![]() |
لو كنت وزير التربيه والتعليم ايه افكارك لتطوير التعليم
دائما ياتي وزير التربيه والتعليم من خارج الوزاره لم يدخل فصل لم يحتك مع الطلاب رجل اكاديمي يضع أفكار جميله لاكنها غير قابله للتطبيق العملي .
هذا المكان مخصص لافكار الساده المدرسين كل من عنده فكره لتطوير التعليم. ليتم مناقشتها هنا والتعرف علي أمكانيه تطبيقها عمليا ومدا أفاده العمليه التعلميه منها. ارجو من الساده المشرفين تثبيت الموضوع . |
افكاري
انا لو وزير التربيه والتعليم هلغي مجانيه التعليم بعد الابتدائيه .
بعد الابتدائيه هيكون التعليم منحه ل50% من الطلاب فقط . يعني لو المدرسه فيها 100 طالب هاخد 50 اصرف عليهم واعلمهم . كلام ممكن يكون غريب علي المجتمع بتعنا الي اتعود علي كل حاجه تجيله سهله لغايه ما قيمتها بتروح . نشوف الدوله بتصرف علي خريج التجاره والعلوم والحقوق وغيرها كام ويطلعو يعملو في غي مجالهم . طيب احنا لما نوفر المصاريف دي مش هيستفاد الجميع . 1- الي هيكمل هيلاقي تعليم ممتاذ تخيل فصل الاعدادي بدل ميكون 40 طالب هيكون عشرين . 2-هيمنع الغش تماما لانها مسابقه داخليه لاني هاخد نصف الي في نفس المدرسه . 3-بعض من لم يتمكنو من اللحاق بالتعليم المجاني هيلجاء للتعليم الخاص وده هينعش الاقتصاد وهيوجد عدد من المدارس الخاصه وفرص عمل لخريجي التربيه . 4- هيكون فيه ألتزام في المدارس لان الي هيعمل مشكله هيتحرم من المنحه التعلميه . 5-الي هيخرج بعد المرحله الابتدائيه هتكون امامه الفرصه لتعلم حرفه واتقانها وهو صغير وليس الانتظار للتخرج من الجامعه للتعليم وطبعا في هذا السن يكون اصلا ليس هناك قابليه لتعليم الحرفه . 6- الخريجين من الجامعات سيقلون الي النصف مما يوجد فرص العمل في تخصصهم بدون وسطه . 7-وده المهم جدا اصبح التعليم في مصر الان رغم مجانيته الشكليه للقادرين فقط . من يستطيع الصرف علي الدروس الخصوصيه يجد فرصه في كليات القمه ومن لايستطع فليكتفي بأدنا التعليم يعني العمليه فلوس مش قدرات فرديه بين الطلاب . 8-سيظهر من تاني العمال المهره لان العمل سيتعلم المهنه من صغره من سن 13 عام مش من سن 22 عام بعد تخرجه من الجامعه بيتعلم المهنه عام وبعدين يعمل اسطي ويعمل وحده وهو امامه الكثير ليتعلمه . اخيرا انا عايز اسمع اراء ومن يجد عيب في هذا الكلام وهذا وارد ارجو ان يطلعني عليه وسأقوم باللرد . |
الادارة حاجبة لمشاركتى
|
لو كنت وزير سأقوم بتقليل النفقات لطبع الكتب
يتم عمل مسابقة لأفضل الطلاب سنوياً لمن حافظ على الكتاب المدرسى نظيف لأنه سيتم أخذه و استعماله مرة آخرى لطلاب جدد تفعيل الجودة و الاعتماد حقيقى و ليس على الورق فقط تفعيل دور المكتبة المدرسية فى المواد المختلفة التوسع فى استخدام معامل الوسائط المتعددة ربط الطلاب بالبيئة المحيطة و الخارجية الاهتمام بقيمة المعلم مهنياً وتربوياً و اقتصادياً تفعيل دور رجال الاعمال من خلال المشاركة المجتمعية إذكاء روح الألفة و الحب بين الطلاب والإدارة المدرسية و المعلمين ربط المناهج قدر المستطاع بالبيئة ( الزراعية - الصناعية .......إلح )ليلبى التعليم فرص العمل للخريجين و لا يكون هناك عاطلين |
لو كنت وزير سأقوم بتقليل النفقات لطبع الكتب
يتم عمل مسابقة لأفضل الطلاب سنوياً لمن حافظ على الكتاب المدرسى نظيف لأنه سيتم أخذه و استعماله مرة آخرى لطلاب جدد تفعيل الجودة و الاعتماد حقيقى و ليس على الورق فقط تفعيل دور المكتبة المدرسية فى المواد المختلفة التوسع فى استخدام معامل الوسائط المتعددة ربط الطلاب بالبيئة المحيطة و الخارجية الاهتمام بقيمة المعلم مهنياً وتربوياً و اقتصادياً تفعيل دور رجال الاعمال من خلال المشاركة المجتمعية إذكاء روح الألفة و الحب بين الطلاب والإدارة المدرسية و المعلمين ربط المناهج قدر المستطاع بالبيئة ( الزراعية - الصناعية .......إلح )ليلبى التعليم فرص العمل للخريجين و لا يكون هناك عاطلين |
