|
أخر أخبار مدرسين الحصة بأسيوط
1 مرفق
بسم الله الرحمن الرحيم النهارده ياجماعه أنا روحت المديرية وقابلت وكيل الوزارة قالي أخر كلام انك تروح دلوقت التوجيه وتقلهم يعملولك عقد ولو حد اعترض تعالا اشتكيه وطلب من الموظف يديني صورة الفاكس اللي في المرفقات المهم أنا يدوب طلعت من عندو وراح التوجيه اتصلوا بيا بيقولولي تعالا علشان نعملك عقد وبلغ كل اللي تعرفهم علشان احنا مش معانا جميع التلفونات ونا ان شا الله بكرة رايح وهاخد معاي طبعا أصول الأوراق علشان اعمل العقد وتفاصيل العقد ده بتقول اننا نمضي العقد من النهارده ولكن نستلم الشغل من اول العام الدراسي الجديد وبيكون الشغل 8 حصص في الأسبوع نروح الأيام اللي فيها شغل بس ( زي مكنا شغالين بالحصة يعني ) والناس اللي اتعملها عقد من كام يوم يتم تخفيض عدد الحصص بتاعتهم الى 8 حصص يا مسهل ... دي خطوة برضو كويسة ومن يتق الله يجعل له مخرجا |
الف مبرررررررررررررروك لحضرتك
السلام عليكم ورحمه الله وبركاته
الف الف مبروك يارب يباركلكم وتكونوا فى احسن حال وعقبال العقد المميز والتثبيت فعلا انا سمعت الكلام ده النهاردة لانى كنت بحلص ورق البدل النقدى |
اقتباس:
|
يارجل ده كلام يفرح ...............6 سنوات بالحصة واحد زاى حلتى وبعد كدة بالحصة بردة بس اسمها عقد
|
ما يحدث فى كل المديريات التعليمية هو محاولات لجعل المعلمين التوقيع على عقود جديدة بشروط هى اقرب الى السخرة فى محاولة متعمدة لعدم تنفيذ القرار الوزارى رقم 75 لسنة 2011 الصادر من الدكتور احمد جمال الدين وزير التربية والتعليم ،موضحا ان توقيع المعلم الذى مضى على تعاقده ايا كان نوع التعاقد على عقد جديد يعنى انتهاء علاقته بالعمل وبداية علاقة جديدة مما يعنى ضياع حقه فى ثلاث سنوات من العمل او اكثر وهى الشرط الاساسى الذى نص عليه القرار75 للتثبيت على درجة معلم مساعد الى درجة معلم يتم التحايل على حقوق المعلمين المصريين الى هذا المستوى تدنى اسلوب ادارة العمل فى الوزارة التى من المفترض انها وزارة التربية بما تشمله الكلمة من معان للقيم والاخلاق وليس التحايل والالتفاف حول الحقوق الاجتماعية والاقتصادية والمهنية للمعلم المصرى.
