مذكرات طالب فاشل
 

اولا انا ملتحق بكليه الطب السنه دي
هكتب في الموضوع ده ايه اللي كان بيحصل معايا في الثانوي وهتكون علي حلقات


الحلقه الاولي :
اول حاجه انا دخلت علمي علوم بعد صراع عشان كنت عايز ادخل علمي رياضه المهم ندخل في موضوعنا بعد سنه تانيه اتصل بيا واحد صاحبي بصراحه احنا بنستبرده اوي لما بنكون في الدراسه لان كل حياته مذاكره وعايش جامد في الدور المهم اتصل بيا يوم 21 /7 يبقولي هتبدأ دروس امتي؟؟؟؟؟؟؟؟؟؟ (قلت في سري هي الحكايه نقصاك ده النتيجه لسه طالعه بقالها 6 ايام ) المهم اضطريت ابدأ معاه درس احياء مع مس (ن) بس بترغي اكتر من نص الحصه ما علينا المس ادتنا ميعاد الساعه 6 واحد يقولي 6 ايه؟؟؟؟؟؟؟ سؤال غبي طبعا 6 الصبح ده احنا في اجازه هنروح 6 باليل ازاي؟؟؟؟؟؟؟؟؟؟؟؟؟ المهم انا عشان اروحلها بروح مواصلات طبعا لازم اطلع من البيت قبلها بساعه عشان اوصل في معادي يعني كنت بصحي ده حوالي الساعه 4.5 صباحا يلا مش مشكله ده كله عشان نجيب مجموع وطبعا كنت بروح مش شايف ولا كنت بفهم حاجه وطبعا ببقي رايح مش مذاكر وطبعا صاحبي بيبقي مذاكر وشغال مع المس واحنا نايمين علي فكره هو دخل نفس كليتي ما علينا يرد واحد صاحبي تاني زي يقولي ما تسكت الواد ده اقوله نضربه بعد الدرس:d اصل احنا فاشلين المهم كان فيه سايبر جنب المس بنروح نلعب ماتشين كده قبل ما نروح طبعا لو المس شافتنا انتوا عارفين بقي ايه اللي هيحصل ده كله واحنا في الاجازه؟؟؟؟؟؟؟؟ المهم خدنا اكتر من 3 فصول ولا احنا عارفين حاجه
قلنا نبقي رجاله شويه ونبدأ فيزياء من الاول عشان انتوا عارفين كانت جايه ازاي السنه اللي فاتت ؟؟؟؟؟؟؟؟
فرحنا عند مس (م) بدأت بالموائع واحنا طبعا ما فهمناش حاجه طبعا زي الاحياء قلنا احسن شكلها سنه باينه من اولها

ده كله في الاجازه هبقي اكمل في الحلقات الجايه واحنا في الدراسه

عندك الحق ؟؟؟؟؟؟؟ غريب اللي صحابي كلهم دخلوا صيدله وانا دخلت طب ده احنا كنا بنلعب ؟؟؟

بس احنا كنا بنذاكر لما يبقي في حاجه ؟؟؟؟؟؟ مثلا امتحان او المس جابت المجموعتين مع بعض لازم كنا نذاكر في الحالات دي عشان ما يبقاش شكلنا وحش :p
لكن غير كده مفيش كتاب بيتفتح

مش لو حدك اللي كنت بتاخد دروس الساعه 6 الصبح انا كنت بروح عند مدرس فيزياء ممكن اوصفهوللك بالعربي غبي وبالانجليزي stupid وبالفرنساوي انا مش فاكر المهم انا كنت باخد درس في حته مقطوعه والقمر باين عليهمبيطلعش في الحته دي وكانت ايام الله لايعيدها انا كنت بجيب الفطار وانا راجع وساعات بحود علي الطابونه اجيب العيش يعني مصائب قوم " انا" عند قوم " اسرتي " فوائد

