![]() |
خــواطــر سـنـه أولـى جــامـعـه
بسم الله الرحمن الرحيم .................................................. ................................ بقلم دكتور محمد فهمي - قسم العقاقير ( إهداء خاص لطلبة وطالبات الفرقة الإعدادية ) هذه بعض الخواطر التي تدور برأس الأجيال المختلفة في مرحلة التعليم الانتقالية من الثانوي إلى الجامعة سطرتها لكم ببساطة عسى أن تجد صدى في أذهان من دارت بخلدهم ليعرفوا أن الجميع يفكر بنفس الطريقة تقريبا فتطمئن نفوسهم ويهدأ قلقهم ويكتسبوا بعض الثقة بالنفس ويعلموا أن هذه مرحلة تمر على الجميع وعسى أن يستفيدوا منها. • أخيرا خلصت الثانوية العامة: :022yb4::022yb4: ياااااااااااااااااااااااااااااااااااه أخيرااا خلصت من الثانوية العامة بعد ذل. كانت أيام الله لا يرجعها. بس أنا مش عارف أعمل إيه ؟ الحمد لله التنسيق ظهر وجت لى صيدلة بس أنا مش متخيل خالص إيه اللى هيحصل :confused: • مبنى الكلية ومبنى المدرسة ( الحوش والفصول ) ياترى هنقدر ننط من فوق السور زى أيام العز ؟ :049gc0::049gc0: يا ترى مبنى الكلية زى مبنى المدرسة ، طيب الكلية فيها فصول ؟ أنا كنت فى ثالثة تانى فصل المتفوقين ياترى هكون فى أولى كام فى الكلية ؟ آه افتكرت دا فيه إعدادى فى الأول . طب هكون فى إعدادى أول واللا تانى ؟ الله أعلم . طيب افرض إن الحصة معجبتنيش – حصة إيه يامتخلف – اسمها محاضره. طيب خلاص لو المحاضره معجبتنيش هقدر أزوغ على الحوش وأنط من فوق السور وأروح ع الكافيتريا اللى جنب المدرسة زى ماكنا بنعمل زمان ؟ واللا سور الكلية عالى ؟ لا يا عم اتهيألى مش هقدر أعمل كده ، بيقولو فيه حرس فى الكليات ولو عملت كده ممكن يفتكرونى حرامى وتبقى فضيحة . زمان فى المدرسة كان كبيرها يقفشنى عم أمين بواب المدرسة وكنت بزبطه بربع جنيه وكانت ماشية عال العال . وبعدين هيا الفصول جنب بعضها واللا خلطابيطا يعنى بما إننا كبرنا بأه المفروض الواحد يدخل الفصل اللى على مزاجه ؟. يوووووووووه دانتا مش هنا خالص هوا مش أبو خليل صاحبنا قال إن الفصل اسمه مدرج والدفعه كلها بتقعد فيه صبيان وبنات مع بعض ؟ أيوه صح هوا قال كده . • الأبلة والأستاذ والدكاترة- الناظر وعميد الكلية :078111rg3::078111rg3: طيب إيه أخبار طقم الأبلوات والمدرسين ؟ ياترى هيبقو كشرين زى أبلة سعاد ومستر عادل واللا هيكونوا ناس مفرفشين ؟ أنا بتخنق من الناس الكشرة كفاية بقا خلينا نعيش حياتنا حبه روشنة . تبقى مصيبة لو دخلو علينا المحاضرة وف إيدهم خرزانه ؟ ومين عارف يمكن يدخلو علينا بالشوم على أساس إن احنا كبار ويمكن يكون معاهم زخيرة حية . بس مش معقول دا يحصل عشان وزير التعليم كان مانع الضرب فى ثانوى فمن باب أولى يحترمونا فى الجامعه ويرقونا شويه بدل الإحترامات اياها اللى بتورم القفا . استنى استنى يابنى .. انتا مش عاوز تكبر بقا .. مفيش أستاذ وأبلة وشغل العيال ده عشان اللى بيدرسو لينا دكاترة . ناقص تقوللى لو المدرس زعق لى هشتكيه للناظر أو لمدير المدرسة ويمكن تكبر فى دماغك وتشتكية فى الإدارة التعليمية . كل دا مش موجود لأن الكلية لها عميد ووكلا