![]() |
يا ناس يا رايحة تانية ثانوى
بسم الله الرحمن الرحيم سلام عليكم و رحمة الله و بركاته أعرفكم الأول بنفسى طالب خلص المرحلة التانية و داخل هندسة إن شاء الله يعنى أكبر منكم بسنة وحيدة (متنسوش مخدتش سته ابتدائى) المهم كنت عرضت عليكم عرض و محدش رد نعيده تانى مفيش مشاكل خالص حد عنده مشاكل فى النحو و الصرف إن شاء الله نخدمه فيها و فيه فكرة عرضتها عليكم تحبوا نعمل كورس للنحو خلال الأجازة ده عشان إن شاء الله توفروا وقت مذاكرته من جديد فى السنتين الجايين طبعًا مش دلوقت الأجازة لسة فى أولها بس دلوقت بنعرض الفكرة و نشوف ردود أفعال الطلبة و إن شاء الله إذا لاقت الفكرة استحسانكم نبقى نلملم أوراقنا و نبدأ معاكم من الصفر و لما أقول من الصفر يبقى إن شاء الله من الصفر و ربنا يسهل و نوصل لآخر حاجة فى نحو الثانوى فى أقصر وقت يلا مستنين التأييدات أو المعارضات |
اويد ان شاء الله
بانتظار باقى الردود بس على فكرة انا قدك يعنى اصلى داخلة ابتدائى عندى 7 سنين و الحمد لله المهم جزاك الله خيرا على فكرتك الطيبة |
اقتباس:
و جزانا و إياكم و منتظرين باقى الردود |
السلام عليكم و رحمة الله و بركاته
أنا موافقه على هذا العرض و أنا رايحة تانية ثانوى و من فضلك بسرعة و شكرا على هذا العرض الرائع |
هي فكره حلوه يا عبد الرحمن لطلبه الثانويه العامه وفعلا هتوفر وقت جامد وعارف كمان لو يحاولوا يقراوا القصه شفوي في الاجازه كاي كتاب عادي هيدخلوا تانيه مش عايزين حاجه في العربي نهائي خصوصا ان المدرسين لايقراون القصه بل يعطون الاسئله فقط
|
اقتباس:
ربنا يسهل و نبدأ فى أقرب فرصة اقتباس:
المهم نخلص النحو الأول و اللى يحب يقرأ القصة ماشى مفيش مشاكل و ممكن ينزلوا مسلسل الأيام و يشوفوه هيخلى القصة لما يجوا يقروها مترابطة جدًا و هى محتاجة الترابط ده أوى ايه رأيك فى الفكرة ده هنضرب كام عصفور بحجر شوف كده |
انا مواااااااااااااااافقة بشده وياريت تقول لنا هنبدا امتى
|
انا كمان موافقه جداااااااااااااااا
ودى فكره حلوه اوى وهتساعدنا كتير بس يا ريت نبدأ بسرعه |
فكرة حلوة
ربنا يجازيك عليها خير ويستفيد بيها اللى رايحين 2 ثانوى ان شاء الله انا الحمد لله ودعت النحو للابد اى نعم كان الفرع الوحيد اللى بقبله ف العربى بس يلا الحمد لله خلصت منه |
اقتباس:
اقتباس:
اقتباس:
و ناس معاه العكس هو الصحيح بس ده فى تالتة ،أما تانية فمنهجها فى العربى حلو و روايتها أحلى رواية درستها منتظرين باقى الردود |
اقتباس:
اولا بحب اشكرك على روح التعاون الجميله دى ثانيا ربنا يوفقك باذن الله فى الهندسه وتبقى مهندس كبير اوى اوى ثالثا اه انا برضه رايح تانيه ثانوى وحلوه اوى الفكره دى ومفيده وعلى الفكره النحو حلو هو والبلاغه واعتقد انهم سهلين بس محتاجين تركيز وحفظ قواعد ربنا معانا خلاص اعتمد على ربنا وعليك فى الحكايه دى بقى ههههههههه |
اقتباس:
ثانيًا الله يخليك و هنحاول نعمل اللى علينا و إن شاء الله ربنا يجيب اللى فيه النصيب ثالثًا ربنا يوفقك فى تانية و تالتة و الفكرة مش مشكلة المهم التنفيذ يا مسهل سهل النحو و البلاغة حلوين فعلاً بس لما تدخل تانية هتكون احتمال نسيت النحو و لمّا تدخل تالتة هتاخد كتاب النحو و الصرف كله تقريبًا اللى استلمتوه مع المعجم حبيبى اعتمادك على ربنا ثم على الكورس شىء يشرفنى بس متنساش تعتمد على نفسك فى نهاية المطاف |
