جميع شرائح سكشن مراجعه الهستولوجي 2010 - لاعدادي اسنان المنيا
 

رااااااااااااائع
ربنا يبارك فيك يا دكتور عبدو ويا دكتور مصطفى
وهى اكيد حلوة من قبل ما احملها
http://islamroses.com/zeenah_images/32.gif

ماشاء الله علي حضراتكو يادكاترة بجد
ربنا يكرمكم يارب
جاري التحميل واكيد زي ماقالت الدكتورة افنان
حلوة من قبل مانشوفها
ربنا يجعل كل حاجة هنستفيدها في ميزان حسناتكم يارب

ربنا يبارك فيكم يارب
انا كان معايا شوية شرايح والدكتور مصطفى والدكتورة نو واى قالولى على طريقة التنزيل بتعاتها وانا كنت بحاول
بس الحمد لله ان انا منزلتهاش علشان دى بالنسبة للحضارتكوا عملينه لعب عيال
يعنى ده شغل جامد احنا منقدرش عليه
بجد ربنا يكرمكوا

شكر يا دكتوره وان شاء الله اللي جاي اكتر واي حد عنده اي استفسار عن اي حاجه في الشرايح انا ومصطفى تحت امره

الف شكر يا دكتورة

بس برده مستنين رايكوا بعد ما تشوفوا الاسطوانة .. وجزاك الله خير


-----------------------
اميـن يارب .. والف شكر لحضرتك ..

---------------
ربنا يكرمك يا دكتورة ..

بس لو حضرتك او اي حد كان حط الشرايح كنا هنضمهم للاسطوانة دي ..

وبرده كان هيبقى شغل جامد بردوه .. وربنا يجزيك كل خير وكفاية النية ..

ولو في اي استفسارات .. احنا موجودين باذن الله ..

وشكرا ..

يا جماعة لو في اي مشاكل ف تحميل الاسطوانة .. حد يقول .. نرفعهم على موقع تاني ..

لاني ملاحظ انه في اعضاء كتير بدات تشتكي من موقع الـMedia Fire ..

ومش عارف السبب اية .. احنا بنرفع عليه علشان سريع جدا ( سواء ف الرفع او التحميل )

لكن في مواقع تانية ممكن نرفع عليها .. كويسة جدا برده ..

وشكـــرا ..

اكيد طبعا مجهودكم رائع وربنا يوفقكم ويوفقنا والصور فعلا هايله وشكرا ليكم كلكم

شكرا يا دكتوره وان شاء الله انا ومصطفى ها نجبلكم احسن حاجه دايما بس مستنين ردودكم ودعواتكم

يا جماعه فعلا التحميل بطئ جدا مش ممكن يعنى

لأ يا دكتور والله بالعكس الموقع كويس جدا وبالنسبة ليا مخدش اكتر من عشر دقايق تحميل
وبعدان احنا مش عايزين نتعب حضارتكوا تانى معانا:p

ازيكوا يا دكاترة وازى المذاكرة معاكوا
هو فى حد راح الكلية انهرده
هو تقريبا كده محدش هيروح الاسبوع ده ولا الاسبوع ال بعده الا بس على مواعيد السكاشن صح؟

ألف شكر ليكم يادكتور عبده انت ودكتور مصطفى على هذا المجهود الرائع وإن شاء الله ربنا يجازيكم عليه أكبر ثواب مادمتم اخلصتم النيه لله وشكرا.........................:friendsxs3:

thanks to you dr.abdoo and you dr.mostafa

يا devotion احنا رفعنا الشرايح على اسرع رابط اكيد في مشكله عندك في النت
ولو ما اتحملش احنا ممكن نرفعهم تاني تحت امرك

لا انا ما رحتش وما اعتقدش حد راح والاسبوع الجاي مفيش غير محاضره د0 ايمان السبت وانا عن نفسي معنديش حاجه لحد يوم الاربعاء

والله يا دكتورة حضرتك معتقدش انه فى موقع اسرع من الميديا فاير ف التحميل ..

واحنا اخترناه علشان كدة .. احتمال يكون العيب من الجهاز او النت عندك

لانه الدكتورة سمايلي حملته ف 10 دقايق .. !