|
وقال ايمن البيلى " وكيل النقابة المستقلة للمعلمين "ان عدم تنفيذ القرار 75 يعنى مخالفة واضحة لكافة المواثيق والمعاهدات الدولية الخاصة بحقوق العمل والتى وقعت عليها مصر و هذه الاتفاقيات تعد المرجعية القانونية التى نلجا اليها فى ظل غياب الدستور
واشار البيلى ان حكومة الدكتور عصام شرف حكومة الثورة تستمر فى الالتفاف والتلاعب بابناء مصر من المعلمين وعدم تنفيذ قرار وزاري اصدرته ويحدث فى كل المديريات التعليمية محاولات لجعل المعلمين التوقيع على عقود جديدة بشروط هى اقرب الى السخرة فى محاولة متعمدة لعدم تنفيذ القرار الوزارى رقم 75 لسنة 2011 الصادر من الدكتور احمد جمال الدين وزير التربية والتعليم ،موضحا ان توقيع المعلم الذى مضى على تعاقده ايا كان نوع التعاقد على عقد جديد يعنى انتهاء علاقته بالعمل وبداية علاقة جديدة مما يعنى ضياع حقه فى ثلاث سنوات من العمل او اكثر وهى الشرط الاساسى الذى نص عليه القرار75 للتثبيت على درجة معلم مساعد الى درجة معلم يتم التحايل على حقوق المعلمين المصريين الى هذا المستوى تدنى اسلوب ادارة العمل فى الوزارة التى من المفترض انها وزارة التربية بما تشمله الكلمة من معان للقيم والاخلاق وليس التحايل والالتفاف حول الحقوق الاجتماعية والاقتصادية والمهنية للمعلم المصرى. والله الكلام دة سبق وقولتة هنا فى المنتدى وسعتها محدش صدقنى |
ههههههههه
حسبنا الله ونعم الوكيل |
أنا قلت الكلام ده في موضوعي لو حضرتك متابعه
http://www.thanwya.com/vb/showthread...311119&page=11 وأرفقت كمان صورة الفاكس أو الإشارة اللي جت للمدارس بيه http://dc14.arabsh.com/i/03051/li5mm2343k33.jpg إزاي حضرتك ده كلام يفرح يعني مش فاهمة والله بقى اللي عملوا العقد بتاعنا ده يلغهولهم ويعملولهم عقد أقل سبحان الله العظيم مهازل والله مهازل والناس اللي كانت بتدي أكتر من 8 حصص ذنبها إيه تاخد 8 حصص والكل يبقى كدة ليه يعني؟؟؟ والله العظيم حاجة تجنن وتأكد الدنيا هتتهد تاني أصلي دول ناس بقر والله مابيفهموا وحسبي الله ونعم الوكيل |
نسأل الله السلامة
|
في شهر 7 المستخبي هيباااااااااااااااان
|
جماعة لى استفسار بعد اذنكم انا اشتغلت 6 سنين قبل كدة بالاجر وحاليا مش على راس العمل
ايه هيكون موقفنا بالظبط انا من محافظة القليوبية بس عاوز اطمن هل القرار محافظ ولا وزير يمكن يكون لينا امل للعودة للعمل |
ياأستاذ أحمد كل محافظة ماشية بدماغها والله المستعان
بس هو فيه حد من مدرسين الحصة أو المكافأة مضوا عندكوا أي عقود ولا حاجة؟؟ |
يا أستاذه أبرار التعاقدات الجديده دي نصب ومراوغه
وكون انكم مضتوها 5/2 خلينو موقفنا ( المنقطعين ) حرج لو كنا وقفنا ايد واحده منقطعين وعلى رأس العمل وطالبنا بتنفيذ قرار 75 أعتقد كان هيكون افضل انما الكل بيدور على مصلحتو ومفيش تنظيم ولا تآلف |
على العموم احنا دلوقت في أمر واقع وعلينا اننا نتعامل من خلالو
وفيه فكرة بنناقشها على الفيس بوك والناس كلها متشجعه ليها بالفكرة دي احنا هنتواصل أكتر وهيكون فيه شبه تآلف بين الجميع علشان نقدر نتفق على كل خطوة ممكن نقوم بيها وتكون في صالح الجميع وبتعبر عن الكل |
|
