لكل من سيدخل طب اسنان اسئلتكم هنا هنرد عليها
 

انا ان شاء الله هكتبها رغبة اولى بس انا من المنصورة و سمعت ان اسنان المنصورة صعبة وده اللي مخوفني
و ياريت حضرتك تكلمنا عن طبيعة الدراسة في اسنان وهل هي بتحتاج جهد كبير اصل انا بيجيلي حالة نفسية منحاجة اسمها مذاكرة
ومتشكرين ع الموضوع

معلش أنا عندى شوية اسئلة

1- هل الدراسة فى طب اسنان غير مناسبة للبنات؟

2- ماعدد سنوات الدراسة بالامتياز واللذى منه؟

3-ما المواد التى يتم دراستها فى الكلية ؟

لو افتكرت اسئلة تانية هبقى اكتبها

مشكور على الموضوع

معلش انا عاوز اعرف مواد الاسنان وهل هى اسهل من الطب وكمان بالنسبة لمستقبلها احسن ولا الطب ؟
ويا ريت ترد علينا انهارده قبل ما نسجل رغباتنا وهل هى اوحش بالنسبة للبنات فعلا؟ وشكرا ارجو الرد

لو انت طالب ثانوية عامة وجبت 98% بامانةكنت هاتختار ايه اختار حاجة واحدة بشرى ولا اسنان ولا صيدلة وليه وهل انت ندمت على انك دخلت اسنان وبرضه ليه برجاء سرعة الرد علشان تساعدنى انىاخد قرار ولك جزيل الشكر بسرررررررررررررررررررررررررررررررررررررررررررررررر رررررررررررررررررررررررررررررررررررررررررررررة مستنى الرد

عمالين يقنهونى بطب اسنان او طب
بس انا بكره الاحياء بجد
ادعولى بقى

عدد السنوات 5 سنين + سنة امتياز


لو سمحت الاسنان خمس سنين ولا ستة؟؟

سنة الامتياز بتكون شغل و كشف ع المرضى و تشخيص امراض و كده

انت متأكد؟؟؟

معلش انت في جامعة ايه؟؟

أنا عايز عين شمس

انا عايز استفسر عن مستقبل طب الاسنان ( يعني شغلها وفلوسها) ، وهل الحصول على شغل فلوسه مناسبة صعب ؟ ، ولا اذا كنت جايب امتياز ربنا هيسهلها ؟

الكلام ده فى كل جامعات مصر و انا متاكد من اللى بقوله 100%
المستقبل مش مضمون فى اى حاجة فى الدنيا و الاسنان شغلها موجود و له مميزات لكن فى النهاية بتختلف من شخص الى اخر يعنى فى فرق لو واحد يسافر الخليج او يفتح عيادة او يحضر تبع الجامعة و كده يعنى
تقديرك فى الكلية بيبقى له تاثير بس مش كبير
و الله الموفق

انت متاكد لو البنت ضعيفه اوى يبقى مينفعش
طب ممكن احول من صيدله لاسنان بعد اعدادى من غير اعادة السنه

لا مش بتروح الكلية خالص و بتكون فى علوم و بس
بتروح اسنان بس عشان الحاجات الادارية و كده انما مفيش اى دراسة هناك
بتدرس كمياء و فيزياء و نبات و حيوان و انجليزى و حقوق انسان و هى فى الاخر سنة ملهاش لازمة غير انها تجهزك و تنقلك من الثانوى الى الجامعة
اعتقد مينفعش التحويل
بس انا اقصد الضعف اللى هو يعنى ع الاخر بيخليها متقدرش حتى تفك مسمار و ده حاجة نادرة يعنى و اطمنى متقلقيش

هو بجد هنذاكر فيزياء تانى ارجو الرد

thanks,,,,,,,,,,

انا اسنان اسماعيلية .........بعيدة عني كتيييييييييير......مش عارفة احول ولا ايه.........وانا كمان قلقانة قوي

روحى لاقرب كلية و حولى عليها احسن
مفيش قلق و لا حاجة بلاش القلق

ممكن اعرف ايه الادوات الل مفروض اجيبها فى اعدادى اسنان

انا برده الاسماعيلية وانا فى اليكس هاحول ان شاء الله بيقولوا بعد المرحلة التانية

طب هيا اول سنة بتاعة علوم دى فيها صراصير وضفادع وقرف كدة؟

ادوات تشريح ضفادع
ادوات الكمياء ( انابيب و حامل و دوراق و فوط و حاجات مشابهة )
بالطو و جوانتى طبى
فيها ضفادع

انا سمعت ان دفعة اسنان بتبقى صغيره اوى
يعنى سهل الواحد يبقى من الاوائل على الدفعه وكده ولا ايه ؟؟
وشكراا على الموضوع

حسب الجامعة اللى بتدخلها
يعنى فى القاهرة مثلا حوالى 500 طالب
فى اسماعيلية حوالى 95
و هكذا

طب الادوات دى احنا بنجبها ولا حد بيقلنا عليها

بتروحو كلية علوم و هتلاقو كل الدفعة موجودة او اللى عايز يسال الناس هناك هتدله و الموضوع بيبقى لطيف اوى
بالنسبة لحفلة التعرف فانا معتقدش انها موجودة اصلا الا يمكن فى الجامعات الخاصة
طبعا بما انك فى اعدادى فكل قسم فى كلية علوم بيقول الادوات ايه
بس هى غالبا بتكون علبة تشريح ضفادع + ادوات الكمياء
و بالتوفيق

