![]() |
نصائح للجدد+موقع المناهج+آلة كاسيو..هديه!!
السلام عليكم ياشباب.... وألف مبروك لكل اللى اتحقق حلمه ودخل كلية الهندسه.... على فكره أنا خريج كلية الهندسه قسم كهرباء وأحب تسمعوا منى النصائح دى لأنها هتنفعكوا جامد (عن خبره;)) 1-طبعا المذاكره من أول يوم عشان فيه حاجه اسمها الميدتيرم ,,, يعنى التيرم الواحد فيه امتحانين...فعشان متزنقش نفسك...لازم تذاكر من أول يوم. 2- سيبك من الكورسات والكلام الفاضى ده...أهم حاجه المحاضرات والسكاشن...خلاص احنا كبرنا على موضوع الدروس:006et4: . 3- لازم تبيض محاضراتك أول بأول....يعنى نكش الفراخ ;)اللى بتكتبه ورا الدكتور...لازم تلخصه وتظبطه لما تروح يوم بيوم 4-هات آله حاسبه كويسه من كاسيو ممكن fx570 تقريبا سعرها من سنه يعملله 120 جنيه..هتنجز معاك كتير... شوف الآله دى كده....لو عرفت تجيب زيها يبقى انت جبت كمبيوتر مش مجرد آله حاسبه:d 5-ملاحظه هامه:أصعب وأتقل سنه هى إعدادى هندسه....بعد كده لما تتخصص هتلاقى العمليه سهله خالص:av4056bb7jp3: 6-المناهج اللى بتدرسها هتلاقيها تقريبا متشابهه مع المناهج اللى فى كل الدنيا...عشان كده النت هينفعك كتير أنا عن نفسى اعتمادى الكلى على مناهج السعوديه لأنها بالعربى وسهله و بتفهمنى المناهج اللى احنا بناخدها بالانجليزى... وده الموقع اللى عليه الكتب الهندسيه باللغة العربيه:049gc0: عموما أنا عندى كلام لسه كتييييييير....لو حد عنده أى استفسار ممكن يكتبه وانا أرد عليه |
متميز والى الأمام
منتظرينك |
طب دلوقتي أنا لم آجي أذاكر
أذاكر منين بالضبط |
اقتباس:
1-مصادر أساسيه: وهى المصادر التى لابد وحتما تذاكر منها لأن الامتحان مش هيخرج منها وهى : *كتاب الماده+ *المحاضرات اللى انت كاتبها+ *السكاشن اللى هتاخدها+ *ورق الكورسات اللى هتصوره من زملاتك اللى بياخدوا كورسات. ومادام أنا قلتلك انها أـساسيه....يبقى لو فيه محاضره أو سكشن فاتك....لازم تصوره أو تنقله من واحد زميلك....بجد متستهترش بالحاجات الصغيره دى...والله بتفرق...صدقنى. _______________________________ 2-مصادر اضافيه: وهى المصادر اللى ممكن متحتجلهاش قوى...بس لو بتطمح للجيد جدا أو الامتياز...يبقى لازم تستخدمها وهى: *المراجع الخارجيه (استشير الدكتور عن أفضل مرجع خارجى لمادته)+ *الانترنت(هشرح ان شاء الله بعض المواقع اللى ملكش غنى عنها فى وقت لاحق) ومن هنا يجب تغير نظرتك للانترنت....النت مش وسيله للداون لود للجيمز و الأغانى....النت كنز غنى بالمعلومات الشيقه...وصدقنى....فيه بعض المواد فهمتها بالكامل أو بعض النظريات اللى درسناها عن طريق مواقع وكتب نزلتها وقريتها . _______________________________ فى انتظار تساؤلاتكم يا شباب المهندسين....مع تحياتى:078111rg3: |
شكرراااااااا على المجهود العظيم ده ياراجل
|
هوانت هندسة اية
|
موضوع جميل جدا ... قولنا يا بشمهندس عن الأنترنت وازاي كنت بتستخدمه وفي ايه وايه رأيك لو الواحد اخد كورس انجليزي !!
