انا محتارة قوى بين طب و طب اسنان و صيدلة ارجو الافاده
 

انا جايبة 99% فى الثانوية العامة و محتارة ادخل طب و لا طب اسنان و لا صيدلة و عايزة اعرف ارائكم اى كلية انسب ليا كبنت مع العلم بان التلاتة ميفرقوش عندى و انى ميولى بالنسبة ليهم زى بعض يعنى مفيش كلية بميل ليها اكتر يا ريت الكل يقولى رأيه بس قبل ما التنسيق يبتدى عشان انا دماغى هتنفجر من كتر التفكير

يا ريت اللى يقول رأيه يقول من خلال خبرته و بدون التعصب لكليه معينة و اللى ندم انه دخل كليه يقولى

زي ما قالت الدكتورة كلامها صح فعلا
اللي بيحب كلية فعلا وعاوز يتفوق ويتميز مهما كانت صعبة ربنا حيعينه عليها

انا برضه مجموعي السنة اللي فاتت كان جايب ككل الكليات
بس انا كنت شايف قدراتي و ميولي متجهة لصيدلة و راسم خطة قدامي
و حاطط قدامي رؤية فيها كذا هدف عاوز احققهم

و الحمد لله دخلت اول سنة و مبسوط فعلا بالكلية ومستني 4 سنين جايين
وبحاول احقق اللي بحلم بيه

يعني غرضي من الكلام ده

طالما شايفة ال3 كليات مفيش فرق بينهم شوفي اللي حتقدري تتميزي فيه اكتر
و تحققي فيه اهدافك اللي بتحلمي بيها
مش مجرد بس اسمك طالبة في الكلية الفلانية

:078111rg3::078111rg3::078111rg3:

شكراااااااااااااااااااااااااا على ردودكم و انا بس عايزة اقول انى بحب الاحياء اكتر من الكيميا بس انا حاسة ان الطب طويلة و محتاجة بعدها دراسات عليا و ماجستير و دكتوراه و خايفة ادخل طب واندم و فى نفس الوقت خايفة ادخل صيدلة واندم ان مجموعى كان ممكن يدخلنى طب بس انا عارفة ان طب عايزة مجهود كبير و مفيش اجازات تقريبا لكن صيدله فيها اجازات لكن فىه ناس كتير بيقولوا ان صيدلة بقت زى العلوم و فيها بهدلة انى اشتغل مندوبة مبيعات و بيعاملوهم وحش و خايفة ملاقيش مجال اشتغل فيه فى صيدلة وفى نفس الوقت انا بطبعى لما مدة الدراسة بتطول بزهق حتى لو انا بحب نوع الدراسة

حضرتك عندك حق و انا شكلى انا كمان هاختار صيدلة فى الاخر

انا عايزة بس اسأل عن حاجة اسمها الصيدلة الاكلينيكية و هل فيه فرق بينها و بين صيدلة العادية لان القسم ده جديد عندنا فى جامعة المنصورة بقاله حوالى سنتين بس و فيه ناس بتقول انه مطلوب اكتر لو حد يعرف معلومات عنه يا ريت يفيدنى

هى طب الاسنان حلوة و فيه ناس كتيرة قالتلى انها بتجمع بين الصيدلة و الطب و عددهم قليل و مطلوبين بس انا كنت عايزة اعرف ايه نوع الدراسه فيها

نوعية الدراسة في طب اسنان

الدكتور اللي حضرتك بتشوفيه ده وكل اللي بيعمله نتاج او حصيلة اللي هو درسه في الكلية طوال 5 سنين
يعني بيدرس تركيب الاسنان و نموها
خلع تركيبات صناعية تركيب فكين جراحة وجه وفكين تخدير مسببات التسوس والقضاء عليها
اعصاب مرتبطة بالاسنان ودراسة عامة برضه بالجسم زي الطب بس مش متوسعة خاصة بجزء الوجه

و ممكن برضه تبحثي اكتر في الموضوع ده كوني غير متخصص فيه


:):):)

شكرا يا دكتور احمد على ردودك و افادتك ليا و انا هحاول ان شاء الله اجمع معلومات اكتر عن الصيدلة الاكلينيكية و ان لاقتيها مش منسبانى او مش مستاهلة المصاريف دى هفكر كده فى طب اسنان و ربنا يعمل اللى فيه الخير و اكيد محدش هياخد غير اللى ربنا كتبهوله و ربنا يوفق الجميع ان شاء الله

ربنا يوفقك يارب
ربنا يقدرلك الخير

انا هتكلم عن تجربتي
انا طالع تالتة طب عين شمس
انا الاول كنت عايز ادخل صيدلة لكن اقاربي و كل اصحابي قعدوا يقولولي لا و كمان دكاترة اعرفهم شجعوني اني ادخل طب
بغض النظر عن مسألة السبع سنين
لازم بعدهم ماجستير و دكتوراه و يكفي ان تعرف ان تحضير الماجستير يتغرق نحو 3 سنين قابلة للزيادة لانه لا يسمح بالتسجيل الا بعد مرور سنتين علي التخرج و بيكون ليه مجموعة امتحانات و الدكتوراه لازم بعد سنتين من الماجستير و معظم الي بيحضرها بيطول فيها لان ببساطة بيسقطوا فيها كتير ممكن تلاقي واحد مثلا دخل يمتحن دكتوراه 7 مرات مثلا يعني من الاخر في دكتور قالنا ان الدكتوراه دي بتخدوها منحة بمزاجهم
حاجة مهمة لازم تعرف انك مينفعش تفتح عيادة الا بعد ما تحضر الماجستير و تنجح فيه
و كمان الشئ الصعب ان التقديرات بتاعة السنين كلها بتتجمع في الاخر و بيعملو ترتيب تلراكمي ليك علي مستوي كليات الطب في الجمهورية و يحدد المكان الي هيشغلك في في فترة التكليف و طبعا كل ما كان ترتيبك عالي كل ما هتكون قريب من بلدك(البنات ممكن يتجوزوا و بذلك يجيبلهم التكليف في المكان الي يطلبوه )
لكن في صيدلة متفرقش التقديرات في حاجة ارجو ان اكون وضحت بعض النقط الي انا نفسي مكنتش اعرفها قبل دخول الكلية و لو حد عنده اي استفسار عن طب يقول .

اه انا كنت عايزة استفسر عن المواد اللى فى طب و هل هما فعلا ما بيخدوش اجازات

مواد طب حتلاقيها موجودة في موضوعين هنا

كل ما تريد ان تعرفه عن طب عين شمس وكمان بتاع طب القصر العيني


بالنسبة للأجازات

فاللي اعرفه انه بيبدأ من سنة رابعة بتصبح السنة عبارة عن دراسة متواصلة بدون انقطاع

اما اول 3 سنين بيبقى فيهم اجازة عادي نص سنة وصيف

ياريت حد تاني يفيدنا

بالنسبة للاجازات من اولة لحد رابعة الدراسة بتبتدي عادي في شهر 9 و تخلص في 6
اما سنة خامسة الدراسة بتبداء شهر تسعة و بتخلص شهر 12 الي بعد الي بعده يعني تقريبا 15 شهر بس في شهر 7 و 8 بتكون قاعد في البيت عادي بس طبعا بتذاكر
و بالنسبة لسنة 6 بتبداء من شهر واحد الي بعد سنة خامسة بعد حوالي 3 اسابيع او شهر منها و بتخلص علي شهر واحد الي بعده و بعد كدا بتاخد شهرين و بيبداء الامتياز من شهر 3 ل شهر 3 الي بعده .

