دعوة للفهم وعدم التسرع
أولا أشكر كل من يتحدث عن ضم المدة وغيرها من الامور التى تكون فى الصالح العام ثانيا حدث فى وقت بعيد خلاف وتركت المكان هنا وما رجعنا الا للصالح العام برغم وجود شخصيات غير مرحب بها عندنا { وهم ليسوا من الادارة الان} لان الامر وضح بعد فترة ثالثا اصحاب الدعوات لرفع قضايا من أجل ضم المدة أحب ان اقول لكم 1 - مازال هناك بحث حتى الان مع التنظيم والادارة فى تطبيق الكتاب الدورى بشأن ضم خمس سنوات للمدة توضيح مهم لمن لا يعلم فى شيء اسمه قرار يصدر وكلنا نتوقع ان يطبق تانى يوم من اصدار القرار ولكن فى الدولاب الادارى الامر يختلف التنظيم والادارى تصدر الكتاب الدورى وبعد صدور الكتاب الدورى وخلال 6 أشهر تخرج اللائحة التنفيذية للكتاب الدورى لذلك فان ديوان عام المظالم بالازهر هو المخول ببحث هذه القضية والبت فيها وحتى الان لا نعلم وكذا الديوان لا يعلم هل ستضم المدة بالامر المباشر ام سيكون هناك اجراءات لضم المدة رابعا يعنى ايه ضم المدة انا عوزك تفرق بين أمرين ضم المدة الادبية وضم المدة المالية { المعاشات } المدة المالية تضم بدون خلاف ولا نقاش وقد ضمت لنا يعنى ال عاوز يحسب لنفسه هو هيشتغل فى الحكومة 36 سنه علشان يصل الى الحد لاخذ المعاش كامل يحسب من اول عقد ليه مش من التعيين المدة الادبية وهى المختلف عليها حتى الان ليه هل نحن نعامل بقانون 47 ام بقانون 156 { الكادر } هنا الخلاف لان الترقى فى الكادر يختلف عن الترقى فى قانون الدولة للعاملين وهستفيد ايه لو المدة انضمت أدبيا انهم هيحسبوا لينا المدة ال فاتت مدة عمل فعلى فنقدر نترقى بسرعة وناخد الدرجة التانية خلال سنتين { الدرجات موقوفة للازهر من مدة طويلة جدا } ازاى نكون اتثبتنا والدرجات موقوفه من زمان ده سؤال مهم هرد عليه فى المشاركة القادمة لانى للاسف الان لازم اقوم السلام عليكم |
و نحن منتظرين المشاركة القادمة
و جزاك الله خيرا و لكم يصيبني احباط كبير كلما اشاهد مناقشة قانون التعليم بالمراحل المختلفة و اليوم يناقش تعديل قانون الثانوية العامة ؟ على الرغم أنه كما نقول مجلس شعب اسلامي ، و اتوقع أن يكون عدد كبير منهم من خريجي الازهر متي سيتم مناقشة قانون استقلال الازهر بما فيها التعليم؟ أظن التعليم الازهري تدهور و ما زال ، حتى انه لا يعترف به ؟ كأن التعليم الازهري ليس له فائدة في الدولة ؟ و عدم اقبال الاباء على الازهر و تعليمه ؟ بل من يقدمون ما يلبثون أن يسحبوا ملفات ابنائهم بمجرد انتهائهم للمرحلة الابتدائية ؟ بل إن متوسط مستوى هؤلاء الطلاب من مرحلة الضعف الى مرحلة الانهيار !!!!!!!!!! و أظن أن اسباب ذلك واضحة جدا.... قضية التعليم الازهري تحبطني كلما أرى الاهتمام بالتعليم العام فقط...على الرغم أني احد خريجين التعليم العام نسأل الله ان يولي من يفهم؟ اما بشأن موضوع الضم فأتساءل ممن يصدر الامر المباشر بالضم أو من الذي سيحدد الاجراءات..هل التنظيم و الادارة ؟ أم شيخ الازهر بصفته الوظيفية المساوية لرئيس للوزراء ؟ |