ياااه لو تعرف انا بكره الاعراب قد ايه مش هتصدق
منه لله اللى عقدنى فيه والله كنت بحبه اوووى بس المدرسين بتوعى مش مبطلين فزلكة لدرجة والله تقريبا نسونى 80 % من الاعراب عشان كدا كنت ف الاجازة عايز المه بس انت عارف بقى المشاغل بجد انت لو بدات ف الكورسات دى والله هتكسب فيا ثواب كبير ومتابع معاك وإن شاء الله هكون اول الحاضرين معاك |
اقتباس:
عمومًا إن شاء الله نبدأ فى آخر الأسبوع الجاى لو تحبوا أو بعدها المهم بعد يوم الاتنين اللى بعد اللى جاى هكون مستعد إن شاء الله شوفوا أنتم هتبقوا مستعدين امتى منتظر ردكم |
فكرة جميلة جدا يا عبد الرحمن
و ان شاء الله في حالة عاوز شخص معاك فأنا موجود بجد مبادرة طيبة منك و بانتظار التنفيذ |
طبعًا مش دلوقت الأجازة لسة فى أولها بس دلوقت بنعرض الفكرة و نشوف ردود أفعال الطلبة
:p:p:p:p أولها ايه بس ده أنا هبدأ دروس كمان 5 أيام :mad: بس جميله فكرة الموضوع ان شاء الله هحاول اتابع |
قعلا هى فكرة جميلة هو انا خلصت ثانوية عامةبس بجد الفكرة دى هتساعدكوا اوى كمان انتوا ممكن تكونوا فاكرين شوية من نحو اولى ثانوى فالموضوع دة هيبقى جامد جدا بالنسبة ليكم وهتوفروا وقت كتير وبدل ماتعدوا تفهموا الدرس لسة هيبقى الموضوع كلة تمارين علشان تاخد خبرة الاسئلة بتيجى ازاى بس
وخصوصا ان فى ناس كتير عندها مشكلة فى النحو وانا كنت واحدة من الناس دى بس الحمدلله ربنا ستر :d بجد ياجماعه انا بتمنى من كل حد داخل 2 ثانوى ياريت تاخد الموضوع بجد واهم حاجه انك تكون محدد هدفك وعارف انت عايز اية علشان ماتهوش وسط زحمه الكليات والتخصصات المختلفه بجد انا مش عايزة حد يغلط غلطتى ويسيب نفسه للظروف لازم تحدد هدفك بجد وتمشى فى طريقه باصرار وعزيمة جامدة جدااا وتحاول توصلة مهما كانت العواقب اللى هتقبلك وماحدش يخاف ابدا من الثانويه العامه الموضوع بسيط جدا بس انت ذاكر واعمل اللى عليك وربنا ان شاء الله هيوصلك للى بتتمناه ولازم نفتكر حاجه كويس اوى ونخليها فى دماغنا كل مانيجى نذاكر والحاجه دى هى ((حب ماتعمل لكى تعمل ما تحب ))لازم تحاولوا تحبوا المذاكره ولازم تبذلوا اقصى جهد عندكوا علشان مش بعد ماتخلصوا النتين على خير ان شاء الله تندموا وتقولوا انا نفسى الثانوى يرجع تانى خلاص ده دلوقتى بقى امر واقع عليك ولازم تحاول تاقلم نفسك عليه وتعمل اللى تقدر عليه علشان تحبه انا اسفه خرجت عن الموضوع شويه بس بجد انا حبيت انصح اى حد داخل 2 ثانوى علشان مش عايزه يغلط غلطتى وياجماعه انا بجد وانا فى اولى كنت بستهون بموضوع الهدف ده بس دلوقتى انا عرفت قيمته وعرفت اد ايه الموضوع ده مهم ويستحق فعلا انك تعد مع نفسك وتحدد انت عايز ايه وبتدرس وبتتعب علشان توصل لاية بالظبط |
طول عمرك خدوم يا عبده
معاك بإذن الله للمساعده بس يا رب الزهايمر ما يشتغلش |
اقتباس:
أخيرًا يا راجل غيرت الاسم و خليته فريحى الحمد لله أحمدك يا رب بجد لو عاوز تشرف و تشاركنا فمقدرش أقولك لأ أنت الكل فى الكل هى مبادرة و مجرد فكرة لسة بقى مستنيينك تشارك و تخليها حقيقة بس ايه الله مخليك فرحان ؟ فرحنا معاك يا دوكتر اقتباس:
عندنا هنا بنبدأ الدروس متأخر معلش بقى فرق التوقيت و عمومًا المتابعة مش هتخسرك حاجة اقتباس:
مع إن الكلام مش ليا بس يا جماعة ده بجد خلاصة الكلام اللى المدرسين هيرغوه لكم فى السنة الجاية و بيقولوا اسأل مجرب و لا تسأل طبيب اقتباس:
و لا خدوم و لا حاجة ده شىء عادى بالنسبة للى استفدناه من الموقع و لا هنبقى ناكل و ننكر !!! تشرفى يا نسر و إن شاء الله زهايمر الثانوية ده راح لحاله لسة فيه زهايمر الكلية ^___^ أى حد يحب يشارك فى انجاز المشروع يرسل لى رسالة خاصة أما بالنسبة لسميل و جولدين إيجل هبعتلهم بالتوفيق آخرة و دنيا للجميع |
اقتباس:
شئ غريب ان انا غيرت اسمي .. صدقني مغيره عشان خاطرك شفت بقي غلاوتك عندي أد ايه الحكاية بس اني هاكتب تنسيقي دلوقتي فبأحاول اعمل بالمقولة ( تفائلوا بالخير تجدوه ) ان شاء الله هنبقي نتفاهم سوا انا و انت و مصطفي علي موضوع الكورسات دي |
انا طبعا دايس معاكم
ياريت بقى التفاعل من باقى الطلبة |
شىء جميل فعلاً و مبادرة طيبة منكم و يا ريت تبدأوا من دلوقتى و أنا معاكم بإذن الله على قد مقدرتى و ربنا يكرمكم و يوفقكم بإذن الله |
اقتباس:
لسة حالا كنت جاي انشطه بالفعل تم التجهيز لأول دروس و حاليا يتم الاعداد مع ادارة المنتدي ان شاء الله الاسبوع القادم هيبقي كله تمام |
اقتباس:
مشكووووووووووووور تقبل مرورى |
يا مان كلنا معاك
والله بجد انا ضايع جدا في النحو والصرف والكلام دة يلا ربنا معاك وتقبل مروري |
الصراحة الفكرة جميلة
و انا مؤيد ليها و انا بقترح ايضا اننا نحظف سورة الكهف لانها مقررة علينا في الدين و نحفظها بدل ما احنا فاضيين |
دايما كده ياعبده جميل جدا ومهذب عشان بقى مش تقول عليا بكاش
المهم معاك ياعبده فى الفكرة وممكن كمان جريمر الانجليزى كده هيكون كويس واحنا لسه فاكرين شوية |
عذرًا تم التأجيل لحين انتهاء التنسيقات
بالإضافة إلى أن جهازى الآن بايظ نرجو التماس العذر لنا و انتظرونا فى القريب العاجل إن شاء الله |
طيب ايه نظام الكورسات دى
ومين هيعطيها بالظبط ؟ حضرتك ولا مدرس ........ وشكرا ع المجهود |
فكرة جميلة مرسيي كتير ليك عليها جزاك الله الجنة
انا برده داخلة متاخر واخدت سنة 6 ابتدائي بس ان شاء الله اكون معاكم لما تبدأوا ربنا يوفقك |
اقتباس:
على فكره انا مش فاهمه يعنى ايه الاطراء معلش ابتدات الاسئله بدرى بس انت الى خلتنى اسئل بالكلمه دى ههههههههههه |
اقتباس:
عذرا ايه ده انت بتقدم خدمه اعتقد انت تنسيق المرحله الاولى و الحمد الله جتلك هندسه يلا الف الف مبروووووووووووووووووووووووووك مقدما برضه نلتمس واعذار والحاجات دى احنا مقدرين واكيد هنبقى فى الظروف دى فى مره على العموم هو امتى القريب العاجل بقه هههههههه بهزار |
اقتباس:
|
اقتباس:
كان بودي أقولك أصلحهولك بس إنت أدري بالمسافات |
انا معاااااااااااااااااااااااااااااااااااااااااااااااك جدا
ياريت تقلى ايه المطلوب وانا معاك |
انا موافقه
|
جشطة يا برنس
