|
من هو مسئول البرمجيات بالمدرسة
هل مسئول البرمجيات بالمدرسة هو اخصائي التكنولوجيا ام مدرس الحاسب ام من
ياريت حد يعرفنى اجابة هذا السؤال لان المدير نفسة مش عارف مين يمضي علي هذا |
مسئول البرمجيات ليس هو أخصائى التكنولوجيا بالمدرسة والرجاء توضيح المقصود من كلمة برمجيات هل هى مواد تعليمية مدمجة أم برمجيات بلغات برمجة مثل الفيجوال بيسك دوت نت وسوف أرد بتوضيح أكثر على سؤالك
|
ياحماعة مدرس الحاسب الالي دون مدرس مادة مش مسئول برمجيات ولا حلويات
ياريت نفهم الكلام دون كويس لان مدرس الحاسب الالي بياخد جدول حصص وبشتغل زي أي مدرس مادة تاني في الفصل أو المعمل فا مش فاضي لوجع الدماغ دون وانا للعلم مدرس متعاقد /كمبيوتر ومش مسئول عن أي حاجة في المدرسة غير جول الحصص بتاعي فياريت الكل يعرف ايه اللي عليه وايه اللي ليه ............... |
ما حدث انه وصلت عندنا المدرسة اجتماع لمسئول البرمجيات بالمدرسة والمديرمش عارف مين يروح بالضبط يعن مين هو مسئول البرمجيات بالمدرسة هل اخصائي التكنولوجيا وهو قال مش اختصاصي ام مدرس الحاسب مع العلم اني مدرس مساعد حاسب وانا زي زي اي مدرس فصل ليه اكون مسئوله عن البرمجيات بالاضافة لحصصي واحنا معانا قرار بعدم تكليفنا باي اعمال اداريةأوحصص احتياطي او اشراف والمدير بيقول مسئول البرمجيات مش عمل اداري يعن مافيش مشكلة ان مدرس الحاسب يكون هو المسئول يا ريت اللي عارف اجابه للفزوره دي يرد عليا
|
ياريت حد يرد علي السؤال ده
|
الاولى هو مسؤل التطوير حيث انه يتقاضى حافز اضافى
|
السلام عليكم ورحمة الله وبركاته
وحدة البرمجيات تابعة لوحدة المدرسة المنتجة ويشترط أن يكون مسئول البرمجيات هو معلم بالمدرسة وليس أخصائي تطوير ولا مدرس حاسب وقد أقيمت عدة دورات تدريبية لهم على أعلى مستوى في الحاسب وكانت من ضمن شروط هذه الدورات أن تكون معطاة لمدرس غير متخصص بالحاسب !!!! وفقكم الله |
اقتباس:
نصيحة اوعى توافقى لانه مسئول البرمجيات رفضه مش طبيعى لانهم بيمتنوا هذا لانه بياخد كل شهر 40ج بدل على ذلك فرفضه بيدل على ان العهدة ملعوب فيها وعايزة كبش فداء يشيل الليلة |
كل واحد له اجابة شكل .. حاجه تحير !!!!!
|
اقتباس:
الى الأستاذ اللى بيقول الأولى مسئول التطوير أحب أقولة أنه لا توجد أى نشرات قانونية تقول أن مسئول التطوير يمت بأى صلة لهذا الموضوع وأحب أوضح لسيادتكم مسئوليات مسئول التطوير لو مش عارفها ( تشغيل جدول حصص بالمعمل فى وجود معلم الفصل 36 حصة فى الأسبوع - تدريب الطلاب على مهارات الكمبيوتر - تدريب المدرسين بالمدرسة على مهارات التعامل مع الكمبيوتر - عمل جماعة نشاط من الطلاب وعقد اجتماعات معهم - عمل مواد تعليمية للمواد التعليمية على الكمبيوتر ) وبتقول بياخدوا حافز اضافى والحافز علشان كل الكلام دة زائد مشاركة المدرسة فى أى أعمال ادارية أو حكومة الكترونية الحافز أو بدل التطوير مخصوم من شهر 3 الى 6 2009 وحتى الأن لم يصل اى شيء وتم أيضا خصم الحافز من شهر 12 2010 حتى الآن |
الف شكر علي الاهتمام يعني كده انا مش المسئوله عن البرمجيات
|
السلام عليكم مسئول البرمجيات هو مدرس منتدب كام يوم من مدرسته لمتابعة المدارس التابعة له للاشراف عليها .. وهو طبعا تابع ( للوحدة المنتجة ) اما مسئول البرمجيات بالمدرسة .. دى حاجه تانية.. جماعة زى اى جماعة فى المدرسة ممكن اى مدرس يفهم فى الكمبيوتر يمسكها ويكون فريق من الطلبة لعمل برامج او دروس خاصة بالمنهج ويقام لهذه الجماعة معرض كل عام فى شهر ابريل لعرض منتجاتها والبرمجيات اللى تفوز بتعرض فى المعرض الكبير بالقاهرة تعتبر هذه الجماعة من انشط الجماعات بالمدرسة هذا والله اعلم .. وتحياتىىىىىىىىى |
ما زالت الآراء مختلفة ولم يتم تحديد تعريف دقيق لمسئول البرمجيات ،،
|
ياريت نعرف اخر كلام حتي الان معرفنش بالظبط من المسئول وعلى العموم الف شكر لكل من شارك معنا
|
اقتباس:
أختي الكريمة أرجو التركيز على الورقة التي وصلت للمدرسة والتي تتطلب من مدير المدرسة حضور مسئول البرمجيات بالمدرسة هل الورقة مكتوب عليها توجيه الحاسب الآلي أم توجية التطوير التكنولوجي أم توجيه الوحدة المنتجة وبناءً على ذلك ستعرفين من المقصود بمسئول البرمجيات تحاياي |
| جميع الأوقات بتوقيت GMT +2. الساعة الآن 05:32 AM. |
Powered by vBulletin® Version 3.8.11
Copyright ©2000 - 2024, Jelsoft Enterprises Ltd.