كلية اللغات والترجمة
 

[السلام عليكم ورحمة الله
انا كنت عايزة اعرف حد هنا في كلية لغات وترجمة جامعة الازهر
وياريت لو حد فيها يقول عشان نفيد بعض
وربنا يوفقنا جميعا الى مايحبه ويرضاه :)

اولا شكرا لمرورك العطر
ثانيا هى دى مش اشاعه دى حقيقه وانا كنت فعلا ثانويه عامه ومن اوائل الجمهوريه ادبي ودخلتها لانها احسن من ألسن بكتير جدا جداا وهى فعلا بتعلم اللغه بطريقه ممتازة بس هي بتقبل طلبه ثانويه عامة في كلية البنات لكن كلية البنين لا اعتقد انها بتقبل طلبة ثانويه عامة وان شاء الله المرات القادمة هبقى انزل معلومات عن الكليه
وشكرا مرة اخرى لمرورك الذى اسعدنى:)

هى شروطها عاديه جدا كالاتى:
قواعد وشروط القبول بشعبة اللغات الأوربية وآدابها والترجمة الفورية(انجليزى- فرنسى) بكلية الدراسات الإنسانية بالقاهرة بالنسبة للطالبات الحاصلات على الشهادة الثانوية العامة من اى من القسمين الادبى والعلمى .
(أ) أن تكون الطالبة حاصلة على الشهادة الثانوية العامة أو ما يعادلها من اى من القسمين الادبى والعلمى بنسبة لا تقل عن 85% من المجموع الكلى للدرجات وتحتسب درجة النجاح فى مادة المستوى الخاص فى اللغة الأجنبية الأولى فقط ضمن درجات المجموع الكلى للطالبة طبقا لما هو معمول به بالجامعات .
(ب) أن تكون اللغتان الأجنبيتان اللتان درستهما الطالبة فى الشهادة الثانوية العامة أو ما يعادلهما . هما بالتحديد (الإنجليزية والفرنسية)
(ج) إلا تقل الدرجة الحاصلة عليها الطالبة فى مادة اللغة الأجنبية الأولى عن 85% من النهاية العظمى المخصصة لها.
(د) تكون أولوية القبول للطالبات المتقدمات طبقا لترتيب المجموع الكلى لدرجة الطالبة فى امتحان الشهادة الثانوية العامة مضافا إليه درجات الطالبة الحاصلة عليها فى مادة اللغة الأجنبية الأولى فى الشهادة الثانوية العامة – وتحتسب درجة نجاح مادة المستوى الخاص فى اللغة الأجنبية فى شهادة الثانوية (إن وجدت) ضمن درجات المجموع الكلى للطالبة وفقا للمعمول به فى الجامعات . وفى حالة التساوى فى هذا المجموع الكلى للطالبة وفقا للمعمول به فى الجامعات. وفى حالة التساوى فى هذا المجموع تكون الأسبقية للطالبة الأعلى فى درجة مادة اللغة الأجنبية الأولى.
وسيتم ترشيح الحاصلات على الثانوية العامة من القسم العلمى فى حدود 40% من عدد الطالبات المرشحات من القسم الادبى .
(هـ) تقضى الطالبات الحاصلات على الشهادة الثانوية العامة أو ما يعادلها المرشحات للقبول بهذه الشعبة سنة دراسية تأهيلية تعدها الجامعة خلال العام الجامعى 2002/2003 يتلقين فيها دراسات إسلامية وعربية ولا يسمح للطالبة بالقيد بالفرقة الأولى بالشعبة إلا بعد نجاحها فى الامتحان الذى تجريه الجامعة على دورين فى نهاية العام الدراسى للسنة التأهيلية المذكورة وتمنح الطالبات الراسبات فى هذا الامتحان فرصة أخرى واحدة يعدن فيها السنة التأهيلية دراسة وامتحانا فيما رسبن فيه وتفصل بعدها من الجامعة من ترسب للمرة الثانية فى الدورين وإلا يعاد ترشيحها لاى كلية من كليات الجامعة.
- أما الطالبات اللائى يستنفدن مرات الرسوب بإحدى فرق النقل بالشعبة المذكورة بقسميها(انجليزى - فرنساوى) لهن الحق فى إعادة قيدهن بإحدى كليات الجامعة .

