|
للصيادلة فقط ادخلو هنا!!
السلام عليكم ورحمة الله وبركاته
بصوا يا جماعة انا هقولكوا على موضع مضحك شوية دلوقتى كان فى نقاش على المنتدى هنا فى كلية العلوم جه جزء فى النقاش انا عن نفسى ضحكنى جدا مبدئيا خريجى العلوم ناوين يعملوا اضراب وقضية وحاجة كدة علشان عاوزين ياخدوا لقب دوكتر مع انى مش عارفة هيعملوا اضراب فى ايه بالظبط !! بس المهم هما فى نفس الوقت طبعا ناس منهم ويمكن الكلام كدب الله واعلم عاوزين يرفعوا قضية على الصيادلة انهم يتسحب منهم لقب دكتور !! ومعتقدين ان احنا مش من حقنا نشتغل فى التصنيع فى شركات الادوية مع ان دة عصب المهنة اضافة اخيرة بتوع العلوم برضه شايفين انهم احسن من دكاترة البشرى او بيساوهم لانهم بيدرسوا اربع سنسن بس وبعد كدة يعملوا دبلومة سنة ويتخرجوا يفتحوا معامل تحاليل ولكن الطبيب البشرى بيدرس حوالى عشر سنين علشان يفتح معمل خدوا بالكوا لحسن بعد كدة يطالبوا بانهم يلغوا قسم التحاليل من بشرى دة تحذير من فاعلة خير:022yb4: انا بس عاوزة اعرف رأى الدكاترة فى الموضوع دة ؟؟؟ |
ههههههههههههههههههههههههه
فعلاً كلام يضحك ههههههههههههههههههههههههه |
هي مشكلة اللقب يعني :d
ماهو السباك بيتقالوا يا دكتور صحيح اخصائي صرف صحي بس مش مشكله :d يعني اللقب مش مهم اوي بس دا ميمنعش ان العالم دي مسلية حبتين :d |
سبحان الله عليكى بجد
ع فكرة ده كلام طبيعي جدا جدااا من واحدة بتدفع علشان تحصل على اللقب ده :) ويا رب نفضل نضحكك كتير يلا بنية ادخال السرور ع قلب مسلم يا ريهام.. |
سبحان الله انتى مالك بتعلم خاصة ولا حكومى كل البنات صحابى رمينا الكليات الحكومية ودخلنا الخاصة فضلناها
انتى ايه اللى مضايقك فى كدة بس لو حابة روحى قدمى انتى كمان !!! والله فعلا العالم دى مسلية اوى والحمد لله انى بقدر ادخل الفرحة على قلب مسلم |
ده ع اساس ان الكليات الحكومية رضيت بيكوا
|
لاإلاه إلا الله يا جماعة إه اللى جرى
|
اقتباس:
بصراحة اللي يدفع فلوس عشان يتعلم يبقي مش عيبة ف حقة ولا حرام علية اقتباس:
|
على فكرة اخويا هندسة خاصة
بس هو ميقدرش يروح يقول لبتوع علوم جيولوجيا مثلا انتوا متستحقوش تبقوا مهندسين ومينفعش ابدا يسخف منهم او يحتقرهم وده اللى اعتبرته ريهام حقها وكلامى ليها يا دكتور ناتج عن كلامها معانا ف موضوع ف قسمنا و اى حد هيشوف نفسه علينا علشان شوية فلوس فده اكيد من احساسه بالنقص مش اكتر كلامى موجه لريهام ولكم احترامى |
يا حبيتى نقص ايه وبتاع ايه بس
انتى مش واخدة بالك انا رميت ورقى فى الحكومى فى كلية العلوم وروحت قدمت صيدلة خاصة ايه النقص فى كدة يا براءة انتوا بدافعوا عن كليتكوا وفى نفس الوقت طلعتونا زبالين !! طيب دة يرضى حد وبعدين انتى قاعدة فى اكتوبر اهو يعنى عارفة ان لو فى اى حد قاعد فى اكتوبر حتى لو جاله طب طنطا هيدخل خاصة علشان البهدلة بس متستغربيش احنا بنحسبها كدة ويا حبيبتى احنا لو حبينا نتكلم عن النقص هنلاقى ان المواضيع اللى انتوا عاملينها كلها تدل على النقص فى حين انى اعرف شخصيات محترمة اوى فى علوم بس للاسف مش كلهم وزى ما قولتلك مرة انا مش هسمح لنفسى انى اتكلم عن حد بسخرية او احتقار لان مينفعش اتكلم كدة اصلا !! بس يمكن انتى اللى حسيتى بكدة ودى مش مشكلتى وبرضه اختلاف الرأى لا يفسد للود قضية وطبعا انا مؤيدة كلام dr cheetah لان وجهة نظره سليمة وبرضه انا محترمة وجهة نظرك !! بس حكاية كليات حكومية رضيت بيكوا دى اللى متعرفيهوش ان جامعتنا بتاخد بشرى من 95% والاسنان والصيدلة من 92% و 90% والسنةاللى فاتت كانت واخدة من 94% صيدلة واسنان و96%بشرى ومتستغربيش لو قلتلك انى السنة دى جايبة 94% بس الجامعات الخاصة دى بتنفع اوى الناس اللى اتظلمت فى الثانوية العامة فهمتينى .؟ |
