![]() |
نصيحة من خريج حاسبات ومعلومات كل الي داخلي الكلية جديد
بسم الله الرحمن الرحيم اول بعرفكم بنفسي اسمي محمد الزويدي خريج كلية الحاسبات والمعلومات جامعة عين شمس تقدير عام جيد جدا الموضوع ببساطة يا ولاد اني دخلت الكلية دي عن طريق المسمي فقط يعني ناس تقولي انها من كليات القمة وبعدي بتطلع مبرمجين وناس قمة في البلد المهم انا دخلتها لان ساعتها كانت بتاخدود اكتر من الهندسة عين شمس تقريبا 96% المهم دخلتها وانا اصلا حقيقي مكونتش اعرف غير كلمة واحدة هي الي حاططها في زهني انها بتطلع ناس مبرمجين والنس دول هيبقوو قمة البلد المهم دخلتها وانا بردو معرفش يعني ايه مبرمجين اصلا تخيلو المهم دخلت اول سنة ودرست يجي ستة مواد قعدت شهر كامل مش فاهم منهم حاجة ولكن ذاكرتهم واتحديت نفسي وكملت لحد سنة تانية وانا بردو معرفش ايه الي بندرسه وايه الهدف منه ومع ذلك كنت بتجيب تقديرات كويسة مرة جيد جدا ومرة امتياز وده بسبب الاجتهاد في المذاكرة لكن بئه في بداية سنة تالتة بلدئو يدونا البرمجة علي اصولها مش شوية الكود العبيط الي كنا بندرسه في اولة وتانية والي غايته انه يعمل الة حاسبة بتجمع رقمين المهم وانا في وسط سنة تالتة بئه بدأالكلام عن مشاريع التخرج بيني و بينكم اتخضيت ايه مشروع التخرج ده وايه الهدف منه وبيتعمل اذاي اصلا سئلات ناس ومحدش كان بيديني اي اهتمام او بمعني اصح ملقيتشض حد يفيد=ني ولا حتي المعيدين كان كلامهم كله نظري ايل يقولي انك بتفكر في فكرة وبتعملها طب اصلا افكر في فكرة زي ايه واعملها ازاي المهم مكانش حد بيجاوب كان كلامهم كله لا يسمن ولا يغني من جوع المهم فضلت لغيات ما خلصت سنة تالتة وفجئة بدأو يقولو لابد يا شباب كل مجموعة تكون نفسها علشان تسجلو نفسكم في مشاريع التخرج هنا بئه كنت مكتئب جدا لاني مكانش ليا مجموعة محددها انا بنفسي رغم ان نصف الدفعة كلهم اصدقائي وفكرت اروح مع اي مجموعة تكون كويسة المهم روحت لكل مجموعة واكن الرد الاساسي الاعتزار علشان اي سبب وكان اصعب سبب بالنسبة ليا ان مجموعة منهم قالولي انتا بتعرف تبرمج برامج ثقيلة بالسي شارب معرفتش ارد طب بتعرف فوتوشوبو وجميع برامكد التصميم بصورة احترافية بردو معرفتش ارد طب بتعرف تعمل تطويل صفحات انترنت بالايه اس بي دوت نت وال اس كيو ال وطبعا بردو معرفتش ارد المهم ساعتها عرت ايه مشكلتي اني فضلت طيلة السنين الاخيرة مبعملش قرصات في مجالي مكونتش اعرف ان التعليم الي احنا بندرسها ده مجرد تعريف الناس اليه هي الاساسيات وبمعني اصح بتعلمنا احنا المفروض ناخود قرصات ايه بعيد عن المنهج طبعا اتخنقت جدا لاني اكتفت ان كل مجموعة بلاقي فيها واحد بيكون محترف الباقي بيكونو اقل احترافا منه وهو بالفعل الي كلمته مسموعة يعني يقول مين يدخل المجموعة ومين يخرج لانه لو هو خرج من المجموعة يبقي المجموعة مش هتقدر تشتغل لانه هو فعلا الي بيدير المجموعة من خلال شغله المهم طبعا مكانش ندي حل غير اني اعمل تلت اربع قرصات في بعض في الصيف واكول نفسي علشان يبقي ليا قيمة وطبعا صرفت يجي 3000 قرصات مكثفة في برمجة النترنت وبرمجة السي شارب وطبعا الفوتوشوب والدريم ويفر ولكن مهما كان مش هبقي مثل الي بقالوه سنة او اتنين بيشتغل في المجال