دكاترة المستقبل
 

لو سمحتوا ياللى داخلين اولى طب ممكن نتعرف على بعض على اساس ان احنا لسة فى اول المشوار
كل واحد يقول هو داخل طب ايه ولو عنده اى معلومات عن اولى طب او اى استفسار يقوله علشان كلنا نستفيد

انا هبدا
ان شاء الله انا داخله طب الزقازيق
انا كان نفسى فى طب عين شمس بس التوزيع الجغرافى خلانى اروح الزقازيق
ع العموم الحمد لله انى هدخل طب اصلا

العفو :blush:

ما شاء الله , الف مبروك :)

ده انا بقى كده فاشل

انا جايب 98.8 ونفسى ف طب القاهره

بس انا ف اسماعيليه والتوزيع الجغرافى بقى ربنا ياخده

انا اسمى رانيا
جايبة 100%
ان شاء اللة طب طنطا
قولوا لى بتعملوا اية دلوقتى استعدادا للكلية

السلام عليكم ورحمة الله وبركاته
كل عام وانت بخير
انا ان شاء الله طب اسكندرية لو فى نصيب لان نتيجة التنسيق لسه بكره ان شاء الله
بس انا خايفة قوى من طب

السلام عليكم ..

أحب أنضم ليكم ...

أخوكم عمر من الدقهلية ...

إن شاء الله طب المنصورة ...

بالنسبة لمشوار طب .. طبعا فيه 6 سنين دراسة .. أول 3 سنين مواد أكاديمية يعنى تشريح ، فسيولوجى ، بيو ، فارما ، هستولوجى يعنى مواد تعرفك تركيب الجسم ووظايفه والتفاعلات الكيميائية الحيوية والكلام ده ... وبعدين 3 سنين مواد إكلينيكية يعنى الأمراض والأعراض والعلاجات و الجراحات و هكذا ... وبعدين فيه سنة امتياز بتبقى عبارة عن تدريب فى مستشفى ...
زى بالظبط الميكانيكى أول حاجة بيتعلمها أجزاء العربية و بعدين أسباب العطل وازاى يصلح وبعدين يخش بقى فى العملى ..

أنا عايز أعرف بقى بعد التخرج ايه النظام .. ولو باختصار شديد يعنى انا اسمع تكليف و تخصص وكلام من ده يا ريت حد يوضحلنا النقط دى ... وفى انتظار التفاعل

انا حسه ان مشوار الطب ده طويل
ونفسى ابرده اعرف بع السبع سنين دول ايه ؟
ومتى ممكن اقدر اشتغل خصوصا انى نفسى اسافر
انا اهم حاجة عندى مت الشغل ؟؟؟

انا سارة ان شاء الله طب اسكندرية

اهلا بيكو ياجماعه
انا ان شاء الله طب الزقازيق
اسمي امينه وجايبه 99.5

أنا ملاحظ أن معظم المشاركات لبنات أمال لاه بيقولوا ان البنات مبيخشوش طب ;);););)....
بسم الله ما شاء الله