وناس جامدة أوى والكلية ليها أقسام وكل قسم له رئيس وحوار جامد موت . زمايلى :redface::redface: طيب وياترى هلاقى ناس أحبهم ويحبونى زى شلة ثانوى اللى متتعوضش . مين عارف يمكن ربنا يعوضنى بشلة أجمد منها . عموما أنا مش هكون حد غير نفسى ومش هتصنع حاجه وهتعامل مع الكل بطبيعتى وبرجولة وهحاول أقرب من العيال الكويسة يمكن ألاقى شلة عدلة تكون سند ليا نصبر بعض على ما الخمس سنين يعدو على خير وبعد منخلص نكون صحاب وأخوات طول العمر. • ازاى أتعامل مع زميلاتى ( ياترى هعجبها واللا هتقول عليا عيل ؟) :006et4::006et4: مشكلة صعبه خالص مش عارف هعمل فيها إيه صبيان وبنات مع بعض ف مكان واحد . هنا بقا يبقى النرجسية هتشتغل على ودنه . يعنى شهامة الدنيا ورجولة الدنيا لازم تبان أدام البنات .. وإلا هيبقى منظرى مش ولا بد وهيقولو عليا عيل .. يعنى استحالة أدى واحد من اصحابى الفرصة يشتغلنى أدام البنات تبقى وقعته سودا وساعتها هتغدى بيه قبل ما يتعشى بيا . أمال ايه دى سمعه يابا . ويبقا يوم مايعلم بيه إلا ربنا لو اتكعبلت ونا ماشى لو بنت ضحكت ممكن أحول من الكلية خالص أمال إيه دحنا صعايدة يابا . ولازم ونا طالع من البيت أزبط هدومى ع الآخر وكله مكوى والجزمة بتلمع وضارب شعرى جيل ومغرق نفسى برفان . من الآخر لازم أبقى واد روش طحن . هيا صحيح الميزانية هتخرم ويمكن الوالد يطردنى برة البيت بش مش مهم الصيت واللا الغنى . أنا عارف إن همه يومين وكل واحد يروح لحاله بس بردو المنظر مهم . • ازاى أتعامل مع زميلى ( ياترى هيقول عليا عبيطة وهايفة ودماغى فاضية ؟ لازم أخس الأول ؟ وأتكلم برقة؟ إزاى ؟ ) :bosyht9: ونا بقا مشكلتى مشكلة . ثانوى كان رحمة عشان مكانش فيه إختلاط يعنى كانت الواحدة تروح المدرسة بشبشب فردة وفردة.. مش مشكلة .. واكلة بصل .. مش مشكلة .. نسيت تغسل وشها ..بردو مش مشكلة.. طيب دلوقتى الكلية دى فيها صبيان وبنات .. ياترى هتكون نظرتهم ليا ازاى ؟ هحاول أكون جد على أد مقدر علشان ميقولوش عليا هايفة ودماغي فاضية .. فكرة كويسة .. بس ممكن لو عملت كده وخدتنى الجلالة يقولو عليا انطوائية ومعقدة .. ياترى إيه الصح ؟ كدا أحسن واللا يقولو عليا روشة ومتفتحه ع الآخر .. لأ عيب برده .. مينفعش.. بس على كل حال .. لازم أزبط نفسى وأعمل برنامج تخسيس من اللى بالى بالك .. يعنى ممكن أخس حوالى 150 كيلو فى أسبوع يادوبك عشان ميقولوش عليا أد الفيل . وأحاول بردو أشفط بطنى ونا موجودة فى الكلية عشان الكرش ميبانش ..أو آخدها من أصيرها وألبس طاقية الإخفا حفاظا على نظافة البيئة .. وطبعا لازم أروح الكلية بتاكس وآجى بتاكس وأحاول أخللى السواق يوصلنى لحد باب المجمع عشان الناس تشوفنى ونا نازلة من التاكس ( أهو برستيج بردو ) وأحاول أخللى الجاعورة متطلعش ونا بتكلم عشان ميقولوش دى دكر متنكر .. رقه بقا .. وأعمل تقويم لسنانى عشان التطريم اللى فيها .. وأركب عدسات زرقا عشان تدارى الحول .. يعنى من الآخر أتنكر تماما وأبقى واحدة تانية غيرى .. تقدرو تقولو غش تجارى .. يعنى نقضيها بالطول واللا بالعرض لحد مالخمس سنين يخلصوا على خير . يتبعــ |
