|
مبادرة اعرف حقك-الترقية من معلم لمعلم أول - من الآخر-د.عبدالرحمن المنياوي
مبادرة اعرف حقك
الترقية من معلم لمعلم أول - من الآخر #د_عبدالرحمن_المنياوي -------------------------------------------- كثر الكلام واللغط في الحكاية دي والناس معاها حق وكتير جدا بيستشهد بحالات مشابهة وبصراحة الأكاديمية والوزارة في القصة دي بالذات تحدت المنطق والواقع وكسرت كل المعايير .. وعشان أنا كنت من أوائل الناس اللي عاشت القصة دي من كام سنة بسبب أحقيتي بدري للترقية بحكم إني حاصل على الماجستير ثم الدكتوراة .. وتواصلت مع الوزارة والأكاديمية لدرجة إن الوزير السابق بعت مستشاره مخصوص للمنيا عشان مشكلتي ومجلس الوزراء خاطب المديرية عندنا والوزارة عشان الحل .. وفي النهاية تأخرت ترقيتي بسبب تعليمات غير منطقية سببها عدم التنسيق بين الأكاديمية والوزارة والمحافظات .. وعشان أحل اللغط وأشرح أسباب المشكلة دي لازم أوضح بعض الأمور الهامة: قانون الكادر 155 لسنة 2007 والمعدل بالقانون 93 لسنة 2012 مسح خالص موضوع الدرجات المالية (الثالثة والثانية وخلافه) واستبدلها بالدرجات الوظيفية (معلم مساعد ومعلم ومعلم أول وهكذا) .. وبكده يبقى مفيش حاجة اسمها درجات مالية للمعلمين وده كلام نهائي .. والوزير في البيان الرسمي الأخير أكد ده .. طيب أمال ايه حكاية الدرجات المالية والناس اللي بتترقى على تاريخ الدرجة والأحكام القضائية والكلام اللي بيتقال لنا في المديريات التعليمية؟ الموضوع بسيط جدا .. قبل تطبيق الكادر كان المعلمين بينطبق عليهم موضوع الدرجات المالية ودول اللي تم تعيينهم أصلا على القانون 47 ودول اسمهم (المعلمين القدامى) وكل من كان على درجة مالية كان لازم يترقى على حساب نظام الكادر الجديد .. وده سبب رسوب وظيفي لناس كتير والوزارة مع الأكاديمية بدأت تحاول تحل مشكلة الرسوب الوظيفي ولو بشكل لم يرض الكثيرين بس المهم كانت خطتها إنها تنهي مشكلة الترقية على الدرجات المالية للمعلمين المترقون حتى 2009 وده اللي خلى الأكاديمية تتعامل مع الترقية وفقاً للحصول على درجة المالية حتى مرحلة الترقيالت بالعام السابق والتي اشترطت حصول المعلم على الدرجة المالية في 2009 ماعدا الثالثة يكون حصل عليها في 2007 .. تبقى لهم مشكلة إن فيه ناس من المعلمين القدامى حصلت على آخر ترقية لها وفقاً للكادر في 2010 ودول عددهم لا يتجاوز أصابع اليدين في كل إدارة تعليمية فقررت الأكاديمية هذا الشهر ترقيتهم بمعنى أنها مرحلة ترقية استثنائية .. تفصل بين المعلمين الذين تم تعيينهم على القانون 47 (القدامى) وبين المعلمين الذين تم تعيينهم على القانون 155 (الجدد) .. طيب مين هم (المعلمين الجدد) ؟ دول المعلمين اللي اتعينوا على قانون الكادر 155 يعني اللي بدأوا حياتهم في وظيفة معلم مساعد .. طيب ودول بيتعاملوا معاملة الدرجات المالية ؟ المفروض لا طبعا داحنا كادر خاص زي الجامعة كده معيد ومدرس مساعد ومدرس وأستاذ مساعد وأستاذ متقدرش تسأل المدرس المساعد درجته المالية ايه .. أمال ليه جاتنا درجات مالية واصبح تاريخ التعيين بتاريخ الدرجة والكلام ده ؟؟ أقول لك السبب ببساطة .. التنظيم والإدارة وده الجهة اللي بتصدر الدرجات المالية ماكانش عندها من 2007 توضيح وظيفي محدد لوظائف المعلمين .. وموضوع المعلمين القدامى ودرجاتهم عمل عندها لغط كبير .. لأن التنظيم والإدارة مصدرة للوزارة درجات مالية مش وظيفية والوزارة لما بتعين حد جديد بتبعت للتنظيم والإدارة تطلب درجات مالية مش وظيفية وده الخطأ اللي سبب اللغط الكبير .. لأن الجامعة لما بتطلي تعيين حد بتطلب من التنظيم والإدارة درجات وظيفية مثلا نطلب 100 درجات مدرس مساعد و200 درجة معيد .. طيب مين اللي بيرشح وبيطلب جوه كل إدارة ؟ ج: الموظفين الإداريين اللي لغاية انهارده مش فاهمين الفرق بين الدرجة الوظيفية والدرجة المالية وتلاقي كل موظف له فهمه الخاص للقانون ومحدش اجتمع على تفسير واضح لقانون 155 ناس تقول هتترقوا بعد 8 سنوات من الثالثة وناس تقولك 6 وناس 5 عشان قانون 155 وناس تقول لأ 5 من الكادر وناس لأ 8 من الكادر .. والحالة بقت قرف .. وده اللي خلى محافظات كتير تعلن ضم فترة المعلم المساعد لتاريخ الدرجة المالية ومحافظات رفضت الضم ده وناس كتير رفعت قضايا ضم مدة وكسبتها والأحكام بقى ألزمت كتير من المديريات بالضم .. وكل الناس دي كان هدفها الترقية مش الأقدمية .. وللأسف الأكاديمية ركنت كل ده على جنب لأنها لم تكن صريحة منذ البداية .. طيب إيه رأي الأكاديمية في المعلمين الجدد وترقيتهم ؟ ج: المعلمين الجدد واللي بنسميهم بمعلمي القرارات 53 و 74 و 244 و 280 وهكذا دول معلمين تعينوا على قانون الكادر ومافيش لهم ترقيات على أساس الدرجة المالية .. ترقيتهم بتتحسب من بعد مرور 5 سنوات على دخول الكادر لوظيفة معلم يعني بعد 5 سنوات من 2011 وبكده فإن الأكاديمية ستشرع بترقية هؤلاء المعلمين في مراحل الترقيات بالعام المقبل 2016 .. وليس كما كانت تفعل مع المعلمين القدامي بإدخالهم مرحلة الترقيات على أساس الدرجة المالية .. يعني من السنة دي محدش هيكتبلك في صحيفتك درجة مالية ولا هيتعامل معاك بالدرجة المالية تاني .. بس الموضوع هياخد وقت لغاية ما الإداريين ومسئولوا الإحصاء بالمديريات يفهموا .. طيب ليه فيه ناس من المعلمين الجدد هيدخلوا ترقيات دلوقت ؟؟ ج: اللي هيدخل من المعلمين الجدد ترقيات حالياً هم المعلمين الحاصلين على ماجستير ودكتوراة أثناء الخدمة لأن القانون بيسمح لهم بالترقية بدري عن زمايلهم سنة للماجستير وسنتين للدكتوراة .. ودول عندهم مشكلة برضه حيث أن حملة الدكتوراة منهم هيستفيدوا بسنة واحدة بس للتخفيض ده أما السنة التانية فدي هيحاربوا بقى عشان يحصلوا عليها الترقية الجاية من معلم أول لمعلم أول أ .. طيب ليه فيه ناس اتحركت لرفع قضايا وناس كان ليهم مواقف محترمة للضم وتعميمه بدون قضايا مثل النقابة المستقلة بالجيزة وعلى رأسها المحترم أ.