وطبعا ده لانه مارس واشتغل وعرف وايده اصبحت متدربة علي العمل المهم دخلت الكلية وانا مافيش في دماغي غير مشروع التخرج هيكون ايه وهعمله ازاي لغيات ما قبلت دكتور محترم لقيته كان عارض حوالي 6 مشاريع اربعة منهم فقط تم شغلهم والباقي محدش سجل فيهم واحد منهم لسباب انه مشروعين اتنين في مشروع واحد والتاني لانه سهل وبيسط ومش هيستفيدو حاجة من عمله يعني مش هياخدو بريستيج لما يقولو انهم عملو المشورع ده المهم خدت المشروع الاولاني وكان عبارة عن سيستم كامل لبنك معمول برمجيا لكل موظفين البنك وبالتفصيل ان يكون لكل نوع معين من الموظفين نافذته الخاصة بيه التي يعتامل من خالالها لاء وايه مطلوب ان المشروع ده لو اتحط عل اجهززرة كمبيوتر متعددة يبقي لازم يكون في شبكة ما بينهم وطبعا لازم نحط في البرنامج واظيفة انه يعمل كونيكشن بين البرانمج علي جهاز مع البرنامج في جهاز آخر يعني بمعني اصح دخلنا في حتة برمجة الشبكات لاء وايه كل شيء في البنك اي حاجة ينشالله حتي البسقة الي بيبسقها الموظف لازم تتقدي في الداتابيز بتاعت البرنامج يعني دخلنا في حتا ADo.net وعلي فكرة ده كله وانا بتكلم في المشروع الاولاني اقصد المهمة الاولي في الشمروع الي انا عمله المهمة التانية بئه اني اعمل موقع علي الانترنت بيتعامل مع الدات بيز بتاعت البنمكح و كمان لازم يكون في الموقع دده كل الاماكنيات الي تسهل علي العميل التجول في الموقع ومعرفة كل شيء من غير عمل اي اتصال بالبنك المهم كل الكلام ده انا قعدت اقرئه في حوالي يوم كامل اقصد مواصفات المشروع الي هعمله وعلي فكرة انا كنت لوحدي علي فكرة انا اخدت القرصات في كل حاجة لكن ينقصني الخبرة العملية المهم اتكلت علي اللله وبدأت احط خطة امشي عليافي عمل لمشروع وحطيت وقت تقريبا اسبوعين فقط لدراسة المشروع وكيفية تجحزئته الي اجزاء وكيفية عمل كل جزء ودخلت في موضوع تحليل البيانات بمعني اني ابدء ادحط لهيكل الرئيسي بتاع المشروع وعلفكرة محدش هيفهم يعني ايه هيكل مشروع ويعني ايه تحليل بينات الي حد في تالتة المهم كانت ساعتها بتاع شغل جدا ويمكن خوفي هو الي كان بيخليني اشتغل بسرعة بس علس فكرة لما تشتغل وانتو مرتاحين عقولكو بتبقي قابلة انها تفكر في اكتر من سبيل لعمل اي مهمة انما لما تكون خايف بتبقي علي تدور علي اي سبيل والسلام علشان تخلص من المهمة وترتاح المهم كنت طقبعا زي مانتم هتعرفو بعد كدة بروح في يوم محدد كل اسبوع بعرض كل الي عملته علي الدكتور الي مشرف عليا وطبعا لازم اكون عملت تقدم والحمد لله ان كان كل اسبوع كنت بعمل تقدم المهم كنت بشتغل ليل نهار في المشروع ومش هتصدقوني لما اقولكم ان تقريبا انتيهيت من عمل الصفات الاساسية في المشروع في خلال شهر ونصف فقط اقصد اني عملت برنامج كامل وشغال وكمان موقع كامل وشغال في خلال شهر ونصف لكن كان المهمتين دول كان بينقصهم حاجات كتير منها بالنسبة البرنامج شغل برمجة الشبكة وبالنسبة للموقع اني لما عملت الموقع كنت بهتم بالنحية البرمجية ومكونتش بهتم بالتصميم بتاع الموقع بس كان تصميمه مش بطال وعمتا انا عملت زي ما بيقولو رميت القواعد و والعواميد بتاعت البيت يعني خلصت اهم حاجة واصعب حاجة وطبعا ساعتها البنيان علشا اساس قوي بيبقي اسهل ما