ههههههههههههههههههه
هو مفيش اجازات :d

احنا تقريبا بناخد السنة كلها اجازه ماعدا الشهر اللي قبل الامتحان

فيه فرق بين نظام الكلية ونظام الثانوي
الثانوية صحيح اسهل بس بتحتاج مجهود اكبر

ف طب مثلا لو بتحضري المحاضرات
مش مطلوب منك مجهود كبير غير ايام الامتحانات

يعني بجد حتلاقيها كلية لذيذه اوي

ومش صعبه زي الناس ما بتقول

بصي يا دكتورة
نصيحتي بجد لو انتي مش فارقة معاكي ومش عايزة حاجة معينة وكمان حابة الاحياء عن الكيمياء
يبقى تتوكلي على الله وتدخلي أسنان
الاسنان مشوارها اقصر واسهل وكمان على الاقل ضامنة التكليف
لكن في الطب البشري لغوا التكليف كمان

انا برضه لما جيت ادخل ناس نصحوني باسنان بس قلتلهم لا انا بتقرف
عادي لقيت في الآخر مش فارقة
دلوقتي انا في سنة خامسة واصحابي كلهم خلصوا واتخرجوا حتى بتوع صيدلة واسنان وانا حتى لسة ممتحنتش وقاعدة عمالة اذاكر في البيت ولكي انك تتخيلي كيفية المذاكرة في الحر ده وكمان انا بجد زهقت من طول مدة الدراسة
بس يللا قدر الله وما شاء فعل
بس بجد احسن لك اسنان
وربنا يوفقك

يا جماعة انا تقريبا كده قررت انى هدخل صيدلة انشاء الله و لو فيه حد فى صيدلة المنصورة يقدر يفيدنى اكتر عن النظام هناك لانه طبعا اول سنة بتبقى الامور متلخبطة شوية و اللى الواحد بيبقى حاسس انه تايه

انا كمان كنت عايزة اعرف اذا كان فيه تكليف لسه موجود فى صيدلة المنصورة و لا لغوه؟؟؟؟

نصحيتي ابعدي عن طب او صيدلة
افضل كلية اسنان
الدراسة خمس سنيني وتتخرجي بعديها تشتغلي غير طب تدرسي 6 سنين غير سنة امتياز وبعد كل ده مينفعش تفتحي عيادة
لغاية ما تاخدي الدكتوراة اتمنى اكون افادتك

أنا عايزة اسال حاجة مهمة اوي
الاسنان خمس سنين ولا ستة ؟؟؟

والامتياز هو السنة السادسة ؟؟؟
أنا اتلخبطت خاااااااااااااااااااالص

مبروك يا فندم
 

بصي هقولهالك من واحده مجربه للتلات حالات دول بجد
انا ليا اخت في صيدله وليا اخت في طب واعرف واحده ابنها في طب اسنان
صدقيني الفرق شاسع ما بينهم هما التلاته
اللي لاحظته انك لو دخلتي طب بعد دراسه سبع سنين كامله وتعب وقرف مش هتحصلي ولا حاجه بعد كده اهي اختي قاعده دلوقتي بتقبض 280 جنيه ومتزوجه ومعاها بنت
غير كده هتفضلي طول عمرك بتتدرسي وخلاص ومش مهنه لبنات قوي يعني الصراحه

اما لو صيدله صيدله كويسه بس طب اسنان افضل منها بس مصاريفها كتيره قوي بس كمستقبل ممتازه جدا وانا لاحظت كده في اختي والولد ابن الست الي لاعرفها دي صدقيني حاجه جميله جدا ومستقبل كويس قوي بس مصاريف كتييييييييييييييييييييييييره قوي قوي

والله العظيم خمس سنين و بعد كده سنة امتياز بتكون عبارة عن شغل و بس فى المستشفى العام او مستشفى الجامعة

السلام عليكم
انا ايضا محتارة في هذا الامر لأن فيه ناس مؤيدة لطب اسنان و ناس مؤيدة لصيدلة
انا كتبت في التنسيق صيدلة بس لسه مترددة

انا زيك بالضبط بس كتبت اسنان ولسه متردد

استعينى باللة عز وجل وعجبا لامر المؤمن ان امرة كلة خير
وعلشان تستريحى صلى صلاة استخارة وتوكلى على اللة:022yb4:

يا جماعة شكرا على ردودكم بس انا كتبت صيدلة رغبة اولى بس لسه متردده شوية

متردديش ان شاء الله هوا ده اللى فيه الخير ليكى وربنا يوفقك يااااااا رب

انا مترددة زيك كده
بس انا كنت مستبعدة طب
وكنت محتارة ما بين صيدلة وطب اسنان
بس كتبت اول رغبة صيدلة المنصورة
تاني رغبة طب اسنان المنصورة
طب المنصورة
وبعد كده كتبت باقي كليات صيدلة:lol:
بيتهيالي مفيش حد حاطط الترتيبة دي غيري
ربنا يعملنا اللي فيه الخير

حرام بجد انا هموت من الحيره ومش عارفه اعمل اى حاجه حتى كل كلامكم خلانى احتار اكتر اعمل ايه نتيجة التنسيق كمان يومين

mesh mohem teb walla saydla walla asnan el mohem enk tkon betheb elly bete3meloh ana magmo3y isa gayeb kol dah bas ana baheb teb 3ashan keda 3aoez adkholha m3a en mama 3aoza tedakhalny saydla bas 3moman law mesh far2a ma3a wahda bent el talata tedkhol saydla eclinikia we tetwakel 3ala allah we dah aryah laha bekteer men meshwar teb we 2raf asnan

هاااااااااام للمحتاريين ...صيدلة & طب & اسنان !!!!!!!
 

ازيكوا يا جماعة عاملين ايه ؟؟

اتمنى تكونوا بخير كلكوا

الف مبروك لكل اللى نجحوا فى الثانوية العامه

واللى دلوقتى محتارين يدخلوا ايه وكله بيسأل اقكتب بايه واعمل ايه فى نفسى ؟؟

ان شاء الله فى الموضوع هحاول اساعدكم بانى اجبلكم معلومات عن مميزات وعيوب كل كلية بون تحيز لاى منهم

وده اللى تقريبا كلكوا نفسكوا تعرفوه

على فكره الكلام اللى جاى ده مش كاتبه فيه ولا حرف بنفسى كله منقووووول للافادة

نبدأ بكليه الطب


اقرأ هذا الكتاب قبل الالتحاق بدراسة الطب!!