• ياترى هطلع بعريس عدل؟ :blush: وطبعا اللبس والذى منه مش لله ف لله .. يمكن أطلع لى بعريس عدل .. يعنى تبقى شهادة وجوازة .. من باب اختصار الوقت والجهد .. وبعدين أي بنت بتدخل الجامعة النهاردة بتطلع مخطوبة أو مشبوكة أو متجوزة ويمكن تطلع ومعاها عيال .. مش بعيييد .. يامسهل .. وطبعا الصبيان اللى معانا مينفعوش للمشروع ده لأنهم بالطبع شوية عيال لسة قدامهم مشوار طويييييييييل .. تخرّج وجيش وشغل .. دا طبعا إذا لقى فرصة عمل .. واذا لقى .. موت ياحمار على ما يكون شقة ويفرشها .. حلنى بأه .. يعنى الإرتباط بيهم حوار فاشل من الآخر .. لكن مفيش مانع أخوه الكبير ، خاله ، ويمكن أبوه يبقى عريس لقطة .. على الأقل كون نفسه وجاهز من مجاميعه .. ويقدس الحياه الزوجية .. ويمكن الحظ يضرب وطلع بدكتور من الكلية .. محدش عارف .. ابعت يارب • الزى المدرسى – البالطو : :wub: وكلة كوم واللبس كوم سمعت إن احنا بنلبس البالطو فى المعامل آل إيه – دكاترة بقا – زمان فى المدرسة كنا مبنعرفش طريق المعمل والزى مبنغيروش غير فى الحفلات وف حصة الألعاب . ياترى شكلى فى البالطو هيبقى إيه ؟ أكيد دكتور ملو هدومه . أول حاجه هعملها أول ملبس البالطو هاخد صورة بيه عشان أوريها لبابا وماما وأقولهم : افرحو ابنكم بقا دكتور.ههههههه • الطابور وتحية العلم :wacko::wacko: كنا زمان نصحى بدرى بالعافية عشان نلحق الطابور وكان ياويله اللى يتأخر عن الطابور وتحية العلم كان الأستاذ جمال يديلة طابور ذنب رافع إيديه ووشه للحيطة ويمكن يخليه يعمل شقلباظ – زرع بصل – لمدة حصة كاملة .. مش بقولكم كانت أيام الله لا يرجعها. الحمد لله إن الجامعة مفيهاش لا طابور صباح ولا علم كمان .. • الفصول والمدرجات والحوش والفسحة : :av4056bb7jp3::av4056bb7jp3: كانت تالته ثانوى فى مدرستنا 5 فصول كل فصل فيه سبعين طالب كل تخته كان فيها 3 طلاب سمان عشان أجيب كشكولى من الشنطة اللى بين رجليه لازم زميلى اللى على طرف التختة يقع على الأرض عشان كده كنت بقعد دايما جوه . وكان فيه تنافس بين فصول سنة تالته وكانت تالتة أول تغلب فصلنا رغم إن الفصلين كانو فصول متفوقين عشان كده كانت أول ماالفسحة تيجى كنا بننزل فيهم ضرب فى الحوش وفين يوجعك وفى الآخر نجمع عند المدير عشان ناخد الطريحة اللى فيها الشفا – تشخيصها ورم فى القفا وتمزق فى أربطة الجذمة وتهتك فى ألياف الشراب وضمور فى مصروف الأسبوع الجاى . ياخسارة كانت حاجات لذيذة وذكريات حلوة ياترى هشوف أحلى منها . أولا مفبيش فصول .. فيه مدرجات تقعد فيها الدفعه كلها .. يعنى مفيش تنافس بين الفصول .. وبالتالى مفيش خناقات .. إيه الخنقة دى .. ومفيش حوش .. فيه بداله جنينة المجمع الطبى .. كويس عشان نشم الورد .. ومفيش فسحة .. لو حبيت آخدها لازم أطنش محاضرة أو سكشن .. مش حلوة الحكاية دى . يتبعـــ |