يمكن وبيبقي بمنتهي الراحة لانك بيبقي قدامك يجي 6 شهور تانية يعني فترة كبيرة المهم يا شباب فكرت اني اخود قرص في برمجة الشبكات وبعد ما خدته بردو لقيت نفسي مستحيل ابرمج زي مانا عايز بالظبط لقيت ان العملية دي محتاجة لواحد خبير هنا بئه وخودو بالكم من الي جاية دي دورت علي واحد من زمايلي في الدفعة يساعدني لغايت ما لقيت واحد وكان ولد انما ايه فلتة زمانه محترف البرمجة عموما و وكان بينضرب بيه المثل في الكلية كلها بكل اقسمها المهم هو كان بيشتغل طبعا في مشروع من المشاريع الكبية اوي الي بيسموها مشاريع المسابقات يعني مثال عليها برمجة روبوت وبرمجة شبكة لا سلكية للتعامل مع الروبوت المهم هو كان مع حوالي 10 افراد وكان هو بيعمل شغله كله في 26 يوم كاملة في الشهر وبيقعد اربع ايام في الشها بيبعد عن المشروع تماما علشن يدي لمخه فرصة اني ياخود راحة وانه كمان لما مخه وعقله يرتاح شوية يبقي بيدي نفسه فرصة انه يرجع للشغل وعقله علي استعداد تام للابداع وعلي فكرة انا كنت بتاابع شغله بنفسي وكان هايل فلا المهم احنا خرجنا عن موضوعنا نرجع بئه انا طبعا كنت عارف اليوم الي هو بيستجم فيه روحتله قبلها بيجي اربع ايام وعرضت عليه انه يساعدني فقالي ان ميقدرش وكدة ولانه عايز يرتاح صدقوني يا شبابا قعدت يوم كامل اتكلم معاه واني ممكن اديله مقابل مادي المهم كان ساعتها رافض تماما المهم رجعت البيت وانا متضايق اعمل ايه في المشكلة دي واحلها ازاي المهم وانا في وسط تفكيري ده وانا بفكر في امري وانا وزميلي ده عرفت اد ايه انا الانسان قيمته بعلمه وعمله وقد ايع علمه واحترافه في البرمجة ادالوه قيمة واسعة وصدقوني كل الناس الي حواليه كانو عايزين يبوسو ايديه علشان يشتغل معاهم المهم قعدت يوم كامل افكر ازاي احاصر الولد ده علشان يساعدني في الموضوع واجيبهالوه ازاي بحيث انه يوافق المهم رفعت الرقم الي كنت عارضه عليه من 400 جنيه الي 800 جنيه وروحتله وكلمتهوعرفته االنمن العملية ساهلة وعلي فكرة انا خدته بعدي عن النس علشان محدش يعرف حاجة عن الموضوع وطبعا قطعت عليه قسم بكدة المهم بعد شوية حوارات وافق ويومها اديتله الفلاشة بتاعتي وعليها المشروع وعليها الرسم التفصيلي الش مفروض يمشي عليه برمجة اشلبكطات وهو الولد كان امين معاية وقام بتعديل جزء كبير من برمجة لشبكة وعمل البرنامج يججي في اسبوع واحد فقط و علي فكرة انا ما سيبتوش انا كنت معاه خطوة خطوة علشان اتعلم منه وادي نصيحة تانية ليكم المهم مفضلش بئه غير الشكل العام يعني الفيو بتاع المشروع سواء الموقع او البرنامج هنا بئه ومع حخبرتي البسيطة الي واخدها من القرصات قررت اني اجري بسرعة وادور علي ا\ ناس اخود منهم خبرة وفعلا كنت زي ما يقولو لازقة كل الناس الي بتشتغل بافوتوشوب والادوبي فلاش في الشمروع كان عندي لستة بكل الناس في فيه شغل تصميم في مشاريعه واستقري علي حوالي 3 مجموعات اتابهم واعرف ازاي بيشتغلو واتعلم من خبرتهم وكانت بدون كل كلمة وكل حرجة بيعملوها في الفوتو شوب وفي نفس ايوم اكون احترفهت علي اللابتوب بتاعي المهم فضلت لغايت بداية التير تاني وانما بفنش المشروع ومش هتصدقو يا ولاد ان تلت تربع الدفعة مكانوش اصلا بدأو في العمل البرمجي بتاع مشاريعهم هنا بئه