وجزاك الله كل خير |
اقتباس:
اقتباس:
*فلو انت هتخده عشان فاكر ان الدراسه بالنجليزى صعبه ومعقده ومحتاجه جهابذه فى اللغه...فمتحملش هم....الانجليزى فى الدراسه هو انجليزى مصطلحات وليس جملا تحتوى زمن مضارع وتام ومبنى للمجهول وكلام من ده....الموضوع كله محتاج شهر بس فى الكليه وهتلاقى نفسك (لبلب)...متقلقش;) *أما إذا كنت محتاج اثراء معرفتك اللغويه الانجليزيه...فمفيش مشاكل....إيدى على كتفك....واتوكل على الله...أكيد هتستفيد....بس لو الكورس هيطول...بلاش منه عشان ميشغلكش عن الدراسه لأن دلوقتى بقى عندك أولويات. بالنسبة للنت: معلش اصبر عليا شويا...تابع بس الموضوع ...وان شاء الله هكتب عنه قريب ___________ بالتوفيق ياشباب....مع تحيات الأمير الرقمى |
جوووووود
.......... |
ممتاز ............
|
شكرا يابرنس علي الكلام الحلو ده وارجو منك اثرائنا بموضوعاتك الجميله
|
انته شكلك فاهم يا نصه
طب بم انك من هندسة الزقازيك وانا كمان من هندسة الزقازيق يعنى احنا مع بعض بس الفرق انا لسه هادخل اعدادى ومعرفش حاجة خالص فيريت تكون موجود معانا دايما وتفيدنا وفى موضوع جديد انا لسه عامله ياريت تبقى معايا فيه عنوانه هندسة الزقازيق http://www.thanwya.com/vb/showthread.php?t=149751 |
وياريت تقول عن المواقع اللى هتفدنى وتفيد الجميع وجعله الله فى ميزان حسناتكم
|
مقوله سمعتها من عميد كلية هندسة الزقازيق لما كنا فى اعدادى هندسه:
"ياولاد...الهندسه دى ماراثون....يعنى أهم حاجه توصل لخط النهايه بسلام" معناه إيه كلامه؟:confused: بصوا ياجماعه.....ان شاء الله لما تخلصوا الدراسه عارفين كام ماده هتكونوا درستوها؟ معدل 6 مواد فى التيرم يعنى 12 ماده فى السنه يعنى 5*12=60 ماده وده رقم تقريبى.....عشان كده لازم يكون عندكم العزيمه الكافيه لمواصلة المارثون لنهايته..... واحد هيقوللى....ياعم دنا لازم أجيب امتياز أو جيد جدا ع الأقل عشان ألاقى شغل! هرد عليه: آسف...انت غلطان تماما!:excl: عارفين ليه؟ جوهر الموضوع .... انك تكون فاهم اللى بتدرسه وعندك قابليه لتطبيق اللى درسته لما تشتغل...سواء بقى كنت جايب مقبول ولا حتى امتياز..... دى مش دعوه للكسل....مهو برضه المقبول مؤشر لمشكلة من نوع ما...وكذلك الامتياز تلميح لنبوغ ما...مش كده برضه؟ مثالين: الأول:طالب تقديره العام مقبول: اتخرج صاحبنا ده...ودور على شغلانه ولقاها و الحمد لله...كان بيقبضله 700 أو 800 جنيه بكتيره....بس حس انه متمكن من شغلانته قوى فى المصنع اللى هو فيه.....فصاحب المصنع لاحظ ده....ورشحه لدوره تدريبيه ساهمت فى (توديك) المهندس ده فى الشغل...وبعد سنتين أو يمكن تلاته...مسك القسم اللى كان شغال فيه......وبالصدفه بيدور على النت...لقى شغلانه بره بمرتب 5 آلاف ريال ....اتقدم ونجح فى المقابله....وسافر....ودلوقتى بيقبض ب(الشوال) اللهم لاحسد حد بقى فى القصه دى سأل صاحبنا ده....إنت تقدير تخرجك كام؟....لأ طبعا....أهم حاجه اتقانك ومهارتك فى الشغل... الثانى:طالب تقديره العام جيد جدا: صاحبنا خلص من هنا وقدم السيره الذاتيه له للشغل...