يا جماعة انا من رأي احسن حل انه يتعملنا عقد معلم مساعد لان هذا العقد مكافاة شاملة وانا متاكد من ده اما اذا عملولنا عقد
معلم مساعد بكده هيكون من حقنا خلال سنة نمتحن كادر ونتثبت رسمي وبالقانون |
علشان كدة احنا لازم نطالب بتنفيذ قرار 75 علشان القرار دة بيحفظ حقنا فى التثبيت
لان حسب نص القرار تثبيت من مر عليه 3 سنوات وعمل عقود مميزة لمن لم يكمل ال3 سنوات ثم تثبيتهم وبكدة نقدر ندخل اختبارات الاكاديمية اما العقود الاخرى لا تسمح لنا بدخول اختبارات الاكاديمية وبالتالى ضياع حقنا فى التعين |
لو بس نبقى كلنا ايد واحده
طيب مين يسمع يا رامي لما الناس كلها راحت مضت على التعاقدات الجديده وطارت وكأنهم اتعينو خلاص مفيش روح الجماعه |
طيب ياجماعة ياريت حد يقولنا نعمل ايه
|
ياأساتذة بس ثواني
حضراتكو أنا عن نفسي مضيت العقد وأنا مقتنعة بيه جدااااا لأني ماكملتش 3 سنين ومضيه على أساس هيحسبولنا اللي فات ولما نكمل 3 سنين بعد سنة هيثبتونا إنما لو كنت كملتهم لأ كنت هأعتبره إهانة الصراحة وماكنتش رضيت أمضي أو بعد شد وجذب كتير الصراحة بيني وبين نفسي لكن إتضح إن اللي كمل واللي ماكملش كله مضى العقد ده وللأسف مش هيتحسب اللي فات سواء كمل أو ماكملش مش هيحسب ال3 سنين إلا من تاريخ إمضاء العقد ده وبعدها هيثبتونا على إيه بقى الله أعلم؟؟؟ والله المستعان وأهو كله كلام والمفروض إن في شهر 7 الأوضاع كلها هتتغير عشان الحد الأدنى هيكون شكلنا ولا وضعنا إزاي ولا حد عارف حاجة ولا حد فاهم حاجة وكله الله ينور الواحد إتخنق |
عن نفسى لسه ما شوفتش العقد روحت التوجيه قالوا تعالى يوم السبت مع ان مدرسى الفصل واللغة العربية مضوا
انا اشتغلت 3 سنين وانقطعت اول السنة دى |
يعنى انا بعد ما كان جدولى 20 حصه فى الاسبوع هينزل ل8 حصص ايه التهريج ده
|
هو فعلاً تهريج والله انا كان جدول حصصى 24 وكده هينزلوا لــ 8 |
اقتباس:
|
اقتباس:
هما مش بيراضو حد على حساب حد هما بيحاولو يخرسو الجميع ان أمكن وعلشان يخلصو من وجع الدماغ واحنا كلنا اتضحك علينا بالعقد ده بس انا شربت العقد بمزاجي وعلى العموم هما برضو وضعوا نفسهم في مشكلة لسة مبعرفوش توابعها دلوقت وهي انهم بيوضوعونا كلنا في المدارس اللي هي الملعب الرئيسي يعني كده احنا تأثيرنا و كلمتنا وضغوطنا عليهم هتبقى أكتر وهتبقى ليها تأثير أكتر بس ان شاء الله مش هيكون على حساب العيال |
ياجماعة احنا فى اسيوط عايزين نجمع بعضنا
ونطالب كلنا بتنفيذ القرار 75 لان القرار دة هو الى هايحفظ حقوقنا كلنا سواء بالحصة وكمل ال3 سنين او بالحصة ومكملش ال3 سنين او حتى وكانوا منقطعين ورجعوا للعمل وضحكوا عليهم بال8 حصص يافرحتكم بال40 جنية الى هاتقبضوها لا برافوا عليهم عرفوا يضحكوا عليكم لان القرار75 دة هو الوحيد الى من خلالة هايكون لينا كلنا الحق فى التعين عارفين ازاى لان القرار75 دة بيقول ان يثبت الناس الى كملت ال3 سنين على معلم مساعد وعلى الدرجة (الثالثة )و يتعمل عقد معلم مساعد (مميز)من خلالة نقدر ندخل امتحان الاكاديمية ونتعين بعد نجاحنا فية لكن العقود الى منزلينها فى الادارة دة عقود ملهاش اى لازمة اسمها عقد مكافاة شاملة وبيقولوا اننا هانفصل كمان فى شهور الصيف يعنى ملكش الحق فى التعيين حتى بعد ال3 سنين و لا يمكنك من خلالة الدخول الى امتحان الاكاديمية وبالتالى ضياع حقك فى التعيين |