هو فيه مدرس فيزياء غبي؟؟؟؟؟؟؟؟؟؟؟؟؟؟؟

طب كويس اللي احنا كلنا كنا في الجيش:d ده انا كنت فاكر انا لوحدي

هو كان غبي في معاملته يعني انا كنت بروح وانا نايم ولازم تحفظ الدرس وانت في الحصه وانا مبحبش الحفظ كان بيعاملنا كاننا في كتاب وكان بيقولي انت فاشل ملكش كليه المهم غيظته وفرسته ودخلت الهندسه انا مش عارف شكلوا هيبقي ايه دلوقتي وكان معرف الناس كلها ان انا فاشل

سبحان الله يعلم مالاتعلمون

ههههههههههههههههههه:039uw8:

عادى دادى ما احنا كنا بنام ونلعب وعلى النت طول النهار ودخلنل صيدلة المهم نعمل الى علينا

عندك حق بس هتشوفي اللي مش عادي في الحلقات الجايه

ياة كانك بتحكى قصة كل واحد فى الثانوية العامة انا نفس القصة كانت دروس الاحياء و الفيزياء الساعة 6 صباحا وانا رجعة بردة بجيب الفطار و ارجع بس العيال اللى كانوا فى الدرس كانو بيغيظونى اصل هما بيبقوا مذاكرين كل حاجة وانا طبعا مش مذاكرة وكانو بيجيوا درجات اعلى منى فى الامتحان بس الحمد للة انا بردة غيظتهم ودخلت الكلية اللى انا بحبها كلية العلوم معاهم

ههههههه انا اول مره اعرف ان ده بيحصل مع اي حد في ثانوي انا كنت مفكر اللي انا بس اللي بصحي 6 الصبح كأني في الجيش:d

لا كلنا كنا كدة
انت جامعة اية

مذاكرات طالب فاشل -الحلقه الثانيه-
 

انا قلت اكتب كمان حلقه النهارده ولو عجبتكم هكتب كل يوم حلقه ولو ما عجبتكوش سأتوقف فورا عن الكتابه
المهم دخلنا في الدراسه ورجعنا للقرف والهم وطبعا كله بيبقي عايش في الدور في الاول يعني يقول لازم ابدأ السنه من اولها المهم كلها اسبوع وكله بيرجع زي الاول احكيلكوا بقي عن اول يوم في المدرسه يلا بينا:
اتفقت طبعا انا وصحابي هنمشي الساعه كام والكلام ده طبعا اتقابلنا ورايحين المدرسه والمواصلات كانت زحمه جدا المهم سبكوا من الحوار ده
داخلين طبعا من بوابه المدرسه لقينا العامل قاعد وبالمناسبه اسمه رشيد
احنا: صباح الفل يا عم رشيد
رشيد: صباح الفل يا رجاله هاااا ايه الاخبار هتيجوا تشتروا في الفسحه ده انا جايب حاجات جامده السنه دي ( احنا في سرنا خلاص يا فنان انت هتاخد علينا ولا ايه)

دخلنا قابلت صحابي اللي ما بشوفهمش غير في المدرسه كالعاده بيقولوا ايه يبني ما حدش بيشوفك ايه انت مت في الاجازه ولا ايه (انا في سري يعني انت بتسأل يا خفيف)
وكل واحد يحكي هو عمل ايه في الاجازه طبعا لعب وفسح وخروجات محسسنا ان كان في اجازه ومحسسنا انهم ما خدوش دروس في الاجازه وما كنوش بيذاكروا (عيال ماشيه بالمثل الشعبي العظيم داري علي فرختك تبيض:d)
المهم حضرنا الطابور ودخلنا المستر اقولكوا بقي حواره في الفصل