• الرحلات والأنشطة وحصة التربية الفنية والألعاب :028ja7::028ja7: كانت أحلى حاجة فى المدرسة حصة الأنشطة .. كنت بموت فى الرسم وبعمل كاريكاتير على الشخصيات البارزة مثل السيد مدير المدرسة والمدرس اللى بحبة من حشايا قلبى .. وتكون أمه داعيه عليه .. أعمل له الكاريكاتير اللى فيه الشفا .. وكل الفصل ينزل ضحك .. ربنا يسامحنا بأة .. كنا طايشين .. ياترى هتبقى فيه حرية أوى كدا فى الجامعه للتعبير عن الرأى .. الله أعلم .. طب هناك المدرسين كانو طيبين وبيعتبرونا ولادهم ويقولو خليهم يعيشو سنهم – هم صحيح أحيانا كانو بيدونا الطريحة إياها بس بردو كنا بنحس إنهم خايفين علينا وكنا عارفين إن احنا أشقيا أوىىى بس هما كانو بيسيبونا نعيش سننا.. ياترى الدكاترة هيعاملونا كده واللا هيبقو متكبرين عشان هما دكاترة كبار ولهم وضع اجتماعى مميز .. ربنا يستر ويجعل كلامنا خفيف عليهم .. سمعت من صحابى الأكبر منى إن فيه طالب فى إحدى الكليات حب بنت دكتور من الدكاترة ولما الدكتور عرف فضل يسقطه فى مادته كذا سنة ورا بعض لحد مالواد جت له حاله نفسية وحول كلية نظرية .. لازم أستفيد من الدروس العظيمة دى ومهوبش ناحية بنت أى دكتور .. والأحسن آخدها من قصيرها ومهوبش ناحية أى بنت خالص لحسن تطلع قريبة الدكتور من بعيد ويمكن تطلع جارته .. الطيب أحسن .. بلاش نمشى جنب الحيط.. الأحسن نمشى جوا الحيط .. عاوزين ناخد البكالوريوس ياعم ونفرح أهلينا بيه. • الدين والتربية الوطنية طبعا مفيش دين فى الجامعه .. ولا تربية وطنيه .. ياخسارة .. كانت مواد مضمونه .. كنا بننجح فى الدين بخطب الجمعة بس من غير مذاكرة .. وكنا بننجح فى التربية الوطنية بالفكاكا أو بنشرة الأخبار وأهو كان الحال عال العال ومية مية. ياترى فيه مواد روشة كدا فى الجامعه ولا كله جد ف جد ربنا يستر. • الدراسة باللغة الإنجليزية :(:( فيه حاجة مموتانى من الرعب وقلقانى جدااااا .. كان عندنا الإنجليزى مجرد مادة وكنا شاطرين فيها كمان . بس المشكلة دلوقتى إن الدراسة نفسها بالإنجليزى .. يادى الحوسة ياولاد .. يعنى الدكتور هيفضل يرطن بالإنجليزى طول الوقت .. ويمكن يكح بالإنجليزى كمان .. طيب هنفهم إزاى .. ولو فهمنا نجاوب إزاى .. ياوقعة سودة .. إيه الحل ؟.. اللى محيرنى .. ويمكن يصبرنى .. اللى دخلو قبلنا نجحو إزاى فى الظروف المعنكلة دى ؟.. أكيد لها حل .. أبقا أسأل بتوع أولى عملو إيه ؟؟ .. تبقى نكته لو قالولى نجحنا بالغش .. هههههه آخد كورس انجليزى احتياطى .. بس الإنجليزى فى الكلية مصطلحات علمية .. دى وقعه مايعلم بيها إلا ربنا .. ربنا يستر. • الندالة وخزى العين فى المذاكرة :049gc0::049gc0: طيب هوا الواحد هيستندل مع اصحابه فى المذاكرة زى ماكنا بنعمل فى ثانوى .. يعنى لما زمايلى يسألونى ذاكرت واللا لأ أخزى العين وأقولهم دنا ضايع خالص ومعرفش أى حاجة ف أى حاجة . دنا كنت عيان امبارح وماما كان عندها الحصبة أول امبارح وكنت سهران جنبها .. وأول أول جدى خوفو مات .. والشهر اللى قبله جدى خفرع مات .. والحقيقة إنى كنت طاحن نفسى من المذاكرة .. وآخر السنة أجيب الدرجة اللى هيا .. الغريب إن كله كان بيعمل كده .. وكله كان عارف إن كله بيعمل كده .. فعلا شغل عيال .. يمكن نبقى جدعان شوية فى الجامعة ونبطل حركات ثانوى النص كم دى . • الكتب الخارجية والمذكرات والكورسات : :huh::huh: وياترى هنذاكر بردو من كتب الوزارة واللا من