قسم خاص بالاستفسارات عن الكلية
 

اولا السلام عليكم ثانيا انا رشحت السنه دى لكليه التربيه عين شمس وكنت جايبه فى ثانوى 91% وفى الانجليزى 41,5 تمام دلوقتى الدراسه بدات اهه بس انا عاوزه احول الى كليه سياحه وفنادق حلوان لو ينفع يارت تقولى ايه هى شروط التحويل بالظبط لو ما ينفعش يبقى خالص قدر الله وما شاء فعل وشكرا جدااااا

انتى عادى ممكن تحولى لسياحة وفنادق انتى مجوعك اعلى منها بالنسبة لتنسيق السنة دى و درجتك مادام اعلى من 35 فى الانجليزى يبقى ينفعى تدخلى الكلية بس انا مش عارف انتى هتعملى اختبار القدرات عشان تقبلى فى الكلية ازاى اصل معاده فات .
عالعموم انتى ممكن تستفسرى عن حكاية اختبار القدرات دى من الكلية نفسها ممكن تفيدك اكتر معلش بقى اصل انا فى المنصورة .

ودى ارقام كلية سياحة وفنادق حلوان من موقع الكلية:

شكرا ان حضرتك رديت طب بس انا سمعت حاجه كده ان انا لازم اكمل السنه فى كليتى واجيب فيها كمان امتياز وبعد كده احول على فكره الكلام ده من السايت بتاع جامعه حلوان سياحه وفنادق فانا مش عارفه بقى ايه النظام بالظبط

ياااااااااه امتياز مرة واحدة , بصى انا عايز اسألك سؤال انتى عايزة تدخلى سياحة وفنادق لية ؟
اهم حاجة فى حكاية التحويل دى انك تركزى على حكاية انك هتعملى اه بعد ما تتخرجى ؟
وخلاص بقى لو مجبتيش امتياز خليكى فى تربية بس اقولك حاجة ومتزعليش انتى المفروض كنتى تفكرى كويس قبل ما تكتبى الرغبات .
ربنا يوفقك .

طيب انا عايز استفسر منك على حاجه انا فى تجاره انجليزى المنصوره بس الصراحه مش حاببها اوى فلو عايز احول السنه الجايه

لسياحه وفنادق المنصوره ومجموعى 91.5 والانجليزى 47 ايه هى شروط التحويل لو سمحت... ؟

اول حاجة لازم يكون مجموعك جايب مجموع سياحة وفنادق المنصورة السنة الجاية وده شىء متوقع جدا لان سياحة وفنادق المنصورة عمرها ما زادت عن المجموع بتاعك فى الادبى وكمان مجموعك فى الانجليزى تمام اوى يدخلك مادام اكثر من 35 من 50 .

تانى حاجة لما تحول السنة الجاية اكيد هيعملولك اختبار قدرات سهل جدا كله بيقبل فيه وانت ممكن تتصل بالكلية دلوقتى تستفسر منهم وتاخد معلومات اكتر وابقى طمنا عليك .

لوسمحت انا عايزة اعرف كل الكليات والاكاديميات اللى فى مص سواء خاصة او عادية وبتقبل من كام فى المية والمناطق وكده

بالنسبة لكليات السياحة والفنادق اللى فى الجامعات الحكومية خدت السنة اللى فاتت (2008) كده : الرابط ده بتاع تنسيق الادبى 2008 : http://www.tansik.egypt.gov.eg/appli...imitsA2008.htm شوف منه كليات ومعاهد السياحة والفنادق خدت من كام والبلد اللى فيها .

اما بالنسبة للاكاديميات فانا الصراحة معرفش عنها حاجات كتير بس هو فى اكاديميات كتير فى مصر مينفعش كلها تتكتب وعايزة وقت كتير .

السلام عليكم ورحمة الله
اولا انا عضوة جديدة معاكوا . انا كنت عاوزة اسال على حاجة وياريت حد يفيدنى فى الموضوع
انا خريجة كلية اداب وكنت عاوزة اقدم على دبلومة سياحة فى كلية سياحة وفنادق فى حلوان وكنت عاوزة اعرف هى ايه المواد الى بندرسها. كمان فرص العمل. ونسبة النجاح فى ا لدراسات دى. والدراسة هناك سهلة ولا لا
وكمان اللغات الى بناخدها بتبقى ايه انا سمعت انهم لغتين انجليزى ولغة تانية بالنسبة للغة التانية بيبقى نظام دراستها ايه بيبداؤ فيها من الاول يعنى الاساس بتاعها ولا لازم اكون انا عارفاها من قبل ما ادخل وياريت اعرف ايه هى اللغات المتاحة.وشكرا

انا اسفة جدااااااااااااااا انى طولت وسالت كتير بس ياريت حد يرد عليا عشان احدد اعمل ايه

والله هى المشهورة دبلومة الارشاد السياحى , بس دبلومة السياحة دى معرفش عنها قد كده بس اعرف ان اللى بياخدها بتظبطة لو اشتغل فى شركة سياحة كبيرة او شركة طيران .
وعلى فكرة لو كنتى خريجة اداب فسم لغات انجليزى مثلا وخدتى دبلومة السياحة دى هتلاقى شغل علطول .
وادخلى على الصفحة دى : http://www.helwan.edu.eg/arabic/faculties/tourism/derasat.html عشان تعرفى معلومات اكتر .

