مستقبل فنون جميلة أكثر من عظيم هتغير رايك ليها
انا لاحظت ان ناس كتير اوى اوى فى مصر متعرفش ايه قيمة كليات الفنون الجميلة وفاكرين اننا رسامين وفاكرين اننا فنانين وبس وفاكرين اننا بنتخرج مدرسين رسم اولا الكلام دة كله غلط فى غلط والاخر طلع فيلم فاشل بيسوء فى سمعة الكلية اولا على فكرة مستقبل الكلية مش زى ما الناس فاكراه انه بيخرج مدرسين رسم وخلاص ثانيا الفيلم دة اركنوه على جنب لانه مش بيعبر عن الكلية ابدا غير انه بيسيئ ليها وعلى فكرة دكاترة الكلية رفعوا قضية على الفيلم وخدوا تعويض ممتاز جداا ودة اللى جاب الفيلم الارض برضو :) اولا الناس اللى فاكرة ان الكلية مجموعها قليل وبتاخد خمسينات وستينات الكلام دة تعبان الكلية بتاخد فوق التسعين لعلمى اللى هما قسم عمارة وديكور وادبى بتاخد فوق 85 غالبا واقل حاجة 84 ركز فى كل كلامى ولو انت مش ناوى فنون جميلة متاكد انك هتنويها باذن الله اولا قسم العمارة بتدرس كل المواد الهندسية والفنية يعنى بتدرس 5 سنين منهم اعدادى كل حاجات هندسة وزايد عليها مواد فنية ودة اعلى قسم فى المجموع وتنسيقه خاص بيه وخريجه بيتبع نقابة المهندسين وبيدرسوا كمان شغل ديكور وبيتقووا فى برامج الكومبيوتر اللى بيشتغلوا بيها زى اوتوكاد وثرى دى ماكس وفوتوشوب غير طبعا بتاع هندسة عمارة اللى بيدرس 4 سنين بس عمارة ومبيدرسش اى ناحية فنية ف بيكون ضعيف بالنسبة لبتاع عمارة فى فنون جميلة والمواااااااد هندسية 200% وباضافة مواد فنية كمان ثانيا قسم الديكور ودة تبع فنون فى التنسيق وامتحان القدرات لكن بياخد علمى ومجموعه اقل بفروق بسيطة يعنى عايز تعرف ديكور خد كام يبقى شوف تنسيق فنون جميلة فنون لعلمى وبتدخل اعدادى ديكور وتدرس 4 سنين وتتخصص جواة على حسب اختيارك لعمارة داخلية وفنون تعبيرية والشهادة هى بكالريوس عمارة داخلية او بكالريوس فنون تعبيرية عمارة داخلية بتكون مهندس معمارى وديكور ومصمم لكل حاجة ودى ناحية هندسية اكتر وفنون تعبيرية اللى هى ديكور السينما والمسارح ودى ناحية فنية اكتر القسم دة ملوش علاقة بفنون بس بتدرس كل حاجة تتخيلها يعنى بتدرس مواد عمارة ومواد فنية بحيث تتعلم كل مبادئ التصميم من الابرة للصاروخ ومن الشقة للعمارة والمؤسسات بتتخرج بتشتغل مهندس ديكور ومعمارى ومصمم وكل حاجة لان امكانياتك بتكون جامدة وبتاخد خبرة فى الالوان يعنى القسم دة اكتر من قسم عمارة وبتدرس كل مواد قسم العمارة واكتر كمان والناحية الفنية اكبر شوية ومشروع التخرج بيكون مثلا تصميم مدرسة بتصممها من ناحية معمارية وبتعمل البوستر بتاعها وبترسم كل جزء منها برسم هندسى وبتصمم الالوان وبتقسم الفصول لمساحات وبتعمل استخدام كامل وشامل للمبنى دة غير طبعا التقوية الشاملة لاستخدام برامج الكومبيوتر ملحوظة هامة جداا:: طلبة ديكور بتدرس فى اول سنين ليها عمارة داخلية وتصميم داخلى وبعدين التخصص وبيدرسوا تصميم معمارى فى اخر سنتين لكن طلبة عمارة وهندسة عمارة بيدرسوا العكس فى اول سنين تصميم معمارى واخر سنتين تصميم داخلى ثالثا اقسام فنون بتاخد علمى وادبى