تعريف بنظام كلية العلوم جامعة القاهرة
كلامى هيبقى مرتبط جدا بالصورة دى بتاعة الاقسام فياريت تركزوا فيها وانتوا بتقرأوا الموضوع http://img69.imageshack.us/img69/215...1709872910.jpg فى سنه اولى علوم بيبقى فيه خمس مواد تلاته منهم اجباريين هما 1- فيزياء 3- كيمياء 2- رياضه واتنين اختيارين بختارهم من العشر مواد الى على شمال الصوره وبعد كده بنتخصص فى سنه تانيه فى القسم الى احنا عايزينه والتخصص بيبقى بناءا على حاجة اسمها متطلبات يعنى انجح فى مواد معينه عشان اعرف ادخل القسم واجيب فيه تقديرات معينه وهى دى المواد الاختياريه ملحوظة فى مواد اسمها متطلبات جامعة ودول لازم تاخدهم فى اى سنة من الاربع سنين بس كنصيحة خدهم فى سنة أولى وهم 4 بتاخد منهم 2 ترم أول واتنين ترم تانى ***************************** سؤال هو انا ينفع اختار اى ماده من العشره ؟؟ لا هو ده بيتوقف على انت كنت علمى علوم ولا علمى رياضه لو علمى علوم ليك كل المقررات الا اول اتنين لو علمى رياضه ليك كل المقررات ماعدا 4 و7 و8 و9 و10 (الكليه بتاعة علوم اساسا :P ) والاقسام زى ما متوضح فى الصورة كده ايه المتاح لرياضه وايه المتاح لعلوم وموضح برده ايه المقررات اللازمه لدخول القسم ***************************** طب وانا ينفع ادخل اى قسم ؟ لا طبعا انت بتدخل الاقسام الى انت واخد المواد المؤهله ليها زى ما وضحنا والاقسام رقم 21 و 22 و 23 و 24 عشان دول اقسام ملهاش مواد اجبارى للتخصص ***************************** طب وايه نظام االدراسه ؟؟ بص يا سيدى العزيز الدراسه عندنا كل ماده من 100 درجه متقسمه كاالاتى 60 درجه على الفاينال وده الامتحان الى فى اخر التيرم خالص و30 درجه على العملى و10 درجات على الميد تيرم . ال 30 درجه بتوع العملى بالنسبه للرياضه لانها مالهاش عملى بيبقى فيه ميد تيرم تانى ب 20 درجه و10 درجات على الشيتات الى هى امتحانات صغيره كده بتتعمل فى السكاشن بتاخدو كل اسبوع فى المواد دى محاضره وسكشن (الحاجات الى مافيهاش معامل)او محاضره ومعمل **************************** طب كويس اخيرا بقى هدخل الكليه واغيب براحتى ^_^ لا استنى هنا الغياب اكتر من تلات محاضرات او معامل بيحرمك من الامتحان :D **************************** طب هى الجداول بتنزل امتى وازاى بيعرفو انى هاخد المواد دى ؟ لا انت الى بتختار موادك وانت الى بتعمل جدولك وانت الى بتختار ايام اجازاتك بحريه تماما هما بس بينزلولك فى كتاب اسمه دليل الطالب المواعيد الى موجوده لكل ماده انت بتختار المواعيد الى انت عايزها وتظبط جدول كامل فيه كل حاجة من الى فاتت دى وتسجله على موقع الكليه وبتطبعه وبتمضى عليه وتسلم نسخه للشؤون وتسلم نسخه للدكتور ونسخه معاك وخلاص كده وطبعا احنا هنساعدكوا فى عمل الجدول ده ماتقلقوش :D **************************** طب وايه موضوع الساعات المعتمده ده ؟ بص يا سيدى انت دلوقتى مثلا بتاخد مادة الرياضه . بتاخد كل اسبوع محاضره وبتاخد سكشن , المحاضره بتبقى ساعتين والسكشن 3 ساعات فاحنا بنحسب حاجة اسمها الساعات المعتمده للماده كالاتى ان اى محاضره الساعه بتاعتها بتتحسب بساعه معتمده وان اى معمل الساعتين او التلات ساعات بتوعه بيتحسبو بساعه واحده معتمده فكده تعالى نحسب الساعات المعتمده بتاعة الرياضه محاضره ساعتين = ساعتين معتمدتين سكشن تلات ساعات = ساعه واحده معتمده يبقى مادة الرياضه كده ب 3 ساعات معتمده لو حسبتها فى الخمس مواد هتلاقى انك بتاخد فى التيرم الاول 15 ساعه معتمده بس كده يعنى هى طريقه لتحويل المواد الى ساعات معتمده ولو اخدت متطلبات جامعة المتطلب الواحد = ساعتين معتمدتين ولما تيجى تطلع تانيه مش هيقولك انت معدى كام ماده عشان تطلع تانيه او لا هيقولك انت معدى كام ساعه معتمده بس اهم حاجة تكون نجحت فى 12 ساعة من مجموع ساعات الترمين **************************** طب التقديرات ايه؟؟؟؟ طبعا عندنا النجاح من 60 درجه من اصل 100 درجه امتياز من 85 ل 100 جيد جدا من 75 ل 84 جيد من 65 ل 74 مقبول من 60 ل 64 اقل من كده لا قدر الله راسب **************************** طب تقدير التيرم كله يتحسب ازاى ؟ هنا بقى احنا عندنا حاجة اسمها المعدل التراكمى انا لما انجح فى ماده بدرجه معينه اول حاجة عشان احسب المعدل احول الدرجه الى اناجبتها لنقط من 1 ل 5 60 ل 70 = 1ل 2 , 70ل 80 = 2 ل 3 وهكذا . طب 77 مثلا تبقى ايه ؟ 2.7 وهكذا وبروح اجيب نقط كل ماده واضربها فى عدد الساعات المعتمده بتاعتها يبقى انا كده طلعلى خمس ارقام تانيين اروح اجمعهم على بعض واقسمهم على عدد الساعات المعتمده الى انا خدتها هيطلعلى رقم وليكن مثلا 3.2 الى هو جيد جدا حسب برده الى تحت ده 1 ل 1.5 مقبول 1.51 ل 2.5 جيد 2.51 ل 3.5 جيد جدا 3.51 ل 5 امتياز *************************** ملحوظه :- الناس الى هتاخد حيوان فى اولى فيه تشريح عشان الى قلبه ضعيف ولا حاجه :P :P انا كتبت كل الى اعتقد انكو هتسالو فيه ولو فيه اى اسئله تانيه اكتبوها وانا هجاوب بإذن الله |
الـــــــــــف شكــــر ليك بس انا عــــــايز رقم حضـرتك ضرورى عشان ف استفسارات بسيطه عايز اعرفها منك ووشكرا
|
اقتباس:
|
السلام عليكم لو سمحت عايز رقم حضرتك علشان انا خلاص دخلت علوم القاهرة ومش عارف حاجة خلاص ودماغى هتنفجر
|
يا جدعان ما تخلوا مناقشة الأسئلة هنا أحسن بدل التلفونات والرسايل عشان الكل يستفيد !!
تسلم ايدك يا دكتور محمد , الموضوع شامل وواضح المذاكرة هتشتغل من دلوقتي :d |
اقتباس:
اقتباس:
وحلوة موضوع دكتور دى ربنا يسمع منك ..... انا لسه طالب فى علوم :d |
ايه مواد متطلبات الجامعه دى ؟؟؟؟
|
اقتباس:
1- لغة انجليزية 2-حقوق انسان 3- مبادئ قانون ودول بينزلوا الترمين وتختارى مادة رابعة تكمليهم من بين المواد دى الترم الاول :- 1- مبادئ ادارة ومحاسبة الترم الثانى:- 1- تاريخ وفلسفة علوم 2- ثقافة بيئية نصيحة خدوهم فى سنة اولى وريحوا نفسكوا |
اقتباس:
|
اقتباس:
وتاريخ وفلسفة علوم برضه سهله ..... بس ابعدى بقى عن الثقافة البيئية |
نسيت اقول ان فى مبادئ قانون برضوا بتنزل الترم الأول
|
انا علمى علوم و نفسى اكون دكتورة تحاليل فاختار ايه بقى من العشرة مواد الاختيارية اللى ع الشمال
ولا المواد اللى هختارها ملهاش صلة بالتخصص ثانيا: انا جتلى علوم بنات عين شمس وفى كتير بيقولى مش حلوة واحسنلك تحولى علوم عين شمس فيريد لو حد فيها ينصحنى وجزاكم الله خيرا |
اقتباس:
2 قسم بيوتكنولوجى ... وده قسم خاص موجود بجامعة القاهرة فقط موضوع انهى احسن كلية البنات ولا عين شمس ..... للأسف مقدرش افيدك فيها بس ممكن تسألى واحد من عين شمس هو كان عامل موضوع هنا فى المنتدى ^_^ |
هو نظام الدراسة بيختلف من كلية للتانية ولا ايه
انا مش فاهمة حاجه خالص ياريت حضرتك توضح النقطة دية |
اقتباس:
ولكن مثلا عين شمس مش مطبقة نظام الساعات المعتمدة وبيخدوا بمجموع الثانوية العامة لدخول بعض الاٌسام وبلاش حضرتك دى :d |
اقتباس:
انا التنسيق جالى علوم بنها ولما جيت احول اسكندرية منفعش وعملت تحويل لدمنهور لانها الوحيدة القريبة دمنهور فيها نظام الساعات المعتمده ده ولا لاء وهل هو نظام فى مصلحة الطالب ولا لاء |
اقتباس:
|
اقتباس:
شكرا لحضرتك على المساعدة |
اقتباس:
|
يااااااااااااااه