ربنا يشفيكو جميعا على فكره انا لسه داخل صيدله حكوميه بس عشان تعرفوا أنا رأيي أن الخاص ميستحئش يحمل لقب دكتور أيه السبب حضرتك في ناس بتبئا فارئه معاهم صيدله على وحد من عشره مبيدخلوش لانهم غير مقتدرين على دفع مصاريف الخاص وفي ناس بتجيب 70 في الميه ويدخلوا فده حرام وبطلوا شكل زي العيال الصغيره أنا بحب شوف فعلا بنات بيشدوا في شعر بعض بس مبيتناقشوش
|
وناس كتير من اللى اتظلموا ف ثانوية عامة
واللى فرقت معاهم صيدلة ولاهندسة على نص درجة هم دول اغلبية علوم و على فكرة انى متصرفتش زيك مش مبرر ع انى مش قادرة انا اخويا هندسة خاصة وربنا يوفقه فيها كون انى قررت اكمل ف علوم ده ليه مليون بعد ولاهداف ف دماغى مع ان الاسهل والارخص كمان انى اروح اى جامعة جنبنا وده اللى كانوا عاوزينه ف البيت بس انا مرتاحة لقرارى ومندمتش يوم عليه ومش معنى انك عرفتى تعوضى ظلمك ده بشكل ما انك تروحى تكلمى ناس مروا بنفس ظروفك بالشكل ده احنا الحمد لله دخلنا علوم و بفضل الله كلنا واثقين ان دى اكتر كلية محترمة ف مصر يا ريهام لما تدخلى هتشوفى ان نص الدكاترة اللى عندك علميين مش صيادلة ومن غير علوم ودكاترة مفيش ولا كلية علمية تنفع تبقي دراستها وافية وانا مقلتلكيش انكوا زبالين ولا قلتلك انتى مينفعش تبقي دكتورة خلى بالك انك اللى خدتى الموضوع ده ع كرامتك اوى ودخلتى ف العلميين كلهم عموما انا لا يعنينى انى اكون دكتورة لان لما يتقال عليا انى من فئة العلميين او العلماء ده احسنلى ويرضي غرورى اكتر بمليون مرة و على فكرة انا مدينة جامعية ومقيمة ف مبنى صيدلة الصيادلة مبيدرسوش ربع اللى بندرسه ده لو هتكلم عن الكمية واخرهم الضهر وبيروحوا احنا قبل 8 متلاقيلناش محاضرات خلصانة علوم الكلية الوحيدة الجادة اللى ف مصر وافتخر انى منها كلمة اخيرة قولى الحمدلله وراعي غيرك مش معنى انك دخلتى صيدلة انك بقيتى دكتورة متعرفيش ممكن يحصلك ظروف ايه تعيدك كام سنة فيها يا ستى مبروك ليكى بس اهدى ع الناس اللى متفرقش عنك ف اى حاجة علشان ربنا يكرمك ويباركلك في كليتك وتفضلى مبسوطة منها كده ع طول |
ربنا يهدى الجميع
|
طيب بجد حاجه ممتعه وانا شايف اتنين بيشردحوا لبعض على المنتدى بصراحه حاجه تفرح هو ده جيل المستقبل بجد ربنا يكرم وشوف بعيني حاجه زي كده في الكليه
|
انتو بجد عالم كميله اوي :d
بصوا باختصار مش اي واحد خريج كلية طب او كلية صيدليه او حتي علوم ممكن نقول عليه دكتور سواء كانت جامعه خاصه او عامه الطب ببساطه نوع من الممارسه والخبرات المكتسبه ومعلومات طبيه كمان مش اي شخص بيمتلك معلومات طبيه يبقي دكتور الموضوع بيفرق ف مهاره الممارس وخبرته الكلية اكيد بيبقي ليها دور ومهم كمان بس الاهم الفتره اللي بعد الكلية والدرجات العلمية اللي بعدها واكيد الخبره المكتسبه من العمل باماكن محترمه بس :d |
| جميع الأوقات بتوقيت GMT +2. الساعة الآن 02:55 PM. |
Powered by vBulletin® Version 3.8.11
Copyright ©2000 - 2024, Jelsoft Enterprises Ltd.