شعبان إبراهيم ؟؟ الناس دي تعبت وحاربت لأن الأكاديمية كانت بترقي بالدرجة المالية وماكانتش واضحة في تصرفاتها ومفهمه الناس ليه بترقي بالدرجة المالية .. والناس بعد ماجابت أحكام وحصلت على قرارات ضم .. الأكاديمية طلعت تقول معلش أصل انا كنت بارقي القدامى وانتوا مش مخاطبين بالترقية دي .. احنا خلاص هنبتدي نمشي صح ونرقي بالكادر والدرجات الوظيفية .. طيب وأحكام الضم عملت لنا ايه وسنين الجيش والخدمة العامة وكل ده ؟؟ كل ده رسمياً انضم لفترة المعلم المساعد وتحتسب لك أقدمية في المعاش والتأمينات وفلوس الدرجة المالية .. لكن انت كمعلم جديد محكومة ترقيتك بمرور 5 سنوات من معلم .. وبكده فإن احتساب فترة المعلم المساعد من عدمها وضمها هي وسنين الحصة أصبح غير ذي جدوى في الترقية إلا في بعض الحالات النادرة اللي القاضي استغل عك الأكاديمية والوزارة وقال في حكمه على أن يتضمن الضم الترقية .. طيب واحنا نعمل ايه دلوقت ؟؟ ولا حاجة الأكاديمية والوزارة كانت سبب في رسوب وظيفي لآلاف المعلمين قبلك بالـ5 والـ10 سنوات والموضوع عدّى .. وانت لم يحدث لك رسوب بل تم تطبيق القانون بشكل صحيح معك .. قانون الكادر اللي انت اتعينت عليه .. بالمناسبة أنا مش بادافع عن الأكاديمية والوزارة أنا باقولكم بس خدوا بالكوا إن ترقيتكم المفروض تبقى السنة الجاية .. لاحسن الأكاديمية تطلع في دماغها إنها تأخركوا سنة او اثنين وساعتها هتعرف يعني ايه ظلم الرسوب الوظيفي .. أتمنى إن الموضوع يكون أفادكم وغطى حالة اللغط اللي عندكوا .. #د_عبدالرحمن_المنياوي |
د/ عبد الرحمن المنياوي
اشكرك علي هذا التوضيح الهام وانا اعلم هذا الموضوع من 2008 من تاريخ تععيني علي معلم مساعد \في شهر 4/2008 وحاولات مرارا وتكررا ان أوصل الكلام ده لاداري الاداره ومكنوش فهمين ويقلك انتم ملكمش درجه لحد مصدر قرار التعيين بعد ثوره 25 يناير وقامو معيينا علي الدرجه الثالثة انا تعيين 21/2/2011 بقرار 53 علي وظيفة معلم والقرار ده أتأخر سنه لآنه المفروض كان صدر من شهر 2/ 2010 أيام زكي بدر يعني المفروض كانت ترقياتنا تبقي السنة دي مش السنه الجايه ولكن انا رافع الان قضية ضم المده من 3 سنين ومستني الحكم ولله الامر من قبل ومن بعد . |
د/ عبد الرحمن المنياوي
ممكن سؤال محيرني ؟ هو انا مش من حقنا اقدمية سنتين بعد التعيين علي وظيفة معلم حسب القانون 155/ 2007 وليه احنا لازم نحارب مع المحاكم والقضايا عشان ناخد حقنا اللي هو أصلا بيقرو القانون ومش المفروض ان الاقدمين دي تخلينا نترقي من 2009 ولا الاقدمية دي تعني شيء تاني انا عاوز افهم بعد اذن حضرتك |
هو دة الهدف الاساسي من انشاء الا كاديمية المهينة المميتة للمعلمين التي انشاها وزير التنمية الادارية الفاشل
احمد درويش |
كلامك مضبوط بالحرف الترقيه العام القادم الا من حصل على حكم محكمة يتضمن فقرة الضم والترقيه وده بيلزم الاكاديمية على الترقيه شكرا للتوضيح
