|
كل ما تريد أن تعرفه عن صيدلة الأسكندرية
بسم الله الرحمن الرحيم يسعدني ويشرفني ان اقدم لزملائي و زميلاتي طلاب كلية الصيدلة الجدد بجامعة الاسكندرية دليل او مدخل الى كلية الصيدلة وباذن الله سوف نستعرض سويا جميع ما وصل الينا من معلومات عت الكلية ونرد بعون الله على استفساراتكم وسوف تكون المشاركات مقسمة على اجزاء منعا للملل والزهق(مش زي ناس) والان نبدأ مع الموقع الرسمي للكلية والذي اتمنى منكم الدخول عليه وتفحصه جيدا لانني لم ارد ان انقل منه مباشرة واترككم لتستمعوا... وايضا فيلم تسجيلي مختصر عن الكلية ومبانيها ......................................... |
المدن الجامعية شروط الالتحاق بالمدينة الجامعية:- 1-أن يكون الطالب مقيدا منتظما بالجامعة وألا يكون من سكان محافظة الأسكندرية. 2- أن تكون الأولوية في القبول لصغار السن حسب الأماكن المتاحة لطلاب الكلية. 3-عدم جواز قبول طالب مستجد حاصل على مجموع في الثانوية العا مة كان يؤهله للالتحاق بالكلية المناظرة في جامعة الأقليم الذي حصل منه على الثانوية العامة ولايجوز قبول طلاب محولين من جامعات أخرى بالمدن الجامعية........ المدينة الجامعية (طلبة ) سموحة 03/4202947-4202946 المدينة الجامعية (طالبات)الشاطبي: 03/5974187 خريطة لأماكن المحاضرات للفرقة الأعدادية:- مبنى الكيمياء طريق الحرية : الطابق الأرضي: مدرجات(1-6) مكتبة رعاية الشباب قاعةالندوات – الكافيتريا الطابق الأول :- المكتبة – مكتب مشرف المبنى – رئيس القسم - الدور الأول معمل الكيمياء العضوية الدور الثاني معمل الكيمياء التحليلية الدور الثالث معمل الكيمياء الغير عضوية ( معمل الكيمياء الطبيعية الدور الخامس والسادس :معمل الأبحاث التقديرات لا يعتبر الطالب ناجحا في أي مقرر في مقررات المادة الا اذا حصل على 60% من النهاية العظمى ويحسب التقدير كما يلي -ممتاز 85% فأكثر -جيد جدا 75%-85% جيد65%- -مقبول60%- 65% وبالنسبة لمادة اللغة الانجليزية النجاح من 50%- - ويعتبر الطالب راسبا في أحد المواد بأد التقديرات 1-ضعيف 30%-60% 2-ضعيف جدا أقل من 30% -التقدير العام للطلاب في درجة البكالوريوس وفقا للمجموع الكلي للدرجات التي حصل عليها الطالب في كل سنوات الدراسة توزيع مجموع الدرجات:- السنة الأعدادية : 1000 السنة الأولى : 1650 السنة الثانية : 1500 السنة الثالثة : 1800 السنة الرابعة:1750 المجموع التراكمي : 7700 |
علي قكرة انا لسه جاي من المجمع الطبي وشفت المبني الجديد بتاع صيدلة بجد تحفة وجميل جدا ومبني راق
أحسن من بتاعنا يلا اجتهدوا بقي يا جماعة وربنا معاكم |
اقتباس:
ممكن تشوفه في الفيديو في مشاركة 1 .......... ان شاء الله حكمل بس اللي عنده استفسارات يقول وانا باذن الله اجاوب ............ |
حلو اوى الفيديو ده بس الى صور فضل معلق عاليافطه ومدخلش غير للطرقه :D
ده غير ان الموسيقى حسستنى اننا داخلين نحارب:D بس عجبنى برضه كل شويه افرجهم علييه :D:p بس يا ريت بقى تدخل فى المواد:rolleyes: عشان نعرف ايه الى لينا :D وايه الى علينا:( |