اسم الكتاب: دراسة الطب بين التحديات والمسئوليات
اسم المؤلف: الأستاذ الدكتور محمد عابد باخطمه
الناشر: المؤلف : (ص . ب 6615) جده 21452 ( طبعة أولى 2000م )
**إن الحيرة التي تقابل خريجي الثانوية العامة في كل أرجاء الوطن العربي تتكرر كل عام، فالطالب الذي يتحصل على نتيجة ودرجة الامتياز في الامتحان النهائي للمرحلة الثانوية يجد إغراء للالتحاق بكليات النخبة وهى الطب والهندسة، وقد لا تكون لديه الميول لأي منهما ولكن الضغوط الاجتماعية والأسرية والصحبة والغرور تغطي واحيانا تلغي حالة العقل والاتزان والتفكير السليم عند الطالب الناجح بامتياز، وتطلق العنان لركوب الموجة مع الصحاب ومع ما يطلبه الأهل.
وهذه المشكلة والحيرة هي عالمية في طبيعتها، ولا تواجه الطلبة العرب بل إنها تواجه جميع خريجي الثانوية والراغبين في إكمال دراستهم الجامعية، لذا فان هناك مكاتب توجيه في المدارس الثانوية وفي الجامعات لتوجيه الطالب المتقدم الوجهة الصحيحة له في حياته حسب مقدرته العقلية، وميوله النفسية، وشخصيته المتفردة، وآماله المعيشية، وظروفه الاجتماعية.
هذه المشكلة الاجتماعية والتعليمية لاقت اهتمامها الكبير من الدكتور الطبيب "محمد عابد باخطمه" الذي عمل معيدا لكلية الطب بجده، فعمله كطبيب ورجل تعليم جعله يدرك مقدار الحيرة والبلبلة التى يعيشها الطلبة في تقرير هدف نهائي للمستقبل، فهو عاشر وشاهد وقابل عشرات الطلاب ودرس وعاصر مشاكلهم فألف كتابه " دراسة الطب بين التحديات والمسؤوليات " ليكون دليلا للطالب وللوالدين والمربين ومستشارا لمن يرغب في دراسة الطب ولأطباء المستقبل. وهذا الكتاب وضعه خبير في هذا الحقل علما وعملا. لذا فان ما يقوله المؤلف يعتبر مرجعا وتوجيها قيما لكل طالب يرغب في دراسة الطب.
وعلى الرغم من أن كتابة ينصرف بجملته إلى الطلبة الراغبين في دراسة الطب إلا أن نصائحه التربوية والتوجيهية تنفع الجميع، فهو يقول من ضمن نصائحه المنتشرة في صفحات الكتاب :
نصائح إلى جميع الطلاب:
1- لا تدخل كلية الطب فقط لأن مجموعك مرتفع. أفضل كلية هي الكلية التي تستطيع فيها صقل مواهبك وقدراتك.
2- جميع المهن وجميع الكفاءات وجميع القدرات بحاجة لبعضها البعض.
3- المواد في الثانوية العامة يجب ان لا تكون هي التي تحدد دراسة الطب من عدمها.
4- إن الشخص الذي لا يملك موهبة الحفظ أو حتى لا يحب الحفظ يمكنه أن ينجح ويستمر ويتفوق في كلية الطب.
5- أن يقف الطالب أمام المرآة ويسأل نفسه السؤال المهم..هل أنا هنا لأنني أريد ان أكون هنا، أو لأنني وجدت نفسي هنا، أو لأنني أجبرت ان أكون هنا، أو لأنني كنت أجرب فقط.
6- أن يسال الطالب نفسه سؤالا جادا بعد أن جرب السنة الأولى في الكلية عن مدى رغبته الحقيقية، فإنه سيوفر على نفسه تضييع المزيد من الوقت.
وهناك صفات يجب أن تتوفر في طالب الطب قد تتطلبها كليات ودراسات أخرى فهي ليست وقفا على دارسي الطب، ولكن هناك صفات يجب ان تكون ظاهرة لطبيب المستقبل نلخصها بالتالي:
** أن يعلم طبيب المستقبل أن هذه المهنة مهنة متعبة، وفيها الكثير من التضحية في الوقت، فالمريض يحتاج إلى تعاطف معه، فيجب أن يكون طبيب المستقبل متفانيا في الخدمة ليس زنقا سريع الغضب.
** يجب أن تكون شخصية طبيب المستقبل من النوع المؤمن بالله، المتواضع في شخصيته والمترفع أيضا في نفسيته.
**مهنة الطب تحتاج إلى أمانة علمية وعملية وأن يكون محافظا على أسرار وخفايا مرضاه، فان كان لا يحفظ السر فأولى له أن يبتعد عن هذه المهنة.
** الطب يحتاج إلى فكر ذو نظرة شمولية وعمق وفراسة في الوقت نفسه، فليعلم طبيب المستقبل أنه أمام تحديات ذهنية عالية تحتاج إلى عقل مستنير، ينظر نظرة تلسكوب ونظرة ميكروسكوب في الوقت نفسه، ولا يعتمد على حفظ قوانين ومعلومة هناك وهناك.
ويناقش الكتاب موضوعا اجتماعيا كبيرا وهو: هل الطب مناسب للفتاة؟ ويقدم ذلك في فصل منفصل لأهميته وهو يرى ان الإمكانية العقلية والعلمية تتوفر عند الفتيات بنفس المستوى عند الأولاد، ولكن التضحيات تختلف فالتضحية كبيرة من الفتاة الراغبة في دراسة الطب فهي ستضحي بحياتها الخاصة وأمومتها ورعاية بيتها !!
وعليها أن تقارن بين الميزات والعيوب ولها القرار في ذلك .


هل تفكر بدراسة الطب؟




الكثير من الشباب الذين تخرجوا من الثانوية العام هذا العام، وغيرهم من طلبة الثانوية الذين بدؤوا يفكرون فيما يريدون دراسته بعد الثانوية، يسألونني عن دراسة الطب: كيف ستكون؟ هل هي صعبة بالفعل؟ هل يغلب عليها الفهم أم الحفظ؟ هل هنالك ما يستحق دراسة الطب؟ وهل أنصحهم بدراستها؟
إذا كنت تريد المختصر الغير مفيد، فالإجابة على الأسئلة السابقة بالترتيب هي: صعبة، نعم، الحفظ، نعم، يعتمد، أما إذا كنت مهتما بالفعل بمعرفة التفاصيل فإليك هذه المقالة.


طبيعة طالب الطب



المتعة الحقيقية في دراسة الطب تأتي من أن تكون عاشقا للطب، بحيث أنك عندما تدرس الطب، فإنك تراه على أنه جزء من هويتك، فهو ليس مجرد درس تستطيع أن تخصص له وقتا محددا من اليوم، بل هو أمر يصبغ حياتك بأكملها، ويدخل في كل ساعة من ساعات يومك.
طلبة الطب من الكليات المختلفة في الدول المختلفة حول العالم عندما يجتمعون، فإنهم يتحدثون دائما عن الطب، ودراسة الطب، والأسئلة التي تطرح دائما هي ما هي المواد التي درستموها هذه السنة، ما الذي ستدرسونه في السنة القادمة، ما هو مقدار الوقت الذي تقضونه في المستشفيات، ما هي الأمور العملية التي قمتم بها إلى الآن، وهكذا.
طلبة الطب في الكلية والذين يداومون في مستشفيات وتخصصات مخلتفة، عندما يجتمعون في نهاية اليوم في قاعة المحاضرات، فإن حديثهم يكون عن الحالات التي رأوها في الصباح، خاصة النادرة والغريبة منها، ما هي السمات الرئيسية لتلك الحالات، ويتحدون بعضهم البعض في تشخيص تلك الحالات ومعرفة العلاج اللازم لها.
طالب الطب يحب أن يراه أصدقاءه خارج الكلية على أنه الأعرف في المجال الطبي، وعندما يسألونه سؤالا لا يعرف إجابته فإنه يخرج ويبحث عن الإجابة إلى أن يجدها ويعطيها لهم، فهو لا يستطيع أن يرتاح إذا كانت هنالك أمور كثيرة لا يعرفها.
الكثير من طلبة الطب يفرحون عندما تقرر الكلية أنهم بحاجة لإعادة دراسة تخصص ما في الصيف، لأن عدم فهمهم للتخصص بصورة جيدة يصيبهم بالقلق، لذا فإنهم يعتبرون الإعادة فرصة ثانية لتعلم ما فاتهم.
الأمر أشبه بالشباب الذين يجتمعون في الديوانية للحديث عن كرة القدم، إن عشقهم لكرة القدم يجعلهم يحفظون كميات هائلة من المعلومات دون تعب أو ملل، ويتناقلونها ويرددونها في كل اجتماعاتهم، فتجدهم يعرفون عن كل لاعب اسمه وطوله ووزنه وعمره وبداية شهرته والنوادي التي تنقل بينها وقيمة شراءه في آخر صفقة والأهداف الرائعة التي حققها والكثير الكثير من المعلومات عن الكثير من اللاعبين، ثم الأمر نفسه عن النوادي والمنتخبات والكؤوس والدوريات المختلفة، وأحيانا تتعدى معلوماتهم كرة القدم إلى عدة رياضات أخرى.

