اي معلومات عن علوم القاهرة او برنامج علوم البترول الجيولوجيه ... انا تحت امركم
السلام عليكم
اعرفكم بنفسي انا طالب في كليه علوم جامعه القاهرة سنه تانيه قسم علوم البترول الجيولوجيه :022yb4::022yb4: لو اي حد ناوي يدخل القسم ده او عايز يعرف اي معلومات عنه انا تحت امركم :d:d او حتى عن كليه علوم القاهرة بصفه عامه القسم متاح لرياضه وعلوم و ولاد و بنات وفي قسم تاني خاص برده اسمه التقنيه الحيويه منتظر استفسارتكم |
السلام عليكم
السلام عليكم ورحمة الله , بجد انا سمعت عن قسم علوم البترول ده من ناس كتير لكن كلهم من اقسام تانية وبصراحة حسيت انهم مش بيشكرو فيه بمعنى انهم اول رد فعل ليهم لما بسألهم بيضحكو ضحكة استهزائية كدة ,انا عايز اعرف ماهية القسم ده بصراحة يعنى بجد وكمان بعد كدة لما اسألهم عن سبب كرههم للقسم ده بيقولولى انه قسم عبيط مالوش كبير ولا ليه ادارة ولا بينفذو كلامهم ولا هناك خبراء ولا حاجة زى ما بيقولو وكمان مابيمسش كورسات الحفر بشىء وكمان بيقولو انهم اخطأو فى وضع المنهج الدراسى بحيث انهم خلو مواد كتير لازم اجبارى على الطلبة فى غير تخصصهم زى الرياضة والفيزيا والكيميا اللى ملهاش علاقة كبيرة بيالبترول لحد سنة تانية وتالتة ورابعة فى ظل اننا لو بصينا لباقى اقسام الكلية هنلاحظ انها متخصصة اكتر وبيحصل التشتت ده فيها فى اول سنة بس مش بيستمر لتانية وتالتة ده كله شىء وحاجة تانية بقى هى موضوع الفلوس الكتير دى وموضوع الزيادة النسبية على كل الطلاب سانويا وده نظام حتى مش مطابق للجامعات الخاصة لا ده اسوأ للاسف بحيث ان الجامعات الخاصة بتطبق الزيادة دى على الطلاب الوافدون الجدد فقط لكن فى القسم ده بيقولو عليه ان الزيادة العشر فى المية كمان على الطلاب القدامى وده من نظرى انا شايفة ظلم وكمان معظم الناس اللى سألتهم ليهم صحابهم فى بترول بيقولو ان القسم فى الامدادات المادية مش مميز بالمرة عن اى قسم اخر وحتى مفيش رحلات تثقيفية او لحقول بترول او شىء وحتى لو فى رحلات بسيطة بتكون على حساب الطلبة واستفسارهم الدايم لمنسقى البرنامج هو ان الفلوس دى بتتصرف على ايه بالتحديد ,,,انا اسف لو كنت طولت عليك وياريت ترد عليا لو امكن على استفساراتى دى وتقولى مدة صحة الكلام اللى انا ذكرته دلوقتى وترد لو امكن علشان استفيد وكل الطلاب الراغبون فى الالتحاق بيه يستفادو وجزاك الله خيرا
|
اقتباس:
وعليكم السلام ورحمه الله وبركاته اخي العزيز هرد عليك نقطه نقطه طبعا القسم ليه مميزات وليه عيوبه و انا هكلمك بحكم اني طالب فيه و ادرى الناس بيه اولا : اولا ان الناس التانيه دي الي بتسخر من القسم ده تعصب مش اكتر موضوع انه ملوش كبير ولا اداره كلام عار تمام من الصحه القسم بنضم لقائمه البرامج الجديد و الي زيه زي اي قسم بيبقى تحت رعايه الكليه بالضافه ان لينا منسق عام عن البرنامج مسؤال عننا وهو دكتور مصطفى حسين رئيس قسم الجيوفيزياء و الي مسؤال عننا موضوع مش بينفذو كلامهم برده ده حقد و هقولك مثال احنا عددنا 75 طالب وكنا مجموعه