|
اقتباس:
|
اقتباس:
لكن انا حاصل علي دبلوم خاص في التربية (تمهيدي ماجستير ) عام 2008 بعد تعييني علي وظيفه معلم مساعد اليس لي الحق في تسويه الدبلوم الخاص ؟؟ ولكن التسويات في الادارة اجابتني انه لازم تاخده بعد التعيين علي معلم معني كده ان المده بتاعه المعلمل المساعد ليس لها اي قيمة وكاني جئت من الشارع الي وظيفه معلم مباشرة سؤال تاني بعد اذنك :لو تم ضم لي مده المعلم المساعد اللي هيا من 2008 هلي استطيع التسويه بالدبلوم الخاص هذا؟؟ وشكرااا لك |
اقتباس:
|
سؤال هام
انا اشتغلت من 2007 الي 2008 بعقد عادي وبعدين سنتين عقد مميز لحد لم اتعينا 30/3/2011 وامتحنت الكادر 2012 يا ترى الترقية هاتكون على اساس التعيين ولا على اساس دخول الكادر ارجو الافادة واالرد بأقصى سرعة شكرااااااااااااااااااااا |
من 2008 الي2011 عقد مميز يعني عقد معلم مساعد 3سنوات ومن 2011 الي 2016 5 سنوات يكون مجموع سنوات العمل 8 سنوات دة شرط الزمني للترقي الي معلم اول لكن ممكن الاكاديمية تخترع حاجة جديدة او متعرفش ان احنا يجب ترقيتنا |
ارجو الرد استاذ/عبد الرحمن المنياوى
اقتباس:
بارك الله فيك على هذا التوضيح و كل الكلام اللى حضرتك قلته تمام ومظبوط وانا اتطلعت عليه قبل كده وفاهم القصة دى لكن عندنا فى اسيوط امتحنا كادر المعلمين فى عام 2009 وظهرت النتيجة وتم تغيير وظيفتنا على الكادر من معلم مساعد الى معلم فى 1/4/2010 والكلام ده قبل ما يطلع قرار التثبيت ولكن لم نصرف بدل معلم على الكادر الا فى 2011 لكن صرفناه باثر رجعى من 1/4/2010 معنى كده اننا على درجة معلم من ذلك التاريخ بغض النظر عن قرار الدرجة المالية لذلك عند فتح باب الترقى لهذا العام وجدنا اسماءنا على موقع الاكاديمية بكل مدرسة وبالتالى تم ملء البيانات وطباعة كشوف مستحقين الترقى وعند الذهاب للادارة قامت ادارة الاحصاء بالادارة بتغيير تاريخ الحصول على معلم ليتمشى مع تاريخ التثبيت لكل الدفعة صاحبة قرار 53 فهل لسه فاكرين دلوقتى يغيروا تاريخ الحصول على معلم بعد 5 سنوات من الحصول عليه ؟؟؟؟!!! ولذلك فقد قام بعض المعلمين بارسال فاكس للمديرية والوزارة للشكوى من هذا التغيير |
ح[size="7"]حاصل على الدرجة الثانية فى 1/7/2010 ثم معلم اول فى 11/2011 المفروض على كلام حضرتك يادكتور استحق الترقية لانى من المعلمين القدامى
لكن للاسف لم يدرج اسمى واخرين فى الترقية هذا العام ارجو التوضيح وماذا نفعل للحصول على حقنا [/size] |
لو سمحت انا الان على درجة معلم طبقا للقرار 423 الصارد فى " تاريخ القرار" 11/11/2013
وضميت سنة جيش و اصبح تاريخ السريان 22/9/2010 امتى من حقى الترقى من معلم الى معلم أول مرفق صورة من الصيحفة الالكترونية. وشكرا لحضرتك |
يا د.عبدالرحمن احنا دلوقت قرار53 امتحنا الكادر شهر نوفمبر 2009 والنتيجة طلعت شهر 2 سنة 2010.