اخوانى للعلم ده تسكين وليس تثبيت ولماذا يوجد فروق فى المرتب ما بين منطقه واخرى
افيدوانى افادكم الله وشكرا |
جزاك الله خيرا أخى الفاضل الأستاذ أحمد راشد
ونحن بالفعل نشتاق إلى موضوعات حضرتك القيمة |
استفسار من الاستاذ احمد راشد حضرتك بتقول ان المعشات مضمومه ازاى انا سالت فى التامنات لم اجد ولا حتى سنه متامن عليه
|
طيب كويس ان فيه حد فاهم و عملنا دعوه عشان يفهمنا ;)
|
اقتباس:
جزاكم الله خيرا على كل ما كتبت ولى رأى فى مناقشة قانون الازهر القانون لم يناقش حتى الان ونراهم يناقشون قانون التربية والتعليم جميل جدا ليه القانون لم يناقش لان نواب مجلس الشعب عارفين قيمة الازهر لانه يمثل للكل الخط الدفاعى الاخير فلايصح مناقشتة فى الفترة الراهنة خصوصا ان البابا شنودة توفى والنصارى فلت امرهم من يد الكنيسة فالامر فيه تعقيد كبير سياسيا ويدخل مصر فى انفاق مظلمة لذا اثروا عدم مناقشتة وانى اظن انهم لايرغبون فى مناقشتة لا لكونه غير مهم بل لانهم لايريدون المواجهة المباشرة مع المؤسسة الدينية هذه نظرتى لعدم مناقشة القانون الان أما عن اصدار الامر بضم المدة فهذا يخرج من الدولة ممثلة فى التنظيم والادارة وكن على وعى ان الازهر لا يتبع الدولة الا اداريا وفقط يعنى العاملين فيه يكونون تبع الهيكل التنظيمى للدولة اما ما يتبناه من أفكار واراء وغيرها من امور فهى تتبع المجمع واشكرك على كلامك الطيب |
اقتباس:
اخى الحبيب الفروق التى تكون فى المرتب الشامل { بعض البدلات تصرف فى مناطق دون الاخرى } موحد فى جميع المناطق الازهرية الا ان هناك بعض الموظفيين اصحاب الاختراعات { افتكاسات } فى فهم المنشور فتجد مثلا منشور 125 % بعض المناطق تم تطبيقة كامل والبعض الاخر لم يطبقة وبدأ يفصل ويفند ويخترع ويعك لحد ما اخترع انه فى ناس لا تستحق وناس تانية تاخد اقل من ناس ومن هنا يحدث الخلل فى مرتبات الموظفين فى المؤسسة الواحدة والحل بكل بساطة ان تكون على تواصل بين الناس فى جميع المناطق وتعرف المرتب ولو فى عجز عندك ممكن كلنا نساعد بعض وده مش كلام وخلاص الفيوم كان عندها مشكلة فى المرتب الاستاذ عيد { أبوزياد } اتصل بى وقالى كم المرتب قولت كذا قال عندنا اقل صورت ليه فيشة مرتب من عندنا ورفعتها ليه على الفيس اخدها وطلع المنطقة اتصل بى مره اخرى وفتح الاسبيكر وكلمت المسؤال ال هناك وسألنى الكل بيقبض زى بعضه ولا فى تفاوت جاوبت الراجل اقتنع وصرف للكل 125 % دائما كن على يقين انك الحجر الاقوى فى بناء الازهر |
اقتباس:
وجزاكم الله خيرا وبارك الله فيكم واعانكم على ما حملتم من مسؤولية |
اقتباس:
كلام حضرتك صحيح 100% لان الازهر مازال يسير على الطريقة القديمة وهى يتم حساب العاملين فى الازهر جملة واحد وليكن مثلا 200000 ويتم حساب معاشاتهم جملة وليكن 2 مليون متدفع جملة للتأمينات وده طبعا أكبر غلط ولكن أبشركم بانه تم استحداث قسم فى التعيينات بالازهر وهو لارشفت الاسماء كاملة وان يرسل لكل واحد ملف فيه رقم سجله ومدة عملة وما الى ذلك من بيانات الى التأمينات ويكون لكل واحد رقم تأمينى مختلف عن الاخر |