اما بالنسبة للمواد ادخلى على الصفحة دى : http://www.mans.edu.eg/facth/arabic/studies/deploma/deploma-derasat.htm ودى المواد اللى بياخدوها فى دبلومة السياحة فى جامعة المنصورة واكيد مش هتختلف عن مواد جاماعة حلوان الا مادة ولا حاجة .

وانا الصراحة معرفش اكتر من كده .

مرسييييييييييييي جدا على تعاونك معايا انا اصلا خريجة اداب تاريخ بس اعرف انجليزى وفرنساوي وشوية عبري

(( شكرا ليك يا مان على الموضوع الجامد ده بس انا عندى استفسار ضروروى جدا انا كنت السنه اللى فاتت فى تجاه انجليزى وحصلت ليا ظروف مدخلتش الامتحانات خالص فى الترمين وعايز احول كليه سياحه وفنادق المنصوره السنه دى ومجموعى هو 91.5 % ودرجتى بالانجليزى 46 ياتى ينفع ولا لا وايه المطلوب منى ولو ينفع اكلم الكليه ممكن تدينى النمره ؟

معلش الاسئله كتير بس انا بجد كانت حصلتلى ظروف السنه اللى فاتت :blush: ومستنى ردك يا مان علشان اعرف ان كان فى اوراق هسحبها دلوقتى ولا لا ؟ ))

ومشكور يا مان

طيب انا كنت عايزة اعرف من حضرتك هي بتاخد كام في الميه انا سمعت انها بتاخد من 90؟؟

انت مجموعك ودرجتك فى الانجليزى يعدوا اساسا شروط القبول بالكلية ما شاء الله يعنى .

ولما تحول لسياحة وفنادق المنصورة احتمال يعملوك انترفيو مع الطلبة الجديدة وهو سهل جدا .

اما بالنسبة للتنسيق فانت هتخش كلية سياحة وفنادق حسب مجموع الكلية السنة اللى انت خلصت فيها الثانوية .

وعشان تعرف معلومات اكتر ادخل هنا :
http://www.mans.edu.eg/facth/arabic/Default.HTM

واتصل بالكلية من هنا : http://www.mans.edu.eg/facth/arabic/CallUs.htm

ولا يهمك تغيب زى ما انت عايز

والله منورنا

كلية السياحة فى الادبى بتاخد من 86 لـ 90 تقريبا
وفى العلمى من 87.5 لـ 90.5 تقريبا
وطبعا التنسيق كل سنة بيختلف
ادخل على موقع التنسيق وشوف هى خدت من كام السنين اللى فاتت : http://www.tansik.egypt.gov.eg/application/

اولا ربنا يبارك لك علي مجهودك ثانيا انا خلصت معهد سياحة وفنادق المطرية السنة دي بمجموع 77.5% ونفسي اقدم في كلية السياحة والفنادق هل مجموعي يسمح لدخول الكلية وكمان
انا مش عارف اعمل اية واروح فين وكمان خايف اوي من الاختبارات بتاعة الكلية وياريت اكون شاكر ليك لو تقولي بالنسبالي الاختبارات اية

طيب انا السنة دي جبت 86 ممكن ادخلها ولا خلاص مافيش امل؟؟؟

يا جماعة اسلام مجاوب على كل الاسئلة قبل كده

هو مجموع اللغات شرط اساسى للكلية ولو كدة بيترواح من كام لكام
شكرا لمجهودكم

طبعا شرط اساى اللغات للقبول بالكلية بالاضافة طبعا للمقابلة الشخصية

ويجب ان تكونى حاصلة على 70% من مجموع اللغات ( 50/35)

وبالتوفيق ان شاء الله

شكرا يا esraa عالمجهود اللى انت عامله ده

طيب بص انا جايبة فى الثانوى 88.1 والانجليزى 45وجبت فى المستوى الانجليزى8 انا عايزة تعرف اختبار القدرات ده بيبقى امتى يعنى بعد ما بقبل فى الكلية بعد نتيجة التنسيق ولا بعد امتحانات الثانوية زى التربية الفنية والنوعية والكليات دى؟؟؟؟؟؟؟وكمان هو لو انا منفعتش فى اختبار القبول ده مش هدخل الكلية ولا ايه وياريت الرد يبقى سريع والنبى

ويا جماعة انهون احسن بالنسبة لى اداب انجليزى ولا سياحة وفنادق؟؟؟وانهون بيشتغل اكتر؟؟؟؟؟وقسم الدراسات السياحية دة العملى بتاعه فى ايه؟؟؟؟؟؟

