وافية عشان الامتحان وحش شرح الانجلش جيم ومعاه سنيور او بيست بس بلالاش المعاصر وافتكرها منى فرنساوى ميرسى فقط الكتاب الاعظم عن تجربة العربى الاضواء بلح والامتحان بلح |
stevaniii شكرا جدا و يارب يوفقق و يا رب اوصل لحلمي و تكون سنه خير علينا كلنا و يكون الجروب فتحه خير يا رب و انا ان شاء الله هعمل اللي عليا و هسيب الباقي على ربنا و ان شاء الله هيكرمني بس انا قبل كده في سنه 1 بصيت ع الادب من كتاب المدرسه لقيته ع بعضه يعني مش مترتب ولا متقسم حسيت انو بيطلع من موضوع يدخل ع موضوع تاني مره واحده بس هحاول من كتاب المدرسه بس عايزه اعرف حجم المناهج اكبر من 2 بكتييير ولا ايه ؟؟ و ان شاء الله ابقا كويسه في النحو
|
ونعم بالله ان شاء الله مش هيضيع تعبي و ربنا هيكرمني بالنسبه للكتب انا كنت عاوزه اجيب كتاب الامتحان في الكميا و الفزيا و العربي الاضواء الفرنساوي برافو (العربي و الفرنساوي المرسين بتوعي بيطلوبوهم ) العربي المس مش عامله ملزمه و بتقول الكتاب احسن و لما بتبقى فيه حاجه غلط بتصححها كده كويس ولا لازم اجيب نوع تاني معاه و هي اصلا عموما بتحل قطع النحو بتاعت الاضواء كلها و البلاغه و كمان من كتاب الامتحان بنحل و بتدينا ورق س و ج للادب و القصه و غيره بس انا بردو هاخد بالنصيحه و هذكر برده من كتاب المدرسه بعد س وج علشان لو في حاجه ابقا ازودها في الورق و الفرنساوي المس عامله ملزمه و بتطلب منا الكتاب بردو و بتجيب ورق من كتب تانيه و بنحل كتاب الامتحانات اللي في برافو و كتاب تاني و الملزمه فيها اصلا تدريبات و بالنسبه للجرامر انا بكتب وراها و مش ببص ع شرح الملزمه اصلا و لا الكتاب لان لو في حاجه مهمه في شرح الملزمه هي بتقول عليها ف كده كويس ولا اجيب كتاب تاني
|
اقتباس:
|
يارب ان شاء الله نكون دايما عند حسن ظنكم ❤
بالنسبة لمستوى الامتحان صعب ولا سهل .. احب اقولك متقلقيش ابدا ..انتي هتحلي اسئلة في الكتب وامتحانات الدروس اصعب بكتييييير من امتحان اخر السنة ..الكتب الخارجية بيحطوا اسئلة لمستويات عاليه جدا عشان الطالب يشعر وكأن امتحان اخر السنة دا تافه .و فعلا هتلاقيه تافه عن اي امتحان او اسئلة حلتيها .. ومتقلقيش من التكات اللي ف اي امتحان ابدااا .المفروض تبسطك لان هي اللي هتميزك عن حد حافظ وداشش المنهج قبب الامتحان باسبوعين تلاته ومش فاهم حاجه .. و طبعا انتي باين عليكي شطورة ماشاء الله و هتحلي كل سؤال ف كتابك ومش هتسيبي نقطة . هتقولي طب امال ليه بعض من الناس بتحل الكتب و ف الاخر مش بتجيب مجموع عال هقولك التوترررر هو اللي بيضيع الدنيا ...انا واحده التوتر الزيادة اللي عندي كان بيمنعني اني اذاكر في شهر الامتحانات يعتبر مذاكرتش كلمه ف شهر الامتحانات ممن التوتر ..واخدت عهد ع نفسي اني مش هاخد حرف من حد لو هيكلفني مستقبلي ...ودخلت الامتحانات وكنت بحل باللي انا فاكراه ايام الشرح ..ف الحمد لله انها جت على اد كدا كمان ☺ الهدف من كلامي ان التوتر بيضيع ..عامل زي الكررسي الهزاز .. طول الوقت بيتهز ومش بيتقدم بيكي ادام ابدا ..لا هو بيهز الشخص وبيوتره وبيخليه كامن ف مكانه |
ماشاء الله مجموعك جميل ف 1 و 2 واكيد ان شاء الله ف 3 هتجيبي اعلى واعلى
مجموعك ف اولى وتانية مفيش ليه اي علاقة بمجموعك ف تالته نهائي متقلقيش ... لا ممكن ناس تكون فاشلة اصلا ف الرياضة وتشد حيلها ف 3 في الرياضة وبتدخل هندسة .. اللي فات دا ملوش علاقة ب3 ..هدفك وحلمك بيخليكي تطلعي العملاق اللي جواكي 👍 |
بالنسبة لمعادلات الكيميا الى حد كبير زي 2 و ممكن اكتر حتة بسيطة ... المعادلات هتحبيها اكتر حاجه ف الكيميا وبكرا هتقوليلي 😉 منهج الكيميا لذيذ جداا
و زي ما قولتي كدا الحاجة اللي اخدتيها ف الدراسة تذاكريها بعد الدرس على طول عشان تثثببببت تمااماا لخبطة للمعادلات اللي مصر كلها عانت منها ..حلها التكرار و الاغنية .. لو كل يوم بصيتي فيها بعينك وغنتيها ب بؤك و كتبتيها بايدك ،،يبقا ابشري 😙 |
اقتباس:
|
[QUOTE=Stevaniii;6610385]زميل لنا هنا في البوابة طلع الثاني على الجمهورية علمي رياضة
اتجدعنوا عقبالكم ان شاء الله و تشرفونا .. و متنسوناش بالدعاء انا انصحك تروحي للقوي قي المسائل ..اما الشرح عندك كذا مدرس على اليوتيوب منهم مستر محمد عبد المعبود ومستر عزت دول ممكن يغنوكي عن الدرس اصلا (انا كنت عاملة كدا (: اهتموا بالحل الكتير الحل الكتير الحل الكتير متفوتوش ولا امتحان ف الدرس متفوتوش ولا امتحان في الدرس متفوتوش ولا امتحان ف الدرس متاجلوش مذاكرة درس لبكرة متاجلوش مذاكرة لبكرا متاجلوش مذاكرة لبكرا متشدوش اوي من اول السنه متشدوش اوي من اول للسنه متشدوش اوي من اول السنه[/QUO جزاكى الله خيرا |
اقتباس:
الف مبروك عقبالنا |
جميع الأوقات بتوقيت GMT +2. الساعة الآن 01:14 PM. |
Powered by vBulletin® Version 3.8.11
Copyright ©2000 - 2024, Jelsoft Enterprises Ltd.