|
اى حد داخل هندسه الازهر بنات القاهره يتفضل بالدخول لو سمحتم
بصراحه انا شايفه ان المنتدى ده مفيش فيه غير العام وبس فقلت ليه الازهر كمان ما يكونش ده منتداه وكمان انا عايزه اتعرف على كل اصحابى ال دخلين معايا الكليه :039uw8: وبعدين الازهريه دول ناس زى كل الناس مش بيعضو والله لما تيجى تدخل اى توبيك ويعرفو انك ازهر ما يردوش عليك ليه يعنى احنا شويه ولا ايه داحنا الازهريه بردو عايزين نوصل بالموضوع ده لاعلى نسبه مشاركات وعايزين تفاعل مع المنتدى اكتر من كده ومفيش مانع ان الولاد ال دخلين ازهر وخصوصا هندسه يدخلو ويتكلمو احنا اخوه فى الله ديما بنقول مش لقيين فرصه وادى الفرصه جات لنتقدم للامان ونورى كل الناس ان احنا الازهريه بجد مش العمه والكاكوله;) يلا يا جماعه كله يدخل ويشارك بموضوعاته ويقول رأيه فى التنسيق وبدون كسوف يا رب تكو ن الرساله وصلت وشكرا اختكم فى الله ياسمين.:022yb4::022yb4::022yb4:
|
أهلين ياسمين ..
التنسيق كان فلة السنادى وأنا دخلت طب بنين القاهرة وألف مبرووك ليكى الهندسة ,,وشكرا على الموضوع |
ممكن ابارك وامشى ؟ اصل انا مش ازهرى انا عام
عالعموم الف مبروك يا ياسمين قصدى يا بشمهندسه ياسمين |
اقتباس:
|
اقتباس:
|
الف مبرووووووووووك للجميع
انا دخلت هندسه القاهره والف مبروك يابشمهندسه |
ألف مبروك يا بشمهندسة و ربنا يوفقك و تتعرفي على اللي معاكي في الكلية
|
اقتباس:
|
اولا الف مبروك يا باشمهندسه انا كان نفسى ادخل هندسه بس حكم القوى انا دخلت صيدله وربنا يكرمك وصدقينى االهندسه جميله
وبعدين التنسيق نازل اوى فى الصبيان والبنات ماعدا كليه الهندسه الل مانزلتش غير درجه واحده |
اقتباس:
|
اقتباس:
ايه دا .. تنسيق السنة اللى فاتت دا ولا ايه مش الطب واخد من 98.15 http://www.thanwya.com/vb/showthread.php?t=154113 |
الف مبروك يا ياسمين وان شاء الله هاكون معاكى فى كلية الهندسة
|
الف مبروك للجميع
وربنا يوفقنا جميعا يارب وانا اخوكم محمد والحمدلله معاكم في كلية الهندسه ومتابع معاكم الموضوع ان شاء الله واتمني ان الموضوع يكون ساحة حوار وتواصل بيننا بس يمكن عنوان الموضوع كان عايز يتظبط شويه يا ياسمين عشان يبين المحتوي اكتر...بس مش مشكله ملحوقه ان شاء الله الا قوليلي انت مجموعك كام وعايزه تدخلي قسم ايه ان شاء الله وياريت اللي عنده معلومات اكيده عن المدينه والتقديم يعرفنا |
الف مبروك يا بشمهندسة
انا كمان هندسة ازهر ان شاء الله يعني بقينا زمل:d |
اقتباس:
انا زملتك ف الجامعة بس كليةعلوم :)وللاسف اللى ودانى علوم فرق اربع درجات بيني وبين هندسة ههههه يعنى لو كان تنسيقنا زى البنين كان زمانى دخلت هندسة مرتاحة ... بس يلا الحمد لله وعلى رايك ربنا يتولانا برحمتو ويعوض صبرنا خييييييييييير ومبروووووووك مرة تنيه :av4056bb7jp3: |
انا خريج هندسة الازهر 2005 اتصالات والكترونيات وتدير عام جيد جدا وللاسف لم اوفق فى الحصول على وظيفة فى بلد الكوسة والبطيخ وسافرت برة والحمد للة
|
السلام عليكم انا ياسمين ال عمله التوبك بس غيرت الاسم شويه علشان نواكب العصر وبرحب بكل الاخوه والاخوات :av4056bb7jp3:ال دخلو التوبيك وشكرا على مروركم :078111rg3:وبعتزر لعدم الرد لمده بس ان شاء الله نتكلم على طول وهرد عليكم:slap1qk6:
|
اقتباس:
|
اقتباس:
انا مجموعى 627.5 وعايزه ادخل قسم عماره ان شاء الله بالنسبه للمدينه المظروف بينسحب دلوقتى والتقديم يوم 7-10 بس مش عافه مظروف النين فين والله هسأل واقولك وشكرا على الرور |
اقتباس:
|
اقتباس:
|
اقتباس:
|
دا موضوع جميل يابشمهندسة ياسمين ربنا يوفقنا جميعا