بس الاولوية لادبى: اللى بيدخلها بيكون اعدادى فنون بعد كدة بيتخصص ع حسب المجموع لتلات اقسام هما جرافيك وتصوير ونحت وملوش اى علاقة بالاقسام التانية قسم جرافيك بيخرج مصممين جرافيك وشغلهم فى الانيماشن والكارتون وكله تمام طبعا يعنى بتصمم كل حاجة ثرى دى من افلام الكارتون لحد خدع السينما وشغل الافلام وشغل المراكز الثقافية قسم تصوير بتتخرج تكون فنان جدارى او مصمم تشكيلى يعنى وظيفتك مثلا ترسم لوحة فنية واجهة فى فندق او اى ارت ورك قسم نحت بتشتغل فى مصانع نحت كل حاجة تتخيلها خصوصا الارت ورك من الاخر مرتباتهم جميلة جدا وانا مش بجبرك على الكلية بس الكلية نظامها مختلف وجميل جدااااااا يعنى بتدخل الكلية عددكم قليل جدااااااا عكس الكليات التانية اللى عددكم فيها بالالاف دة غير ان التانيين بتدرس حاجات نظرى والاخر تتخرج وانت حافظ مش فاهم ومش هتعرف تلاقى شغل دة غير ان خريجين الكلية بالمئات مش بالالاف واظن هاتلى واحد بس خريج فنون جميلة ومش لاقى شغل دة غير ان الدراسة اغلبها عملى مش كلها نظرى يعنى بتعمل تطبيق للواقع قدامك اتمنى انكوا تغيروا قرارتكم :) وشكرااا |
ميرسي على المعلومات دي مع العلم هو مش تفكيرنا احنا هو بيبقى تفكير الأهالي بس لما بيسألو ناس مجربة بيعرفوا ان عندنا حق
|
اقتباس:
|
طب معلش سؤااااال ضرورى يعنى لو دخلت قسم ديكور عمارة داخلية اطلع مهندسة معمارية بس انا علمى علووووووووووووم
|
اقتباس:
|
ياريت تتكلم على اقسام ادبى شوية يعنى انا مفهمتش تصوير ونحت
وكمان انا مش رسيم اوى بس عاجبنى قسم الجرافيك هو فى امتحان القدرات بيركزوا على الرسم |
اقتباس:
جرافيك بتتخرج مصمم جرافيك يا احمد وشغلك بيكون كمان فى مجال الديكورات والتشطيب المعمارى ومجالات الدعايا والاعلان والسينما والمسرح والخدع السينيمائية يعنى بتتخرج ومعاك ذخيرة فنية وفى الكومبيوتر والبرامج كمان وممكن تشتغل رسام معمارى وممكن تشتغل فى الانيماشن والجرافيكس سواء كومبيوتر او افلام او اى حاجة تكنولوجية من الاخر مجال الجرافيك ممتاز وليه كذا طرييق وربنا يوفقك |
لو سمحت الكلية بجميع اقسامها ممكن ادخلها سواء انا علمي علوم او ادبي ؟؟ و لا كل قسم محدد بشعبة معينة ؟؟؟ يا ريت ترد عليا لاني محتارة اكمل علمي او احول ادبي
|
اقتباس:
ديكور لعلمى علوم ورياضة فنون(جرافيك تصوير نحت) لكل الاقسام ومتاحة لادبى |
انا اللي فهمته من المواضيع التانية اني ممكن ادخل ديكور لو انا ادبي بس في اسكندرية بس ده صح ولا لا ؟؟؟
انا علمي علوم وجبت السنة دي 93 .. بس عايزة احول ادبي علشان اضمن اكتر |
اقتباس:
|
شكرا على المعلومات الجميلة دي يا بشمهندس