المستر: صباح الفل يا رجاله عايزين نبدأ سنه حلوه كده
احنا :صباح الفل ان شاء الله
المستر (بخجل): محدش معاه ولاعه:d
واحد خفيف : ليه يا مستر
المستر (في سره): اقوله ايه ده ده باينه اهبل ولا ايه
واحد خفيف تاني: ده سؤال تسأله اكيدالمستر عايز يعمل شاي
المستر (بغيظ):لا يا خفيف انت وهو عايز اولع سجاره
الواد الخفيف:ايه يا مستر حد قالك احنا بنشرب سجاير (في سره احنا بنشرب بانجو بس)
الخفيف التاني(بسخريه): تلاقي مع الناظر!!!!!!!!!!!!!!!!
المستر :خلاص يا حبيبي انت هو بطلوا تضيعوا الحصه احنا قلنا نبقي رجاله
احنا(في سرنا):احنا برده اللي بنضيع الحصه
المستر : انا ان شاء الله براعي ضميري وهشتغل معاكوا زي ما بشتغل في الدرس بس لو حد جه والتزم (في سره اوعي حد يجي هي ناقصه)
يبدأ يشرح ك اللي بياخد عنده درس يقول في سره اه ي كداب ده زي الدرس
عموما تخلص الحصه اللي واللي بعدها وطبعا مفيش استفاده ونروح وكله حالف ما يشوف المرسه تاني

يتبع..............

انا جامعه قناه السويس

مشكوووووور يا جميل علي الموضوع الجميل ده
و بجد مذكرات جامده جدا

في انتظار يتبع

شكرا علي المشاركه

شكرا علي فكره انا كتبت واحده هتلاقيها موجوده كاتبها وانا في الاجازه
بس مش عاوز اكتب تاني غير لما اشوف الاراء

عادي نشوف بكره هههههههههههههههههههه

ايه ده انتو كنتو بتحضروا الطابور
انا لما كنت بروح المدرسه ( وده نادرا طبعا )كنت بروح ع الحصه التانيه

اول يوم بقي لازم نفرحهم بس هتشوفي الايام الباقيه هنعمل ايه!!!!!!!!!!!!

غلطه املائيه
 

هروح اصلي وجاي ياريت تكتوا ارائكم اكمل ولا كفايه كده

انا السنه الي فاتت مروحتش ولا يوم

لا ف اولى
ف اعمال سنه
ياعنى كنت بروح مجبره
ف تانيه وتالته بقى
كنت بنتقم لكل سنين الدراسه اللى كنت بروح فيها المدرسه
اصلى كنت لازم اروح كل يوم (مكنتش اعرف حاجه اسمها غياب ولو حتى كنت بموت)
فلو عديت الايام اللى روحتها ف 3 ميجوش 15 ايام ولا حاجه
بس لازم اروح
مش علشان المدرسه علشان اتجمع مع أصحابى:romarioxp6:
وعلشان ماتفصلش برده:stickjo4:


اما نشوف
طبعا بتنطوا م فوق السور:049gc0:



ايه ده
؟؟؟؟؟؟
أول مرة اخد بالى
يلا فرصه
أبقى أتخانق معاهم بكرة ان شاء الله

اي خدمه يا دكتور

احنا بقي كنا بنروح كل يوم وكانوا مطلعين عينا فى الغياب بنفضل نروح منتظة لغاية اخر واحد كدة ده كان فى تانية وتالتة لكن فى اولى كنا بنروح لغاية يوم الامتحان
علشان كدة فى تانية وتالتة كنت حاسة ان مفيش تكافؤ فرص
ناس وناس بقي
انا مش باحسد انا باحقد بس
كمل مذاكراتك اللى هتفكرنا بايام زي الزفت بس والله الواحد لما بيفتكر بيضحك وبيحمد ربنا انه خلص