شكرا علي الموضوع وكنت عاوزة اسأل هل الدراسة في اسنان مكلفة جدا زي ما يقول الناس وصحيح ان احنا حنضطر نجيب اجهزة غالية في ثالثة ورابعة
و اول اسبوع في الدراسة حيبدؤا انجليزي عالطول
وكان عندي سؤال عن جراحة و جه و فكين القسم دة في اسنان ولا طب وبتبقي بالتقديرات و ايه

انا سامع ان االاسنان فيها صراصير

طب لازم ناخد حاجة اسمها icdl

الدرساة فعلا مكلفة فى اخر سنتين و ممكن تدخل فى اكتر من 5 الاف جنيه فى السنة الواحدة ( من السنتين اللى ف الاخر )
الدراسة اكيد انجليزى بس الدكاترة بيكونوا فاهمين الطلبة و الى حد ما بيمشوا شوية عربى شوية انجلش لغاية ما تتعودوا بس ده غالبا فى الجامعات الحكومية اما الخاصة فده حوار تانى لان هما انجلش ع طول
جراحة الوجه و الفكين ده قسم فى الكلية عندنا ملوش دعوة ببشرى لكن بيكون فى عمليات بتحتاج مساعدة من دكاترة جراحة عامة زى لو شغال فى سقف الحلق او غيره لانك بتدخل كده على الانف و الحنجرة
يعنى ايه بتبقى بالتقديرات؟؟؟
لو قصدك التعيين فى القسم كمعيد فده طبعا محتاج تقدير + تخد حقك و الواسطة متتدخلش + القسم يكون عايز اصلا معيدين

ضفادع بس
بيبقى فى كمان سحالى و اسماك و ارانب بس ده بيكون شرح سريع انما الشغل الكتير ع الضفادع
لا مش لازم بس يستحسن يعنى انا خدتها عن نفسى

طب دى لازم ناخدها ف اعداى اسنان

طب احنا بعد الاعدادى بنقضى بقيه الاربع سنوات ف طب اسنان ولا كمان هنروح طب

لو قصدك icdl
يبقى مش لازم لا فى اعدادى و لا فى غيرها و ممكن تتخد فى اى عمر و مش حاجة مهمة اوى يعنى
الاربع سنين يبقوا فى كليتنا خلاص بقى بس بنروح يوم او اتنين فى الاسبوع طب بشرى عشان فى مواد بنخدها لها علاقة بالطب البشرى زى التشريح مثلا او الكمياء الحيوية او علم وظائف الاعضاء فسيولوجى و هكذا و بيكون فيها سكاشن فى طب و ساعات المحاضرات بتتشرح عندنا فى الكلية

هل اطباء الاسنان لهم تكليف من وزارة الصحة؟

هو فى تكليف ايوه بس الوزارة احتمال هتلغى التكليف لخريجى الطب البشرى و طب الاسنان و فى كلام ان اخر دفعة هتتكلف هما خريجى 2011 والله اعلم

:confused::confused::confused:يا جماعة ايه الكورسات اللى تخلينا مطلوبين لسوق العمل بعدين وتدينا فرص اكتر؟
هل مثلا icdl او toiefl ولا ايه؟

الحاجات دى مكملات و ملهاش دعوة بسوق عمل طب الاسنان يمكن تكون مهمة فى الصيدلة و اى حاجة فيها بيزنس و تسويق و دعاية و كده انما انت كطبيب اسنان مش مهم ليك اوى الاى سى دى ال احسن حاجة انك تدرس مقررات الكلية كويس وتقرأ اخر الابحاث و تحضر لك مؤتمرات طبية
بس

ايه اقسام الكلية و ايه مميزات و عيوب كل قسم

الكلام ده لسه بدرى عليه لكن على اى حال
الاقسام

Oral biology and oral pathology
ده قسم نظرى اكتر منه عملى وبالتالى اللى بيحضر دبلوم او ماجستير ميدخلش هنا

Dental materials
زى اللى قبله

operative dentistry
ده قسم الحشو كويس و شغله منتشر

removable prosthodontics
الاطقم وده قسم تقيل شوية و برضو عن نفسى منصحش لو حد بيعمل ماستر او دبلومة يدخل هنا

fixed prosthodontics
تركيبات ثابتة و ده قسم كويس و مش صعب

oral radiology
دى الاشعة و ده مش مستاهل يتحضر فيه

oral and maxillo facial surgery
جراحة وده قسم كل الناس بتحب تدخل فيه تعمل دبلوم او ماستر

orthodontics
التقويم و من الاخر ده لازم ياما تعمل فيه دكتوراة ياما ما تفكرش فيه بس اللى بيعرف يدخله بيبقى غنى اوى و بيكسب كتير

endodontics
حشو العصب و علاج الجذور و ده قسم جميل جدا و شغله كتير و حلو

pedodontics
طب اسنان الاطفال و هو حاليا مطلوب فى الخليج كتير و بدأ يبقى له طلب كتير بس انا عن نفسى مش مقتنع بيه لكن هو قسم كويس

oral medicine
ده قسم نظرى بيفيد فى التشخيص و كده بس يعنى التحضير فيه مش اوى

كل الاقسام دى هتدرسيها فى سنوات الكلية و هتخدى كل الاساسيات خلال السنين الخمسة لكن انا كلامى عن التحضير فيها دراسات عليا

طب هوه يوم السبت بيكون اجازة

ده حسب الجامعة

يعنى نروح اول يوم وخلاص واحنا ونصبنا

روحى بس مش فارقة اوى
اول اسبوع بيبقى مفيهوش حاجة بتتشرح و لا اى حاجة