انا ارتحت تاماما لاني كنت خلاص خلصت المشروع وتقريبا الكلام ده في يوم 20 من شهر فبراير يعني قبل المناشقشة النهائية بيجي 4 شهور وعلي فكرة في في بداية التيرم التاني حاجة بيسموها سيمي فينال يعني مناقشة نصف المشروع النهائي بمعني اصح مناقشة كل سنتي انتا عملته في المشروع لغايت تلك اللحظة ومش هقولكم مقدار االمفاجشئة الي شافها الدكتور وانا بقدمله 3-4- البرنامج وكان مندهش تماما واداني ساعتها امتياز ومش علشان شغل بس علشان كمان الاشلوب والشكل الي كنت بعرض بيه مشروعي وادي نصيحة تاني بالنسبة ليكم يا ولاد انك دايما تحسنو من اسلوبكم والشكل العما الي بتعرضو بيه مشاريعكم سواء مشاريع كبيرة او صغيرة وعلي فكرة انا كنت قاصد ان اديله تلت تربع المشروع واخفي عنه التحسينات الكتير الي كنت عامله والي لو كنت وريته المشروع كامل كنت هعرضله ايه جديد في المناقشة النهائية وطبعا النقطة دي كنت حاططها في حسباني وعلي فكرة انا فضلت فتر ة كبيرةو بعمل الكتاب الخاص بالشمروع او زي ما بيقولو الديكومنتيشن والكتاب ده بتحط فيه كل حاجة عملتها في المشروع المهم هتعرف عنه كل حاجة لما توصل للمرحلة دي وطبعا بردو قعدت فترة كبية بحضر في الفيلم الي بعرض بيه مشروعي ومتتخيلوش قد ايه اشتغلت لغايت ما عملت الفيلم ده وعملته بالفلاش والفوتو شوب وكان فلعلا هايل وعلي فكرة انا كان عندي مبدأ دائم اني لازم اتعلم من الي قبل مني علشان كدة روحت شوفت كل العروش الي كانو الطلبة الي اتخرجو كانت عاملة ازاي واتممت ازاي وكان ايه رد فعل الدكاتة والمقدرين علي العروض دي ووكمان كانو بيناقشو لدكاترة ازاي المهم الحمد لله ناقشت المشروع واخدت امتياز مع مرتبة الشرف بعد كدة اتعلمت دروسش كتير من تجربتي دي اني اولا اتعلم من الاكبر مني واخود من خبرته ثانيا اني المفروض وانا في الكلية العملية دي مضيعش ثانية واحدة الي ما اكون اتعلمت فيها حاجة جديدة ثالثا ان لازم وحتما ااعمل لنفسي علقات كبيرة في هذا المجال سواء زميالي او زمايل في جامعة اخري او حتي علي مستوي العالم وكامن المعيدين والدكاترة والمتخصصين و المهندسين الي بيشتغلو في احسن الشركان رابعا لازم اعرف الناس بيا واعمل لنفسي ترويج لاان ده الي بيفتح فرص العمل قدامي خامسا اتعلمت حاجة مهمة جدا الانسان الناج لازم يكون اجتماعي وزو سمعة وكويسة بالاضفة لشغله علشان يكون ليه مكانة بين الناس وعلي فكرة انا طبقت الكلام ده بحزافيره ومكونتش بريح دماغي واستني الشغل لحد ما يجي لغايت عندي والحمد لله بشتغلل دلوقتي في مكان محترم وليا منصب كويس وكامن العمل الي بشتغله بيديني اتاحة من خلال شغلي اني اتقدم في العمل بالاضافة للمرتب الممتاز صدقوني يا شباب لو عملوت الي انا بقوله ده هتوصولو صدقوني علي فكرة سوق العامل ليس عنده عواطف لو ليك ازمة وكل الناس بتسمع عنك وعن شغلك صدقوني كل الناس والشركات هتجري وراك مش انتا الي بتجري وراهم وده اخر كلامي ليكم وربنا يوفقكم وانا طبعا خليتكم تملو من كلامي انا اسف لكن مكونتش اقدر اشيل اي كلمة وكنت عايز اوصلكم الصورة كاملة وانا زي اخوكم البكير ولو عايزين اي مساعدة انا معاكم وده ايميلي zizoooooo85 علي فكرة هو علي الياهوو |
و الله يا محمد قصتك جميلة فعلاً ...