اقتباس:
هل انت فعلا مش على راس العمل السنة دى ونظام العقد ده ايه الخاص بالمنقطعين هل مميز ولا مكافاة شاملة ؟ |
اقتباس:
والله ده اللى مفروض يحصل .... وهأيحصل باذن الله ..... |
ربنا يصلح الحال
|
واضح كده يا جماعه اننا عمرنا مهنبقى ايد واحده
خصوصا ان العملية اصبحت جدال وحرب بين اللي كانو على رأس العمل واللي كانو منقطعين يبقى احنا نرضى بالواقع اللي اتفرض علينا ونعتبر ان دي خطوة مش بطالة لقدام ( مع اني ان معتبرها خطوة للخلف ) وأدينا بنعمل اللي علينا ونسيب الباقي على ربنا ومن يتق الله يجعل له مخرجا |
من قال ان النظام سقط المسؤلين هم المسؤليين صفوت النحاس يستيطع مراوغة 9 مليون و أكثر وزير المالية الى توسمنا فيه خيرا و انه جاء بالحل السحرى للبطالة استطاع ان يضحك على 8 مليون خريج قدموا اوراقهم و النتيجة لا جديد
بلد فيها محمود سعد ياخد 9 مليون فى السنة شغل ساعة و نص كل يوم و يوم . بلد فيها شيكابلا بيطلب 30مليون طي بما انا بلعب زي شيكابلا بلد فيها الممثلات تاخد ملايين هنقول اية هو انت مشربتش من نيلها و لا جربت تغنيلها انت اكيد فى مصر بجد يا مصر انتى قاسينا علينا اوى |
اقتباس:
|
كله خير طالما افتكروكم ومبروووووووووووووووووووووووووووووووووووك
|
يا استاذ انا المصري
بلاش انانية انت احسن منهم في ايه |
اقتباس:
ثانيا ايه فى كلامى حسس حضرتك انى شايف نفسى احسن منهم ارجو من حضرتك الرد |
مصيبتنا ان كل واحد بيفكر في نفسو حتى لو كان على حساب حد تاني
اقتباس:
باشا !!! أنا واحد من اللي انقطعو عن العمل حاولت السنادي بكل الطرق اني اخد جدول حصص معرفتش والله العظيم الموجه كان بيقولي " محجوزين " يعني كوسة وبجاحة يعني عدم الشغل مكنش بمزاجي وبعدين كلنا انقطعنا عن العمل هاتلي حد منقطعش عن العمل في الأجازة الفكرة في اللي قدر انو ياخد جدول حصص واللي مقدرش والكل مبيعتمدش على ال 80 جنيه الكل بيقلب رزقو في حاجة تاني ونتا عارف يعني المفروض الواحد ميفكرش في نفسو وبس ويختلق أسباب علشان يزيح بيها اللي قدامو ربنا يكرم الجميع ويهديهم ويرزقهم بالحلال |
لو سمحتو بس عندي استفسار
هو مين أول من أدخل الكوسه مصر ؟؟؟؟؟!!!! |
اقتباس:
وسلملي على البطيخ |
اقتباس:
|
نداء الى معلمى الحصة باسيوط لقد قررنا المطالبة بحقوقنا مثل باقى المحافظات وهى تنفيذ القرار 75 بتثبيت معلمى الحصة ممن مر عليهم 3 سنوات ونعمل عقود مميزة لمن لم يكمل 3 سنوات ثم تثبيتهم بعد اكمال ال3 سنوات فارجو من الجميع التجمع اامام مبنى المحافظة يوم الاربعاء لموافق 22/6/2011 الساعة 10صباحا امام مبنى محافظة اسيوط ومطالبته بتنفيذ القرار 75 مثل باقى المحافظين
|
الي متي التخاذل وتحمل الظلم والهوان يامعلمي الحصة باسيوط لو اننا وقفنا وقفة رجل واحد في وجة هذا المحافظ المتقاعس عن تنفيذ قرار تثبيتنا اعدكم ان نحصل علي هذا الحق في اقا من 48 ساعة المهم ان نكون يدا واحدة ومطالبنا واحدة لا مساوة عليها
