![]() |
كل ما يخص اختبار كلية السياحة والفنادق (للطلبة الجدد)
انا عملت الموضوع ده مخصوص عشان نفيد الطلبة الراغبين فى دخول كلية السياحة والفنادق والموضوع ده عشان اختبار القبول فى الكلية هو عامة سهل والمعظم بيتقبل فيه والاختبار ده بيبقى عبارة عن ثلاث لجان : لجنة السمات الشخصية والمظهر - لجنة اللغات وبيسألك عن نفسك بالانجليزى ودخلت الكلية ليه وحاجات تانية كده - لجنة المعلومات العامة وهى سهلة عن العواصم والعملات والاماكن السياحية اللى فى مصر يعنى بتتكلم عن معلوماتك العامة عن السياحة .
وعلى فكرة الاختبار بيتغير من جامعة لجامعة ومن سنة لسنة يعنى مثلا جامعة اسكندرية اختبارها بيبقى عام لكل الاقسام اما المنصورة بتختار القسم اللى انت عايز تدخله وتخش تعمل الانترفيو بتاعه . وسامحونى يا جماعة لو كنت غلط فى حاجة لانى قديم فى الكلية وكمان اتمنى لو حد يعرف معلومات جديدة مثلا لسه داخل سنة تانية يقول عمل اية فى الاختبار عشان الطلبة يستفيدوا وميروحوش وهما معلوماتهم بيضة . وعموما الاختبار سهل |
معلش يا اسلام هتقل عليك طب واللي بطيخ في الانجليزي ممكن يعدي مع العلم اني ناوي احسن مستواي كتير بس بعد ما ادخل الكلية علشان مش هلحق قبل الاختبار
|
بص يا باشا اختبار الانجليزى بيبقى اسهل اختبار ومبيسقطش فيه الا الابيض خاااااااالص يعنى مثلا سألوك اتكلم عن نفسك وده سؤال اساسى وده سهل ومثلا وظيفة والدك وبرضو ممكن يقولك انت عايز تخش الكلية دى ليه دى حاجات لازم تكون جاهز لها وتكون بتنطق الكلمات صح يعنى الـspelling
|
ومتخافش هما محدش بيسقط الا اللى مش عارف حاجة فى اى حاجة , هما بيراعو برضو اللى احنا تعبنا عشان ندخل الكلية دى
|
لو سمحت يا اسلام انا بتاع معهد المطرية انا روحت مكتب التنسيق والحمد الله اتأكدت ان مجموعي يدخلني الكلية مستريح بس انا عايز اعرف الاختبارات دي قبل التقديم في التنسيق ولا بعد وكمان الالتحاق بيبقا تبع التوزيع الجغرافي ولا المجموع ولا اية الحكاية انا اسف مرة تالتة علي الازعاج وشكرا
|
اقتباس:
والالتحاق بيكون تبع التوزيع الجغرافى وايضا بيكون تبع المجموع يعنى لو انت جايب مجموع سياحة وفنادق حلوان بتدخلها لو قريبة منك ولو مش جايبها تدخل مثلا الاسماعليلة او المنصورة بمعنى بيكون الاقرب فالاقرب ومرة تانية بقول الانترفيو ده روتينى وربنا يوفقكم |
شكرا جدا يا اسراء وجزاك الله كل خير
|
لوسمح يا اسلام انا مخلصة 3 ثانوى السنة دى وجايبة82 مجموع و38 فى e بس انا بتكلم e كويس بس ماليش فى القواعد ونفسى الحق سياحة ولو فى الاسماعيلية وانا من المنزلة
|
للاسف 82% مجموع قليل عن كلية السياحة والفنادق , بس مجموعك فى الانجليزى يدخلك سياحة وفنادق
بس تنسيق الادبى هينزل السنة دى فاكتبى كل الجامعات اللى فيها كلية سياحة وفنادق ولو ملحقتيش سياحة ادخلى تجارة بقى وخلاص |
السلام عليكم ورحمة الله و بركاته:-
انا عندى استفسار صغير عن اللغات فى كلية سياحة وفنادق. روحت سالت فى جامعه المنصورة قالوا ان مفيش غير ايطالى وانجليزى وكمان لازم تاخد كورس عشان تبقى كويس فيهم فانا عاوز اعرف بالنسبة لجامعات التانية مثلا:- 1-اسكندرية فيها لغات ايه؟ 2-الاسماعليه؟ 3-حلوان؟ ويترى كمان ما بيتعمقوش فى اللغة برضه وشكرااااااااااا |
اقتباس:
وجامعة المنصورة فعلا مفيهاش غير انجليزى وايطالى وده لانها لسه فاتحة سنة 2007 قريب يعنى اما الاسكندرية فيها اللى انت عايزة كله فرنساوى وايطالى واسبانى وايطالى ولغات تانية الصراحة مش فاكرها لانى فى المنصورة واللغات دى فى حلوان والاسماعيلية برضو . |
انا جايب 87 ف تالتة فعايز اعرف سياحة وفنادق اسكندرية هتقبلنى ولا لآ ؟
ولو مقبلتنيش ممكن احول ف نفس السنة لاسكندرية؟ وشكرااااا ع المعلومات اللى فووووق |
اقتباس:
ولو مجتلكش سياحة وفنادق الاسكندرية ينفع تحول فى نفس السنة لجامعة الاسكندرية عن طريق تقليل الاغتراب ومتخافش انت مجموعك حلو بالنسبة للسنة دى فى الادبى يدخلك سياحة وفنادق اسكندرية ان شاء الله |
طيب انا جايبة 88.1اختبار القبول فى الكلية ده بعد ما بروح الكلية جامعة حلوان هم بيحددو الانترفيو وانا هناك ولا بيكلمونى ولا ايه؟؟؟؟؟؟؟؟
|
اختبار الانترفيو بعد ما تطلع نتيجة تنسيق المرحلة الاولى وانتى بتاخدوى اوراقك وتروحى الكلية وهيدوكى ميعاد للانترفيو تيجى فيه
|
جميع الأوقات بتوقيت GMT +2. الساعة الآن 04:56 AM. |
Powered by vBulletin® Version 3.8.11
Copyright ©2000 - 2024, Jelsoft Enterprises Ltd.