واحده ف الماحضرات و 2 في السكاشن طلبنا من العمليد في نهايه الترم الاول ان يبقى في مجموعات اكتر عشان الاستيعاب يزيد بقينا 2 مجموعه محاضرات و 3 سكاشن يعني بياخدو ب كلامنا ثانيا : البرنامج ده الي حاطط المواد بتاعته جامعات من اميركا و هما الي طلبو نزود كورساتالرياضه على سبيل المثال بالنسبه للكيميا والفيزيا و الرياضه ف انت محتاجهم ك مواد تساعدك في مواد تخصصك الي هي جيولوجيا و جيو فيزياء وهما مش مزودن علينا بحيث ان الكليه نظام ساعات معتمده ف الكيكا والفيزيا بتبقى من الترم الرابع ساعه او اتنين بس يعني هما بيدوك المعلومه الي انت عايزها وده لتالته بس مش رابعه وبعدين في فرق بين القسم والبرنامج القسم ده انت متخصص في حاجه معينه لكن البرنامج بتاخد مقررات بتسعدك في مجال معين الا وهو البترول ثالثا موضوع الحفر مين قال كده انا هاخد الترم الي جاي well loging ودي ماده للحفر ودي بدايه مش اكتر في لبس عند الناس القسم ده حاجه و هندسه البترول حاجه هما مش بياخدو كورسات جيويجيا زينا هما بيدرسو الموضوع من ناحيه هندسيه لكن احنا من ناحيه جيولجيه و انا كلامي ده من قريبي الي في هندسه بترول السويس والقسم ده تحت رعايه شركات بترول كتيره و في شركات فاتحلنا معامل لينا احنا بس زي شلمبيرجير و هاليبرتون الي هما مش محتاج اتكلم عنهم و طبعا في الملتقى الوظيفي احنا لينا الاولويه للتعيين قبل اي قسم وده مش كلامي انا موضوع الفلوس فعلا في زياده 10% كل سنه بس دي ليها غرض بمعنى ان احنا هناخد كورسات من المعهد البريطاني في الكليه مجانا وده سبب ا10 % وده طبعا لينا احنا بس موضوع الرحلات الترفيهيه مفيش فرق بين قسم و التاني الكليه كلها بتعاني من الموضوع ده اما الرحلات الجيولجيه كتيييرة و بنطلعها و احنا بنظمها مع الدكاتره زي رحله وادي الحيتان وكده كده من سنه تالته احنا متوفرلنا فرص التدريب في قطاع البترول معاك في موضوع اني معرفش الفلوس بتروح فين بس ده عرض و طلب يعني محدش بيضحك عليك ويقولك ده ببلاش يارب اكون وضحت كل حاجه و تحت امرك في اي وقت |
معلش ايه الفرق بين جيولوجيا البترول الخاص
وجيوفيزيا العام على حد علمى الاتنين بيبقوا مهندسين بترول لما يتخرجوا انا بصراحة ان شاء الله ناوى ادخل جيو فيزيا وعايز معلومات عنه ياريت لو عندك معلومات تقولى |
اقتباس:
لا طبعا لا ده ولا ده مهندس بترول مهندس البترول حاجه تانيه لكن الشغل في مجالات البترول كتير و زي ما في في الموقع نهندس بيبقي في جيوليجي و خو ده الي بيتخرج من الكليه طبعا الجيوفيزياء هو اقرب قسم علوم البترول لكن طبعا علوم البترول بيبقى كثر تخصصا في مجال البترول و بيدرس كورسات كتير بتخلبه مؤهل اكتر من الجيوفيزيا الاتنين بيشتغلو في مجال البترول بس طبعا الاولويه لينا |
ميرسى لردك
|
ممكن اعرف المصاريف بتاعته كام
|
عشرة الاف جنيه سنويا
ويوجد فى جامعة اليكس وكايرو فقط |
المصاريف بتاعته من اول سنه ولا من سنه تانيه يا ترى لمل حتخرج منه حتوظف ولا مش حتوظف وياريت ترد عليا بسرعه
|