لوكنت وزيرا للتعليم ووجدت هذا الك من الانهيار الاخلاقى بالمدارس لاصدرت قرار بوقف الدراسة لمدة عام وتفرغ جميع العاملين بالمدرسة لتقويم السلوك واكساب اللاخلاق الحميدة
وحرمان اى مدرس يصدر من لاى لب لدية سلوك غير محبوب من الحوافز الاخلاق قبل العلم لان الاخلاق تساهم فى بناء انسان فاضل يتسلح بالعمل فيعمل العمل الصالح اما العلم بدون اخلاق يساعد الفرد فى عمل الشر ونشر الفساد ايهما نختار اولا ؟ |
لو كنت وزيرا للتعليم
لأعدت الهيبة للمعلم الذى ضاعت هيبته ليس بالماديات فالكادر عمل على تحسين أحوال المعلمين ولكن معنويا بتفعيل دور النقابة فى الدفاع عن حقوق ابنائها وأيضا عدم الإلتفات للشكاوى الكيدية من أولياء الأمور وأيضا تجريم الدروس الخصوصية وطبع الكتب الدراسية على نمط الكتب الخارجية حتى يقبل عليها الطلاب من التنويع فى أسئلتها العمل على تقليل الكثافة فى الفصول وذلك بالنزول للمدارس وبناء أجنحة للمدارس التى بها كثافة وليس ببناء مدارس فى الجبال ونقول عملنا على تقليل الكثافة يوجد مدارس كل فصل فيها به 10 تلاميذ ومدارس أخرى بها ما بين 65 و 75 تلميذا وكذلك الغاء الوجبة المدرسية التى تأتى فى نهاية العام |
السلام عليكم
انا اخالفك الراى ازاى نلغى المجانيه انا لو وزير هعمل زى محمد على ما عمل الهرم التعليمى هعدلة واجيب مدربين ومعلمين صح وابدا من جديد واطورالمدارس واعدل الوظائف والوزارة كلها هتتغير هجيب جيل جديد بفكر جديد |
كرتك فى الغاء مجانية التعليم فكرة عملية جدا وتحل مشاكل الاهمال والغش لدى الطلاب
لكنها فكرة طبقية نوعا ما لأن الفقراء سيحول فقرهم دون تعلم الكثيرين منهم ربما لأن منهم المشغول بالعمل بجانب تعليمه او لأن الأغنياء سيملكون ثمن الدروس فربما التفوق بينما يمتنع التفوق عن النسبة الأكبر من الأكثر فقرا أما بالنسبة لميزة تقليل أعداد خريجى الجامعة فهى ليست ميزة لأن مصر مطالبة بزيادة أعداد خريجى الجامعات المصرية حيث تسبقنا اسرائيل فى نسبة خريجى الجامعة بالنسبة لخريجى الجامعات المصرية أما الوزير فعليه الإستفادة من هذه العقول النابضة التى فكرت وقدمت أفكارا فى غاية الروعة للتعليم كل ما أطلبه مزيد من الاحترام للمعلم حتى نكون مجتمع اخلاقى فيسمو مجتمعنا ويرتقى وان الطالب الذى يتطاول على المعلم يكون جزائه الفصل النهائى من التعليم وتوفير نفقات المستشارين التى تصل لملايين لبناء مدارس اكثر للقضاء على كثافة الفصول والقضاء على المدارس الفترتين... لأصدرت مشروع قرار لمجلس الشعب بجعل الكادر بسنوات الخبرة لأنها أكثر عدالة وليس بربطها بالدرجة المالية لأصدرت قرار بمنح العاملين بالتربية والتعليم حوافز المحليات لأنها حقهم وعلى وزير المالية توفير الاعتمادات اللازمة وليس عرقلة الصرف لساويت بين العاملين جميعا فى الامتحانات بنفس النسب لا يفرق بينهم الا عدد الأيام للقضاء على الفجوة الرهيبة بين العاملين بالكنترولات وباقى المعلمين .... |
منحه
اقتباس:
لاكن بعد ذالك لازم يكون هناك فروق فرديه . عندما تصرف الدوله علي التعليم يعتبر هذا استسمار . |
انا لو وزير التربيه والتعليم اجيب قنبله وارميها على الشعب المصرى ليموت كل من تعدى 10 سنوات ( انا اول من يموت ) وابدأ من جديد فى ارثاء وتعليم الاطفال عادات وتقاليد الشعب المصرى الاصيل لانه للاسف الموجودين حاليا ليس الشعب المصرى فهم خليط من الغرب على الشرق عالجنوب بدون هويه او عادات او اى شىء
|