ايه يا جماعه اكتب تاني ولا كفايه

نفس اللي كان بيحصل معايا بس مكنتش بروح المدرسه الساعه 7 كنت بروح 9 او 10 علي ما يفتحوا البوابه ويفطروا كويس ويضربوا الجكاعه بتوع سنه اولي اللي بيجوا متاخرين طبا انا كنت في تالته " معايا حصانه ضد الضرب والاهانه " كنت ادخل من البوابه في عامل اسمه حماده " جوز بس روش " ازيك ياعم حماده كويس يا شباب ايه اخبار الطقس هنا ياعم حماده يرد علينا يلا ياد انت وهو علي فصلك نقوله تصدق ان احنا غلطانين ان احنا بنعبرك ونصيتك في المدرسه دا احنا مبنعملش الواجب ده مع حد من المدرسين ماشي يا حماده احنا ماشيين نطلع علي الفصل في الدور الخامس " وما ادراك ما الدور الخامس" طبعا تلاقي مدرس بيدي درس خصوصي في فصلك عادي جدا لو عايز ترزل تروح تحضر معاهم طبعا المدرس ميقدرش يتكلم بس احنا كنا بنسلم عليه ازيك يا اساذنا عامل ايه وايه الاخبار وازي الواد ابنك محمد وطبعا لازم نوصي علي اللي بيحضروا الدرس كنا بنقوله خد بالك من الواد الفاشل ده وطبعا اروح اخد الغياب واسجل حضوري واروح ارجعه تاني طبعا بعد الغياب اروح كل هيقول اني كنت بهرب من علي السور اكيد لا انا كنت بروح من البوابه واعدي علي حماده وطبعا لازم احييه اي خدمه ياعم حماده الليه يخليك يا باشا " ناس مبتجيش الا لما تاخد علي ودانها " مش عايز اي حاجه من البلد طبعا كنا مصيتينه في المدرسه اهم من الناظر انا لما كنت بروح المدرسه كنت بطلع 9 من البيت اركب مواصله للمدرسه تبقي الساعه 9 وربع اخد الغياب واروح تاني البيت تبقي الساعه 9 ونص شوفتوا التاخير

موضوع جاااااااااااااااااااامد جداااااااااااااااااا

بأمانه الموضوع خطيير و واقعى و بيحصل فى كل حته
احنا الاساتذه عندنا كانوا بيدخلوا يسألوا فينا كأنهم عمرهم ما شافوا طلبه قدامهم
و غير كده لما كنت بحن للمدرسه و لقدر الله أروح فى الطابور كنت بمشى قبل الحصه التانيه:)

انت مش هاتكمل ولا ايه؟

هكمل ان شاء الله هفطر وروح اصلي العشا واجي اكتب واحده او اتنين

جامده اوي ياريت تكمل

منوووووووووووووور و ربناااااااااا

مذكرات طالب فاشل -الحلقه الثالثه-
 

نكمل بقي اول يوم في الدراسه في الحلقه دي طبعا كله بيروح البيت والاستفاده صفر والمجهود اللي عمله والصداع اللي جاله من المدرسين كبير جدا يلا مش مشكله عشان الواحد ما يعرفش يذاكر المهم كل واحد بيروح ينام وحلف انه يطبق القاعده الشهيره ( نام وارتاح تضمن النجاح (ده طبعا في المدرسه) ) اشرحلوكوا القاعده هي ببساطه طالما عقلك مش هيستفيد يبقي جسمك يستفيد يعني من الاخر تنام في الفصل عشان تضمن انك تعرف تذاكر لما تروح بكده تضمن النجاح !!!!!! قاعده غريبه ؟؟؟؟؟؟؟
المهم كله بيروح ينامله ساعتين وطبعا وهو نام واحد صاحبه بارد يتصل بيه يصحيه يقوله انا نسيت ورق مستر (ع) معاك طبعا تشتمه وتنام او ريح دماغك واقفل التلفيون وشيل سلك التليفون الارضي وولع في بيتكوا بالمره عشان تعرف تنام المهم بعد ما تصحي يبقي عندك يجي تلت اربع دروس كده طبعا تروح الدرس عند مدرس غير بتاع المدرسه ويكون الحوار :
مدرس الدرس: ايه اخبار المدرسه النهارده خدتوا ايه؟؟؟؟؟؟؟
وواحد يرد: ولا خدنا حاجه ولا طلعنا بمعلومه
المدرس (بسخريه): ليه هو الاستاذ (ك) ما بيشرحش ولا ايه( احنا بقي في سرنا يعني انت اللي بتشرح في المدرسه)
يرد واحد: ده كان عاوز يولع سيجاره وضيعنا الحصه بندورله علي ولاعه
المدرس : وهو ما جبش ولاعته معاه ليه ( احنا في سرنا يعني ده اللي لفت نظرك في الموضوع ده انت غبي)
المهم يلا نبدأ الحصه ( احنا في سرنا اخيرا ده انت صدعتنا )
وبعد كده يشرح وطبعا مينفعش يتسأل في وسط الشرح عشان دي اهانه ليه ازاي المدرس العظيم اللي واخد الدكتوراه يتسأل ده هو بعبقريته بيوضح كل حاجه وسؤاله ده دليل انه نسي حاجه !!!!!! ولو عايز اسأل ؟؟؟؟؟ ابقي اسأل بعد المحاضره قصدي الحصه اصلنا في الجامعه وطبعا الواحد بيكون نسي السؤال او كسل يسأل ونمشي وما فهمناش نص الحصه وهو فاكرنا فهمنا اصله شرح شرح العباقره ومفكر نفسه المدرس الرهيب اللي مفيش زيه وهو اساسا بأجماع كل الطلبه حماااااااااااااااار المهم نسبنا من المدرس ده اصل اسمه بيعصبني
قبل ما نروح يجي واحد صاحبنا فاشل يجيب كوره ويقول يلا نلعب وطبعا هتلعب هتلعب والا هتروح لوحدك وتبقي عيل وبتذاكر من ورانا ( اصل المذاكره دي لازم تعلق الجدول بتاعك في المدرسه عشان كله يعرف بتذاكر ازاي والا هتكون بتذاكر من ورانا وبتفشل العيال وبتروح تذاكر) المهم بنلعب شويه كوره بعد كده يبقي فاضل نص ساعه علي درس تاني طبعا بنروح مش شايفين عشان كنا بنلعب كوره طبعا وطبعا ما بنفهمش حاجه المهم بنخلص الدرس ويجي واحد بارد يقول يلا نكمل الماتش المره دي مش كله هيلعب لا ده كله هيتف عليه ويروح وطبعا بنروح حوالي الساعه عشره مساء طبعا كله بياخد شاور من الكوره اللي لعبناهاو بيتعشي تكون الساعه حوالي 12 طبعا لازم ينام عشان عنده درس الساعه 6 صباحا وهيطلع من الدرس يروح علي المدرسه