انا تعبت جدا من كتر الحالة اللي انا فيها .. كنت شهادة معادلة السنة اللي فاتت كنت عايز هندسة بس حظي جه اني اترميت ف حاسبات ومعلومات القاهرة ودي كلية منصحش اي حد يدخلها ... كل حاجه فيها من اولها لاخرها زي الزفت -عارف ان كل مكان فيه الحلو والوحش- بس مش بالطريقة دي يعني :mad: انا حاليا شيلت مواد كتير وباخد سمر كورس عشان احاول اشيل شوية مواد من عليا ... بس انا طهقت وزهقت من الكلية واتفقعت مرارتي وميولي كلها بقالي 3 سنين عايز ادوس اكتر ف مجال الجرافيكس والويب ديزاين والكلام ده -طبعا كنت فاكر ان حاسبات هتعمل كل ده بس اتضح عكسه تماما- انا عندي استفسار واتمنى الرد السريع عشان لو نفع هحول ان شاء الله على طول... دلوقتي لو جيت حولت على طول اتقبل عادي ف الكلية ولا لازم اخش التنسيق من جديد ؟؟ وامتحان القدرات هيبدا وينتهي امتا ... انا عندي احساس انه انتهى اصلا :( وممكن حضرتك توضح امتحان القدرات بيكون عامل ازاي بالزبط ؟؟ مع اني مش قوي ف الرسم اوي ومش ضعيف برضو اسف ع الاطالة وشكراً |
يعنى انا لى ادبى وجايبه 96% وعملت قدرات فنون ينفع ادخل ديكور قسم عماره داخليه؟
|
هو لازم يكون فى امتحان قدرات لكل الاقسام واللى مدخلش الامتحان مينفعش يدخل الكليه خالص حتى لو جايب مجموعها ارجو الرد وشكرا
|
اقتباس:
لازم تقدم فى التنسيق من جديد امتحان القدرات رسم تماثيل وتصميم ابتكارى بالوان خشب ونظرى |
اقتباس:
اها طبعاااا لازم الاتنين |
اقتباس:
|
طب انا فى ثانية وجبت 87% علمى وعايزة اكمل علمى رياضة وادخل كلية فنون جميلة فى امل انى اكمل وادخلها لو شدت حالى فى ثالثة؟؟؟
|
اقتباس:
|
شكرا على المعلومات دي بس انا محتار ادخل عمارة ولا ديكور ولا جرافيك لاني بحب الكارتون جدا وبرسمه كويس وف نفس الوقت حاسس ان الديكور و العمارة حلوين وممكن اعمل فيهم شغل ووالدي عايزني ادخل عمارة !!
|
انا عايزه اعرف ضرورى انا ادبى وعملت القدرات ينفع ادخل فنون ديكور قسم عماره داخليه وجايبه96 ارجو الرد ضرورى
|
اقتباس:
ممكن تبقى فى عمارة او ديكور وتتعلم وتمارس مجال تانى ودى ميزة كليتنا العظيمة |
اقتباس:
فى اسكندرية بس لو انتى ادبى |
طيب معلش انا عايزه اعرف عماره داخليه بتخصص فيها من اعدادى ولا على حسب التقدير فى اولى كليه ؟ ارجو معلومات عن القسم
|
ياريت حد يفدنى فى الموضوع ده ضرورى
|
اقتباس:
على حسب رغبة الطالب فقط وليس التقدير |
Plz answer me
ممم يعني اية الاولوية لاقسام فنون لادبي..انا علمي وعاوزة ادخل جرافيك...بالتالي هدخل اعدادي فنون..ممكن عشان انا علمي مينفعش..او يكتفوا بالعدد بتاع ادبي ولا اية...وسؤال تاني عشان انا لسه محتارة ..ادخل ديكور ولا جرافيك ..انا حابة جرافيك والحمد لله عندي موهبة الرسم...بس حاسة ان مجال الشغل بتاع رسوم متحركة في مصر محدود ..الكلام ده صح ولا ؟
|
اقتباس:
لا مش بيكتفوا بحاجة :) مادام حابة جرافيك يبقى تمام لا مجال الشغل ممتاااااااااااز جدا |
السلام عليكم
انا جبت فى 2 ث 96% ورايحة 3 ث علمى رياضة ممكن ادخل كلية فنون جميلة قسم عمارة بس مش بعرف ارسم خالص ولو ينفع الفسم ده موجود فى اسكندرية او المنصورة |
اقتباس:
امتحان عمارة رسم منظور مش رسم فنى وهتتعلميه :) |
انا والله حزينة جدا انا مخلصة فنون جميلة جرافيك واتجهت للتدريس وضحيت بالتخصص وبدرس حاليا تربية فنيه والتخصص ده ملهوش علاقة بتخصصى ولا عمري اعرف في التربية الفنية وحاسة انى عايزة ادخل وادرس من جديد و لان تخصصى مش مطلوب وظايف في منطقتنا فاضطريت ادرس التربية الفنية والله انا حبيت القسم الجرافيك وتفوقت فيه وكان نفسي اشتغل فيه بس الحمد لله الواحد مش عارف الخير فين وعسى ان تكرهو شيئا وهو خير لكم