الف مليووووووووووووووون شكر ليك يا بشمهندس
|
المصاريف من اول سنة
وان شاء الله حتتوظف بسرعة ولا شكر على واجب وعلى فكرة انا فى كلية علوم |
النتيجة طلعت وانا فى حاجه اسمها waiting list عايز اعرف بقا ايه نظامها ونتيجتها بتطلع امتى
وكل سنه وانتو طيبين |
ربنا معاك ياكيمو ان شاء الله
وتوصل لما تتمناه بأذن الله |
مشكر يا ليدو انك رديت في غيابي صحيح انت علوم القاهرة ؟؟ و سنه كام
انا متأسف على غيابي يا جماعه اي سؤال انا تحت امركم |
ولايهمك ياباشا
انا علوم اسكندرية ان شاء الله ولسه داخل اولى ومحتار والله بين علوم طبيعة وجيولوجيا |
اقتباس:
جيولوجيا افضل بكتيييييييييير |
انا علوم رياضة وعاوز ادخل حاسب التخصص قال من تانيه ولا ايه والمصاريف يا ريت تفيدنى
|
ياريت لوعندك معلومات عن بيوتكنولوجى قولها
|
اقتباس:
شكرا جدا ياحبى على اهتمامك وان شاء الله هو ده القسم اللى ناوى ادخله |
اقتباس:
بالتوفيق ان شاء الله |
اقتباس:
اقتباس:
كل الي اعلافه عنه ان العدد في محدود 75 طالب و طالبه و الاوليه بمجموع الثانويه العامه مصاريف السنه الي فاتت 9000 جنيه معرفش السنه دي بقت كام شغله في شركات الادويه و معامل الابحاث الدراسه اغلبها بتعتمد على الكميا والا حياء |
انا سمعت انو عشان اتخصص دكتورة تحاليل ادخل من اولى بيولوجي مش علوم طبيعية الكلام ده في عين شمس يا ترى كده في القاهرة كمان ولا اية النظام
|
السلام عليكم أولا ,,,
ابو راضى بالله عليك أبعتى ايميلك فى رسالة لأنى نفسى أكلمك و الله بالله عليك ابعتهولى فى رسالة على المنتدى انا نفسى أكلمك فى شوية حاجات كده مجننانى و الله لانى تعبااان أووى من التفكيرررررررررررررررر |
على فكرة انا لسه طالب ثانوى عام و رايح 3 ثانوى عام ( علمى رياضة ) ,,, بالله عليك أبعت ايميلك ,, انا مستنى الرسالة
|
طيب ممكن حضرتك تقولى المعلومات اللى عرفها عن التقنية الحيوية يعنى التخصص من سنةكام , المصاريف , الوظيفة يعد التخرج كده يعنى ....
شكرا ^_^ |
طب انا دلوقتى اجبرت من التنسيق ع علوم (قدر الله وماشاء فعل)بس معرفش عنها اى حاجه يريت تقولى النظام ازاى وايه الاقسام وكل قسم يطلعنى ايه
|
يعنى انتا بتختار القسم بعد السنة الاعدادى وبعدها بتبدا تدفع المصاريف من سنة اولى ولالا؟؟؟
|
بص انا ناوى على علوم بترول بس محتاج اعرف عنها حاجات كتر ياريت تساعدن فيها او تكتبلى الايميل بتاعك او التليفون او اى طريقة اوصلك بيها عشان انا داخل الكلية ليسة جديد وزى متقول معلوماتى عنها فى الحديد ..... عاوز اعررف هى لازملها تقدير فى سنة اولى ولة دى حاجة لوحدها .... مكان الكلية هى جوة جامعة القاهرة ؟؟؟ انا علوم رياضة اقدر ادخلها ؟؟؟ الحاجات الى محتاجنها لما اجى اقدم ؟؟ المصاريف كام ؟؟؟ 4 سنين ولة 5 ؟؟ مستقبلها حلو فى مصر و هلاقى شغل ولة زى ما بسمع انى لازم وسطة ؟؟؟ هل هى احسن ولة الكيميا فى مجال الشغل ؟؟؟ اية يفرق علوم رياضة عن علوم عادية ؟؟؟ معلش انا عارف انى طولت علية بس ليسة جديد و مش عارف عنها اى حاجة .......