مش انت بتاع جروب علوم القاهره انت تسأل و نحن نجيب انت صح ؟ |
اقتباس:
|
اقتباس:
|
شكرا لمجهود حضرتك والله انا المواد الاختيارية دى مكنتش فاهمة عنها حاجة بس كدة فهمت
وانا علوم اسكندرية معلش سؤال بالنسبة للساعات المعتمدة هى الساعات دى بتخلص على اى اساس على اساس المواد اللى انا اخدتها وحضرتها ولالا؟؟؟ وشكراا |
اقتباس:
|
طيب انا حتاجة مساعدة حضرتك اى قسم افضل للبنت وكون سهل مش مجهد وايهم افضل فى اختيار المواد هل النبات ام الحيوان ام الجولوجيا ام الفلك
ياريت الرد بسرعة علشان بكرة هسجل الجدول |
up up up up up up up up up up up up up up
|
اقتباس:
حقوق انسان وثقافه بيئيه |
لو سمحت حسب الصورة دي يعني فلك منفرد بياخد علوم ورياضة ؟؟ لا انا عرت ان فلك منفرد بياخد رياضة بسى؟ ولو كده يبقى ايه اقسام الفلك اللي بتاخد علمي علوم ؟ وشكرا
|
اقتباس:
|
اقتباس:
طيّب مُمكن شرح بشيء من التفصيل الفرق بين القِسمين دول: [علم فلك] و [فيزياء/فلك] و بيُبقى في كامْ واحِد في الدُفعة؟ و هل في فُرصة للحصول على مِنحة بالخارج بعد التخرُج من أحد القِسمين؟ ولا نُقعد في البيت بعدها؟ :d ------------------------------ مِستني رَد حَضرتكْ. |
اقتباس:
|
ممكن معلومات اكتر عن علوم دمياط لو سمحت
وهل بتختلف ؟؟ |
اقتباس:
|
طيب ممكن معلش بس اعرف ايه هيا الادوات بتاعت المعمل ولا الحاجات المطلوبه اجيبها كدا لانى هدخل حيوان وهيبقى عندى تشريح ف اولى ^_^
|
اقتباس:
والحاجات دى كلها بتتباع فى بوكس على بعضها فى الجامعة ^_^ طبعا البالطوا اهم حاجة |
انا مدرس ابتدائي تخصص علوم تعينت فى 1999 فى مدرسة لا يوجد بها مدرس رياضة فاسندت الرياضيات لي لتدريسها و منذ ذلك الحين و انا مدرس رياضيات و امتحنت الكادر على ان مادة التدريس الرياضيات و نجحت فان الان اريد ان اكمل الفرقة الثالثة و الرابعة علوم قسم رياضة
لو سمحت دلوني اعمل ايه للضرورة و شكراً |
اقتباس:
|
لو سمحت ممكن الفيس بتاعك يا ريت انا الياهو
بتاعى اللى عامل بيه الفيس Mahmoud_mohm*********** انا جاتلى علوم رياضه القاهره |
اقتباس:
|
انا عايزة اعرف كل المواد اللى هدرسها ف سنة اولى بلييييييييييز
|
اقتباس:
|
انا عاوزة السبع مواد تحت بعضيهم لأنى توههههههههههههههت وانا علمى علوم
|
اقتباس:
انت بتدرسى 1- فيزياء 2- كيمياء 3-رياضيات 4- مادة اختيارى من الجدول تحدد على حسب القسم 5- مادة اختيارى من الجدول تحدد على حسب القسم 6- مادة متطلبات 7- مادة متطلبات برضوا ودول على حسب ما انت عايزة يعنى مش مواد معينى :d مثال بسيط انت علمى علوم مثلا عايزة تدخلى قسم كيمياء حيوية فتدرسى 1- فيزياء 2- كيمياء 3-رياضيات 4- حيوان وده اجبارى فى الحالة دى 5- اى مادة من دول (نبات - حشرات بيوفيزياء - جيولوجيا - بيولوجى ) 6 و 7 - اى مادتين من دول (حاسب الى - حقوق انسان - انجليزى - تاريخ وفلسفة علوم - ثقافة بيئية - مبادئ قانون - مبادئ ادارة ومحاسبة ) |
انا لاقيت افضل قسم هو الكميا الحيوية وهختار المادة الخامسة بيولوجى بس اختار ايه ف المتطلبات ؟؟
|
اقتباس:
|
شكرا تعبتك معايا بس الواحد كان تااايه
يبئا المواد بتاعتى هتكون كدة ان شاء الله كميا فزيا رياضة حيوان بيولوجى انجليزى حاسب الى |
اقتباس:
|
يارب بئا مايأجلوش الدراسة عشان انا متشوقه للجامعة ^^
|
يا رب يأجلوها :d
ده احسن لينا :d |
لا لا لا دا انا نفسى اروح الجامعة بئا بدل حبسة البيت دى اجاااااااااااااااازة ممله
|
جميع الأوقات بتوقيت GMT +2. الساعة الآن 05:35 PM. |
Powered by vBulletin® Version 3.8.11
Copyright ©2000 - 2024, Jelsoft Enterprises Ltd.