انا داخل تانية ثانوي يلا نبدا دلوقتى كلنا جاهزين |
اولا كل سنة وانتوا طيبين جميعا ويارب ف الشهر الكريم تحققوا كل اللى بتتمنوه نرجع بقى للموضوع الاساسى ايه يا جماعة احنا اتاخرنا اوى ليه كدا الموضوع بتاريخ 13/7/2009 والنهاردة 23/8/2009 ومفيش حاجة حصلت لو مفيش حاجة يا جماعة قولوا عادى مفيش مشاكل بس عشان منبقاش متعلقين وكل سنة ونتوا طيبين مرة تانية |
لا يا حبيبى احنا هنتأخر آه إنما مفيش حاجة لأ
رمضان كريم و إن شاء الله نبدأ قريب بس هى ظروف بتيجى على التوالى و على التوازى معلش بقى استحملنا شوية |
عمومًا على ما نبدأ لو حد عنده حاجة واقفة معاه فى النحو أو مضايقاه مش فاهمها
عايز يفهمها أكتر ممكن نتسلى شو ية على ما نبدأ يلا فيه درس مضايقك أو حتة فى النحو بتعكنن عليك يا سيكرت بك ؟ مستنى ردك |
ايه ده وانا اقول الموضوع نور كده ليه حمد الله على السلامه يا باشامهندس المهم ماقولتش اخبار التنسيق بتاعك ايه وجتلك كليه ايه اه نسيت اقولك رمضان كريم وكل سنه وانت طيب |
اقتباس:
ما بلاش ده اتبهدلت بهدلة فى التنسيق مش عايز أقولك قبلت بترول و جيت أحول اتدبست هندسة طنطا (مع إن المفروض ال 116 على علمى رياضة خارج التوزيع الإقليمى) و الحمد لله على كل حال لسة فيه تصفيات التحويل على الطريقة الورقية القديمة .......... كفاية عليك كده بلاش تفاصيل أحسن ^_* الله أكرم و كل سنة أنت بصحة و سعادة و كل المنتدى آمـــــــــين ============== هااااااا محدش عنده درس نتسلى فيه ؟؟؟ |
اقتباس:
بعد اذنك يا مستر عايزه حضرتك تذكرنى بعلامات الفرعيه والعلامات الاصليه وايه الاسماء الى بتخد دى ةالاسماء الى بتخد دى انا عارفه انها سهله بس انابتلخبط فيها |
ههههههه انت زعلت ولا ايه يا عبد الرحمن والله مقصد يا غالى :d كنت بستفسر بس والله مش اكتر :) وكل سنة وانت طيب يا حبى :) |
اها صحيح بخصوص الاسئلة قولى الاول انت فاضى قد ايه عشان انا خنيق مووت واسئلتى كتير وعبيطة ف نفس الوقت :d ومعلش استحملنى ف اسئلتى اول حاجة يعنى ايه جمل لا محل لها من الاعراب وامتا بتيجى ;) ويت يو مان |
فى الحالة ده و اكمنى مش بدخل الموضوع كتير
هعمل ايميل عشان الموضوع ده و السؤال و الإجابة فورية و لأنى مش عالم فى اللغة يعنى هبقى أدزر معاه على المعلومات و أفهمها معاه و أفهمه الإيميل قريب أوى هعمله أما حكاية الجمل التى لا محل لها من الإعراب لو معاك كتاب النحو و الصرف اللى مستلمة من سنة أولى ثانوى افتح الفهرست و اوصله الدرس ده مش هتدرسه إلا فى تالتة ثانوى يكفيك تطلع عليه و تعرف طراطيش منه بس دلوقت |
هى كمان مش علينا دلوقتى ! امال بيسالنى ليه الاستاذ الحصة اللى فات ويقولى اعرب دى :mad: حراااااام تيب يعنى ايه مبتدا مؤخر ومبتدا مقدم وخبر مقدم وخبر مؤخر وامتا بيجوا بقى وازاى اعرفهم بس ف الاول دول خدناهم قبل كدا ولا لسه ف تالتة |
بص ممكن تجيبهم بالمعنى