و كويس انك مسبتش نفسك للضياع .... الكورسات فعلاً لابد منها ... و مش من سنة تالتة زي ما انت عملت , لأ من سنة اولى ..... علشان اقدر اكون نفسي في المجال و بصورة مبسطة وسهلة ... بس برافو عليك يا محمد , قدرت تثبت نفسك في وقت قصير ... و الف الف مبروك على الامتياز .... انا يا محمد للأسف الشديد كان نفسي و منى عيني اكمل في حاسبات و معلومات ..... لكن دلوقتي للأسف حولت فنون جميلة عمارة اسكندرية .... لكن انا من جوايا معاكم , و حاكمل مسيرة الحاسبات و المعلومات علشان تبقى كلية تنسيقها عالي زي زمان ... بس بجد برافو عليك برافو عليك برافو عليك و احمد ربنا كتيييير ... صدقني كلمة الحمد لله لوحدها بتعمل معجزات ... جزاك الله كل خير |
متشكر جدا يا محمد
و انت شجعتنى انى ابدأ فى تعلم البرامج العملية اللى هتفيدنى فى المستقبل و من دلوقتى بجد شكرا على كلامك و كل يوم بيزيد اقتناعى بالكلية اكترو اكتر |
بجد انت فعلا شخص ناجح وانا نفسى ابقى كدا ان شاء الله
انت فعلا حطيط هدف وسعيت له وربنا وفقك يارب تستمر فى النجاح دا دايما انا ان شاء الله هتواصل معاك على الايميل واعرف اخر اخبارك ان شاء الله وشكرا ليك انك مبخلتش علينا بالى معلومة حتى لو صغيرة وياريت كل الناس تبقى زيك وان شاء الله هعمل شغل جامد وانا فى الكلية ومن اول سنة وهاخد كورسات بردو ان شاء الله انا هاخدك مثلى الاعلى والف مبروووووووووووووك على النجاح والتفوق |
قصتك جميله جدا وادعيلى ان ادخل الكليه دى فى الاكاديميه البحريه
عشان انا من عشاق التكنولوجى ووالبرمجه وكنت بفكر فى سنة دى اخد كورسات فى البرمجه بس مش عارف ايه بالضبط |
ربنا يكرمك وشكرا جزيلا ليك
بس لو ممكن تقولينا تفاصيل اكتر عن الكورسات يعنى ناخد ايه فى الاول وايه فى الاخر والكورسات بتكون فين اماكنها اكيد الكورسات ده ضروره لابد منها فمعلش حتعبك معايا شويه شكراااااااااااا |
بجد يا محمد شكرا جدا انا داخلة سنة اولى وبحب المجال جدا واستفدت من كلامك وان شاء الله اهتم بالكورسات
|
ميرسى يا محمد على كل المعلومات اللى انت اديدتهلنا و النصايح الجميلة جداااااااااااااااااا اللى ان شاء الله نطبقها و ميرسى على انك مبخلتش علينا بالنصايح و حبيت تعرفنا من الاول و ده فادنا نفسيا كتير ان الواحد يكون داخل حاجة هو عارف المفروض يعمل فيها ايه بس ياريت ممكن تقولنا ايه الكورسات اللى المفروض ناخدها فى سنة اولى لان احنا لسة مش عارفين الدراسة ازاى و هنقدر نتكيف معاها و لا لا وربنا يعينا جميعاو ربنا معاك و يوفقك فى شغلك
|
شكراااااااااجدااااااااااااااااااا يا بشمهندس محمد
ياريت تقولنا ايه الكورسات دى علشان نعملها من أول سنة وبجد استفدت كتير من كلامك شكرا تانى مره |
شكرا على قصتك الحلوة
|
ونا من الشاكرين ليك ولنصايحك بس بردوا احنا لسه منعرفش حاجه لا عن الكليه ولا الاقسام الكويسه اللي فيها ولا يعني ايه اصلا كورسات فممكن توضيح للاسئله دي
|
امال حضرتك فين
|
الف شكر على النصيحة وجزاك الله خيرا
http://www.shbab1.com/2minutes.htm |
شكرا جزيلا
|
بجد يا بشمهندس محمد أنا بشكرك على تجربتك دى وربنا يزيدك تقدم ورقى بعزيمتك القويه دى وأحلى حاجه ف كلامك كله لما قولت إنك أول ما دخلت الجامعه مكنتش فاهم حاجه ف المناهج ودى حاجه طبيعيه جدا لكن للأسف ممكن تغير مسار بعض الطلبه اللى عنهم تردد والحمد لله إنك لفت نظرنا للنقطه دى وإن شاء الله نستفيد وبشكرك مره تانيه على مجهودك الرائع...
|
جميع الأوقات بتوقيت GMT +2. الساعة الآن 01:00 AM. |
Powered by vBulletin® Version 3.8.11
Copyright ©2000 - 2024, Jelsoft Enterprises Ltd.