فين بقي الوقت اللي نذاكر فيه؟؟؟؟؟؟؟؟؟؟؟؟؟؟؟

ده رابط الحلقه التانيه
http://www.thanwya.com/vb/showthread.php?t=151534

كنا بنغيب من المدرسة بحجة اننا هنرجع من الدرس و نذاكروطبعا بنرجع من الدرس ننام و نصحى الظهر او العصر نروح باقى الدروسو نرجع بليل ياما نتفرج على التليفزيون ياما الكمبيوتر وناخذ الموشح بتاع المذكرة بتاع كل يوم وبعدية ننام ونصحا تانى يوم نعيد نفس البروجرم تانى من الاول صح كدة

شكرا علي المشاركه يا بنت الزمان
انا كنت هكتفي بالحلقه الاولي والتانيه بس انتوا اللي شجعتوني اكتب تاني
بس اعتقد ان دي هتبقي اخر واحده لان 27 مشاهده ومشاركه واحده يبقي مش عجباكوا

لا و اللة دة عجبانى جدا بس اظاهر كدة ان احنا كلنا كنا فشلة

شكرا جداااااااااااااااا

موضوع بيمثل حياة كل واحد فينا بالظبط بتقول كل حاجة كانت بتحصلى:bosyht9:

اقتباس:

المشاركة الأصلية كتبت بواسطة طالب طب (المشاركة 1570278) نكمل بقي اول يوم في الدراسه في الحلقه دي طبعا كله بيروح البيت والاستفاده صفر والمجهود اللي عمله والصداع اللي جاله من المدرسين كبير جدا صحيح المدارس مفهاش تعليم ده ل الاسف موجود يلا مش مشكله عشان الواحد ما يعرفش يذاكر المهم كل واحد بيروح ينام وحلف انه يطبق القاعده الشهيره ( نام وارتاح تضمن النجاح (ده طبعا في المدرسه) ) اشرحلوكوا القاعده هي ببساطه طالما عقلك مش هيستفيد يبقي جسمك يستفيد يعني من الاخر تنام في الفصل عشان تضمن انك تعرف تذاكر لما تروح بكده تضمن النجاح !!!!!! قاعده غريبه ؟؟؟؟؟؟؟ قاعده صنعوها المدرسين معدومي الضمير المهم كله بيروح ينامله ساعتين وطبعا وهو نام واحد صاحبه بارد يتصل بيه يصحيه يقوله انا نسيت ورق مستر (ع) معاك طبعا تشتمه وتنام او ريح دماغك واقفل التلفيون وشيل سلك التليفون الارضي وولع في بيتكوا بالمره هي دي فعلا اصول الزماله نعم الزميل انت عشان تعرف تنام مكفكش النوم اللي نمته في المدرسه المهم بعد ما تصحي يبقي عندك يجي تلت اربع دروس كده طبعا تروح الدرس عند مدرس غير بتاع المدرسه ويكون الحوار : مدرس الدرس: ايه اخبار المدرسه النهارده خدتوا ايه؟؟؟؟؟؟؟ وواحد يرد: ولا خدنا حاجه ولا طلعنا بمعلومه المدرس (بسخريه): ليه هو الاستاذ (ك) ما بيشرحش ولا ايه( احنا بقي في سرنا يعني انت اللي بتشرح في المدرسه) يرد واحد: ده كان عاوز يولع سيجاره وضيعنا الحصه بندورله علي ولاعه المدرس : وهو ما جبش ولاعته معاه ليه ( احنا في سرنا يعني ده اللي لفت نظرك في الموضوع ده انت غبي) حركات مدرسين لسه بيجبو المهم يلا نبدأ الحصه ( احنا في سرنا اخيرا ده انت صدعتنا ) وبعد كده يشرح وطبعا مينفعش يتسأل في وسط الشرح عشان دي اهانه ليه ازاي المدرس العظيم اللي واخد الدكتوراه يتسأل ده هو بعبقريته بيوضح كل حاجه وسؤاله ده دليل انه نسي حاجه !!!!!! ولو عايز اسأل ؟؟؟؟؟ ابقي اسأل بعد المحاضره قصدي الحصه اصلنا في الجامعه وطبعا الواحد بيكون نسي السؤال او كسل يسأل ونمشي وما فهمناش نص الحصه وهو فاكرنا فهمنا اصله شرح شرح العباقره ومفكر نفسه المدرس الرهيب اللي مفيش زيه وهو اساسا بأجماع كل الطلبه حماااااااااااااااار المهم نسبنا من المدرس ده اصل اسمه بيعصبني غروووووووور قبل ما نروح يجي واحد صاحبنا فاشل الفاشل ده ممكن يبقي عند ربنا افضل منك .... و يثبت نفسه في كليته و يبقي احسن منك يجيب كوره ويقول يلا نلعب وطبعا هتلعب هتلعب والا هتروح لوحدك وتبقي عيل وبتذاكر من ورانا ( اصل المذاكره دي لازم تعلق الجدول بتاعك في المدرسه عشان كله يعرف بتذاكر ازاي والا هتكون بتذاكر من ورانا وبتفشل العيال وبتروح تذاكر) المهم بنلعب شويه كوره بعد كده يبقي فاضل نص ساعه علي درس تاني طبعا بنروح مش شايفين عشان كنا بنلعب كوره طبعا وطبعا ما بنفهمش حاجه المهم بنخلص الدرس ويجي واحد بارد يقول يلا نكمل الماتش المره دي مش كله هيلعب لا ده كله هيتف عليه ويروح وطبعا بنروح حوالي الساعه عشره مساء طبعا كله بياخد شاور من الكوره اللي لعبناهاو بيتعشي تكون الساعه حوالي 12 طبعا لازم ينام عشان عنده درس الساعه 6 صباحا وهيطلع من الدرس يروح علي المدرسه ربنا يكون في العون فين بقي الوقت اللي نذاكر فيه؟؟؟؟؟؟؟؟؟؟؟؟؟؟؟

اولا انا مش مغرور
ثانيا انا بكتب كده علي سبيل الهزار وتبقي حاجه مسليه
ثالثا اوعدك اني هتوقف عن الكتابه
رابعا سلام عشان هتوضا عشان هروح اصلي

هههههههههههههه حلوه في انتظار الحلقه الرابعه

ايه الجمال ده ؟
انت كنت فى مدرسه إيه ؟