اداب انجليزى هتطلعى معاكى انجليزى فقط اما السياحة والفنادق ممكن تاخدى كورس فى الانجليزى وانتى بتدرسى وده بجانب ان الكلية بتدرس انجليزى ولغة تانية وبعدين مجالات عملها كتير
وقسم الدراسات السياحية العملى بتاعه بيبقى فى بعض المواد زى اللغات بيبقى فيع معامل لغات بس دى مش فى كل الجامعات وكمان فى تدريب صيفى فى شركات السياحة او وكالات السفر وبرضو فى ناس بتتدرب وفى لأ ومواد تطبيقات الحاسب الالى برضو وفى حاجات تانية برضو

ميرسى عالرد

طب منهج حلوان هو هو منهج الجامعات التانية فى السياحة والفنادق ولا فى اختلاف والاختلاف كبير ولا بسيط

انا الصراحة معرفش هما بياخدوا مواد اية فى سياحة وفنادق حلوان بس كل المواد متشابهة وان اختلفت يعنى عادى مش فارقة بس الصراحة سياحة وفنادق حلوان اجمد واحدة وبيطوروها علطول ده اللى باسمعه

طب انت ما قولتليش لو مانجحتش فى اختبار القدرات ده هدخل الكلية ولا لأ على الرفم من ان مجموعى جايبها؟؟؟؟؟

انا جايبه 85 ممكن ادخل سياحه وفنادق واداب احلى ولا سياحه الاسكندريه

ينفع احول من كليه الى كليه لان انا مرحله اولى وكتبت اداب والمرحله الاولى خلصت خلاص ودلوقتى عايزه سياحه وفنادق الاسكندريه

ارجو اى حد يرد عليه بسرعه

عادى ينفع تحول لسياحة وفنادق اسكندرية بس بعد نتيجة المرحلة التانية هيظهر حاجة اسمها التحويل الى كلية غير مناظرة زى التحويل من اداب لسياحة وفنادق مثلا بس لازم تكون جايب مجموعها الاول

بس لازم تحول لسياحة وفنادق وانت مقتنع بيها عشان متندمش بعد كده

هاى...اناحبت 85وكتبت اول رغبة سياحةومش عارفة انا حجبحهاولااية بس انا حباحه اوىلكن انا خايفة قبلت ماتعينش لانهم بيطلبوا خلع الحجاب

لا متخافيش تنسيق الادبى السنة هينزل جدا ممكن تلحقى سياحة وفنادق ان شاء الله

وبالنسبة لحكاية التعيين والحجاب دى فانا عايز اقولك ان لو اى وظيفة جاتلك وطلبوا منك خلع الحجاب اوعى اوعى تخلعيه عشان لو اتوظفتى وخلعتى الحجاب ده حرام جدا جدا
ده حتى ربنا قال "ومن يتق الله يجعل له مخرجا ويرزقه من حيث لا يحتسب" صدق الله العظيم

وعلى فكرة حكاية خلع الحجاب دى بتبقى نادرة جدا الا بقى لو عايز تشتغلى مضيفة طيران ودى بتبقى للاسف فى الغالب بيطلبوا خلع الحجاب وربنا يهديهم

ايوة صح وبعدين الكلية فيها بنات كتيييييييييير اوى بالحجاب وده اللى انا عرفتة وممكن تشتغلى بالحجاب بس فى الاماكن الادارية او اللى بتبقى فيها فى مكتب اما بقى الفنادق والضيافة على الطيارات والارشاد دول لازم تبقى بشعرك وابعدى عن الارشاد لانك لو اشتغلتى فيه هتقدمى فية تنازلات كتيرة جدا جدا جدا ومش هينفعك

طيب انا عايزة رد من حد في الكلية

انا اتقبلت في الكلية بس لسة الانترفيو

انا لبسي تقريبا كله عبايات في ناس بتقولي عادي وفي ناس قالولي لازم اغيره لجيب وبلوزات او اي حاجه تانية

العبايات ممكن تسببلي مشكلة

ياريت رد صريح وبسسرعة ارجوكم

انا جبت نتيجة التسيق النهاردة ودخلت كلية سياحة وفنادق جامعة حلوان وعايز اعرف اللغات اللى فيها فى قسم الارشاد ويا ترى فى روسى ولا لا ؟

وياريت حد يقولى عنوان الكلية لو يعرفه ضرورى

وانا جايب 45 فى الانجليزى و46 المانى

مبروك يامااااااااان
 

ميعاد الانترفيو لكلية السياحة والفنادق لجامعة الاسكندرية

اتصل بالكية او روح الكلية وقدم ورقك عشان تعرف المعلومات المضمونة عن معاد الانترفيو

انا اعرف ان ينفع ابقا مرشده وانا محجبه وبعدين ايه التنازلات الكتيرة دى ولو هشتغل فى اماكن اداريه يبقا اختار قسم ايه

اماكن ادارية

يبقى دراسات فندقية ودراسات سياحية

طيب هو فعلا لازم تنازلات وقلع الحجاب ولا ايه ياريت يا جماعه تقولولى

ايه المواد بالظبط اللي بندرسها جمب التاريخ والانجلش عشان الواحد بس يكون عنده فكره
(ان شاء الله قسم سياحة عربي)