السؤال هنا : ازاي يتم تعيينا شهر 2 سنة 2011؟ ولكم جزيل الشكر |
اولا شكرا لحضرتك على الرغبة فى التوضيح والافادة
ثانيا اذا امكن ان استشير حضرتك هل قضية ضم المدة مجدية وله لا خاصة انهم بيقولوا المعلم المساعد ده درجة فى الكادر؟؟ * وهل ينفع اضم فترة العمل الخاص مع العلم انى كنت موظفة فأختلاف طبيعة العمل يؤثر فى ضم المدة ؟؟ *وياريت حضرتك توضح لى ما هو حافز الاثابة وهو لازم يرفعه قضية برده؟ والكادر مش هو التدريب التطبيقات التربوية وهو بيتاخد زى ما بيقولو بعد سنين ؟؟؟ شكرا على كل حال ...والله الموفق |
طب ممكن حضرتك تشرحلنا ديه عندنا مدرسة فى المدرسة تعيين 2004 اخدت اجازة رعاية طفل واسرة من 2007 الى 2015 ولم تحصل على الدرجة او الكادر وعادت للعمل 2015 ديه تعمل ايه وسؤال اخر هل الاجازات الخاصة توقف الترقية
|
اقتباس:
حافز الإثابة المفروض المعلمين يزيدوه ليصل إلى 200 % ولكن المعلمين بيقبضوه بنسب أقل حسب كل درجة وظيفية .. ولازم تترفع له قضية عشان تكمل نسبته إلى 200 % .. يعني مثلاً انت بتقبضي حافز 125% بعد القضية يبقى 200% والكادر هو دخولك لتدريب التطبيقات التربوية الخاصة بالترقية .. حيث أن هناك تطبيقات تربوية للمعلم المساعد غير مؤهلة للترقية |
اقتباس:
|
اقتباس:
انسى بقى موضوع 8 سنوات والدرجة الثالثة والثانية .. الترقيات أصبحت كل 5 سنوات من الوظيفة الأدنى .. والوظائف معلم ومعلم أول ومعلم أول أ وهكذا |
اقتباس:
|
اقتباس:
|
اقتباس:
|
اقتباس:
|
اقتباس:
|
شكرا لحضرتك وللتوضيح جدا
|
لا حول لا قوة إلا بالله العلى العظيم
|
بورك فيك ع هذا المجهود وجزيت خيرا
|
أي استفسار للإخوة الزملاء تحت أمركم
|
عايزة اعرف موقف الاكاديمية من قرارات الضم عقد او حصه
وسبب رفضها للترقية لمن ضم المدة حتى لو بحكم قضائى من مجلس الدولة؟ هو فى تضارب ف القوانين لدى الاكاديمية والقضاء الادارى بخصوص هذا الامر!!! |
تعيينات 2000
انا معلم تعيين 1/10/2000 ولي في الخدمة حوالي 15 عام ولازلت علي الدرجة الثانية معلم أول كنت اود معرفة رايك في الظلم الواقع علي تعيينات سنة 2000 مع العلم اني أخذت الدرجة الثانية في 2012 وشكراً لسيادتكم
|
لو اخدت اجازه رعايه طفل لمده 3 شهور ممكن تاثر على الترقيه وهل بناثر على اى حاجه تانيه مع العلم انى حاخدها لمده سنه واقطعها ان شاء الله بعد 3 شهور
حتى الآن الترقيات تتأثر بالإجازة اللي مدتها أكبر من 4 سنوات .. لانعلم اي تعديلات في القانون ستطرأ قريباً |
د / عبدالرحمن ارجو الرد للاهميه
انا مغير مسمي وظيفي منذ 3 سنوات من مدرس ابتدائي الي اعدادي ومنتدب لمدرسه ابتدائي لحين سد العجز حصل معاي الاتي. موجه الابتدائي مضي علي طلب مقدم مني لالغاء ندبي من الابتدائي والرجوع الي مدرستي الاعداديه وذلك لعدم وجود عجز في مادتي بالابتدائي وبناء عليه تم عمل نشره لي من موجه الاعدادي بالغاء ندبي ورجوعي مدرستي الاعدادي وذلك لسد العجز في الاعدادي , ولكن رئيس قطاع التعليم الابتدائي رفض تنفيذ نشرة الغاء الندب بحجة انه يوجد عجز في ابتدائي في مواد اخري ( يعني اشتغل اي حاجه غير تخصصي) فما العمل؟ اطلع بالتأشيرة على مدير الإدارة وارفض العمل بأي مادة غير تخصصك .. ولو الموضوع ماتحلش اطلع على وكيل الوزارة |
اطلع بالتأشيرة على مدير الإدارة وارفض العمل بأي مادة غير تخصصك .. ولو الموضوع ماتحلش اطلع على وكيل الوزارة
|
جزاك الله كل خير د / عبدالرحمن وجعله الله في ميزان حسناتك
|
السلام عليكم
شكرا لموضوعك القيم انا معلم اول تعين 1995 علي الدرجة الثانية اخذتها يناير 2005 سافرت 2011 ثم رجعت يونيو 2015 كيف اتحرك للحصول علي الدرجة الاولي و معلم اول أ علما بان زملائي علي الدرجة الاولي حاليا |
حضرتك كنت المفروض تتقدم للاحصاء في الإدارة ولأكاديمية في محافظتك خلال الفترة اللي فاتت انت كنت فين اتأخرت ليه الفترة اللي فاتت ده الباب اتقفل بتا الترقية في 31 أغسطس يعني من 10 ايام ..
