![]() |
نفسى ادخل طب اما هموت نفسى
عندى طبعا خمس مواد العربى والانجليزى والرياضة والكيمياء والفرنساوى نفسى فى الطب البشرى حلم العمر بالنسبالى والرد على كل المشككين فيا انا من ابتدائى كنت شاااااااااااطر اوى لحد اول ثانوى مستويا هبط بطريقة غريبة جدا وعشان اثبت نفسى حططنى تحت ضغط رهيب مع نفسى قبل اسرتى والناس بس انا داخل على الترم التانى فى تانية ثانوى وحاسس ان حلمى هيضيع زى حلم الكورة ولو ضاع الطب من ايدى هاعيش بقية عمرى محبط عديم الثقة بنفسي حتى ادخل طب واقعد فيها مليون سنة بس مستويا مش مريحنى خالص |
بلاش تشتت تفكيرك
يعني ركز في حاجه وحده وهي ازاي اوصل لهدفي وش هتعوز اكتر من انك تعمل اللي عليك وبعدين بلاش نبرة التشاؤم اللي بتتكلم بيها دي وتأكد دايما ان اللي ربنا بيكتبهولك هو الخير اكيد ولو لا قدر الله محصلش نصيب في اللي نفسك فيه فـ انت ممكن تثبت نفسك في اي مجال بلاش نخرج عن الموضوع .. المهم انت ذاكر بتركيز حتى لو مش هتذاكر كميه كبيره بس اهم حاجه اللي تذاكره تكون مركز فيه وفاهمه و خد الامور ببساطه كدا متعقدهاش لو كل يوم هتذاكر مادتين العربي خليك على صله بيه طول السنه عشان يبقى سهل عليك في الاخر الانجلش والفرينش والرياضه حل فيهم كتيييير والكيميا طبعا ذاكرها اول بأول وان شاء الله ربنا هيوفقك ويكتبلك اللي انت عاوزه .. |
شكراااااااااااااااااااااااااااااااااااااااااااا بس احل مشكلة السرحان فى نص المذكرة
|
والله وانا كمان
بس كل لما انقص في اي مادة بتخيل اني بنقصها في اخر السنة وبقول ازاي ها ادخل طب |
اعمل اللى عليك وخلى الباقى على ربنا واسال مجرب
|
1- عاوز اقوللك مش معنى ان مستواك هبط في اولى ثانوي انك مش هتفلح...ممكن ده عشان زيادة كم المناهج والمعلومات القيمة اللي فيها 2- بلاش خالص خالص حتة الضغط النفسي..او بمعنى ادق متخلهوش يخوفك ويحبطك ممكن يكون في ضغط ده وارد..لكن حاول تذاكر بفهم وتركيز عشان تستفاد 3- من اهم النصايح في المذاكرة اقرأ الموضوع مرة بفهم بعدين ابدأ ذاكره..وحاول حاول تراجع اللي تذاكره على الاقل لو في امتحان في الدرس تكون مذاكر 4- دايما حل اسئلة وتمارين كتير على قد ماتقدر..ومتهملش دليل التقويم..حل امتحانات سابقة..حتى لو مش مخلص مذاكرة مية في المية. 5- اخيرا انا ملاحظ انك متأثر بالكورة..متخلهاش تضيع وقتك الحكاية تنظيم وقت..عشا تطلع من عنق الزجاجة على خير ان شاء الله ربنا يخترلك الخير ونشوفك دكتور كبير |
استعن بالله ركز فى المزكرة وخلى طموحك قدامك وارمى قلقك و خوفك وراءك ركز فى المذاكرة
|
شكراااااااااااااااااااااااااااا جميعا شكرا بس مشكلة النسيان الفظيعة ده اللى بعانى منها
|
انا احمد من دمياط ادعووووووووووووووووووولى اخش طب اسنان هموت واخشها
|
ربنا معاكو كلكوا وان شاء الله تدخلوا اللى طول عمركوا بتحلموا بيه |
اقتباس:
الاصرار في اني اعمل اللى عليا لكن مش في النتيجة علشان دي مش بايدي بالطريقة دي ممكن تتصدم لو لا قدر الله ربنا مقدرش اللى ربنا يعمله كويس بس في نفس الوقت الثقة في الله الحل الوحيييد بالتوفيق |
اقتباس:
|
اولا اعمل ايه اذاكر النهاردة و اصحى الصبح ناسى يعنى حضرتك دلوقتى اذاكر ومليش دعوة علومة دخلت ولا لا ان وصلت لحد unit8 فى الانجليزى وبرجع من يونت واحد خاسس انى اول مرة اشوفه فى حياتى هتعب اوى وبحس ان كل اللى بعمله ليس له قيمة فما معنى انى اشتغل دون فايدة انا وصلت لشهر يناير والوقت بيجرى يعتى فاضل اربع شهور بالمرجعات بحل الامتحانات
|
يانغم عندك حل لمشكلة النسيان بلييييييييييييييييييييييييييييييز
|
حكاية النسيان الاول متنساش دعاء بداية المذاكرة والاهم لما تخلص قول دعاء نهاية المذاكرة داوم على الاستغفار شكوت الى وكيع سوء حفظي...فأرشدني الى ترك المعاصي واخبرني بان العلم نور...ونور الله لا يهدى لعاصي حاول ميشغلش تركيزك حاجة وبلاش حكاية اخطف واجري في المذاكرة خااالص مهمة جدا يعني اقرا بتركيز لو خلصت صفحة في نص ساعة احسن متعيد فيها كل يوم ومتحفظهاش...فهمت قصدي طبعا التكرار للمعلومة مهم...يعني خلص صفحة وحاول بسرعة تسمع لنفسك ايه اللي فيها حتى لو عناوين ربنا يكرمكم ان شاء الله |
جميع الأوقات بتوقيت GMT +2. الساعة الآن 02:46 AM. |
Powered by vBulletin® Version 3.8.11
Copyright ©2000 - 2024, Jelsoft Enterprises Ltd.