واتقبل...وقبض برضه من 700ل 800 جنيه فى الشهر...وعاش نفس قصة الأولانى.......الخلاصه....هو مقبضش بتقديره....ده قبض باجتهاده فى الشغل أعتقد كلامى واضح وأحب أأكد تانى: لازم طبعا تتجدعنوا وتطمحوا للامتياز....بس اللى مقدرش ....ميفقدش الأمل.....أهم حاجه انك تكون واثق من نفسك....طور من معارفك العلميه.....متترددش انك تسأل حتى لو حسيت ان سؤالك ملوش لازمه انت مهندس....يبقى لازم تكون جدير باللقب ده تحياتى للمهندسين والمهندسات الجدد الأمير الرقمى |
موضوع الكتب العربى حلو اوى
|
جزاك الله خيرا يا باشمهندس و ياريت نشوفك معانا على طول و تشد من عزيمتنا بما انك خبرة
|
طب بم انك عندك الخبراة اللى انا بسم الله ماشاء الله ملااحظها انا بحب الفيزياء يبقى ادخل قسم ايه والقسم ده لما بتخرج ممكن اشتغل ايه ويارب تفضل معانا مش تسيبنا بم انك خلصت فبطلب منك تفيدنا بخبرتك
|
انت بجد فعلا اكتر من رائع وجيتلنا فى الوقت المناسب
انا بقى طبعا بطبعى الرغاى احب اسألك كام سؤال كده هما مش كتير ممكن تقول كتير اوى فنقسمهم على مراحل اولا: 1-ايه اكتر قسم ليه مجال عمل؟ 2-ازاى اقدر اتعامل مع الدكاترة والمعيدين بحيث انى استفاد منهم على اكبر قدر؟ 3-ازاى اقدر اجيب الامتياز بالرغم انى فى الاكثر تعقيدا ( عين شمس) وهل هى فعلا معقده ولا صعبه (تفرق صح؟)؟ 4-يا ترى فى اولويه لجامعه عن جامعه تانيه فالشغل يعنى مثلا يفرق حريج القاهرة عن عين شمس؟ 5-هو فى فعلا خير اللهم اجعله خير مهندسن بيقبضوا بالدولار غير بتوع بترول ولو فى فعلا ايه الكورسات اللى بياخدوها او ايه مؤهلاتهم لكده؟ 6-ازاى انظم يومى بالظبط بين الجامعه والمذاكرة وانا اسمع انهم بيخلصوا متاخر جدا فهل هيبقى فى وقت وهندر ننظم نفسنا فى المذاكرة؟ 7-يا ريت بقى اللينكات اللى فيها الكورسات ويا ريت اهم البرامج الهندسيه اللى لازم تبقى عندى ايه؟ ونيجى لاخر المرحله دى....... سورى بجد انى صدعتك بس تقول ايه بقى نصيبك يا بنى المهم فعلا انا محتاجه ردك وخصوصا انك صاحب خبره عن اى حد ممكن اساله ويا ريت تفيدنا بخبرتك دى وميييييييييييييرسى ليك ورمضان كرييييييييييييييم |
أهلاً يا أمير
موضوع رائع جدًا بس أحب التعديل فى الأسعار آلة كاسيو 570 كانت السنة اللى فاتت ب 100 جنيه بس يمكن تلاقوها دلوقت ب حاجة و 80 لو نزل أجدد منها و هى امكانيتها حلوة و بالنسبة للمناهج فى الرياضة معروف إن مناهج الخليج فى الرياضة أحلى مننا بمراحل فظيعة و لو بتدور على النت هتلاقى كل الدول بتشارك فى منتديات رياضة سعودية و اماراتية بس بيبقى لينا أقسام برده و عن نفسى درست السنة ده رياضة 2 + إحصاء + مستوى رفيع و مش محصل منهجهم برده ^___^ على رأى سعد زغلول مفيش فايدة على فكرة لو بيفكروا يطوروا المنهج صحيح هيخلو الميكانيكا مع الفيزياء و يزودوا الدروس الناقصة لرياضة 2 زى ما معظم البشر عاملين منتظرين جديدك و ردك على أسئلة م / ديرو و رمضان كريم يا بطل |
1000مبروك على تثبيت الموضوع وأتنمنى أن يكون هذا حافز قوي لك
|
اقتباس:
-ازاى اقدر اجيب الامتياز بالرغم انى فى الاكثر تعقيدا ( عين شمس) وهل هى فعلا معقده ولا صعبه (تفرق صح؟)؟ لان اي حد تقوله عين شمس يقولك اصعب كليه معقده لحد ماتعقدنا من قبل ماندخلها |
اقتباس:
اقتباس:
كويس أنا كنت ناوى أتكلم فى الموضوع ده.... أنا عندى ردين...أحدهما مثالى والآخر واقعى على سؤال واحد السؤال:أدخل قسم إيه؟...أو...طب أنا بحب القسم (الفلانى)...أدخل فيه؟ الرد المثالى: طبعا لازم تدخل القسم اللى بتحبه....لأنك هتقدر تدى فيه جهد أكتر (وبحب) .... ولو طموحاتك أعلى يبقى لازم تكمل دراسه أكاديميه وتبقى معيد وتحضر الماجستير وبعديها الدكتوراه...(أنا بدأت المشوار ده)......أصل زويل مش أحسن من أى حد فينا إلا بعزيمته...لأنه مش مولود بالعلم جاهز....هوه برضه بدأ حياته العلميه زيك....وبدأ يتراكم لديه معارف زى اللى هتتراكم عندك مع نهاية الدراسه....بس هوه عرف يوظفها واستغلها صح....عموما...نهاية مشواره....كانت نوبل واحد هيقوللى: يا سيدى الكلام ده حلو....بس أنا عاوز أتخرج وأقبض مرتب حلو و أتجوز وشكرا أقوله: معاك حق....فى الايام اللى احنا فيها دى أنا بعذرك لو بتفكر بالطريقه دى...عشان كده...اقرا معايا الرد الواقعى الرد الواقعى: عندك حد قريبك شغال فى مجال معين (كهربا-مدنى-ميكانيكا-....الخ)؟.....لو اجابتك (اه عندى)...أقولك :عندك فرصه لقطه متسبهاش....صدقنى ....كل مجالات الهندسه لها شغل سواء فى مصر أو بره.....عشان كده ممكن تعصر على نفسك لمونه وادخل القسم اللى انت حاسس انك ممكن تلاقى له فرصة عمل ولو كنت مش حابه بنسبة 100%....ومع الأيام هتلاقى نفسك حبيت المجال ده....وده حصل معايا....أنا بعشق الكمبيوتر وكان نفسى أدخل قسم حاسب.....بس حسبتها....لقيت عندى فرصة عمل فى الكهربا بعد ما اتخرج (أحد أقاربى فى الكهربا) وممكن يسهلى الأمور....اتوكلت على الله ودخلت الكهربا (اللى كنت معتقد انى مبحبهاش)....والحمد لله دلوقتى بقيت مهندس فى أحد محطات المحولات بعد وقت قصير من التخرج...وفى نفس الوقت....باستغل الكمبيوتر فى شغلى...(جمعت بين اللى بحبه(كمبيوتر)-واللى هينفعنى(الكهربا)) اقتباس:
ااجابة السؤال1 : أعتقد أنا جاوبت فى الاجابه اللى فاتت اجابة س2:اكسب احترامهم باجاباتك فى أول امتحان ميدتيرم....هتلاقيهم هما اللى بيدوروا على صاحب الورقه اللى صاحبها مجاوب تمام.....هيهتموا بيك لو رحت ليهم المكتب بتاعهم لأى سبب...(مهو اللى قدم السبت هيلاقى الحد) عذرا سأجاوب باقى الأسئلة فى وقت لاحق لأنى مشغول (بس ابقى فكرنى عشان منساش) اقتباس:
اقتباس:
تحياتى....الأمير الرقمى ______________________________ موقعى المفضل......آلتى المفضله ______________________________موقع البحث المعرفى الأمثل فى وجهة نظرى |
ربنا يباركلك يا بشمهندس ويكثر من امثالك
مبروك التثبيت ومتنساش تحكلنا عن النت وازاي نستخدمه وكمان باقي الأسئله بتاعت eng_dero علشان بجد اسئله في الجون |
انا قولتلك ان انا بحب الفيزياء اوكى