روح للأكاديمية دلوقت واعرض عليها الامر |
خالص الشكر لشخصكم الكريم
|
برجاء صورة من
ملف 942/كادر لسنة 2009 الصادر من ( الادارة العامة للشئون القانونية - ادارة الفتوى) الخاص بترتيب الأقدميات |
السلام عليكم ورحمة الله
انا تعين 2013 على درجة معلم وتم تسكيننا على المرحلة الابتدائيه والتي لم اعمل بها مطلقا فلقد عمات سنتين معلم مساعد في المرحله الاعداديه ثم تم التثبيت على درجة معلم أيضا على المرحلة الاعداديه ثم قام الموجه بعمل نشرة نقل على مستوى الإدارة وكان اسمى ضمن النشرة نقل الى المرحلة الإعدادية ولكن في صحيفة الأحوال تم تسكينى على مدرسه ابتدائيه وهى مدرسه للتعليم الاساسى عملت بها شهرين فقط في المرحلة الاعداديه أيضا وذهبت الى مسئول الإحصاء لتعديل بيانات صحيفة الأحوال فرفض على الرغم من رؤيته لنشرة النقل والتي كانت منذ سنتين فما العمل هل انا على المرحلة الاعداديه ام الابتدائيه وكيف أقوم بتغيير المسمى الوظيفى في صحيفة الأحوال ارجو الرد للاهميه |
اللى حاصل على ماجستير يعمل اية علشان ياخد الدرجه بدري سنة
|
هذا هو نص رسالتي إلى أ/ محمد الفخراني ـ ورده عليها لكني أرجو رأيكم القانوني فيها لكي أستطيع التواصل معكم حال وجود أي حل لهذه المشكلة بالرغم من الإداريين في الإدارة التعليمية أفادوني أنني لن أحصل على الدرجة الأولى مهما حدث ولا حول ولا قوة إلا بالله
23-04-2014, 08:47 PM الصورة الرمزية الاستاذ /محمد الفخراني الاستاذ /محمد الفخراني الاستاذ /محمد الفخراني غير متواجد حالياً مشرف سوبر متميز معلموا مصر تاريخ التسجيل: Oct 2008 المشاركات: 3,092 معدل تقييم المستوى: 10 الاستاذ /محمد الفخراني is on a distinguished road افتراضي اقتباس: المشاركة الأصلية كتبت بواسطة نور ربيع مشاهدة المشاركة أنا مدرس تقدمت بالحصول على اجازة لمرافقة الزوجه خلال الأعوام من عام 2001 حتى 31/08/2004م وخلال هذه الفترة حصلت على الدرجة الثانية التخصصية في 01/05/2002م . بعد ذلك تغيرت اجازتي من اجازة لمرافقة الزوجة إلى إجازة تعاقد بدون مرتب اعتباراً من 01/09/2004م كعام أول وحتى تاريخه وفي خلال العام الرابع لإجازة التعاقد بدون مرتب والتي تبدأ من 01/09/2007م وتنتهي في 31/08/2008م حصلت نفس دفعتي التي حصلت على الدرجة الثانية بتاريخ 01/05/2002م على الدرجة الأولى بتاريخ 01/07/2008م ولم أحصل عليها حتى تاريخه وعندما أستفسر في الإدارة التعليمية أو مديرية التربية والتعليم لا أجد جواباً شافياً ويقولون عندما ترجع من الاجازة وحالياً أنا في الدرجة الثانية منذ 12 سنة، حسب معلوماتي أنه إذا قام الموظف بإجازة بدون مرتب يحق له الحصول على أي درجات مادام لم ينهي الأربعة سنوات وذلك حسب قانون العاملين بالدولة لسنة 78 علماً بأنني لم أحصل على الكادر حتى تاريخه وعند حصول زملائي على الدرجة الأولى كنت ماأزال في السنة الرابعة للإجازة فهل هناك من سبيل للحصول على حقي في الدرجة الأولى بأقدمية عام 2008م أم لآ ؟ السؤال الثاني : متعلق بالكادر فأنا لم أحصل على الكادر حتى تاريخه فهل يمكنني الحصو ل عليه خلال اجازة الصيف أم يجب أن أكون على رأس العمل ؟ ولو فرض أنني يجب أن أكون على رأس العمل فهل سيمككني التقدم لأكاديمية المعلمين بمجرد عودتي أم هناك مواعيد سنوية محددة ؟ وما موقف مرتبي في هذه الحالة هل سآخذ مرتبي بدون احتساب كادر المعلم أم سيتم احتساب الحد الأدنى للأجور مثل باقي موظفي الدولة لحين الحصول على الكادر ؟ وبعد الحصول على الكادر هل سآخذ فروق المرتب خلال تلك الفترة ؟ آسف للإطالة ولكني لا أجد اجابات لهذه الأسئلة عندما أستفسر عنها داخل الإدارة أو المديرية . d رفع قضية بالقصاء الاداري __________________ الأستاذ/ محمدالسيدالفخراني جنزور_بركةالسبع_المنوفية |
دكتور عبدالرحمن المنياوي
تحية طيبة وبعد ،،، الرجاء قراءة رسالتي وإعطائي رأيك فيها حيث أن رأيك مهم بالنسبة لي لأنجميع الآراء المتطلبة ولا يوجد دليل يرشدني إلى موقفي وماذا علي حقوقي التي ضاعت خلال سنوات الغربة وأعتقد أنه حق مشروع لكل المغتربين وخاصةً أننا ندفع كل ما تطلبه الدولة منا طوال فترة الإجازة فلماذا نحرم من حقنا ولو الحق الأدبي في الدرجة والترقية أسوةً بزملائنا من نفس الدفعة إلا إذا كانوا يعتبرون سفرنا للعمل في إجازة بدون مرتب جريمة يجب عقابنا عليها بعد عودتنا . شكراً يا دكتور عبدالرحمن على وقتك الثمين وجزاك الله خيراً وآمل من سيادتكم الرد على استفساري في أقرب فرصة . |
مجهود كبير تشكر عليه
|
موقفنا من الكادر
اقتباس:
|
من الاقدم وله حق الاشراف على المادة
معلم تعيين2000وحاصل على الدرجة الثانية فى2012 ام معلم تعيين2002وحاصل على الدرجة الثانية فى2010 هل الاقدمية بتاريخ التعيين فقط ام الاعلى درجة |
[quote=د.عبدالرحمن المنياوي;6261970]العبرة بقرار التعيين بتاع الوزير .. وده صدر لكم في مارس 2011 .. التأخير بقى من عند الوزير ساعتها ..[/الوزير وقتها كان احمد زكي بدر في 2010 وهو اللي عطل تعيناتنا
|
اقتباس:
|
مشكووووووووووووووووووووووورررررررررررررررررررررررر ررررررر على التوضيح
|
اوجزت فانجزت
بس انا وشعبان كان تحركنا بهدف تعديل تشريعي علي القانون 155 تغيان السيد |
جزاك. الله خيرا
|
| جميع الأوقات بتوقيت GMT +2. الساعة الآن 12:09 PM. |
Powered by vBulletin® Version 3.8.11
Copyright ©2000 - 2024, Jelsoft Enterprises Ltd.