اقتباس:
لا اله الا انت سبحانك انى كنت من الظالمين لاتعليق |
باررررررررك الله فيك
|
ازاى نكون اتثبتنا والدرجات موقوفه من زمان أولا ازاى الدولة بتوزع الموازنة على المؤسسات التابعة لها بيكون فى هناك ابواب الانفاق باب للاجور باب للانشاءات باب لكذا باب لكذ ال يهمنى الان باب الاجور طبعا عارفين السلم الوظيفى الدرجة الاولى الدرجة التانية الى اخره بيتم حساب كام واحد على كل درجة وبيقبضوا خلال السنة كام تجمع كل درجة على حد ثم تجمع الدرجات كاملة ودى تبقا اسمها ميزانية الازهر مال الكلام والتثبيت أقولك لما قالوا ثبتوا الناس ال كانت متعاقدة المفروض كانوا يفتحوا باب الدرجات ويستحدثوا درجات مالية لينا لكن الوزير ربنا يسامحه قال لاء كل وزارة عندها درجات فاضية تسكن الناس عليها من الاخر { كل وزارة تكفى نفسها بنفسها } نحمد ربنا اننا فى الازهر ليه 1 باب التعيين مقفول من فترة ففى ناس كتير طلعت معاش 2 فى ناس أكتر واخدة اجازة بدون مرتب 3 فى ناس كتير فى الابتعاث فكل دى درجات فاضية الازهر كا بياخد فلوسها من الدولة ونسمع ان شيخ الازهر عمل فائض لموازنة الدولة كذا مليون من فين من الاموال دى وكمان من الجزاءات التى وقع على العاملين والحمد لله الدرجات ال كانت فاضية عند الازهر تكفى وتزيد عن المتعاقدين الذيت تم تسكينهم على درجات مالية ولكم منى جزيل الشكر |
اقتباس:
جزاكم الله خيرا |
أعتذر لك أخي الكريم ان كان كلامي قد سبب لك شيئا من الضيق و لكن ماقصدته أنه يوجد العديد من الأمور التي تدعو الي التخبط فأولا قلنا سيتم رفع دعوي قضائية لضم المدة السابقة ثم بعد ذلك فوجئنا بمن يتحدثون عن تقديم طلبات فهل مثلا سيتم تجميع الطلبات و ركنها حتي يتم البت في الموضوع
و شكرا علي كل معلومة كتبتها و بارك الله فيك |
اخى احمد جزيت خيرا كثيرا وبارك الله فيك
|
و الله اخي احمد موضوع يستحق فعلا الاهتمام
و أجمل ما فيه انك اعطيت بادرة امل لكن نسأل الله ان يكون كلامك حول الضم و الدرجات و الحوافز المختلفة حقيقة و واقعا ملموسا لكن ما يجعل الجميع يصاب بالاحباط هو التغير المتسارع في تطوير منظومة التعليم العام بما فيها الترقيات و حقوق المعلمين و ابنية التعليم و نظم الاختبارات و المناهج التعليمية و الازهر محلك سر فالكلام الذي اثرته ان كان يخص المعلم في مجمله لكن هناك ابعاد اخرى تجعل من التعليم الازهري بلا قوة أو قدرة وظيفية ، و اقسم لك ان بعض معلمي الازهر من زملائي سينقلون ابنائهم نهاية العام الحالي لأسباب عدة إذن هناك اخطاء واضحة و أسأل الله ان تكون للنقابة دور واضح في ذلك أما و اخيرا..أجد في بحر السواد نقط بيضاء تشع ضوءا خفيفا أمثالك ، واخرين فنحن في معهدنا نجتهد للوصول للجودة قدر الامكان ولكن نعاني من المسؤولين و لكن هذا لا يضعف عزيمتنا نحو التطور و اسمح لي اثبت الموضوع عشان تبقى دعوة عامة للفرح <<<<اقصد فرحك باذن الله:d:d |