اقتباس:
أنا عرف أهل الطب بالمواد بشرحها كله :D:p |
يا ريت تقولنا الاوراق المطلوبة للتقدي ضرورييييييييييييييييييي ف المدينة
|
اقتباس:
انا لا عرف الحقيقة ولكن هذا رقمها لمدينة الجامعية (طالبات)الشاطبي: 03/5974187 وان شاء الله عند التقديم تقدري تسألي وهما حيدوكي استمارة تمليها في امان الله .............. |
س1: هل دراسة الصيدلة صعبة ام سهلة؟؟؟ صيدلة صعبة طبعا زي اي كلية عملية سواء طب او هندسة لانك بتدرس حاجتين الامراض والادوية والاتنين بتعمق لكن الطب دراسته فى الامراض وجسم الانسان والتخصص بتعمق وبتاخد فكرة عامة عن الادوية بس الطب دراسته اطول فى صيدلة بئا بالنسبة للتشريح حضرتك فى اولى هتشرح الاول ضفادع وبعد كدة فيران وارانب وصراصيرواسكارس تانية عادية بس صعبة وفى تالتة هتبدأ تاخد ازاى تكتب روشتات وكدة وتتعمق اكتروفى السنة دى هتحس انك دكتور فعلا يتبع |
ربنا يوفقكوا ويعينكوا وبالذات ع الحاجات اللى هتشرحوها:) فى رعاية الله |
بالنسبة لنظام الدراسة في صيدلة فهي بتبقى كالاتي : هي خمس سنين اول سنة بتبقى في كلية العلوم وبتبقى اسمها اعدادي و هي دي السنة اللي حتشرح فيها الضفدع في الترم الاول على فكرة عادي خالص بتترعب من الحاجات دي وبتشرحها عادي بتعدي يعني بقية السنين بقى بتبقى في كلية الصيدلةبتاعتنا عادي وبتبقى اولى وتانية وتالتة ورابعةوبيقولوا ان سنة تانية هي اصعب سنة فيها ويليها تالتة بس اولى ورابعة حلوينوفي كل سنة حتدرس وتتعمق اكتر طبعا |
شكراً جزيلاً على هذه المعلومات و امتى هتبدأ الدراسة الجامعية بالضبط ؟؟؟؟ ، وشروط الالتحاق بالمدينة الجامعية في كل المحافظات واحدة ولا بتختلف .
|
المواد في اعدادي 1-حيوان zoology 2-نبات botany 3-فيزياء physics 4-كيمياء chemistry 5- لغه ماده نجاح فقط ينقسم الحيوان لفرعين كل فرع يدرسه دكتور a-تشريح histology b-علم الوظائف physiology ينقسم النبات لفرعين أ- تشريح anatomy ب- physilogy تنقسم الكيمياء الي 3 فروغ أ- عضويه organic ب- فيزيائيه physical ج-غير عضويه inorganic تنقسم الفيزياء ل 3 فروع 1-بصريات جسيميه physical optics 2-geometrical opticsبصريات هندسيه 3-heatحراره |
نظام الدراسة الدراسة عامة بتتقسم لسكاشن و محاضرات السكاشن هي العملي و دي بتبقى في المعمل و بيديك معيدين و المحاضرات دي النظري و دي بتبقى في المدرجات عادي و بيديك دكاترة و مفيش شفوي ده طبعا بالنسبة لاعدادي عندك خمس مواد 1-الانجليزي ده ملوش سكاشن طبعا و ملوش امتحان في نص السنة بتمتحن امتحان في اخر السنة من خمسين بس و الانجليزي على فكرة بيدخل في المجموع بس متقلقش منه 2- الكيمياء و دي بقه الاساس عليها 150 في التيرم الواحد 80 عملي و 70 نظري هي تلات فرع inorganic -organic - physical في التيرم الاول الان اورجانيك عليه اعلى درجة و التيرم التاني الفيزيكال عليه اعلى درجة طبعا الاورجانيك معروفة زي بتاعة ثانوي بالضبط بس طبعا بتوسع جامد و الفيزيكال دي اسهل من السهولة بس كلها مسائل و الان اورجانيك دي بتدرس فيها