يعنى معروف فى اللغة التقديم و التأخير لأسباب بلاغية و غيره و أنت رتب الجملة زى ما تحب بأى طريقة لغاية لما توصل للترتيب الصحيح و ممكن تضيف كلمة من دماغك عشان الجملة تكمل بس أهم حاجة أوعى أوعى أوعى تعيد تريب جملة بحيث تغيرها من اسمية لخبرية أو العكس يعنى محمد يأكل يأكل محمد نفس المعنى و لكن الإعراب مختلف تمامًا إنما لما أقول فى بيتنا رجل رتب فى دماغك كده رجل فى بيتنا صح كده يبقى المبتدأ رجل مبتدأ مؤخر لأنه اتأخر فى الجملة و هكذا على فكرة فيه أسباب للتأخير نحوية بس مش عليك دلوقت المهم أنت ترتب الجملة كما تشاء عشان توصلها لشكل الجملة الاسمية أو الفعلية و تخلى بالك من نقطة أوعى و إذا جملة اسمية بدأت باسم نكرة غالبًا ما يكون المبتدأ محذوف تقديره هذا هذه .......... أو هو هى ......... كده يعنى مثلاً زى درس فى الإعدادى اسمه شريط أخضر ممتد هتيجى ترتب فى دماغك هتلاقى ترتيبها صح على فكرة الجملة ده ممكن تلاقى ناس كتير يختلفوا فى إعرابها ما تعربها يا بطلنا و ورينا فهمت ايه من الكلام اللى فوق ده و بالوقت هتتعود على تقدير المعانى بالترتيب ده |
لو خدت إعمال اسم الفاعل و المفعول و ..........
قولى عشان هزود على ده كلام كمان |
اقتباس:
العلامة الأصلية : الضمة مواضعها : المفرد (الحق قوة) - جمع المؤنث السالم (المعلمات متعاونات) - جمع التكسير (الكتب مفيدة) - الممنوع من الصرف (معالم القاهرة واسعة) - الفعل المضارع الصحيح الأخر والمعتل الأخر (يتفوق المجتهد - يدعو المؤمن للخير) العلامات الفرعية : 1- الواو مواضعها : الأسماء الخمسة (أبوك عالم عظيم ) -جمع مذكر سالم(المتفوقون مكرمون) 2- الألف مواضعها : المثنى (الزعيمان متفاهمان ) 3-ثبوت النون مواضعها : الأفعال الخمسة (الزعماء يجتمعون اليوم ) بالنسبة للنصب العلامة الأصلية : الفتحة مواضعها: المفرد (شاهدت الرئيس ) - جمع التكسير (كرم الوزير الأباء ) - الممنوع من الصرف (شاهدت قناديل البحر ) - المضارع الصحيح الأخر والمعتل الأخر ( لن يفلت المجرم - لن أدعو الا الله ) العلامات الفرعية : 1-الياء مواضعها: المثنى (قرأت كتابين ) - جمع المذكر السالم (قدر الزعيم العاملين) 2-الألف مواضعها: الأسماء الخمسة (رأيت ذا المال ) 3-الكسرة مواضعها: جمع المؤنث السالم (شاهدت الطبيبات) 4-حذف النون مواضعها: الأفعال الخمسة (الطلاب لن يهملوا ) بالنسبة للجر العلامة الأصلية : الكسرة مواضعها: المفرد (ذهبت الى المنزل ) - جمع المؤنث السالم ( سلمت على العاملات) جمع التكسير (مررت بالعمال ) - الممنوع من الصرف اذا كان معرف بأل أو بالاضافة (مرت مصر بالمراحل الصعبة ) (مرت مصر بمراحل التنمية ) العلامات الفرعية : 1- الفتحة مواضعها: الممنوع من الصرف المجرد من من أل والاضافة (مشيت فى شوارع نظيفة ) 2-الياء مواضعها: المثنى (سلمت على الطالبين) - جمع المذكر السالم (أثنيت على العاملين ) الأسماء الخمسة ( سلمت على أخيك ) بالنسبة للجزم العلامة الأصلية : السكون مواضعها: المضارع الصحيح الأخر (لم يفشل المصرى) العلامات الفرعية : 1-حذف العلة مواضعها: المضارع المعتل الأخر (لم يدع المسلم بالشر ) 2- حذف النون مواضعها: الأفعال الخمسة (أبنائى لاتهملوا المذاكرة ) |
جميع الأوقات بتوقيت GMT +2. الساعة الآن 08:16 PM. |
Powered by vBulletin® Version 3.8.11
Copyright ©2000 - 2024, Jelsoft Enterprises Ltd.