إذا كنت مستعدا لجعل الطب جزءا من حياتك، فإن فهم وحفظ مواد الطب سيكون أمرا في غاية السهولة، بل سيكون أمرا في غاية المتعة، ولن تتضايق أبدا إذا ما وجدت بأن الدراسة بدأت تطغى على حياتك كلها، وتأخذ الغالبية العظمى من يومك.


قصص: مأساوية أم مشجعة؟




في فترات معينة من دراستنا للطب، كنا نحضر المحاضرات من الساعة الثامنة صباحا إلى الرابعة عصرا لا نأخذ فيها سوى استراحة واحدة لمدة ساعة، كنا نأكل فيها الخفائف حتى نكون قادرين على الاستمرار في الدراسة، وبمجرد أن تنتهي المحاضرات، كنا نبدأ بالدراسة ضمن مجموعة دراسية من الرابعة عصرا إلى الثالثة فجرا، لنعود إلى منازلنا ننام بضع ساعات، ثم نستيقظ مرة أخرى في السادسة والنصف صباحا لنضمن الوصول إلى الكلية في الثامنة.
وظللنا على هذه الحالة لعدة أشهر، لم نكن ننل قسطا كافيا من النوم إلا ليلتي الخميس والجمعة، حيث كنا نجتمع في الكلية يوم الخميس في وقت متأخر نسبيا، بعد أن نكون قد أخذنا قسطا كافيا من النوم، أما يوم الجمعة فكنا نجتمع بعد الصلاة مباشرة، أما الترفيه الذي كنا نحصل عليه فقد كان محسوبا جيدا، وفيه توفير كبير للوقت، وكنا نقوم به مع بعضنا البعض حتى لا ينتظر أحدنا الآخر، كأن نتوجه جميعا للغداء في مطعم قريب، على سبيل التغيير، بدلا من الطلب.
وفي ليالي احدى الامتحانات، سهرنا ندرس للامتحان إلى أن أذن أذان الفجر، فصلينا الفجر في مسجد الكلية، ثم بدأ موظفوا النظافة بالوصول إلى الكلية معلنين بداية يوم جديد في الكلية، ونحن لا زلنا ندرس منذ اليوم يسبقه دون نوم، ولم نعد إلى منازلنا سوى للنوم بضع ساعات والعودة مرة أخرى للكلية لأداء الامتحان.
إذا كنت ترى في هذا الأمر متعة خاصة كما التي أراها، فإن دراسة الطب ستكون لك، أما إذا لم تكن مستعدا للقيام بذلك، فقد يكون عليك أن تفكر أكثر في خياراتك.



دراسة الطب والخيارات الأخرى




كما قلت سابقا، فإن دراسة الطب تتطلب عشقا للطب، إذا لم يكن هذا العشق موجودا فستكون الدراسة أصعب بكثير، وعدد كبير من الطلبة الذين يقبلون في الكلية يتركونها في سنوات الدراسة الأولى عندما يكتشفون بأن الآمال التي يعقدونها على شهادة الطب لا تستحق بذل كل هذا الجهد في دراسة أمور لا يطيقونها.
إذا كانت الشهرة والسمعة هي ما تبحث عنه، فيمكنك أن تدخل في أي تخصص تحبه وتكون مستعدا لبذل كل وقتك فيه لتكون من الأوائل، ثم تكمل دراستك بالماجستير والدكتوراه، فتحصل على أفضل شهادة في تخصصك في نفس عدد السنوات التي تحتاجها للحصول على أقل شهادة في الطب.
أما إذا كان هدفك هو المال، فعليك بأسهل التخصصات وأقلها تطلبا للوقت وتصرف بقية وقتك في المشاريع التجارية، فهي تستطيع أن تحقق لك عوائدا ممتازة في نصف الوقت الذي تحتاجه للحصول على أقل شهادة في الطب، وعندما يبدأ طالب الطب الذي جد واجتهد لخمسة عشرة سنة على الأقل بجني أولى الثمار المادية لتعبه تكون أنت قد أصبحت مليونيرا، وربما بعت نشاطك التجاري على تاجر كبير وتستمع الآن بتقاعد مبكر جدا.
أما إذا كنت تريد دراسة الطب لمساعدة الناس، فهو دافع إنساني ونبيل، لكنه لن يكون مفيدا إذا لم تكن لديك رغبة وعشق في فهم الطب ودراسته، لأن ذلك يزيد من احتمالات خروجك من الكلية قبل اكمال الدراسة، أو حتى إذا تمكنت من اتمام دراستك فإنك قد لا تخرج من الكلية طبيبا بارعا، فيكون دورك صغيرا جدا في مساعدة الناس، ولربما تكون قادرا على مساعدة الناس أفضل بكثير إذا درست تخصصا تعلم بأنك ستبرع به.
أكبر خطأ يمكن أن تقوم به هو أن تضع الطب كرغبة أولى فقط لأن معدلك يسمح لك بذلك، أما إذا كنت تعشق الطب وتريد أن تكرس حياتك من أجلها، فأهلا وسهلا بك في صفوف دارسي الطب



نيجى لكلية الصيدلة

ما هي مهام الصيدلي؟
يقوم الصيدلي بنشاطات كثيرة تتضمن التالي ولا تتحدد به:



صرف الأدوية للمرضى بناءاً على وصفة طبية.
شرح طريقة استخدام الدواء ومُضادات الاستطباب للمرضى.
التشاور مع الأطباء وغيرهم من العاملين في الرعاية الصحية في اختيار الأدوية، وجرعتها، وتداخلاتها الدوائية، وأعراضها الجانبية.
إدارة ومراقبة ظروف ووسائل تخزين الأدوية .
يُمكن للصيدلي تأمين خدمات مُتخصصة لأقسام معينة بحسب اختصاصه. فبعض الصيادلة مُتخصصين في الاضطرابات النفسية، أو في التغذية الوريدية، أو في الأورام، أو في الصيدلة النووية، أو في المعالجة الدوائية.
يقوم بعض الصيادلة بتقديم خدمات لا علاقة لها بالرعاية الصحية.



أين يعمل الصيادلة ؟
يؤدي الصيادلة وظائف مُختلفة، و يعملون في أماكن مختلفة ،قد يكون البعض منها غير متعارف عليه في عالمنا العربي .

تتضمن هذه الأماكن ما يلي :

المستشفيات: حيث يقوم الصيادلة بتحضير و صرف الأدوية, والرعاية المباشرة للمرضى, والتعليم, وتقييم استعمال العلاج الدوائي، و الدراسات السريرية، والأعمال الإدارية.
دور العجزة ومراكز معالجة الإدمان: حيث يقوم الصيادلة بوظائف مشابهة لما يقومون به في المستشفيات.
الصناعة الصيدلانية: يقوم الصيادلة بمراقبة الجودة, والتسويق, والتجارب السريرية، والأبحاث والتطوير، والمبيعات , والأعمال الإدارية.