حاجات كتير التيرم الاول في العملي بتاخد acidic and basic radicals و العملي لذيذ جدا بس خلي بالك من sulphuric acid احسن يحرقك و ال اتش تو اس احسن ريحته فظيييييعة و العملي عبارة عن انك بتدرس تفاعلات الاملاح كل سيكشن بتاخد ملح او اتنين و الامتحان بيجيلك ملح و تعرف ده ايه و بيسلموك حاجة اسمها scheme بيقوللك الخطوات اللي هتشتغلها و ده بتدخل بيه الامتحان و عملي التيرم التاني زي التيرم الاول بس بقه على organic compounds و بتاخد معاه analitical يعني تحليلية و دي مبتمتحنش فيها عملي امتحانها بيبقى عبارة عن مسألتين و كده 3- النبات 125 للتيرم 75 نظري و 50 عملي التيرم الاول فرعين anatomy و ده بتدرس فيه تركيب الخلية النباتية و physiology و ده بتدرس فيه ال osmosis و ال enzymes و هو فرع بسيط و عملي التيرم الاول كان متقسم برضه جزئين فالاناتومي بتاخد تركيب الورقة و الساق و الحاجات دي بتشوفها بنفسك و انت اللي بتعمل الشريحة و تشوفها تحت الميكروسكوب و بترسمها و كده و الفسيولوجي عبارة عن تجارب يعني عشان تثبت الاسموزية بتحط بطاطس في مية و حاجات كده و التيرم التاني برضه فرعين taxonomy و ده بتدرس فيه النباتات الزهرية يعني من الاخر الازهار و تقسيمها و كده و الفرع ده لذيذ و systematic بتدرس فيه بقية النباتات و العملي انك بتشرح الازهار و بتعرف هي بتنتمي لايه و بتشوف حاجات كده بالميكرسكوب 4- الفيزياء عليها 125 في التيرم الواحد 75 نظري و 50 عملي تلات فروع ترم اول و تلات فروع ترم تاني الترم الاول heat يعني الحرارة و بتاخد فيه انواع الثرمومترات و ازاي تقيس حرارة اي حاجة geometrical optics الانكسار و الانعكاس بتاع الضوء و الحاجات دي properties of matter و دي اقرب الى الميكانيكا و بتاخد فيها تاثير القوة على الجسم الترم التاني electricity يعني كهربية شبة بتاعة ثانوي modern physics الفيزياء الحديثة زي بتاعة ثانوي physical optics اللي هي فيها الحيود للضوء و حاجات زي كده و العملي عبارة عن تجارب لاربع فروع فرعيت تيرم اول و فرعين ترم تاني heat - optics - properties - electricity هتعمل تجربة بويل و جولي بنفسك و حاجات كده يعني 5- الحيوان ده بقه من من 75 في التيرم الواحد يعني 45 نظري و 30 عملي بالنسبة للتيرم الاول في النظري هتدرس فرعين 1- cytology and histology 2- physiology بالنسبة لل cytology فده يعني علم الخلية بتدرس فيه الحاجات اللي في الخلية و الكلام ده كله خدناه قبل كده اما الhistology فهم علم الانسجة و ده اللي جديد شوية بتاخد انواع الانسجة و حاجات كده الاتنين دول بيعتبرو فرع واحد وال physiology فده الاحياء بتاعة ثانوي بالضبط بس فيها شوية توسع يعني بتاخد التغذية و الهضم و الكلام ده اما العملي التيرم الاول فده بيتقسم اول شهر تشريح الضفدعة و بتمتحن عليها و خلاص و بعدين بتاخد histology عملي يعني بتشوف الانسجة على ميكرسكوبات التيرم التاني في الحيوان بتاخد taxonomy يعني التصنيف هتاخد تصنيف الحيوانات و ده اخدته تقريبا في اولى ثانوي بس مش زي اولى ثانوي كده بتحفظ التصنيف و خلاص لا بينقيلك شوية كائنات تدرسها شوية كائنات بتسبب امراض زي الفاشيولا و البلهارسيا و حاجات زي كده و العملي انك بتشوف الحاجات دي |
