![]() |
عندك أي سؤال عن كليه العلوم أو المواد الدراسيه ....أتفضل أدخل
لكل عضو في قسم كليه العلوم...عندك سؤال عن طرق التدريس في الكليه؟؟...أو المواد اللي بتدرسها...؟؟....أو مش عارف تاخد كورس ولا لا...؟؟؟....يعني بالمعني الأصح كل الأسئله اللي عايز تسألها تقدر تكتبها واحنا ان شاء الله نجاوبلك عليها.... يللا اتفضلو مين هيبدأ بأول سؤال؟ |
مادة حقوق الانسان دى
لازم احضر محاضراتها ؟؟ ولا مادة مش مهمة |
الصراحه مش مهمه انا في أولي محضرتش ليها ولا محاضره واحده حتي...بس الدكتور اما بيلاقي كميه الغياب كبيره في المحاضره بيضطر يعمل امتحان صغير كدا...يااما يضطر ياخد الغياب.....بس الماده بالنسبه للنجاح والسقوط ...كان في ناس مش بيحضرو خالص وحلو وحش في الأمتحان ونجحو فيها بتقدير...هي ماده كدا حطينها علشان النظام وخلاص...
|
هي المسائل اللي بتيجي في امتحان الرياضة لازم يكون الطلبة خدوا فكرتها في السكشن ولا استهبال زي امتحانات الثانوية العامة السنادي؟
و انت مش بترد عليا ليه في الرسايل و الماسنجر؟ |
اقتباس:
مش لازم يامحمد تكون اخد فكرتها....وبعدين انت مش محتاج الدرجه النهائيه يعني زي الثانويه العامه ....بتبقي خايف علي الربع درجه الا تترمي من اسكندريه مثلا للمنصوره.....دا انت تبقي جايب 85 من 100 يبقي امتياز....بس الدكاتره خلي بالك بيحطو الأمتحان كله من الأسئله اللي اداها في المحاضره علي مدار التيرم....اللهم مبلغت |
انا عاوزة اعرف اية هى مميزات كلية العلوم
|
اولا مري اووي على التوبيك ده
ثانيا عايزة اعرف هل فعلا لما نخلص كيمياء الاربع سنين بتقديرات و اعمل الدبلومه احصل على شهادة الصيدلة؟ وهل لو في طريقة اني اكون بيها زي صيدلانية ازي؟ وجزاك الله كل خير |
اقتباس:
اقتباس:
انا اصلا مش لاقيالها محاضرات فى جدولنا فمش عارفه ايه دا هو كله بياخدها من اولى ولا فى جامعات مثلا مش بتاخدها ----------------------------------------------------------------------- فكرة الموضوع ممتازه جدا افضل من كل واحد يعمل موضوع عشان يسال سؤال شكرا يااسلام وربنا يقويك :) |
اقتباس:
هو انتي محددتيش ايه بالظبط في الكليه بس ماشي...كليه العلوم أول حاجه اقسامها كتير وتخصصاتها أكتر...وفي كذا دبلومه بعد التخرج تقدري تعمليها ....زي دبلومه الميكروبيولوجي....ودبلومه الكيمياء الحيويه ودبلومه التحاليل....واللي بيقول مجالات الشغل ليها غير متاحه...فده يبقي حاجه من الأتنين...ياأما عايز يشتغل رئيس جمهوريه....ياأما بيضحك علي نفسه.... |
اقتباس:
سألت في الموضوع ده قبل كدا ...بس طلع مينفعش..كان زمان الكلام ده....بس في أقرب الدبلومات للصيدله هي الميكروبيولوجي والكيمياء الحيوي.... |
اقتباس:
واشكرك علي مرورك |
بجد موضوع جميل
ميرسى اوى انا بقى كنت عايزة اعرف ايه نظام الساعات المعتمدة؟؟ وشكرااااا |
اقتباس:
ياااااااادي الساعات المعتمده....:d:d:d نظام الماده اللي مكونه من عملي ونظري بتحتسب ب 3 ساعات معتمده...والماده النظري بتحسب ب 2 ساعه...وعلشان تعدي السنه مثلا تنجحي من كل المواد 18 ساعه بس....وفي حاجه اسمها السمر كورس...وده فصل صيفي بتدفعي فيه فلوس وبتدخلي المواد اللي رسبتي فيها((بعد الشر يعني)):)...ومن مميزات النظام ده انك ممكن تاخدي علوم دي في 3 سنين بدل 4 علي حسب بقي سرعه تخليصك للمواد..وفيه مميزات تانيه من اهمها انك تختاري جدولك بنفسك يعني ممكن تروحي يومين بس في الاسبوع الكليه....بس طبعا هتروحي في اليومين دول من 8 الصبح هتروحي 8 بليل:d |
شكرا جدا على سرعة الرد
ومعلش تعبتك معايا |
اقتباس:
لاشكر علي واجب....وان شاء ربنا هيبقي في كل يوم جديد في القسم... |
جميع الأوقات بتوقيت GMT +2. الساعة الآن 09:59 AM. |
Powered by vBulletin® Version 3.8.11
Copyright ©2000 - 2024, Jelsoft Enterprises Ltd.