ولو في اي استفسارات تانية ...... :bosyht9:

------------------------------------------------

ربنا يجزيك كل خير .. و يرزقنا الاخلاص دايما يارب

والف شكر ليك يا محمد .. وانتا برده ساعدتنا ف التصوير .. :d

الفف شكر ليك وربنا يوفقك .. :) .. دعواتك

طيب هو فى حد هيروح محاضرة الدكتورة ايمان بتاعت يوم السبت

اه جميلة واتحملت بسرعة خالص
بس بجد تسلم ايدكوا
شغل رائع رائع رائع رائع رائع
وجزاك مثله

اه يا جماعة لو حد عايز يشترى ضفدعة هيلاقيها عند عم رمضان فى مركز الحاسب الالى فى الجامعة

اه بس ها نخدها معانا البيت ازاي وها نخدرها ازاي دي

عادى ممكن تشرحها فى المعمل والمحضر هيخدرهالك
وممكن تاخدها البيت وتحط عليها شوية سبرتو ابيض فى علبة وتغطيها 5 دقايق كدة وهتلاقيها اتخدرت
وممكن تخلى المعيدة تشرحها معاك

او ممكن تخبط راسها ف اي حاجة .. ف الحوض ، ف الباب :friendsxs3:.. وتشتغل مع نفسك بقى .. :d

بس هنثبتها فين بقى .. !! :o

ههههههه ممكن برده
لو على التثبيت فسهلة لو مش عندك طبق تشريح
خلاص ممكن تثبتها فى كرتونة
ولو مش عاييزين تشرحوا عادى
بس انا حبيت اعرفكوا يعنى

شكرا خالص يادكتور افنان
انا كنت شايله اوي هم حكايه الاورده والشرايين دول كنت عايزة اشوفهم تاني
كنت عايزة المعيده تشرحها معايا
بس المشكله مش حاساها طيفه اوي ان كل واحده تروح هي وصاحبتها او وحدها بس
ف ممكن نتفق ع وقت محدد (البنات) نشتري الضفادع ونشرحها ف المعمل ونسأل المعيده ع اللي عاوزينه مرة واحده
ها ايه رأيكم ف الفكرة دي:078111rg3:

:blush:الله عليك تسلم رجليك يا كبير:022yb4:

يا جماعة هو يوم السبت حد هيدينا محاضرات غير دكتورة ايمان؟

تسلمى يا سكر :d
اه هو انتى الاحسن ان تجمعى كذا بنت
هو احنا كنا 6 رحنلها وبعد كدة جات طلبة تانى وهى بتشرحلنا
يالا ربنا معاكوا:)

شكرا
 

جزاك الله كل خير

هو بالنسبه لحوار التخدير فزى ماقالت افنان بالسبرتو والحكايه مش صعبه خالص وطبق التشريح احنا جبنا شمع وسخناه وحطيناه فى طبق واسع حبه وكان تمام وشغال بس هو الموضوع مفرقش كتير مش ضرورى انك تجيب اصلا

جزززززااااااااااااااااااااكم كل خير و بدل الله مجهودكم حسنات


افنااااااااان مش حلو لما كان عددنا كبير
يا دوكتورة روحي انتي و صاحبتك و جربي شوفي المعيدة عندها استعداد ولا

لا لا ازاي .. :bosyht9:

دا احنا رايحين يوم السبت مخصوص ان شاء الله علشان نجيب كام ضفدعة نفتري عليهم :angry2:

بس يارب نلاقي ..

هوا ف اخبار انه الجهاز الشرياني اتلغى ع الدفعة كلها .. الكلام دا صح .. ؟؟

لان اللى اعرفه ان اتلغى ع اللى السكاشن اللى ما اشتغلتهوش ..

لو حد عنده اي اخبار ياريت يسال ويتاكد ويقول ..


-------------------

الاسبوع كله مفيش فيه الا محاضرة د.ايمان .. :)

---------------

تسلم يا زميــل .. :022yb4:

------------------


لا هوا ممكن كرتونة او فلينة او اي حاجة تأدي الغرض .. حتى ان شاءالله اربعة يمسكوها والخامس يشرح :av4056bb7jp3:

بس انا اهم حاجة تيجي الضفادع .. ونفهم عليها .. وربنا يسهل .. :d

صح الاسطوانة اتحملت ولا لاء يا دكتورة :bosyht9:


---------------------------


وجزاكم الله مثله ،، :)

-------------------

امين امين يارب .. وجزاكم الله كل خير

------------------

ألف شكر ليكو ياجماعة وان شاء الله ربنا يقدرنا ونردهالكو فى الافراح وفى كل وقت انشاء الله

احنا سالنا دكتور ضياء وقال ان اللى خد الجهاز الشريانى هيسال فيه
هو بالنسبة لينا الدكتور شرحه بس احنا ملحقناش نشرح عشان الوقت كان خلص فقال برده هنسال فية طالما اتشرح
فحكاية انه اتلغى على كل السكاشن ده مش صح

شكرا
اه فعلا

على فكرة احنا كده اتظلمنا مرتين اولا هنمتحن الهستولوجى بعد كده الانتومى وكمان الجهاز الشريانى علينا ايه الهنا ده

كل ده علشان نشرح الضفدعه طيب هوه مين من الدكاتره ممكن تشرحلنا ولا كلهم عادي
طيب انا اعمل ايه عندي امتحان الهستولوجي وبعديه الانتومي على طول