شكراً جزيلاً على هذه المعلومات و امتى هتبدأ الدراسة الجامعية بالضبط ؟؟؟؟ ، وشروط الالتحاق بالمدينة الجامعية في كل المحافظات واحدة ولا بتختلف ، أنا صيدلة المنيا
|
اقتباس:
على ما اعتقد الدراسة ستبدأ يوم 13 او 20 سبتمبر اما بالنسبة للمدينة الجامعية فاعتقد كل جامعة وظروفها وهذا لينك من موقع الجامعة http://www.minia.edu.eg/doHtml.aspx?...ture/town.html وده كمان http://www.gam3tnaonline.com/modules...lya&topicid=21 |
جزاك الله كل خير وربنا يجعله ف ميزان حسناتك
انا حاسة اني هدرس ثانوى تاني فيه استفسار هو فيه حاجات حفظ كتير زي الثانوي كدة ف الكلية ولا العملي اللي هناخدة هيسهل الموضوع شوية؟؟ |
اقتباس:
|
اقتباس:
بس الفيزيا ورانا ورانا :( بس بجد اكتر حاجه قلقانى حكايه الضفدعه دى دانا ناويه ابهدل المعمل :eek::eek: وبعدين ايه كل الدرجات دى كتيييير اوى :confused: نصيبنا بقى هنعمل ايه:rolleyes::D جزاك الله خيرا ولو عرفت حاجه تانيه ابقى قولنا:D:D |
اقتباس:
و الله انا زي زيكم..... معرفش حاجة غير اللي بقولها |
يا جماعة انا مش عارف انتوا مستعجلين لية كلها شهر ونص وتزهقوا من الحاجات دى عيشوا دلوقتى بقى لانكوا بعد كدة هتندموا على الوقت اللى ضيعتوة دة وشكرا يا حس قال تاكسونمى وفسيولوجى مش بقول اروح اسنان احسن
|
اقتباس:
العفو على ايه ؟؟!! نكمل بقى....... امتحانات العملي دي احلى حاجة بتبقى بسيطة و سهلة و بتعرف نظامها و بتدرب عليه بالنسبة لعملي الكيمياء بيتقسم جزئين حاجة اسمها نظري العملي و العملي نفسه العملي انك بيجيلك ملح مجهول متعرفش ده ايه و تحاول تتعرف عليه عن طريق scheme او خطة حاجة زي جدول كده يعني مثلا يقولك خد حبة من الملح حط عليه مش عارفة ايه لو طلع لون احمر يبقى احتمال يطلع يا كذا يا كذا و ها كذا لحد ما توصل للملح و ده سهل خالص و هتدرب عليه كتييير و يعني في الامتحان بتنفذ المكتوب في الscheme لانك بتدخل بيه الامتحان ! و نظري العملي ده بيبقى عبارة عن امتحان صغنتوت يعني صح و غلط - اختار - ازاي تفرق بين الملح ده و الملح ده مثلا الملح ده اسمه ايه و ال molecular formula بتاعته ايه؟ طب كمل التفاعل ده حاجات زي كده او في التحليلية التيرم التاني هيبقى مسئلة حاجة زي كده و ده بتذاكره من ورق بتشتريه من الكلية .... لا تقلق و باقي المواد بيختلف باختلاف الدكتور بس عامة بتاخد سكشن مراجعة بيعرفوك فيه نظام الامتحان و بيلمولك فيه العملي كله التشريح بيبقى في السكاشن في سكشن الزؤؤلوجي في المعمل بالنسبة للضفدعة بتشرح الاجهزة بتاعتها يعني اول سكشن هتتفرج على العضلات تاني سكشن الجهاز الهضمي ولا مش فاكرة كان ايه(هنيئا لكم) هتاخد اربع اجهزة و برضه فيه سكشن مراجعة و هتشتري ضفادع تتدرب عليها في البيت ..لا تقلق(محدش يعرف بكام؟؟) و الامتحان بيبقى عبارة عن انه يقوللك شرح الجهاز الفلاني يعني تفتح و تبينه و ورقه مرسوم فيها الجهاز تكتب عليها شوية بيانات ده بالنسبة لينا معرفش انتو نظامكو هيبقى ايه يتبع |