شكرا للاستاذ اسامة على هذا الاثراء للمنتدى فهذه الموضوعات جديرة بالطرح والمناقشة
|
اولا فين مجانية التعليم اللي عايز تلغيه استاذ اسامة ؟
ولو لغيت المجانية المزعومة اعرف ان 50% متفوقين صحيح لكن في 50% التانية اللي محسبتهاش هيكونوا محششين وبلطجيه ثانيا لو كنت وزير التعليم 1 الاهتمام بالمعلم اهتمام كامل ماديا معنويا وتوفير كافة الوسائل التعليمة وعمل دورات تدريبية لحث المعلم لتغيير اسلوب التعليم والتعلم لان المعلم هو اهم جزء في نجاح التعليم " يعني ريحوه ماديا ونفسيا" 2 بناء المدارس بشكل مكثف للحد من الكثافة داخل الفصول لان بجد بقت مشكله اكتر من 60 تلميذ لا التلميذ هيستفيد ولا المعلم هيقدر يعطي اهتمام كامل للكل 3 الاهتمام بوجبه للتلاميذ لان الفقرا الله يعين اطفالهم تركيزهم بيقف بعد الحصة التالته وده قرار سبقته لنا بريطانيا بعد ما كان هيسبب مشكله لرئيس الوزراء بلير بسبب الاهمال في فائدة الوجبه مش زينا اصلا مفيش 4 التشديد في المسائل القانونية يعني مش كل مدرس يعمل مصيبة في مصر ينقلوه لاسوان مش اعارة هي 5 التشديد على الدروس الخصوصية ومعاقبة المدرس ماديا واداريا ويامسهل يمكن سكون في امل في يوم |
لاشك ان الموضوع يحمل بعض الحلول من وجهة نظر السيد اسامة البنا ولكن ليس كل .... وهناك اراء مخالفة تظهر خطأ هذا الرأى فى بعض النواحى ....فلو كان الموضوع منباب الدردشة والتسلية ..فخيرا اما ان كان من باب انك وجدت الغائبة .... واتيت بالفريد فلا؟؟؟؟؟؟؟ فالوزارة بها العقول الفذة والقادرة والوطنية المصرية هذة الافكار لا تغيب عنها ولكن يأخى ...........؟؟؟؟؟؟؟؟ انت تعلم ان هذا الكلام لا مودى ولاجايب .......؟؟؟؟؟ والوزارة ودن من طين وودن من عجين وكأنك يابوزيد ما غازيت فالازمة ليست ازمة افكار ولكن ازمة دين ؟؟؟؟ ازمة ضمير؟؟؟؟ ازمة استقلالية ؟؟ظ؟ ازمة علمانية؟؟؟؟ازمة تبعية عمياء ؟؟؟؟؟
|
السلام عليكم
اكيد استاذ اشرف الافكار كتيرة وموجوده بس مين الى ينفذ اكيد احنا نقدر نغير واكيد ان شاء الله لان الافكار لازم من حد ينفذها ويكون مقتنع بيها واحنا اولى بالتنفيذ ده والاقتناع لاننا مدرسين عايشين الواقع التعليمى وعايزه اقول انا اى فكرة بدات صغيرة كان بتتنفذ بايمان من حملها واقتناعه بيها وياريت يكون عندنا الايمان والرغبة فى التغير نطالب بحقوقنا ونوصل صوتنا مش نسكت على اساس ان الوزارة وطن طين وعجين وما ضاع حق وراؤة مطالب صح ولا ايه ياجماعة واى فكره دايما بيكون ليها اعداء ومضللين وساعات بيكونوا اقوى ولكن الحق دايما بينتصر بس المهم الايمان والاقتناع وعدم التخاذل والتاريخ يقول كده مين كان يصدق ان عسكرى فلاح مصرى عرابى يطالب ويوقف امام الملك واظن انه مكنش متوافر عنده كل الامكانيات الى عندنا و ا لثورة وجمال عبد الناصر وكل دول كانوا ناس ابسط منا لكنهم كان عندهم ايمان بالفكرة واقتناع ورغبة فى التغيروصدق واتقان فى العمل واهم حاجه مش انانين دايما بيبصوا لمصلحة غيرهم وزى ما بيقولوااول الغيث قطرة يعنى ياريت الى يشوف غلط يتكلم ويوصل صوته ويعبر ويطالب بحقه حتى لو قليل واعرف حقوقك وقبلها واجباتك حاجه اخيرة مجانية التعليم دى مش هبه ولا فضل يتفضل احد علينا بيه ولكن ده حق لكل مواطن الدستور يكفله وبعدين دى اموالنا لازم نطالب بيها وحقنا طبعا الى احنا مش عارفينه مش معنى مجانية انها ببلاش ولا حسابهم كله من دمنا قناة السويس والاموال العامه والضرائب والخصومات عشان كده انا ضد الغاء المجانية لانها حق وبيرجع لاصحابةولو جزء منه ويكون حرم علينا لو لغيناه |
جميع الأوقات بتوقيت GMT +2. الساعة الآن 07:37 AM. |
Powered by vBulletin® Version 3.8.11
Copyright ©2000 - 2024, Jelsoft Enterprises Ltd.