بارك الله فيك ا / احمد
دائما مواضيعك تضيف لنا الجديد |
كعادتك دائما استاذ احمدفى طريقة عرضك للموضوعات فانااعتبرهذا الموضوع فرصة لتقريب وجهات النظر خاصة فى الفترة الاخيرة التخبط فى المعلومات اصبح واقعا فى يوميات المعلم الازهرى لما يلاقيه من تجاهل او من الحصول على ابسط حقوقه وهى الاعتراف به كائنا فعالا فى العملية التعليمية دمت معطاءاااااااومتميزا استاذ احمد جزاكم الله عنا خير الجزااااء |
اقتباس:
اعتذارك مقول وجزاكم الله خيرا على كل ما كتبت أشكرك |
اقتباس:
بارك الله فيك وجزاك الله خيرا وفيرا |
اقتباس:
بارك الله فيك وجزاك الله خيرا واشكرك على تثبيت الموضوع |
اقتباس:
جزاك الله خيرا وبارك الله فيك |
اقتباس:
دائما مرورك مميز اشكرك وبارك الله فيكى |
موضوع اكثر من رائع يا ابو حميد
جزاك الله خيرا |
اقتباس:
بارك الله فيك وجزاك الله خيرا |
السلام عليكم كتبت فى مشاركتى الاولى عن انه يتم بحث تطبيق ضم المدة والحمد لله لم ننتظر كثيرا الا وقد ظهر منشور ضم المدة وقد ثبت الاستاذ مصطفى الموضوع وكان من ضمن حيثيات التثبيت اننى امثل ـ على حد قوله ـ بصيص أمل وكان مقصدى من العنوان دعوة للفهم وعدم التسرع ان نسأل بروية ونعرف من اين تأكل الكتف لا كما فهم الاستاذ الفرماوى ـ اول الامر ـ اننى ادعى الفهم دون الاخرين ولكن المقصد ان نفهم سويا أما ما وصلنى عن موضوع ضم المدة فهو كالاتى 1 - تقديم طلب للمنطقة 2 - وركز هنا شوية تخصم مدة الثلاث سنوات التى بمقتضها تم تثبيتك 3 - تحسب المدة المتبقية كمدة أقدمية مالم يتضح امامى بعد هل هذا الفصل بين الثلاث سنوات وغيرها من السنوات على انها تحسب فترة معلم مساعد وما تبقا من المدة سيكون ضمن المدة المحتسبة من معلم على ان نكمل المدة ثم ننتقل الى معلم أول ام غير ذلك وما اعتقد به ان هناك من يسعى الى ان يأتى لنا بكل حق لنا مهما كان وان كان بطيئا بعض الشيء |
والله يا استاذنا انا بضم صوتي للاستاذ مصطفي اني حاسس ان فيه بصيص من الامل بعد ما قريت الموضوع بتاعك وده من خلال بعض الكلمات اللي في الموضوع بتاعك بس هل من الممكن تسمحلي اني اخد حق من حقوقي منك وده بناء على اننا اخوان في المنتدي وباء ان راس الموضوع (دعوة للفهم )
وبناء عليه انا احب حضرتك توضح اكتر في هذا الوضوع اللي ممكن يوفر كتير على زمايلنا في المنتدى التساؤلات التي يصعب الاجابة عليها ومن هذه التساؤلات التي اريد ان افهمها 1- هل لو تم ضم المدة السابقة هل العلاوات هترجع تاني زي ما كانت ولا هترجع على مربوط الدرجه؟ 2- ليه لما الازهر اتثبت اتثبتنا على قانون العاملين بادولة وليس على قانون الكادر 3- ليه من يوم ما امتحنا الكادر في 2009 لحد شهر 4/2011 لم يتم صؤف المرحلة الثانية من الكادر 4- مش المرتب بتاع كل منطقة المفروض انه يبقى موحد ؟ 5- هل في حاجه اسمها حافز اداء غير حافز اثابة وهل بيتطبق ولا لاء 6- يعني لو اتثبتنا هينضم لينا الخمس سنين اقدمية للمعاش (الجانب المالي ) واحتمال سنتين او 3 جانب ادبي الي هية الدرجات الثاثة والتانيو وهكذا 7-هل ممكن ان المدرسين في المناطق المختلفه اللي ليهم نفس المواصفات يتم توحيد الماليات والدرجات لديها؟ 8- تتوقع امتى حال الازهر هيتعدل ؟؟؟؟؟؟؟؟؟؟؟؟؟؟؟؟؟؟؟؟؟ اخوكم في الله محمد انور متثبت (مسابقة 2006)بس لسه ما جليش رقم القرار ولا قرار بالمعهد |