الجامعات و الكليات : يعمل الصيادلة في الجامعات والكليات بالتدريس، والأبحاث العلمية، والأعمال الإدارية.
الصيدليات الخاصة بالمجتمع (Community Pharmacies )الحرة أو سلسلة الصيدليات: حيث يقوم الصيادلة بتحضير و صرف الأدوية، وتوجيه المرضى و الإجابة على استفساراتهم حول الأدوية الموصوفة والأدوية التي لا تحتاج إلى وصفة طبية.
صيدلة الرعاية الموجهة (المُدارة) Managed Care Pharmacy

هو نظام مُصمم لتحسين جودة الرعاية الصيدلانية و إتاحتها، ويحتوي التكلفة في ذات الوقت، و ذلك ضمن نظام مُرتب لتوفير الرعاية الصحية.

ولكي يدخل الصيادلة في هذا الحقل، فإن أهم شيء يحتاجونه هو خبرة في الرعاية الموجهة (المدارة) و الصيدلة السريرية (الإكلينيكية)، وذلك يتضمن تدريب من خلال برنامج للإقامة في منظومة تُطبق الرعاية الموجهة (المُدارة) ، و الحصول على شهادة عليا.

تشتمل المجالات المُتاحة للصيادلة لتنسيق رعاية المريض ، ولكنها غير محدودة، على تكامل البيانات، و إدارة التواصل مع الأطباء والمرضى، وجهود البحث في النتائج، ومراجعة استخدام الدواء، وإدارة معالجة المرض، والتفصيل الأكاديمي، وبرامج تحليل التكلفة، و تخطيط الفائدة الصيدلية.



الصيدلة هي علم يختص بتركيب و صرف الأدوية العلاجية.

لكن هذا العلم شهد تطورا ملحوظا في القرن الاخير مثل غيره من العلوم

ليشمل التصنيع الكيميائي للأدوية و ليس فقط استخراجها من الموارد الطبيعية

اضافة إلى تصميم اشكال مطورة من الاشكال الصيدلانية للتغلب على العقبات البيولوجية

في الجسم ، و الاشراف على عملية المداواة حتى ضمن المشافي .

وقد تطور دور الصيدلي كثيرا في المجال العلاجي حتى انشق فرع جديد منه

تحت اسم الصيدلة السريرية او الاكلينيكية .

الصيدلة الإكلينيكية هي تحقيق أفضل أستفادة من أحد أعضاء الفريق الطبي

و هو الصيدلي لخدمة الفريق و لمصلحة المريض في النهاية.

و هي تهدف إلي تطوير دور الصيدلي من مجرد صرف الأدوية إلي التدخل الفعال

و الإيجابي في العملية العلاجية من أجل الوصول إلي أفضل نتائج علاجية.


يشهد الان علم الصيدلة تطورا كبيرا في دور الصيدلي حيث انه من الأصل لم يكن مؤثورا

علي جمع اللأدوية وتحضيرها وبيعها للمرضي ولكن الصيدلي هو من يلقب بالحكيم

الذي لديه درايه بالأدوية وجميع خصائصها ولذلك كان الطبيب والصيدلي هما شخص واحد...

ثم مع تطور الطب والعلاج والدواء أصبح من الضروري إنفصال علم الطب عن الصيدلة

حتي يستقل كلا منهما عن الاخر ويشق طريقه في التقدم العلمي حيث أنه من الصعب جدا

أن شخص واحد يحوي كل هذة العلوم ويملك الوقت للبحث العلمي فيهما

لذا أنشئت الصيدلة منفصلة عن الطب وكان واجبها الأول هو تطوير الأدوية والعلاجيات

ومعرفة شاملة بجميع خصائصها. ثم تتطور دور الصيدلي الي أنه يشارك في الطاقم الطبي

حتي يكون له رأيه الطبي .. لماذا ؟

لأن الصيدلي هو الشخص الوحيد الذي لديه العلم العميق في الأدوية

بجميع خصائصها فإذا أمتلك قاعدة علمية طبية تساعدة للتواصل مع الطبيب ينشأ عندنا

الصيدلي الإكلينيكي (الدكتور الصيدلي) وهو من لديه قاعدة علمية صيدلية

وأخري قاعدة علمية طبية ومن هنا جاء إنضمامه الي الفريق الطبي

ونشأ أيضا عن ذالك تخصصات للصيدلي منها الصيدلي البيطري وصيدلي الأطفال

وصيدلي أمراض النساء وهكذا...

لذا يتلخص دور الصيدلي في شيئين هما :

1-تطوير وإختراع كل ما يؤثر في صحة النظام الحي ( الإنسان والحيوان) بالإيجاب للوصول

الي شفاء الأمراض والصحة الجيدة.

2- إصدار التوصيات والتعليمات عن كيفية الإستخدام الأمثل للدواء والنظام العلاجي ككل

وذلك في صورة إتخاذ القرار مع الطبيب في كيفية علاج المريض بالطريقة المثلي.

ان شاءالله اكون قد وفقت بالتوضيح وشكرا



ومع كلية طب الاسنان

(أنا للاسف مبقتش معلومات كافيه عن الكلية دى زى باقى الكليات بس هحاول اجمعلكوا اكبر قدر ممكن)

الكلام اللى جاى ده عباره عن ردود بعض الاطباء على سؤال طالبة محتارة زيكوا كده

استخيري ربنا كده ، والكلية اللي ربنا رايدلك فيها الخير هاتكون من نصيبك ان شاء المولى عز وجل
، هي مكلفة شوية ، بالنسبة للادوات لأنها مش حاجة بنجبها في أول السنة وخلاص ، لا دي مواد وحاجات ، وبتبوظ وكده ، وانت لسه طالب ومش متمرس أوي أنك بالتالي تكون حريص وكده يعني

بس هيا لذيذة جدا
ماعدا اعدادي علشان مانكدبش عليك
هي مش لذيذة لأن الواحد بيدرس أول سنة بره كليته في علوم فامبييحسش أنه دخل طب أسنان لسه ، وبيدرس حاجات مالهاش دعوة بالاسنان خالص

بس هيا سنة الواحد يستحملها بالطول والعرض

بس كده

موضوع الكلية دة حاجة تخص ميولك و اتجاهاتك

مثلا كلية الصيدلة محتاجة واحد كيميائى شوية و مكدسين فيها حاجات كتير فى 5 سنين

كلية الطب بتتطلب مجهود شاق و ولا حاجة فيها انك تاخدى البكالريوس و دة عيب خطير

اما كليتنا زى اى كلية ليها عيوب و مميزات

و على العموم اعدادى مش وحشة اوى كدة
مش هتخشى الكلية اه ممكن تتارفى شوية اه

لكــــــــــــــن اوعى تنسى انها سنة هبل بالنسبة لاولى طب او صيدلة

فيها مذاكرة ربع مذاكرة ثانوى عام تضمنلك امتياز ان شاء الله

لكن الصمود فيها يتطلب شوية صبر بس

و على العموم انا يعنى استهبلت جامد و جبت جيد جدا مرتفع

اما بقى موضوع التكاليف بتاعت الكلية مفيش كلية ليها مستقبل مش مكلفة سواء مادى او مـــــــــعنوىو خصوصا معنوى




أنا هحكي معاك بأمانه شويه .. من جانب الأمانه المهنية !
عليك أن تنتبهي لإن ممارسة مهنه الاسنان فيما بعد غالبا ما تسبب تشوهات في البنية الخلقيه !!