بالنسبة ليكوا مين
هو حضرتك ف سنة كام والمعلومات دى يا ريت تقولنا بتجيبها منين |
نكمل الدفعة بتتقسم بشكلين مختلفين واحد للدراسة النظرية والتانى للجانب العملى النظرى بيكون في المحاضرات والعملي في السكاشن تقسيمة المحاضرات بتبقى غالباً لـ 3 مجاميع أ و ب و ج كل مجموعة لها جدولها ومواعيدها وده بيبقى في مدرج كبير بيعانى من تضخم سكانى! وهنا اللي بيشرح بيكون الدكتور نفسة والحضور مش الزامى لكن طبعاً مهم جداً جداً . . والسيكشن بيبقى في معمل واللى بيشرح معيدين والعدد حوالى 50 أو أكتر تقسيمة العملى كانت 14 سيكشن في اعدادى السكشن فيه نظرى عملى وعملى وكل جزء له امتحانه . |
حضرتك مجاوبتش ع اسئلتى
|
اقتباس:
وانا رديت على السؤال ده كنيررررررررررررر وجبت لحضرتك معلومات عن المدينة الجامعية كتيرررررررررررررر ورقم التلفون كمان في امان الله |
لو سمحت انا كنت عايزه اعرف احنا هنذاكر منين
يعنى من الكتب ولا المذكرات ولا من الاتنين وبعدين هو احنا هنكتب المحضارات وكده بقى ولا ايه |
مصدر مذاكرتي يبقى منين؟؟؟؟؟؟؟؟؟؟؟؟؟
شكلك مستعجلة قوي على الكلية بالنسبة لاعدادي في مواد يفضل مذاكرتها من الكتاب ذي النبات التيرم الاول لو في المحاضرة الدكتور بيستخدم الكتاب وبيخطط فيه فالافضل انك تذاكر منه ده غير ان في حاجة اسمها رفع كفاءة تبع الكلية الورق بتاعها بينزل في المكتبة ده حلو اوي وبيبقي في الاخر مراجعة ونصيحة المرجع الاول لحضرتك كلام الدكتور في المحاضرة حاول تكتب علي قد ما تقدر بجد المحاضرات أهم حاجة ولو كتبتها كويس ممكن تذاكر منها من غير اي ورق ولا كتب ولا مذكرات |
اقتباس:
حاجه جديده علينا بقى وبصراحه نفسى اتفتحت شويه |
وده كمان مصدر مذاكرة حضرتك هايبقى غالبا من الورق اللي بينزل في مكتبة الكلية ده في المواد اللى مش هتعرف تكتب فيها محاضرات كويس وطبعاً هتحتاج ورق المراجعة فى الحالة ديه برضة عشان الاسئلة والتلخيصات وكدة كمان في دكاترة بيهتموا بالكتاب وبيشرحوا منه دول مش كتير بس هنا لازم المذاكرة تكون من الكتاب لانهم هايجيبوا منه الامتحان مشكلة الورق انه بيتاخر شوية عشان كده مهم حضور المحاضرات . |
اللي عايز يعرف اي حاجة عن اسلوب الدراسة نظامها
المواد اي حاجة يتفضل.................. |
انا كنت عاوز اعرف هل فى اقسام للجامعة ولا كلنا هندرس نفس المواد الخمس سنين وكمان لو فيها رزالة ممكن حد من اللى كان فى اعدادى السنة اللى فاتت يقول الدراسة بتبقى كام يوم يعنى بناخد ايام اية اجازة
|
اقتباس:
وعايزه اعرف احنا هناخد كورسات فى حاجه ولا لا ومن سنه كام |
انا بصراحة صرفت نظر عن كل حاجة
ايه كل كل ده يعنى الواحد طالع من الثانوى عشان يتعك فى الكلية هو الصيدلة فى كل المحافظات بالشكل ده !!!!!!!!!! |
يا بنتي هو كده واسكندرية اسهل كمان
بس طبعا النجاح ف الكلية سهل جدااااااااااااااا والتفوق محتاج شوية مجهود بس كفاية بس ان مفيش ضغط عصبي |