موعدنا غدا الاربعاء 23/6/2011 من الساعة السادسة صباحا وحتي تتحقق مطالبنا امام مبني المحافظة وثقوا بالله اولا واخيرا وبأن الحق لا يضيع طالما ان ورائة من يطالب بة مطلبنا الوحيد : ليس اسقاط النظام لان النظام الفاسد سقط بالفعل ولكن اسقاط السياسة التي كان يتبعها النظام الفاسد وهي المماطلة في تنفيذ الوعود والقرارات مطلببنا الوحيد :تنفيذ قرار وزير التعليم بتثبيت معلمي الحصة ممن مضي عليهم ثلاث سنوات وعمل عقود لمن لم يكمل الثلاث سنوات حتي يستكملها ثم تثبيتة |
شباب الثورة في ايام قليلة لكن بالعزيمة والاصرار اطاحوا بالنظام الفاسد الذي دام لاكثر من ثلاثين عاما ما ان لنا ان ننتهج نهجم لنطيح بكل من يقف في طريق ان نعيش حياة كريمة وهم بالنسبة للطغاة التي اطاحت بهم الثورة حشرات صغيرة يعني العملية ساهلة جدا مش هاتستغرق اقل من يوم او يومين متواصلين ابدا بنفسك واجمع زمايلك واصاحبك واقاربك و جيرانك وطلابك وكل من يساندك في المطالبة بحقوقك ونتجمع غدا الخميس 23/6/2011امام مبني محافظة اسيوط للمطالبة بتنفيذ قرار الوزير بتثبيت العاملين بالحصة الاذين مضي عليهم ثلاث سنوات فوراوعمل عقود لمن لم يكل الثلاث سنوات حتي يستكملها ثم تثبيتة
|
غد االخميس 23/6/2011 الساعة 10 صباحا وقفه احتجاجيه اخرى امام مبنى محافظه اسيوط حيث تتزامن مع وجود رئيس الوزراء شرف فى اسيوط ياريت كل معلمى الحصه فى جميع التخصصات ينضموا لينا للمطالبه بحقوقهم فى تنفيذ قرار 75 وده رابط اليوم السابع اللى موجود فيه خبر وقفة النهارده
http://www.youm7.com/News.asp?NewsID...=296&IssueID=0 ياجماعة صوتنا ابتدى يوصل بس المهم بكرة نكمل ونجمع اكبر عدد معانا ياريت نبلغ كل معلمى الحصة فى كافة التخصصات وكل الادارات ونجيب اصحابنا واخواتنا علشان نطالب بحقوقنا فلا ضاع حق ورائه مطالب فوقوا يامعلمى الحصة باسيوط وكافة مراكزها القرار 75 اللى مش عايز وكيل الوزارة ومحافظ اسيوط ينفذة اتنفذ فى 11 محافظة وانتوا نايمين فى العسل واذا لم يستجيب محافظ اسيوط ووكيل الوزارة سوف نعتصم تانى ومش هانسكت على حقنا فى تنفيذ القرار 75 واذا لم يستجيب محافظ اسيوط ووكيل الوزارة ابراهيم موافى سوف نطالب باقالتهم |
|
ياريت يابو منة تبلغ اكبر عددمن زملائنا
|
ببلغ كل اللي أعرفهم
مع ان للأسف فيه ناس متستاهلش اللي بيتعملها فيه ناس تقولي ياعمي اللي موجود هناك يسد وأها لو فيه حاجة هتبقى للكل المفروض الواحد طلاما فاضي او يقدر يفضي نفسو ميتأخرش عن حاجة زي دي فيها مصلحتو ومصلحة الجميع اللي مراحش التحرير لمجرد الكسل .. ندم جدا ان هو مراحش وربنا يصلح حال الجميع |
بكرة ان شاء الله فيه وقفه في المديرية وقدام مبني المحافظه لمدرسين الحصة عاوزين القرار 75 يتنفذ
|
يااااااااااا رب
ياريت محدش يتخازل عن الحضور وكل اللي يعرف حد يبلغو http://a1.sphotos.ak.fbcdn.net/hphot..._2087341_n.jpg |
هو الميعاد امتة بالضبط 28/3/2011 ولا 28/6/2011 ارجو التوضيح
|
هههههههههههههههههههههههه
28/6/2011 مـ خطأ غير مقصود |
| جميع الأوقات بتوقيت GMT +2. الساعة الآن 08:23 AM. |
Powered by vBulletin® Version 3.8.11
Copyright ©2000 - 2024, Jelsoft Enterprises Ltd.