أنا مش بخوفك منها .. أكيد لكل مهنه ميزات وعيوب زي ما ذكرتي ..
لكن إنتبهي إنها ممكن الشغل الكتير هيسبب لك آلام في المفصل الكتف .. الرقبه .. دوالي في الرجل إذا بتعتمدي
أكثر على الوقوف اثناء العمل ... أو ترهلات في عضلات البطن إذا بتعتمدي على الجلوس ..

الخلاصه إنك لازم تهتمي بصحتك جدا والكالسيوم مهم جدا وتمارسي الرياضه بشكل مستمر وتركزي على تقوية عضلات
الذراع ..
وإن كانت تلك المشكلات ممكن تظهر مستقبلا كما ذكرت لكن يجب عليك تقويمها منذ الآن ..
وربنا يوفقك يا حبيبتي ويكرمك ويقدر لك الخير حيثما كنت ..


لو حد حب يضيف حاجه يضيفها وانا عامة لسه ببحث فى الموضوع

وباب المناقشه مفتوح للجميع

اتمنى يعجبكم

ومعلومات اخرى عن كليه الصيدلة (مش تحيز خالص يا جماعة :d)

أهمية مهنة الصيدلة.. ودور الصيدلي فيها

يتزايد عدد الصيادلة الخريجين من كلية الصيدلة إلى ميادين الحياة للعمل وتطبيق مهاراتهم العلمية والعملية التي اكتسبوها خلال دراستهم.. ونظرا لضيق المساحة التخصصية الصيدلانية يكمن العمل بين الصيدليات الخاصة أو في شركات الأدوية أو من حالفهم الحظ في صيدليات المستشفيات الحكومية.

وعلى الرغم من أهمية مهنة الصيدلة وتطبيقها، والتطور السريع التي شهدته مختلف قطاعاتها المهنة، إلا أن من الملاحظ أن المهنة لم تحظ حتى الآن بالاهتمام المطلوب أو المناسب وأن كثيرا من تطبيقاتها الجديدة والمفيدة وذات المردود الإيجابي المرتفع لاتزال حبيسة الأدراج.

وحسب استطلاعات معهد جنوب الأمريكي للإحصاءات تربع الصيدلي على عرش أكثر المهن ثقة من المواطنين لمدة طويلة.. وفي دراسة نشرت في مجلة (pharmacotherapy) عام 2000 أجريت على أكثر من ألفي مستشفى عام وطني في الولايات المتحدة الأمريكية لوحظ أن إدخال خدمات الصيدلة الإكلنيكية قد أدى وبصورة مؤثرة وواضحة إلى رفع كفاءة المخرجات الصحية ووفر الكثير من المال.. أما في دراسة علمية أخرى نشرت عام 1999 في مجلة (jama ) الشهيرة فقد تطرق الباحثون إلى دور الصيادلة الحقيقيين والبناء في مجال الحد من الأعراض الجانبية للأدوية ومحاولة خفضها إلى أقل درجة ممكنة، وبينت نتائج الدراسة أنه بعد انضمام الصيادلة إلى فريق العلاج الصحي مع أطباء لستة أشهر لوحظ النتائج التالية:

1- تخفيض معدلات الإصابة بالعوارض الجانبية للأدوية بنسبة 66%.

2- توفير ما يزيد عن 270 ألف دولار كان من الممكن صرفها على علاج مشاكل طبية ناتجة عن عوارض الجانبية للأدوية.

3- لوحظ 366 من 400 تدخل للصيادلة في الخطط العلاجية يعود إلى أخطاء طبية فادحة للأطباء.

4- تداخلات الصيادلة توزعت على الكثير من الوظائف مثل إكمال خطط علاجية ناقصة أخطاء في الجرعات أو عدد مرات الاستخدام اختيار أدوية خاطئة إضافة أدوية زائدة أو مضاعفة للتأثير.

5- لوحظ مقدار التقبل الإيجابي الكبير من أعضاء الفريق الصحي بخصوص الصيادلة وأن 99% من الأطباء يمتثلون لتوصيات الصيادلة المشاركين معهم في الفريق.

إن هذه النتائج المذهلة تعطي أو تشير إلى الانطلاق إلى تطبيق مفاهيم الصيدلة التي يستطيع بواسطتها الصيدلي أن يساهم بالكثير من خلال المحاور التالية:

* معالجة المرض وتحديد الخطة العلاجية (deug therapy management).

* رفع درجة جودة حياة المريض (quality of life).

والدعوة إلى صناعة القرار الصحي في بلادنا إلى التوسع فيه ورفع كفاءة الصيادلة أنفسهم ومن ثم تقديم خدمة تعود بالنفع على الوطن والمواطن وذلك من خلال:

1- ضرورة توسع في الأساليب الحديثة في ممارسة منهج الصيدلة في المستشفيات الحكومية والخاصة.

2- تشجيع الصيادلة على العمل في مراكز البحث والتطوير في مصانع الأدوية.

3- استحداث وظائف مناسبة للصيادلة.

4- تشجيع التخصص في الممارسة المهنية للصيدلي من خلال إضافة درجتي متخصص واستشاري في الكادر الصحي.

5- تشجيع الابتعاث في مجال الصيدلة لتوفير الكوادر المتخصصة في مجال الصيدلة الإكلينيكية وغيرها من التخصصات.

6- استحداث المزيد من البرامج التدريبية والدورات المتخصصة للصيادلة الممارسين والفنيين.

7- دعم الأبحاث العلمية في مجالات الصيدلة المختلفة.

وختاما.. إن الاهتمام بتطبيق الأسس الصحيحة لمهنة الصيدلة وتطويرها وفتح قنوات الاتصال بينها وبين المهن المتقاربة واشتراك الصيدلي في اتخاذ القرار الصحي كفيلة بتطوير نوعي ملحوظ بالخدمات الصحية وستسعد به القيادات الصحية.

بارك الله فيكى

جميل جدا الموضوع يا دكتورة
استمري ربنا معاكي
وان شاء الله اخواتنا الصغيرين يستفيدوا منه

:078111rg3::078111rg3::078111rg3::078111rg3:

الطب مزايا وعيوب



انا طبيبه امتياز وطبعا فى كتير ما يعرفوش معنى امتياز وده اللى هوضحه ان شاء الله ( هى يا جماعة مش انا :romarioxp6: )


انا درست فى كليه الطب البشرى جامعه الزقازيق احدى جامعات مصر المحروسه ولم يكن احد من اقاربى من الاطباء ولم افهم الكثير الا بعد التجربه ومساعده زملائى لذلك اردت ان اوضح لكم الصوره حتى تختاروا على بينه من امركم


*000 اولا الطب يتطلب مجموع كبير اوى فى الثانويه ونفس طويل لان المشوار طوييييييييييل اما بالنسبه للامكانيات الماديه لو ناوى تاخد دروس يبقى هتخلص فلوس بابا وماما اما لو ناوى تعتمد على نفسك وتستغنى عن الدروس فان ان شاء الله هتوفر فلوس كتييييير اوى


*000 دراسه الطب نظريه وعمليه وتحتناج للفهم واحيانا الحفظ خصوصا فى علم الدويه بس اهم حاجه فى الحياه العمليه هى الممارسه حتى تتكون لديك خبره من كثره تعاملك مع الحالات


*000 دراسه الطب 6سنوات +سنه تدريب فى المستشفى(سنه الامتياز) اللى انا حاليا فيها


- اول 3 سنوات تكون الدراسه اكاديميه للعلوم الاساسيه ( تشريح, فسيولوجى, كيمياء حيويه, علم الانسجه"هستولوجى" ,علم الادويه "فارماكولوجى",علم الامراض "باثولوجى")


- سنه 4 هتدرس ( انف واذن , رمد, طب شرعى وسموم, صحه عامه )