ايوه والله يا دكتور معاك حق
بس احنا امتحان الهستولوجى الاحد والانتومى الاتنين :(
بس الجهاز الشريانى علينا زيكوا يعنى ده لوحده اكبر ظلم يعنى يأما يخلوه علينا كلنا يأما يحذفوه من علينا كلنا
لكن سكشن اه وسكشن لأ ده مينفعش خالص:angry2:

بصراحة كل المعيدين بتوع الانتومى كويسين حضرتك هات الضفدعة وخد معاك مجموعة يكونوا ضايعين كده مثل حالتنا وروح للدكاترة اقولهم وال فاضى منهم هيشرحلكم بس المهم متروحش لوحدك علشان لو الدكتورة شافتك لوحدك هتنفضلك لكن لما تكونوا مجموعة هتجبروها على الشرح

يعنى الامتحانين ورا بعض على طول فى نفس اليوم ولا يومين ورا بعض

بالنسبة ل الشرياني ف مش في و لا سكشن لحق يشتغله لان المعيدين اشتغلوا طول السكشن شرح ع عيناتهم بس ال هيتلغي بالفعل العصبي بس :bosyht9:

و دكتور ضياء قال انا بعرف اللي اتظلم ف الوقت من اللي مش كان بيحضر اصلا :)
بس هو ساعتين هيكفي اننا نشرح و نرسم الجهاز و نتعرف ع العظم و دكتور ضياء يسألنا كمان:blink::wacko:

السلام عليكم..... ازيكوا يا دكاترة وخاصة devotion_mony وكل طلبة سيكشن2 ..... وعاملة ايه يا حاجة افنان وانت يا حاجة اسراء كنتوا مخنوقين جداجداجدايوم الاربعاء:mad: ودكتورة سمايلى اخبارها ايه مع الضفدعة؟
اولا....شكرا جدا للدكاترة اللى نزلوا الشرايح بجد ممتازة
ثانيا.....بالنسبة لموضوع الجهاز الشريانى,احنا من ضمن السكاشن اللى مشرحتش الجهاز فسألت دكتور ضياء على الموضوع ده قال طالما ان الجهاز اتشرحلك مع المعيد انت مسئول عنه بالكامل مش مهم بقى انت شرحته ولا لأ الضفدعة كانت كبيرة كانت صغيرة مش قضيته وقال برضه انه هيجتمع مع المعيدين وهيشوف الموضوع ده ...يعنى لو جالك تشريح جهاز صعب هيبقى سؤالك سهل والعكس
ثالثا.....يادكاترة لوحد يعرف امتحان الفيزياء العملى امتى ياريت يقولى
and ...to avnan,smiley and esra2... see you tomorrow
BEY FOR NOW:078111rg3:

الحمد لله زى الفل ده احنا امبارح كنا بنلعب استغماية مع بعض بس الحمد لله لاقتها :022yb4:
لانها لو كانت ضاعت فى البيت كان زمانى انا وهى بايتين فى الشارع:friendsxs3:

عرفتى تطلعى الشرايين والاوردة عليها ولا ايه؟
على فكرة الضفدعة اللىكانت معايا كانت جامدة جدا كل حاجة كلنت واضحة عليها

دا انا كنت جايبة اخري و ربنا احنا مالنا بالضفادع بس هههههههه
و اللي حصل ف الجامعة كمان كل م افتكرهه:stickjo4:
يللا ما علينا بالنسبة لامتحان الفيزيا ف هيبدأ ب أول سكشن ف الاسبوع بعد الجاي يعني مثلا سكشن واحد هيمتحن الاتنين بعد الجاي و ربنا يسترررررررررررر:)
c u ya monte 2morrow

اه صحيح انا هجيب بكره كام ضفدعة كمان بس مش من الجامعة عشان الكائن دا جاب اخره معايا ههههههههه :p

يعنى........... فى حاجات عرفتها وفى حاجات معرفتهاش
احنا عايزين نكرر ال عملناه تانى يوم الاربعاء علشان فى حاجات عاوزة اسئلكوا عليها ضرورى

هتجبيها مننان ملناش مكان تانى غير الجامعة
اه عرفت
ممكن يكون عم .....هيجبهالك

صح الاسطوانة اتحملت ولا لاء يا دكتورة :bosyht9:



اه اتحملت يا دكتور تسلم وبجد جامده جدا

اه للاسف من 8 ل 10 هستولوجي ومن 10 ل 12 انتومي
احنا ما شرحناش الجهاز ولا المعيده حتى شرحته يعني ما شفناش حاجه خالص
طيب الحمد لله كويس انها عجبتكوا

لأ السكاشن اللى مشرحتش ولا المعيد شرح الجهاز معاهم اكيد لهم وضع تانى بس ياريت تبلغوا دكتور ضياء بالموضوع ده السكشن بتاعنا برضه فى نفس الحدوتة بس مع الجهاز العصبى