الكتب الخارجية .. هههههههه وزارة إيه وخارجية إيه ياعبيط .. إنتا لسه عايش فى دور الطفولة .. مذكرات جامعية من تأليف دكتور المادة وسعرها فى متناول الجميع يعنى على متتخرج كدا هنكون شحتنا بأمر الله .. ده طبعا إن كنا ناويين نذاكر من الأساس . والداهية التقيلة إن بيقولو أن الكورسات فى الكلية على ودنه .. والكورس بشىء وشويات .. ياللهول .. الله يكون فى عون بابا .. هحاول أكون محترم وأخلى الكورسات فى أضيق الحدود ويمكن أحضر المحاضرات كلها وأوفر الكورسات .. دا طبعا إن مكنتش هاخد فلوسها من بابا وأصرفها فى حاجات مفيدة تانية زى اللبس والفسح . وربنا يخليلنا بابا ومينتحرش على سنة رابعة . يتبعـــ |
• مكتبة الكلية :039uw8: طبعا دى بأه مبيدخلهاش غير العلماء والنوابغ والمعقدين .. وبما انى مش معقد.. علىّ الطلاق بالتلاته مانى داخلها .. أنا مالى ياعم ... هيا ناقصة . • هعمل إيه لو سقطت ؟ :040vk0: أولا فى الجامعه بيسموها دبلرت مش سقطت .. فلو دبلرت بقا بعد الإجتهاد دا كله والتضحيات دى كلها .. يبقى الواحد يرمى نفسه فى أى بلاعه وهوا ماشى .. وبعدين دبلرت إيه .. إنشاء الله مش هيحصل .. أسيب دفعتى ازاى .. دا كان أبويا يربطنى فى رجل السرير .. لا ياعم مش ممكن .. إنشاء الله هطلع الأول ع الدفعه ويمكن يعملولى تمثال ينصبوه على باب المجمع عشان أكون قدوة صالحة لأى طالب يعمل زيي .. ربنا يستر وبطلو بأة كلام عن السقوط عشان مصاريني بدأت تكركب . أسترها ياللى بتستر . • الأسر :friendsxs3: هحاول أشترك فى كل الأسر اللى فى الكلية عشان أنا بحب الحنان وأكيد الأسر دى فيها أب وأم واخوات .. يعنى الحمد لله هلاقى حد يشيل عن بابا المصاريف شوية . • لو حبيت أعمل إيه ؟ :wub::wub: نعم .. نعم .. نعم .. قول تانى كده ؟ ( حبيييت ) ؟ حبك برص .. وعشره خرص واتنين عمى وواحد أطرش فى نفس واحد .. قول إنشالله .. حب إيه اللى انتا جاى تقول عليه ؟ إنتا عارف أبلا معنا الحب إيه ؟ معناه سرحان وعدم مذاكرة وسقوط وتوهان وبلاوى سودا تانيه وبعدين ياروح ماما إنت جاى تتعلم واللا جاى تحب؟ أما تبقى تلاقى تأكل نفسك إبقا روح حب هتاخد واحده تشحت عليها واللا تتسولو دويتو ياحبيبى خد بكالوريوسك وخلص جيشك وسافر برّه كون نفسك وبعدين دور على الجواز والحب والذى منه ومتلعبش ببنات الناس عندك حق فعلا بدرى أوى على الحوارات دى .. أخلص دراستى الأول .. • هشتغل إيه لما أخلص ؟ :confused::confused: ههههههه .. أكيد هتشتغل صيدلى محترم زى ملايين الخريجين اللى اتخرجو قبلك وبعدين دى مش بتاعتك .. دى بتاعة ربنا انت عليك دلوقتى تذاكر وبس والرزق سيبه على ربنا واتطمن ومتخافش رزقك مضمون بإذن الله ولكل مجتهد نصيب ملحوظة هامة: سرد هذا الواقع لا يعتبر إقرارا بأنه مطابق لشريعة الإسلام وعلى ما ينبغي أن يكون عليه الطالب المسلم والطالبة المسلمة من النماذج التي طالما حلمنا أن نراها في الحرم الجامعي خصوصا فيما يتعلق بمسألة الحجاب والاختلاط وغض البصر. :d:d اقبلوا تحياتي دكتور / محمد فهمي جامعة طنطا – كلية الصيدلة - قسم العقاقير http://drmohfahmy.jeeran.com mo7ammadfahmy************* إنتهى :022yb4::022yb4: |