|
انا هدخل علوم و عايزة اعرف علوم ين شمس احسن و لا علوم القاهرة و مش عارف اى حاجة عن علوم ارجو الرد سريعا لو سمحتم
|
و انا سمعت ان فسم هيفتح اسمه القسم المميز هل الكلام ده صح و لو صح اللى يعرف عنه حاجة ياريت يقول
|
كنت عايز اسأل هو اللي يدخل قسم فيزياء بيشتغل ايه؟ولو كيمياء-فيزياء ممكن يشتغل ايه؟وهل يوجد ماجييستير حاسبات في كلية علوم؟و ايه أفضل قسم بالنسبة ل علوم رياضة"القاهرة" ولماذا؟؟
والتخصص يكون من سنة كام؟ وشكرا:blush: |
انا من طنطا وجاتلى علوم طنطا ولأسف مش فيها القسم ده وانا نفسى ادخل القسم ده
بس مش عارف هينفع احول ولا لأ |
اردي بعض الاجابات على بعض الاشياء عن القسم فلو تسمح برقم تليفون لك
ده ايميلى :tomasameh*********** شكرا لك ؛ |
اقتباس:
لانك معاك كيمياءومن الكيمياء تقدر تشتغل في المصانع واالشركات وفيه ماجستير علوم حاسب بس لازم تكون قسم علوم حاسب |
علوم افضل ولا معهد العاشر؟؟
|
لو سمحت مصاريف قسم البترول كام فى جامعه القاهره والقسم دا ينفع بنات وليه مجموع معين والا عادى بدل جالى علوم ممكن ادخله
|
انا جايبة 401 يعني 97.8
وجالي علوم لأني مش عايزة بيطري وناوية ادخل علوم بترول وسمعت ان بيبقى ف امتحان قبل ما ادخل القسم وبيبقى في مقابلة مع اتنين من دكاترة القسم ممكن اعرف الامتحان بيبقى ازاي ؟؟ ومجالات الشغل للبنات عاملة ايه ف القسم ده ؟؟ |
هل قسم البترول هو هو قسم جيولوجيا البترول ؟
لان في المنيا يوجد قسم جيولوجيا البترول |
طيب معلش علي التدخل هي بتاخد من علمي رياضة
|
انا طالب في السنة الاولى قسم جيولوجيا البترول جامعة الاسكندرية عايز احول لقسم الفلك بجامعة القاهرة فهل هذا ممكن؟؟
و لو ممكن ايه الشروط و نظام التحويل ؟؟ |
انا كنت محتااج اعرف كتير عنها لو ينفع نتكلم ع اي حاجه ع الفيس تفهمني بس عشان انا محتار اقدم ف القسم ده ولا لا
|
طيب هو حضرتك اية رايك بقي انهة افضل علوم البترول والمياة اللي ف جامعة اسماعلية اللي فتحت السنة اللي فاتت ولا بتاعت القاهرة اللي حضرتك فيها دي بليز الرد
|
__________________
|
لو سمحت كنت عايز اعرف اذا كام ممكن ادخل قسم بيوتكنولوجى من علملى رياضة ؟؟ ضرورى بليييز
|
السلام عليكم
انا جتلى علوم رياضه القاهره و والدى بيقلى ممكن ادخلك هندسه خاص فانا محتار ايهما افضل دى حاجه والحاجه التانيه عايز اعرف اكتر عن قسم البترول وبتخرج اشتغل ف ايه وايه اخبار مستقبله والدراسه وبيبقى مكتوب ف الكارنيه ايه بتاع النقابه |
على فكرة القسم (جيولوجيا البترول موجود فى جامعة المنيا مجانى وانا فى هذا القسم وممكن نتواصل عبر الفيس انا صفحتى اسمها محمد الفقيه والصورة رمز حمامة السلام
|
متأسف ان مكنش فيه حد بيرد على الموضوع طول الفتره الي فاتت
عمتن لو حد عايز يسأل على حاجه انا هكون موجود ان شاء الله |
كنت عايز اسأل عن الفرق بين جيولوجيا البترول (القسم الخاص)جامعة القاهرة و جيولوجيا البترول(قسم خاص)جامعة الاسكندرية
وبين جيوفيزياء البترول (قسم خاص) جامعة عين شمس و بترول ومياه (قسم خاص) جامعة قناة السويس |
ايه شروط القبول في القسم ده ؟؟؟
|
عايز ة اعرف القسم تخصصه من سنة اولى وازي اكتب ايه فى الرغبات علوم القاهرة ولا علوم رياضة ولوارجو الرد سريعا وممكن تنسيقة يبقى كام السنة دى لو سمحت
|
جميع الأوقات بتوقيت GMT +2. الساعة الآن 12:20 AM. |
Powered by vBulletin® Version 3.8.11
Copyright ©2000 - 2024, Jelsoft Enterprises Ltd.