|
اقتباس:
انا ان شاء الله ححاول اتابع الموضوع دائما بس خلاص الدراسه يوم السبت الجاي وانا مش من القاهره .. فلسه ما اعرفش ظروفي .. ربنا يسهل ان شاء الله وبالنسبه لي..انا مجموعي 643 وبفكر اني ادخل اما نظم وحاسبات او ميكانيكا ان شاء الله وعايز اشكرك يا ياسمين علي اهتمامك بموضوع المدينه بس انا روحت هناك الحمدلله وسالت وسحبت المظروف وادينا مستنيين الفرج .. وكان امبارح يوم متعب جدا عشان نلاقي سكن لغاية ما يحنوا علينا ويسكنونا في المدينه وفي النهايه..عايز اقولك سبقتيني في موضوع تنسيق البنات اللي مكتوب في المصري اليوم بس انا جيبت رابط الخبر عشان اللي عايز يعرف التفاصيل http://www.almasry-alyoum.com/articl...ticleID=227239 |
:022yb4:
اقتباس:
لو عايز رأي فى موضوع القسم ادخل ميكانيكا :romarioxp6:وان كانت اصعب قسم لكن نظم وحاسبات وان كان اسهل بكتير من الميكانيكا الا انه فى وقت الشغل بيفضلو بتوع معاهد الكمبيوتر لانهم بياخدو مرتبات اقل من خريجى الهندسه وعندهم خبره من ناحيه الكورسات وده رايى ممكن تاخدو او لا وبعدين انت اول ولد اشوفه معترف بان البنات اتظمو فى التنسيق ودا فى الاول فى الاخرنصيب بس المساواه فى الظلم :040vk0:عدل ولا ايه رايك |
ازيك يا ياسمين انا كان ممكن اكون معاكى فى هندسه بس اعمل ايه بقا فرق نصف درجه خلانى ادخل علوم يالا قدر الله وماشاء فعل والف مبروك وعقبال ما اشوفك اكبر مهندسه
|
اقتباس:
|
ها يا ياسمين ان شاء الله عايزه تدخلى اى قسم فى الهندسة
|
والله انا لسه عارفه ان قسم اتصالات فتح وده نفسى ادخله وشكرا على مرورك يا ريناد
|
انا اسفة جدا يا ياسمين على عدم تفاعلى فى الموضوع بس اصل بعيد عنك انا من المنيا وطلعت عينى فى السكن على العموم نتقابل ان شاء الله يوم السبت بس فيه حاجة انا مش سمعت ان فيه قسم اسمه اتصالات اتفتح مش كان موجود فى الدليل ولو كان موجود هو فى اى مبنى |
اقتباس:
بالنسبة لطب او صيدله فانا فكرت فيه كتير بس انا بحب الهندسه اكتر ويمكن انا لغاية دلوقتي محتار وبفكر في التحويل...بس استخرت ربنا وحاسس اني الهندسه هتكون افضلي ان شاء الله..ربنا يوفقنا جميعا علي فكره انا داخل الهندسه عشان القسم بتاع النظم والحاسبات بس للاسف لما كنت في الكليه يوم الاحد اتصدمت ان القسم ده السنه دي واللي فاتت ترتيبه قبل الاخير في الاقسام بالنسبه للتقدير يعني...عشان كده ابتديت افكر في ميكانيكا وربنا يسهل الامور انا مش بعترف بالمبدأ بتاع المساواه في الظلم عدل... اما بالنسبه لتنسيق البنات فده موضوع يطول الكلام فيه جدا جدا جدا |
اقتباس:
وانت ايه اخبار السكن معاك يا ياسمين |
اقتباس:
|
وانت ايه اخبار السكن معاك يا ياسمين[/quote]
لا انا بالنسبه للسكن هقعد عند ناس قريبى وبعدين السكن متوفر جدا بجوار الكليه انا مش عارفه انتم بتقولو الكلام ده ازاى وعلى العموم ربنا يوفقكم وتلاقو سكن وبعدين احنا عرفنا رشا منين طيب حضرتك يا بشمهندس مش عارفين اسمك ولا انت منين |
بشرى:av4056bb7jp3: لكل البنات ال دخلين هندسه افرحووووووووووووووووو فتحولنا اقسام جديده وهى..... ادخلى الرابط ده وانتى تعرفى
http://azharway.com/vb/showthread.php?t=40316 وده ال بعته البشمهندس على شكرا يا بشمهندس |
انا اسمي محمد ومن طنطا .. وانت منين يا ياسمين
وبعدين ايه اللخبطه اللي انت عملهلنا دي ما تثبتيلك علي عضويه وعلي ما اعتقد انك ممكن ترسلي طلب لاحد المشرفين بعضويتك الجديده والقديمه عشان يضمهم لبعض بالاسم اللي انت عايزاه |
على فكرة قسم نظم جميل جدا والكل بيقول دراسته جميلة ومش معنى انه اقل قسم انك ما تدخلوش انت ممكن تدخله وتتفوق فيه