اقتباس:
في صيدلة الاسكندرية لاتوجد اقسام تخصص ولكن هناك اقسام للمواد (الصيدلة الصناعية العقاقير الاقرابازين) يعني ايه؟؟؟؟؟كل الطلاب حيدرسوا نفس الحاجات 5 سنين بس.......... عندك صيدلة القاهرة اسيوط عين شمس المنصورة فيهم قسم تاني اسمه صيدلة اكلينيكية وده اتكلمت عليه كتير ....................... انت بتاخد يوم الجمعة اجازة ويمكن ما تخدوش ...................... |
اقتباس:
لم تفرغ جعبتي من المعلومات بعد.... كورسات؟؟؟؟؟؟؟؟؟؟؟؟؟!!!!!!!!!!!!!!!!!!!!!!!! مش بقولك مستعجلة عل الكلية:D:D:D |
اقتباس:
على فكرو اقدر اقول ان الهزار خلص وان احنا دخلنا مرحلة الجد في الحياة بصورة عامة يعني دراسة عملية..تخرج .... عمل .... زواج... اولاد....احفاد....اموال....موت .................................. الصيدلة اصعب في بعض الكليات عنها في البعض الاخر زي عين شمس .................................... |
اقتباس:
على فكرة نسبة النجاح في بكالوريوس صيدلة اسكندرية 81% ونسبة النجاح في باقي الفرق حوالي 75% |
اقتباس:
|
أولا مبروك لكل الطلاب اللي خلصوا ثانوية عامة وقبلوا في كليات الصيدلة وبما إن فيه طلاب كتير بيستفسروا عن كلية الصيدلة .. وعن كيفية الدراسة ونظام المواد وتوزيعات الدرجات .. وطريقة المذاكرة ... فحبيت اننا نساعدهم بما أننا أخذنا خبرة إلى حد ما وممكن نفيدهم بشكل أو بآخر بالنسبة للمواد عموما .. فهي إلى حد ما مش صعبة وأجمل حاجه انك متسمعش لحد يقولك السنة الفلانية دي صعبة والكلية دي معقدة أو انها سهلة زيادة عن اللزوم أو مش محتاجة مذاكرة ...... أو أو ... خليك لحد ماتشوف بنفسك وتجرب أول سنة وبعد كده تبقى تحكم وتقول ... فيه نقطة كمان ... انت لازم تحدد انت دخلت كلية الصيدلة ليه ... وإيه هدفك منها هل هو مجرد دخول كلية من كليات القمة ... وهي 5 سنين وأتخرج .. وآخد لقب دكتور وخلاص .. ؟؟ اوعى يكون هو ده السبب اللي خلاك تختار الكلية دي ... خلي عندك هدف أسمى من كده وهوا انك تقدر تعمل حاجه مفيدة ... لغيرك .... لبلدك .. |
بخصوص الدراسة في السنة الإعدادية في البداية لازم يكون معاك قاموس ... ويفضل يكون قاموس طبي سواء إلكتروني ...أو كتاب ... أو حتى على الموبايل ... لأنك هتحتاجه بشكل كبير خصوصا في الأول لأن زي ما احنا عارفين الدراسة هتكون بالإنجليزي ومعظم المصطلحات هتكون مصطلحات علمية .. وإوعر تتردد في انك تسأل دكاترتك ومعيدينك عن أي كلمة أو مصطلح مش فاهمه .. عشان تبقى فاهم كل حاجه ومتابع خطوة بخطوة ومتحسش إنك تايه وضايع ومش عارف تجمع ... المواد غالبا بتكون عبارة عن ( لغة ونبات وحيوان وفيزياء وكيمياء ) بالنسبة للنبات فهو بيكون فيه حفظ بكمية كبيرة وبيكون شبه مادة الأحياء اللي درستها فالثانوي الحيوان بيكون فيه مصطلحات كتير جديدة وبيكون فيه جزء تشريح ضفادع ... والتعرف على أجزاء الجسم الفيزياء والكيمياء ... مش هيختلفوا كتير عن اللي درسته فالثانوية العامة بس مع توسع إلى حد ما ... وطبعا باختلاف اللغة اللي درستهم بيها وممكن عشان تقوي نفسك فيهم تاخد حاجه اسمها ( رفع كفاءة ) بتكون الكلية عاملاها .. وهي بتكون زي دروس خصوصية كده بس بتتاخد فالكلية واللي بيدرسوها معيدين عندكم فالكلية ... واللغة دي بتكون ماده من خمسين درجه سهلة أوي ومافيهاش حاجه .. |