شكرا لمرورك العطر الذى أسعدنى كثيرا
وان شاء الله اشارك في هذا القسم لانى اتشرف بالدراسه في جامعة الازهر:)

ياريت حد يفهمنا نظام الكلية فيها ايه والقرأن د ايه في السنه

والمواد الشرعيه اللي فيها والاجنبيه

وحزاكم الله خيرا

أولا هى الكلية بالنسبه للبنات خمس سنوات
اول سنه بالنسبه لطلبة الثانوية العامه بيدرسوا مواد شرعيه الى جانب القرآن
اول سنه بياخدوا ثلاثة اجزاء فقط عم وتبارك وقد سمع .
بعد كدا بتزيد الكمية
وبالنسبه للغات لطلبة الثانويه العامة اجبارى انجلش وفرينش لكن طلبة الثانويه الازهرية مفتوح قدامهم اى لغة فيه عبري والمانى
ولو أى سؤال انا موجودة:)

ايه ده اللغات والترجمة أحسن من الالسن
أنا عايز الرغبة الاولى هندسة
والتانية ترجمة فورية بس مش عارف مش مطمن ناحية الرغبة دى ليه
ربنا يستر

بص فعلا ترجمة فوريه احسن من السن بجداااااااارة وانا فضلتها على السن
ثانيا مش هتندم الدراسه فيها ممتعه وهتتخرج وانت متقن اللغه اللى متخصص فيها
يلا اى سؤال تانى وانا ف الخدمة:d

جزاكى الله كل خير اختى أمة الرحمن ع افادتك زملائك
وياريت ان شاء الله لو عندك مواضيع تفيد القسم تبقى تنزليها
لان بجد كان نفسى اعمل له حاجة
بس انا لا ازهرية ولا افقه فى كليات الازهر شىء بتاتا
ربنا يكرمك ويوفقك باذنه تعالى ،، :)

على فكرة الكلية ديه اكتر من رائعة اختي الكبيرة كانت فيها و اتخرجت منها بتقدير جيد جدا مع مرتبة الشرف
و الدكاترة فيها كمان اغلبهم متعاونين

و انا احيانا كنت بسعدها في المذاكرة ;) كنت بطلعلها الكلمات من القاموس :)

و اي استفسار انا في الخدمة صحيح امة الرحمن عملة الوجب و زيادة بس زيادة الخير خيرين :)

و جزاك الله خيرا على هذا الموضوع في ناس كتيييييييير متعرفش حاجة عن الكلية دي مع ان مستقبلها كبير جدا

و ياريت يبقى مكانها مش في جامعات الازهر لان الناس مش هتعرف انه ينفع ثانوي عام يدخلها

شكرا ليكي hkk-happy
بجد مرورك اسعدنى جدا وشكرا لمتابعتك
وان شاء الله هبقي انزل موضوعات عن جامعات الازهر باذن الله
بارك الله فيكي:)

اهلا بيكى وطبعا تشرفي الموضوع وفعلا زيادة الخير خيرين
اما بالنسبه للكليه فهى فعلا اكثر من رائعه ومستقبلها باااااااااااااااااهر واحسن من ألسن بكتير
بندرس فيها كل انواع الترجمه ترجمه سياسيه واسلاميه وقانونيه وفوريه وده مش موجود في اى كليه تانيه
بجد ياريت الطلبه يفروا فيها لانها رائعه والحمد لله ربنا هدانى انى ادخلها مع ا ن ألسن كانت متاحه قدامى لكن فضلتها عن ألسن
ونورتينى مرة اخرى ananoo:)