|
اقتباس:
عارفه ليه لان نقابة التشكليين نقابة هشة ضعيفة لا تعطى اى حقوق وكمان ان اى حد دلوقتى بقى يشتغل جرافيك بالفهلوة لان مفيش كادر يحمى الحقوق عندى ليكى 4 وظائف فى جرافيك ياريت تراسلينى خاص وانا هوصل حضرتك بالتوفيق |
اخدت حد ادنى 386 يعنى حوالى%94 يعنى اعلى من مجموع الكلية نفسه للادبى بحواللى 11درجة يعنى اعلى كمان من كل كليات الالسن وكمان فنون تطبيقية وادارة الكلية بتقول ان التنسيق الداخلى للكلية هيعلى كل سنة
|
طب انا سئلت قبل كدة ومحدش رد عليا
انا جايبة 57 في تانية ياتري اقدر ادخل الكلية مع العلم اني بعرف ارسم ارجو الافادة |
اقتباس:
57% يبقى تدخلى تربية فنية ودى كويسة زى فنون متقلقيش :) |
اقتباس:
ولو مينفعش ياتري ايه مستقبل تربية فنية ودراستها حلوة ولا لا لاني.كنت حابة قسم الجرافيك فنون جميلة في دراسته ومستقبله ارجو الرد واسفة عالازعاج |
ربنا يكرمكم
|
طيب التعبير الفني ده طبيعه عمله ايه بي نسبه يعني لبعد التخرج و المشروع عباره عن ايه
|
اقتباس:
دراسة تربية فنية حلوة جدا برضو :) ومستقبلها كويس لانى اعرف ناس كتير خريجين منها بس لازم تاخدى كورسات وتتدربى كتير :) متقلقيش |
اقتباس:
ما المقصود بالضبط بالتعبير الفنى؟ |
جزاك الله خيرا
وفعلا الموضوع افادني في معلومات كتيرة مكنتش عارفاها عن الكلية |
طيب انا معهد كنت عايزه ادخل فنون قسم عماره هو انا لازم اخد كورس العماره فى سنتر بره ولا افضل لى انى اخده فى كليه وبالنسبه لكورس كليه هو كويس ممكن يحسن من قدراتى
|
اقتباس:
|
لا بصراحه بصراحه بصراحه تجنن انا صحابي والمدرسين كلهم عمالين يقنعوني اني ادخل الكليه دي لاني انا عندي موهبه في الرسم كويسه اوي وانا مش راضيه ع اساس ان الي بيتخرجو منها مدرسين رسم بس بس الواضح انها رهيبه فعلااااااا بجد تجنن وبالمره كمان انمي الموهبه الي عندي في الرسم لاني بجد بحبو جداااااا والمدرسين عمالين يقنعوني اني ادخل الكليه دي ... ^________^ تسلم ايدك
|
اقتباس:
لا فنون جميلة عمرها ما بتخرج مدرسين رسم ولكن تربية فنية ونوعية بشكل استثنائى هى الخاصة بالتعليم والتدريس لمادة الرسم ربنا يوفقك :) حطى فنون فى اول رغبة بقى وشدى حيلك عشان امتحان القدرات :) |
جزيل الشكر والتقدير لحضرتك
مجهود طيب جزاك الله خيرا وبارك الله فيك |
شكرا جداا :d
|
اقتباس:
1- رسوم متحركة ولا يتبع قسم الجرافيك 2- قسم الجرافيك 3- قسم التصوير 4- قسم النحت 5- قسم ترميم الآثار وهذا للتوضيح فقط وشكرا |
اقتباس:
:) |
هو قسم عمارة فنون جميلة صعب زى عمارة هندسة وﻻ اسهل عشان الكل معقدنى من هندسة وبيقولوا صعبة جدا فعاوزة اعرف ايه اﻻسهل فيهم من حيث المزاكرة والضغط
|
جميع الأوقات بتوقيت GMT +2. الساعة الآن 07:49 PM. |
Powered by vBulletin® Version 3.8.11
Copyright ©2000 - 2024, Jelsoft Enterprises Ltd.