ممكن تساعدونى بليز
 

السلام عليكم ورحمه الله :d



ورجعنا تانى بعد عكه الامتحانات :dوزحمه المواصلات الواحد جه متاخر والله بس يلا مش مهم:blush:


انا كنت عايزه اخد رأيكم :blush:


ان شاء الله انا هادخل ثانوى السنه الجيه


ومحتاره ادخل المانى ولا فرنساوى ممكن تساعدونى فى الاختيار

كل اللى باسأله بيحيرنى ويسبنى محتاسه:(

بليز حد يقولى اكتر ماده ساهله فيهم ايه:blush:

رأيي ان الالماني اسهل واحسن
انا كنت واخد فرنساوي في اولي وحولت الماني في تانيه

بس انا لو رجعت بالزمن وبقيت في مكانك مكنتش دخلت ثانوية عامه

علي العموم ربنا يوفقك

على رايك والله انا لو ناصحه مادخلش ثانوى بلا حرقه دم بس يلا بقى

مش مهم

من ناحيه السهوله ..المانى طبعا ..
وان شاء الله ربنا يكرمك ..

وعليكم السلام ورحمة الله وبركاته
فرنساوي يابنتي
سهل
بجد وجميل

انا بالنسبالى ماعرفش لا المانى ولا فرنساوى

يبقى انا عايزه الاسهل فى ثانوى بالذات

يا بنتي اتوكلي على الله و خدي فرنساوي على ضمانتي
انا كنت بنقص فيه بتاع خمس درجات في امتحانات الشهر يعني مش حاجه :d:d هههههههه
لا بصي هو عايزله مدرس شاطر و الفرنساوي ميزته انو شبه الانجلش في حاجات كتير يعني هتحسي انهم بيكملوا بعض و فيه كلمات كتيير احنا بنقولها في حياتنا
بصي انا اخدته في اولى و ان شاء الله مكمله و هخده في تانيه هو كويس و سهل و الالماني سهل برضو ( مش فارقه بس دي مميزات الفرنساوي )
دي نصحتي و ربنا يوفقك تقبلي مروري

ميرسى جدا ليكى يا قمرى

اقبل مرورك ده ايه ده سؤال طبعا تنورى

انا بقى عملت حركه مجنونه شويه :049gc0:حجزت عند مدرس فرنساوى وكمان عند مدرس المانى

وهاحضر حصتين هنا وحصتين هنا والى هلاقى نفسى مستريحاله هكمل فيه;)

ولا ايه؟

بصراحة انا لا اعرف فرنساوي ولا الماني
بس حاولت ادرب نفسي شوية في كام لغة عن طريق الانترنت وجربت ييجي 4لغات ولقيت اسهلها واشهرها الفرنساوي بعد الانجليزي
انا في ازهر وده بس كان من دافع الفضول بالنسبة ليا لاني مش بحتاجهم في دراستي
الاحسن والاسهل هو الفرنساوي بس الاختيار دايما بيرجع لصاحبه
تقبلي مروري
بالتوفيق

شوفي هي فكرة برضو و اهو كده تبقي مسكتي العصايه من النص بس لو طلع الالماني اسهل متقوليليش عشان مروحش فيها :bosyht9::bosyht9: :d

احنا عندنا الفرنساوى شبه إجبارى فى مدرستنا

يمكن لقلة مدرسين الألمانى

بس الفرنساوى سهل جدا جدا وده رأيي

متشكره جدا يا بيدو :)

وحضرتك خلتنى افكر:bosyht9: فى انى ادرب نفسى على النت

وبعدين اقبل مرورك ده ايه :angry2:

ده انت نورت الموضوع :blush: متشكره جدا لاهتمامك يا فندم