- سنه 5 هتدرس ( باطنه عامه بكل فروعها, اطفال )


- سنه 6 هتدرس ( جراحه عامه بكل فروعها, نسا وولاده )


- سنه 7 الامتياز هتدرب فى مستشفى الجامعه او اى مستشفى تعليمى او اى مستشفى عام وده برنامج التدريب فى السنه دى


*شهرين جراحه عامه


*شهرين باطنه عامه


*شهرين نسا وولاده


*شهرين اطفال


*شهرين تخدر وطوارئ


*شهر قسم خاص من فروع الباطنه مثل (جلديه, صدر, رعايه قلب, رعايه مخ و اعصاب, كلينيكال باثولوجى00000)


*شهر قسم خاص من فروع الجراحه مثل (انف واذن , رمد , اشعه تشخيصيه , اشعه علاجيه , تخدير000000000)


السنه دى مهمه جدا لانك هتكون طبيب بجد و هتحس ان ليك دور فعال وهتكتس خبره عمليه فى كل التخصصات هتساعدك على اختيار التخصص اللى تحبه


*000 بعد الامتياز الحكومه توزعك فى التكليف لمده سنتين فى الوحدات الصحيه ويتم التوزيع على اساس الجامعه والمجموع والرغبات لو كنت من الاوائل هتستلم نيابتك فى الجامعه وتبدأ تحضيرالماجستيرفى التخصص الى هتاخده حسب مجموعك او تستنى سنه فى التكليف وبعدين تقدم فى نيابات الوزاره علشان تسجل فى الجامعه فى تخصص معين


*ملحوظه مهمه جدا :لازم تجيب مجموع عالى فى الكليه علشان تعرف تختار التخصص اللى بتحبه والا هتدبس فى تخصص مش عايزه وساعتها اما هتاخده او تستقيل من الوزاره وتحضر على حسابك وطبعا هتدفع فلوس كتير


*000 نيجى للمستقبل بالنسبه للمرتبات صغيره اوى وخصوصا فى الاول يعنى وانت امتياز مرتبك تقريبا 225ج ولما تكون نايب جامعه بالكتير اوى 400ج الحل الوحيد ان تاخد نوبتجيات 24 ساعه فى المستشفيات الخاصه علشان تحصل مبلغ معقول يقضى الاكل والشرباو انك تسافر احدى الدول العربيه الشقيقه بمرتب كوييس


بالسنبه للدراسات العليا كتيييييييير وضروريه لاى طبيب ناجح هنذكر اهمها


-معادلات اجنبيه للشهاده (لو ناوى تشتغل بره )


- دبلومه


-ماجستير(عدد السنين بتختلف من تخصص لاخر )


-دكتوراه ( غالبا النجاح مش بيكون من اول مره الا لو كنت تبع الجامعه او ليك واسطه او شاطر جدا جدات جدا )


-زماله (بريطانيه او فرنسيه) (دى اعلى من الدكتوراه ومحترمه فى اى مكان طبعا بس مكلفه ماديا اوى ومحتاجه مجهود عالى )


*000الطب فيه تخصصات كثيره وفى كمان تخصصات جديده اذكر منها


* جلديه وتناسليه * نسا وولاده * باطنه عامه


*جراحه عامه * اطفال * انف واذن


* رمد *طب الاسره * طب الطوارئ


*تخدير *طب وقائى * تحاليل


*اشعه *سمعيات * علاج طبيعى


*امراض الصدر * امراض القلب * طب نفسى


*مخ واعصاب *عظام * صحه انجابيه


وهناك طبعا تخصصات كتييير


بالنسبه لمستوى التدريس فى مصر فهو جيد جدا واكثر من ذلك انك تبدأالتدرب من اول سنه فلقد رأيت اول جثه فى حياتى بعد شهرين فقط من دخول الكليه واول تعامل لى مع المرضى كان فى سنه رايعه


*000 لازم تختار تخصص بتحبه علشان تقدر تكون مميز فيه وتقدر تخدم امتك ودينك واعلم :


- الطب طريق مفتوح ليس له نهايه فستظل تتعلم حتى اخر يوم وعليك الاطلاع بكل ما هو جديد حتى تستطيع ان تقدم افض عنايه طبيه لمريضك فانت مسؤل عن اخلى ما فى الحياه وهو الانسان


- الشفاء من عند الله وحده فاعمل ما استطعت ولكن التوفيق من عند الله وحده


- الطبيب يطلع على عورات الناس فلابد ان تتحلى بالاخلاق واياك وافشاء العورات


- ان الله يراك فلا تعمل ما يغضب الله من اجل المال فكثيرا ما نسمع عن طبيب يسرق كليه فلان او يقوم بعمليات يحرمها الله الا فى حالات خاصه وذلك كله من اجل المال اتقى الله قال الله تعالى (إنما يخشى الله من عباده العلماء )


- الطب مهنه من اشرف المهن فكن قدوه حسنه لدينك واخدم امتك

الافحام لمن قال ان الصيدلى بقال


- من أكثر الشبهات شيوعا حول مهنة الصيدله هى تشبيه الصيدلى بأنه بقال و من الناس من يقول هذا محاولة منه لتحقير هذه المهنه بدافع الحقد على الصيادله لما يتمتعون به من مكانه اجتماعيه طيبه واحترام بين الناس وهؤلاء مرضى القلوب الذين مهما تناقشت معه حول هذه النقطه وجدته لا يقتنع أبدا وهذه طبيعه موجوده فى كل المجادلين بالباطل ,ولذلك أنا لا أرد على هؤلاء انما أكتب فى هذا الموضوع بسبب أن كثيرمن الناس العاديين بدأو يقتنعوا بأن الصيدلى بقال لدرجه وصلت الى عزوف بعض الطلبه عن دخول كلية الصيدله بسبب هذا القول تصوروا ....؟؟؟؟
- والله يا جماعه ده بيحصل وقد بعثت الى احدى طالبات ثانوى رساله معناها أنها متردده فى اختيار كلية الصيدله بسبب ما يقال عن الصيدلى أنه بقال وتطلب منى الرد على هذا .
- اذن اتفقنا أن ردى سوف يكون على الناس الذى التبس عليهم الأمر وليس على مرضى القلوب , وفى حقيقة الأمر لن أبنى ردى على أساس أن مهمة الصيدلى الأساسيه هى تركيب الدواء أو تصنيعه أو اختراعه لأن هذا قلما يمارسه الصيدلى فى بلادنا العربيه.
- لكن الذى لايعرفه الكثيرون هوأن مايقوم به الصيدلى من صرف الدواء واعطاء المعلومات
الخاصه به للمريض سواء عن الجرعه أو طريقة الاستخدام أو الأعراض الجانبيه هوجزء
من تعريف ممارسة مهنة الصيدله أصلا.
- التشبيه بالبقال بسبب أن البقال يبيع سلعه يطلبها منه الزبون وهذا يحدث أيضا مع الصيدلى
ومع بائع السيارات ,الجرائد , الساعات ,التحف الأثريه ,الذهب ........الخ فلماذا الاصرار على تشبيه الصيدلى بالبقال دون كل هؤلاء ؟؟؟؟ صدقتونى أن الأمر فى أساسه ليس الا نوع من
أنواع الحقد على الصيادله ومحاوله للتقليل من شأنهم . - الصيدليه مثلها مثل أى منشأه تجرى بداخلها تعاملا ت ماديه العميل يدفع قدر من المال مقابل الحصول على خدمه معينه واذا وضعنا هذه القاعده فستجد أنها مشتركه بين الصيدلى والبقال وشركات المحمول والمستشفيات والملاهى وغيرها ...مع اختلاف نوع الخدمه التى يحصل عليها العميل مقابل ما يدفعه من مال . - وأخرحاجه أقولها فى هذا الموضوع هى اذا كان اللصيدلى بقال علشان بيبيع الدواء اذن هوأيضا طبيب طوارىء علشان الحالات الطارئه التى يقوم بعمل الاسعافات الأوليه لها والتى أحيانا تكون هى السبب فى انقاذ المريض من الموت أو تدهور حالته , و هو أيضا ممارس عام يقوم بوصف الدواء للمرضى فى الحالات المرضيه العامه التى لاتحتاج الى تخصص أويوجه الناس الى التخصص الطبى المناسب لشكواههم المرضيه .كل هذه الحالات يتشابه فيها عمل الصيدلى مع غيره فى بعض الأوجه فهل هذا معناه أنه انسلخ من طبيعة مهنته الأصليه؟؟ أترك الرد لكم