واااااااااو يا نغم
توبيك رائع جدا تسلم ايدك |
اقتباس:
والشكر لدكتور اللى كاتب التوبيك كاتبه بطريقه لذيذه ;) منورة الموضوع |
مرسى يا نغم جميل جدااا
|
اقتباس:
شكرا لمرورك وردك |
بصراحه توبيك هايل يا نغم
وطبعا اكيد انتي اول من هيطبق الكلام ده يعني تخسي 250 كيلو ف الساعه واوعي تقولي استاذ وابله اسمه دكتور تقوليها عشر مرات قبل الاكل وبعده علشان تحفظيها |
اقتباس:
واحده واحده كده _الله يخليكى _اكيد ف حاجات هطبقها _اخس 250 كيلو :o:o أنا كده هبقى بالميناس يابنتى :slap1qk6: انا عايزة اتخن اصلا بس مفيش حاجه بتجيب معايا نتيجه لحد مافقدت الامل:( لو عندك حاجه بتجيب نتيجه قوليلى ولو انى عارفه انتى مشغوله ف برامج الريجيم عايزة تخسى ال500 كيلو قبل رمضان وال250 تخليهم لبعد رمضان :p:p ـ موضوع بقى استاذ ودكتور والله يابنتى انا خايفه اجى اكلم الدكتور اقوله يا مستر أكيد هيقلى ماتحضريش محاضرات لاخر السنه واكيد هشيل الماده لحد سنه رابعه:( اصل انا مسطوله اصلا تلاقينى بقول للمستر يا ميس وللميس يا مستر :bosyht9: |
لاااااااااااااااا بجد جاااااااااااااااامد جدااااااااااااا يانغومه واسمعي كلام الاااء ماشي يامام وياريت تخليهم 350 ف الساعه
|
جميلة اوى يا دكتورة تسلم ايديكي
|
اقتباس:
والله يا جماعه انتو فاهمنى غلط:( اقتباس:
ومنورة الموضوع شكرا لردك:) |
ايه الحوارات دى هيبقى فيه ناس كده اتمنى انى مكونش ممن يغلطون ويقلبون الدكتور ميس او ابله ربنا يستر
العقاب هنا نشيل مادة ان شاء الله نبقى فى حالنا مذاكرة ومواظبه على حضور المحاضرات ونتعرف على صحبتين ان شاء الله ونكون صحبة صالحه ربنا معانا جميعا فى العالم اللى احنا داخلين عليه ده |
اقتباس:
ومفيش حاجه م دى هتحصل شكرا ع المرور و الرد:d |
لأ فعلا موضوع لذييييييييييييييييييييييذ يا Doc.;);)
|
اقتباس:
|
موضووووووووووووووووووووع راااااااااااااائع......................... كالعاده يا دكتوره نغمشكراااااااااااااا
|
اقتباس:
منورة الموضوع;) |
د/نغم دي خواطر سنة أولى صيدلة ومش كل الكليات زي بعضها ;)
الوضع مختلف طبعا ف أسنان :pعايشين حياتنا تسلمي يا جميل ع التوبيك |
اقتباس:
وشكرا ع المرور والرد |
المضوع رائع فعلا وربنا يستر
|
اقتباس:
وخير ان شاء الله متقلقيش:022yb4: |
موضوع رائع يا دكتور وربنا يستر
|
اقتباس:
|
موضوع رائع يا د/ نغم
جزاكي الله خيرا |
اقتباس:
جزانا واياكم:) |
شكرا ليكي دايما متميزة
وفعلا الحمد لله ان الثانوية خلصت بس لو حبيت اكل لب ف المحاضرة اخبي القشر فين؟ |
اقتباس:
ده بس م ذوقك _قشر لب ايه بس يابنتى ف صيدله بياكلوا اللب بقشرو:022yb4: |
هههههههههه
احسن برضه ريحو دماغهم |
ربنا يستر من اول سنة انا خايفة منها موت
جزاكي الله خير على الموضوع الجامد جدا |
اقتباس:
جزانا واياكم |
موضوعك جميل يا نغم ربنا يجزاكى خير عليه قولوا امين
|
اقتباس:
جزانا واياكم |
جميع الأوقات بتوقيت GMT +2. الساعة الآن 10:03 AM. |
Powered by vBulletin® Version 3.8.11
Copyright ©2000 - 2024, Jelsoft Enterprises Ltd.