|
اقتباس:
انا بشكرك جدا يا dody90 علي مشاركتك بس اللي انا عرفته ان القسم مش عليه اقبال عشان فرص شغله قليله...ومافيهوش حاجه مميزه |
بصى يا ياسمين بالنسبة للسكن اللى جمب الجامعة فكله سكن غير مناسب ومش امان خالص
سكن بمعنى اصح مش ينفع لطلبة عاوزة تنجح وانا الحمد لله رحت سكنت عند جماعة قرايبى برضه |
انا محمد الدمرداش من المنصوره اعدادى هندسه ازهر القاهره
مبروك لكل الى ربنا وفقهم ودخلوا هندسه لأنها بصراحه اجمل كلية والتنسيق مفيش فيه ظلم ولا حاجه هو بيتحط على حسب العدد المطلوب والبنات بقى ما شاء الله بيذاكرو كتير والمجاميع عندهم بالهبل لكن احنا غلابه فلازم يولعوا التنسيق عندهم وعلى العموم ربنا يوفق الكل فى مجاله |
يا ترى ايه افضل قسم عندنا فى الجامعه
|
اقتباس:
|
ايه يا بشمهندسين فين المشاركه انا بعتزر على عدم التفاعل بس يلا نبدأ من جديد ونتفاعل اكترمن كده ايه اخبار المواد معاكم والدكاتره كمان واعدادى بصفه عامه يلا عايزه اعرف وبالنسه لي ولل مش بينزلو البلد غير يوم الخميس والجمعه مفيش مشكله نتفاعل مع بعض ونفيد بعض باى سؤال ودى فائده التوبيك
|
اعترااااااااااااااااااااااااااااااض
انا من رأى ان بترول احسن قسم فى هندسه للبنين وعشان تتأكدى أكتر شوفى الشغل جوه مصر وبره مصر عامل ازاى وشويه خبره فى بترول مع كورسات انجليزى ساعتها بتلاقى مهندس البترول ده بيعدى جامد وعشان تتأكدى اكتر ان بترول فى العام ليه تنسيق لواحده وده معدى كل حاجه وفى الازهر اعلى قسم فى اقسام الهندسه كلها ودى مجرد وجه نظر والاختلاف فى الرأى لا يفسد للود قضيه وطبعا احسن قسم للبنات هو عماره فعلا وممكن الكمبيوتر اواتصالات لو اتفتح لكم ده بالنسبه للبنات اللى مش هاضمين الرسم قوى وطبعا اتصالات احسن من الكمبيوتر |
اه معلش انا دخلت جامد كده من غير ماعرف نفسى
اخوكم محمد الرفاعى الفرقه الاولى قسم تعدين وبترول وادعولى ان ربنا يوفقنى واجيب مجموع يدخلنى بترول لان معايا حيتان ومعظمهم اوائل الدفعه ربنا يستر وربنا يوفق كل شباب وبنات اعدادى الموضوع موضوع المحاضرات وحبه اهتمام باعمال سنه وشويه تعب بدنى وارهاق اعتبروها سنويه زساعتها شوفو هاتشتغلوا فيها ازاى ولو حد عايز اى ملزمه انا ورق السنه اللى فاتت كله لسه معايا يقول وانا انشاء الله اجبهاله |
انا فى تالتة ثانوى وعايز اعرف اية المستوى العلمى للكلية حلو ولا نص نص ولا وحش واية احلى الاقسام
|
المستوى العلمى زى الفل
زيك زى اى جامعه تانيه وهم فى الشغل مبيفرقش معاهم انت ازهر ولا عام المهم انت تقديرك ايه كويس فى الانجليزى ولا لأ كويس فى الكمبيوتر ولا لأ وطبعا كل ده بيتعرف من الانترفيو ان هم هايسألوك حبه اسئله يشوفو مستواك فى الانجليزى وتقديرك ده مظبوط ولا لأ وطبعا شويه كورسات لو موجوده وكده يعنى اما بالنسبه لاحلى الاقسام على حسب القسم اللى انت شايف نفسك فيه بس انا من رأى ان بترول وبعد كده مدنى وبعد كده ميكانيكا والله اعلم وربنا يوفقك وتجيب مجموع كويس تشرف نفسك بيه واعمل اللى عليك وملاكش دعوه ان الله لا يضيع اجر من احسن عملا وربنا يوفق الجميع آمين |
شكرا انجى على ردك الجميل وربنا يوفقنا كلنا
|
قصدى باش مهندس محمد انا اسف
|
اقتباس:
مع احترامى ليك يا بشمهندس ولوجهة نظرك انا من راى ان اكتر قسم بهدلة للبنات فى شغله هو عمارة واخف هو كمبيوتر او اتصالات دى وجهة نظرى |
| جميع الأوقات بتوقيت GMT +2. الساعة الآن 12:50 AM. |
Powered by vBulletin® Version 3.8.11
Copyright ©2000 - 2024, Jelsoft Enterprises Ltd.