|
الامتحانات ..... جعلتنى شاعرا"
خلفت بنت سميتها ياسميـــــــــــــن :confused:بعدها محمد بقى عندى اتنيــــــــــــن حمدت الله رزقنى بزهرتيـــــــــــــــــــن ربيتهم على حب العلم والديـــــــــــــن كبرت البنت وصبرت عليها ســـــــــنين فرحتنى فقد كانت من المتفوقيــــــــن وصلت تانية ثانوى سنة تمانية والفين قلت خلاص على الحلم باقى سنتين دكتورة اكيد بتسعة وتسعيــــــــــــــــن عدينا العربى قريب من التلاتيـــــــــــن شيطان التفاضل قال انتو مجانيــــــــن والله لحطلكم امتحان زى الطيــــــــــن وبطلوا تحلموا وناموا متنكديــــــــــــــن ابقوا قابلونى لو جابت عشريــــــــــــن قلنا نعوذ بالله من غل الحاقديـــــــــــن نمناكويس يمكن كنا مش مستغطيين صحينا على كابوس الانجليزى اللعيـن مواضيع من تانية ولا تالتة مش عارفين خرجنا نجرى على مستر ومستريــــن قالو لنا احلموا بكتيره بمعهد سنتيـــن قلنا نصبر اليومين التلاتة الجاييـــــــــن ونعوذ بالله من الجبر والشياطيـــــــــــن والفرنساوى يجعل كلامنا خفيف ع الواضعين وبتوع الكيمياء بنحبكم متخلوناش منكم زعلانين ويارب العيال تنجح وميكونوش من الراسبين ونفرح كلنا ونحمد رب العالميـــــــــــــن |
ههههههههههه رائعة
|
دى انتا اللى مقلفها ولا لأ
لو كنت انتا اللى مقلفها فتبقى شاعر بجد |
الله عليك يا فنان
ايه ياعم دا ايه الجمال دا هو فى كدا :p سيبك من الثانويا واكتب شعر :p وعلى ضمنتى هتلم فلوس زى الرز بس انا عايزك تطول بالك شويه يا ابو ياسمين :p ومتقلقش كله فى الاسكلتش |
اقتباس:
اشكر مرورك وتعليقك الجميل والله فعلا من غلبى واللى شفته مع بنتى فى الثانوية طلعت لوحدها مش عارف ازاى |
اقتباس:
والله انت زى العسل ورفعت روحى المعنوية خلتنى انسى سعر البصل وهموم الثانوية |
اشكر الجميع على المرور ودعواتى لكل الطلبة بالنجاح الباهر
|
وعسى أن تكرهواشياءً وهو خيرٌ لكم
تسلم إيدك ياأستاذ ياكبير مكسب ياسمين أب أحسن من ألف وزير فى بلد مابتقدرش كل خبير ربنا يعوضها بيك كل خير فى بلد ضاع فيها العدل واتحكموا فى مستقبل عيالنا العير
|
روعـــــــــه والله
|
اضاعتنا الفيزياء وضاع معها المجموع
افراح العربي والانجليزي اضحت اليوم دموع كنا نريد كليات القمه فعلينا الآن الرجوع وكنا نحتقر التجارة والآداب فعلينا ايوم الخضوع ................................................ واحسرتاه علي ولي امر ابنه قد اجتهد و ذاق المر ثم أتت الفيزياء صعبة لا تسُر فبكي الرجال وصرخت الفتيات لكن أين المفر؟ |
اقتباس:
شكرا اخى محسن على الكلام الجميل ده ياعم احنا مش قد الكلام ده بارك الله فيك وفى اولادك |
اقتباس:
غلبتنى اخى راموس وقلبت علينا المواجع ربنا يتولى الطلبة واولياء الامور وحسبنا الله ونعم الوكيل فيمن ظلمنا وظلمهم |
أقسم بالله لو إنت الي مألفة بجد تستحق جائزة نوبل في الشعر بجد مش بهذر
|
اقتباس:
|
بجد اكتر من رائع
بس كنت اتمنى تكتشف موهبتك فى ظروف احسن بس معلشى دائما الظروف الصعبه بتخلق فنانين وابطال |
| جميع الأوقات بتوقيت GMT +2. الساعة الآن 04:35 PM. |
Powered by vBulletin® Version 3.8.11
Copyright ©2000 - 2025, Jelsoft Enterprises Ltd.