|
هطلع ايه لو دخلت كليه العلاج الطبيعى ؟؟؟
فى الحقيقه انا مجموعى فى الثانويه العامه هو 96.8% وطبعا فى ظل التنسيق المرتفع ده السنه دى مش هلحق لا طب اسنان ولا صيدله
وانا محتار لان ممكن مجموعى ممكن يجيب علاج طبيعى وطبعا الناس والاقارب يقللون من شأن الكليه دى حتى انهم يشجعونى انى ادخل علوم او حربيه افضل منها بحجه انها لا معنى او مكانه لها وغير مربحه.. طبعا انا معرفش منين جابو المعلومات دى حتى ان فى ناس قلتلى ) هتطلع فى الاخر مدلكاتى ( مع احترامى لكل الطلبه فيها واتا جدا محتار هل الكليه دى ليها مستقبل؟؟ وهل هى تتبع القطاع الطبى و نقابه الاطباء ؟؟ والخريجين منها بيشتغلو فين ؟ وهل يعمل الخريجون منها فى المستشفيات ؟؟ ولا العلاج الطبيعى اللى فى المستشفيات بيكون خريجين طب ؟ انا محتار بجد واتمنى الاجابه سريعا |
بلاش علاج طبيعى.. مجموعك ان شاء الله يلحق صيدلة ماتقلقش
|
اعتقد فيه موضوع عنها فى القسم الطبى شوفه وانت تعرف لان انا معنديش معلومات عنها للأسف
|
اقتباس:
فكرة ان الكلية غير مريحة مش عارف مقصود بيها ايه و فكرة مدلكاتي دي خاصة بالتربية الرياضية الكلية ليها مستقبل اكيد ليها مستقبل افضل من اي كلية تانية عشان الطلبة فيها ممكن يبتدوا يشتغلوا من سنة تانية غير كده ليها تكليف و الطلبة فيها من سنة تالتة بينزلوا مسنشفيات و لما بيتخرجوا بدوا في منهم بينزل في مستشفيات سواء اقسام داخلية لتأهيل المرضى بعد العمليات او الكسور او في العيادات الخارجية للتعامل مع الحالات المزمنة و احد الحاجات المميز فيها العلاج الطبيعي في مصر هو الاصابات الرياضية لأن بعد حالات الاصابة بتكون الكلمة العليا ان اللعيب ينزل الملعب اولأ لأخصائي العلاج الطبيعي و يكفي ان خريج العلاج الطبيعي المصري مصنف عالميا بعد خريج امريكا و كندا يبقى ازازي الكلية او المجال اي كلام و يمكن الميزة دي عشان المجال بيتهاجم كتير ده اللي مخليه متماسك و من اكتر الكليات اللي بتقدم ابحاث في مصر و شوف الموضوع اللي عندك في القسم و ادخل على النت و دور عن ايه هو العلاج الطبيعي وانا كنت طالب و كنت جايب مجموع يدخلني طب بشري و اسنان و صيدلة بس الحاجة الغير تقليدية و الجديدة هي اللي خليتني ادخل علاج طبيعي وممكن تنزل و تشوف بنفسك في مراكز العلاج الطبيعي و مش مراكز الطب الطبيعي عشان في فرق شاسع و تروح المستشفيات و تشوف المرضى اللي اتعالجوا بالعلاج الطبيعي من المرضى اللي م اتعالجوش بيه و تشوف الفرق بنفسك |
انا جايبه نفس مجموعك وكتبت رغبه1 صيدله وبعدين علاج وكله بردووووووووا بيخوفنى من العلاج الطبيعى وبيقولوا ملهاش مستقبل بس
صراحه انا مرتحالها |
اقتباس:
طيب انا مقتنع بالكلام ده بس انا سمعت ان فى مشاكل ومش معترف بأخصائى العلاج الطبيعى فى نقابه الاطباء هل الكلام ده صحيييح؟؟ |
اقتباس:
والكلام اللى كل الناس بتقوله بيخلينى ساعات اخاف |
اقتباس:
طيب ياريت اعرررررف ليه بلااااش ياريت اعرف عيوبهااا بليز |
اقتباس:
وسمعت ان انك تبقى دكتور تحاليل اتلغت من علوم فاخرها ايه ابقى مدرسه كتبت صيدله الاول وانشاء الله ربنا يكرمنا حتى نلحق اسيوط وبعدين كتبت علاج طبيعى (اوك فى البيت رفضين علاج طبيعى) بس حاسه انى مرتحاله وليه فرص عمل حلوه بالمستشفيات والتاهيل للعيبه الكوره وال عندهم كسوررر وكده وممكن تبقى دكتور تخسيس ودول شغلهم عشره على العشره وبعدين كتبت بطرى لو انت حابب مهنه الطب عامه متخليش حد ياثر عليك وادخل اى كليه طبيه حتى لوكانت بطرى ده مستقبلك وانت ال هتعيشه مش حد تانى سورى طولت عليك |
العلاج الطبيعى مطلوب جدا وكل الامراض بحاجة اليه كمان مكسبة حلو قوى والعمل بالخارج متوافر لان عدد لاخريجى الكلية صغير وبيكون السفر مجزى جدا ودا كلام دكاترة علاج طبيعى مش كلامى انا
|
اقتباس:
و دي نفس مشكله اخصائي العلاج الطبيعي الطبيب اخصائي الطب الطبيعي عايزيين يشرفو علي اخصائي العلاج الطبيعي من كلية علاج طبيعي والطبيب اخصائي التحاليل الطبية عايز يشرف علي اخصائي التحاليل الطبية من كلية علوم وطبعا الوضع الدولي عكس كده احنا لينا حق كامل في اداره المعامل في كل الدول |
احنا كاخصائي تحاليل طبية بنعلن تضامنا الكامل مع اخصائي العلاج الطبيعي في مواجهه الاطباء
|
والله حل الموضوع ده كله اننا نلق صيدله انشاء الله
|
اقتباس:
وفي مشاكل كتير و لكن الحمد الله بعد الثورة العلاج الطبيعي ابتدى ياخد حقة و القوانين اللي كانت بتديله حقه هتتنفذ و غير كده في خلال سنتين بعد مشروع الجودة و الدي بي تي ممكن الكلية تبقى رقم واحد على مستوى مصر و مفيش كلية من فروع الطب ملهاش مشاكل مع بتوع الطب سواء اسنان و صيدلو و علاج طبيعي ف موضوع المشاكل ده ممكن تسمع فيه كتير |
اقتباس:
ليه العنف ده ! ... بهزر ... بس شيفاك متعصب شوية ع بتوع طب :redface: |
| جميع الأوقات بتوقيت GMT +2. الساعة الآن 10:20 AM. |
Powered by vBulletin® Version 3.8.11
Copyright ©2000 - 2024, Jelsoft Enterprises Ltd.