بس فى واحد قريبى مهندس مدنى وربنا موفقه الحمد لله معنى كده انى ادخل مدنى وزى مانته عارفة ان احسن قسم فى الزقازيق هوه المدنى صح؟وبيقولوا ان هندسة الزقازيق من احسن الكليات فى القسم المدنى (سؤال/ فهل ده بيفرق فى التقديم للشغل ؟) ومعنى الاجابة بتاعتك ان انا ادخل مدنى فهل هذا افضل ليا اما ادخل القسم اللى بيعتمد على المواد العلمية كالفيزياء وهذا ما احبه |
ياريت تجبلنا كتاب فيزياء بالعربى كده نبدء نقرى فيه علشان نفهم شوية شوية كده
|
الف شكر عالموضوع بس انا عندى سؤال مفيش مواقع للطلاب الى زينا كده عشان نعرف و بدل الكورسات و البهدلة و هنستخدم الكمبيوتر فى ايه فالكلية و ياريت اسم مواقع نستفيد بيها فى الدراسة و شكرا
|
اقتباس:
أنا عندى حل لك.... اتوكل على الله وخش مدنى....وبعد ماتتخرج ان شاء الله...تقدر تقدم على ماجيستير فى (الرياضيات والفيزياء) ...وبكده تضرب عصفورين بحجر......(الشغل بقسم مدنى+دراسات فى مجال الفيزياء) --> بالنسبه لموضوع انت خريج جامعة إيه...وهل ده بيفرق معاك فى الشغل....فده...كلام فاضى.ومتصدقش اللى بيحاولوا يقنعوك بغير كده.....أهم حاجه المقابله اللى بتعملها للشغل و جدارتك بالشغلانه اللى انت متقدم لها حتى لو انت خريج جامعة موزمبيق مازلت متذكر المهندس eng_dero وأسئلته ..... ولكن عذرا فالوقت يسرقنى.....سأكمل اجابتى عنها فى أقرب وقت ان شاء االه و تحياتى للجميع الأمير الرقمى _________________ موقع شباب باور الناشئ....يستحق الزياره والدعم......أدعوكم لمخاطبة القائمين عليه لتطويره...فهو بذرة جيده _________________ عذرا ان لم أرد على الأسئلة فى وقتها.....لكنى معكم دوما |
اخى الكريم شكرا على المجهود الرائع انا لسه داخل اعدادى هندسه واسمع انه اصعب سنة وخصوصا حاجةاسمها الرسم الهندسى او مش عارف اسمه ايه فممكن تقولى ايه حكاية المادة دى على فكره انا برضه هندسة الزقازيق
|
اقتباس:
ثانيا: بالفعل .... اعدادى هندسه تقدر تقول عليها (رخمه شويه) .... لكن كلمة (صعبه) مش فى محلها....الموضوع بيبقى بس تغيير نظام التعليم المألوف اللى انت اتعودت عليه فى الثانوى....يعنى مفيش حاجه اسمها واجب ولا حاجه اسمها امتحانات شهر...وغيره كتير......عشان كده الناس (معتقده) إن اعدادى صعبه. الدليل: إن الماده العلميه اللى هتدرسها ف أولى هتكون أتقل شويه من اعدادى ... إلا انك هتحس ان أولى سهله ثالثا: الرسم الهندسى ده متعه فى حد ذاته....اللى بيقلك انه صعب شكله مكنش لاقى وقت فاضى من كتر خروجاته وتضييعه للوقت انه يرسم.....الرسم سهل جدا ومفيهوش مشاكل.....دا هوه الحاجه الوحيده اللى تميزك عن غيرك....انت مش ناوى تشيل المسطره ولا إيه؟:d _____________ تحياتى للجميع....الأمير الرقمى _____________ أروع موقع لاستعراض المصحف كالواقع تماما |
يا ريت بس تقولنا على المواقع المهمة لاعدادى و هل لازم تبيض المحاضرات انا المسافة بين الكلية و البيت ساعتين فمعتقدش انى هلاقى وقت و شكرا على اهتمامك
|
اقتباس:
أما بالنسبة لتبييض المحاضرات فلابد وحتما ومن الواجب و أكيد و must be و should انك تبيض المحاضرات...لإن فيه تركات كتير فى الامتحانات بتيجى من المحاضرات.....وثانيا تبييض المحاضرات بيحسسك انك فاهم كويس....دا غير انك لو كنت مش فاهم الا 30% بس فى المحاضره...هتكتشف انك بقيت فاهم نسبة 75% أو أكتر لما تبيض المحاضره بإيدك...مش مجرد انك تقراها وبس ولو انت شايف ان المسافه اللى مدتها ساعتين بينك وبين الكليه دى مشكله.....هقولك إن معايا زميل (اتخرج دلوقتى) كان شغال بعد الكليه (ليلا) طوال فترة الدراسه (5 سنين ) عشان يصرف على نفسه وتقديره النهائى جيد مرتفع.....احكم بنفسك طوع الظروف لمصلحتك....متخلهاش هى اللى تغير مسار حياتك ________تحياتى |
معلش استفهام صغير
انت اشتغلت ؟ |
طب بعد اذنك كنت عايز اسأل حضرتك سؤال .... انا حيران ما بين قسم ميكاترونكس و الكترونيات و اتصالات و انا مقرر انى مش هدخل حاجة غير الاتنين دول... حضرتك شايف مين احسن و مين مجاله احلى؟؟؟؟؟؟؟؟ ياريت تفيدنى
|
اقتباس:
انا كمان كنت هاموت علشان اخش قسم المايكترونكس بس قالولى ان مالوش شغل قى مصر كله بره |
اقتباس:
اقتباس:
هى الحياه إيه غير الميكا ترونكس. لولم أكن ميكاترونكسيا لوددت أن أكون ميكاتروكسيا ومتفتكرش إنى خريج القسم ده....أنا خريج باور.....بس بصراحه قسم الميكاترونكس هو مستقبل أى مهندس عاوز يوصل لهدفه بسرعه....بمعنى.... الميكاترونكس هو لب أى مصنع ....يعنى أى مصنع فى الدنيا محتاج مهندسين ميكانيكا ومهندسين باور.....طب هو يغلب نفسه ليه؟......فبيجيب واحد ميكاترونيكس يجمع مابين الاتنين....لو الزمان رجع بيا لورا...كنت دخلت الميكاترونيكس..... وعلى فكره ياريت شباب الزقازيق يدخلوه لأنه لسه فاتح جديد فى الكليه...وأكيد هيحتاجو معيدين فيه بعد الدفعات متتخرج منه ....فرصه للى حاسبها صح وبيفكر لبعيد!!! |
[quote=الأمير الرقمى;1559503]الحمد لله...فى محطة محولات....المرتب معقول....بس طبعا مش زى القطاع الخاص.....لكن مميزات الحكومه على المدى الطويل أفضل (وجهة نظر كثيرون يختلفون معى فيها)
اكيد فى شركة توليد كهربا أو توزيع و المميزات دى جميلة جدا لو انت قصدك على مميزات النقابة |
هو ايه الميكا ترونكس ده please حد يفهمنى؟؟؟؟؟؟؟
|
طب بالنسبة لموضوع المحاضرات دا؟ انا هقعد اكتب من غير ما افهم؟ ولا هفهم ومااكتبش؟
ولا هعمل ايه بالظبط؟ |
اقتباس:
فسم جامع ما بين الميكانيكا والإلكترونيات وهو بالتأكيد قسم صعب جداً شغله حلو أوى بس مش موجود كتير فى مصر (حسب ما الكل بيقول ) بس ممكن تشتغل مكان بتاع ميكانيكا أو مكان بتاع إلكترونيات |
ألف مليون شكر ع الموضوع يا بشمهندس بس يا ريت تقولنا ع المواقع اللي حتفيدنا في الدراسة وكمان المواقع اللي بتقول كل حاجة بتوسع وبتدي حاجات زيادة علشان الواحد يبقى متمكن في مجاله وانا ان شاء الله ناوية ادخل قسم نووي ايه رأي حضرتك في الموضوع ده وهل مجال العمل بتاعة كويس وللا لأ.... طيب لو هو مش كويس ايه رأي حضرتك في قسم كيمياء وشكرا مقدما لحضرتك
|
[quote=محمد بكر;1559726]
اقتباس:
اقتباس:
اقتباس:
وشغله موجود فى مصر ف كل حته (أنا لفيت مصانع وشفت وضع الميكاترونكس مميز إزاى) اقتباس:
طبعا المجال النووى ده أيامه...خاصة موضوع المحطه النوويه الجديده اللى هتبقى فى الضبعه ان شاء الله...و أكيد هيحتاجوا استاف كبير من المهندسين .... فاتوكلى على الله وادخليه .... بس مش هضحك عليكى....معرفش كتير عن مجالات الطاقة النوويه فى مصر وشغلها أخباره إيه..... أعتقد مجالات الكيمياء أكتر فى الشغل....لكن المستقبل فى الطاقة النوويه....القرار قرارك _________ تحياتى للجميع....ونلتقى بعد الفاصل :-) |
Merci جدا يا امير على اهتمام حضرتك بس كنت عايزة اعرف رايك بالنسبة لقسم بترول للبنات و عموما فى مجال الشغل و برضه فى قسم حاسبات و يا ريت معلومات اكتر عن القسمين
|
شكرا ليك yasasa حقيقي نورت المحكمة انا اصلا دى كانت اول مرة اسمع فيها عن القسم ده رغم انه من الواضح انه معروف اوى
|
انا داخل هندسة الزقازيق
وانته كده هتلخبطنى انته قولتلى ادخل مدنى زى قريبى وبتقول فرصة ان الواحد يدخل قسم الميكاترونكس لانه فاتح جديد فهل ادخل مدنى ولا ادخل القسم ده اى واحد افضل ليا |
اقتباس:
اقتباس:
فيه ناس تحيب تستغل الفرص اللى أمامها وتتغير عشان الفرص دى تناسبها.... وفيه ناس محدده خط سيرها م الأول ومستعده لتطويع الظروف لمصلحتها..... انت سيد قرارك |
اقتباس:
مع انه مجموعه قليل بياخد من جيد بس تقريباً |
اقتباس:
وكمان انا لما قدمت فى عين شمس لقيت قسم مميز اسمه هندسه كنديه مصريه هو بمصاريف اه بس الدفعه المتخرجه بتسافر كلها بره فياريت لو تعرف اى حاجه عنه وياترى بتبقى احسن فى الشغل فعلا ولا ...؟ |
الكفه ترجح لصالح المدنى بالنسبة للمهندسات
اقتباس:
فلو الكهربا والآلات الكهربيه وطرق التحكم فيها بتستهواكى وكذلك شغل المصانع ( مع إنى أعتقد ان شغل المصانع...أو الوجود فى صالة العمل بجوار الآلات والماكينات لايلقى قبولا كبيرا بالنسبة للمهندسات-وقد يكون هذا أيضا رأى أصحاب المصانع)....يبقى الميكاترونكس هو الاختيار الأنسب أما إذا كانت الميول أكثر للرسم والتخطيط الهندسى...فالمدنى هو الأصلح خاصة إذا كان العمل فى مكتب للتصميمات الهندسيه وتكون المتابعة فى الموقع ليست جزءا أساسيا من العمل اليومى للمهندسه....فعملها الأهم هو التصميم بالمواصفات المطلوبه للمشروع المطلوب انجازه...دون الاحتكاك اليومى بأرض الموقع أعتقد بعد هذا التحليل ..فإن الكفه ترجح لصالح المدنى بالنسبة للمهندسات |
طب بالنسبة لمستقبل هندسة الاتصالات و الالكترونيات؟ كويس ولا شغلهم قليل؟؟؟ وهل فعلا الاتصالات
دى المفروض الواحد يقعد ياخد كورسات فيها من بعد ما يتخرج لحد ما يموت؟؟؟؟؟؟؟؟ |
باور أفضل....نسبيا
اقتباس:
وياريت محدش يفهم كلامى غلط.....دا رأييى الشخصى....لكن كل قسم وله شغله....بس فعلا....بتاع اتصالات محتاج مجموعة كورسات(بس مش أكيد لحد مايموت :-)) عشان يلاقى وظيفه كويسه....بس ده ميمنعش ان خريج أى قسم ممكن يطور من نفسه بمجموعة كورسات (فى الأجازه أو بعد التخرج)....لانها بتسنده برضه شويه فى cv اللى بيقدمها للعمل باور أفضل....نسبيا |
جميع الأوقات بتوقيت GMT +2. الساعة الآن 12:55 AM. |
Powered by vBulletin® Version 3.8.11
Copyright ©2000 - 2024, Jelsoft Enterprises Ltd.