اقتباس:
وبالنسبه لحكايه اللغات دى انا ممكن اساعدكم كلكم كويس اوى فيها علشان انا كنت باخد فيزيا واحياء بالانجليزى يعنى اى حد يحب يفهم اى حاجه يبقى يقولى وانا باذن الله هساعده(لو فاهمها انا:D) |
اقتباس:
|
محدش عرف حاجة عن التقديم؟؟؟؟؟؟؟؟؟؟
|
اقتباس:
|
اقتباس:
انا سامعه ان فيه ناس فى القاهرع قدموا وبعدين انتوا متأكدين ان مفيش كلينكل:mad::( ياريت تردوا بسرعه |
انا ان شاء الله بكره الصبح رايح علوم اسأل وحقولكم
اما بالنسبة للجزء التاني ف لغاية السنة اللي لسه خالصة دي صيدلة الاسكندرية نظام قديم(اعدادي في علوم+4سنين صيدلة) لاوجود لقسم الصيدلة الاكلينيكية والله وحده يعلم ما يمكن ان يستجد هذا العام فالتحويل للنظام الجديد او وضع برنامج مميز بمصاريف للكلينيكل(غالبا) يأتي فجأة زي الزقازيق واسيوط |
نكمل بقى كلية العلوم (اللي حندرس فيها اعداي صيدلة لغاية دلوقتي؟؟) مالها؟؟؟؟؟؟؟؟؟؟؟؟ فين هي؟؟؟؟؟ومبانيها؟؟؟ مباني الكلية : أولا : مبنى الشاطبي : وهو أكبر المباني ويحتوي على مبنيان 1-مبنى الفيزياء : ويتكون من 6 طوابق : والحاسب الآلي الدور الأول قسم الرياضيات والحاسب الألي ومكتب عميق الكلية ووكيل المبنى . الدور الثاني والثالث : قسم الفيزياء : الدور الرابع والخامس والسادس أقسام النبات وعلوم البيئة 2-مبنى الحيوان ويتكون من 4 طوابق الطابق الأول : قسم النبات والميكروبيولوجي الطابق الثاني : قسم الجيولوجيا الطابق الثالث والرابع : قسم علم الحيوان كما يحتوي مبنى الشاطبي على 3 مدرجات للدراسة النظرية للفرقة الأولى واعدادي صيدلة وأسنان ثانيا مبنى طريق الحرية : يضم المعامل التابعة لقسم الكيمياء ويحتوي على 5 طوابق الطابق الأول : مكتب رئيس قسم الكيمياء الطابق الثاني : مكتبة الكلي الطابق الثالث : معامل الكيمياء العضوية الطابق الرابع : معامل الكيمياء الغير عضوية الطابق الخامس : ثالثا : مبنى محرم بك : وهو المقر الرئيسي للكلية منذ انشائها رابعا : مبنى سوتر خامسا : مبنى الأنفوشي |
طب ايه اللي احنا حنحتاجه في اول سنة؟؟؟؟؟؟؟؟؟ الأدوات وكده؟؟؟؟؟؟؟؟؟؟؟؟؟؟ اقولك انا؟؟؟؟؟؟؟؟؟ 2- الأدوات المعملية والعلمية التي تحتاجها (بلاطي – أدوات تشريح – أنابيب اختبار – نظارة معمل – فرشاة أنابيب - شرائح وأغطية ) الأدوات التي ستحتاجها:- الفرقة الاٍعدادية :الكيمياء(بالطو- أنابيب اختبار- حامل أنابيب - نظارة معمل- ماسك - فرشاة) (أدوات تشريح ) ( شرائح وأغطية ) ............................................ انا كده خلصت بس متنسوش الجلاد الاحمر والازرق والتيكيت :o:o:o:o |
| جميع الأوقات بتوقيت GMT +2. الساعة الآن 01:27 AM. |
Powered by vBulletin® Version 3.8.11
Copyright ©2000 - 2024, Jelsoft Enterprises Ltd.