اهم حاجه تستفيدى وانا ان شاء الله هجيب لكم كل المعلومات

المهم فى الاخر تحسنى الاختيار وربنا يوفقك

جزاك الله خيرا

جزاك الله خيراااا

يارب يستفيدوا فعلا وهو ده هدفنا

ما شاء الله عليكى بجد اكثر من رااااااااااائع
ربنا يجعله فى ميزان حسناتك يااااااا رب

اخيرااااا لقيتلكم رأى دكتور أسنان عن تجربتة ردا على استفسار احد الطلبة :022yb4:


بص يا سيدى انا من 4 سنين كنت فى نفس الحيره زيك كده كان مجموعى جايب صيدله وطب اسنان بس مكانش جايب طب
بصراحه انا كان نفسى ابقى دكتور ولو ان النطباع الالولانى خالص بعد النتيجه انى حكتب صيدله خلاص
بصراحه لقيتهم عندى فى البيت مش موافقين بس لسه سايبنلى حريه الاختيار لكن هم رايهم انى اكتب اسنان وانا مش مقتنع لغايه مقعدت مع واحد قريبى فى بكالوريوس طب ساعتها
وقاللى اكتب اسنان مادمت عايز تيقى دكتور وده مش معناه ان صيدلى دى حاجه قليله بس هو فعلا مش دكتور هو متخصص فى الادويه وتركيباتها
بالنسبه لاسنان ففعلا انت شغلك الاساسى فى بق البنى ادمين وشغلانه صعبه مش سهله بس صدقنى لذيذه وفيها فن لكن الموضوع مبيقفش لغايه كده انت بتدرس فى اسنان مثلا ماده اسمها طب وجراحه الوجه والفكين وبتشمل الجراحات التجميليه دى بقى لو حضرت فيها بعد التخرجيبقى خلاص مش تشتغل فى بق الناس وسنانهم بس لكن حتعمل عمليات كمان زى اى دكتور بيحتاج تدخل جراحى
والعمليات دى بتشمل حاجات كتير اوى اهمها التشوهات الخلقيه والحوادث
اما لو حضرت تقويم (بس ده مش حتعرف تحضره فى مصر)يبقى ربنا فتحها عليك لانها مربحه جدا وشغلها اسهل من الجراحه
بالنسبه بقى ان ناس كتير فاكره ان دكتور السنان بيقتصر بس على طب الاسنان ومايعرفش حاجه تانى فده غلط
انت بتدرس مواد كتيرفى طب زى الفسيولوجى والهستولوجى والكيمي والتشريح والبكتريا وعلم الامراض والادويه والانف والاذن والرمد والجلديه والباطنه والجراحه الخ
يعنى انت دكتور بس الفم والاسنان هو تخصصك
بالنسبه لسنين الدراسه فان صيدله 5 سنين وطب اسنان 6 سنين(بالامتياز)وطب سبع سنين(بالامتياز)
يعنى طب اسنان طويله برده ومش فارقه عن طب كتير غير سنه واحده لكن الفرق انك فى اسنان تقدر تشتغل وتكسب من سنه الامتياز وشغلها مربح جدا ومش لازم تحضر اى دراسات بعد التخرج لانك متخرج اخصائى(طب اسنان) انما طب فبعد السبع سنين لازم تحضر دراسات لانك لسه مش اخصائى فى اى تخصصوشوف ده حياخد كام سنه بعد التخرج
بالنسبه للدراسه فانا اعتقد ان صيدله اصعبهم (بحس المواد بتاعتهم صعبهيمكن عشان انا مبحبش الكيميا وهم بياخدو كيميا كتير)لكن لعمل حسابك ان طب اسنان مش سهله ابدا وده بيتوقف على المدرسين اللى عندك فى الكليه لو عايز يسهلها للطالب ولا عايز يبهدل الطالب معاه
المهم اعمل حسابك فى طب اسنان على مناهج مش قليله وشغل عملى كتير جدا اكتر من اى كليه فى الدنيا فعلا من تانى سنه لاخر سنه حتشتغل بايديك كتير اوى وحتتعب بس لما تتخرج حتلاقى نتيجه تعبكوانا لى نظره كده يمكن يختلف ناس معايا لكن انا مقتنع بيها عن تجربه وعن زمايلى ان طب اسهل من صيدله ومن طب اسنان فى الدراسه لان معندهمش عملى كتير(العملى بتاعهم قليل اوى عن اسنان وصيدله)عشان كده عنده وقت كبير يذاكر ويتعب فى المناهج النظرى وبيجيب تقدير عالى(مهو تقريبا موراهوش شغل خالص غير مذاكره النظرى)
بالنسبه للتكلفه فاكيد اكيد ان اسنان اغلاهم لانك بتشترى كل ادواتك اللى بتستخدمها وكل سنه حتجيب حاجات جديده زياده عن ادوات السنين اللى فاتت ده غير المواد اللى بتستهلكها فى الشغل
فطب مش اكثرهم تكلفه لانى عن نفسى يعنى تقريبا خدت فى بعض مواد طب دروس وبتبقى بنفس التمن زيك زي طالب طب يعنى اذا كان طالب طب بيتكلف دروس فانت بتتكلف دروس وادوات كتير وربنا ميحوجكش للدروس
ديه هى وجهه نظرى عن الكليات ماديا وعلميا وعمليا وربنا يوفقك
انا اااااااااااااااااااااااااااااسف جدا انى طولت عليك:bye10000:



وده كان رأى تانى .......

انا برضو كنت في نفس الحيرة زيك السنة اللي فاتت و قعدت مع دكاتارة كتير و في الاخر دخلت صيدلة

لكن لو انت محتار في طب اسنان او صيدلة لازم تحط في اعتبارك الاتي

لو انت بتحب الكيميا يبقى صيدلة لكن لو بتكرها و بتحب احياء يبقى طب

لو انت بتحب الشغل العملي و الدقيق يبقى اسنان و ده ميمنعش ان صيدلة فيها شغل عملي لكن اقل من اسنان و كمان محتاجة شوية دردحة في التجارة

ادخل المجال اللي انت بتحب تدرسه مش اللي يجيب فلوس و بس

فيه خريجين طيب وصيدلة ققاعدين على القهاوي و فيه ناس معاها مؤهل متوسط و ربنا فاتحها عليها

متبصش لموضوع الشغل دلوقتي لان المستقبل بتاع ربنا

خليك في المجال اللي بتحبه و تقدر تنجز فيه

و لكن لو انت بتدور على فلوس بس بدون اي اعتبارات اخري يبقى تجارة المخدرات هي طريقك

و تمنياتي ليك بالتوفيق