اناباحترمك يا استاذ احمد
|
اقتباس:
اقتباس:
أشكرك أخى الكريم على فهمك ووعيك وأرجو من الله ان أكون قد وفقت فى الرد وجزاكم الله عنا خيرا |
اقتباس:
وانا احترمك كثيرا اخى وقد تابعت حوارك ولكن بعد ان دخلت وجدت الموضوع اتحذف ولم اتابع تطورات الامور عامة انا اسعد بمعرفة حضرتك |
بارك الله فى كل من شارك او شاهد هذا الحوار |
(انا اختى محفظة قران ولما جه المرتب فى اول التعاقد كان بتاخد اجر محفظة وهى حاصلة على مؤهل عالى ازهرى روحت المنطقة وقدمت طلب وسوتها فى المرتب طبعا الموظف حب يعمل فيها انه ما ينفعش لما عرف انى فاهم وانه ده حقها وهو زى الباشا خلص الورق وكمان عملت ليها استمارة بصرف الشهور ال قبضتها ناقصه ولا فتح بقه بيحصل ان فى واحد يسمع كلمتين من موظف وتلاقيه فى قلب الكلام يرمى كلمة العقد هيتفسخ ال مش فاهم يقول ياحيط دارينى ويمشى وكأنه الحمد لله ربنا سترها وهو مش فاهم انه انضحك عليه )
متي قمت حضرتك بتقديم الطلب هل قبل التثبيت أم بعده |
اقتباس:
ده كان تانى شهر من التعاقد عام 2007 من مدة طويلة أشكرك وجزاك الله خيرا |
|
اقتباس:
يا أخوتى لو فى أى حد فيكم اشتغل فى مدارس قبل التعاقد او اشتغل فى الازهر بالحصة او فى مدرسة خاصة يحاول يجيب ما يثبت ذلك لضم المدة والله الموفق |
الف شكرررررررررررر انت فعلا من الشخصيات المحترمه يا استاذ احمد
|
اقتباس:
بارك الله فيك وأشكرك استاذ زيزو |
جزاك الله خيرا اخى احمد راشد
اخوك احمد زيدان دقهليه |
بارك الله فيك ا / احمد
دائما مواضيعك تضيف لنا الجديد واستفدنا كثيرااااااااا والله من موضوع حضرتك . حضرتك ذكرت أن من عمل فى مدارس خاصة قبل التعاقد يحضر مايفيد هل ينفع شهادة خبرة من هذه المدرسة ؟ ثانيا هل نبدأ فعلاً من بكره بعمل ورقة ضم المده وختمها من المعهد وهل هيتوقف درورنا علي تسليمها للمنطقه ولا احنا اللي هنبعتها مصر ؟ وجزاك الله كل خير |
يا جماعه المنشور بيتكلم عن ضم فترة الجيش والخدمه العامه واى مده عمل اخرى قبل التعاقد ومجبش سيره ضم فتره التعاقد نفسها
لو حد فاهم حاجه غير كده ممكن يفهمنا بالعقل والمنطق واظن ان لنا تجارب سعيده كلنا مع المنشورات العجيبه فى الازهر فياريت اللى فاهم يفهمنا لان لسه هيطلع عينا مع اداريين المعهد وكمان موظفى المنطقه |
المنشور ده بيتكلم عن ضم مده الجيش ومده الخدمه العسكريةواى مدد اخرى قبل التعاقد ومجبش سيره ضم فتره التعاقد نفسها
لوحد فاهم حاجه غير كده ياريت يفهمنا |
اقتباس:
انا بجد بشكرك على ردودك وبشراك باكلام الجميل بجد واللي بجد يستحق التثبيت ويكون اول واحد في التثبيت لاهميته لان كل واحد فينا محتاج انه يفهم عشان يستريح وانا الحمد لله فهمت لكن حافز الاداء احنا ما بناخدوش في الغربية احنا بنقبض 566ج بعد التثبيت بتاع شهر 9-2011 ومحسوبين (219 اساس +54 حوافز 25% + 91 كادر مرحلة اولي ع الاساسي القديم اللي هو 183 + 91 مرحلة تانية كادر + 164 باقي حافز الاثابة 75 % تكملة ال 200% + 42 ج علاوات بما فيهم العلاوة الاجتماعية + 10 ج منحة عيد العمال ) و يكون الاجمالي 676 ج نطرح منهم ( (تامينات 75 وتكافل 28ج ودمغه ونقابة وزمالة 7 ج) ويكون المتخصم 110 وكده احنا بنقبض 676 - 110 يساوي 566 جنية فين بقى 125 % حافز الاداء اللي سمعت من شهر حكومة الجنزوري بتقر صرفه لمعلمي الازهر؟؟؟؟؟؟؟؟؟؟؟؟؟؟؟؟؟؟؟؟؟ نرجوا التوضيح وهذا الخبر متعلق بمنطقة الغربية بالاضافه الى استفسار اخر فيه منشور قريته بصرف 50% كادر المعلم مرحله تانيه من شهر اكتوبر 2011 للي امتحن الكادر ؟ هل ده هناخده وللا ايه اللي هيحصل مع العلم ان احنا خدنا قبل كده حافز الاثابة تكمله ال 200% مجمعين سته اشهرمع بعض ثم شهر 1 و2 ثم 3 ممكن توضح سيادتك ان كان فيه 50% لللي امتحن الكادر من 10/2011 ولا لاء وشاككرين لسيادتكم حسن تعاونكم معنا ومع اعضاء المنتدى |
اقتباس:
بارك الله فيك يا شيخنا وانى لسعيد بمرورك انى احبك فى الله |
الفجر اوشك على الاذان فارجو من زملائى عدم الضيق على عدم الرد وان شاء الله سأرد عندما أجلس على الجهاز وانى لسعيد بما كتبتم بارك الله فيكم |
اقتباس:
وجزاكم الله الخير الوفير |
اقتباس:
اقتباس:
يا استاذ السيد ازاى ما جابش سيرة المدة ال قبل التعاقد طب أقرأ تانى كده https://fbcdn-sphotos-a.akamaihd.net...50132056_n.jpg المطلوب خدمة عملية قبل التعاقد يعنى هو معترف بالتعاقد هو بيقول لمعاليك لو أشتغلت كمان قبل العقد قول علشان نشوف المدة هتضاف ايه ولما جه يطلب المستندات قال جميع العقود يارب تكون المعلومة وصلت |
اقتباس:
أشكرك على ذوقك وكلام حضرتك تمام بس احنا لسه لم يصرف لنا المرحلة التانية من الكادر جزاك الله خيرا ونفع بك |
السلام عليكم
يوجد فى منشور ضم المده عبارة هى(خبره عمليه قبل التعيين بالتعاقد) هل معناها فترة التعاقد التى عملناها فى الازهر؟ ام معناها فترة عمل سابقه قبل التعاقد بالازهر؟ وهل ستضم المده التى عملناها فى الازهر ام لا؟ وهل ستضم المده التى عملناها بالازهر كاقدميه تفيد فى الترقى؟ ام انها معاشات فقط؟ ارجو منك اخى احمد ان ترد على تلك الاسيفسارات حتى يطمئن الجميع وبارك الله لنا فيك اخوك احمد زيدان دقهليه |
اقتباس:
فترة عمل قبل التعاقد اما ضمها كمدة تحسب من الدرجة فلا أعلم بعد الا ان القانون يعطى الحق فى ذلك اذا كانت الوظيفة هى نفس الوظيفة التى التثبيت عليها أما ان كان فى اى معاشات كانت تستقطع منك سواء كانت الوظيفة مماثلة ام لا فانها تضاف الى سنوات المعاش اشكرك وجزاك الله خيرا |
جميع الأوقات بتوقيت GMT +2. الساعة الآن 03:07 AM. |
Powered by vBulletin® Version 3.8.11
Copyright ©2000 - 2024, Jelsoft Enterprises Ltd.